നിങ്ങളു​ടെ മക്കളെ രക്തത്തിന്റെ ദുരു​പ​യോ​ഗ​ത്തിൽനിന്ന്‌ സംരക്ഷി​ക്കൽ

¹ “മക്കൾ യഹോവ നൽകുന്ന അവകാശം” ആകുന്നു. (സങ്കീ.127:3) യഹോ​വ​യിൽനി​ന്നു​ളള അത്തരം വിലപി​ടിച്ച ഒരു അവകാശം നിങ്ങൾക്കു​ണ്ടെ​ങ്കിൽ മാതാ​പി​താ​ക്ക​ളെ​ന്ന​നി​ല​യിൽ നിങ്ങൾക്ക്‌ നിങ്ങളു​ടെ മക്കളെ പരിശീ​ലി​പ്പി​ക്കു​ന്ന​തി​നും പരിപാ​ലി​ക്കു​ന്ന​തി​നും പരിര​ക്ഷി​ക്കു​ന്ന​തി​നും സന്തോ​ഷ​ക​ര​മെ​ങ്കി​ലും ഗൗരവ​ത​ര​മായ ഒരു ഉത്തരവാ​ദി​ത്ത​മുണ്ട്‌. ഉദാഹ​ര​ണ​ത്തിന്‌, നിങ്ങളു​ടെ കൊച്ചു​കു​ട്ടി​കളെ ഒരു രക്തപ്പകർച്ച​യിൽനിന്ന്‌ സംരക്ഷി​ക്കു​ന്ന​തിന്‌ ന്യായ​മായ എല്ലാ പടിയും നിങ്ങൾ സ്വീക​രി​ച്ചി​ട്ടു​ണ്ടോ? പകർച്ചക്ക്‌ ഭീഷണി​മു​ഴ​ക്കുന്ന ഒരു അടിയ​ന്തി​ര​സാ​ഹ​ച​ര്യം ഫലകര​മാ​യി കൈകാ​ര്യം ചെയ്യു​ന്ന​തിന്‌ നിങ്ങൾക്ക്‌ എന്തു ചെയ്യാൻ കഴിയു​മെന്ന്‌ ഒരു കുടും​ബ​മെ​ന്ന​നി​ല​യിൽ നിങ്ങൾ ചർച്ച​ചെ​യ്‌തി​ട്ടു​ണ്ടോ?

² അത്തരം സാഹച​ര്യ​ങ്ങൾക്ക്‌ നിങ്ങളു​ടെ കുടും​ബത്തെ ഒരുക്കു​ന്നത്‌ ഉത്‌ക്ക​ണ്‌ഠ​ക്കോ അനാവശ്യ സംഘർഷ​ത്തി​നോ ഇടയാ​ക്കേണ്ട ആവശ്യ​മില്ല. ജീവി​ത​ത്തി​ലെ സകല സംഭവ​ങ്ങ​ളും മുൻകൂ​ട്ടി​ക്കാ​ണാ​നും ഒരുങ്ങാ​നും നിങ്ങൾക്കു കഴിയു​ക​യില്ല, എന്നാൽ ഒരു രക്തപ്പകർച്ച​യിൽനിന്ന്‌ നിങ്ങളു​ടെ കുട്ടി​കളെ സംരക്ഷി​ക്കു​ന്ന​തിന്‌ മാതാ​പി​താ​ക്ക​ളെ​ന്ന​നി​ല​യിൽ നിങ്ങൾക്ക്‌ മുൻകൂ​ട്ടി ചെയ്യാൻ കഴിയുന്ന ഒട്ടനവധി കാര്യ​ങ്ങ​ളുണ്ട്‌. ഈ ഉത്തരവാ​ദി​ത്തങ്ങൾ അവഗണി​ക്കു​ന്നത്‌ ചികിത്സാ സമയത്ത്‌ നിങ്ങളു​ടെ കുട്ടി പകർച്ചക്കു വിധേ​യ​നാ​കു​ന്ന​തിൽ കലാശി​ച്ചേ​ക്കാം. എന്തു​ചെ​യ്യാൻ കഴിയും?

