‘പരസ്‌പരം സൗജന്യ​മാ​യി ക്ഷമിക്കു​ന്ന​തിൽ തുടരുക’

“പരസ്‌പരം സഹിഷ്‌ണുത പ്രകട​മാ​ക്കു​ക​യും പരസ്‌പരം സൗജന്യ​മാ​യി ക്ഷമിക്കു​ക​യും ചെയ്യു​ന്ന​തിൽ തുടരുക.”—കൊ​ലൊ​സ്സ്യർ 3:13, NW.

1. (എ) നാം “ഏഴുവട്ടം” ക്ഷമിക്ക​ണ​മെന്ന്‌ പത്രൊസ്‌ പറഞ്ഞ​പ്പോൾ താൻ വളരെ ഉദാര​മ​തി​യാ​ണെന്ന്‌ അവൻ വിചാ​രി​ച്ചി​രു​ന്നി​രി​ക്കാ​വു​ന്നത്‌ എന്തു​കൊണ്ട്‌? (ബി) നാം “ഏഴു എഴുപതു വട്ടം” ക്ഷമിക്ക​ണ​മെന്ന്‌ യേശു പറഞ്ഞ​പ്പോൾ അവൻ എന്താണ്‌ അർഥമാ​ക്കി​യത്‌?

‘കർത്താവേ, സഹോ​ദരൻ എത്രവട്ടം എന്നോടു പിഴെ​ച്ചാൽ ഞാൻ ക്ഷമിക്കണം? ഏഴുവട്ടം മതിയോ?’ (മത്തായി 18:21) അപ്രകാ​രം പറഞ്ഞ​പ്പോൾ, താൻ വളരെ ഉദാര​മ​തി​യാ​ണെന്നു പത്രൊസ്‌ വിചാ​രി​ച്ചി​രു​ന്നി​രി​ക്കാം. ആ കാലത്ത്‌, ഒരേ കുറ്റത്തിന്‌ മൂന്നി​ല​ധി​കം തവണ ഒരുവൻ ക്ഷമിക്ക​രു​തെന്ന്‌ റബിമാ​രു​ടെ പാരമ്പ​ര്യം പറഞ്ഞി​രു​ന്നു.a അപ്പോൾ, “ഏഴുവ​ട്ടമല്ല, ഏഴു എഴുപതു വട്ടം എന്നു ഞാൻ നിന്നോ​ടു പറയുന്നു” എന്ന്‌ യേശു മറുപടി നൽകി​യ​പ്പോൾ പത്രൊ​സി​നു​ണ്ടായ അതിശ​യ​മൊ​ന്നു സങ്കൽപ്പി​ച്ചു​നോ​ക്കൂ! (മത്തായി 18:22) ഏഴിന്റെ ആവർത്തനം “അനിശ്ചി​ത​മാ​യി” എന്ന്‌ പറയു​ന്ന​തി​നു തുല്യ​മാ​യി​രു​ന്നു. യേശു​വി​ന്റെ വീക്ഷണ​ത്തിൽ, ഒരു ക്രിസ്‌ത്യാ​നി മറ്റുള്ള​വ​രോട്‌ എത്ര പ്രാവ​ശ്യം ക്ഷമിക്ക​ണ​മെ​ന്ന​തിന്‌ ഫലത്തിൽ യാതൊ​രു പരിധി​യു​മില്ല.

2, 3. (എ) മറ്റുള്ള​വ​രോ​ടു ക്ഷമിക്കു​ന്നതു പ്രയാ​സ​ക​ര​മാ​ണെന്നു തോന്നി​യേ​ക്കാ​വുന്ന ചില സാഹച​ര്യ​ങ്ങൾ ഏവ? (ബി) മറ്റുള്ള​വ​രോ​ടു ക്ഷമിക്കു​ന്നതു നമുക്കു പ്രയോ​ജ​ന​പ്ര​ദ​മാ​യി​രി​ക്കു​മെന്ന്‌ ഉറപ്പു​ണ്ടാ​യി​രി​ക്കാ​വു​ന്നത്‌ എന്തു​കൊണ്ട്‌?

² ആ ബുദ്ധ്യു​പ​ദേശം ബാധക​മാ​ക്കു​ന്നത്‌ എല്ലായ്‌പോ​ഴും എളുപ്പമല്ല. നമ്മിൽ ആരാണ്‌ നീതി​ര​ഹി​ത​മായ വ്രണ​പ്പെ​ടു​ത്ത​ലി​ന്റെ മനോ​വേദന അനുഭ​വി​ക്കാ​ത്തത്‌? ഒരുപക്ഷേ നിങ്ങൾ വിശ്വാ​സ​മർപ്പിച്ച ഒരാൾ ഒരു രഹസ്യം വെളി​പ്പെ​ടു​ത്തി​യി​രി​ക്കാം. (സദൃശ​വാ​ക്യ​ങ്ങൾ 11:13) ഒരു അടുത്ത സുഹൃ​ത്തി​ന്റെ ചിന്താ​ശൂ​ന്യ​മായ പരാമർശങ്ങൾ നിങ്ങളെ ‘വാളു​കൊ​ണ്ടെ​ന്ന​പോ​ലെ കുത്തി’യിട്ടു​ണ്ടാ​യി​രി​ക്കാം. (സദൃശ​വാ​ക്യ​ങ്ങൾ 12:18) നിങ്ങൾ സ്‌നേ​ഹി​ക്കു​ക​യോ വിശ്വ​സി​ക്കു​ക​യോ ചെയ്‌ത ഒരു വ്യക്തി​യിൽനി​ന്നുള്ള ദുഷ്‌പെ​രു​മാ​റ്റം ആഴമായ മുറി​വു​കൾക്കു കാരണ​മാ​ക്കി​യി​ട്ടു​ണ്ടാ​കാം. കോപാ​കു​ല​രാ​കുക എന്നതാ​യി​രി​ക്കാം അത്തരം കാര്യങ്ങൾ സംഭവി​ക്കു​മ്പോ​ഴത്തെ നമ്മുടെ സ്വാഭാ​വിക പ്രതി​ക​രണം. കുറ്റക്കാ​ര​നോ​ടുള്ള സംസാരം നിർത്താൻ, സാധ്യ​മെ​ങ്കിൽ അയാളെ പൂർണ​മാ​യി ഒഴിവാ​ക്കാൻ നാം ചായ്‌വു​ള്ള​വ​രാ​യി​രു​ന്നേ​ക്കാം. അയാ​ളോ​ടു ക്ഷമിക്കു​ന്നത്‌, നമ്മോടു ചെയ്‌ത ദ്രോ​ഹ​ത്തിന്‌ അയാൾ ശിക്ഷി​ക്ക​പ്പെ​ടാ​തി​രി​ക്കാൻ ഇടയാ​ക്കു​മെന്നു തോന്നി​യേ​ക്കാം. എന്നാൽ, നീരസം ഊട്ടി​വ​ളർത്തു​ന്നത്‌ നാം നമ്മെത്തന്നെ വ്രണ​പ്പെ​ടു​ത്തു​ന്ന​തിൽ കലാശി​ക്കു​ന്നു.

