രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

ദൈവ​വ​ച​ന​ത്തി​ന്റെ ശുദ്ധീ​ക​ര​ണ​ശ​ക്തി

പുനര​ധി​വാ​സ​കേ​ന്ദ്ര​ങ്ങ​ളിൽനി​ന്നു പുറത്തു​വ​രുന്ന മയക്കു​മ​രു​ന്നാ​സ​ക്ത​രിൽ അധിക​വും പഴയശീ​ല​ങ്ങ​ളി​ലേക്കു തിരി​യു​ന്ന​താ​യി റിപ്പോർട്ടു ചെയ്യ​പ്പെ​ടു​ന്നു. എന്നാൽ, മിക്ക​പ്പോ​ഴും വൈദ്യ​ശാ​സ്‌ത്ര​ത്തി​നു ചെയ്യാ​നാ​കാ​ത്തതു ദൈവ​വ​ച​ന​ത്തി​നു ചെയ്യാ​നാ​കും. (എബ്രായർ 4:12) മയക്കു​മ​രു​ന്നാ​സക്തി തരണം​ചെ​യ്യാ​നും പിൻവ​രുന്ന ബുദ്ധ്യു​പ​ദേശം ബാധക​മാ​ക്കാ​നും ദൈവ​ത്തി​ന്റെ വചനവും ആത്മാവും അനേകരെ സഹായി​ച്ചി​രി​ക്കു​ന്നു: “നാം ജഡത്തി​ലെ​യും ആത്മാവി​ലെ​യും സകല കന്മഷവും നീക്കി നമ്മെത്തന്നേ വെടി​പ്പാ​ക്കി ദൈവ​ഭ​യ​ത്തിൽ വിശു​ദ്ധി​യെ തികെ​ച്ചു​കൊൾക.”—2 കൊരി​ന്ത്യർ 7:1.

മ്യാൻമാ​റിൽനി​ന്നുള്ള ഒരനു​ഭവം അതു ദൃഷ്ടാ​ന്തീ​ക​രി​ക്കു​ന്നു. വർഷങ്ങ​ളോ​ളം മയക്കു​മ​രു​ന്നാ​സ​ക്തി​യു​മാ​യി മല്ലടിച്ച ഒരാൾ ഇങ്ങനെ വിവരി​ക്കു​ന്നു: “കൗമാ​ര​പ്രാ​യ​ത്തി​ലേ ഞാൻ മയക്കു​മ​രു​ന്നിന്‌ അടിമ​യാ​യി. ആ ശീലമു​പേ​ക്ഷി​ക്കാൻ പല തവണ ശ്രമി​ച്ചു​നോ​ക്കി​യെ​ങ്കി​ലും എനിക്ക​തി​നു കഴിഞ്ഞില്ല. മയക്കു​മ​രു​ന്നു ശീലം നിലനിർത്താൻ ഞാൻ മോഷണം തുടങ്ങി. തത്‌ഫ​ല​മാ​യി, 1988-ൽ എന്നെ ഒരു വർഷ​ത്തേക്കു ജയിലി​ല​ടച്ചു.

“മോചനം ലഭിച്ച​യു​ടനെ ഞാൻ പഴയ സുഹൃ​ത്തു​ക്ക​ളു​മാ​യി സമ്പർക്കം പുതുക്കി. താമസി​യാ​തെ, ഞാൻ വീണ്ടും മയക്കു​മ​രു​ന്നു ശീലത്തി​ലേക്കു തിരിഞ്ഞു. എന്റെ ഈ സ്വവി​നാ​ശക ഗതി നിമിത്തം കുടും​ബാം​ഗങ്ങൾ ഞാനു​മാ​യുള്ള സകല ബന്ധവും വിച്ഛേ​ദി​ച്ചു. അതിനു​പു​റമേ, എന്റെ മത്സരാത്മക സ്വഭാവം സമൂഹ​ത്തി​ലുള്ള സകലരും എന്നെ ഭയപ്പെ​ടാൻ ഇടയാക്കി. അവരും എന്നെ അകറ്റി​നിർത്താൻ തുടങ്ങി.

“അങ്ങനെ​യി​രി​ക്കെ ഒരിക്കൽ, അനിവാ​ര്യ​മാ​യതു സംഭവി​ച്ചു—ഞാൻ അമിത​മാ​യി മയക്കു​മ​രു​ന്നു കഴിച്ചു. വീണ്ടും എന്നെ ജയിലി​ല​ടച്ചു. ഇത്തവണ മൂന്നു​വർഷ​ത്തേ​ക്കാ​യി​രു​ന്നു. ജയിൽ ജീവിതം വളരെ ദുഷ്‌ക​ര​മാ​യി​രു​ന്നെ​ങ്കി​ലും ഞാൻ ഒരു വിധത്തിൽ അതിജീ​വി​ച്ചു.

