മുഴു​സ​മ​യ​സേ​വ​ന​ത്തിൽ സന്തോഷം നിലനിർത്താ​വുന്ന വിധം

ഈ ദൈവ​ര​ഹിത ലോക​ത്തി​ന്റെ അന്ത്യനാ​ളു​ക​ളി​ലാ​ണു നാം ജീവി​ക്കു​ന്ന​തെന്നു ബൈബിൾ പ്രവച​ന​ത്തി​ന്റെ നിവൃത്തി വ്യക്തമാ​യി പ്രകട​മാ​ക്കു​ന്നു. ഇതു മനസ്സി​ലാ​ക്കി​ക്കൊണ്ട്‌ യഹോ​വ​യു​ടെ ദാസൻമാർ തങ്ങൾക്കു ന്യായ​മാ​യും കഴിയു​ന്നത്ര സമയം അവന്റെ രാജ്യ​സു​വാർത്ത പ്രചരി​പ്പി​ക്കു​ന്ന​തി​നാ​യി വിനി​യോ​ഗി​ക്കു​ന്നു. 6,00,000-ത്തിലധി​കം യഹോ​വ​യു​ടെ സാക്ഷികൾ മുഴു​സമയ സേവന​ത്തിൽ പങ്കെടു​ക്കാൻ കഴിയ​ത്ത​ക്ക​വി​ധം തങ്ങളുടെ ജീവി​തത്തെ ക്രമ​പ്പെ​ടു​ത്തി​യി​രി​ക്കു​ന്നു. അവരിൽ ചിലർ പയനി​യർമാർ എന്നു വിളി​ക്ക​പ്പെ​ടുന്ന മുഴു​സമയ രാജ്യ​ഘോ​ഷ​ക​രാണ്‌. ചിലർ വാച്ച്‌ടവർ സൊ​സൈ​റ​റി​യു​ടെ കേന്ദ്ര​കാ​ര്യാ​ല​യ​ത്തി​ലോ അതിന്റെ ബ്രാഞ്ച്‌ ഓഫീ​സു​ക​ളി​ലോ ഉള്ള സ്വമേ​ധയാ സേവക​രായ ബെഥേൽ അംഗങ്ങ​ളാണ്‌. ശേഷി​ക്കു​ന്നവർ മിഷന​റി​മാ​രും സഞ്ചാര​മേൽവി​ചാ​ര​ക​ന്മാ​രു​മാണ്‌.

അന്ത്യകാ​ല​ത്തു “ദുർഘ​ട​സ​മ​യങ്ങൾ വരു”മെന്ന്‌ ബൈബിൾ സൂചി​പ്പി​ക്കു​ന്നു. (2 തിമൊ​ഥെ​യൊസ്‌ 3:1-5) “കിരാ​ത​മായ നിയമിത കാലങ്ങൾ” എന്ന്‌ വിവർത്തനം ചെയ്യാ​വുന്ന ഒരു പദപ്ര​യോ​ഗ​മാണ്‌ ഗ്രീക്കു ബൈബിൾ പാഠം ഉപയോ​ഗി​ക്കു​ന്നത്‌. ആയതി​നാൽ നമ്മുടെ നാളിൽ പ്രശ്‌ന​ര​ഹി​ത​മാ​യൊ​രു ജീവിതം ആരും പ്രതീ​ക്ഷി​ക്ക​രുത്‌. ചില ക്രിസ്‌തീയ ശുശ്രൂ​ഷ​കർക്ക്‌ പ്രശ്‌നങ്ങൾ തികച്ചും ഗുരു​ത​ര​മാ​യി തോന്നു​ന്നു. അതു​കൊണ്ട്‌ അവർ സ്വയം ഇങ്ങനെ ചോദി​ച്ചേ​ക്കാം: ‘എനിക്ക്‌ മുഴു​സമയ സേവന​ത്തിൽ തുടരാ​നാ​കു​മോ, അതോ ഞാൻ നിർത്ത​ണ​മോ?

പയനി​യ​റോ ബെഥേൽ സ്വമേ​ധ​യാ​സേ​വ​ക​നോ സഞ്ചാര മേൽവി​ചാ​ര​ക​നോ മിഷന​റി​യോ എന്ന നിലയി​ലുള്ള സേവന​ത്തെ​ക്കു​റി​ച്ചു പുനർവി​ചി​ന്തനം ചെയ്യാൻ ഒരുവനെ പ്രേരി​പ്പി​ച്ചേ​ക്കാ​വുന്ന സാഹച​ര്യ​ങ്ങൾ ഏവയാണ്‌? ഗുരു​ത​ര​മാ​യൊ​രു ആരോ​ഗ്യ​പ്ര​ശ്‌നം ഉണ്ടായി​രു​ന്നേ​ക്കാം. ഒരുപക്ഷേ പ്രായം​ചെന്ന അല്ലെങ്കിൽ രോഗി​യായ ഒരു ബന്ധുവിന്‌ സ്ഥിരമായ പരിച​രണം ആവശ്യ​മാ​യി​രി​ക്കാം. വിവാ​ഹിത ദമ്പതികൾ ഒരു കുടും​ബ​ത്തി​നു തുടക്കം കുറി​ക്കു​ന്ന​തു​മാ​കാം. അത്തരം കാരണ​ങ്ങ​ളാ​ലോ തിരു​വെ​ഴു​ത്തു​പ​ര​മായ കടമകൾ നിമി​ത്ത​മോ മുഴു​സമയ സേവനം നിർത്തുന്ന ഏതൊ​രു​വ​നും ആ നടപടി​യെ​പ്രതി ലജ്ജി​ക്കേ​ണ്ട​തില്ല.