³ അതു​കൊണ്ട്‌ ക്ഷമിക്കാൻ യേശു നമ്മെ പഠിപ്പി​ക്കു​ന്നു—“ഏഴു എഴുപതു വട്ടം” വരെ. തീർച്ച​യാ​യും അവന്റെ പഠിപ്പി​ക്ക​ലു​കൾ ഒരിക്ക​ലും നമുക്കു ദ്രോഹം ചെയ്യു​ക​യില്ല. അവൻ പഠിപ്പിച്ച കാര്യ​ങ്ങ​ളെ​ല്ലാം, ‘ശുഭക​ര​മാ​യി പ്രവർത്തി​പ്പാൻ നമ്മെ അഭ്യസി​പ്പി​ക്കുന്ന’ യഹോ​വ​യിൽനി​ന്നു​ള്ള​വ​യാണ്‌. (യെശയ്യാ​വു 48:17; യോഹ​ന്നാൻ 7:16, 17) മറ്റുള്ള​വ​രോട്‌ ക്ഷമിക്കു​ന്നത്‌ ന്യായ​മാ​യും നമുക്ക്‌ പ്രയോ​ജ​ന​പ്ര​ദ​മാ​യി​രി​ക്കണം. നാം എന്തു​കൊണ്ട്‌ ക്ഷമിക്ക​ണ​മെ​ന്നും നമുക്കത്‌ എങ്ങനെ ചെയ്യാൻ കഴിയു​മെ​ന്നും ചർച്ച​ചെ​യ്യു​ന്ന​തി​നു മുമ്പ്‌, ആദ്യം ക്ഷമ എന്താ​ണെ​ന്നും എന്നാൽ എന്തല്ലെ​ന്നും വ്യക്തമാ​ക്കു​ന്നത്‌ സഹായ​ക​മാ​യി​രി​ക്കാം. മറ്റുള്ള​വ​രാൽ ദ്രോ​ഹി​ക്ക​പ്പെ​ടു​മ്പോൾ, ക്ഷമയെ​ക്കു​റി​ച്ചുള്ള നമ്മുടെ വീക്ഷണ​ത്തിന്‌ ക്ഷമിക്കു​ന്ന​തി​നുള്ള നമ്മുടെ പ്രാപ്‌തി​യു​ടെ മേൽ കുറെ സ്വാധീ​നം ഉണ്ടായി​രു​ന്നേ​ക്കാം.

4. മറ്റുള്ള​വ​രോ​ടു ക്ഷമിക്കു​ന്നത്‌ എന്ത്‌ അർഥമാ​ക്കു​ന്നില്ല, എന്നാൽ ക്ഷമ നിർവ​ചി​ക്ക​പ്പെ​ട്ടി​രി​ക്കു​ന്ന​തെ​ങ്ങനെ?

⁴ മറ്റുള്ളവർ നമ്മെ ദ്രോ​ഹി​ക്കു​മ്പോൾ അവരോ​ടു ക്ഷമിക്കു​ന്നത്‌ അവർ ചെയ്‌ത​തി​നെ നാം ഗൗനി​ക്കാ​തി​രി​ക്കു​ന്നെ​ന്നോ ഗൗരവം കുറച്ചു കാണു​ന്നെ​ന്നോ അർഥമാ​ക്കു​ന്നില്ല; മറ്റുള്ളവർ നമ്മെ​ക്കൊണ്ട്‌ അനുചി​ത​മാ​യി മുത​ലെ​ടു​ക്കാൻ നാം അനുവ​ദി​ക്കു​ന്നെ​ന്നും അതിനർഥ​മില്ല. യഹോവ നമ്മോടു ക്ഷമിക്കു​മ്പോൾ അവൻ നിശ്ചയ​മാ​യും നമ്മുടെ പാപങ്ങളെ നിസ്സാ​ര​മാ​യി തള്ളിക്ക​ള​യു​ന്നി​ല്ല​ല്ലോ. പാപി​ക​ളായ മനുഷ്യർ തന്റെ കരുണയെ ചവുട്ടി​മെ​തി​ക്കാൻ അവൻ ഒരിക്ക​ലും അനുവ​ദി​ക്കു​ക​യു​മില്ല. (എബ്രായർ 10:29) തിരു​വെ​ഴു​ത്തു​കൾ സംബന്ധിച്ച ഉൾക്കാഴ്‌ച (ഇംഗ്ലീഷ്‌) പുസ്‌തകം ക്ഷമയെ, “ഒരു കുറ്റക്കാ​ര​നോട്‌ പൊറു​ക്കുന്ന പ്രവർത്തനം; അയാളു​ടെ കുറ്റം നിമിത്തം അയാ​ളോ​ടു നീരസം തോന്നു​ന്നത്‌ നിർത്തൽ, പ്രായ​ശ്ചി​ത്തം ചെയ്യണ​മെന്ന്‌ ആവശ്യ​പ്പെ​ടു​ന്നത്‌ വേണ്ടെ​ന്നു​വെക്കൽ” എന്നു നിർവ​ചി​ച്ചി​രി​ക്കു​ന്നു. (വാല്യം 1, പേജ്‌ 861)b മറ്റുള്ള​വ​രോ​ടു ക്ഷമിക്കു​ന്ന​തിന്‌ ബൈബിൾ നമുക്കു ശക്തമായ കാരണങ്ങൾ നൽകുന്നു.

മറ്റുള്ള​വ​രോ​ടു ക്ഷമി​ക്കേ​ണ്ടത്‌ എന്തു​കൊണ്ട്‌?

5. മറ്റുള്ള​വ​രോ​ടു ക്ഷമി​ക്കേ​ണ്ട​തി​ന്റെ ഏതു പ്രധാന കാരണം എഫെസ്യർ 5:1-ൽ സൂചി​പ്പി​ച്ചി​രി​ക്കു​ന്നു?

⁵ മറ്റുള്ള​വ​രോ​ടു ക്ഷമി​ക്കേ​ണ്ട​തി​ന്റെ ഒരു പ്രധാന കാരണം എഫെസ്യർ 5:1-ൽ സൂചി​പ്പി​ച്ചി​രി​ക്കു​ന്നു: “ആകയാൽ പ്രിയ​മക്കൾ എന്നപോ​ലെ ദൈവത്തെ അനുക​രി​പ്പിൻ.” ഏതു സംഗതി​യി​ലാണ്‌ നാം “ദൈവത്തെ അനുകരി”ക്കുന്നവർ ആയിത്തീ​രേ​ണ്ടത്‌? “ആകയാൽ” എന്ന പദം, പ്രസ്‌തുത പ്രയോ​ഗത്തെ മുൻ വാക്യ​വു​മാ​യി ബന്ധിപ്പി​ക്കു​ന്നു, അതു പറയുന്നു: “നിങ്ങൾ തമ്മിൽ ദയയും മനസ്സലി​വു​മു​ള്ള​വ​രാ​യി ദൈവം ക്രിസ്‌തു​വിൽ നിങ്ങ​ളോ​ടു ക്ഷമിച്ച​തു​പോ​ലെ അന്യോ​ന്യം ക്ഷമിപ്പിൻ.” (ചെരി​ച്ചെ​ഴു​ത്തു ഞങ്ങളു​ടേത്‌.) (എഫെസ്യർ 4:32) അതേ, ക്ഷമയുടെ കാര്യ​ത്തിൽ നാം ദൈവത്തെ അനുക​രി​ക്കു​ന്ന​വ​രാ​യി​ത്തീ​രണം. ഒരു കൊച്ചു​കു​ട്ടി തന്റെ പിതാ​വി​നെ​പ്പോ​ലെ​ത​ന്നെ​യാ​യിരി​ക്കാൻ ശ്രമി​ക്കു​ന്ന​തു​പോ​ലെ, യഹോവ ആഴമായി സ്‌നേ​ഹി​ക്കുന്ന മക്കളെന്ന നിലയിൽ നാം നമ്മുടെ ക്ഷമാശീ​ല​നായ സ്വർഗീയ പിതാ​വി​നെ​പ്പോ​ലെ ആയിത്തീ​രാൻ ആഗ്രഹി​ക്കണം. യഹോവ സ്വർഗ​ത്തിൽനി​ന്നു നോക്കു​മ്പോൾ തന്റെ ഭൗമിക പുത്ര​ന്മാർ പരസ്‌പരം ക്ഷമിച്ചു​കൊണ്ട്‌ തന്നെ​പ്പോ​ലെ​യാ​യി​രി​ക്കാൻ ശ്രമി​ക്കു​ന്നതു കാണു​ന്നത്‌ അവന്റെ ഹൃദയത്തെ എത്ര സന്തോ​ഷി​പ്പി​ക്കും!—ലൂക്കൊസ്‌ 6:35, 36; മത്തായി 5:44-48 താരത​മ്യം ചെയ്യുക.

6. യഹോ​വ​യു​ടെ ക്ഷമയും നമ്മുടെ ക്ഷമയും തമ്മിൽ ഏതു വിധത്തി​ലാണ്‌ വളരെ വലിയ അന്തരമു​ള്ളത്‌?

