ദൈവ​വ​ച​ന​ത്തി​ന്റെ വിദ്യാർഥി​കൾ ബിരു​ദം​നേ​ടു​ന്നു

ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കളെ അനുക​രി​ക്കുന്ന യഹോ​വ​യു​ടെ സാക്ഷികൾ വീടു​തോ​റു​മുള്ള പ്രസം​ഗ​വേ​ല​യ്‌ക്കു പേരു​കേ​ട്ട​വ​രാണ്‌. വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ 102-ാമത്‌ ക്ലാസ്സിന്റെ ബിരു​ദ​ദാന പരിപാ​ടി​യു​ടെ പ്രാരംഭ പരാമർശങ്ങൾ ഈ വേലയ്‌ക്കു മുൻതൂ​ക്കം കൊടു​ത്തു.

1997 മാർച്ച്‌ 1. യഹോ​വ​യു​ടെ സാക്ഷി​ക​ളു​ടെ ഭരണസം​ഘാം​ഗ​മായ ആൽബർട്ട്‌ ഷ്രോഡർ ഫ്രഞ്ച്‌ പത്രി​ക​യായ ല പ്വാനിൽ അടുത്ത​യി​ടെ വന്ന ഒരു ലേഖനം ശ്രദ്ധയിൽപ്പെ​ടു​ത്തി. റോമൻ കത്തോ​ലിക്ക സഭ ഇറ്റലി​യിൽ വീടു​തോ​റും പ്രസം​ഗ​വേല തുടങ്ങാൻ പരിപാ​ടി​യി​ടു​ന്ന​താ​യി അതു വെളി​പ്പെ​ടു​ത്തി. “[വത്തിക്കാൻ മിഷന​റി​മാർ] യഹോ​വ​യു​ടെ സാക്ഷി​ക​ളു​ടെ കളത്തിൽ വെറും​കൈ​യോ​ടെ ഇറങ്ങേണ്ട സ്ഥിതി​വി​ശേഷം ഉണ്ടാകാ​തി​രി​ക്കാൻ വിശുദ്ധ മർക്കൊ​സി​ന്റെ സുവി​ശേ​ഷ​ത്തി​ന്റെ പത്തു ലക്ഷം പ്രതികൾ അച്ചടി​ക്കാൻവരെ വത്തിക്കാൻ ഏർപ്പാ​ടു​കൾ ചെയ്‌തി​രി​ക്കു​ക​യാണ്‌. കാരണം വീടു​തോ​റു​മുള്ള സുവാർത്താ ‘സമർപ്പണ’ത്തിൽ തങ്ങളുടെ സംഘത്തി​നു വിദഗ്‌ധരെ [സാക്ഷി​കളെ] നേരി​ടേ​ണ്ടി​വ​രു​ന്നു,” പ്രസ്‌തുത ലേഖനം പ്രസ്‌താ​വി​ച്ചു.

ദൈവ​വ​ച​നം പ്രചരി​പ്പി​ക്കു​ന്ന​തിൽ യേശു​വി​ന്റെ വിദഗ്‌ധ പ്രസം​ഗ​രീ​തി​കൾ അനുക​രി​ക്കു​ന്ന​വ​രിൽപ്പെ​ട്ട​വ​രാണ്‌ 48 ബിരു​ദ​ധാ​രി​കൾ. ന്യൂ​യോർക്കി​ലെ പാറ്റേ​ഴ്‌സ​നി​ലുള്ള വാച്ച്‌ടവർ വിദ്യാ​ഭ്യാ​സ കേന്ദ്ര​ത്തി​ലേക്ക്‌ എട്ട്‌ രാജ്യ​ങ്ങ​ളിൽനി​ന്നെ​ത്തി​യ​വ​രാണ്‌ അവർ. അഞ്ചുമാ​സത്തെ സ്‌കൂൾപ​ഠ​ന​ത്തി​നി​ട​യിൽ, അവർ ബൈബിൾ മുഴു​വ​നാ​യി പഠിച്ചു. ദൈവ​സ്ഥാ​പ​ന​ത്തി​ന്റെ ചരിത്രം, മിഷനറി ജീവി​ത​ത്തി​ന്റെ പ്രാ​യോ​ഗിക വശങ്ങൾ, ദൈവാ​ത്മാ​വി​ന്റെ ഫലങ്ങൾ എന്നിവ ഉൾപ്പെട്ട ഒരു പഠനപ​രി​പാ​ടി​യാണ്‌ അവർക്കു​ണ്ടാ​യി​രു​ന്നത്‌. അവർ അയയ്‌ക്ക​പ്പെ​ടാ​നി​രുന്ന 17 രാജ്യ​ങ്ങ​ളി​ലെ വിദേ​ശ​മി​ഷ​നറി സേവന​ത്തി​നാ​യി അവരെ ഒരുക്കുക എന്ന ഒരൊറ്റ ലക്ഷ്യമാ​യി​രു​ന്നു ഇതി​നെ​ല്ലാം പിന്നി​ലു​ണ്ടാ​യി​രു​ന്നത്‌. 5,015 പേരട​ങ്ങുന്ന ഒരു രാജ്യാ​ന്തര സദസ്സ്‌ അവരുടെ ബിരു​ദ​ദാന ചടങ്ങിൽ പങ്കെടുത്ത്‌ പ്രസ്‌തുത സന്ദർഭ​ത്തി​ന്റെ ആഹ്ലാദം നുകരാ​നെ​ത്തി​യി​രു​ന്നു. ആ ഗിലെ​യാദ്‌ വിദ്യാർഥി​കൾക്ക്‌ അവസാനം എന്തു പ്രാ​യോ​ഗിക ബുദ്ധ്യു​പ​ദേശം ലഭിച്ചു?

