ഒരു കുടും​ബ​മെന്ന നിലയിൽ നിങ്ങൾ ആത്മീയ​ല​ക്ഷ്യ​ങ്ങൾ നേടാൻ പ്രവർത്തി​ക്കു​ന്നു​വോ?

¹ ഒരു സമർപ്പി​ത​ജ​ന​മെന്ന നിലയിൽ യഹോ​വയെ വിശ്വ​സ്‌ത​മാ​യി സേവി​ക്കു​ക​യെന്ന ലക്ഷ്യം നമുക്കുണ്ട്‌. നാം നിത്യ​ജീ​വന്റെ ദാനം സ്വീക​രി​ക്കാൻ ആകാം​ക്ഷാ​പൂർവം നോക്കി​പ്പാർത്തി​രി​ക്കു​ക​യും ചെയ്യുന്നു. തീർച്ച​യാ​യും, നാം നമ്മുടെ മാത്രം വിശ്വ​സ്‌ത​ത​യി​ലും രക്ഷയി​ലു​മല്ല തത്‌പ​ര​രാ​യി​രി​ക്കു​ന്നത്‌. ഈ ലക്ഷ്യങ്ങ​ളി​ലെ​ത്താൻ മററു​ള​ള​വരെ സഹായി​ക്കാൻ നാമാ​ഗ്ര​ഹി​ക്കു​ന്നു. വിശേ​ഷിച്ച്‌ നമ്മുടെ സ്വന്തം കുടും​ബത്തെ സഹായി​ക്കാൻ നാം ആഗ്രഹി​ക്കു​ന്നു.—യോഹ. 1:40, 41; 1 തിമൊ. 5:8.

² ഒരു പർവത​ത്തിൽ പടിപ​ടി​യാ​യി കയറു​ന്ന​തു​പോ​ലെ നമുക്ക്‌ നമ്മുടെ ക്രിസ്‌തീ​യ​ഗ​തി​യി​ലും പടിപ​ടി​യാ​യി പുരോ​ഗ​മി​ക്കാൻ കഴിയും. ഈ ലക്ഷ്യത്തിൽ നാം നമുക്കു​വേണ്ടി ആത്മീയ​ല​ക്ഷ്യ​ങ്ങൾ വെക്കുന്നു. ഇത്‌ വ്യക്തി​ക​ളിൽ പരിമി​ത​പ്പെ​ട്ടി​രി​ക്കു​ന്നില്ല. യോഗ​ങ്ങ​ളോ​ടും വയൽസേ​വ​ന​ത്തോ​ടും കുടും​ബാ​ദ്ധ്യ​യ​ന​ത്തോ​ടു​മു​ളള ബന്ധത്തിൽ കുടും​ബ​ങ്ങൾക്കും ലക്ഷ്യങ്ങൾ ഉണ്ടായി​രി​ക്കാൻ കഴിയും. അഭിവൃ​ദ്ധി​കൾ വരു​ത്തേ​ണ്ട​തു​ണ്ടോ? മുഴു​സ​മ​യ​സേ​വ​ന​മെന്ന ലക്ഷ്യത്തി​ലെ​ത്താൻ കുടും​ബ​ത്തി​ലെ ചില അംഗങ്ങളെ സഹായി​ക്കാൻ കഴിയു​മോ? നിർണ്ണ​യി​ക്ക​പ്പെ​ടുന്ന ലക്ഷ്യങ്ങൾ പ്രാപി​ക്കാൻ ഒരു കുടും​ബ​ചർച്ചക്ക്‌ സഹായി​ക്കാൻ കഴിയും. ഇവയി​ലെ​ത്തി​ക്ക​ഴി​യു​മ്പോൾ മററു ദിവ്യാ​ധി​പ​ത്യ​ലാ​ക്കു​കൾ വെക്കാൻ കഴിയും. അങ്ങനെ, പടിപ​ടി​യാ​യി ആത്മീയ പുരോ​ഗതി നേടാൻ കഴിയും.

യോഗങ്ങൾ

³ ചില കുടും​ബങ്ങൾ യോഗ​ങ്ങൾക്ക്‌ സമയത്ത്‌ എത്താനു​ളള ലക്ഷ്യം വെക്കേ​ണ്ട​തു​ണ്ടാ​യി​രി​ക്കാം. ഇത്‌ വലിയ കുടും​ബ​ങ്ങൾക്കും പ്രയാ​സ​മു​ളള ജോലി​പ്പ​ട്ടി​ക​ക​ളു​ള​ള​വർക്കും അല്ലെങ്കിൽ ഗതാഗ​ത​പ്ര​ശ്‌ന​മു​ള​ള​ടത്ത്‌ ഒരു യഥാർത്ഥ വെല്ലു​വി​ളി​യാ​യി​രി​ക്കാൻ കഴിയും. സഹകര​ണ​വും നല്ല സംഘാ​ട​ന​വും ആവശ്യ​മാണ്‌.

