ശ്രദ്ധ പതറാതെ യഹോ​വയെ സേവി​ക്കു​ക

1, 2. യേശു എന്തു​കൊ​ണ്ടാണ്‌ മാർത്തയെ സ്‌നേ​ഹി​ച്ചത്‌, എന്നാൽ അവൾ എല്ലാം തികഞ്ഞ​വ​ള​ല്ലെന്ന്‌ കാണി​ക്കുന്ന എന്ത്‌ പിഴവാണ്‌ അവൾ വരുത്തി​യത്‌?

ലാസറി​ന്റെ സഹോ​ദ​രി​യായ മാർത്ത​യെ​ക്കു​റിച്ച്‌ കേൾക്കു​മ്പോൾ എങ്ങനെ​യുള്ള ഒരു വ്യക്തി​യു​ടെ ചിത്ര​മാണ്‌ നിങ്ങളു​ടെ മനസ്സി​ലേക്ക്‌ വരുന്നത്‌? അവൾ യേശു​വി​ന്റെ നല്ല സുഹൃ​ത്താ​യി​രു​ന്നെ​ന്നും അവൻ അവളെ സ്‌നേ​ഹി​ച്ചി​രു​ന്നെ​ന്നും ബൈബിൾ പറയുന്നു. മാർത്തയെ മാത്രമല്ല, മറ്റു സ്‌ത്രീ​ക​ളെ​യും യേശു സ്‌നേ​ഹി​ക്കു​ക​യും ആദരി​ക്കു​ക​യും ചെയ്‌തി​രു​ന്നു എന്നതിന്‌ സംശയ​മില്ല. ഉദാഹ​ര​ണ​ത്തിന്‌, മാർത്ത​യു​ടെ സഹോ​ദരി മറിയ​യും യേശു​വി​ന്റെ ഉറ്റ സുഹൃ​ത്താ​യി​രു​ന്നു. തന്റെ അമ്മ മറിയ​യെ​യും യേശു സ്‌നേ​ഹി​ച്ചി​രു​ന്നു. (യോഹ. 11:5; 19:25-27) അങ്ങനെ​യെ​ങ്കിൽ, യേശു മാർത്തയെ സ്‌നേ​ഹി​ച്ച​തി​നെ​ക്കു​റിച്ച്‌ എടുത്ത്‌ പറഞ്ഞി​രി​ക്കു​ന്നത്‌ എന്തു​കൊ​ണ്ടാണ്‌?

² മാർത്ത ഔദാ​ര്യ​വും ദയയും ഉള്ളവളാ​യി​രു​ന്നു. കൂടാതെ കഠിനാ​ധ്വാ​നി​യും. എങ്കിലും, യേശു അവളെ സ്‌നേ​ഹി​ച്ച​തി​ന്റെ ഏറ്റവും പ്രധാ​ന​കാ​രണം അവളുടെ ശക്തമായ വിശ്വാ​സ​മാ​യി​രു​ന്നു. യേശു പഠിപ്പിച്ച എല്ലാ കാര്യ​ങ്ങ​ളും അവൾ വിശ്വ​സി​ച്ചു, അവൻ വാഗ്‌ദത്ത മിശി​ഹാ​യാ​ണെ​ന്ന​തിൽ അവൾക്ക്‌ ഒരു സംശയ​വു​മി​ല്ലാ​യി​രു​ന്നു. (യോഹ. 11:21-27) ഇങ്ങനെ​യൊ​ക്കെ​യാ​യി​രു​ന്നെ​ങ്കി​ലും അവൾ എല്ലാം തികഞ്ഞ​വ​ളാ​യി​രു​ന്നില്ല. നമ്മളെ​പ്പോ​ലെ അവൾക്കും പിശകു​കൾ പറ്റിയി​ട്ടുണ്ട്‌. ഉദാഹ​ര​ണ​ത്തിന്‌, ഒരിക്കൽ യേശു അവരെ സന്ദർശി​ച്ച​പ്പോൾ, മാർത്ത സഹോ​ദ​രി​യായ മറിയ​യോട്‌ നീരസം തോന്നി​യിട്ട്‌ മറിയയെ തിരു​ത്താൻ യേശു​വി​നോട്‌ ആവശ്യ​പ്പെട്ടു. മാർത്ത യേശു​വി​നോട്‌, “കർത്താവേ, ഒരുക്കങ്ങൾ ചെയ്യാൻ എന്റെ സഹോ​ദരി എന്നെ തനിച്ചു വിട്ടി​രി​ക്കു​ന്നതു നീ കാണു​ന്നി​ല്ലേ? വന്ന്‌ എന്നെ സഹായി​ക്കാൻ അവളോ​ടു പറഞ്ഞാ​ലും” എന്ന്‌ പറഞ്ഞു. (ലൂക്കോസ്‌ 10:38-42 വായി​ക്കുക.) മാർത്ത എന്തു​കൊ​ണ്ടാണ്‌ അങ്ങനെ പറഞ്ഞത്‌? അവളോ​ടുള്ള യേശു​വി​ന്റെ മറുപ​ടി​യിൽനിന്ന്‌ നമുക്ക്‌ എന്ത്‌ പഠിക്കാം?

മാർത്ത​യു​ടെ ശ്രദ്ധ വ്യതി​ച​ലി​ച്ചു

3, 4. മറിയ ചെയ്‌ത ഏതു പ്രവൃ​ത്തി​യാണ്‌ യേശു പ്രശം​സി​ച്ചത്‌, മാർത്ത അതിൽനിന്ന്‌ എന്ത്‌ പഠിച്ചു? (ലേഖനാ​രം​ഭ​ത്തി​ലെ ചിത്രം കാണുക.)