പുതു​മി​ഷ​ന​റി​മാർക്കു സമയോ​ചിത പ്രോ​ത്സാ​ഹ​നം

അധ്യക്ഷന്റെ പ്രാരംഭ പരാമർശ​ങ്ങൾക്കു​ശേഷം, ഭരണസം​ഘ​ത്തി​ന്റെ പേഴ്‌സണൽ കമ്മിറ്റി​യി​ലെ ഒരു സഹായി​യായ റാൽഫ്‌ വോൾസ്‌ പുതു​മി​ഷ​ന​റി​മാർക്കുള്ള പ്രാ​യോ​ഗിക ബുദ്ധ്യു​പ​ദേ​ശ​മ​ട​ങ്ങുന്ന ആദ്യത്തെ ഹ്രസ്വ പ്രസംഗം നടത്തി. “സ്‌നേ​ഹി​ക്കാൻ ഓർമി​ക്കു​വിൻ” എന്നതാ​യി​രു​ന്നു അദ്ദേഹ​ത്തി​ന്റെ വിഷയം. ലോകം അധിക​മ​ധി​കം സ്‌നേ​ഹ​ശൂ​ന്യ​മാ​യി​ത്തീ​രു​മെന്ന്‌ ബൈബി​ളിൽ 2 തിമൊ​ഥെ​യൊസ്‌ 3-ാം അധ്യാ​യ​ത്തിൽ മുൻകൂ​ട്ടി​പ്പ​റ​ഞ്ഞി​രു​ന്നു​വെന്ന്‌ അദ്ദേഹം സൂചി​പ്പി​ച്ചു. 1 കൊരി​ന്ത്യർ 13:1-7-ൽ കാണുന്ന സ്‌നേ​ഹ​ത്തെ​ക്കു​റി​ച്ചുള്ള വിവര​ണ​ത്തി​നു ചേർച്ച​യിൽ, അദ്ദേഹം പുതു​മി​ഷ​ന​റി​മാർക്ക്‌ ഈ സമയോ​ചിത ഓർമി​പ്പി​ക്കൽ നൽകി: “മിഷന​റി​മാ​രെന്ന നിലയിൽ നിങ്ങൾ മണിക്കൂർ വിഹി​ത​ത്തി​ലു​മ​ധി​കം പ്രവർത്തി​ച്ചേ​ക്കാം. ഗിലെ​യാദ്‌ പരിശീ​ല​ന​ത്തിൽനി​ന്നു നേടിയ നല്ല പരിജ്ഞാ​ന​സ​മ്പ​ത്തും നിങ്ങൾക്കു​ണ്ടാ​യി​രി​ക്കാം. അല്ലെങ്കിൽ ബ്രാഞ്ച്‌ നിയമ​ന​ങ്ങ​ളിൽ നാം തീക്ഷ്‌ണ​ത​യോ​ടെ ഓവർടൈം ചെയ്‌തേ​ക്കാം. എന്നാൽ നാം സ്‌നേ​ഹി​ക്കാൻ വിസ്‌മ​രി​ക്കു​ന്നെ​ങ്കിൽ നമ്മുടെ ഈ ഉദ്യമ​ങ്ങൾക്കും ത്യാഗ​ങ്ങൾക്കു​മൊ​ന്നും യാതൊ​രു വിലയു​മില്ല.”