⁶ യഹോവ ക്ഷമിക്കു​ന്ന​തു​പോ​ലെ പൂർണ​മാ​യൊ​രു അർഥത്തിൽ ക്ഷമിക്കാൻ നമുക്കാ​വി​ല്ലെ​ന്നു​ള്ളത്‌ സത്യം​തന്നെ. എന്നാൽ നാം പരസ്‌പരം ക്ഷമി​ക്കേ​ണ്ട​തി​ന്റെ കൂടു​ത​ലായ കാരണം അതുത​ന്നെ​യാണ്‌. ഇത്‌ പരിചി​ന്തി​ക്കുക: യഹോ​വ​യു​ടെ ക്ഷമയും നമ്മുടെ ക്ഷമയും തമ്മിൽ വളരെ വലി​യൊ​രു അന്തരമുണ്ട്‌. (യെശയ്യാ​വു 55:7-9) നമു​ക്കെ​തി​രെ പാപം ചെയ്‌തി​ട്ടു​ള്ള​വ​രോട്‌ നാം ക്ഷമിക്കു​മ്പോൾ, ഉടനെ​യോ കുറെ​ക്ക​ഴി​ഞ്ഞോ അവരുടെ ക്ഷമ നമുക്കും ആവശ്യ​മാ​യി വന്നേക്കാം എന്ന തിരി​ച്ച​റി​വോ​ടെ​യാണ്‌ നാമതു​ചെ​യ്യു​ന്നത്‌. മനുഷ്യ​രു​ടെ കാര്യ​ത്തിൽ, അത്‌ എല്ലായ്‌പോ​ഴും പാപികൾ പാപി​ക​ളോ​ടു ക്ഷമിക്കുന്ന സംഗതി​യാണ്‌. എന്നാൽ യഹോ​വ​യോ​ടുള്ള ബന്ധത്തിൽ ക്ഷമ എല്ലായ്‌പോ​ഴും ഒരു ദിശയി​ലേക്കു മാത്ര​മു​ള്ള​താണ്‌. അവൻ നമ്മോടു ക്ഷമിക്കു​ന്നു, എന്നാൽ നാമൊ​രി​ക്ക​ലും അവനോ​ടു ക്ഷമി​ക്കേ​ണ്ടി​വ​രു​ന്നില്ല. പാപം ചെയ്യാത്ത യഹോ​വ​യ്‌ക്ക്‌ വളരെ സ്‌നേ​ഹ​ത്തോ​ടെ​യും സമ്പൂർണ​മാ​യും നമ്മോടു ക്ഷമിക്കാൻ കഴിയു​മെ​ങ്കിൽ, പാപി​ക​ളായ നാം പരസ്‌പരം ക്ഷമിക്കാൻ ശ്രമി​ക്കേ​ണ്ട​തല്ലേ?—മത്തായി 6:12.

7. കരുണ കാണി​ക്കാൻ ഒരടി​സ്ഥാ​ന​മു​ള്ള​പ്പോൾ നാം മറ്റുള്ള​വ​രോ​ടു ക്ഷമിക്കാൻ വിസമ്മ​തി​ച്ചാൽ, അത്‌ യഹോ​വ​യു​മാ​യുള്ള നമ്മുടെ ബന്ധത്തെ എങ്ങനെ പ്രതി​കൂ​ല​മാ​യി ബാധി​ച്ചേ​ക്കാം?

⁷ കൂടുതൽ പ്രധാ​ന​മാ​യി, കരുണ കാണി​ക്കാൻ ഒരടി​സ്ഥാ​ന​മു​ള്ള​പ്പോൾ നാം മറ്റുള്ള​വ​രോ​ടു ക്ഷമിക്കാൻ വിസമ്മ​തി​ച്ചാൽ, അതിന്‌ യഹോ​വ​യു​മാ​യുള്ള നമ്മുടെ ബന്ധത്തെ പ്രതി​കൂ​ല​മാ​യി ബാധി​ക്കാൻ കഴിയും. പരസ്‌പരം ക്ഷമിക്കാൻ യഹോവ നമ്മോടു വെറുതെ പറയു​ക​മാ​ത്രമല്ല, നാം അപ്രകാ​രം ചെയ്യാൻ അവൻ പ്രതീ​ക്ഷി​ക്കു​ക​യും ചെയ്യുന്നു. തിരു​വെ​ഴു​ത്തു​കൾ പറയു​ന്ന​ത​നു​സ​രിച്ച്‌, നമുക്ക്‌ യഹോ​വ​യു​ടെ ക്ഷമ ആവശ്യ​മാ​ണെ​ന്നത്‌ അല്ലെങ്കിൽ അവൻ നമ്മോടു ക്ഷമിച്ചി​രി​ക്കു​ന്നു​വെ​ന്നത്‌ ക്ഷമിക്കു​ന്ന​വ​രാ​യി​രി​ക്കാൻ നമ്മെ പ്രേരി​പ്പി​ക്കുന്ന ഒരു ഘടകമാണ്‌. (മത്തായി 6:14; മർക്കൊസ്‌ 11:25; എഫെസ്യർ 4:32; 1 യോഹ​ന്നാൻ 4:11) അതു​കൊണ്ട്‌, ക്ഷമിക്കാൻ ശക്തമായ കാരണ​മു​ള്ള​പ്പോൾ മറ്റുള്ള​വ​രോട്‌ അങ്ങനെ ചെയ്യാൻ നാം മനസ്സൊ​രു​ക്ക​മു​ള്ള​വ​ര​ല്ലെ​ങ്കിൽ, യഹോ​വ​യിൽനിന്ന്‌ നമുക്ക്‌ അത്തരം ക്ഷമ വാസ്‌ത​വ​ത്തിൽ പ്രതീ​ക്ഷി​ക്കാ​നാ​കു​മോ?—മത്തായി 18:21-35.

8. ക്ഷമിക്കു​ന്നത്‌ നമ്മുടെ ക്ഷേമത്തിൽ കലാശി​ക്കു​ന്നത്‌ എന്തു​കൊണ്ട്‌?

⁸ യഹോവ തന്റെ ജനത്തെ “അവർ നടക്കേ​ണ്ടുന്ന നല്ല വഴി” പഠിപ്പി​ക്കു​ന്നു. (1 രാജാ​ക്ക​ന്മാർ 8:36) അന്യോ​ന്യം ക്ഷമിക്കാൻ അവൻ നമ്മെ ഉപദേ​ശി​ക്കു​മ്പോൾ, അവന്റെ ഹൃദയ​ത്തി​ലു​ള്ളത്‌ നമ്മുടെ ക്ഷേമമാ​ണെന്നു നമുക്ക്‌ ഉറപ്പു​ണ്ടാ​യി​രി​ക്കാ​വു​ന്ന​താണ്‌. “ദൈവ​കോ​പ​ത്തി​ന്നു ഇടം​കൊ​ടു​പ്പിൻ” എന്ന്‌ ബൈബിൾ നമ്മോടു പറയു​ന്നത്‌ നല്ല കാരണ​ത്തോ​ടെ​യാണ്‌. (റോമർ 12:19) നീരസ​മു​ണ്ടാ​യി​രി​ക്കു​ന്നത്‌ ജീവി​ത​ത്തിൽ വലി​യൊ​രു ഭാരമാണ്‌. നാം അത്‌ വെച്ചു​പു​ലർത്തു​മ്പോൾ, അതു നമ്മുടെ ചിന്തകളെ വിഴു​ങ്ങു​ന്നു, സമാധാ​നം കവർന്നെ​ടു​ക്കു​ന്നു, സന്തോഷം കെടു​ത്തു​ന്നു. അസൂയ​പോ​ലെ, ദീർഘ​കാല കോപ​ത്തി​നും നമ്മുടെ ശാരീ​രിക ആരോ​ഗ്യ​ത്തി​ന്മേൽ ഹാനി​ക​ര​മായ ഫലമു​ള​വാ​ക്കാൻ കഴിയും. (സദൃശ​വാ​ക്യ​ങ്ങൾ 14:30) നാം ഇതെല്ലാം അനുഭ​വി​ക്കു​മ്പോൾ, കുറ്റക്കാ​രൻ നമ്മുടെ പ്രക്ഷു​ബ്ധാ​വസ്ഥ സംബന്ധിച്ച്‌ പൂർണ​മാ​യും അജ്ഞനാ​യി​രു​ന്നേ​ക്കാം! നാം മറ്റുള്ള​വ​രോ​ടു സൗജന്യ​മാ​യി ക്ഷമി​ക്കേ​ണ്ടത്‌ അവരുടെ പ്രയോ​ജ​ന​ത്തി​നു വേണ്ടി​മാ​ത്രമല്ല നമ്മുടെ സ്വന്തം പ്രയോ​ജ​ന​ത്തി​നു വേണ്ടി​യും​കൂ​ടെ​യാ​ണെന്ന്‌ നമ്മുടെ സ്‌നേ​ഹ​വാ​നായ സ്രഷ്ടാ​വി​ന​റി​യാം. ക്ഷമിക്കാ​നുള്ള ബൈബിൾ കൽപ്പന തീർച്ച​യാ​യും “നടക്കേ​ണ്ടുന്ന നല്ല വഴി”യാണ്‌.

