മോച​ന​വില—പിതാ​വി​ന്റെ ‘തികവുറ്റ സമ്മാനം’

1. മോച​ന​വില എന്തൊക്കെ അനു​ഗ്ര​ഹങ്ങൾ നേടി​ത്ത​രു​ന്നു?

യേശു​ക്രി​സ്‌തു​വി​ന്റെ മോച​ന​വി​ല​യി​ലൂ​ടെ ലഭിക്കുന്ന അനു​ഗ്ര​ഹങ്ങൾ പലതാണ്‌. ആദാമി​ന്റെ മക്കളിൽ നീതിയെ സ്‌നേ​ഹി​ക്കു​ന്ന​വർക്കെ​ല്ലാം ദൈവ​കു​ടും​ബ​ത്തി​ന്റെ ഭാഗമാ​യി​രി​ക്കാ​നും സന്തോ​ഷ​ത്തോ​ടെ എന്നെന്നും ജീവി​ക്കാ​നും ഉള്ള അവസരം കിട്ടി​യതു മോച​ന​വി​ല​യി​ലൂ​ടെ​യാണ്‌. എന്നാൽ മോച​ന​വി​ല​യു​ടെ അനു​ഗ്ര​ഹങ്ങൾ അതിൽ അവസാ​നി​ക്കു​ന്നില്ല. യഹോ​വ​യു​ടെ നീതിക്കു മുഖ്യ​സ്ഥാ​നം കൊടു​ത്തു​കൊണ്ട്‌ മരണം വരിക്കാൻ യേശു കാണിച്ച സന്നദ്ധത വളരെ പ്രധാ​ന​പ്പെട്ട ചില വിഷയ​ങ്ങ​ളി​ലേക്കു നമ്മുടെ ശ്രദ്ധ തിരി​ക്കു​ന്നു.—എബ്രാ. 1:8, 9.

2. (എ) സ്വർഗ​ത്തി​ലും ഭൂമി​യി​ലും ഉള്ള എല്ലാവ​രെ​യും ബാധി​ക്കുന്ന ഏതൊക്കെ കാര്യങ്ങൾ യേശു​വി​ന്റെ പ്രാർഥ​ന​യിൽ കാണാ​നാ​കും? (ലേഖനാ​രം​ഭ​ത്തി​ലെ ചിത്രം കാണുക.) (ബി) നമ്മൾ ഇനി എന്താണു പഠിക്കാൻപോ​കു​ന്നത്‌?

² മരണത്തി​ലൂ​ടെ മോച​ന​വില കൊടു​ക്കു​ന്ന​തി​നു രണ്ടു വർഷം മുമ്പ്‌ യേശു ശിഷ്യ​ന്മാ​രെ ഇങ്ങനെ പ്രാർഥി​ക്കാൻ പഠിപ്പി​ച്ചു: “സ്വർഗ​സ്ഥ​നായ ഞങ്ങളുടെ പിതാവേ, അങ്ങയുടെ പേര്‌ പരിശു​ദ്ധ​മാ​യി​രി​ക്കേ​ണമേ. അങ്ങയുടെ രാജ്യം വരേണമേ. അങ്ങയുടെ ഇഷ്ടം സ്വർഗ​ത്തി​ലെ​പ്പോ​ലെ ഭൂമി​യി​ലും നടക്കേ​ണമേ.” (മത്താ. 6:9, 10) മോച​ന​വില ദൈവ​നാ​മം പരിശു​ദ്ധ​മാ​ക്കു​ന്ന​തി​നോ​ടും ദൈവ​രാ​ജ്യ​ഭ​ര​ണ​ത്തോ​ടും ദൈവ​ത്തി​ന്റെ ഉദ്ദേശ്യം പൂർത്തീ​ക​രി​ക്കു​ന്ന​തി​നോ​ടും എങ്ങനെ​യാ​ണു ബന്ധപ്പെ​ട്ടി​രി​ക്കു​ന്ന​തെന്നു നമുക്ക്‌ ഇപ്പോൾ പഠിക്കാം. മോച​ന​വില എന്ന ക്രമീ​ക​ര​ണ​ത്തോ​ടു കൂടുതൽ നന്ദിയു​ള്ള​വ​രാ​യി​രി​ക്കാൻ അതു നമ്മളെ സഹായി​ക്കും.

“അങ്ങയുടെ പേര്‌ പരിശു​ദ്ധ​മാ​യി​രി​ക്കേ​ണമേ”

3. യഹോ​വ​യു​ടെ പേര്‌ യഹോ​വ​യെ​ക്കു​റിച്ച്‌ എന്തൊക്കെ വെളി​പ്പെ​ടു​ത്തു​ന്നു, ആ പരിശു​ദ്ധ​നാ​മത്തെ സാത്താൻ എങ്ങനെ​യാണ്‌ അപകീർത്തി​പ്പെ​ടു​ത്തി​യത്‌?

