ദൈവ​വ​ച​ന​ത്തിൽനി​ന്നു പഠിക്കുക

നല്ല സുഹൃ​ത്തു​ക്കളെ നമുക്ക്‌ എങ്ങനെ തിര​ഞ്ഞെ​ടു​ക്കാം?

നിങ്ങൾ ചോദി​ച്ചി​രി​ക്കാൻ സാധ്യ​ത​യുള്ള ചില ചോദ്യ​ങ്ങ​ളാണ്‌ താഴെ കൊടു​ത്തി​രി​ക്കു​ന്നത്‌. അവയ്‌ക്കുള്ള ഉത്തരങ്ങൾ നിങ്ങളു​ടെ ബൈബി​ളിൽ എവിടെ കണ്ടെത്താ​മെ​ന്നും ഈ ലേഖന​ത്തിൽ പറയു​ന്നുണ്ട്‌. ഈ വിവരങ്ങൾ നിങ്ങളു​മാ​യി ചർച്ച​ചെ​യ്യാൻ യഹോ​വ​യു​ടെ സാക്ഷി​ക​ളായ ഞങ്ങൾ താത്‌പ​ര്യ​പ്പെ​ടു​ന്നു.

1. സുഹൃ​ത്തു​ക്കളെ തിര​ഞ്ഞെ​ടു​ക്കു​മ്പോൾ നാം ശ്രദ്ധി​ക്കേ​ണ്ടത്‌ എന്തു​കൊണ്ട്‌?

മറ്റുള്ള​വ​രാൽ അംഗീ​ക​രി​ക്ക​പ്പെ​ടാൻ ആഗ്രഹി​ക്കു​ന്ന​വ​രാണ്‌ നമ്മിൽ മിക്കവ​രും. അത്‌, അടുത്തി​ട​പ​ഴ​കു​ന്ന​വരെ അനുക​രി​ക്കാൻ പലപ്പോ​ഴും നമ്മെ പ്രേരി​പ്പി​ക്കു​ന്നു. അതു​കൊ​ണ്ടു​തന്നെ നമ്മുടെ ചിന്താ​ഗ​തി​യെ സ്വാധീ​നി​ക്കു​ന്ന​തിൽ സുഹൃ​ത്തു​ക്കൾക്ക്‌ വലി​യൊ​രു പങ്കുണ്ട്‌. നാം എങ്ങനെ​യുള്ള വ്യക്തി​യാ​യി​ത്തീ​രും എന്നത്‌ നാം തിര​ഞ്ഞെ​ടു​ക്കുന്ന സുഹൃ​ത്തു​ക്കളെ ആശ്രയി​ച്ചി​രി​ക്കു​ന്നു.—സദൃശ​വാ​ക്യ​ങ്ങൾ 4:23; 13:20 വായി​ക്കുക.

സുഹൃ​ത്തു​ക്ക​ളെ ശ്രദ്ധാ​പൂർവം തിര​ഞ്ഞെ​ടുത്ത ഒരാളാണ്‌ നിശ്വസ്‌ത ബൈബിൾ എഴുത്തു​കാ​ര​നായ ദാവീദ്‌. ദൈവ​ത്തി​ന്റെ ഒരു ദാസനെന്ന നിലയിൽ തന്റെ നിഷ്‌ക​ളങ്കത കാത്തു​സൂ​ക്ഷി​ക്കാൻ സഹായി​ക്കുന്ന ആളുക​ളാ​യി​രു​ന്നു അവന്റെ സുഹൃ​ത്തു​ക്കൾ. (സങ്കീർത്തനം 26:4, 5, 11, 12) ഉദാഹ​ര​ണ​ത്തിന്‌ യോനാ​ഥാ​നു​മാ​യുള്ള സൗഹൃദം ദാവീദ്‌ ഏറെ വിലമ​തി​ച്ചി​രു​ന്നു. കാരണം യഹോ​വ​യിൽ ആശ്രയി​ക്കാൻ യോനാ​ഥാൻ അവനെ ഉത്സാഹി​പ്പി​ച്ചു.—1 ശമൂവേൽ 23:16-18 വായി​ക്കുക.

2. നിങ്ങൾക്ക്‌ എങ്ങനെ ദൈവ​ത്തി​ന്റെ സുഹൃ​ത്താ​കാം?