‘പരസ്‌പരം സഹിഷ്‌ണുത പ്രകട​മാ​ക്കു​ന്ന​തിൽ തുടരുക’

9, 10. (എ) ഏതു തരത്തി​ലുള്ള സാഹച​ര്യ​ങ്ങൾക്ക്‌ ഔപചാ​രിക ക്ഷമ അത്യന്താ​പേ​ക്ഷി​തമല്ല? (ബി) ‘പരസ്‌പരം സഹിഷ്‌ണുത പ്രകട​മാ​ക്കു​ന്ന​തിൽ തുടരുക’ എന്ന പ്രയോ​ഗം എന്തു സൂചി​പ്പി​ക്കു​ന്നു?

⁹ ശാരീ​രിക മുറി​വു​കൾ നിസ്സാ​ര​മാ​യ​വ​മു​തൽ ആഴമേ​റി​യ​വ​വ​രെ​യാ​കാം, എല്ലാറ്റി​നും ഒരേ അളവി​ലുള്ള ശ്രദ്ധയാ​വ​ശ്യ​മില്ല. മുറി​വേറ്റ വികാ​ര​ങ്ങ​ളു​ടെ കാര്യ​ത്തി​ലും അങ്ങനെ​ത​ന്നെ​യാണ്‌—ചിലവ മറ്റുള്ള​വ​യെ​ക്കാൾ വളരെ ആഴത്തി​ലു​ള്ള​താണ്‌. മറ്റുള്ള​വ​രോ​ടുള്ള ബന്ധത്തിൽ നമ്മുടെ വികാ​ര​ങ്ങൾക്ക​നു​ഭ​വ​പ്പെ​ടുന്ന ഓരോ നിസ്സാര ക്ഷതത്തെ​ക്കു​റി​ച്ചും നാം വാസ്‌ത​വ​ത്തിൽ വിവാ​ദ​മു​ണ്ടാ​ക്കേ​ണ്ട​തു​ണ്ടോ? നിസ്സാ​ര​മായ അസ്വാ​ര​സ്യ​ങ്ങൾ, അപമാ​നങ്ങൾ, ശല്യ​പ്പെ​ടു​ത്ത​ലു​കൾ എന്നിവ ജീവി​ത​ത്തി​ന്റെ ഭാഗമാണ്‌, അവയ്‌ക്ക്‌ ഒരു ഔപചാ​രിക ക്ഷമ അത്യന്താ​പേ​ക്ഷി​തമല്ല. ഓരോ നിസ്സാ​ര​മായ പ്രശ്‌ന​ങ്ങ​ളെ​യും​പ്രതി മറ്റുള്ള​വരെ ഒഴിവാ​ക്കു​ക​യും എന്നിട്ട്‌ ക്ഷമചോ​ദി​ച്ചാൽ മാത്രമേ അവരോട്‌ വീണ്ടും മര്യാ​ദ​യോ​ടു​കൂ​ടി പെരു​മാ​റു​ക​യു​ള്ളു​വെന്നു ശഠിക്കു​ക​യും ചെയ്യു​ന്ന​വ​രാ​യി നാം അറിയ​പ്പെ​ടു​ന്നെ​ങ്കിൽ നമ്മുടെ സൗഹൃദം സംബന്ധിച്ച്‌ ജാഗ്ര​ത​പു​ലർത്താ​നോ നമ്മിൽനിന്ന്‌ സുരക്ഷി​ത​മാ​യൊ​രു അകലം നിലനിർത്താ​നോ നാം അവരെ നിർബ​ന്ധി​ത​രാ​ക്കി​യേ​ക്കാം!

¹⁰ പകരം, “ന്യായ​ബോ​ധ​മു​ള്ള​വ​രെന്ന കീർത്തി ഉണ്ടായി​രി​ക്കു​ന്നത്‌” വളരെ മെച്ചമാണ്‌. (ഫിലി​പ്പി​യർ 4:5, ഫിലി​പ്‌സ്‌) തോ​ളോ​ടു​തോൾചേർന്ന്‌ സേവി​ക്കുന്ന അപൂർണ സൃഷ്ടി​ക​ളെ​ന്ന​നി​ല​യിൽ നമ്മുടെ സഹോ​ദ​ര​ന്മാർ ഇടയ്‌ക്കി​ടെ നമ്മെ അസഹ്യ​പ്പെ​ടു​ത്തി​യേ​ക്കു​മെ​ന്നും നാമും അങ്ങനെ​തന്നെ അവരോട്‌ പ്രവർത്തി​ച്ചേ​ക്കു​മെ​ന്നും നമുക്ക്‌ ന്യായ​മാ​യും പ്രതീ​ക്ഷി​ക്കാ​വു​ന്ന​താണ്‌. കൊ​ലൊ​സ്സ്യർ 3:13 നമ്മെ ഉപദേ​ശി​ക്കു​ന്നു: ‘പരസ്‌പരം സഹിഷ്‌ണുത പ്രകട​മാ​ക്കു​ന്ന​തിൽ തുടരുക.’ മറ്റുള്ള​വ​രോ​ടുള്ള ബന്ധത്തിൽ ക്ഷമാശീ​ലം പ്രകട​മാ​ക്കു​ന്ന​തി​നെ​യും അവരിലെ നാം ഇഷ്ടപ്പെ​ടാത്ത സ്വഭാ​വ​ത്തെ​യോ അസ്വാ​സ്ഥ്യ​ജ​ന​ക​മെന്ന്‌ കണ്ടെത്തി​യേ​ക്കാ​വുന്ന പ്രവണ​ത​ക​ളെ​യോ പൊറു​ക്കു​ന്ന​തി​നെ​യും ആ പ്രയോ​ഗം സൂചി​പ്പി​ക്കു​ന്നു. മറ്റുള്ള​വ​രു​മാ​യുള്ള നമ്മുടെ ഇടപെ​ട​ലു​ക​ളിൽ അനുഭ​വ​പ്പെ​ടുന്ന നിസ്സാര വ്രണ​പ്പെ​ടു​ത്ത​ലു​കളെ സഭയുടെ സമാധാ​ന​ത്തി​നു ഭംഗം​വ​രു​ത്താ​തെ തരണം ചെയ്യാൻ അത്തരം ക്ഷമാശീ​ല​ത്തി​നും ആത്മസം​യ​മ​ന​ത്തി​നും നമ്മെ സഹായി​ക്കാ​നാ​കും.—1 കൊരി​ന്ത്യർ 16:14.

മുറി​വു​കൾ ആഴമേ​റി​യ​വ​യാ​യി​രി​ക്കു​മ്പോൾ

11. മറ്റുള്ളവർ നമു​ക്കെ​തി​രെ പാപം ചെയ്യു​മ്പോൾ അവരോ​ടു ക്ഷമിക്കാൻ നമ്മെ എന്തിനു സഹായി​ക്കാ​നാ​കും?