³ ദൈവ​ത്തി​ന്റെ പേര്‌ പരിശു​ദ്ധ​മാ​യി​രി​ക്കേ​ണമേ എന്ന അപേക്ഷ​യാ​ണു മാതൃ​കാ​പ്രാർഥ​ന​യിൽ യേശു ആദ്യം നടത്തി​യത്‌. യഹോ​വ​യു​ടെ ശ്രേഷ്‌ഠ​ത​യും മഹത്ത്വ​വും പരിശു​ദ്ധി​യും വെളി​പ്പെ​ടു​ത്തുന്ന ഒന്നാണ്‌ യഹോ​വ​യു​ടെ പേര്‌. മറ്റൊരു പ്രാർഥ​ന​യിൽ യേശു യഹോ​വയെ “പരിശു​ദ്ധ​പി​താ​വേ” എന്ന്‌ അഭിസം​ബോ​ധന ചെയ്‌തു. (യോഹ. 17:11) യഹോവ വിശു​ദ്ധ​നാ​യ​തു​കൊണ്ട്‌ യഹോ​വ​യു​ടെ എല്ലാ തത്ത്വങ്ങ​ളും നിയമ​ങ്ങ​ളും വിശു​ദ്ധ​മാണ്‌. ഇങ്ങനെ​യൊ​ക്കെ​യാ​ണെ​ങ്കി​ലും, മനുഷ്യ​രു​ടെ കാര്യ​ത്തിൽ നിലവാ​രങ്ങൾ വെക്കാ​നുള്ള ദൈവ​ത്തി​ന്റെ അവകാ​ശത്തെ സാത്താൻ ഏദെൻ തോട്ട​ത്തിൽവെച്ച്‌ തന്ത്രപൂർവം ചോദ്യം ചെയ്‌തു. യഹോ​വ​യെ​ക്കു​റിച്ച്‌ നുണ പറഞ്ഞു​കൊണ്ട്‌ സാത്താൻ യഹോ​വ​യു​ടെ പരിശു​ദ്ധ​നാ​മം അപകീർത്തി​പ്പെ​ടു​ത്തി.—ഉൽപ. 3:1-5.

4. ദൈവ​നാ​മം പരിശു​ദ്ധ​മാ​ക്കു​ന്ന​തിൽ യേശു എന്തു പങ്കു വഹിച്ചു?

⁴ എന്നാൽ യേശു യഹോ​വ​യു​ടെ പേരിനെ അങ്ങേയറ്റം സ്‌നേ​ഹി​ച്ചു. (യോഹ. 17:25, 26) അതു പരിശു​ദ്ധ​മാ​ക്കാൻ തന്നെ​ക്കൊണ്ട്‌ ആകുന്ന​തെ​ല്ലാം യേശു ചെയ്‌തു. (സങ്കീർത്തനം 40:8-10 വായി​ക്കുക.) ബുദ്ധി​ശ​ക്തി​യുള്ള സൃഷ്ടി​കൾക്ക്‌ യഹോവ നിലവാ​രങ്ങൾ വെക്കു​ന്നതു ന്യായ​വും നീതി​യു​ക്ത​വും ആണെന്നു ഭൂമി​യി​ലെ ജീവി​ത​ത്തി​ലൂ​ടെ യേശു തെളി​യി​ച്ചു. വേദനാ​ക​ര​മായ വിധത്തിൽ മരിക്കാൻ സാത്താൻ ഇടയാ​ക്കി​യ​പ്പോൾപ്പോ​ലും യേശു സ്വർഗീ​യ​പി​താ​വി​നോ​ടു സമ്പൂർണ​വി​ശ്വ​സ്‌തത കാണിച്ചു. ആ വിശ്വ​സ്‌തത, ഒരു പൂർണ​മ​നു​ഷ്യ​നു ദൈവ​ത്തി​ന്റെ നീതി​യുള്ള നിലവാ​രങ്ങൾ തിക​വോ​ടെ അനുസ​രി​ക്കാൻ കഴിയു​മെന്നു തെളി​യി​ച്ചു.

5. ദൈവ​നാ​മം പരിശു​ദ്ധ​മാ​ക്കു​ന്ന​തിൽ നമുക്ക്‌ എന്തു പങ്കുവ​ഹി​ക്കാ​നാ​കും?

⁵ യഹോ​വ​യു​ടെ പേരിനെ സ്‌നേ​ഹി​ക്കു​ന്നെന്നു നമുക്ക്‌ എങ്ങനെ കാണി​ക്കാ​നാ​കും? നമ്മൾ ജീവി​ക്കുന്ന വിധത്തി​ലൂ​ടെ! നമ്മൾ വിശു​ദ്ധ​രാ​യി​രി​ക്കാൻ യഹോവ ആവശ്യ​പ്പെ​ടു​ന്നു. (1 പത്രോസ്‌ 1:15, 16 വായി​ക്കുക.) യഹോ​വയെ മാത്രമേ ആരാധി​ക്കാ​വൂ എന്നും മുഴു​ഹൃ​ദ​യ​ത്തോ​ടെ യഹോ​വയെ അനുസ​രി​ക്ക​ണ​മെ​ന്നും ആണ്‌ അതിന്റെ അർഥം. ഉപദ്രവം സഹി​ക്കേ​ണ്ടി​വ​ന്നാൽപ്പോ​ലും യഹോ​വ​യു​ടെ നീതി​യുള്ള തത്ത്വങ്ങൾക്കും നിയമ​ങ്ങൾക്കും ചേർച്ച​യിൽ ജീവി​ക്കാൻ കഴിയു​ന്ന​തെ​ല്ലാം നമ്മൾ ചെയ്യും. നീതി​യുള്ള പ്രവൃ​ത്തി​ക​ളി​ലൂ​ടെ നമ്മൾ വെളിച്ചം പ്രകാ​ശി​പ്പി​ക്കു​ക​യും അങ്ങനെ യഹോ​വ​യു​ടെ പേരിനു മഹത്ത്വം കൊടു​ക്കു​ക​യും ചെയ്യുന്നു. (മത്താ. 5:14-16) വിശു​ദ്ധ​ജ​ന​മായ നമ്മൾ നമ്മുടെ ജീവി​ത​ത്തി​ലൂ​ടെ യഹോ​വ​യു​ടെ നിയമ​ങ്ങ​ളാ​ണു ശരി​യെ​ന്നും സാത്താന്റെ ആരോ​പ​ണങ്ങൾ വ്യാജ​മാ​ണെ​ന്നും തെളി​യി​ക്കു​ന്നു. എന്നാൽ നമുക്കു തെറ്റുകൾ പറ്റു​മ്പോ​ഴോ? ആത്മാർഥ​മാ​യി പശ്ചാത്ത​പി​ക്കു​ക​യും യഹോ​വ​യു​ടെ പേര്‌ കളങ്ക​പ്പെ​ടു​ത്തുന്ന പ്രവൃ​ത്തി​കൾ ഉപേക്ഷി​ക്കു​ക​യും ചെയ്യും.—സങ്കീ. 79:9.