പരിപാ​ടി​യു​ടെ അടുത്ത ഭാഗം നിർവ​ഹി​ച്ചത്‌ “യഹോവ നമ്മെ വിജയ​ത്തി​ലേക്കു നയിക്കു​ന്നു” എന്ന വിഷയം അവതരി​പ്പിച്ച ഭരണസം​ഘാം​ഗ​മായ ക്യാരി ബാർബർ ആയിരു​ന്നു. പീഡന​ങ്ങ​ളു​ണ്ടാ​യി​രു​ന്നി​ട്ടും, ഒന്നാം ലോക​മ​ഹാ​യു​ദ്ധ​ത്തെ​ത്തു​ടർന്നുള്ള എളിയ തുടക്ക​ത്തിൽനിന്ന്‌ യഹോ​വ​യാം ദൈവം തന്റെ വിശ്വസ്‌ത ദാസന്മാ​രെ രാജ്യ​ത്തെ​ക്കു​റി​ച്ചുള്ള സുവാർത്താ ഘോഷ​ണ​ത്തിൽ വിജയ​ത്തി​ലേക്കു നയിച്ചി​രി​ക്കു​ന്നു. 1931-ൽ ബൈബിൾ വിദ്യാർഥി​കൾ—അവർ അന്ന്‌ അങ്ങനെ​യാണ്‌ അറിയ​പ്പെ​ട്ടി​രു​ന്നത്‌—ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​വർഗത്തെ അസ്വസ്ഥ​രാ​ക്കി​ക്കൊണ്ട്‌ യഹോ​വ​യു​ടെ സാക്ഷികൾ എന്ന നാമം സ്വീക​രി​ച്ചു. “പരമാ​വധി ആളുകൾക്ക്‌ ആ പാവന നാമ​ത്തെ​ക്കു​റിച്ച്‌ അറിയു​ന്ന​തിന്‌ അവസരം പ്രദാനം ചെയ്യു​ക​യെന്ന മഹത്തായ വേലയിൽ ഒരു വലിയ പങ്കുണ്ടാ​യി​രി​ക്കു​ന്ന​തി​ന്റെ വിശി​ഷ്ട​പ​ദവി ഗിലെ​യാദ്‌ പരിശീ​ലനം ലഭിച്ച മിഷന​റി​മാ​രു​ടെ 102-ാമത്തെ ക്ലാസ്സിന്‌ ഇപ്പോ​ഴുണ്ട്‌,” ബാർബർ സഹോ​ദരൻ പ്രസ്‌താ​വി​ച്ചു. 1943-ൽ 54 രാജ്യ​ങ്ങ​ളി​ലേ പ്രസം​ഗ​വേ​ല​യു​ണ്ടാ​യി​രു​ന്നു​ള്ളൂ. എന്നാൽ ഗിലെ​യാദ്‌ സ്‌കൂ​ളിൽനി​ന്നു പരിശീ​ലനം ലഭിച്ച മിഷന​റി​മാർ ഇന്ന്‌ അത്‌ 233 രാജ്യ​ങ്ങ​ളി​ലേക്കു വ്യാപി​പ്പി​ച്ചി​രി​ക്കു​ന്നു. അത്തരം 7,131 മിഷന​റി​മാ​രു​ടെ നീണ്ട പട്ടിക​യി​ലേക്ക്‌ ഇവരും ചേരു​ക​യാണ്‌.