എന്നാൽ, സന്തോ​ഷ​മി​ല്ലാ​ത്തതു നിമിത്തം ഒരുവൻ മുഴു​സമയ സേവനം നിർത്താൻ ഉദ്ദേശി​ക്കു​ന്നെ​ങ്കി​ലോ? തന്റെ ശുശ്രൂ​ഷ​യോട്‌ ഒട്ടും​തന്നെ പ്രതി​ക​ര​ണ​മി​ല്ലെന്നു കണ്ട ഒരു പയനിയർ ഒരുപക്ഷേ ഇങ്ങനെ ചോദി​ച്ചേ​ക്കാം: ‘വളരെ കുറച്ചു​പേർ മാത്രം ശ്രദ്ധി​ക്കു​ന്ന​സ്ഥി​തിക്ക്‌ ഞാനെ​ന്തിന്‌ ആത്മത്യാ​ഗ​പ​ര​മായ ഈ ജീവി​ത​രീ​തി തുടരണം?’ ഒരു ബെഥേൽ സ്വമേ​ധയാ സേവകന്‌ തന്റെ നിയമ​ന​ത്തിൽ അത്ര സന്തോ​ഷ​മി​ല്ലാ​യി​രി​ക്കാം. അല്ലെങ്കിൽ, പയനിയർ സേവന​ത്തി​ലാ​യി​രി​ക്കു​മ്പോ​ഴത്തെ തുടർച്ച​യായ ആരോ​ഗ്യ​പ്ര​ശ്‌ന​ങ്ങ​ളാ​യി​രി​ക്കാം ഒടുവിൽ ഒരുവന്റെ സന്തോ​ഷത്തെ കാർന്നു​തി​ന്നു​ന്നത്‌. അങ്ങനെ​യു​ള്ള​വർക്കു തങ്ങളുടെ സന്തോഷം എങ്ങനെ നിലനിർത്താ​നാ​കും? പരിച​യ​സ​മ്പ​ന്ന​രായ ചില ശുശ്രൂ​ഷകർ പറയു​ന്ന​തെ​ന്തെന്നു നമുക്കു പരിചി​ന്തി​ക്കാം.

നിരാ​ശയെ തരണം​ചെ​യ്യൽ

സ്വിറ്റ്‌സർലൻഡിൽനി​ന്നുള്ള ആനി 1950-ൽ വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളിൽ സംബന്ധി​ച്ചു. വിദേ​ശത്തു മിഷനറി നിയമനം ലഭിക്കു​ന്ന​തി​നാ​യി അവർ കാത്തി​രു​ന്നു. ബെഥേൽ സേവന​ത്തി​നാ​യി യൂറോ​പ്പിൽ തിരികെ നിയമി​ച്ച​പ്പോൾ അവർ നിരാ​ശി​ത​യാ​യി. എന്നിരു​ന്നാ​ലും, ഭാഷാന്തര വിഭാ​ഗ​ത്തി​ലെ നിയമനം അവർ സ്വീക​രി​ച്ചു, ഇപ്പോ​ഴും ആ ജോലി​ചെ​യ്യു​ന്നു. അവർ തന്റെ നിരാശ തരണം​ചെ​യ്‌ത​തെ​ങ്ങ​നെ​യാണ്‌? “ധാരാളം വേല ചെയ്യാ​നു​ണ്ടാ​യി​രു​ന്നു, ഇപ്പോ​ഴു​മുണ്ട്‌. എന്റെ വികാ​ര​ങ്ങ​ളും മുൻഗ​ണ​ന​ക​ളും ഒന്നും വേലയു​ടെ​യത്ര പ്രാധാ​ന്യ​മു​ള്ളതല്ല,” ആനി വിശദീ​ക​രി​ക്കു​ന്നു.

നമ്മുടെ നിയമ​ന​ത്തിൽ നാം നിരാ​ശ​രാ​ണെ​ങ്കിൽ നമുക്ക്‌ ഒരുപക്ഷേ ആനിയു​ടെ മനോ​ഭാ​വം വളർത്തി​യെ​ടു​ക്കാൻ കഴിയും. നമ്മുടെ വ്യക്തി​പ​ര​മായ മുൻഗ​ണ​നയല്ല പരമ​പ്ര​ധാ​നം. രാജ്യ​സ​ന്ദേശം പ്രചരി​പ്പി​ക്കു​ന്ന​തി​നോ​ടു ബന്ധപ്പെട്ട എല്ലാ വ്യത്യസ്‌ത ഉത്തരവാ​ദി​ത്വ​ങ്ങ​ളും നന്നായി കൈകാ​ര്യം ചെയ്യ​പ്പെ​ട​ണ​മെ​ന്നു​ള്ള​താണ്‌ ഏറ്റവും പ്രാധാ​ന്യ​മർഹി​ക്കുന്ന സംഗതി. സദൃശ​വാ​ക്യ​ങ്ങൾ 14:23 നമ്മോടു പറയുന്നു: “എല്ലാ തൊഴി​ലും​കൊ​ണ്ടു ലാഭം വരും [“ഒരു നേട്ടമുണ്ടാകുന്നു” NW].” നമുക്കു ലഭിച്ചി​രി​ക്കുന്ന നിയമനം എന്തുത​ന്നെ​യാ​യി​രു​ന്നാ​ലും, അതു വിശ്വ​സ്‌ത​മാ​യി നിർവ​ഹി​ക്കു​ന്നത്‌ രാജ്യ​വേ​ല​യു​ടെ പൂർത്തീ​ക​ര​ണ​ത്തി​നു സഹായി​ക്കു​ന്നു. അത്തര​മൊ​രു ദൈവദത്ത വേലയിൽ വലിയ സംതൃ​പ്‌തി, അതേ സന്തോഷം ഉണ്ടായി​രി​ക്കാ​വു​ന്ന​താണ്‌.—1 കൊരി​ന്ത്യർ 12:18, 27, 28 താരത​മ്യം ചെയ്യുക.