⁴ കുടും​ബം പരിചി​ന്തി​ക്കേണ്ട മറെറാ​രു പ്രാ​യോ​ഗിക ലക്ഷ്യം യോഗ​ങ്ങൾക്ക്‌ ഉത്തരം​പ​റ​യു​ന്ന​തി​ലാണ്‌. കുടും​ബ​ത്തി​ലെ ചില അംഗങ്ങൾ ഒരു ഹ്രസ്വ​മായ ഉത്തരം വായി​ക്കാൻ ആഗ്രഹി​ച്ചേ​ക്കാം. എന്നിരു​ന്നാ​ലും, ഒരുവന്റെ സ്വന്തം വാക്കു​ക​ളിൽ ചുരു​ങ്ങിയ സവി​ശേ​ഷ​മായ ഉത്തരങ്ങൾ പറയു​ന്നത്‌ ആത്‌മീയ പുരോ​ഗ​തി​യെ സൂചി​പ്പി​ക്കു​ന്നു, അത്‌ പ്രതി​ഫ​ല​ദാ​യ​ക​മാ​യി​രി​ക്കാ​നും കഴിയും. തങ്ങളുടെ അഭി​പ്രാ​യങ്ങൾ തയ്യാറാ​കു​ന്ന​തിൽ കുടും​ബാം​ഗ​ങ്ങൾക്ക്‌ അന്യോ​ന്യം സഹായി​ക്കാൻ കഴിയും. ദിവ്യാ​ധി​പ​ത്യ​ശു​ശ്രൂ​ഷാ​സ്‌കൂ​ളിൽ പുരോ​ഗ​തി​പ്രാ​പി​ക്കാ​നും അവർക്ക്‌ അന്യോ​ന്യം സഹായി​ക്കാൻ കഴിയും. ഇതിൽ പ്രായം കുറഞ്ഞ കുടും​ബാം​ഗ​ങ്ങളെ ശ്രദ്ധി​ക്കു​ന്ന​തും അവരുടെ നിയമ​നങ്ങൾ റിഹേ​ഴ്‌സ്‌ചെ​യ്യു​ന്ന​തും ഒരു ബാഹ്യ​രേഖ ഉപയോ​ഗി​ക്കു​ന്നത്‌ എങ്ങനെ​യെന്ന്‌ അവരെ കാണി​ച്ചു​കൊ​ടു​ക്കു​ന്ന​തും അവരുടെ വാക്കു​ക​ളു​ടെ ഉച്ചാര​ണ​ങ്ങളെ തിരു​ത്തു​ന്ന​തും മററും ഉൾപ്പെ​ടു​ന്നു. ഒരു നല്ല ഉപദേ​ഷ്ടാ​വോ ഒരു വിശിഷ്ട പരസ്യ​വാ​യ​ന​ക്കാ​ര​നോ ആയിത്തീ​രു​ക​യെന്ന ലക്ഷ്യം ഉത്സാഹ​പൂർവ​മായ ശ്രമം ചെയ്യത്തക്ക മൂല്യ​മു​ള​ള​താണ്‌.—1 തിമൊ. 4:13.

വയൽസേ​വ​നം

⁵ ചില കുടും​ബങ്ങൾ വയൽസേ​വ​ന​ത്തിൽ ക്രമം നേടേ​ണ്ട​യാ​വ​ശ്യ​മുണ്ട്‌. നിങ്ങളു​ടെ മുഴു​കു​ടും​ബ​വും ഓരോ മാസവും വയൽസേ​വ​ന​ത്തി​ലേർപ്പെ​ടു​ന്നു​ണ്ടോ? നിലവി​ലു​ളള സംഭാ​ഷ​ണ​വി​ഷ​യ​മോ ഒരു പുതിയ മാസി​കാ​വ​ത​ര​ണ​മോ പഠിക്കാൻ കുടും​ബാം​ഗ​ങ്ങളെ സഹായി​ക്കു​ക​യെന്ന ലക്ഷ്യം സംബന്ധി​ച്ചെന്ത്‌? ഒരു ഭവന ബൈബി​ള​ദ്ധ്യ​യനം തുടങ്ങു​ക​യെന്ന ലക്ഷ്യവു​മുണ്ട്‌. അല്ലെങ്കിൽ ഇപ്പോൾത്തന്നെ സ്ഥാപി​ച്ചു​ക​ഴിഞ്ഞ ഒരു അദ്ധ്യയനം നടത്തു​ന്ന​തി​ലെ വർദ്ധിച്ച ക്രമമാ​യി​രി​ക്കാം ലക്ഷ്യം.