11-ാമത്തെ ഗിലെ​യാദ്‌ ക്ലാസ്സിൽനി​ന്നു ബിരുദം നേടു​ക​യും ജപ്പാനിൽ 25 വർഷത്തി​ല​ധി​കം മിഷന​റി​യാ​യി സേവി​ക്കു​ക​യും ചെയ്‌തി​ട്ടുള്ള, മറ്റൊരു ഭരണസം​ഘാം​ഗ​മായ ലോയ്‌ഡ്‌ ബാരി​യാ​യി​രു​ന്നു അടുത്ത പ്രസം​ഗകൻ. “ഇതിൽ ഉറെച്ചു​നില്‌ക്ക” എന്ന വിഷയ​ത്തി​ലൂ​ടെ അദ്ദേഹം പ്രോ​ത്സാ​ഹനം നൽകി. “നിങ്ങളു​ടെ സന്തോ​ഷ​ത്തിൽ ഏറിയ​പ​ങ്കും സഹിച്ചു​നിൽക്കു​ന്ന​തിൽനി​ന്നാ​യിരി​ക്കും,” അദ്ദേഹം വിദ്യാർഥി​ക​ളോ​ടു പറഞ്ഞു. മിഷനറി വേലയി​ലോ ഏതൊരു ദിവ്യാ​ധി​പത്യ നിയമ​ന​ത്തി​ലോ സഹിച്ചു​നിൽക്കു​ന്ന​തു​കൊ​ണ്ടുള്ള പ്രതി​ഫ​ല​ങ്ങ​ളെ​ന്തെ​ല്ലാ​മാണ്‌? “എല്ലാറ്റി​ലു​മു​പരി, നമ്മുടെ സഹിഷ്‌ണുത യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ന്നു . . . പരി​ശോ​ധ​ന​യിൻകീ​ഴിൽ നിർമലത കാക്കു​ന്ന​തിൽ വലിയ സംതൃ​പ്‌തി​യുണ്ട്‌ . . . മിഷനറി സേവനം നിങ്ങളു​ടെ ജീവി​ത​നി​യോ​ഗ​മാ​ക്കുക . . . ‘നന്നു’ എന്നൊരു ഹൃദ​യോ​ഷ്‌മ​ള​മായ അഭിന​ന്ദനം നിങ്ങൾക്കു പ്രതി​ഫ​ല​മാ​യി ലഭിക്കും.” (മത്തായി 25:21; സദൃശ​വാ​ക്യ​ങ്ങൾ 27:11) പ്രസം​ഗ​ത്തി​ന്റെ ഉപസം​ഹാ​ര​ത്തിൽ, തങ്ങളുടെ ജീവി​തം​തന്നെ മിഷന​റി​പ്ര​വർത്ത​ന​മാ​ക്കി മാറ്റാൻ ദൃഢചി​ത്ത​രാ​യി​ക്കൊണ്ട്‌ പുതു​മി​ഷ​ന​റി​മാർ “ഇതിൽ ഉറെച്ചു​നി​ല്‌ക്കാ”ൻ ബാരി സഹോ​ദരൻ ഹൃദയം​ഗ​മ​മാ​യി ശുപാർശ ചെയ്‌തു.—1 തിമൊ​ഥെ​യൊസ്‌ 4:16.