മറ്റുള്ള​വ​രു​മാ​യി ഒത്തു​പോ​കൽ

മുഴു​സമയ സേവന​ത്തിൽ—വയൽസേ​വ​ന​ത്തി​ലോ ബെഥേ​ലി​ലോ മിഷനറി ഭവനത്തി​ലോ ആയിരി​ക്കു​മ്പോ​ഴോ ഒരു സഞ്ചാര​മേൽവി​ചാ​രകൻ എന്നനി​ല​യിൽ സഭകൾ ഒന്നൊ​ന്നാ​യി സന്ദർശി​ക്കു​മ്പോ​ഴോ—എല്ലാത്തരം ആളുക​ളു​മാ​യി അടുത്ത സമ്പർക്കം പുലർത്തു​ന്നത്‌ ഉൾപ്പെ​ടു​ന്നു. അതു​കൊണ്ട്‌, സന്തോഷം വലി​യൊ​രു പരിധി​വരെ മറ്റുള്ള​വ​രു​മാ​യി നന്നായി ഒത്തു​പോ​കു​ന്ന​തി​നെ ആശ്രയി​ച്ചി​രി​ക്കു​ന്നു. എന്നിരു​ന്നാ​ലും, ഈ അന്ത്യനാ​ളു​ക​ളി​ലേക്കു മുൻകൂ​ട്ടി​പ്പ​റ​യ​പ്പെ​ട്ടി​രി​ക്കുന്ന ‘കിരാത കാലങ്ങൾ’ മാനുഷ ബന്ധങ്ങളു​ടെ​മേൽ വലിയ സമ്മർദം ചെലു​ത്തു​ന്നു. ഒരു ശുശ്രൂ​ഷ​കന്‌, ആരെങ്കി​ലും തന്നെ അസ്വസ്ഥ​നാ​ക്കി​യി​ട്ടു​ണ്ടെ​ങ്കിൽപ്പോ​ലും സന്തോഷം നഷ്ടപ്പെ​ടു​ന്നത്‌ ഒഴിവാ​ക്കാൻ എങ്ങനെ കഴിയും? ഒരുപക്ഷേ നമുക്കു വിൽഹെ​മിൽനി​ന്നു ചിലതു പഠിക്കാൻ കഴി​ഞ്ഞേ​ക്കും.

1947-ൽ വിൽഹെം യൂറോ​പ്പി​ലെ ഒരു ബെഥേൽ കുടും​ബാം​ഗ​മാ​യി. അതിനു​ശേഷം പയനിയർ വേലയി​ലും സഞ്ചാര​മേൽവി​ചാ​രകൻ എന്നനി​ല​യി​ലുള്ള സേവന​ത്തി​ലും അദ്ദേഹം സമയം ചെലവ​ഴി​ച്ചു. “ശരിയ​ല്ലെന്നു വിചാ​രി​ക്കു​ന്ന​തോ വ്യക്തി​പ​ര​മാ​യി ഉത്‌ക​ണ്‌ഠ​പ്പെ​ടു​ത്തു​ന്ന​തോ ആയ കാര്യങ്ങൾ ഞാനും ഭാര്യ​യും കാണു​മ്പോൾ അതെപ്പറ്റി ഞങ്ങൾ എന്തു വിചാ​രി​ക്കു​ന്നു​വെന്ന്‌ യഹോ​വ​യോ​ടു പറഞ്ഞിട്ട്‌ പരിഹ​രി​ക്കു​ന്ന​തി​നാ​യി കാര്യങ്ങൾ അവനെ ഭരമേൽപ്പി​ക്കു​ന്നു”വെന്ന്‌ വിൽഹെം വിശദീ​ക​രി​ക്കു​ന്നു.—സങ്കീർത്തനം 37:5.

നിങ്ങ​ളോ​ടു അനാദ​ര​വോ​ടെ​യോ ചിന്താ​ശൂ​ന്യ​മാ​യോ സംസാ​രിച്ച ഒരു സഹക്രി​സ്‌ത്യാ​നി​യു​ടെ പെരു​മാ​റ്റം ഒരുപക്ഷേ നിങ്ങളെ ബുദ്ധി​മു​ട്ടി​ച്ചി​രി​ക്കാം. നമു​ക്കെ​ല്ലാ​വർക്കും സംസാ​ര​ത്തിൽ അനേകം പ്രാവ​ശ്യം പിഴവു സംഭവി​ക്കു​ന്നു​വെന്ന്‌ ഓർമി​ക്കുക. (യാക്കോബ്‌ 3:2) അതു​കൊണ്ട്‌, “പ്രാർത്ഥന കേൾക്കു​ന്നവ”നോട്‌ അടുത്തു​ചെ​ല്ലാൻ ഈ സാഹച​ര്യം ഉപയോ​ഗി​ക്ക​രു​തോ? (സങ്കീർത്തനം 65:2) ആ കാര്യ​ത്തെ​ക്കു​റിച്ച്‌ യഹോ​വ​യോ​ടു സംസാ​രി​ക്കുക, എന്നിട്ട്‌ അത്‌ അവന്റെ കരങ്ങളിൽ വിടുക. മാറ്റങ്ങൾ വരുത്താൻ ദൈവം ആഗ്രഹി​ക്കു​ന്നെ​ങ്കിൽ അവൻ അതു ചെയ്യും. മിഷനറി ഭവനങ്ങ​ളിൽ താമസി​ക്കു​ന്നവർ സമാന​മായ പ്രശ്‌ന​ങ്ങ​ളു​ണ്ടാ​കു​ന്നെ​ങ്കിൽ, ഇക്കാര്യം മനസ്സിൽ പിടി​ക്കേ​ണ്ട​താണ്‌. എന്തെന്നാൽ യഹോ​വ​യു​ടെ സേവന​ത്തി​ലെ തങ്ങളുടെ സന്തോഷം നിലനിർത്താൻ ഇതവരെ സഹായി​ക്കും.

