ശുശ്രൂ​ഷ​യിൽ ക്ഷമയും പൂർണ്ണ​ത​യും പ്രകട​മാ​ക്കു​ക

¹ കേൾക്കാൻ മനസ്സുളള എല്ലാവ​രോ​ടും സുവാർത്ത പ്രസം​ഗി​ച്ച​പ്പോൾ അപ്പോ​സ്‌ത​ല​നായ പൗലോസ്‌ ക്ഷമയും പൂർണ്ണ​ത​യും പ്രകട​മാ​ക്കാൻ യഹോ​വ​യു​ടെ മുമ്പാകെ സൂക്ഷ്‌മ​മായ ഒരു അവബോ​ധം നിലനിർത്തി. അവൻ എഫേസൂ​സിൽനി​ന്നു വന്നുകൂ​ടി​യി​രുന്ന മേൽവി​ചാ​ര​കൻമാ​രോട്‌ ദൃഢവി​ശ്വാ​സ​ത്തോ​ടെ ഇങ്ങനെ പറഞ്ഞു: “ഞാൻ എന്റെ ദേഹിയെ അശേഷം പ്രിയ​ങ്ക​ര​മാ​യി കണക്കാ​ക്കു​ന്നില്ല, ദൈവ​ത്തി​ന്റെ അനർഹ​ദ​യ​യു​ടെ സുവാർത്തക്ക്‌ പൂർണ്ണ​സാ​ക്ഷ്യം വഹിക്കാൻ കർത്താ​വായ യേശു​വിൽനിന്ന്‌ എനിക്ക്‌ ലഭിച്ച ശുശ്രൂ​ഷ​യും എന്റെ ഓട്ടവും പൂർത്തി​യാ​ക്ക​ണ​മെ​ന്നേ​യു​ളളു.” (പ്രവൃത്തി. 20:24) അങ്ങനെ​തന്നെ ചെയ്യാൻ നമ്മു​ടെ​മേൽ സ്ഥിതി​ചെ​യ്യുന്ന ഉത്തരവാ​ദി​ത്ത​ത്തെ​ക്കു​റി​ച്ചു നമുക്കു ബോധ​മു​ണ്ടോ?—1 കൊരി. 9:16.

മിക്ക​പ്പോ​ഴും പ്രവർത്തി​ക്കുന്ന പ്രദേ​ശത്ത്‌

² നമ്മുടെ പ്രദേശം മിക്ക​പ്പോ​ഴും പ്രവർത്തി​ക്കു​മ്പോൾ ക്ഷമ വിശേ​ഷാൽ ആവശ്യ​മാണ്‌. പ്രദേശം പരിമി​ത​മാ​യാ​ലും നാം വീണ്ടും വീണ്ടും സന്ദർശി​ക്കാൻ പ്രേരി​ത​രാ​കണം. ഓരോ വീട്ടി​ലു​മു​ളള സകല​രെ​യും സമീപി​ക്കാൻ ശ്രമം ചെയ്യുക, ദൈവ​രാ​ജ്യ​ത്തി​ന്റെ ബൈബി​ള​ധി​ഷ്‌ഠിത പ്രത്യാ​ശയെ വിലമ​തി​ക്കാൻ ആത്മാർത്ഥ​ത​യു​ളള ആളുകളെ പടിപ​ടി​യാ​യി സഹായി​ക്കുക.

³ നമ്മുടെ പ്രദേശം കൂടെ​ക്കൂ​ടെ പ്രവർത്തി​ക്കു​മ്പോൾ ക്ഷമ പ്രകട​മാ​ക്കു​ന്ന​തി​ന്റെ മറെറാ​രു പ്രയോ​ജനം നമുക്ക്‌ വീട്ടു​കാ​രു​മാ​യി വ്യക്തി​പ​ര​മാ​യി പരിച​യ​പ്പെ​ടാൻ കഴിയു​മെ​ന്ന​താണ്‌. ഇത്‌ തങ്ങളുടെ വാതിൽ തുറക്കു​ന്ന​തിൽ അവർക്കു കൂടുതൽ ആശ്വാസം തോന്നാ​നി​ട​യാ​ക്കി​യേ​ക്കാം. മിക്ക​പ്പോ​ഴും പ്രവർത്തി​ക്കുന്ന പ്രദേ​ശത്ത്‌ നമ്മുടെ മുഖവു​രകൾ വ്യത്യാ​സ​പ്പെ​ടു​ത്തു​ന്ന​തിന്‌ ന്യായ​വാ​ദം പുസ്‌ത​ക​ത്തിൽ വിശി​ഷ്ട​മായ നിർദ്ദേ​ശ​ങ്ങ​ളുണ്ട്‌.—ന്യായ​വാ​ദം പേജുകൾ 9-15 കാണുക.