അനേകം ഗിലെ​യാദ്‌ ക്ലാസ്സു​ക​ളിൽ പഠിപ്പി​ച്ചി​ട്ടുള്ള കാൾ ആഡംസ്‌ “നിങ്ങ​ളെന്തു കാണും?” എന്ന ചോദ്യം അവതരി​പ്പി​ച്ചു. പുതു​മി​ഷ​ന​റി​മാർ തങ്ങളുടെ നിയമ​ന​ങ്ങ​ളിൽ എന്തു കാണു​മെ​ന്നത്‌ അവരുടെ ശാരീ​രിക കാഴ്‌ച​ശ​ക്തി​യെ മാത്രമല്ല, ഹൃദയ​ദൃ​ഷ്ടി​ക​ളെ​യും ആശ്രയി​ച്ചി​രി​ക്കു​ന്നു​വെന്ന്‌ അദ്ദേഹം സൂചി​പ്പി​ച്ചു. (എഫെസ്യർ 1:18) ഇതിനുള്ള ഉദാഹ​ര​ണ​മാ​ണു വാഗ്‌ദ​ത്ത​ദേശം ഒറ്റു​നോ​ക്കി​യ​പ്പോൾ ഇസ്രാ​യേല്യ ചാരന്മാർ കണ്ടത്‌. 12 ചാരന്മാ​രും ശാരീ​രിക കാഴ്‌ച​പ്പാ​ടിൽനി​ന്നു കണ്ടത്‌ ഒരേ സംഗതി​ത​ന്നെ​യാണ്‌, എന്നാൽ രണ്ടു​പേർമാ​ത്രമേ വാഗ്‌ദത്ത ദേശത്തെ ദൈവ​ത്തി​ന്റെ കാഴ്‌ച​പ്പാ​ടിൽനി​ന്നു കണ്ടുള്ളൂ. മിഷന​റി​മാർക്കും സംഗതി​കൾ വ്യത്യസ്‌ത കാഴ്‌ച​പ്പാ​ടിൽ കാണാ​നാ​കും. അവർ സേവി​ക്കാൻ പോകുന്ന ചില രാജ്യ​ങ്ങ​ളിൽ പട്ടിണി​യും കഷ്ടപ്പാ​ടും ഉണ്ടായി​രു​ന്നേ​ക്കാം, പ്രത്യാ​ശ​യ്‌ക്കു വകയു​മി​ല്ലാ​യി​രു​ന്നേ​ക്കാം. എന്നാൽ അവർ നിഷേ​ധാ​ത്മ​ക​മാ​യി പ്രതി​ക​രി​ച്ചു നിയമനം വിട്ടു​ക​ള​യ​രുത്‌. ആഡംസ്‌ സഹോ​ദരൻ അടുത്ത​കാ​ലത്തെ ക്ലാസ്സിൽനി​ന്നുള്ള ഒരു മിഷന​റി​യു​ടെ പരാമർശം ഉൾപ്പെ​ടു​ത്തി. ആ മിഷനറി പറഞ്ഞതി​ങ്ങ​നെ​യാ​യി​രു​ന്നു: “ഈ അനുഭ​വങ്ങൾ ഞാനി​വി​ടെ​ത്തന്നെ താമസി​ക്ക​ണ​മെന്ന്‌ എന്നെ ബോധ്യ​പ്പെ​ടു​ത്തു​ന്നു. ഈ ആളുകൾക്ക്‌ ഭാവി​യെ​ക്കു​റി​ച്ചുള്ള പ്രത്യാശ ആവശ്യ​മാണ്‌. അവരുടെ ജീവി​ത​ത്തി​നു പുരോ​ഗ​തി​യു​ണ്ടാ​ക്കാൻ ഞാനാ​ഗ്ര​ഹി​ക്കു​ന്നു.” തങ്ങൾക്കു നിയമനം ലഭിക്കുന്ന രാജ്യത്തെ, യഹോവ തന്റെ ആഗോള പറുദീ​സ​യു​ടെ ഭാഗമാ​ക്കാൻ നിശ്ചയി​ച്ചു​റ​ച്ചി​രി​ക്കുന്ന പ്രദേ​ശ​മാ​യി കാണാ​നും അവിടു​ത്തെ ആളുകളെ പുതി​യ​ലോക സമൂഹ​ത്തി​ന്റെ ഭാവി​യം​ഗ​ങ്ങ​ളാ​യി വീക്ഷി​ക്കാ​നും പുതു​മി​ഷ​ന​റി​മാ​രെ പ്രോ​ത്സാ​ഹി​പ്പി​ച്ചു​കൊണ്ട്‌ ആഡംസ്‌ സഹോ​ദരൻ പ്രസംഗം ഉപസം​ഹ​രി​ച്ചു.

പരിപാ​ടി​യു​ടെ ഈ ഭാഗത്തെ അവസാന പ്രസംഗം നിർവ​ഹി​ച്ചത്‌ ഗിലെ​യാദ്‌ അധ്യാ​പ​ക​നാ​കു​ന്ന​തി​നു​മുമ്പ്‌ വർഷങ്ങ​ളോ​ളം മിഷന​റി​വ​യ​ലിൽ സേവി​ച്ചി​ട്ടുള്ള വാലസ്‌ ലിവെ​റൻസ്‌ ആയിരു​ന്നു. “ദൈവ​ത്തി​ന്റെ അത്ഭുത​ക​ര​മായ പ്രവൃ​ത്തി​ക​ളെ​ക്കു​റി​ച്ചുള്ള ഉൾക്കാ​ഴ്‌ച​യോ​ടെ പ്രവർത്തി​ക്കു​വിൻ” എന്നതാ​യി​രു​ന്നു അദ്ദേഹ​ത്തി​ന്റെ വിഷയം. ഉൾക്കാ​ഴ്‌ച​യോ​ടെ പ്രവർത്തി​ക്കു​ന്ന​തിൽ സൂക്ഷ്‌മ​ത​യോ​ടും വിവേ​ക​ത്തോ​ടും സാമാ​ന്യ​ബു​ദ്ധി​യോ​ടും​കൂ​ടെ പ്രവർത്തി​ക്കു​ന്നത്‌ ഉൾപ്പെ​ടു​ന്നു. ഇസ്രാ​യേ​ലി​ലെ ശൗൽ രാജാവ്‌ ചെയ്യാൻ പരാജ​യ​പ്പെട്ട ഒരു സംഗതി​യാ​യി​രു​ന്നു അത്‌.—1 ശമൂവേൽ 13:9-13; 15:1-22.