ആരോ​ഗ്യം മോശ​മാ​കു​മ്പോൾ

ചുരുക്കം ചിലർക്കേ നല്ല ആരോ​ഗ്യ​മു​ള്ളൂ. ജീവി​ത​ത്തി​ലെ ഏറ്റവും ഊർജ​സ്വ​ല​മായ ഘട്ടം എന്നു വിളി​ക്ക​പ്പെ​ടുന്ന കാലത്താ​യി​രി​ക്കു​ന്ന​വ​രെ​പ്പോ​ലും വിഷാ​ദ​മോ രോഗ​മോ ബാധി​ച്ചേ​ക്കാം. അനാ​രോ​ഗ്യം നിമിത്തം ചിലർ മുഴു​സമയ സേവനം നിർത്താൻ നിർബ​ന്ധി​ത​രാ​കു​ന്നു. എന്നാൽ അതിനു​ശേഷം രാജ്യ​പ്ര​സാ​ധകർ എന്നനി​ല​യിൽ അവർ വളരെ നല്ല വേല​ചെ​യ്യു​ന്നു. എന്നാൽ മറ്റുചി​ലർക്ക്‌ ആരോ​ഗ്യം മോശ​മാ​ണെ​ങ്കി​ലും മുഴു​സമയ സേവന​ത്തിൽ തുടരാൻ സാധി​ക്കു​ന്നു. ദൃഷ്ടാ​ന്ത​ത്തിന്‌ ഹാർട്ട്‌മൂ​ട്ടി​ന്റെ​യും ജിസ്‌ലിൻണ്ടി​ന്റെ​യും കാര്യ​മെ​ടു​ക്കുക.

ഹാർട്ട്‌മൂട്ട്‌-ജിസ്‌ലിൻണ്ട്‌ ദമ്പതികൾ പയനിയർ ശുശ്രൂ​ഷ​യി​ലും മിഷനറി സേവന​ത്തി​ലും സഞ്ചാര​വേ​ല​യി​ലു​മാ​യി 30 വർഷം ചെലവ​ഴി​ച്ചി​രി​ക്കു​ന്നു. അവരി​രു​വ​രും ഗുരു​ത​ര​മായ രോഗ​ങ്ങൾക്കു വിധേ​യ​രാ​യി​ട്ടുണ്ട്‌, അവ ചിലയ​വ​സ​ര​ങ്ങ​ളിൽ അവരെ ശാരീ​രി​ക​മാ​യും വൈകാ​രി​ക​മാ​യും തീർത്തും തളർത്തി. എന്നിട്ടും അവർ ഉത്‌കൃ​ഷ്ട​മായ സേവന​മ​നു​ഷ്‌ഠി​ച്ചി​രി​ക്കു​ന്നു​വെന്നു മാത്രമല്ല സമാന​മായ പരി​ശോ​ധ​നകൾ അനുഭ​വി​ക്കുന്ന മറ്റുള്ള​വരെ പ്രോ​ത്സാ​ഹി​പ്പി​ക്കാ​നും അവർക്കു കഴിഞ്ഞി​രി​ക്കു​ന്നു. എന്ത്‌ ഉപദേ​ശ​മാണ്‌ അവർ നൽകു​ന്നത്‌? “ഭാവി​യി​ലേക്കു നോക്കുക, ഗതകാ​ല​ത്തേക്കല്ല. എല്ലാ സാഹച​ര്യ​വും പരമാ​വധി പ്രയോ​ജ​ന​പ്പെ​ടു​ത്തുക. ഓരോ ദിവസ​വും യഹോ​വയെ സ്‌തു​തി​ക്കാ​നുള്ള ഒരു അവസര​മെ​ങ്കി​ലും കൈവ​ന്നേ​ക്കാം. ആ അവസരം ഉപയോ​ഗ​പ്പെ​ടു​ത്തി അത്‌ ആസ്വദി​ക്കുക.”

ഹാന്നെ​ലോ​റ​യു​ടെ കാര്യം പരിചി​ന്തി​ക്കുക. പയനി​യ​റും മിഷന​റി​യും എന്നനി​ല​യി​ലും ഭർത്താ​വി​നോ​ടൊ​പ്പ​മുള്ള സഞ്ചാര​വേ​ല​യി​ലും ബെഥേൽ സേവന​ത്തി​ലു​മാ​യി 30 വർഷം ചെലവ​ഴിച്ച അവർ അടിക്ക​ടി​യുള്ള രോഗ​ത്താൽ ബുദ്ധി​മു​ട്ട​നു​ഭ​വി​ച്ചി​രു​ന്നു. ഹാന്നെ​ലോറ പറയുന്നു: “യഹോ​വയെ സേവി​ക്കു​ന്നത്‌ എളുപ്പ​മാ​യി​രി​ക്കു​മ്പോൾ മാത്രമേ മനുഷ്യർ അപ്രകാ​രം ചെയ്യു​ക​യു​ള്ളൂ​വെന്ന, സാത്താൻ ഉയർത്തിയ വിവാ​ദ​പ്ര​ശ്‌ന​ത്തിൽ ഞാൻ ശ്രദ്ധ കേന്ദ്രീ​ക​രി​ക്കു​ന്നു. പീഡാ​നു​ഭ​വങ്ങൾ സഹിക്കു​ന്ന​തി​നാൽ, സാത്താന്റെ വാദം തെറ്റാ​ണെന്നു തെളി​യി​ക്കു​ന്ന​തിൽ എനി​ക്കൊ​രു പങ്കുണ്ടാ​യി​രി​ക്കാൻ കഴിയും.” ഇതൊരു ശക്തമായ പ്രചോ​ദ​ന​മാ​യി​രി​ക്കാ​വു​ന്ന​താണ്‌. പരി​ശോ​ധ​ന​യിൻ കീഴി​ലാ​യി​രി​ക്കു​മ്പോൾ നിങ്ങൾ യഹോ​വ​യോ​ടു കാണി​ക്കുന്ന വ്യക്തിഗത വിശ്വ​സ്‌തത അവനു പ്രധാ​ന​പ്പെ​ട്ട​താ​ണെന്ന്‌ ഓർമി​ക്കുക.—ഇയ്യോബ്‌ 1:8-12; സദൃശ​വാ​ക്യ​ങ്ങൾ 27:11.