³ ഉറച്ച ബോദ്ധ്യം പ്രധാനം: രക്തം സംബന്ധിച്ച ദൈവ​നി​യ​മ​ത്തേ​ക്കു​റിച്ച്‌ നിങ്ങളു​ടെ​തന്നെ ബോദ്ധ്യ​ങ്ങൾ എത്ര ദൃഢമാ​ണെ​ന്നു​ള​ള​തിന്‌ ഗൗരവ​പൂർവ്വ​മായ ചിന്ത നൽകണം. നിങ്ങൾ നിങ്ങളു​ടെ മക്കളെ സത്യസ​ന്ധ​ത​യും സദാചാ​ര​വും നിഷ്‌പ​ക്ഷ​ത​യും ജീവി​ത​ത്തി​ലെ മററു വശങ്ങളും സംബന്ധി​ച്ചു​ളള ദൈവ​നി​യമം പഠിപ്പി​ക്കു​ന്ന​തു​പോ​ലെ​തന്നെ ഈ വിഷയ​ത്തി​ലും യഹോ​വയെ അനുസ​രി​ക്കാൻ പഠിപ്പി​ക്കു​ന്നു​വോ? ആവർത്തനം 12:23-ൽ ദൈവ​നി​യമം കൽപി​ച്ച​തു​പോ​ലെ “രക്തം തിന്നാ​തി​രി​പ്പാൻ നിഷ്‌ഠ​യാ​യി​രി​ക്കുക [ദൃഢനിശ്ചയമുളളവരായിരിക്കുക, NW]” എന്നു നാം യഥാർത്ഥ​ത്തിൽ വിചാ​രി​ക്കു​ന്നു​ണ്ടോ? “യഹോ​വക്കു ഹിതമാ​യു​ള​ളതു ചെയ്‌തിട്ട്‌ നിനക്കും മക്കൾക്കും നന്നായി​രി​ക്കേ​ണ്ട​തിന്‌ നീ അതിനെ തിന്നരുത്‌” എന്ന്‌ 25-ാം വാക്യം കൂട്ടി​ച്ചേർക്കു​ന്നു. രക്തം രോഗി​യായ നിങ്ങളു​ടെ കുട്ടിക്ക്‌ ‘നന്നായി​രി​ക്കു​മെന്ന്‌’ ഒരു ഡോക്ടർ അവകാ​ശ​പ്പെ​ട്ടേ​ക്കാം, എന്നാൽ ഏതെങ്കി​ലും അടിയ​ന്തി​ര​സാ​ഹ​ച​ര്യം വരുന്ന​തി​നു​മുമ്പ്‌ നിങ്ങൾക്കും നിങ്ങളു​ടെ മക്കൾക്കും രക്തം നിരസി​ക്കാൻ നിങ്ങൾ ദൃഢനി​ശ്ചയം എടുത്തി​രി​ക്കണം, ദിവ്യ​നി​യ​മ​ത്തി​ന്റെ ലംഘനം ഉൾപ്പെ​ടുന്ന ആയുസ്സി​ന്റെ ഏതു സാങ്കൽപിക ദീർഘി​പ്പി​ക്ക​ലി​നെ​ക്കാ​ളും ഉയർന്ന​താ​യി യഹോ​വ​യു​മാ​യു​ളള നിങ്ങളു​ടെ ബന്ധത്തെ വിലമ​തി​ച്ചു​കൊ​ണ്ടു​തന്നെ. ഇപ്പോൾതന്നെ ദൈവ​ത്തി​ന്റെ പ്രീതി​യും ഭാവി​യിൽ നിത്യ​ജീ​വ​നും ഉൾപ്പെ​ട്ടി​രി​ക്കു​ന്നു!