¹¹ എന്നാൽ അവഗണി​ക്കാ​നാ​വാത്ത ഒരു മുറി​വേൽപ്പി​ച്ചു​കൊണ്ട്‌ മറ്റുള്ളവർ നമു​ക്കെ​തി​രെ പാപം ചെയ്യു​ന്നെ​ങ്കി​ലോ? പാപം വളരെ ഗുരു​ത​ര​മ​ല്ലെ​ങ്കിൽ ‘പരസ്‌പരം സൗജന്യ​മാ​യി ക്ഷമിക്കുക’ എന്ന ബൈബിൾ ബുദ്ധ്യു​പ​ദേശം ബാധക​മാ​ക്കാൻ നമുക്കത്ര ബുദ്ധി​മു​ട്ടു​ണ്ടാ​കില്ല. (എഫെസ്യർ 4:32) ക്ഷമിക്കാ​നുള്ള അത്തരം സന്നദ്ധത പത്രൊ​സി​ന്റെ നിശ്വസ്‌ത വാക്കു​കൾക്കു ചേർച്ച​യി​ലാണ്‌: “സകലത്തി​ന്നും മുമ്പെ തമ്മിൽ ഉററ സ്‌നേഹം ഉള്ളവരാ​യി​രി​പ്പിൻ. സ്‌നേഹം പാപങ്ങ​ളു​ടെ ബഹുത്വ​ത്തെ മറെക്കു​ന്നു.” (1 പത്രൊസ്‌ 4:8) നാമും പാപി​ക​ളാ​ണെന്നു മനസ്സിൽ പിടി​ക്കു​ന്നത്‌ മറ്റുള്ള​വ​രു​ടെ ലംഘനങ്ങൾ ഇളച്ചു​കൊ​ടു​ക്കാൻ നമ്മെ പ്രാപ്‌ത​രാ​ക്കു​ന്നു. അപ്രകാ​രം ക്ഷമിക്കു​മ്പോൾ നാം നീരസം ഊട്ടി​വ​ളർത്തു​ന്ന​തി​നു പകരം അത്‌ ഒഴിവാ​ക്കു​ന്നു. തത്‌ഫ​ല​മാ​യി, കുറ്റക്കാ​ര​നു​മാ​യുള്ള നമ്മുടെ ബന്ധത്തിന്‌ യാതൊ​രു നിലനിൽക്കുന്ന കോട്ട​വും തട്ടാൻ സാധ്യ​ത​യില്ല, സഭയുടെ അമൂല്യ സമാധാ​നം കാത്തു​സൂ​ക്ഷി​ക്കാൻ നാം സഹായി​ക്കു​ക​യും ചെയ്യുന്നു. (റോമർ 14:19) കാല​ക്ര​മ​ത്തിൽ, അയാൾ ചെയ്‌തത്‌ ഓർമ​യിൽനിന്ന്‌ പാടേ മാഞ്ഞു​പോ​യേ​ക്കാം.

12. (എ) നമ്മെ ആഴമായി വ്രണ​പ്പെ​ടു​ത്തിയ ഒരുവ​നോട്‌ ക്ഷമിക്കു​ന്ന​തിന്‌ നാം എന്തു മുൻ​കൈ​യെ​ടു​ക്കേ​ണ്ട​തു​ണ്ടാ​യി​രി​ക്കാം? (ബി) എഫെസ്യർ 4:26-ലെ വാക്കുകൾ നാം പ്രശ്‌നങ്ങൾ പെട്ടെ​ന്നു​തന്നെ പരിഹ​രി​ക്ക​ണ​മെന്നു സൂചി​പ്പി​ക്കു​ന്ന​തെ​ങ്ങനെ?

¹² എന്നാൽ, നമ്മെ ആഴമായി വ്രണ​പ്പെ​ടു​ത്തി​ക്കൊണ്ട്‌ ഒരുവൻ നമു​ക്കെ​തി​രെ വളരെ ഗൗരവ​മുള്ള പാപം ചെയ്യു​ന്നെ​ങ്കി​ലോ? ദൃഷ്ടാ​ന്ത​ത്തിന്‌, ഒരു വിശ്വസ്‌ത സുഹൃ​ത്തി​നോട്‌ നിങ്ങൾ പറഞ്ഞ അങ്ങേയറ്റം വ്യക്തി​പ​ര​മായ ഒരു കാര്യം അയാൾ പരസ്യ​മാ​ക്കി​യി​രി​ക്കാം. ആഴമായി മുറി​വേ​റ്റ​താ​യും ആകെ കുഴഞ്ഞ അവസ്ഥയിൽ ആയിരി​ക്കു​ന്ന​താ​യും വഞ്ചിക്ക​പ്പെ​ട്ട​താ​യും നിങ്ങൾക്കു തോന്നു​ന്നു. അതു മറന്നു​ക​ള​യാൻ നിങ്ങൾ ശ്രമി​ച്ചെ​ങ്കി​ലും മനസ്സിൽനി​ന്നു പോകു​ന്നില്ല. അത്തര​മൊ​രു കേസിൽ, പ്രശ്‌നം പരിഹ​രി​ക്കു​ന്ന​തി​നാ​യി നിങ്ങൾ മുൻ​കൈ​യെ​ടു​ക്കേ​ണ്ട​തു​ണ്ടാ​യി​രി​ക്കാം, ഒരുപക്ഷേ കുറ്റക്കാ​ര​നോട്‌ സംസാ​രി​ച്ചു​കൊണ്ട്‌. സംഗതി രൂക്ഷമാ​കാൻ അവസരം ലഭിക്കു​ന്ന​തി​നു​മുമ്പ്‌ അപ്രകാ​രം ചെയ്യു​ന്നത്‌ ജ്ഞാനപൂർവ​ക​മാ​യി​രി​ക്കും. പൗലൊസ്‌ നമ്മെ ഉദ്‌ബോ​ധി​പ്പി​ച്ചു: “കോപി​ച്ചാൽ [നമ്മുടെ കോപം വെച്ചു​കൊ​ണ്ടി​രി​ക്കു​ക​യോ അതിന​നു​സ​ര​ണ​മാ​യി പ്രവർത്തി​ക്കു​ക​യോ ചെയ്യു​ക​വഴി] പാപം ചെയ്യാ​തി​രി​പ്പിൻ. സൂര്യൻ അസ്‌ത​മി​ക്കു​വോ​ളം നിങ്ങൾ കോപം വെച്ചു​കൊ​ണ്ടി​രി​ക്ക​രു​തു.” (എഫെസ്യർ 4:26) യഹൂദ​ന്മാർക്കി​ട​യിൽ സൂര്യാ​സ്‌ത​മയം ഒരു ദിവസ​ത്തി​ന്റെ അവസാ​ന​വും പുതിയ ദിവസ​ത്തി​ന്റെ ആരംഭ​വും കുറി​ച്ചി​രു​ന്നു​വെന്ന വസ്‌തുത പൗലൊ​സി​ന്റെ വാക്കു​കൾക്കു കൂടുതൽ അർഥം പകരുന്നു. അതു​കൊണ്ട്‌ ബുദ്ധ്യു​പ​ദേശം ഇതാണ്‌: പ്രശ്‌നം പെട്ടെ​ന്നു​തന്നെ പരിഹ​രി​ക്കുക!—മത്തായി 5:23, 24.

13. നമ്മെ വ്രണ​പ്പെ​ടു​ത്തിയ ഒരുവനെ സമീപി​ക്കു​മ്പോൾ നമ്മുടെ ലക്ഷ്യം എന്തായി​രി​ക്കണം, അതിൽ എത്തി​ച്ചേ​രാൻ ഏതു നിർദേ​ശങ്ങൾ നമ്മേ സഹായി​ച്ചേ​ക്കാ​വു​ന്ന​താണ്‌?