കുടും​ബാ​ദ്ധ്യ​യനം

⁶ ചില കുടും​ബ​ങ്ങൾക്ക്‌ ഒരു കുടും​ബാ​ദ്ധ്യ​യ​ന​ത്തി​ന്റെ പട്ടിക​യോട്‌ വിശ്വ​സ്‌ത​മാ​യി പററി​നിൽക്കു​ന്നത്‌ ഒരു യഥാർത്ഥ വെല്ലു​വി​ളി​യാ​യി​രി​ക്കാം. ചില​പ്പോൾ അദ്ധ്യയ​ന​പ​ട്ടിക പുനഃ​ക്ര​മീ​ക​രി​ക്കേ​ണ്ട​താ​വ​ശ്യ​മാ​യി​രി​ക്കാം. എന്നാൽ ഇത്‌ ആവശ്യ​മു​ണ്ടെ​ങ്കിൽ മതി. മറെറാ​രു വിശിഷ്ട ലക്ഷ്യം പ്രതി​വാര ബൈബിൾനി​യ​മ​ന​ഭാ​ഗം ക്രമമാ​യി വായി​ക്കു​ക​യെ​ന്ന​താണ്‌, ഒരുപക്ഷേ അത്‌ കുടും​ബാ​ദ്ധ്യ​യ​ന​ത്തിൽ ഉൾപ്പെ​ടു​ത്തി​ക്കൊ​ണ്ടു​പോ​ലും. മിക്കയാ​ളു​ക​ളും വാരത്തി​ലേക്ക്‌ നിയമി​ത​മാ​യി​രി​ക്കുന്ന വിവര​ങ്ങ​ളു​ടെ യഥാർത്ഥ​വാ​യ​നക്ക്‌ 20 മുതൽ 25 വരെ മിനി​റ​റു​മാ​ത്രമേ എടുക്കു​ക​യു​ളളു. അതിന്‌ ഒരുവന്റെ തിരു​വെ​ഴു​ത്തു​പ​രി​ജ്ഞാ​നം വർദ്ധി​പ്പി​ക്കാൻ കഴിയും, അത്‌ പ്രതി​വാര ബൈബിൾവി​ശേ​ഷാ​ശ​യ​ങ്ങ​ളു​ടെ പുനര​വ​ലോ​കനം കൂടുതൽ രസാവ​ഹ​മാ​ക്കി​ത്തീർക്കു​ന്നു.

⁷ വ്യക്തി​കൾക്കും കുടും​ബ​ങ്ങൾക്കും വെക്കാൻക​ഴി​യുന്ന മററ​നേകം ലക്ഷ്യങ്ങ​ളുണ്ട്‌. ദൃഷ്ടാ​ന്ത​ത്തിന്‌, പെട്ടെ​ന്നു​ത​ന്നെ​യു​ളള സഹായ​പ​യ​നി​യർസേ​വ​ന​ത്തി​നാ​യു​ളള കുടും​ബ​ശ്രമം സംബന്ധി​ച്ചെന്ത്‌? കൂടു​ത​ലാ​യി, നല്ല ക്രമീ​ക​ര​ണ​ത്താ​ലും സഹകര​ണ​ത്താ​ലും കുടും​ബ​ത്തിന്‌ അതിന്റെ അംഗങ്ങ​ളി​ലൊ​രാ​ളെ​യെ​ങ്കി​ലും ഒരു നിരന്ത​ര​പ​യ​നി​യർ എന്ന നിലയിൽ നിയോ​ഗി​ക്കാൻ കഴിയു​മോ? ഒരു ശുശ്രൂ​ഷാ​ദാ​സ​നോ മൂപ്പനോ ആകുക​യെന്ന ലക്ഷ്യവു​മുണ്ട്‌. ചെറു​പ്പ​ക്കാ​രായ സഹോ​ദ​രൻമാർക്ക്‌ ബെഥേൽസേ​വനം ഒരു ലക്ഷ്യമാ​ക്കാൻ കഴി​ഞ്ഞേ​ക്കും. ഈ ലക്ഷ്യങ്ങൾ നേടാ​വു​ന്ന​താണ്‌, എന്നാൽ അവക്ക്‌ ഉത്‌സാ​ഹ​വും കഠിന​വേ​ല​യും ആവശ്യ​മാണ്‌. നാം നമ്മുടെ വ്യക്തി​പ​ര​വും കുടും​ബ​പ​ര​വു​മായ ലക്ഷ്യങ്ങ​ളി​ലെ​ത്താൻ കഠിന​ശ്രമം ചെയ്യു​മ്പോൾ യഹോ​വ​ക്കാ​യു​ളള നമ്മുടെ സേവന​ത്തി​ന്റെ ഗുണം മെച്ച​പ്പെ​ടും, എല്ലാം അവന്റെ ബഹുമാ​ന​ത്തി​നും മഹത്വ​ത്തി​നും​വേ​ണ്ടി​ത്തന്നെ.—സങ്കീ. 96:7, 8.