നിങ്ങളു​ടെ ആരോ​ഗ്യ​ത്തോ​ടുള്ള ബന്ധത്തിൽ സമനി​ല​യോ​ടു​കൂ​ടിയ ഒരു തീരു​മാ​ന​മെ​ടു​ക്കാൻ ശ്രമി​ക്കു​മ്പോൾ, വ്യവസ്ഥി​തി​യു​ടെ സമാപനം സംബന്ധിച്ച യേശു​ക്രി​സ്‌തു​വി​ന്റെ പ്രവച​ന​ത്തി​ന്റെ രണ്ടു വശങ്ങൾ പരിഗ​ണി​ക്കുക. ഒന്നിനു പിറകെ ഒന്നായി ഓരോ സ്ഥലത്തും പകർച്ച​വ്യാ​ധി​ക​ളു​ണ്ടാ​കു​മെന്ന്‌ യേശു മുൻകൂ​ട്ടി​പ്പ​റഞ്ഞു. “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും” എന്നും അവൻ പറഞ്ഞു. (മത്തായി 24:3, 14; ലൂക്കൊസ്‌ 21:11) അന്ത്യനാ​ളു​ക​ളിൽ തന്റെ അനുഗാ​മി​കൾ രോഗ​ങ്ങ​ളു​മാ​യി മല്ലി​ടേ​ണ്ടി​വ​രു​മെന്ന്‌ യേശു​വിന്‌ അറിയാ​മാ​യി​രു​ന്നു. എന്നാൽ പ്രസം​ഗ​പ്ര​വർത്തനം, നല്ല ആരോ​ഗ്യം ആസ്വദി​ക്കു​ന്ന​വ​രാൽ മാത്രമല്ല, മറിച്ച്‌ ഗുരു​ത​ര​മായ രോഗ​മു​ള്ള​വ​രാ​ലും നിർവ​ഹി​ക്ക​പ്പെ​ടു​മെന്ന്‌ അവൻ തിരി​ച്ച​റി​ഞ്ഞു. അനാ​രോ​ഗ്യം ഗണ്യമാ​ക്കാ​തെ മുഴു​സമയ സേവന​ത്തിൽ തുടരാൻ നമുക്കു കഴിയു​ന്നെ​ങ്കിൽ, യഹോ​വ​യു​ടെ നാമ​ത്തോ​ടു നാം കാണി​ക്കുന്ന സ്‌നേഹം അവൻ മറന്നു​ക​ള​യു​ക​യില്ല.—എബ്രായർ 6:10.

പൊതു​ജന ഉദാസീ​ന​ത​യി​ന്മ​ധ്യേ സന്തോഷം നിലനിർത്തൽ

രാജ്യ​പ്ര​സംഗ വേല​യോട്‌ ആളുകൾ പ്രതി​ക​രി​ക്കുന്ന വിധം നമ്മുടെ മനോ​ഭാ​വത്തെ ബാധി​ച്ചേ​ക്കാം. “വീട്ടു​കാ​ര​നു​മാ​യി സംഭാ​ഷണം തുടങ്ങുക ബുദ്ധി​മു​ട്ടാ​ണെന്ന്‌ പയനി​യർമാർക്കു പോലും തോന്നു​ന്നു”വെന്ന്‌ പരിച​യ​സ​മ്പ​ന്ന​നായ ഒരു ശുശ്രൂ​ഷകൻ പറഞ്ഞു. “സന്തോഷം നിലനിർത്താ​നാ​യി നാമെ​ല്ലാം പോരാ​ടേ​ണ്ട​തുണ്ട്‌.” അതേ, പൊതു​ജന ഉദാസീ​നത വയൽസേ​വ​ന​ത്തി​ലെ നമ്മുടെ സന്തോ​ഷ​ത്തി​നു മങ്ങലേൽപ്പി​ച്ചേ​ക്കാം. അതു​കൊണ്ട്‌, പതിവാ​യി ഉദാസീ​ന​തയെ നേരി​ടുന്ന ഒരു പയനി​യർക്ക്‌ എങ്ങനെ സന്തോഷം നിലനിർത്താൻ കഴിയും? പരി​ശോ​ധി​ച്ചു ഫലപ്ര​ദ​മെന്നു തെളിഞ്ഞ പിൻവ​രുന്ന നിർദേ​ശങ്ങൾ പരിച​യ​സ​മ്പ​ന്ന​രായ ശുശ്രൂ​ഷകർ നൽകുന്നു.