¹³ നാം കുറ്റക്കാ​രനെ സമീപി​ക്കു​ന്നത്‌ എങ്ങനെ​യാ​യി​രി​ക്കണം? “സമാധാ​നം അന്വേ​ഷി​ച്ചു പിന്തു​ടരു”വിൻ എന്ന്‌ 1 പത്രൊസ്‌ 3:11 പറയുന്നു. അപ്പോൾ, നിങ്ങളു​ടെ ലക്ഷ്യം കോപം പ്രകടി​പ്പി​ക്കുക എന്നതല്ല, മറിച്ച്‌ സഹോ​ദ​ര​നു​മാ​യി സമാധാ​നം സ്ഥാപി​ക്കുക എന്നതാണ്‌. അതിന്‌, പരുഷ​മായ വാക്കു​ക​ളും ആംഗ്യ​ങ്ങ​ളും ഒഴിവാ​ക്കു​ന്ന​താണ്‌ ഏറ്റവും നല്ലത്‌; ഇത്‌ മറ്റേ വ്യക്തി​യിൽനിന്ന്‌ സമാന​മായ പ്രതി​ക​ര​ണങ്ങൾ ഉളവാ​ക്കി​യേ​ക്കാം. (സദൃശ​വാ​ക്യ​ങ്ങൾ 15:18; 29:11) കൂടാതെ, “നിങ്ങൾ എല്ലായ്‌പോ​ഴും . . . !” അല്ലെങ്കിൽ, “നിങ്ങൾ ഒരിക്ക​ലും . . . !” എന്നിങ്ങ​നെ​യുള്ള ഊതി​വീർപ്പിച്ച പ്രസ്‌താ​വ​നകൾ ഒഴിവാ​ക്കുക. അത്തരം ഊതി​വീർപ്പിച്ച അഭി​പ്രാ​യ​പ്ര​ക​ട​നങ്ങൾ അയാളെ ചെറു​ത്തു​നിൽപ്പിന്‌ പ്രേരി​പ്പി​ച്ചേ​ക്കു​കയേ ഉള്ളൂ. പകരം, നിങ്ങളു​ടെ സ്വരവും മുഖഭാ​വ​വും, നിങ്ങളെ ആഴമായി വ്രണ​പ്പെ​ടു​ത്തിയ ഒരു സംഗതി പരിഹ​രി​ക്കാൻ നിങ്ങൾ ആഗ്രഹി​ക്കു​ന്നു​വെന്ന ആശയം നൽകട്ടെ. സംഭവി​ച്ച​തി​നെ​ക്കു​റിച്ച്‌ നിങ്ങൾ എന്തു വിചാ​രി​ക്കു​ന്നു​വെന്നു വ്യക്തമാ​യി വിശദീ​ക​രി​ക്കുക. തന്റെ പ്രവൃ​ത്തി​ക​ളെ​ക്കു​റിച്ച്‌ വിശദീ​ക​രി​ക്കു​ന്ന​തിന്‌ മറ്റേവ്യ​ക്തിക്ക്‌ ഒരവസരം നൽകുക. അയാൾക്കു പറയാ​നു​ള്ളത്‌ ശ്രദ്ധി​ക്കുക. (യാക്കോബ്‌ 1:19) അത്‌ എന്തു ഗുണം ചെയ്യും? സദൃശ​വാ​ക്യ​ങ്ങൾ 19:11 (NW) വിശദീ​ക​രി​ക്കു​ന്നു: “ഒരു മനുഷ്യ​ന്റെ വിവേകം നിശ്ചയ​മാ​യും അവന്റെ കോപത്തെ മന്ദീഭ​വി​പ്പി​ക്കു​ന്നു, ലംഘനം ക്ഷമിക്കു​ന്നത്‌ അവനെ സംബന്ധി​ച്ചി​ട​ത്തോ​ളം ഭൂഷണ​മാ​കു​ന്നു.” മറ്റേ വ്യക്തി​യു​ടെ വികാ​ര​ങ്ങ​ളും അയാളു​ടെ പ്രവർത്ത​ന​ങ്ങ​ളു​ടെ പിന്നിലെ കാരണ​ങ്ങ​ളും മനസ്സി​ലാ​ക്കു​ന്നത്‌ അയാ​ളോ​ടുള്ള നിഷേ​ധാ​ത്മക വിചാ​ര​ങ്ങ​ളെ​യും വികാ​ര​ങ്ങ​ളെ​യും ദൂരീ​ക​രി​ച്ചേ​ക്കാം. സമാധാ​നം സ്ഥാപി​ക്കാ​നുള്ള ലക്ഷ്യ​ത്തോ​ടെ നാം സാഹച​ര്യ​ത്തെ സമീപി​ക്കു​ക​യും ആ മനോ​ഭാ​വം നിലനിർത്തു​ക​യും ചെയ്യു​മ്പോൾ സർവസാ​ധ്യ​ത​യു​മ​നു​സ​രിച്ച്‌ ഏതു തെറ്റി​ദ്ധാ​ര​ണ​യും നീക്കം​ചെ​യ്യാ​നും ഉചിത​മായ ക്ഷമായാ​ചനം നടത്താ​നും ക്ഷമ വെച്ചു​നീ​ട്ടാ​നും സാധി​ക്കും.

14. മറ്റുള്ള​വ​രോട്‌ ക്ഷമിക്കു​മ്പോൾ നാം ഏത്‌ അർഥത്തിൽ കാര്യങ്ങൾ മറക്കണം?

¹⁴ മറ്റുള്ള​വ​രോ​ടു ക്ഷമിക്കു​ന്ന​തി​ന്റെ അർഥം, സംഭവി​ച്ചതു നാം വാസ്‌ത​വ​ത്തിൽ മറക്കണ​മെ​ന്നാ​ണോ? കഴിഞ്ഞ ലേഖന​ത്തിൽ ചർച്ച​ചെ​യ്‌ത​പ്ര​കാ​രം, ഈ സംഗതി​യി​ലെ യഹോ​വ​യു​ടെ ദൃഷ്ടാന്തം ഓർമി​ക്കുക. യഹോവ നമ്മുടെ പാപങ്ങൾ മറക്കു​ന്നു​വെന്ന്‌ ബൈബിൾ പറയു​മ്പോൾ, അവ ഓർമി​ക്കാൻ അവൻ അപ്രാ​പ്‌ത​നാ​ണെന്ന്‌ അത്‌ അർഥമാ​ക്കു​ന്നില്ല. (യെശയ്യാ​വു 43:25) പകരം, ഒരിക്കൽ ക്ഷമിച്ചാൽപ്പി​ന്നെ ആ പാപങ്ങൾ നമു​ക്കെ​തി​രെ ഭാവി​യി​ലേ​ക്കാ​യി വെച്ചു​കൊ​ണ്ടി​രി​ക്കില്ല എന്ന അർഥത്തിൽ അവൻ മറക്കുന്നു. (യെഹെ​സ്‌കേൽ 33:14-16) സമാന​മാ​യി, സഹമനു​ഷ്യ​രോ​ടു ക്ഷമിക്കു​ന്നത്‌ അവർ ചെയ്‌തതു നമുക്ക്‌ ഓർമി​ക്കാ​നാ​വി​ല്ലെന്ന്‌ അവശ്യം അർഥമാ​ക്കു​ന്നില്ല. എന്നാൽ കുറ്റം ചെയ്‌ത​യാൾക്കെ​തി​രാ​യി നാം അവ വെച്ചു​കൊ​ണ്ടി​രി​ക്കു​ന്നി​ല്ലെ​ന്നോ ഭാവി​യിൽ അവ വീണ്ടും കുത്തി​പ്പൊ​ക്കി​ക്കൊ​ണ്ടു വരിക​യി​ല്ലെ​ന്നോ ഉള്ള അർഥത്തിൽ നമുക്ക്‌ മറക്കാൻ കഴിയും. പ്രശ്‌നം അങ്ങനെ പരിഹ​രി​ച്ചാൽ, പിന്നെ അതി​നെ​ക്കു​റിച്ച്‌ കുശു​കു​ശുപ്പ്‌ നടത്തു​ന്നത്‌ ഉചിത​മാ​യി​രി​ക്കില്ല; പുറത്താ​ക്ക​പ്പെ​ട്ടാ​ലെ​ന്ന​വണ്ണം കുറ്റക്കാ​രനെ പൂർണ​മാ​യി ഒഴിവാ​ക്കു​ന്ന​തും സ്‌നേ​ഹ​പൂർവ​ക​മാ​യി​രി​ക്കില്ല. (സദൃശ​വാ​ക്യ​ങ്ങൾ 17:9) അയാളു​മാ​യുള്ള നമ്മുടെ ബന്ധം പുനഃ​സ്ഥാ​പി​ത​മാ​കാൻ കുറെ സമയ​മെ​ടു​ത്തേ​ക്കാ​മെ​ന്നതു സത്യം​തന്നെ; മുമ്പ​ത്തെ​പ്പോ​ലുള്ള അതേ അടുപ്പം നാം ആസ്വദി​ക്കു​ക​യി​ല്ലാ​യി​രി​ക്കാം. എന്നാൽ അപ്പോ​ഴും നാം അയാളെ നമ്മുടെ ക്രിസ്‌തീയ സഹോ​ദ​ര​നെന്ന നിലയിൽ സ്‌നേ​ഹി​ക്കു​ക​യും സമാധാ​ന​പൂർണ​മായ ബന്ധം നിലനിർത്താൻ നമ്മുടെ പരമാ​വധി പ്രവർത്തി​ക്കു​ക​യും ചെയ്യുന്നു.—ലൂക്കൊസ്‌ 17:3 താരത​മ്യം ചെയ്യുക.