6. അപൂർണ​രാ​ണെ​ങ്കി​ലും നമ്മളെ യഹോ​വ​യ്‌ക്കു നീതി​മാ​ന്മാ​രാ​യി കാണാൻ കഴിയു​ന്നത്‌ എന്തു​കൊണ്ട്‌?

⁶ വിശ്വാ​സ​മു​ള്ള​വ​രു​ടെ പാപങ്ങൾ ക്രിസ്‌തു​വി​ന്റെ ബലിയു​ടെ അടിസ്ഥാ​ന​ത്തിൽ യഹോവ ക്ഷമിക്കു​ന്നു. ദൈവ​ത്തി​നു ജീവിതം സമർപ്പി​ക്കു​ന്ന​വരെ ദൈവം തന്റെ ആരാധ​ക​രാ​യി സ്വീക​രി​ക്കും. യഹോവ അഭിഷി​ക്ത​ക്രി​സ്‌ത്യാ​നി​കളെ മക്കളെന്ന നിലയി​ലും ‘വേറെ ആടുക​ളിൽപ്പെ​ട്ട​വരെ’ സ്‌നേ​ഹി​ത​രെന്ന നിലയി​ലും നീതി​മാ​ന്മാ​രാ​യി പ്രഖ്യാ​പി​ക്കു​ന്നു. (യോഹ. 10:16; റോമ. 5:1, 2; യാക്കോ. 2:21-25) അതെ, ഇപ്പോൾപ്പോ​ലും പിതാ​വി​ന്റെ മുമ്പാകെ നീതി​മാ​ന്മാ​രാ​യി നിൽക്കാ​നും ദൈവ​നാ​മ​ത്തി​ന്റെ വിശു​ദ്ധീ​ക​ര​ണ​ത്തിൽ ഒരു പങ്കു വഹിക്കാ​നും മോച​ന​വില നമ്മളെ സഹായി​ക്കും.

“അങ്ങയുടെ രാജ്യം വരേണമേ”

7. മോച​ന​വി​ല​യി​ലൂ​ടെ ദൈവ​രാ​ജ്യ​ഭ​ര​ണ​ത്തിൽ നമുക്കു ലഭിക്കുന്ന അനു​ഗ്ര​ഹങ്ങൾ ഏതൊക്കെ?

⁷ മാതൃ​കാ​പ്രാർഥ​ന​യിൽ യേശു​വി​ന്റെ അടുത്ത അപേക്ഷ ഇതായി​രു​ന്നു: “അങ്ങയുടെ രാജ്യം വരേണമേ.” എന്നാൽ മോച​ന​വില എങ്ങനെ​യാ​ണു ദൈവ​രാ​ജ്യ​വു​മാ​യി ബന്ധപ്പെ​ട്ടി​രി​ക്കു​ന്നത്‌? ക്രിസ്‌തു​വി​നോ​ടൊ​പ്പം സ്വർഗ​ത്തിൽ രാജാ​ക്ക​ന്മാ​രും പുരോ​ഹി​ത​ന്മാ​രും ആയി സേവി​ക്കാ​നുള്ള 1,44,000 പേരുടെ കൂട്ടി​ച്ചേർപ്പു സാധ്യ​മാ​കു​ന്നതു മോച​ന​വി​ല​യി​ലൂ​ടെ​യാണ്‌. (വെളി. 5:9, 10; 14:1) യേശു​വും ആ സഹഭര​ണാ​ധി​കാ​രി​ക​ളും ചേർന്നുള്ള ദൈവ​രാ​ജ്യ​ഗ​വൺമെന്റ്‌ ആയിരം വർഷം ഭരണം നടത്തും. ആ കാലത്ത്‌ അവർ മോച​ന​വി​ല​യു​ടെ പ്രയോ​ജ​നങ്ങൾ ആസ്വദി​ക്കാൻ അനുസ​ര​ണ​മുള്ള മനുഷ്യ​രെ സഹായി​ക്കും. ഭൂമി ഒരു പറുദീ​സ​യാ​യി മാറും. വിശ്വ​സ്‌ത​രായ എല്ലാ മനുഷ്യ​രും പൂർണ​ത​യു​ള്ള​വ​രാ​കും. അങ്ങനെ സ്വർഗ​ത്തി​ലും ഭൂമി​യി​ലും ഉള്ള ദൈവ​ദാ​സ​രെ​ല്ലാം ഒരൊറ്റ കുടും​ബ​മാ​കും. (വെളി. 5:13; 20:6) യേശു സർപ്പത്തി​ന്റെ തല തകർത്ത്‌ സാത്താന്റെ ധിക്കാ​ര​ത്തി​ന്റെ എല്ലാ കണിക​യും പ്രപഞ്ച​ത്തിൽനിന്ന്‌ തുടച്ചു​നീ​ക്കും.—ഉൽപ. 3:15.