ഉദാസീ​നത ഒരു വെല്ലു​വി​ളി​യാ​യി​രു​ന്നേ​ക്കാം, എന്നാൽ അതൊരു പരാജ​യത്തെ അർഥമാ​ക്കേ​ണ്ട​തില്ല. വ്യാപ​ക​മായ ഉദാസീ​നത മുഴു​സമയ സേവനം നിർത്താ​നുള്ള ഒരു കാരണമല്ല. തിരു​വെ​ഴു​ത്തു​ക​ളു​ടെ ഉത്സാഹ​പൂർവ​മായ പഠനത്തി​നു​വേണ്ടി വേണ്ടത്ര സമയം മാറ്റി​വെ​ക്കു​ന്നെ​ങ്കിൽ ഉദാസീ​ന​ത​യിൻമ​ധ്യേ നമുക്കു സന്തോഷം നിലനിർത്താൻ കഴിയും. അത്‌ ‘നമ്മെ എല്ലാ സത്‌പ്ര​വൃ​ത്തി​ക്കും സജ്ജരാ​ക്കു​ന്നു.’ സുവാർത്ത ശ്രദ്ധി​ക്കാ​ത്ത​വ​രോ​ടും സംസാ​രി​ക്കു​ന്നത്‌ അതിൽ ഉൾപ്പെ​ടു​ന്നു. (2 തിമൊ​ഥെ​യൊസ്‌ 3:16, 17, NW) യിരെ​മ്യാ പ്രവാ​ച​കനെ ശ്രദ്ധി​ക്കാൻ ജനങ്ങൾക്ക്‌ ആഗ്രഹ​മി​ല്ലാ​യി​രു​ന്നെ​ങ്കി​ലും, അവൻ പിന്മാ​റി​യില്ല. (യിരെ​മ്യാ​വു 7:27) ക്രിസ്‌തീയ പ്രസി​ദ്ധീ​ക​ര​ണ​ങ്ങ​ളു​ടെ സഹായ​ത്തോ​ടെ ബൈബിൾ പഠിക്കു​മ്പോൾ, വിശ്വാ​സത്തെ ശക്തീക​രി​ക്കു​ക​യും ഉദാസീ​ന​തയെ നേരി​ടാൻ നമ്മെ സഹായി​ക്കു​ക​യും ചെയ്യുന്ന ആശയങ്ങൾക്ക്‌ നാം ശ്രദ്ധനൽകു​ന്നെ​ങ്കിൽ അതു വളരെ​യേറെ പ്രയോ​ജനം ചെയ്യും.

ഉദാസീ​നത ഒരു വെല്ലു​വി​ളി​യാ​ണെന്നു സമ്മതി​ച്ചു​കൊണ്ട്‌, നാം പ്രസം​ഗി​ക്കു​ന്ന​വ​രോ​ടുള്ള നമ്മുടെ മനോ​ഭാ​വം നമുക്കു പരി​ശോ​ധി​ക്കാം. എന്തു​കൊ​ണ്ടാണ്‌ അവർ ഉദാസീ​ന​രാ​യി​രി​ക്കു​ന്നത്‌? ദൃഷ്ടാ​ന്ത​ത്തിന്‌, യൂറോ​പ്പി​ന്റെ ചില ഭാഗങ്ങ​ളിൽ വ്യാപ​ക​മായ ഉദാസീ​ന​ത​യ്‌ക്കുള്ള ഒരു കാരണം വ്യാജ​മ​ത​ത്തി​ന്റെ അപലപ​നീ​യ​മായ ചരി​ത്ര​മാണ്‌. തങ്ങളുടെ ജീവി​ത​ത്തിൽ മതത്തിന്‌ ഒരു സ്ഥാനമു​ണ്ടെന്ന്‌ ആളുകൾ മേലാൽ വിചാ​രി​ക്കു​ന്നില്ല, മതത്തോ​ടുള്ള ബന്ധത്തിൽ യാതൊ​ന്നും ചെയ്യാൻ അവർ ആഗ്രഹി​ക്കു​ന്നില്ല. തൊഴി​ലി​ല്ലായ്‌മ, ആരോ​ഗ്യം, കുറ്റകൃ​ത്യം, അസഹി​ഷ്‌ണുത, പരിസ്ഥി​തി, യുദ്ധഭീ​ഷണി എന്നിങ്ങനെ ആളുകളെ ബാധി​ക്കുന്ന കാര്യ​ങ്ങ​ളെ​ക്കു​റി​ച്ചു സംസാ​രി​ച്ചു​കൊണ്ട്‌ നാം വഴക്കമു​ള്ള​വ​രാ​യി​രി​ക്കേ​ണ്ട​തുണ്ട്‌.

വീട്ടു​കാ​ര​നോ​ടുള്ള നമ്മുടെ പ്രാരം​ഭ​വാ​ക്കു​ക​ളിൽ പ്രാ​ദേ​ശിക താത്‌പ​ര്യ​മുള്ള ഒരു കാര്യം പരാമർശി​ക്കാ​വു​ന്ന​താണ്‌. കാര്യ​മായ വിജയ​മൊ​ന്നും ലഭിക്കാ​തി​രുന്ന ഒരു ഗ്രാമ​ത്തിൽ പ്രസം​ഗി​ച്ചു​കൊ​ണ്ടി​രു​ന്ന​പ്പോൾ ഡിറ്റ്‌മാർ ചെയ്‌തത്‌ അതാണ്‌. തലേദി​വസം ആ ഗ്രാമ​ത്തിൽ ഒരു ദുരന്ത​മു​ണ്ടാ​യെന്ന്‌ ഒരു സ്ഥലവാസി പറഞ്ഞു. അതിനു​ശേഷം എല്ലാ വീട്ടി​ലും ഡിറ്റ്‌മാർ ആ ദുരന്ത​ത്തിൽ തനിക്കുള്ള ആത്മാർഥ​മായ ഖേദം പ്രകടി​പ്പി​ച്ചു. “ഉടൻതന്നെ ആളുകൾ സംസാ​രി​ക്കാൻ തുടങ്ങി,” അദ്ദേഹം പറയുന്നു. “ആ ദുരന്തം എല്ലാവ​രു​ടെ​യും മനസ്സി​ലു​ണ്ടാ​യി​രു​ന്നു. ഞാൻ അവരുടെ ജീവി​ത​ത്തിൽ താത്‌പ​ര്യം പ്രകടി​പ്പി​ച്ച​തു​കൊണ്ട്‌ ആ ദിവസം എനിക്ക്‌ നിരവധി നല്ല സംഭാ​ഷ​ണങ്ങൾ നടത്താൻ കഴിഞ്ഞു.”