³ മാർത്ത​യും മറിയ​യും തന്നെ വീട്ടി​ലേക്കു ക്ഷണിച്ച​തിൽ യേശു​വിന്‌ വളരെ സന്തോഷം തോന്നി. അവരെ വളരെ വിലപ്പെട്ട സത്യങ്ങൾ പഠിപ്പി​ക്കാ​നാ​യി ആ സമയം ഉപയോ​ഗി​ക്കാൻ അവൻ ആഗ്രഹി​ച്ചു. മറിയ പെട്ടെ​ന്നു​തന്നെ യേശു​വി​ന്റെ അടുക്കൽ പോയി​രുന്ന്‌ ‘അവന്റെ വചനം ശ്രദ്ധി​ക്കാൻ തുടങ്ങി.’ മഹാനായ അധ്യാ​പ​ക​നിൽനിന്ന്‌ തന്നാലാ​കു​ന്ന​തെ​ല്ലാം പഠിക്കാൻ അവൾ ആഗ്രഹി​ച്ചു. മാർത്ത​യ്‌ക്കും ഇങ്ങനെ​തന്നെ ചെയ്യാ​മാ​യി​രു​ന്നു. ചെയ്‌തു​കൊ​ണ്ടി​രുന്ന കാര്യം നിറു​ത്തി​വെ​ച്ചിട്ട്‌ യേശു​വി​ന്റെ വാക്കുകൾ കേൾക്കാ​നാ​യി അവൾ ചെന്നി​രു​ന്നെ​ങ്കിൽ യേശു അവളെ അഭിന​ന്ദി​ച്ചേനേ.

⁴ എന്നാൽ മാർത്ത​യു​ടെ ശ്രദ്ധ മറ്റൊ​ന്നി​ലാ​യി​രു​ന്നു. യേശു​വിന്‌ ഒരു വിരു​ന്നൊ​രു​ക്കു​ന്ന​തി​ലും മറ്റു പല കാര്യങ്ങൾ ചെയ്‌തു​കൊണ്ട്‌ അവന്റെ താമസം തന്നാലാ​കു​ന്നത്ര സുഖ​പ്ര​ദ​മാ​ക്കു​ന്ന​തി​ലും അവൾ മുഴുകി. മറിയ തന്നെ സഹായി​ക്കു​ന്നി​ല്ലെന്നു കണ്ടപ്പോൾ അവൾ അസ്വസ്ഥ​യാ​യി. അവൾ യേശു​വി​നോട്‌ പരാതി​പ്പെ​ടു​ക​യും ചെയ്‌തു. മാർത്ത ഒരുപാട്‌ കാര്യങ്ങൾ ചെയ്യാൻ ശ്രമി​ക്കു​ന്നത്‌ കണ്ട യേശു, അവളോട്‌ ദയയോ​ടെ പറഞ്ഞു: “മാർത്തേ, മാർത്തേ, നീ പലതി​നെ​ച്ചൊ​ല്ലി വ്യാകു​ല​പ്പെ​ട്ടും മനസ്സു​ക​ല​ങ്ങി​യു​മി​രി​ക്കു​ന്നു.” ലളിത​മായ ഭക്ഷണം, ഒരുപക്ഷേ, ഏതെങ്കി​ലും ഒരു വിഭവം മാത്രം മതി എന്ന്‌ യേശു അഭി​പ്രാ​യ​പ്പെട്ടു. പിന്നെ താൻ പറയുന്ന കാര്യങ്ങൾ ശ്രദ്ധ​യോ​ടെ കേട്ടി​രു​ന്ന​തിന്‌ യേശു മറിയയെ പ്രശം​സി​ച്ചു. അവൻ പറഞ്ഞു: “മറിയ നല്ല പങ്ക്‌ തിര​ഞ്ഞെ​ടു​ത്തി​രി​ക്കു​ന്നു. അത്‌ അവളിൽനിന്ന്‌ എടുത്തു​ക​ള​യു​ക​യു​മില്ല.” അന്ന്‌ അവിടെ കഴിച്ച ഭക്ഷണം എന്തായി​രു​ന്നെന്ന്‌ മറിയ ഓർക്കാൻ വഴിയില്ല. എന്നാൽ യേശു​വിൽനി​ന്നു പഠിച്ച കാര്യ​ങ്ങ​ളും അവൻ അവളെ പ്രശം​സി​ച്ച​തും അവൾ ഒരിക്ക​ലും മറന്നി​ട്ടു​ണ്ടാ​കില്ല. “യേശു മാർത്ത​യെ​യും അവളുടെ സഹോ​ദ​രി​യെ​യും . . . സ്‌നേ​ഹി​ച്ചി​രു​ന്നു” എന്ന്‌ 60-ലധികം വർഷത്തി​നു ശേഷം അപ്പൊ​സ്‌ത​ല​നായ യോഹ​ന്നാൻ എഴുതി. (യോഹ. 11:5) അതു​കൊ​ണ്ടു​തന്നെ മാർത്ത യേശു​വി​ന്റെ വാക്കു​ക​ളെ​ക്കു​റിച്ച്‌ ചിന്തി​ച്ചെ​ന്നും തുടർന്നുള്ള അവളുടെ ജീവി​ത​കാ​ലത്ത്‌ യഹോ​വയെ വിശ്വ​സ്‌ത​മാ​യി സേവി​ച്ചെ​ന്നും ഉള്ള കാര്യ​ത്തിൽ സംശയ​മില്ല.

5. കൂടുതൽ പ്രധാ​ന​മായ കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കു​ന്നത്‌ ഇന്ന്‌ വിശേ​ഷാൽ ബുദ്ധി​മു​ട്ടാ​യി​രി​ക്കു​ന്നത്‌ എന്തു​കൊണ്ട്‌, നമ്മൾ ഏതു ചോദ്യ​ത്തിന്‌ ഉത്തരം കണ്ടെത്തും?