8. (എ) ദൈവ​രാ​ജ്യ​ത്തി​ന്റെ പ്രാധാ​ന്യം യേശു ശിഷ്യ​ന്മാ​രെ ബോധ്യ​പ്പെ​ടു​ത്തി​യത്‌ എങ്ങനെ? (ബി) ദൈവ​രാ​ജ്യ​ത്തെ പിന്തു​ണ​യ്‌ക്കു​ന്നെന്നു നമുക്ക്‌ എങ്ങനെ കാണി​ക്കാം?

⁸ ഭൂമി​യി​ലാ​യി​രു​ന്ന​പ്പോൾ യേശു ദൈവ​രാ​ജ്യ​ത്തി​ന്റെ പ്രാധാ​ന്യം മനസ്സി​ലാ​ക്കാൻ ശിഷ്യന്മാരെ സഹായിച്ചു. സ്‌നാ​ന​മേറ്റ്‌ അധികം വൈകാതെ യേശു “ദൈവരാജ്യത്തിന്റെ സന്തോഷവാർത്ത” ആ നാട്ടിൽ അങ്ങോ​ള​മി​ങ്ങോ​ളം എത്തിച്ചു. (ലൂക്കോ. 4:43) സ്വർഗ​ത്തി​ലേക്കു മടങ്ങു​ന്ന​തി​നു തൊട്ടു​മുമ്പ്‌ യേശു ശിഷ്യ​ന്മാ​രോ​ടു “ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും” തന്റെ സാക്ഷി​ക​ളാ​യി​രി​ക്ക​ണ​മെന്നു നിർദേ​ശി​ച്ചു. (പ്രവൃ. 1:6-8) ദൈവ​രാ​ജ്യ​ത്തെ​ക്കു​റി​ച്ചുള്ള പ്രസം​ഗ​പ്ര​വർത്ത​ന​ത്തി​ലൂ​ടെ, മോച​ന​വി​ല​യെ​ക്കു​റിച്ച്‌ അറിയാ​നും ആ രാജ്യ​ത്തി​ന്റെ പ്രജക​ളാ​കാ​നും ഭൂമി​യി​ലെ​ങ്ങു​മു​ള്ള​വർക്കു നമ്മൾ അവസരം കൊടു​ക്കു​ക​യാണ്‌. ഭൂലോ​ക​ത്തെ​ങ്ങും സന്തോ​ഷ​വാർത്ത പ്രസം​ഗി​ക്കാ​നുള്ള നിയമനം നിർവ​ഹി​ക്കു​ന്ന​തിൽ ക്രിസ്‌തു​വി​ന്റെ സഹോ​ദ​ര​ന്മാ​രെ സഹായി​ച്ചു​കൊണ്ട്‌ ദൈവ​രാ​ജ്യ​ത്തെ പിന്തു​ണ​യ്‌ക്കു​ന്ന​വ​രാ​ണെന്നു നമുക്കു കാണി​ക്കാം.—മത്താ. 24:14; 25:40.

‘അങ്ങയുടെ ഇഷ്ടം നടക്കേ​ണമേ’

9. മനുഷ്യ​രെ​ക്കു​റി​ച്ചുള്ള ദൈവ​ത്തി​ന്റെ ഉദ്ദേശ്യം നടപ്പാ​കു​മെന്നു നമുക്ക്‌ ഉറപ്പു​ള്ളത്‌ എന്തു​കൊണ്ട്‌?