ഉൾക്കാ​ഴ്‌ച​യോ​ടെ പ്രവർത്തി​ക്കാ​നുള്ള ഒരു വിധം പുതിയ ഭാഷ പഠിക്കു​ന്ന​തും ആളുക​ളു​മാ​യി പരിചി​ത​രാ​കു​ന്ന​തു​മുൾപ്പെടെ പുതിയ ജീവി​ത​രീ​തി​യോ​ടു പൊരു​ത്ത​പ്പെ​ടാ​നുള്ള വെല്ലു​വി​ളി​കൾ സ്വീക​രി​ക്കു​ന്ന​താണ്‌. വെല്ലു​വി​ളി​കൾ സ്വീക​രിച്ച്‌ പ്രതി​ബ​ന്ധങ്ങൾ തരണം ചെയ്യു​ന്ന​തിൽ മിഷന​റി​മാർക്കുള്ള അനുഭ​വങ്ങൾ അവരെ ആത്മീയ​മാ​യി ബലിഷ്‌ഠ​രാ​ക്കും, ദൈവം നിയമി​ച്ചു​കൊ​ടുത്ത പ്രദേശം കീഴട​ക്കി​യ​പ്പോൾ യോശു​വ​യും കാലേ​ബും ബലിഷ്‌ഠ​രാ​ക്ക​പ്പെ​ട്ട​തു​പോ​ലെ.

അഭിമു​ഖ​ങ്ങൾ

പരിപാ​ടി​യു​ടെ തുടർന്നുള്ള ഭാഗം അഭിമു​ഖ​ങ്ങ​ളു​ടെ ഒരു പരമ്പര​യാ​യി​രു​ന്നു. ഹരോൾഡ്‌ ജാക്‌സൻ, രജിസ്‌ട്രാ​റും ദീർഘ​കാ​ല​മാ​യി ഗിലെ​യാദ്‌ സ്‌കൂൾ അധ്യാ​പ​ക​നു​മായ 85 വയസ്സുള്ള യു​ളൈ​സിസ്‌ ഗ്ലാസിനെ അഭിമു​ഖം നടത്തി. വയലി​ലുള്ള അനേകം മിഷന​റി​മാർ വർഷങ്ങൾ നീണ്ട അദ്ദേഹ​ത്തി​ന്റെ വിശ്വസ്‌ത പഠിപ്പി​ക്ക​ലും പരിശീ​ല​ന​വും ഇപ്പോ​ഴും അനുസ്‌മ​രി​ക്കു​ന്നു. അടുത്ത​താ​യി എത്തിയത്‌ മാർക്ക്‌ നൂമർ ആയിരു​ന്നു. ഗിലെ​യാദ്‌ സ്‌കൂ​ളിൽ അധ്യാ​പ​ക​നാ​കു​ന്ന​തി​നു​മുമ്പ്‌ പല വർഷങ്ങൾ ആഫ്രി​ക്ക​യിൽ വിദേ​ശ​സേ​വ​ന​ത്തിൽ ചെലവ​ഴി​ച്ചി​ട്ടുള്ള വ്യക്തി​യാണ്‌ അദ്ദേഹം. അഞ്ചുമാ​സത്തെ സ്‌കൂൾപ​ഠ​ന​ത്തി​നി​ട​യിൽ വിദ്യാർഥി​ക​ളു​ടെ ശുശ്രൂ​ഷ​യെ​ക്കു​റിച്ച്‌ അദ്ദേഹം അവരെ അഭിമു​ഖം നടത്തി. ദൈവ​വ​ച​ന​ത്തിൽ തത്‌പ​ര​രായ ആളുകൾ പ്രാ​ദേ​ശിക വയലി​ലു​ണ്ടെന്നു വ്യക്തമാ​യി പ്രകട​മാ​ക്കു​ന്ന​താ​യി​രു​ന്നു അവരുടെ അനുഭ​വങ്ങൾ.