ആളുകളെ കണ്ടുമു​ട്ടു​ന്നി​ട​ത്തെ​ല്ലാം നാം അവർക്കു രാജ്യ​സാ​ക്ഷ്യം നൽകേ​ണ്ട​തുണ്ട്‌. അനൗപ​ചാ​രിക സാക്ഷീ​ക​രണം ഫലപ്ര​ദ​മാ​യി​രു​ന്നേ​ക്കാം. ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളിൽ നൽകി​യി​രി​ക്കുന്ന നിർദേ​ശങ്ങൾ ഉപയോ​ഗി​ച്ചു​കൊണ്ട്‌ നമുക്ക്‌ ഈ പ്രവർത്ത​ന​ത്തിൽ നമ്മെത്തന്നെ പരിശീ​ലി​പ്പി​ക്കാ​വു​ന്ന​താണ്‌. സൗഹൃ​ദ​പ​ര​മായ ഏതാനും വാക്കു​ക​ളോ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും പ്രതികൾ വീട്ടു​കാ​രനു സമർപ്പി​ക്കു​ന്ന​തോ സന്തോ​ഷ​മു​ള​വാ​ക്കി​യേ​ക്കാം. നാം മടക്കസ​ന്ദർശ​നങ്ങൾ നടത്തി ഒരു താത്‌പ​ര്യ​ക്കാ​ര​നു​മാ​യി ബൈബി​ള​ധ്യ​യനം തുടങ്ങു​ന്നെ​ങ്കിൽ, “ബൈബിൾ പഠിക്കാ​നാ​ഗ്ര​ഹി​ക്കുന്ന മറ്റാ​രെ​യെ​ങ്കി​ലും നിങ്ങൾക്ക​റി​യാ​മോ?” എന്ന്‌ ചോദി​ച്ചു​കൊണ്ട്‌ നമു​ക്കൊ​രു വിവര​ശേ​ഖ​രണം നടത്താ​വു​ന്ന​താണ്‌. മറ്റൊരു ഭവന​ബൈ​ബി​ള​ധ്യ​യനം തുടങ്ങു​ന്ന​തി​ലേക്ക്‌ ഇതു നയി​ച്ചേ​ക്കാം. എന്തുത​ന്നെ​യാ​യാ​ലും, ഉദാസീ​നത നമ്മെ നിരു​ത്സാ​ഹ​പ്പെ​ടു​ത്താൻ അനുവ​ദി​ക്കു​ന്ന​തി​നു പകരം യഹോ​വ​യിൽ പ്രാർഥ​നാ​പൂർവം ആശ്രയി​ച്ചു​കൊണ്ട്‌ നമുക്കു ക്രിയാ​ത്മക മനോ​ഭാ​വ​മു​ള്ള​വ​രാ​യി​രി​ക്കാം.

മറ്റുള്ള​വ​രിൽനി​ന്നുള്ള പ്രോ​ത്സാ​ഹ​നം

യൂർഗെ​നും ക്രിസ്റ്റ്യാ​യും 30-തിലധി​കം വർഷമാ​യി പയനി​യ​റി​ങ്ങി​ലും സഞ്ചാര​വേ​ല​യി​ലും ഏർപ്പെ​ട്ടി​രി​ക്കു​ക​യാ​യി​രു​ന്നു. അവരുടെ ഒരു നിയമ​ന​ത്തി​ന്റെ ഭാഗമാ​യി, ഭൂരി​പക്ഷം ആളുക​ളും ഉദാസീ​ന​രും മർക്കട​മു​ഷ്ടി​ക്കാ​രു​മായ ഒരു പ്രദേ​ശത്തു പ്രസം​ഗി​ക്ക​ണ​മാ​യി​രു​ന്നു. കുറച്ചു പ്രോ​ത്സാ​ഹ​ന​ത്തി​നാ​യി യൂർഗെ​നും ഭാര്യ​യും എത്രമാ​ത്രം വാഞ്‌ഛി​ച്ചു! എന്നാൽ, ചില കാരണ​ങ്ങ​ളാൽ സഭയിലെ മറ്റുള്ളവർ അവരുടെ ആവശ്യ​ത്തോ​ടു പ്രതി​ക​രി​ച്ചില്ല.

അതു​കൊണ്ട്‌, “ചില പയനി​യർമാർക്ക്‌ വിഷമ​ക​ര​മായ സമയങ്ങ​ളു​ണ്ടെന്ന്‌” യൂർഗെന്‌ അനുഭ​വ​ത്തിൽനി​ന്ന​റി​യാം. “മൂപ്പൻമാ​രിൽനി​ന്നും മറ്റു പ്രസാ​ധ​ക​രിൽനി​ന്നും അവർക്കു കൂടുതൽ പ്രോ​ത്സാ​ഹനം ആവശ്യ​മാണ്‌.” യോശു​വയെ പ്രോ​ത്സാ​ഹി​പ്പി​ക്കാ​നും ശക്തി​പ്പെ​ടു​ത്താ​നും ദൈവം മോശ​യോ​ടു പറഞ്ഞു. (ആവർത്ത​ന​പു​സ്‌തകം 3:26-28) ക്രിസ്‌ത്യാ​നി​കൾ പരസ്‌പരം പ്രോ​ത്സാ​ഹ​ന​ത്തി​ന്റെ ഉറവു​ക​ളാ​യി​രി​ക്കണം. (റോമർ 1:11, 12) കെട്ടു​പ​ണി​ചെ​യ്യുന്ന വാക്കു​കൾക്കൊ​ണ്ടും ഇടയ്‌ക്കി​ടെ ശുശ്രൂ​ഷ​യിൽ കൂടെ പോയി​ക്കൊ​ണ്ടും രാജ്യ​പ്ര​സാ​ധ​കർക്കു മുഴു​സമയ സേവന​ത്തി​ലു​ള്ള​വരെ പ്രോ​ത്സാ​ഹി​പ്പി​ക്കാ​നാ​കും.