⁹ ‘അങ്ങയുടെ ഇഷ്ടം നടക്കേ​ണമേ’ എന്നു പ്രാർഥി​ച്ച​പ്പോൾ യേശു എന്താണ്‌ അർഥമാ​ക്കി​യത്‌? യഹോ​വ​യാ​ണു സ്രഷ്ടാവ്‌, എന്തെങ്കി​ലും ഒരു കാര്യം സംഭവി​ക്ക​ണ​മെന്നു ദൈവം പറഞ്ഞു​ക​ഴി​ഞ്ഞാൽ അതു സംഭവി​ച്ചു​ക​ഴി​ഞ്ഞ​തു​പോ​ലെ​യാണ്‌. അത്ര ഉറപ്പാണ്‌ അതു നടക്കു​മെന്ന്‌. (യശ. 55:11) സാത്താൻ ധിക്കാരം കാണി​ച്ചെന്നു കരുതി മനുഷ്യ​രെ​ക്കു​റി​ച്ചുള്ള തന്റെ ഉദ്ദേശ്യ​ത്തിന്‌ യഹോവ മാറ്റം വരുത്തില്ല. ആദാമി​ന്റെ​യും ഹവ്വയു​ടെ​യും പൂർണ​ത​യുള്ള മക്കളെ​ക്കൊണ്ട്‌ ഭൂമി നിറയ്‌ക്കുക എന്ന ഇഷ്ടം യഹോവ ഉറപ്പാ​യും നടപ്പാ​ക്കും. (ഉൽപ. 1:28) ആദാമും ഹവ്വയും മക്കളി​ല്ലാ​തെ മരിച്ചു​പോ​യി​രു​ന്നെ​ങ്കിൽ അവരുടെ സന്തതി​ക​ളെ​ക്കൊണ്ട്‌ ഭൂമി നിറയ്‌ക്കു​ക​യെന്ന ഉദ്ദേശ്യം നടക്കാ​തെ​പോ​കു​മാ​യി​രു​ന്നു. അതു​കൊണ്ട്‌ അവർക്കു മക്കൾ ഉണ്ടാകാൻ യഹോവ അനുവ​ദി​ച്ചു. വിശ്വ​സി​ക്കുന്ന എല്ലാവർക്കും പൂർണത കൈവ​രി​ക്കാ​നും എന്നെന്നും ജീവി​ക്കാ​നും ഉള്ള അവസരം മോച​ന​വി​ല​യി​ലൂ​ടെ യഹോവ തരുന്നു. യഹോ​വ​യ്‌ക്കു മനുഷ്യ​രോ​ടു സ്‌നേ​ഹ​മുണ്ട്‌. അനുസ​ര​ണ​മുള്ള മനുഷ്യർ താൻ ആഗ്രഹി​ച്ച​തു​പോ​ലുള്ള മനോ​ഹ​ര​മായ ഒരു ജീവിതം ആസ്വദി​ക്കണം എന്നതാണു ദൈവ​ത്തി​ന്റെ ഇഷ്ടം.

10. മരിച്ചു​പോയ മനുഷ്യർക്കു മോച​ന​വി​ല​യിൽനിന്ന്‌ എന്തു പ്രയോ​ജനം കിട്ടും?

¹⁰ യഹോ​വയെ അറിയാ​നും സേവി​ക്കാ​നും അവസരം കിട്ടാതെ മരിച്ചു​പോയ കോടി​ക്ക​ണ​ക്കിന്‌ ആളുക​ളു​ടെ കാര്യ​മോ? സ്‌നേ​ഹ​മുള്ള നമ്മുടെ സ്വർഗീ​യ​പി​താവ്‌ മോച​ന​വി​ല​യു​ടെ അടിസ്ഥാ​ന​ത്തിൽ അവരെ ജീവനി​ലേക്കു തിരികെ കൊണ്ടു​വ​രു​ക​യും തന്റെ ഉദ്ദേശ്യ​ത്തെ​ക്കു​റിച്ച്‌ പഠിക്കാ​നും നിത്യ​ജീ​വൻ നേടാ​നും അവസരം കൊടു​ക്കു​ക​യും ചെയ്യും. (പ്രവൃ. 24:15) മനുഷ്യർ മരിച്ചു​പോ​ക​ണ​മെന്നല്ല യഹോ​വ​യു​ടെ ആഗ്രഹം, ജീവി​ക്ക​ണ​മെ​ന്നാണ്‌. ജീവന്റെ ഉറവായ യഹോവ പുനരു​ത്ഥാ​ന​ത്തിൽ വരുന്ന എല്ലാവർക്കും പിതാ​വാ​യി​ത്തീ​രും. (സങ്കീ. 36:9) അതു​കൊണ്ട്‌ യേശു പഠിപ്പിച്ച മാതൃ​കാ​പ്രാർഥ​ന​യി​ലെ “സ്വർഗ​സ്ഥ​നായ ഞങ്ങളുടെ പിതാവേ” എന്ന അഭിസം​ബോ​ധന തികച്ചും ഉചിത​മാണ്‌. (മത്താ. 6:9) മരിച്ച​വരെ പുനരു​ത്ഥാ​ന​പ്പെ​ടു​ത്തു​ന്ന​തിൽ യഹോവ യേശു​വിന്‌ ഒരു മുഖ്യ​പങ്കു കൊടു​ത്തി​ട്ടുണ്ട്‌. (യോഹ. 6:40, 44) “പുനരു​ത്ഥാ​ന​വും ജീവനും” എന്ന ധർമം പറുദീ​സ​യിൽ യേശു പൂർത്തി​യാ​ക്കും.—യോഹ. 11:25.

11. ‘മഹാപു​രു​ഷാ​ര​ത്തെ​ക്കു​റി​ച്ചുള്ള’ ദൈവ​ത്തി​ന്റെ ഇഷ്ടം എന്താണ്‌?

¹¹ ഏതാനും ചില​രോ​ടു മാത്രം ഔദാ​ര്യം കാണി​ക്കുന്ന ദൈവമല്ല യഹോവ. യേശു പറഞ്ഞു: “ദൈവ​ത്തി​ന്റെ ഇഷ്ടം ചെയ്യു​ന്നത്‌ ആരോ അവരാണ്‌ എന്റെ സഹോ​ദ​ര​നും സഹോ​ദ​രി​യും അമ്മയും.” (മർക്കോ. 3:35) എല്ലാ ജനതക​ളി​ലും ഗോ​ത്ര​ങ്ങ​ളി​ലും ഭാഷക​ളി​ലും നിന്നുള്ള, ആർക്കും എണ്ണിത്തി​ട്ട​പ്പെ​ടു​ത്താൻ കഴിയാത്ത ഒരു “മഹാപു​രു​ഷാ​രം” തന്റെ ആരാധ​ക​രാ​യി​ത്തീ​ര​ണ​മെ​ന്നാ​ണു ദൈവ​ത്തി​ന്റെ ആഗ്രഹം. ക്രിസ്‌തു​വി​ന്റെ മോച​ന​വി​ല​യിൽ വിശ്വ​സി​ക്കു​ക​യും ദൈവ​ത്തി​ന്റെ ഇഷ്ടം ചെയ്യു​ക​യും ചെയ്യുന്ന സകലർക്കും ഇങ്ങനെ ഘോഷി​ക്കാൻ കഴിയും: “നമുക്കു ലഭിച്ച രക്ഷയ്‌ക്കു നമ്മൾ, സിംഹാ​സ​ന​ത്തിൽ ഇരിക്കുന്ന നമ്മുടെ ദൈവ​ത്തോ​ടും കുഞ്ഞാ​ടി​നോ​ടും കടപ്പെ​ട്ടി​രി​ക്കു​ന്നു.”—വെളി. 7:9, 10.