പിന്നെ റോബർട്ട്‌ സിര​ങ്കോ​യും ചാൾസ്‌ മോല​ഹൊ​നും ആ കെട്ടി​ട​ത്തി​ലുള്ള, ബ്രാഞ്ച്‌ ഭാരവാ​ഹി​കൾക്കുള്ള മറ്റൊരു സ്‌കൂ​ളിൽ പങ്കെടുത്ത അനുഭ​വ​സ​മ്പ​ന്ന​രായ പുരു​ഷ​ന്മാ​രു​മാ​യി സംസാ​രി​ച്ചു. ബിരുദം നേടുന്ന ക്ലാസ്സി​നുള്ള അവരുടെ ഉപദേ​ശ​ത്തിൽ താഴ്‌മ​യു​ള്ള​വ​രാ​യി​രി​ക്കു​ന്ന​തി​ന്റെ​യും സഭാ ഐക്യ​ത്തി​നു സംഭാവന ചെയ്യേ​ണ്ട​തി​ന്റെ​യും ആവശ്യം അവർ ഉൾപ്പെ​ടു​ത്തി. മിഷന​റി​വേ​ല​യിൽ എന്തു സംഭവി​ക്കു​മെ​ന്ന​തി​നെ​ക്കു​റി​ച്ചു ബിരു​ദ​ധാ​രി​കൾക്കു മുൻവി​ധി പാടി​ല്ലെ​ന്നും അതേസ​മയം ഏതു സ്ഥിതി​വി​ശേ​ഷ​ത്തെ​യും നേരി​ടാൻ മനസ്സൊ​രു​ക്കം വേണ​മെ​ന്നും അവർ നിർദേ​ശി​ച്ചു. ഈ ബുദ്ധ്യു​പ​ദേശം ബാധക​മാ​ക്കു​ന്നത്‌ ദൈവ​വ​ചനം പഠിപ്പി​ക്കു​ന്ന​വ​രെന്ന നിലയി​ലുള്ള തങ്ങളുടെ നിയമ​നങ്ങൾ നിർവ​ഹി​ക്കു​ന്ന​തി​നു പുതു​മി​ഷ​ന​റി​മാ​രെ നിസ്സം​ശ​യ​മാ​യും സഹായി​ക്കും.

അവസാ​ന​മാ​യി, ഭരണസം​ഘാം​ഗ​മായ തിയോ​ഡർ ജാരറ്റ്‌സ്‌ “ആർ ആരെ സ്വാധീ​നി​ക്കു​ന്നു?” എന്ന വിഷയ​ത്തെ​ക്കു​റി​ച്ചു സദസ്സി​നോ​ടു പ്രസം​ഗി​ച്ചു. ക്രിസ്‌ത്യാ​നി​ക​ളെന്ന നിലയിൽ നാം ആത്മാവി​ന്റെ ഫലം പ്രകട​മാ​ക്കു​മ്പോൾ, നമുക്കു മറ്റുള്ള​വ​രു​ടെ​മേൽ നല്ല സ്വാധീ​ന​മാ​യി​രി​ക്കാൻ കഴിയു​മെന്ന്‌ അദ്ദേഹം വിശദ​മാ​ക്കി. “ആരോ​ഗ്യാ​വ​ഹ​വും ആത്‌മീ​യ​വു​മായ വിധത്തിൽ ആളുകളെ സ്വാധീ​നി​ച്ചി​ട്ടുള്ള പ്രശം​സ​നീയ ചരി​ത്ര​മാണ്‌ യഹോ​വ​യു​ടെ സ്ഥാപനം അയച്ച മിഷന​റി​മാർക്കു​ള്ളത്‌” എന്ന്‌ അദ്ദേഹം പ്രസ്‌താ​വി​ച്ചു. മിഷന​റി​മാർ വെച്ച നല്ല മാതൃ​ക​യു​ടെ ഫലമായി ദൈവത്തെ സേവി​ക്കാൻ സഹായി​ക്ക​പ്പെ​ട്ടി​ട്ടുള്ള വ്യക്തികൾ പറഞ്ഞ ചില അഭി​പ്രാ​യ​ങ്ങ​ളും അദ്ദേഹം പരാമർശി​ച്ചു. പിന്നീട്‌ അദ്ദേഹം ഇങ്ങനെ ഉപസം​ഹ​രി​ച്ചു: “യഹോ​വ​യു​ടെ ജനം ഉണ്ടാക്കി​യെ​ടു​ത്തി​ട്ടുള്ള സൽപ്പേരു നിങ്ങൾ നിലനിർത്തു​മാ​റാ​കട്ടെ. നിങ്ങളു​ടെ വിദേശ നിയമ​ന​ത്തിൽ അർഹത​യു​ള്ള​വരെ തേടി​ക്കൊണ്ട്‌ വാതി​ലിൽ മുട്ടു​ന്നതു തുടരുക . . . കൂടാതെ നിങ്ങളു​ടെ നേരു​ള്ള​തും ശുദ്ധവു​മായ നടത്തയാൽ ഈ ലോക​ത്തി​ന്റെ ആത്മാവി​നെ ചെറുത്ത്‌ നന്മയ്‌ക്കുള്ള ഒരു സ്വാധീ​ന​മാ​യി യഹോ​വ​യ്‌ക്കു സ്‌തു​തി​യും ബഹുമാ​ന​വും വരുത്തുക.”