“ജയിലിൽനി​ന്നു വീട്ടിൽ തിരി​ച്ചെ​ത്തി​യ​ശേഷം, ഞാൻ ചെയ്‌തു​പോയ തെറ്റു​കൾക്കു കുടും​ബാം​ഗ​ങ്ങ​ളോ​ടു ക്ഷമാപണം നടത്തി. അവർ ദയാപു​ര​സ്സരം എന്നെ കൈ​ക്കൊ​ണ്ടു. എന്നാൽ, പഴയ ശീലങ്ങ​ളി​ലേക്കു മടങ്ങാൻ കൂട്ടു​കാർ എന്റെമേൽ സമ്മർദം ചെലുത്തി.

“ഒടുവിൽ, ഒരു പ്രത്യേക ബൈബിൾ സ്‌കൂ​ളിൽ എന്നെ ചേർക്കാൻ മുത്തശ്ശി തന്റെ പ്രദേ​ശത്തെ ഒരു പാസ്റ്റ​റോ​ടു ശുപാർശ​ചെ​യ്‌തു. പാസ്റ്റർ സമ്മതം മൂളി. എങ്കിലും, അതിൽ ഹാജരാ​കു​ന്ന​തി​നു​മുമ്പ്‌, ഞാൻ വാസ്‌ത​വ​മാ​യും ബൈബിൾ പഠിക്കാൻ ആഗ്രഹി​ക്കു​ന്നെ​ങ്കിൽ യഹോ​വ​യു​ടെ സാക്ഷി​ക​ളോ​ടൊ​പ്പം പഠിക്ക​ണ​മെന്ന്‌ എന്റെ അമ്മാവി പറഞ്ഞു. അവർ ഒരു യഹോ​വ​യു​ടെ സാക്ഷി​യാണ്‌.

“ഞാൻ രാജ്യ​ഹാ​ളിൽ ചെന്നു. അവിടെ എന്നെ ഒരാൾക്കു പരിച​യ​പ്പെ​ടു​ത്തി. അദ്ദേഹം എന്നെ ബൈബിൾ പഠിപ്പി​ക്കാ​മെന്നു സമ്മതിച്ചു. ഹാജരാ​യി​രു​ന്ന​വ​രിൽ അനേകർ എന്നെ ഊഷ്‌മ​ള​മാ​യി അഭിവാ​ദനം ചെയ്യു​ക​യും എനിക്കു സ്വാഗ​ത​മ​രു​ളു​ക​യും ചെയ്‌തു.

“ബൈബിൾ പഠിച്ച്‌, ക്രിസ്‌തീയ യോഗ​ങ്ങൾക്കു ഹാജരാ​കാൻ തുടങ്ങി​യ​തോ​ടെ, മയക്കു​മ​രു​ന്നി​നോ​ടുള്ള അഭിനി​വേശം ദൈവ​ത്തോട്‌ അടുക്കു​ന്ന​തി​നുള്ള ആഗ്രഹ​ത്തി​നു വഴിമാ​റി. ഒരു വർഷത്തി​നു​ശേഷം, ജീവിതം യഹോ​വ​യാം ദൈവ​ത്തി​നു സമർപ്പി​ക്കുന്ന ഘട്ടത്തോ​ളം ഞാൻ പുരോ​ഗ​മി​ച്ചു. പിന്നീട്‌, ഞാൻ സമർപ്പണം ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തി.

“അടുത്ത​യി​ടെ, വീടു​തോ​റും പോകവേ ഒരു മുൻകാല മയക്കു​മ​രു​ന്നു സഹകാ​രി​യെ ഞാൻ കണ്ടുമു​ട്ടി. വിസ്‌മ​യാ​വ​ഹ​മായ എന്റെ മാറ്റം അവന്‌ ഉൾക്കൊ​ള്ളാൻ കഴിഞ്ഞില്ല. അതു സാക്ഷീ​ക​ര​ണ​ത്തി​നു വഴിതു​റന്നു. എനിക്ക​ങ്ങനെ രാജ്യ​പ്ര​ത്യാ​ശ​യെ​ക്കു​റിച്ച്‌ അവനോ​ടു സംസാ​രി​ക്കാൻ കഴിഞ്ഞു.

“ഒടുവിൽ ഞാൻ ജീവി​ത​ത്തി​ന്റെ യഥാർഥ ഉദ്ദേശ്യ​വും അർഥവും കണ്ടെത്തി. ദൈവ​സ​ഹാ​യ​വും അവന്റെ വചനത്തി​ലെ ബുദ്ധ്യു​പ​ദേ​ശ​വും നിമിത്തം മയക്കു​മ​രു​ന്നു ദുരു​പ​യോ​ഗ​മെന്ന ദുഷി​പ്പി​ക്കുന്ന ശീലത്തി​ന്റെ നീരാ​ളി​പ്പി​ടു​ത്ത​ത്തിൽനി​ന്നു സ്വയം മോചി​പ്പി​ക്കാൻ മറ്റുള്ള​വരെ സഹായി​ക്കു​ന്ന​തിന്‌ എനിക്കി​പ്പോൾ സാധി​ക്കു​ന്നു.”