12. അനുസ​ര​ണ​മുള്ള മനുഷ്യ​രെ​ക്കു​റി​ച്ചുള്ള യഹോ​വ​യു​ടെ ഉദ്ദേശ്യം എന്താ​ണെന്നു മാതൃ​കാ​പ്രാർഥന വെളി​പ്പെ​ടു​ത്തു​ന്നത്‌ എങ്ങനെ?

¹² യേശു​വി​ന്റെ മാതൃ​കാ​പ്രാർഥ​ന​യി​ലെ അപേക്ഷകൾ, അനുസ​ര​ണ​മുള്ള മനുഷ്യ​രെ​ക്കു​റി​ച്ചുള്ള യഹോ​വ​യു​ടെ ഉദ്ദേശ്യം എന്താ​ണെന്നു വെളി​പ്പെ​ടു​ത്തു​ന്നു. ഈ പ്രാർഥ​ന​യിൽ പറഞ്ഞി​രി​ക്കു​ന്ന​തി​നു ചേർച്ച​യിൽ, യഹോ​വ​യു​ടെ പേര്‌ പരിശു​ദ്ധ​മാ​ക്കാൻ നമുക്ക്‌ എന്തൊക്കെ ചെയ്യാൻ കഴിയു​മോ അതൊക്കെ ചെയ്യണം; നമ്മൾ ആ പേര്‌ പാവന​മാ​യി കണക്കാ​ക്കണം. (യശ. 8:13) യേശു എന്ന പേരിന്റെ അർഥം “യഹോവ രക്ഷയാണ്‌” എന്നാണ്‌. യേശു​വി​ന്റെ മോച​ന​വി​ല​യി​ലൂ​ടെ നമുക്കു ലഭിക്കുന്ന രക്ഷ യഹോ​വ​യു​ടെ പേരിനു മഹത്ത്വ​വും ബഹുമാ​ന​വും കൈവ​രു​ത്തും. യഹോവ അനുസ​ര​ണ​മുള്ള മനുഷ്യർക്കു മോച​ന​വി​ല​യു​ടെ പ്രയോ​ജ​നങ്ങൾ ദൈവ​രാ​ജ്യ​ഗ​വൺമെ​ന്റി​ലൂ​ടെ നൽകും. ചുരു​ക്ക​ത്തിൽ, ദൈവ​ത്തി​ന്റെ ഇഷ്ടം നടപ്പാ​ക്കു​ന്ന​തിൽനിന്ന്‌ ദൈവത്തെ തടയാൻ യാതൊ​ന്നി​നു​മാ​കി​ല്ലെന്നു മാതൃ​കാ​പ്രാർഥന നമുക്ക്‌ ഉറപ്പേ​കു​ന്നു.—സങ്കീ. 135:6; യശ. 46:9, 10.

മോച​ന​വില നൽകി​യ​തി​നു നന്ദി കാണി​ക്കു​ക

13. എന്തിനാ​ണു സ്‌നാ​ന​മേൽക്കു​ന്നത്‌?

¹³ മോച​ന​വില നൽകി​യ​തി​നു നന്ദി കാണി​ക്കാ​നുള്ള ഒരു പ്രധാ​ന​വി​ധം, നമ്മളെ​ത്തന്നെ യഹോ​വ​യ്‌ക്കു സമർപ്പി​ക്കു​ക​യും സ്‌നാ​ന​പ്പെ​ടു​ക​യും ചെയ്യുക എന്നതാണ്‌. “നമ്മൾ യഹോ​വ​യ്‌ക്കു​ള്ള​വ​രാണ്‌” എന്നു സ്‌നാനം തെളി​യി​ക്കു​ന്നു. (റോമ. 14:8) കൂടാതെ സ്‌നാ​ന​പ്പെ​ടു​ന്ന​തി​ലൂ​ടെ നമ്മൾ ഒരു ശുദ്ധമ​ന​സ്സാ​ക്ഷി​ക്കു​വേണ്ടി ദൈവ​ത്തോട്‌ അപേക്ഷി​ക്കു​ക​യാണ്‌. (1 പത്രോ. 3:21) ക്രിസ്‌തു​വി​ന്റെ ബലിരക്തം ഉപയോ​ഗിച്ച്‌ നമ്മളെ ശുദ്ധീ​ക​രി​ച്ചു​കൊണ്ട്‌ യഹോവ ആ പ്രാർഥ​ന​യ്‌ക്ക്‌ ഉത്തരം നൽകുന്നു. വാഗ്‌ദാ​നം ചെയ്‌ത​തെ​ല്ലാം യഹോവ തരു​മെന്നു നമുക്ക്‌ ഉറപ്പാണ്‌.—റോമ. 8:32.