യഹോവ സർവശ​ക്ത​നാ​ണെ​ങ്കി​ലും നമുക്ക്‌ അവന്റെ സുഹൃ​ത്താ​യി​ത്തീ​രാ​നാ​കും. ഉദാഹ​ര​ണ​ത്തിന്‌, ദൈവ​ത്തി​ന്റെ ഒരു സ്‌നേ​ഹി​ത​നാ​യി​രു​ന്നു അബ്രാ​ഹാം. യഹോ​വ​യിൽ ആശ്രയി​ക്കു​ക​യും അവനെ അനുസ​രി​ക്കു​ക​യും ചെയ്‌ത​തു​കൊ​ണ്ടാണ്‌ യഹോവ അവനെ തന്റെ സുഹൃ​ത്താ​യി കണക്കാ​ക്കി​യത്‌. (ഉല്‌പത്തി 22:2, 9-12; യാക്കോബ്‌ 2:21-23) യഹോ​വ​യിൽ ആശ്രയി​ക്കു​ക​യും അവൻ പറയു​ന്ന​തു​പോ​ലെ പ്രവർത്തി​ക്കു​ക​യും ചെയ്യു​ന്നെ​ങ്കിൽ നമുക്കും ദൈവ​ത്തി​ന്റെ സൗഹൃദം നേടാ​നാ​കും.—സങ്കീർത്തനം 15:1, 2 വായി​ക്കുക.

3. നല്ല സുഹൃ​ത്തു​ക്ക​ളിൽനിന്ന്‌ നിങ്ങൾക്ക്‌ പ്രയോ​ജനം നേടാ​നാ​കു​ന്നത്‌ എങ്ങനെ?

നല്ല സുഹൃ​ത്തു​ക്കൾ വിശ്വ​സ്‌ത​രാ​യി​രി​ക്കും, ശരിയാ​യതു ചെയ്യാൻ അവർ നിങ്ങളെ സഹായി​ക്കും. (സദൃശ​വാ​ക്യ​ങ്ങൾ 17:17; 18:24) ഉദാഹ​ര​ണ​ത്തിന്‌ യോനാ​ഥാന്‌ ദാവീ​ദി​നെ​ക്കാൾ ഏതാണ്ട്‌ 30 വയസ്സ്‌ കൂടു​ത​ലു​ണ്ടാ​യി​രു​ന്നെന്നു മാത്രമല്ല അവൻ ഇസ്രാ​യേ​ലി​ന്റെ അടുത്ത കിരീ​ടാ​വ​കാ​ശി​യും ആയിരു​ന്നു. എന്നിട്ടും, രാജാ​വാ​യി ദാവീ​ദി​നെ ദൈവം തിര​ഞ്ഞെ​ടു​ത്ത​പ്പോൾ യോനാ​ഥാൻ ദാവീ​ദി​നെ വിശ്വ​സ്‌ത​ത​യോ​ടെ പിന്തു​ണച്ചു. നിങ്ങൾ അവി​വേ​ക​ത്തോ​ടെ പ്രവർത്തി​ച്ചാൽ നിങ്ങളെ തിരു​ത്താ​നുള്ള ധൈര്യ​വും നല്ല സുഹൃ​ത്തു​ക്കൾ കാണി​ക്കും. (സങ്കീർത്തനം 141:5) നല്ല ശീലങ്ങൾ വളർത്തി​യെ​ടു​ക്കാ​നും ദൈവത്തെ സ്‌നേ​ഹി​ക്കുന്ന സുഹൃ​ത്തു​ക്കൾ നിങ്ങളെ സഹായി​ക്കും.—1 കൊരി​ന്ത്യർ 15:33 വായി​ക്കുക.

നിങ്ങ​ളെ​പ്പോ​ലെ നന്മയെ സ്‌നേ​ഹി​ക്കു​ന്ന​വരെ യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളിൽ നിങ്ങൾക്ക്‌ കണ്ടുമു​ട്ടാ​നാ​കും. ദൈവത്തെ പ്രസാ​ദി​പ്പി​ക്കാൻ നിങ്ങൾ ചെയ്യുന്ന ശ്രമങ്ങളെ പ്രോ​ത്സാ​ഹി​പ്പി​ക്കുന്ന സുഹൃ​ത്തു​ക്ക​ളാണ്‌ അവി​ടെ​യു​ള്ളത്‌.—എബ്രായർ 10:24, 25 വായി​ക്കുക.