പരിപാ​ടി​യു​ടെ സമാപ​ന​ത്തിൽ, അടുത്തും അകലെ​യു​മുള്ള പ്രദേ​ശ​ങ്ങ​ളിൽനി​ന്നുള്ള ആശംസകൾ പങ്കു​വെ​ച്ചിട്ട്‌ അധ്യക്ഷൻ ബിരു​ദങ്ങൾ നൽകു​ക​യും മിഷന​റി​മാ​രു​ടെ നിയമ​നങ്ങൾ പ്രഖ്യാ​പി​ക്കു​ക​യും ചെയ്‌തു. അതിനു​ശേഷം, പ്രസ്‌തുത പഠനം പ്രദാനം ചെയ്‌ത​തി​നു കൃതജ്ഞത പ്രകാ​ശി​പ്പി​ച്ചു​കൊണ്ട്‌ ബിരു​ദ​ധാ​രി​ക​ളി​ലൊ​രാൾ ക്ലാസ്സ്‌പ്ര​മേയം വായിച്ചു. വ്യക്തമാ​യും, 102-ാമത്തെ ക്ലാസ്സിന്റെ ബിരു​ദ​ദാന പരിപാ​ടി സന്നിഹി​ത​രാ​യി​രുന്ന എല്ലാവ​രെ​യും ദൈവ​വ​ചനം പ്രചരി​പ്പി​ക്കു​ന്ന​തിൽ മുന്നേ​റാൻ കൂടുതൽ ദൃഢചി​ത്ത​രാ​ക്കി.

[31-ാം പേജിലെ ചിത്രം]

വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ന്റെ ബിരുദം നേടുന്ന 102-ാമത്തെ ക്ലാസ്സ്‌

ചുവടെ ചേർത്തി​രി​ക്കുന്ന ലിസ്റ്റിൽ, നിരകൾ മുമ്പിൽനി​ന്നു പിമ്പി​ലേക്ക്‌ എണ്ണുന്നു. പേരുകൾ ഓരോ നിരയി​ലും ഇടത്തു​നി​ന്നു വലത്തോ​ട്ടു പട്ടിക​പ്പെ​ടു​ത്തി​യി​രി​ക്കു​ന്നു.

(1) ഡഫി, സി.; അലക്‌സിസ്‌, ഡി.; ഹാർഫ്‌, ആർ.; ലീ, ജെ.; കൊറീ, വി.; നൊർറ്റം, റ്റി.; മൊറാ, എൻ.; ജൊർനറ്റ്‌, എഫ്‌. (2) യൂപ്‌വിക്‌, എൽ.; സിങ്‌, കെ.; ഹാർറ്റ്‌, ബി.; കിർകൊ​റി​യൻ, എം.; ലീ, എസ്‌.; രാസ്റ്റൽ, എസ്‌.; സ്സൂലൻ, കെ.; കോലറ്റ്‌, കെ. (3) സിങ്‌, ഡി.; പീറ്റ്‌ലൂ, ജെ.; പീറ്റ്‌ലൂ, എഫ്‌.; ബോ​കോക്‌, എൻ.; റ്റൊർമ, സി.; മസ്‌ലൊ, എ.; റിച്ചാർഡ്‌സൻ, സി.; നൊർറ്റം, ഡി. (4) ഹാർഫ്‌, ജെ.; ജൊർനറ്റ്‌, കെ.; ബാർബർ, എ.; ലോബർറ്റോ, ജെ.; ലോബർറ്റോ, ആർ.; മസ്‌ലൊ, എം.; മൊറാ, ആർ.; ഹാർറ്റ്‌, എം. (5) റ്റൊർമ, എസ്‌.; രാസ്റ്റൽ, എ.; ഡയസ്‌, ആർ.; ഡയസ്‌, എച്ച്‌.; വൈസ്സർ, എം.; വൈസ്സർ, ജെ.; കിർകൊ​റി​യൻ, ജി.; സ്സൂലൻ, എ. (6) അലക്‌സിസ്‌, ആർ.; ബാർബർ, ഡി.; യൂപ്‌വിക്‌, എച്ച്‌.; ഡഫി, സി.; കോലറ്റ്‌, റ്റി.; റിച്ചാർഡ്‌സൻ, എം.; ബോ​കോക്‌, എസ്‌.; കൊറീ, ജി.