⁴ അതെ, യഹോ​വ​യു​ടെ സാക്ഷികൾ ജീവോൻമു​ഖ​രാണ്‌. അവർക്ക്‌ മരിക്കാൻ യാതൊ​രാ​ഗ്ര​ഹ​വു​മില്ല. തങ്ങൾക്ക്‌ യഹോ​വയെ സ്‌തു​തി​ക്കാ​നും അവന്റെ ഇഷ്ടം ചെയ്യാ​നും കഴി​യേ​ണ്ട​തിന്‌ ജീവി​ച്ചി​രി​ക്കാൻ അവർ ആഗ്രഹി​ക്കു​ന്നു. അവർ ആശുപ​ത്രി​ക​ളിൽ പോകു​ന്ന​തി​ന്റെ​യും ചികി​ത്സ​ക്കാ​യി അവരുടെ മക്കളെ അവിടെ കൊണ്ടു​പോ​കു​ന്ന​തി​ന്റെ​യും ഒരു കാരണം അതാണ്‌. അവരെ ചികി​ത്സി​ക്കാൻ അവർ ഡോക്ടർമാ​രോട്‌ ആവശ്യ​പ്പെ​ടു​ന്നു, അംഗീ​ക​രി​ക്ക​പ്പെ​ട്ട​തോ വൈദ്യ​ശാ​സ്‌ത്ര​പ്ര​കാ​ര​മു​ള​ള​തോ ആയ ചികിത്സാ പദ്ധതി രക്തമാ​ണെന്ന്‌ അവരോ​ടു പറയു​മ്പോൾ രക്തം കൂടാ​തെ​യു​ളള പകരം​ചി​കിൽസാ നടപടിക്ക്‌ അവർ ആവശ്യ​പ്പെ​ടു​ന്നു. രക്തത്തിനു പകരം ഉപയോ​ഗി​ക്കുന്ന അനേകം ദ്രാവ​കങ്ങൾ ഉണ്ട്‌. പരിച​യ​സ​മ്പ​ന്ന​രായ ഡോക്ടർമാർ അവ ഉപയോ​ഗി​ക്കു​ന്നു. അത്തരം പകര​ക്ര​മീ​ക​രണം മുറി​വൈ​ദ്യം അല്ല, പിന്നെ​യോ പ്രമുഖ വൈദ്യ​ശാ​സ്‌ത്ര പ്രസി​ദ്ധീ​ക​ര​ണ​ങ്ങ​ളിൽ എഴുതി​വ​ന്നി​ട്ടു​ളള വൈദ്യ​ശാ​സ്‌ത്ര​പ​ര​മാ​യി മികച്ച ചികി​ത്സാ​രീ​തി​ക​ളും നടപടി​ക്ര​മ​ങ്ങ​ളും ഉൾപ്പെ​ടു​ന്ന​വ​യാണ്‌. ചില​പ്പോൾ, രക്തം കൂടാതെ സാക്ഷി​ക്കു​ട്ടി​കളെ ചികി​ത്സി​ക്കുന്ന ഡോക്ടർമാ​രെ കണ്ടുപി​ടി​ക്കു​ന്നത്‌ ഇപ്പോ​ഴും ഒരു പ്രശ്‌ന​മാ​ണെ​ങ്കി​ലും, രക്തം കൂടാതെ നല്ല വൈദ്യ​സം​ര​ക്ഷണം നൽകു​ന്ന​തിൽ ലോക​മെ​മ്പാ​ടും ആയിര​ക്ക​ണ​ക്കി​നു ഡോക്ടർമാർ നമ്മോടു സഹകരി​ക്കു​ന്നുണ്ട്‌.