⁴ നാം ആളുകളെ സന്ദർശി​ക്കു​മ്പോൾ കുറച്ചു താത്‌പ​ര്യം കാണി​ക്കു​മ്പോൾത്തന്നെ അവർ നമ്മുടെ സാഹി​ത്യ​ങ്ങൾ സ്വീക​രി​ക്കു​ക​യി​ല്ലാത്ത സന്ദർഭങ്ങൾ ഉണ്ടാ​യേ​ക്കാം. നാം എങ്ങനെ പ്രതി​ക​രി​ക്കണം? സമഗ്രത പ്രകട​മാ​ക്കാ​നു​ളള നമ്മുടെ ശ്രമങ്ങൾ ആ താത്‌പ​ര്യ​ത്തെ വളർത്തി​യെ​ടു​ക്കു​ന്ന​തിൽ സ്ഥിരോ​ത്സാ​ഹം പ്രകട​മാ​ക്കാൻ നമ്മെ പ്രേരി​പ്പി​ക്കും. അവരുടെ ഹൃദയ​ങ്ങ​ളിൽ നടപ്പെ​ട്ട​തി​നെ വളർത്തി​യെ​ടു​ക്കു​ന്നത്‌ ഒടുവിൽ ഒരു ബൈബി​ള​ദ്ധ്യ​യനം സ്വീക​രി​ക്കു​ന്ന​തിന്‌ അവരെ പ്രേരി​പ്പി​ച്ചേ​ക്കാം. ഒരു സഹോ​ദരൻ താത്‌പ​ര്യ​മു​ണ്ടാ​യി​രുന്ന ഒരാളെ സാഹി​ത്യം സമർപ്പി​ക്കാ​തെ തുടർച്ച​യാ​യി അഞ്ചു വാരങ്ങ​ളിൽ സന്ദർശി​ച്ചു. ആറാമത്തെ സന്ദർശ​ന​വേ​ള​യിൽ വീട്ടു​കാ​രൻ സാഹി​ത്യം സ്വീക​രി​ച്ചു, ഒടുവിൽ ഒരു ബൈബി​ള​ദ്ധ്യ​യനം ആരംഭി​ച്ചു.

ലഘുപ​ത്രി​കകൾ സമർപ്പി​ക്കൽ

⁵ ഓഗസ്‌റ​റി​ലും സെപ്‌റ​റം​ബ​റി​ലും നമ്മുടെ സംഭാ​ഷ​ണ​വി​ഷയം “ഒരു പുതി​യ​ലോ​കം—ആരാൽ?” എന്നതാ​യി​രി​ക്കും. ഈ വിഷയം ചുവടെ പറയുന്ന ലഘുപ​ത്രി​ക​ക​ളിൽ ഏതെങ്കി​ലും ഒന്ന്‌ സമർപ്പി​ക്കു​മ്പോൾ ഉപയോ​ഗി​ക്കു​ന്ന​തിന്‌ വേണ്ടത്ര വഴക്കമു​ള​ള​താണ്‌: ഭൂമി​യിൽ എന്നേക്കും ജീവിതം ആസ്വദി​ക്കുക!, “നോക്കൂ! ഞാൻ സകലവും പുതു​താ​ക്കു​ന്നു,” നിങ്ങൾ ത്രിത്വ​ത്തിൽ വിശ്വ​സി​ക്ക​ണ​മോ?, എന്നേക്കും നിലനിൽക്കുന്ന ദിവ്യ​നാ​മം, പരദീസാ സ്ഥപി​ക്കുന്ന ഗവൺമെൻറ്‌. ഈ ലഘുപ​ത്രി​കകൾ സുപരി​ചി​ത​മാ​ക്കു​ന്ന​തിന്‌ നാം സമയ​മെ​ടു​ക്കു​ന്നു​വെ​ങ്കിൽ സംഭാ​ഷ​ണ​വി​ഷ​യ​ത്തോ​ടു​കൂ​ടെ ഉപയോ​ഗി​ക്കാൻ നാം സമുചി​ത​മായ പല സംസാ​രാ​ശ​യങ്ങൾ കണ്ടെത്തും.