⁵ യഹോ​വയെ സേവി​ക്കു​ന്ന​തിൽനിന്ന്‌ നമ്മുടെ ശ്രദ്ധതി​രി​ക്കുന്ന കാര്യങ്ങൾ ബൈബിൾക്കാ​ല​ങ്ങളെ അപേക്ഷിച്ച്‌ ഇന്ന്‌ കൂടു​ത​ലാ​ണെന്ന്‌ നമുക്ക്‌ അറിയാം. 1958 സെപ്‌റ്റം​ബർ 15 ലക്കം വീക്ഷാ​ഗോ​പു​രം മാസിക (ഇംഗ്ലീഷ്‌), യഹോ​വയെ സേവി​ക്കു​ന്ന​തിൽനിന്ന്‌ നമ്മുടെ ശ്രദ്ധതി​രി​ക്കാൻ സാങ്കേ​തി​ക​വി​ദ്യ​യെ അനുവ​ദി​ക്ക​രു​തെന്ന്‌ സഹോ​ദ​രീ​സ​ഹോ​ദ​ര​ന്മാർക്ക്‌ മുന്നറി​യി​പ്പു നൽകി. അന്നും പുതി​യ​പു​തിയ കാര്യങ്ങൾ ഓരോ ദിവസ​വും എന്നപോ​ലെ ഇറങ്ങി​യി​രു​ന്നു. പളപളപ്പൻ മാസി​കകൾ, റേഡി​യോ, ചലച്ചി​ത്രങ്ങൾ, ടെലി​വി​ഷൻ ഒക്കെ ജനപ്രീ​തി നേടി​യി​രു​ന്നു. നമ്മൾ ഈ വ്യവസ്ഥി​തി​യു​ടെ അന്ത്യ​ത്തോട്‌ അടുക്കു​ന്തോ​റും “ശ്രദ്ധാ​ശൈ​ഥി​ല്യ​ങ്ങൾ ഏറിവ​ന്നേ​ക്കാം” എന്നും ആ വീക്ഷാ​ഗോ​പു​രം പറഞ്ഞി​രു​ന്നു. ആ വാക്കുകൾ ഇന്ന്‌ എത്ര സത്യമാ​യി​രി​ക്കു​ന്നു! മറിയ​യെ​പ്പോ​ലെ, യഹോ​വയെ ആരാധി​ക്കു​ന്ന​തിൽ കൂടുതൽ ശ്രദ്ധ കേന്ദ്രീ​ക​രി​ക്കു​ന്ന​വ​രാ​കാൻ നമുക്ക്‌ എന്ത്‌ ചെയ്യാൻ കഴിയും?

ലോകത്തെ മുഴു​വ​നാ​യി ഉപയോ​ഗി​ക്കാ​തി​രി​ക്കുക

6. യഹോ​വ​യു​ടെ ജനം ഓരോ കാലത്തും സാങ്കേ​തി​ക​വി​ദ്യ ഉപയോ​ഗ​പ്പെ​ടു​ത്തു​ന്നത്‌ എങ്ങനെ?

⁶ യഹോ​വ​യു​ടെ ജനം, സുവാർത്ത പ്രസം​ഗി​ക്കു​ന്ന​തി​നാ​യി ലോക​ത്തി​ന്റെ സാങ്കേ​തി​ക​വി​ദ്യ ഉപയോ​ഗ​പ്പെ​ടു​ത്തി​വ​രു​ന്നു. ഉദാഹ​ര​ണ​ത്തിന്‌, ഒന്നാം ലോക​യു​ദ്ധ​കാ​ല​ത്തും അതിനു മുമ്പും അവർ “സൃഷ്ടി​പ്പിൻ ഫോട്ടോ-നാടകം” പ്രദർശി​പ്പി​ച്ചു. സ്ലൈഡു​ക​ളും ശബ്ദം സഹിത​മുള്ള ഹ്രസ്വ കളർ ചലച്ചി​ത്ര​ങ്ങ​ളും ഉപയോ​ഗിച്ച്‌ അനേകം ദേശങ്ങ​ളി​ലുള്ള ദശലക്ഷ​ങ്ങ​ളോട്‌ അവർക്ക്‌ സുവാർത്ത പ്രസം​ഗി​ക്കാ​നാ​യി. “ഫോട്ടോ-നാടക”ത്തിന്റെ അവസാ​ന​ഭാ​ഗം യേശു​ക്രി​സ്‌തു ഭൂമിയെ ഭരിക്കു​മ്പോ​ഴുള്ള സമാധാ​ന​പൂർണ​മായ സമയത്തെ വർണിച്ചു. പിന്നീട്‌, യഹോ​വ​യു​ടെ ജനം, ലോക​മെ​മ്പാ​ടു​മുള്ള ദശലക്ഷ​ങ്ങളെ രാജ്യ​സ​ന്ദേശം അറിയി​ക്കു​ന്ന​തിന്‌ റേഡി​യോ പ്രക്ഷേ​പണം ഉപയോ​ഗി​ച്ചു. ഇന്ന്‌ നമ്മൾ ആളുക​ളു​ള്ളി​ട​ത്തെ​ല്ലാം, ഒറ്റപ്പെട്ട സ്ഥലങ്ങളിൽപ്പോ​ലും സുവാർത്ത എത്തിക്കു​ന്ന​തിന്‌ കമ്പ്യൂ​ട്ട​റും ഇന്റർനെ​റ്റും ഉപയോ​ഗി​ക്കു​ന്നു.

7. (എ) ലോകത്തെ മുഴു​വ​നാ​യി ഉപയോ​ഗി​ക്കു​ന്നത്‌ അപകട​ക​ര​മാ​യി​രി​ക്കു​ന്നത്‌ എന്തു​കൊണ്ട്‌? (ബി) നമ്മൾ എന്തി​നെ​ക്കു​റി​ച്ചെ​ല്ലാം വളരെ ശ്രദ്ധാ​ലു​ക്ക​ളാ​യി​രി​ക്കണം? (അടിക്കു​റി​പ്പു കാണുക.)