⁵ സഹകരി​ക്കുന്ന ഒരു ഡോക്ടറെ കണ്ടെത്തൽ: രോഗി​കളെ ചികി​ത്സി​ക്കു​ന്ന​തിൽ ഡോക്ടർമാർക്ക്‌ അനേകം ഉൽക്കണ്‌ഠകൾ ഉണ്ട്‌, രക്തം കൂടാതെ നിങ്ങളു​ടെ കുട്ടിയെ ചികി​ത്സി​ക്കാൻ നിങ്ങൾ ആവശ്യ​പ്പെ​ടു​മ്പോൾ അത്‌ വെല്ലു​വി​ളി വർദ്ധി​പ്പി​ക്കു​ന്നു. കുററ​ത്തിൽനിന്ന്‌ ഒഴിവാ​ക്കി​ക്കൊണ്ട്‌ സ്വീകാ​ര്യ​മായ ഒരു ഫോറം പൂരി​പ്പി​ച്ചു​നൽകു​ന്ന​പക്ഷം രക്തം സംബന്ധിച്ച തങ്ങളുടെ അഭീഷ്ടങ്ങൾ ആദരി​ച്ചു​കൊണ്ട്‌ മുതിർന്ന​വരെ ചികി​ത്സി​ക്കാൻ ചില ഡോക്ടർമാർ സമ്മതി​ക്കും. അതു​പോ​ലെ​തന്നെ, തങ്ങൾ പക്വത​നേ​ടിയ ബാലൻമാ​രാ​ണെന്ന്‌ തെളി​യി​ച്ചി​ട്ടു​ളള ബാലൻമാ​രെ ചികി​ത്സി​ക്കാൻ ചിലർ സമ്മതം​മൂ​ളി​യേ​ക്കാം, ചില കോട​തി​കൾ പക്വത​യു​ളള ബാലൻമാർക്ക്‌ ചികി​ത്സാ​പ​ര​മാ​യി തങ്ങളുടെ സ്വന്തം തിര​ഞ്ഞെ​ടു​പ്പു​ന​ട​ത്താൻ അവകാ​ശ​മു​ണ്ടെന്ന്‌ അംഗീ​ക​രി​ച്ചി​ട്ടു​ള​ള​തു​കൊ​ണ്ടു തന്നെ. (പക്വത​യു​ളള ഒരു ബാലൻ ആക്കിത്തീർക്കു​ന്ന​തെന്ത്‌ എന്നതിന്റെ ഒരു പഠനത്തിന്‌ 1991 ജൂൺ 15-ലെ വീക്ഷാ​ഗോ​പു​രം (ഇംഗ്ലീഷ്‌) 16-17 പേജുകൾ കാണുക.) എന്നിരു​ന്നാ​ലും, രക്തം നൽകാൻ അനുവാ​ദ​മി​ല്ലാ​ത്ത​പക്ഷം കൊച്ചു​കു​ട്ടി​കളെ വിശേ​ഷിച്ച്‌ ശിശു​ക്കളെ ചികി​ത്സി​ക്കാൻ ഡോക്ടർമാർ വിസമ്മ​തി​ച്ചേ​ക്കാം. വാസ്‌ത​വ​ത്തിൽ, ഒരു കുട്ടിയെ ചികി​ത്സി​ക്കു​മ്പോൾ ഒരു സാഹച​ര്യ​ത്തി​ലും രക്തം നൽകു​ക​യി​ല്ലെന്ന്‌ വളരെ​ക്കു​റച്ചു ഡോക്ടർമാ​രേ 100 ശതമാനം ഉറപ്പു നൽകു​ക​യു​ളളു. വൈദ്യ​ശാ​സ്‌ത്ര​പ​ര​വും നിയമ​പ​ര​വു​മായ കാരണ​ങ്ങ​ളാൽ അവർക്ക്‌ അങ്ങനെ ഒരു ഉറപ്പു​നൽകാൻ കഴിയു​ക​യി​ല്ലെന്ന്‌ മിക്ക ഡോക്ടർമാ​രും കരുതു​ന്നു. എന്നുവ​രി​കി​ലും, രക്തം സംബന്ധിച്ച നമ്മുടെ അഭീഷ്ടങ്ങൾ ആദരിച്ച്‌ തങ്ങൾക്കു പോകാൻ കഴിയു​ന്നി​ട​ത്തോ​ളം പോയി​ക്കൊണ്ട്‌ കൂടുതൽ കൂടുതൽ പേർ യഹോ​വ​യു​ടെ സാക്ഷി​ക​ളു​ടെ കുട്ടി​കൾക്ക്‌ ചികിത്സ നൽകുന്നു.