ക്ഷമിക്കാൻ സാധ്യ​മ​ല്ലെന്നു തോന്നു​മ്പോൾ

15, 16. (എ) അനുതാ​പ​മി​ല്ലാത്ത ഒരു ദുഷ്‌പ്ര​വൃ​ത്തി​ക്കാ​ര​നോ​ടു ക്ഷമിക്കാൻ ക്രിസ്‌ത്യാ​നി​കൾ ബാധ്യ​സ്ഥ​രാ​ണോ? (ബി) സങ്കീർത്തനം 37:8-ൽ കാണുന്ന ബൈബിൾ ബുദ്ധ്യു​പ​ദേശം നമു​ക്കെ​ങ്ങനെ ബാധക​മാ​ക്കാൻ കഴിയും?

¹⁵ എന്നാൽ, നമു​ക്കെ​തി​രെ മറ്റുള്ളവർ ചെയ്യുന്ന പാപം ഏറ്റവും ആഴത്തിൽ മുറി​പ്പെ​ടു​ത്തുന്ന വിധത്തി​ലു​ള്ള​താ​യി​രു​ന്നി​ട്ടും കുറ്റക്കാ​രൻ പാപം സമ്മതി​ക്കു​ക​യോ അനുത​പി​ക്കു​ക​യോ ക്ഷമചോ​ദി​ക്കു​ക​യോ ചെയ്യു​ന്നി​ല്ലെ​ങ്കി​ലോ? (സദൃശ​വാ​ക്യ​ങ്ങൾ 28:13) അനുതാ​പ​മി​ല്ലാത്ത, തഴമ്പിച്ച പാപി​ക​ളോ​ടു യഹോവ ക്ഷമിക്കു​ന്നി​ല്ലെന്നു തിരു​വെ​ഴു​ത്തു​കൾ വ്യക്തമാ​യി സൂചി​പ്പി​ക്കു​ന്നു. (എബ്രായർ 6:4-6; 10:26, 27) നമ്മെ സംബന്ധി​ച്ചെന്ത്‌? തിരു​വെ​ഴു​ത്തു​കൾ സംബന്ധിച്ച ഉൾക്കാഴ്‌ച പുസ്‌തകം പറയുന്നു: “യാതൊ​രു അനുതാ​പ​വു​മി​ല്ലാ​തെ ദ്രോ​ഹ​ക​ര​മായ, മനഃപൂർവ​മായ, പാപം ചെയ്യു​ന്ന​വ​രോ​ടു ക്ഷമിക്കാൻ ക്രിസ്‌ത്യാ​നി​കൾക്കു ബാധ്യ​ത​യില്ല. അത്തരക്കാർ ദൈവ​ത്തി​ന്റെ ശത്രു​ക്ക​ളാ​യി​ത്തീ​രു​ന്നു.” (വാല്യം 1, പേജ്‌ 862) അത്യന്തം നീതി​ര​ഹി​ത​മോ മ്ലേച്ഛമോ കിരാ​ത​മോ ആയ പെരു​മാ​റ്റ​ത്തി​നു വിധേ​യ​നായ ഒരു ക്രിസ്‌ത്യാ​നി​യും അനുതാ​പ​മി​ല്ലാത്ത പാപി​യോട്‌ ക്ഷമിക്കാൻ അഥവാ പൊറു​ക്കാൻ താൻ നിർബ​ന്ധി​ത​നാ​ണെന്നു വിചാ​രി​ക്ക​രുത്‌.—സങ്കീർത്തനം 139:21, 22.

¹⁶ ക്രൂര​മായ പെരു​മാ​റ്റ​ത്തി​നു വിധേ​യ​രാ​യി​ട്ടു​ള്ള​വർക്കു വ്രണി​ത​വി​കാ​ര​വും കോപ​വും അനുഭ​വ​പ്പെ​ടാ​മെ​ന്നതു മനസ്സി​ലാ​ക്കാ​വു​ന്ന​തേ​യു​ള്ളൂ. എന്നാൽ, കോപ​വും നീരസ​വും വെച്ചു​പു​ലർത്തു​ന്നത്‌ നമുക്കു വളരെ​യേറെ അപകടം കൈവ​രു​ത്തി​യേ​ക്കാ​മെന്ന്‌ ഓർമി​ക്കുക. ഒരിക്ക​ലും സംഭവി​ക്കു​ക​യി​ല്ലാത്ത ഒരു കുറ്റസ​മ്മ​ത​ത്തി​നോ ക്ഷമായാ​ച​ന​യ്‌ക്കോ വേണ്ടി കാത്തി​രി​ക്കു​ന്നത്‌ ഒരുപക്ഷേ നമ്മെ അധിക​മ​ധി​കം നിരാ​ശ​രാ​ക്കു​കയേ ഉള്ളൂ. ആ അനീതി​യിൽ ശ്രദ്ധ​കേ​ന്ദ്രീ​ക​രി​ക്കു​ന്നത്‌ നമ്മുടെ ഉള്ളിൽ കോപം തിളച്ചു​മ​റി​യാൻ ഇടയാ​ക്കി​യേ​ക്കാം. അത്‌ ആത്മീയ​വും വൈകാ​രി​ക​വും ശാരീ​രി​ക​വു​മായ ആരോ​ഗ്യ​ത്തിന്‌ വിനാ​ശ​ക​മായ പ്രത്യാ​ഘാ​തങ്ങൾ ഉളവാ​ക്കു​ന്നു. ഫലത്തിൽ, നമ്മെ വ്രണ​പ്പെ​ടു​ത്തി​യ​വനെ തുടർന്നും നമ്മെ വ്രണ​പ്പെ​ടു​ത്തി​ക്കൊ​ണ്ടി​രി​ക്കാൻ നാം അനുവ​ദി​ക്കു​ക​യാണ്‌. ജ്ഞാനപൂർവം ബൈബിൾ ഇങ്ങനെ ബുദ്ധ്യു​പ​ദേ​ശി​ക്കു​ന്നു: “കോപം കളഞ്ഞു ക്രോധം ഉപേക്ഷിക്ക.” (സങ്കീർത്തനം 37:8) അതിനാൽ, നീരസം വെച്ചു​കൊ​ണ്ടി​രി​ക്കു​ന്നത്‌ അവസാ​നി​പ്പി​ക്കുക എന്ന അർഥത്തിൽ കാല​ക്ര​മേണ തങ്ങൾക്ക്‌ ക്ഷമിക്കാൻ കഴിഞ്ഞ​താ​യി ചില ക്രിസ്‌ത്യാ​നി​കൾ കണ്ടെത്തി​യി​രി​ക്കു​ന്നു—തങ്ങൾക്കു സംഭവി​ച്ച​തി​നെ അവർ നിസ്സാ​ര​മാ​യി വീക്ഷി​ക്കു​ന്നില്ല, മറിച്ച്‌ കോപ​ത്താൽ എരിഞ്ഞു​തീ​രാൻ അവർ വിസമ്മ​തി​ക്കു​ന്നു. പ്രസ്‌തുത സംഗതി​യെ നീതി​യു​ടെ ദൈവ​ത്തി​ന്റെ കരങ്ങളിൽ പൂർണ​മാ​യും വിട്ടു​കൊ​ടു​ത്തു​കൊണ്ട്‌ അവർ വളരെ​യേറെ ആശ്വാസം അനുഭ​വി​ക്കു​ക​യും നീരസ​ത്തി​ന്റെ ശക്തമായ വികാ​ര​ത്ത​ള്ള​ലി​ല്ലാ​തെ ജീവി​ക്കാൻ പ്രാപ്‌ത​രാ​കു​ക​യും ചെയ്‌തു.—സങ്കീർത്തനം 37:28.