⁷ ലോകത്തെ മുഴു​വ​നാ​യി ഉപയോ​ഗി​ക്ക​രു​തെന്ന്‌ ബൈബിൾ മുന്നറി​യി​പ്പു നൽകുന്നു. ലോകം വെച്ചു​നീ​ട്ടുന്ന കാര്യ​ങ്ങൾക്കാ​യി കൂടുതൽ സമയം ചെലവ​ഴി​ക്കു​ന്ന​തും അതിൽ ഉൾപ്പെ​ടു​ന്നു. (1 കൊരി​ന്ത്യർ 7:29-31 വായി​ക്കുക.) അവയിൽ ചില​തൊ​ന്നും തെറ്റാ​യി​രി​ക്ക​ണ​മെ​ന്നില്ല. എങ്കിലും അത്‌ ഒരുപാട്‌ സമയം കവർന്നെ​ടു​ത്തേ​ക്കാം. ഉദാഹ​ര​ണ​ത്തിന്‌, ഹോബി​ക​ളിൽ ഏർപ്പെ​ടുക, പുസ്‌ത​കങ്ങൾ വായി​ക്കുക, ടെലി​വി​ഷൻ കാണുക, ഇഷ്ടമുള്ള സ്ഥലങ്ങൾ സന്ദർശി​ക്കുക, ഷോപ്പിങ്‌ നടത്തുക, പുതു​പു​ത്തൻ ഇലക്‌​ട്രോ​ണിക്‌ ഉപകര​ണ​ങ്ങ​ളെ​യും ആഡംബ​ര​വ​സ്‌തു​ക്ക​ളെ​യും കുറി​ച്ചുള്ള വിവരങ്ങൾ തേടി​ക്കൊ​ണ്ടി​രി​ക്കുക എന്നിവ​യൊ​ക്കെ നമുക്ക്‌ ഇഷ്ടമാ​യി​രി​ക്കാം. ചാറ്റ്‌ ചെയ്യു​ന്ന​തും ഇ-മെയി​ലും മെസ്സേ​ജു​ക​ളും അയയ്‌ക്കു​ന്ന​തും വാർത്ത​യും കായി​ക​മ​ത്സ​ര​ങ്ങ​ളു​ടെ ഫലങ്ങളും പരി​ശോ​ധി​ച്ചു​കൊ​ണ്ടി​രി​ക്കു​ന്ന​തും പലർക്കും ഹരമാണ്‌. പക്ഷേ ചിലർക്ക്‌ ഈ കാര്യങ്ങൾ ഒരു ആസക്തി​യാ​യി മാറി​യേ​ക്കാം.a (സഭാ. 3:1, 6) അപ്രധാ​ന​കാ​ര്യ​ങ്ങൾക്ക്‌ നമ്മൾ കണക്കി​ല​ധി​കം സമയം ചെലവ​ഴി​ക്കു​ന്നെ​ങ്കിൽ, യഹോ​വയെ ആരാധി​ക്കുക എന്ന നമ്മുടെ സുപ്ര​ധാ​ന​കാ​ര്യ​ത്തിന്‌ വേണ്ടത്ര ശ്രദ്ധ​കൊ​ടു​ക്കാൻ കഴിയാ​തെ വന്നേക്കാം.—എഫെസ്യർ 5:15-17 വായി​ക്കുക.

8. ലോക​ത്തി​ലു​ള്ള​തി​നെ സ്‌നേ​ഹി​ക്കാ​തി​രി​ക്കു​ന്നത്‌ വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁸ സാത്താൻ ഇന്ന്‌ അവന്റെ ലോക​ത്തി​ലുള്ള കാര്യ​ങ്ങ​ളി​ലേക്ക്‌ നമ്മളെ വശീക​രി​ക്കാ​നും യഹോ​വയെ സേവി​ക്കു​ന്ന​തിൽനിന്ന്‌ നമ്മളെ വ്യതി​ച​ലി​പ്പി​ക്കാ​നും തന്നാലാ​കു​ന്ന​തെ​ല്ലാം ചെയ്യുന്നു. ഒന്നാം നൂറ്റാ​ണ്ടിൽ അവൻ അങ്ങനെ ചെയ്‌തി​ട്ടുണ്ട്‌. ഇന്ന്‌ അവൻ അതിലും അധിക​മാ​യി ചെയ്‌തു​കൊ​ണ്ടി​രി​ക്കു​ന്നു. (2 തിമൊ. 4:10) അതു​കൊണ്ട്‌ ഈ ലോക​ത്തി​ലു​ള്ള​തി​നെ​ക്കു​റിച്ച്‌ നമുക്ക്‌ എന്താണ്‌ തോന്നു​ന്ന​തെന്ന്‌ നമ്മൾ ക്രമമാ​യി പരി​ശോ​ധി​ക്കു​ക​യും ആവശ്യ​മായ മാറ്റങ്ങൾ വരുത്തു​ക​യും വേണം. ഈ ലോക​ത്തി​ലു​ള്ള​തി​നെ നമ്മൾ സ്‌നേ​ഹി​ക്ക​രു​തെന്ന്‌ ബൈബിൾ പറയുന്നു. പകരം, യഹോ​വ​യോ​ടുള്ള നമ്മുടെ സ്‌നേഹം ശക്തമാക്കി നിറു​ത്തണം. അപ്രകാ​രം ചെയ്യു​മ്പോൾ യഹോ​വയെ അനുസ​രി​ക്കാ​നും അവനോട്‌ അടുത്തി​രി​ക്കാ​നും നമുക്ക്‌ എളുപ്പ​മാ​യി​രി​ക്കും.—1 യോഹ. 2:15-17.

സുപ്ര​ധാ​ന​മായ കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കു​ക

9. ഏത്‌ കാര്യ​ത്തിൽ ശ്രദ്ധ​കേ​ന്ദ്രീ​ക​രി​ക്കാ​നാണ്‌ യേശു ശിഷ്യ​ന്മാ​രെ പഠിപ്പി​ച്ചത്‌, ആ കാര്യ​ത്തിൽ അവൻ എങ്ങനെ​യാണ്‌ മികച്ച മാതൃക വെച്ചത്‌?

⁹ പല കാര്യ​ങ്ങ​ളെ​പ്രതി ശ്രദ്ധ വ്യതി​ച​ലി​ച്ചു പോക​രു​തെന്ന്‌ യേശു ദയാപൂർവം മാർത്തയെ പഠിപ്പി​ച്ചു. അതേ പാഠം അവൻ ശിഷ്യ​ന്മാ​രെ​യും പഠിപ്പി​ച്ചു. യഹോ​വയെ സേവി​ക്കു​ന്ന​തി​ലും രാജ്യ​താ​ത്‌പ​ര്യ​ങ്ങൾ ഉന്നമി​പ്പി​ക്കു​ന്ന​തി​ലും ശ്രദ്ധയൂ​ന്നാൻ യേശു അവരെ പ്രോ​ത്സാ​ഹി​പ്പി​ച്ചു. (മത്തായി 6:22, 33 വായി​ക്കുക.) യേശു​തന്നെ ഇതിന്‌ ഒരു ഉത്തമ മാതൃക വെച്ചു. യേശു​വിന്‌ അധികം വസ്‌തു​വ​ക​ക​ളൊ​ന്നു​മി​ല്ലാ​യി​രു​ന്നു. എന്തിന്‌, സ്വന്തമാ​യൊ​രു വീടു​പോ​ലും!—ലൂക്കോ. 9:58; 19:33-35.