14. അയൽക്കാ​രെ സ്‌നേ​ഹി​ക്കാൻ നമ്മളോ​ടു കല്‌പി​ച്ചി​രി​ക്കു​ന്നത്‌ എന്തു​കൊണ്ട്‌?

¹⁴ നന്ദി കാണി​ക്കാ​നുള്ള മറ്റൊരു വിധം ഏതാണ്‌? യഹോവ ചെയ്യു​ന്ന​തി​ലെ​ല്ലാം സ്‌നേ​ഹ​ത്തി​ന്റെ സ്‌പർശ​മുണ്ട്‌. അതു​കൊണ്ട്‌ തന്റെ ആരാധ​ക​രായ എല്ലാവ​രു​ടെ​യും പ്രമു​ഖ​ഗു​ണം സ്‌നേ​ഹ​മാ​യി​രി​ക്ക​ണ​മെന്ന്‌ യഹോവ പ്രതീ​ക്ഷി​ക്കു​ന്നു. (1 യോഹ. 4:8-11) അയൽക്കാ​രെ സ്‌നേ​ഹി​ക്കു​മ്പോൾ ‘സ്വർഗ​സ്ഥ​നായ നമ്മുടെ പിതാ​വി​ന്റെ പുത്ര​ന്മാ​രാ​യി​ത്തീ​രാൻ’ ആഗ്രഹി​ക്കു​ന്നെന്നു നമ്മൾ തെളി​യി​ക്കു​ക​യാണ്‌. (മത്താ. 5:43-48) ഏറ്റവും പ്രധാ​ന​പ്പെട്ട കല്‌പ​ന​ക​ളിൽ ആദ്യ​ത്തേത്‌ യഹോ​വയെ സ്‌നേ​ഹി​ക്കു​ന്ന​തും രണ്ടാമ​ത്തേത്‌ അയൽക്കാ​രെ സ്‌നേ​ഹി​ക്കു​ന്ന​തും ആണെന്നു യേശു പറഞ്ഞു. (മത്താ. 22:37-40) ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത അയൽക്കാ​രെ അറിയി​ച്ചു​കൊണ്ട്‌ അവരോ​ടുള്ള സ്‌നേഹം നമുക്കു കാണി​ക്കാം. ഓർക്കുക: സഹമനു​ഷ്യ​രെ സ്‌നേ​ഹി​ക്കു​മ്പോൾ നമ്മൾ യഹോ​വ​യു​ടെ മഹത്ത്വം പ്രതി​ഫ​ലി​പ്പി​ക്കു​ക​യാണ്‌. മറ്റുള്ള​വരെ, പ്രത്യേ​കിച്ച്‌ സഹോ​ദ​ര​ങ്ങളെ, സ്‌നേ​ഹി​ക്കാ​നുള്ള കല്‌പന അനുസ​രി​ക്കു​മ്പോൾ ദൈവ​ത്തി​ന്റെ സ്‌നേഹം ‘നമ്മളിൽ പൂർണ​മാ​കും.’—1 യോഹ. 4:12, 20.

മോച​ന​വില യഹോ​വ​യിൽനിന്ന്‌ “ഉന്മേഷ​കാ​ലങ്ങൾ” നേടി​ത്ത​രു​ന്നു

15. (എ) യഹോവ ഇപ്പോൾ നമുക്ക്‌ എന്തൊക്കെ അനു​ഗ്ര​ഹ​ങ്ങ​ളാ​ണു തരുന്നത്‌? (ബി) നമ്മളെ എന്തൊക്കെ അനു​ഗ്ര​ഹ​ങ്ങ​ളാ​ണു കാത്തി​രി​ക്കു​ന്നത്‌?

¹⁵ മോചനവിലയിൽ വിശ്വാസമർപ്പിക്കുമ്പോൾ യഹോവ നമ്മുടെ പാപങ്ങൾ പൂർണ​മാ​യും ക്ഷമിച്ചു​ത​രും. ആ പാപങ്ങൾ ‘മായ്‌ച്ചു​ക​ള​യു​മെന്നു’ ദൈവ​വ​ചനം ഉറപ്പു തരുന്നു. (പ്രവൃ​ത്തി​കൾ 3:19-21 വായി​ക്കുക.) നമ്മൾ നേരത്തേ ചർച്ച ചെയ്‌ത​തു​പോ​ലെ, മോച​ന​വി​ല​യു​ടെ അടിസ്ഥാ​ന​ത്തിൽ യഹോവ അഭിഷി​ക്ത​ദാ​സരെ സ്വന്തം മക്കളായി ദത്തെടു​ക്കു​ന്നു. (റോമ. 8:15-17) ‘വേറെ ആടുക​ളിൽപ്പെ​ട്ട​വ​രു​ടെ’ കാര്യ​മോ? യഹോവ അവരുടെ പേര്‌ എഴുതിയ ഒരു ദത്തെടു​ക്കൽരേഖ തയ്യാറാ​ക്കി​വെ​ച്ചി​രി​ക്കു​ക​യാ​ണെന്നു പറയാം. അവർ പൂർണ​രാ​കു​ക​യും അന്തിമ​പ​രി​ശോ​ധ​ന​യിൽ വിജയി​ക്കു​ക​യും ചെയ്‌ത​ശേഷം യഹോവ ആ രേഖയിൽ സന്തോ​ഷ​ത്തോ​ടെ ‘ഒപ്പിടും.’ അങ്ങനെ ഭൂമി​യി​ലെ പ്രിയ​മ​ക്ക​ളാ​യി അവരെ ദത്തെടു​ക്കും. (റോമ. 8:20, 21; വെളി. 20:7-9) മക്കളോ​ടുള്ള യഹോ​വ​യു​ടെ സ്‌നേഹം ഒരിക്ക​ലും ഇല്ലാതാ​കില്ല. മോച​ന​വി​ല​യു​ടെ പ്രയോ​ജ​നങ്ങൾ എന്നെന്നും നിലനിൽക്കും. (എബ്രാ. 9:12) ആ സമ്മാന​ത്തി​ന്റെ മൂല്യം ഒരിക്ക​ലും കുറഞ്ഞു​പോ​കില്ല. ഒരു മനുഷ്യ​നും ഒരു ശക്തിക്കും അതു നമ്മളിൽനിന്ന്‌ കവർന്നെ​ടു​ക്കാ​നാ​കില്ല.