യഹോ​വ​യി​ങ്കലെ സന്തോഷം—നമ്മുടെ സങ്കേതം

പയനി​യർമാ​രോ മിഷന​റി​മാ​രോ എന്നനി​ല​യി​ലോ ബെഥേൽ സേവന​ത്തി​ലോ സഞ്ചാര​വേ​ല​യിൽ സഭകൾ സന്ദർശി​ച്ചോ ജീവിതം ഒട്ടുമു​ക്കാ​ലും ചെലവ​ഴി​ച്ചി​ട്ടുള്ള ക്രിസ്‌ത്യാ​നി​കൾ, മിക്ക പ്രശ്‌ന​ങ്ങ​ളും ഹ്രസ്വ കാല​ത്തേ​ക്കു​ള്ള​താ​ണെ​ന്നും എന്നാൽ ചിലവ ദീർഘ​കാ​ലം നിലനിൽക്കു​ന്ന​താ​ണെ​ന്നും മനസ്സി​ലാ​ക്കി​യി​രി​ക്കു​ന്നു. ഒഴിയാ​ബാ​ധ​യെ​ന്ന​വണ്ണം തോന്നി​ക്കുന്ന ചുരുക്കം ചില പ്രശ്‌ന​ങ്ങൾപോ​ലും നമ്മുടെ സന്തോഷം കവർന്നെ​ടു​ക്ക​രുത്‌. പ്രശ്‌നങ്ങൾ നമ്മെ നിരാ​ശ​പ്പെ​ടു​ത്തു​മ്പോ​ഴെ​ല്ലാം “നമുക്കുള്ള ഒട്ടനവധി അനു​ഗ്ര​ഹ​ങ്ങ​ളെ​ക്കു​റി​ച്ചും വലിയ യാതനകൾ അനുഭ​വി​ക്കുന്ന ആയിര​ക്ക​ണ​ക്കി​നു മറ്റുള്ള​വ​രെ​ക്കു​റി​ച്ചും നാം ചിന്തിക്കണ”മെന്ന്‌ 45-ലധികം വർഷം വിദേശ നിയമ​ന​ത്തിൽ സേവിച്ച റാമോൻ നിർദേ​ശി​ക്കു​ന്നു. തീർച്ച​യാ​യും, ലോക​വ്യാ​പ​ക​മാ​യുള്ള നമ്മുടെ സഹവി​ശ്വാ​സി​കൾ യാതനകൾ അനുഭ​വി​ക്കു​ന്നു. യഹോവ വാസ്‌ത​വ​ത്തിൽ നമു​ക്കെ​ല്ലാം വേണ്ടി കരുതു​ന്നു.—1 പത്രൊസ്‌ 5:6-9.

അതു​കൊണ്ട്‌, മുഴു​സമയ സേവന​ത്തിൽ പങ്കെടു​ക്കാ​നും അതിൽ തുടരാ​നും നമ്മുടെ വ്യക്തി​പ​ര​മായ സാഹച​ര്യ​ങ്ങൾ നമ്മെ അനുവ​ദി​ക്കു​ന്നെ​ങ്കിൽ, നമ്മുടെ സ്വർഗീയ പിതാ​വിൽ ആശ്രയി​ച്ചു​കൊണ്ട്‌ നമുക്ക്‌ സന്തോഷം നിലനിർത്താം. അവൻ തന്റെ ദാസരെ ശക്തീക​രി​ക്കു​ന്നു. ‘യഹോ​വ​യി​ങ്കലെ സന്തോഷം നമ്മുടെ സങ്കേതമാ’ണെന്ന്‌ നാമെ​ല്ലാം ഓർമി​ക്കണം.—നെഹെ​മ്യാ​വു 8:10.

[21-ാം പേജിലെ ചിത്രം]

“എന്റെ വികാ​ര​ങ്ങ​ളും മുൻഗ​ണ​ന​ക​ളും ഒന്നും വേലയു​ടെ​യത്ര പ്രാധാ​ന്യ​മു​ള്ളതല്ല”

[22-ാം പേജിലെ ചിത്രം]

“അതേപ്പറ്റി ഞങ്ങൾ എന്തു വിചാ​രി​ക്കു​ന്നു​വെന്ന്‌ യഹോ​വ​യോ​ടു പറഞ്ഞിട്ട്‌ കാര്യങ്ങൾ അവനെ ഭരമേൽപ്പി​ക്കു​ന്നു”

[23-ാം പേജിലെ ചിത്രങ്ങൾ]

“എല്ലാ സാഹച​ര്യ​വും പരമാ​വധി പ്രയോ​ജ​ന​പ്പെ​ടു​ത്തുക. ഓരോ ദിവസ​വും യഹോ​വയെ സ്‌തു​തി​ക്കാ​നുള്ള ഒരു അവസര​മെ​ങ്കി​ലും കൈവ​ന്നേ​ക്കാം”

[23-ാം പേജിലെ ചിത്രം]

“പീഡാ​നു​ഭ​വങ്ങൾ സഹിക്കു​ന്ന​തി​നാൽ, സാത്താന്റെ വാദം തെറ്റാ​ണെന്നു തെളി​യി​ക്കു​ന്ന​തിൽ എനി​ക്കൊ​രു പങ്കുണ്ടാ​യി​രി​ക്കാൻ കഴിയും”

[24-ാം പേജിലെ ചിത്രങ്ങൾ]

“ചില പയനി​യർമാർക്ക്‌ വിഷമ​ക​ര​മായ സമയങ്ങ​ളുണ്ട്‌. മൂപ്പൻമാ​രിൽനി​ന്നും മറ്റു പ്രസാ​ധ​ക​രിൽനി​ന്നും അവർക്കു കൂടുതൽ പ്രോ​ത്സാ​ഹനം ആവശ്യ​മാണ്‌”

[24-ാം പേജിലെ ചിത്രം]

‘നമുക്കുള്ള ഒട്ടനവധി അനു​ഗ്ര​ഹ​ങ്ങ​ളെ​ക്കു​റി​ച്ചു നാം ചിന്തി​ക്കണം’