10. യേശു എന്ത്‌ നല്ല മാതൃ​ക​യാണ്‌ നമുക്കു​വേണ്ടി വെച്ചത്‌?

¹⁰ പ്രസം​ഗ​വേ​ല​യിൽനിന്ന്‌ തന്നെ വ്യതി​ച​ലി​പ്പി​ക്കാൻ യേശു യാതൊ​ന്നി​നെ​യും അനുവ​ദി​ച്ചില്ല. ഉദാഹ​ര​ണ​ത്തിന്‌, പ്രസം​ഗ​വേല ആരംഭിച്ച്‌ വൈകാ​തെ​തന്നെ കഫർന്ന​ഹൂ​മി​ലെ ആളുകൾ യേശു​വി​നോട്‌ അവരുടെ പട്ടണത്തിൽ കൂടുതൽ സമയം ചെലവ​ഴി​ക്കാൻ ആവശ്യ​പ്പെട്ടു. അവൻ എന്താണ്‌ ചെയ്‌തത്‌? അവൻ തന്റെ നിയമ​ന​ത്തിൽ ശ്രദ്ധ കേന്ദ്രീ​ക​രി​ച്ചു. അവൻ അവരോട്‌ ഇങ്ങനെ പറഞ്ഞു: “മറ്റു പട്ടണങ്ങ​ളി​ലും ഞാൻ ദൈവ​രാ​ജ്യ​ത്തി​ന്റെ സുവി​ശേഷം ഘോഷി​ക്കേ​ണ്ട​താ​കു​ന്നു; അതിനാ​യി​ട്ട​ല്ലോ എന്നെ അയച്ചി​രി​ക്കു​ന്നത്‌.” (ലൂക്കോ. 4:42-44) കഴിയു​ന്നത്ര ആളുക​ളോട്‌ സുവാർത്ത പറയാ​നും അവരെ പഠിപ്പി​ക്കാ​നു​മാ​യി യേശു ബഹുദൂ​രം കാൽന​ട​യാ​യി സഞ്ചരിച്ചു. യേശു ഒരു പൂർണ​മ​നു​ഷ്യ​നാ​യി​രു​ന്നി​ട്ടും ക്ഷീണി​ത​നാ​കു​ക​യും വിശ്രമം ആവശ്യ​മാ​യി വരിക​യും ചെയ്‌തു. ഇത്‌ കാണി​ക്കു​ന്നത്‌ യേശു കഠിന​മാ​യി അധ്വാ​നി​ച്ചെ​ന്നാണ്‌.—ലൂക്കോ. 8:23; യോഹ. 4:6.

11. എന്തു​കൊ​ണ്ടാണ്‌ യേശു തന്നെ സമീപിച്ച ഒരു മനുഷ്യ​ന്റെ പ്രശ്‌നം പരിഹ​രി​ക്കാൻ ശ്രമി​ക്കാ​തി​രു​ന്നത്‌, അവൻ ശിഷ്യ​ന്മാ​രെ എന്ത്‌ പാഠമാണ്‌ പഠിപ്പി​ച്ചത്‌?

¹¹ പിന്നീട്‌ ഒരിക്കൽ യേശു ശിഷ്യ​ന്മാ​രെ വളരെ പ്രധാ​ന​പ്പെട്ട ഒരു കാര്യം പഠിപ്പി​ച്ചു​കൊ​ണ്ടി​രി​ക്കു​മ്പോൾ, ഒരാൾ ഇടയ്‌ക്കു​ക​യറി ഇങ്ങനെ പറഞ്ഞു: “ഗുരോ, ഞാനു​മാ​യി പിതൃ​സ്വത്ത്‌ പങ്കു​വെ​ക്കാൻ എന്റെ സഹോ​ദ​ര​നോ​ടു പറഞ്ഞാ​ലും.” ആ മനുഷ്യ​ന്റെ വ്യക്തി​പ​ര​മായ പ്രശ്‌നങ്ങൾ പരിഹ​രി​ക്കാൻ യേശു ശ്രമി​ച്ചില്ല. ശിഷ്യ​ന്മാ​രെ പഠിപ്പി​ക്കു​ന്ന​തിൽനിന്ന്‌ അവന്റെ ശ്രദ്ധ വ്യതി​ച​ലി​ച്ചു​മില്ല. പകരം, വസ്‌തു​വ​കകൾ സമ്പാദി​ച്ചു​കൂ​ട്ടു​ന്ന​തിൽ ശ്രദ്ധ​കേ​ന്ദ്രീ​ക​രി​ക്കു​ക​യാ​ണെ​ങ്കിൽ ദൈവത്തെ സേവി​ക്കു​ന്ന​തിൽനിന്ന്‌ അവർ വ്യതി​ച​ലി​ച്ചു​പോ​കാൻ ഇടയുണ്ട്‌ എന്ന്‌ അവരെ പഠിപ്പി​ക്കാൻ യേശു ഈ അവസരം ഉപയോ​ഗി​ച്ചു.—ലൂക്കോ. 12:13-15.

12, 13. (എ) യെരു​ശ​ലേ​മി​ലാ​യി​രുന്ന ചില ഗ്രീക്കു​കാ​രിൽ മതിപ്പു​ള​വാ​ക്കിയ എന്താണ്‌ യേശു ചെയ്‌തത്‌? (ബി) തന്നെ കാണണ​മെന്ന്‌ അവർ ഫിലി​പ്പോ​സി​നോട്‌ പറഞ്ഞ​പ്പോൾ യേശു എങ്ങനെ പ്രതി​ക​രി​ച്ചു?