⁶ ഉദാഹ​ര​ണ​ത്തിന്‌, നമുക്ക്‌ നമ്മേത്തന്നെ പരിച​യ​പ്പെ​ടു​ത്തി​യ​ശേഷം ഇങ്ങനെ പറയാൻ കഴിയും: “സമാധാ​നം കൈവ​രു​ത്താ​നു​ളള മമനു​ഷ്യ​ന്റെ വാഗ്‌ദാ​ന​ങ്ങ​ളെ​ക്കു​റി​ച്ചു​ളള നിങ്ങളു​ടെ ചിന്തകൾ എന്താണ്‌? [മറുപ​ടിക്ക്‌ അനുവ​ദി​ക്കുക.] ഈ കാര്യ​ത്തെ​ക്കു​റി​ച്ചു​ളള ബൈബി​ളി​ന്റെ പ്രാപ്‌തി​ക​ളെ​ക്കു​റിച്ച്‌ ബൈബിൾ പ്രസ്‌താ​വി​ക്കു​ന്നത്‌ പരിചി​ന്തി​ക്കുക. [യിരെ​മ്യാവ്‌ 10:23 വായി​ക്കുക.] മനുഷ്യൻ യഥാർത്ഥ​ത്തിൽ തന്നേത്തന്നെ ഭരിക്കാൻ പ്രാപ്‌ത​ന​ല്ലെന്ന്‌ നൂററാ​ണ്ടു​ക​ളിൽ ഉടനീളം തെളി​യി​ച്ചി​ട്ടുണ്ട്‌. എന്നിരു​ന്നാ​ലും, ദൈവ​ത്തി​ന്റെ വിശ്വ​സ​നീ​യ​മായ വാഗ്‌ദാ​നം ശ്രദ്ധി​ക്കുക. [2 പത്രോസ്‌ 3:13 വായി​ക്കുക.] അതു​കൊണ്ട്‌ പുതിയ ഭൂമിയെ സംബന്ധിച്ച ദൈവ​ത്തി​ന്റെ ഉറപ്പുളള വാഗ്‌ദത്തം സത്യമാ​യി ഭവിക്കും. പിന്നീട്‌ ലഘുപ​ത്രി​ക​ക​ളി​ലൊന്ന്‌ വായി​ക്കാൻ നമുക്ക്‌ വീട്ടു​കാ​രനെ പ്രോൽസാ​ഹി​പ്പി​ക്കാൻ കഴിയും. നാം “നോക്കൂ!” ലഘുപ​ത്രി​ക​യാണ്‌ ഉപയോ​ഗി​ക്കു​ന്ന​തെ​ങ്കിൽ നമുക്ക്‌ 30-ാംപേ​ജിൽ 58-ാം ഖണ്ഡിക​യിൽ പ്രസ്‌താ​വി​ച്ചി​രി​ക്കു​ന്ന​തി​ലേക്ക്‌ വീട്ടു​കാ​രന്റെ ശ്രദ്ധയെ തിരി​ച്ചു​വി​ടാ​വു​ന്ന​താണ്‌. നാം ഗവൺമെൻറ്‌ ലഘുപ​ത്രിക ഉപയോ​ഗി​ക്കു​മ്പോൾ നമുക്ക്‌ 3-ാം പേജിലെ ഒന്നാം ഖണ്ഡിക​യിൽ പ്രസ്‌താ​വി​ച്ചി​രി​ക്കു​ന്ന​തി​നെ പ്രദീ​പ്‌ത​മാ​ക്കാൻ കഴിയും. ഭൂമി​യി​ലെ ജീവി​ത​ത്തി​ന്റെ മുൻവ​ശത്തെ ചിത്രം വളരെ ആകർഷ​ക​മാണ്‌, സംഭാ​ഷ​ണ​വി​ഷ​യ​ത്തോ​ടു യോജി​ക്കു​ക​യും ചെയ്യുന്നു. കൂടാതെ, ദിവ്യ​നാ​മ​ല​ഘു​പ​ത്രി​ക​യു​ടെ 31-ാം പേജിലെ മൂന്നാം ഖണ്ഡിക ഉപയോ​ഗി​ക്കാൻക​ഴി​യും.

⁷ ക്ഷമാപൂർവ​ക​വും പൂർണ്ണ​വു​മാ​യി നമ്മുടെ പ്രദേശം പ്രവർത്തി​ച്ചു​തീർക്കു​ന്നത്‌ നമ്മെ ശ്രദ്ധി​ക്കു​ന്ന​വ​രു​ടെ രക്ഷയിൽ കലാശി​ക്കും. (1 തിമൊ. 4:16) സമയം തീർന്നു​കൊ​ണ്ടി​രി​ക്കു​ക​യാണ്‌! അതു​കൊണ്ട്‌ രക്ഷയുടെ ഈ സന്ദേശം പ്രസം​ഗി​ക്കു​ന്ന​തിൽ ഒരു പൂർണ്ണ​പങ്കു വഹിക്കു​മ്പോൾ നമുക്ക്‌ ക്ഷമ പ്രകട​മാ​ക്കു​ക​യും പൂർണ്ണ​സാ​ക്ഷ്യം വഹിക്കു​ക​യും ചെയ്യാം.