16. യഥാർഥ​സ്വാ​ത​ന്ത്ര്യം നേടാൻ മോച​ന​വില നമ്മളെ പ്രാപ്‌ത​രാ​ക്കു​ന്നത്‌ എങ്ങനെ?

¹⁶ ആത്മാർഥ​മാ​യി പശ്ചാത്ത​പി​ക്കുന്ന എല്ലാവ​രും കാല​ക്ര​മേണ യഹോ​വ​യു​ടെ കുടും​ബ​ത്തി​ന്റെ ഭാഗമാ​കും. അതിൽനിന്ന്‌ അവരെ തടയാൻ പിശാ​ചി​നു കഴിയില്ല. യേശു ഭൂമി​യി​ലേക്കു വന്ന്‌ “എല്ലാ കാല​ത്തേ​ക്കും​വേണ്ടി ഒരു പ്രാവ​ശ്യം” മരിച്ചു. അതു​കൊണ്ട്‌ ഇനി മറ്റൊരു മോച​ന​വി​ല​യു​ടെ ആവശ്യ​മില്ല. (എബ്രാ. 9:24-26) യേശു നൽകിയ മോച​ന​വില ആദാമിൽനിന്ന്‌ നമുക്ക്‌ അവകാ​ശ​മാ​യി കിട്ടിയ ശിക്ഷാ​വി​ധി ഇല്ലാതാ​ക്കു​ക​യും സാത്താന്റെ ലോക​ത്തിൽനിന്ന്‌ നമ്മളെ മോചി​പ്പി​ക്കു​ക​യും ചെയ്യുന്നു. മരണഭീ​തി കൂടാതെ ജീവി​ക്കാ​നും നമുക്കു കഴിയു​ന്നു.—എബ്രാ. 2:14, 15.

17. യഹോ​വ​യു​ടെ സ്‌നേഹം നിങ്ങൾക്ക്‌ എങ്ങനെ പ്രയോ​ജനം ചെയ്യും?

¹⁷ ദൈവത്തിന്റെ വാഗ്‌ദാനങ്ങൾ നമുക്കു പൂർണ​മാ​യും വിശ്വ​സി​ക്കാം. സൃഷ്ടി​യി​ലെ നിയമങ്ങൾ മാറാ​ത്ത​തു​പോ​ലെ യഹോ​വ​യും മാറ്റമി​ല്ലാ​ത്ത​വ​നാണ്‌. യഹോവ ഒരിക്ക​ലും നമ്മളെ നിരാ​ശ​പ്പെ​ടു​ത്തില്ല. (മലാ. 3:6) എന്നാൽ യഹോവ കേവലം ജീവൻ എന്ന സമ്മാനം മാത്രമല്ല തരുന്നത്‌. തന്റെ സ്‌നേ​ഹ​വും നമുക്കു തരുന്നു. ‘ദൈവ​ത്തി​നു നമ്മളോ​ടുള്ള സ്‌നേഹം നമ്മൾ തിരി​ച്ച​റി​യു​ക​യും വിശ്വ​സി​ക്കു​ക​യും ചെയ്‌തി​രി​ക്കു​ന്നു. ദൈവം സ്‌നേ​ഹ​മാണ്‌.’ (1 യോഹ. 4:16) ഭൂമി പെട്ടെ​ന്നു​തന്നെ സന്തോഷം കളിയാ​ടുന്ന ഒരു പറുദീ​സ​യാ​യി മാറും. സ്‌നേ​ഹി​ക്കുന്ന കാര്യ​ത്തിൽ അന്നു ഭൂമി​യി​ലുള്ള എല്ലാവ​രും ദൈവത്തെ അനുക​രി​ക്കും. ദൈവ​ത്തി​ന്റെ വിശ്വ​സ്‌ത​രായ സ്വർഗീ​യ​സൃ​ഷ്ടി​ക​ളോ​ടൊ​പ്പം നമുക്കും ഇങ്ങനെ പറയാം: “സ്‌തു​തി​യും മഹത്ത്വ​വും ജ്ഞാനവും നന്ദിയും ബഹുമാ​ന​വും ശക്തിയും ബലവും എന്നു​മെ​ന്നേ​ക്കും നമ്മുടെ ദൈവ​ത്തി​നു​ള്ളത്‌. ആമേൻ.”—വെളി. 7:12.