¹² ഒരു മനുഷ്യ​നെന്ന നിലയി​ലുള്ള യേശു​വി​ന്റെ ജീവി​ത​ത്തി​ലെ അവസാന ദിവസങ്ങൾ സമ്മർദ​പൂ​രി​ത​മാ​യി​രു​ന്നു. (മത്താ. 26:38; യോഹ. 12:27) കഠിന​യാ​ത​നകൾ സഹിച്ച്‌ മരിക്കാൻ പോകു​ക​യാ​ണെന്ന്‌ അവന്‌ അറിയാ​മാ​യി​രു​ന്നു. മരണത്തി​നു മുമ്പ്‌ കുറെ​യേറെ കാര്യങ്ങൾ ചെയ്‌തു​തീർക്കാ​നു​ണ്ടെ​ന്നും അവന്‌ അറിയാ​മാ​യി​രു​ന്നു. ഉദാഹ​ര​ണ​ത്തിന്‌, നീസാൻ ഒൻപതാം തീയതി ഞായറാഴ്‌ച, യേശു ഒരു കഴുത​പ്പു​റത്ത്‌ കയറി യെരു​ശ​ലേ​മി​ലേക്ക്‌ പ്രവേ​ശി​ച്ചു. ജനക്കൂട്ടം അവനെ ഒരു രാജാ​വാ​യി വരവേറ്റു. (ലൂക്കോ. 19:37) തൊട്ട​ടുത്ത ദിവസം, ആലയത്തിൽ അന്യാ​യ​വി​ല​യ്‌ക്ക്‌ സാധനങ്ങൾ വിറ്റ്‌ ആളുകളെ കൊള്ള​യ​ടി​ച്ചി​രുന്ന അത്യാ​ഗ്ര​ഹി​കളെ യേശു ധൈര്യ​പൂർവം പുറത്താ​ക്കി.—ലൂക്കോ. 19:45, 46.

¹³ യെരു​ശ​ലേ​മിൽ പെസഹാ ആഘോ​ഷി​ക്കാൻ എത്തിയി​രുന്ന ചില ഗ്രീക്കു​കാർക്ക്‌ യേശു ചെയ്‌തത്‌ കണ്ട്‌, അതിൽ മതിപ്പു തോന്നി. അതു​കൊണ്ട്‌ അവർ അപ്പൊ​സ്‌ത​ല​നായ ഫിലി​പ്പോ​സി​നോട്‌ യേശു​വി​നെ ഒന്നു കാണാൻ പറ്റുമോ എന്ന്‌ ചോദി​ച്ചു. പക്ഷേ, തന്നെ പിന്തു​ണ​യ്‌ക്കാ​നും ശത്രു​ക്ക​ളിൽനിന്ന്‌ സംരക്ഷി​ക്കാ​നും കഴിവു​ള്ള​വരെ തേടാൻ ശ്രമി​ക്കു​ക​യാ​യി​രു​ന്നില്ല യേശു. കൂടുതൽ പ്രാധാ​ന്യ​മു​ള്ളത്‌ എന്തിനാ​ണെന്ന്‌ അവന്‌ അറിയാ​മാ​യി​രു​ന്നു. അവന്റെ ശ്രദ്ധ മുഴു​വ​നും തന്നെക്കു​റി​ച്ചുള്ള ദൈ​വേ​ഷ്ട​ത്തിൽ, അതായത്‌, ഒരു യാഗമാ​യി തന്റെ ജീവൻ അർപ്പി​ക്കു​ന്ന​തിൽ ആയിരു​ന്നു. വൈകാ​തെ​തന്നെ താൻ മരിക്കു​മെ​ന്നും തന്നെ അനുഗ​മി​ക്കു​ന്ന​വ​രും അവരുടെ ജീവിതം ത്യജി​ക്കാൻ മനസ്സൊ​രു​ക്ക​മു​ള്ള​വ​രാ​യി​രി​ക്കണ​മെ​ന്നും അവൻ ശിഷ്യ​ന്മാ​രെ ഓർമി​പ്പി​ച്ചു. അവൻ പറഞ്ഞു: “തന്റെ ജീവനെ പ്രിയ​പ്പെ​ടു​ന്നവൻ അതിനെ ഇല്ലാതാ​ക്കും. ഈ ലോക​ത്തിൽ തന്റെ ജീവനെ ദ്വേഷി​ക്കു​ന്ന​വ​നോ നിത്യ​ജീ​വ​നാ​യി അതിനെ കാത്തു​സൂ​ക്ഷി​ക്കും.” തന്റെ അനുഗാ​മി​കളെ “പിതാവ്‌ മാനി​ക്കും” എന്നും അവർക്ക്‌ നിത്യ​ജീ​വൻ നൽകു​മെ​ന്നും യേശു ഉറപ്പു​കൊ​ടു​ത്തു. പ്രോ​ത്സാ​ഹ​ജ​ന​ക​മായ ഈ സന്ദേശം ആ ഗ്രീക്കു​കാർക്ക്‌ കൈമാ​റാൻ ഫിലി​പ്പോ​സിന്‌ കഴിയു​മാ​യി​രു​ന്നു.—യോഹ. 12:20-26.

14. പ്രസം​ഗ​പ്ര​വർത്ത​ന​ത്തിന്‌ ജീവി​ത​ത്തിൽ പ്രഥമ​സ്ഥാ​നം കൊടു​ത്തി​രു​ന്നെ​ങ്കി​ലും യേശു മറ്റ്‌ എന്തുകൂ​ടി ഉറപ്പു​വ​രു​ത്തി?