എന്നിരു​ന്നാ​ലും, ദൈവത്തെ സ്‌നേ​ഹി​ക്കുന്ന സുഹൃ​ത്തു​ക്കൾപോ​ലും ചില​പ്പോൾ നമ്മെ വേദനി​പ്പി​ച്ചേ​ക്കാം. പക്ഷേ, അവരുടെ ആ പിഴവു​കൾ നിമിത്തം നമുക്ക്‌ നീരസം തോന്ന​രുത്‌. (സഭാ​പ്ര​സം​ഗി 7:9, 20-22) സുഹൃ​ത്തു​ക്ക​ളാ​രും പൂർണ​ര​ല്ലെ​ന്നും ദൈവത്തെ സ്‌നേ​ഹി​ക്കുന്ന സുഹൃ​ത്തു​ക്കൾ നമുക്ക്‌ വേണ്ട​പ്പെ​ട്ട​വ​രാ​ണെ​ന്നും മനസ്സിൽപ്പി​ടി​ക്കുക. സഹക്രി​സ്‌ത്യാ​നി​ക​ളു​ടെ പിഴവു​കൾ അവഗണി​ച്ചു​ക​ള​യാ​നാണ്‌ ദൈവ​വ​ചനം നമ്മെ ഉദ്‌ബോ​ധി​പ്പി​ക്കു​ന്നത്‌.—കൊ​ലോ​സ്യർ 3:13 വായി​ക്കുക.

4. ‘സുഹൃ​ത്തു​ക്കൾ’ എന്നു പറയു​ന്നവർ നിങ്ങളെ എതിർക്കു​ന്നെ​ങ്കി​ലോ?

ദൈവ​വ​ചനം പഠിക്കാ​നുള്ള സഹായം സ്വീക​രി​ച്ച​തി​ന്റെ പേരിൽ പഴയ ചില സുഹൃ​ത്തു​ക്കൾ എതിർപ്പു​മാ​യി വന്ന അനുഭവം പലർക്കു​മുണ്ട്‌. അത്തരം സാഹച​ര്യം നിങ്ങളും നേരി​ടു​ന്നു​ണ്ടാ​യി​രി​ക്കാം. ബൈബി​ളിൽനിന്ന്‌ നിങ്ങൾ മനസ്സി​ലാ​ക്കിയ പ്രാ​യോ​ഗിക നിർദേ​ശ​ങ്ങ​ളെ​ക്കു​റി​ച്ചോ ഉറപ്പായ പ്രത്യാ​ശ​യെ​ക്കു​റി​ച്ചോ അറിവി​ല്ലാ​ത്ത​തു​കൊ​ണ്ടാ​യി​രി​ക്കാം അവർ എതിർക്കു​ന്നത്‌. ഒരുപക്ഷേ നിങ്ങൾക്ക്‌ അവരെ സഹായി​ക്കാ​നാ​കും.—കൊ​ലോ​സ്യർ 4:6 വായി​ക്കുക.

ചില സാഹച​ര്യ​ങ്ങ​ളിൽ ‘സുഹൃ​ത്തു​ക്കൾ’ എന്നു പറയു​ന്നവർ ദൈവ​വ​ച​ന​ത്തി​ലെ സുവി​ശേ​ഷത്തെ പരിഹ​സി​ച്ചേ​ക്കാം. (2 പത്രോസ്‌ 3:3, 4) ശരിയാ​യത്‌ ചെയ്യാ​നുള്ള നിങ്ങളു​ടെ ശ്രമങ്ങ​ളെ​യും ചിലർ അധി​ക്ഷേ​പി​ച്ചെ​ന്നു​വ​രും. (1 പത്രോസ്‌ 4:4) ഇങ്ങനെ​യൊ​രു സാഹച​ര്യ​ത്തിൽ ഇത്തരം ആളുക​ളു​ടെ സുഹൃ​ത്താ​യി​രി​ക്ക​ണ​മോ അതോ ദൈവ​ത്തി​ന്റെ സുഹൃ​ത്താ​യി​രി​ക്ക​ണ​മോ എന്ന്‌ നിങ്ങൾക്ക്‌ തീരു​മാ​നി​ക്കേ​ണ്ടി​വ​ന്നേ​ക്കാം. ദൈവ​ത്തി​ന്റെ ഒരു സുഹൃ​ത്താ​യി​ത്തീ​രാ​നാണ്‌ നിങ്ങൾ തീരു​മാ​നി​ക്കു​ന്ന​തെ​ങ്കിൽ ലഭിക്കാ​വു​ന്ന​തി​ലേ​ക്കും​വെച്ച്‌ ഏറ്റവും നല്ല സുഹൃ​ത്തി​നെ​യാണ്‌ നിങ്ങൾ തിര​ഞ്ഞെ​ടു​ത്തി​രി​ക്കു​ന്നത്‌!—യാക്കോബ്‌ 4:4, 8 വായി​ക്കുക. (w11-E 12/01)

കൂടുതൽ വിവര​ങ്ങൾക്ക്‌, യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌ത​ക​ത്തി​ന്റെ 12-ഉം 19-ഉം അധ്യാ​യങ്ങൾ കാണുക.