17. വെളി​പ്പാ​ടു 21:4, 5എ-ൽ രേഖ​പ്പെ​ടു​ത്തി​യി​രി​ക്കുന്ന യഹോ​വ​യു​ടെ വാഗ്‌ദാ​നം നമുക്ക്‌ ഏത്‌ ആശ്വാ​സ​പ്ര​ദ​മായ ഉറപ്പേ​കു​ന്നു?

¹⁷ ഒരു മുറിവ്‌ വളരെ ആഴത്തി​ലു​ള്ള​താ​യി​രി​ക്കു​മ്പോൾ, കുറഞ്ഞ​പക്ഷം ഈ വ്യവസ്ഥി​തി​യി​ലെ​ങ്കി​ലും അത്‌ നമ്മുടെ മനസ്സിൽനിന്ന്‌ പൂർണ​മാ​യും തുടച്ചു​നീ​ക്കു​ന്ന​തിൽ നാം വിജയി​ച്ചേ​ക്കു​ക​യില്ല. എന്നാൽ യഹോവ ഒരു പുതിയ ലോകം വാഗ്‌ദാ​നം ചെയ്യുന്നു. അതിൽ, “അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു [“പൂർവ​കാ​ര്യ​ങ്ങൾ,” NW] കഴിഞ്ഞു​പോ​യി”രിക്കും. (വെളി​പ്പാ​ടു 21:4, 5എ) അന്ന്‌ നാം എന്തുതന്നെ ഓർമി​ച്ചാ​ലും അത്‌, ഇപ്പോൾ നമ്മുടെ ഹൃദയത്തെ ഭാര​പ്പെ​ടു​ത്തുന്ന ആഴമായ വ്രണി​ത​വി​കാ​ര​മോ വേദന​യോ ഉളവാ​ക്കു​ക​യില്ല.—യെശയ്യാ​വു 65:17, 18.

18. (എ) സഹോ​ദ​രീ​സ​ഹോ​ദ​ര​ന്മാ​രു​മാ​യുള്ള നമ്മുടെ ഇടപെ​ട​ലു​ക​ളിൽ ക്ഷമിക്കു​ന്ന​വ​രാ​യി​രി​ക്കേ​ണ്ടത്‌ എന്തു​കൊണ്ട്‌? (ബി) മറ്റുള്ളവർ നമു​ക്കെ​തി​രെ പാപം ചെയ്യു​മ്പോൾ ഏതർഥ​ത്തിൽ നമുക്കു ക്ഷമിക്കാ​നും മറക്കാ​നും കഴിയും? (സി) അത്‌ നമുക്കു പ്രയോ​ജനം ചെയ്യു​ന്ന​തെ​ങ്ങനെ?

¹⁸ അതുവരെ, അപൂർണ​രും പാപ​പ്ര​വ​ണ​ത​യു​ള്ള​വ​രു​മായ സഹോ​ദ​രീ​സ​ഹോ​ദ​ര​ന്മാർ എന്നനി​ല​യിൽ നാം ഒരുമ​യോ​ടെ ജീവി​ക്കു​ക​യും പ്രവർത്തി​ക്കു​ക​യും വേണം. നാമെ​ല്ലാ​വ​രും തെറ്റുകൾ ചെയ്യുന്നു. ഇടയ്‌ക്കി​ടെ നാം പരസ്‌പരം നിരാ​ശ​പ്പെ​ടു​ത്തു​ക​യോ വ്രണ​പ്പെ​ടു​ത്തു​ക​പോ​ലു​മോ ചെയ്യുന്നു. മറ്റുള്ള​വ​രോട്‌ “ഏഴുവ​ട്ടമല്ല, ഏഴു എഴുപതു വട്ടം” നാം ക്ഷമി​ക്കേ​ണ്ട​തു​ണ്ടെന്ന്‌ യേശു നന്നായി മനസ്സി​ലാ​ക്കി! (മത്തായി 18:22) യഹോ​വ​യെ​പ്പോ​ലെ അത്ര പൂർണ​മാ​യി നമുക്ക്‌ ക്ഷമിക്കാ​നാ​വി​ല്ലെ​ന്നു​ള്ളത്‌ സത്യമാണ്‌. എന്നിരു​ന്നാ​ലും നമ്മുടെ സഹോ​ദ​രങ്ങൾ നമു​ക്കെ​തി​രെ പാപം ചെയ്യുന്ന മിക്ക അവസര​ങ്ങ​ളി​ലും നമുക്ക്‌, നീരസം തരണം​ചെ​യ്യുക എന്ന അർഥത്തിൽ ക്ഷമിക്കാ​നും പ്രസ്‌തുത പ്രശ്‌നം അവർക്കെ​തി​രാ​യി ഭാവി​യി​ലേക്ക്‌ അനിശ്ചി​ത​മാ​യി വെച്ചു​കൊ​ണ്ടി​രി​ക്കില്ല എന്ന അർഥത്തിൽ മറക്കാ​നും കഴിയും. നാം അപ്രകാ​രം ക്ഷമിക്കു​ക​യും മറക്കു​ക​യും ചെയ്യു​മ്പോൾ, സഭയുടെ സമാധാ​നം മാത്രമല്ല നമ്മു​ടെ​തന്നെ മനഃസ​മാ​ധാ​ന​വും കാത്തു​സൂ​ക്ഷി​ക്കാൻ നാം സഹായി​ക്കു​ന്നു. എല്ലാറ്റി​ലു​മു​പരി, നമ്മുടെ സ്‌നേ​ഹ​വാ​നാം ദൈവ​മായ യഹോ​വ​യ്‌ക്കു മാത്രം നൽകാൻ കഴിയുന്ന സമാധാ​നം നാം ആസ്വദി​ക്കും.—ഫിലി​പ്പി​യർ 4:7.

[അടിക്കു​റി​പ്പു​കൾ]

പുനരവലോകന ചോദ്യ​ങ്ങൾ

□ മറ്റുള്ള​വ​രോ​ടു ക്ഷമിക്കാൻ നാം മനസ്സൊ​രു​ക്ക​മു​ള്ള​വ​രാ​യി​രി​ക്കേ​ണ്ടത്‌ എന്തു​കൊണ്ട്‌?

□ ഏതു തരത്തി​ലുള്ള സാഹച​ര്യ​ങ്ങൾ ‘പരസ്‌പരം സഹിഷ്‌ണുത പ്രകട​മാ​ക്കു​ന്ന​തിൽ തുടരേ’ണ്ടത്‌ ആവശ്യ​മാ​ക്കു​ന്നു?

□ നാം മറ്റുള്ള​വ​രു​ടെ പാപങ്ങ​ളാൽ ആഴമായി വ്രണി​ത​രാ​യി​രി​ക്കു​മ്പോൾ, പ്രശ്‌നം സമാധാ​ന​പ​ര​മാ​യി പരിഹ​രി​ക്കാൻ നമു​ക്കെന്തു ചെയ്യാൻ കഴിയും?

□ നാം മറ്റുള്ള​വ​രോ​ടു ക്ഷമിക്കു​മ്പോൾ ഏതർഥ​ത്തി​ലാണ്‌ നാം മറക്കേ​ണ്ടത്‌?

[16-ാം പേജിലെ ചിത്രം]

നാം നീരസം വെച്ചു​കൊ​ണ്ടി​രി​ക്കു​മ്പോൾ, കുറ്റക്കാ​രൻ നമ്മുടെ പ്രക്ഷു​ബ്ധാ​വസ്ഥ സംബന്ധിച്ച്‌ പൂർണ​മാ​യും അജ്ഞനാ​യി​രു​ന്നേ​ക്കാം

[17-ാം പേജിലെ ചിത്രം]

സമാധാനം സ്ഥാപി​ക്കാ​നാ​യി നിങ്ങൾ മറ്റുള്ള​വരെ സമീപി​ക്കു​മ്പോൾ, തെറ്റി​ദ്ധാ​ര​ണകൾ അനായാ​സം ദൂരീ​ക​രി​ക്ക​പ്പെ​ട്ടേ​ക്കാം