¹⁴ സുവാർത്ത അറിയി​ക്കു​ന്ന​തിന്‌ ജീവിതം ഉഴിഞ്ഞു​വെ​ച്ചെ​ങ്കി​ലും അത്‌ മാത്ര​മാ​യി​രു​ന്നില്ല യേശു ചെയ്‌തത്‌. ഉദാഹ​ര​ണ​ത്തിന്‌, യേശു കുറഞ്ഞത്‌ ഒരു വിവാ​ഹ​ത്തി​ലെ​ങ്കി​ലും പങ്കെടു​ത്തു. അവി​ടെ​വെച്ച്‌ അവൻ വെള്ളം നല്ല വീഞ്ഞാക്കി മാറ്റി. (യോഹ. 2:2, 6-10) കൂട്ടു​കാ​രു​ടെ​യും സുവാർത്ത​യോട്‌ താത്‌പ​ര്യ​മു​ണ്ടാ​യി​രു​ന്ന​വ​രു​ടെ​യും വീടു​ക​ളിൽ യേശു വിരു​ന്നിന്‌ പോയി. (ലൂക്കോ. 5:29; യോഹ. 12:2) എങ്കിലും, അതിലും പ്രധാ​ന​മാ​യി, വിശ്ര​മി​ക്കാ​നും ഒറ്റയ്‌ക്കി​രുന്ന്‌ ധ്യാനി​ക്കാ​നും പ്രാർഥി​ക്കാ​നും സമയമു​ണ്ടെന്ന്‌ യേശു എപ്പോ​ഴും ഉറപ്പു​വ​രു​ത്തി.—മത്താ. 14:23; മർക്കോ. 1:35; 6:31, 32.

‘സർവഭാ​ര​വും വിട്ട്‌ ഓടുക’

15. ക്രിസ്‌ത്യാ​നി​കൾ എന്ത്‌ ചെയ്യണ​മെ​ന്നാണ്‌ പൗലോസ്‌ പറഞ്ഞത്‌, അവൻ അതിന്‌ എങ്ങനെ ഒരു നല്ല മാതൃ​ക​വെച്ചു?

¹⁵ ക്രിസ്‌ത്യാ​നി​ക​ളെ​ല്ലാം ഒരു ദീർഘ​ദൂര ഓട്ടമ​ത്സ​ര​ത്തിൽ പങ്കെടു​ക്കുന്ന ഓട്ടക്കാ​രെ​പ്പോ​ലെ​യാ​ണെന്ന്‌ പൗലോസ്‌ അപ്പൊ​സ്‌തലൻ പറഞ്ഞു. ഓട്ടം പൂർത്തി​യാ​ക്കു​ന്ന​തിന്‌ ഓട്ടത്തി​ന്റെ വേഗം കുറയ്‌ക്കു​ന്ന​തും ഓട്ടം തടസ്സ​പ്പെ​ടു​ത്തു​ന്ന​തും ആയ എല്ലാം ഒഴിവാ​ക്ക​ണ​മെ​ന്നും പൗലോസ്‌ പറഞ്ഞു. (എബ്രാ. 12:1) അവൻ ഇതിന്‌ നല്ലൊരു മാതൃ​ക​വെച്ചു. സമ്പന്നനാ​കാ​നും ഒരു യഹൂദ മതനേ​താവ്‌ എന്ന നിലയിൽ പ്രശസ്‌ത​നാ​കാ​നും അവന്‌ കഴിയു​മാ​യി​രു​ന്നു. പക്ഷേ, ‘പ്രാധാ​ന്യ​മേ​റിയ കാര്യ​ങ്ങ​ളിൽ’ ശ്രദ്ധ​കേ​ന്ദ്രീ​ക​രി​ക്കു​ന്ന​തി​നാ​യി അതെല്ലാം അവൻ വേണ്ടെ​ന്നു​വെച്ചു. സിറിയ, ഏഷ്യാ​മൈനർ, മാസി​ഡോ​ണിയ, യെഹൂദ്യ എന്നിവി​ട​ങ്ങ​ളി​ലെ​ല്ലാം അവൻ സഞ്ചരി​ക്കു​ക​യും പ്രസം​ഗ​വേ​ല​യിൽ തീക്ഷ്‌ണ​ത​യോ​ടെ ഏർപ്പെ​ടു​ക​യും ചെയ്‌തു. സ്വർഗ​ത്തി​ലെ അനന്തജീ​വൻ എന്ന പ്രതി​ഫ​ല​ത്തിൽ പൗലോസ്‌ ഉറ്റു​നോ​ക്കി. അവൻ ഇങ്ങനെ പറഞ്ഞു: “പിമ്പി​ലു​ള്ളത്‌ മറന്നും മുമ്പി​ലു​ള്ള​തി​നാ​യി ആഞ്ഞും​കൊണ്ട്‌ ക്രിസ്‌തു​യേ​ശു​വി​ലൂ​ടെ ദൈവം നൽകുന്ന സ്വർഗീ​യ​വി​ളി​യാ​കുന്ന സമ്മാന​ത്തി​നാ​യി ഞാൻ ലക്ഷ്യത്തി​ലേക്കു കുതി​ക്കു​ന്നു.” (ഫിലി. 1:10; 3:8, 13, 14) പൗലോസ്‌ വിവാ​ഹി​ത​ന​ല്ലാ​യി​രു​ന്നു. അത്‌ ‘ഏകാ​ഗ്ര​ത​യോ​ടെ കർത്താ​വി​നു സദാ ശുശ്രൂഷ ചെയ്യാൻ’ അവനെ സഹായി​ച്ചു.—1 കൊരി. 7:32-35.

16, 17. വിവാ​ഹി​ത​രാ​ണെ​ങ്കി​ലും അല്ലെങ്കി​ലും നമുക്ക്‌ എങ്ങനെ പൗലോ​സി​ന്റെ മാതൃക അനുക​രി​ക്കാം? മാർക്കും ക്ലെയറും എങ്ങനെ​യാണ്‌ പൗലോ​സി​നെ അനുക​രി​ച്ചത്‌?

