‘നമുക്കു സത്യസ​ന്ധ​രായ ആളുകളെ ആവശ്യ​മാണ്‌’

ഇന്നത്തെ ലോക​ത്തിൽ സത്യസന്ധത അപൂർവ​മാണ്‌. എങ്കിലും, അതു ക്രിസ്‌ത്യാ​നി​കൾക്ക്‌ അടിസ്ഥാ​ന​പ​ര​മായ ഒരു യോഗ്യ​ത​യാണ്‌. പൗലൊസ്‌ എഴുതി: “ഞങ്ങൾ സകലത്തി​ലും സത്യസ​ന്ധ​രാ​യി പെരു​മാ​റാൻ ആഗ്രഹി​ക്കു​ന്നു.” (എബ്രായർ 13:18, NW) ഇതായി​രു​ന്നു ഇറ്റലി​യി​ലെ ഫേൻസ​യി​ലുള്ള യഹോ​വ​യു​ടെ സാക്ഷി​ക​ളി​ലൊ​രു​വ​ളായ വിൽമ ചെയ്യാൻ ആഗ്രഹി​ച്ചത്‌.

തന്റെ നഗരത്തി​ലെ ഒരു സൂപ്പർമാർക്ക​റ്റി​നു പുറത്തു​വെച്ച്‌ അവൾക്കൊ​രു പേഴ്‌സ്‌ കളഞ്ഞു​കി​ട്ടി. എന്നാൽ വൻതുക അടങ്ങിയ ആ പേഴ്‌സ്‌ ഉടമസ്ഥനു തിരി​ച്ചു​കൊ​ടു​ക്കാ​നാ​യി അവൾ ഒരു “മടിയും കൂടാതെ” പൊലീ​സിൽ ഏൽപ്പി​ക്കു​ക​യാണ്‌ ചെയ്‌ത​തെന്ന്‌ ഈൽ റെസ്‌തോ ദെൽ കാർലീ​നോ എന്ന പത്രം വിവരി​ക്കു​ന്നു.

ഇതറിഞ്ഞ മേയർ, വിൽമ​യ്‌ക്ക്‌ നന്ദിപ​റ​ഞ്ഞു​കൊണ്ട്‌ ഒരു ഹ്രസ്വ കുറിപ്പ്‌ അയച്ചു. അദ്ദേഹം എഴുതി: “ഈ അതിവി​ശിഷ്ട പ്രവൃ​ത്തി​ക്കു ഞാൻ, നഗരത്തി​ന്റെ പേരിൽ, നിങ്ങൾക്കു ഹൃദയം​ഗ​മ​മാ​യി നന്ദി പറയുന്നു. നമ്മുടെ കുലീന നഗരമായ ഫേൻസ​യിൽ നല്ലവരും സത്യസ​ന്ധ​രു​മായ ആളുകളെ ആവശ്യ​മാണ്‌.”

നല്ല പ്രവൃ​ത്തി​കൾ അറിയ​പ്പെ​ട്ടാ​ലും ഇല്ലെങ്കി​ലും, സത്യസ​ന്ധ​രാ​യി​രി​ക്കാൻ നാം എല്ലായ്‌പോ​ഴും യത്‌നി​ക്കണം. വിശുദ്ധ തിരു​വെ​ഴു​ത്തു​കൾ ഉദ്‌ബോ​ധി​പ്പി​ക്കു​ന്ന​തു​പോ​ലെ, “ഞങ്ങൾ ദൈവ​ത്തി​ന്റെ മുമ്പാകെ മാത്രമല്ല മനുഷ്യ​രു​ടെ മുമ്പാ​കെ​യും ശരിയാ​യതു ചെയ്യാൻ ശ്രമി​ക്കു​ന്നു.”—2 കൊരി​ന്ത്യർ 8:21, ദ ജറുസ​ലേം ബൈബിൾ.