¹⁶ യഹോ​വ​യു​ടെ സേവന​ത്തിൽ കൂടുതൽ ചെയ്യാൻ കഴി​യേ​ണ്ട​തിന്‌, ഇന്നത്തെ ചില ദൈവ​ദാ​സ​രും പൗലോ​സി​നെ​പ്പോ​ലെ വിവാഹം വേണ്ടെന്ന്‌ തീരു​മാ​നി​ക്കു​ന്നു. (മത്താ. 19:11, 12) അവിവാ​ഹി​തർക്ക്‌ മിക്ക​പ്പോ​ഴും വിവാ​ഹി​ത​രെ​ക്കാൾ കുടും​ബോ​ത്ത​ര​വാ​ദി​ത്വ​ങ്ങൾ കുറവാ​യി​രി​ക്കും. വിവാ​ഹി​ത​രാ​ണെ​ങ്കി​ലും അല്ലെങ്കി​ലും യഹോ​വ​യു​ടെ സേവന​ത്തിൽനിന്ന്‌ നമ്മുടെ ശ്രദ്ധപ​ത​റി​ക്കുന്ന ‘സർവഭാ​ര​വും വിട്ട്‌’ നമുക്ക്‌ നീങ്ങാം. അതിനു​വേണ്ടി ചില​പ്പോൾ നമ്മുടെ ചില ശീലങ്ങൾക്ക്‌ മാറ്റം വരു​ത്തേണ്ടി വന്നേക്കാം. അതുവഴി സമയം പാഴാ​കു​ന്നത്‌ ഒഴിവാ​ക്കാം; ദൈവ​സേ​വ​ന​ത്തിന്‌ കൂടുതൽ സമയവും കണ്ടെത്താം.

¹⁷ ഉദാഹ​ര​ണ​ത്തിന്‌, മാർക്കി​ന്റെ​യും ക്ലെയറി​ന്റെ​യും കാര്യ​മെ​ടു​ക്കാം. ഈ ദമ്പതികൾ വെയിൽസി​ലാണ്‌ വളർന്നു​വ​ന്നത്‌. സ്‌കൂൾപ​ഠനം കഴിഞ്ഞ​തും അവർ രണ്ടു​പേ​രും മുൻനി​ര​സേ​വനം തുടങ്ങി. വിവാ​ഹി​ത​രായ ശേഷവും അവർ അത്‌ തുടർന്നു. എന്നാൽ അവർ സേവന​ത്തിൽ കൂടുതൽ ചെയ്യാൻ ആഗ്രഹി​ച്ചു. മാർക്ക്‌ പറയുന്നു: “ഞങ്ങൾക്കു​ണ്ടാ​യി​രുന്ന മൂന്നു മുറി​ക​ളുള്ള വീടും അംശകാല ജോലി​യും ഉപേക്ഷിച്ച്‌ ഞങ്ങൾ ജീവിതം ലളിത​മാ​ക്കി. അങ്ങനെ ഞങ്ങൾക്ക്‌ അന്താരാ​ഷ്‌ട്ര​നിർമാ​ണ​വേ​ല​യിൽ പ്രവേ​ശി​ക്കാൻ കഴിഞ്ഞു.” കഴിഞ്ഞ 20 വർഷമാ​യി ആഫ്രി​ക്ക​യു​ടെ പല ഭാഗങ്ങൾ സന്ദർശിച്ച്‌ രാജ്യ​ഹാ​ളു​കൾ നിർമി​ക്കു​ന്ന​തിൽ അവർ സഹായി​ച്ചു​വ​രു​ന്നു. അവരുടെ കൈയിൽ ചില​പ്പോൾ ഒട്ടും​തന്നെ പണം കാണി​ല്ലാ​യി​രു​ന്നു. എന്നാൽ യഹോവ അവരുടെ ആവശ്യങ്ങൾ നടത്തി​ക്കൊ​ടു​ത്തു. ക്ലെയർ പറയുന്നു: “യഹോ​വയെ സേവി​ച്ചു​കൊണ്ട്‌ ഓരോ ദിവസ​വും ചെലവ​ഴി​ക്കാ​നാ​കു​ന്നത്‌ ഞങ്ങൾക്ക്‌ എന്തെന്നി​ല്ലാത്ത സംതൃ​പ്‌തി നൽകുന്നു. ഇക്കാല​ത്തി​നി​ട​യിൽ ഞങ്ങൾക്ക്‌ നിരവ​ധി​പേരെ സുഹൃ​ത്തു​ക്ക​ളാ​ക്കാൻ കഴിഞ്ഞു, ഞങ്ങൾക്ക്‌ ഒന്നിനും കുറവു​ണ്ടാ​യി​ട്ടു​മില്ല. യഹോ​വയെ മുഴു​സ​മയം സേവി​ക്കു​ന്ന​തിൽനിന്ന്‌ കിട്ടുന്ന സന്തോ​ഷ​ത്തോ​ടുള്ള താരത​മ്യ​ത്തിൽ ഞങ്ങൾ പിന്നിൽ വിട്ടു​ക​ളഞ്ഞവ ഒന്നുമല്ല.” യഹോ​വയെ മുഴു​സ​മയം സേവി​ക്കുന്ന പലർക്കും ഇതുത​ന്നെ​യാണ്‌ പറയാ​നു​ള്ളത്‌.b

18. നമ്മൾ നമ്മളോ​ടു​തന്നെ ഏത്‌ ചോദ്യ​ങ്ങൾ ചോദി​ക്കണം?

¹⁸ യഹോ​വയെ സേവി​ക്കു​ന്ന​തിൽ കൂടുതൽ ഉത്സാഹ​മു​ള്ള​വ​രാ​ക​ണ​മെന്ന്‌ നിങ്ങൾക്ക്‌ തോന്നു​ന്നു​ണ്ടോ? പ്രധാ​ന​പ്പെട്ട കാര്യ​ങ്ങ​ളിൽനിന്ന്‌ നിങ്ങളു​ടെ ശ്രദ്ധ വ്യതി​ച​ലി​പ്പി​ക്കുന്ന എന്തെങ്കി​ലു​മു​ണ്ടോ? അങ്ങനെ​യാ​ണെ​ങ്കിൽ നിങ്ങൾക്ക്‌ എന്തു ചെയ്യാം? ബൈബിൾ വായി​ക്കു​ക​യും പഠിക്കു​ക​യും ചെയ്യുന്ന വിധം നിങ്ങൾക്ക്‌ മെച്ച​പ്പെ​ടു​ത്താ​നാ​കും. അടുത്ത ലേഖനം ഇത്‌ എങ്ങനെ ചെയ്യാ​മെന്ന്‌ വിശദീ​ക​രി​ക്കും.