⁶ ഇതിന്റെ വീക്ഷണ​ത്തിൽ, നിങ്ങളു​ടെ കുട്ടിക്ക്‌ അനു​യോ​ജ്യ​നായ ഒരു ഡോക്ടർക്കു​വേ​ണ്ടി​യു​ളള നിങ്ങളു​ടെ അന്വേ​ഷ​ണ​ത്തിൽ, യഹോ​വ​യു​ടെ സാക്ഷി​ക​ളോട്‌ നന്നായി സഹകരി​ച്ചി​ട്ടു​ള​ള​തി​ന്റെ ഒരു രേഖയു​ള​ള​വ​നും കഴിഞ്ഞ​കാ​ലത്ത്‌ അനേകം സാക്ഷി​കൾക്ക്‌ രക്തം കൂടാ​തെ​യു​ളള അതേ ചികി​ത്സാ​രീ​തി​കൾ നിർവ്വ​ഹി​ച്ചി​ട്ടു​ള​ള​വ​നും എന്നാൽ രക്തം ഉപയോ​ഗി​ക്കു​ക​യി​ല്ലെന്ന്‌ പൂർണ്ണ​മായ ഒരു ഉറപ്പു നൽകാൻ നിയമം തന്നെ അനുവ​ദി​ക്കു​ന്നി​ല്ലെന്ന്‌ കരുതു​ന്ന​വ​നും ആയ ഒരാളെ നിങ്ങൾ കണ്ടെത്തു​ന്നെ​ങ്കിൽ എന്ത്‌? എന്നിരു​ന്നാ​ലും, ഈ സമയത്തും യാതൊ​രു പ്രശ്‌ന​വും ഉണ്ടാവു​ക​യി​ല്ലെന്ന്‌ താൻ വിചാ​രി​ക്കു​ന്ന​താ​യി അയാൾ നിങ്ങൾക്ക്‌ ഉറപ്പു നൽകു​ന്നു​വെ​ന്നി​രി​ക്കട്ടെ. ഇതാണ്‌ നിങ്ങളു​ടെ ഏററവും നല്ല അവസരം എന്ന്‌ നിങ്ങൾ തീരു​മാ​നി​ച്ചേ​ക്കാം. ഈ സാഹച​ര്യ​ങ്ങ​ളിൽ ചികിത്സ തുടരാൻ അനുവാ​ദം കൊടു​ക്കാ​മെന്ന്‌ നിങ്ങൾ നിഗമനം ചെയ്‌തേ​ക്കാം. എന്നിരു​ന്നാ​ലും, നിങ്ങളു​ടെ കുട്ടിക്ക്‌ വൈദ്യ​ചി​കിത്സ നൽകാൻ അനുവ​ദി​ക്കു​ന്ന​തി​നാൽ നിങ്ങൾ രക്തപ്പകർച്ച​കൾക്ക്‌ അനുവാ​ദം നൽകു​ക​യ​ല്ലെന്ന്‌ സുവ്യ​ക്ത​മാ​ക്കുക. ഈ ഗതി സ്വീക​രി​ക്കു​ന്നത്‌, നിങ്ങളു​ടെ തീരു​മാ​നം ഒരു അനുര​ഞ്‌ജ​ന​മാ​യി വീക്ഷി​ക്ക​പ്പെ​ടാ​തി​രി​ക്ക​ത്ത​ക്ക​വണ്ണം നിങ്ങൾ വഹിക്കേണ്ട ഒരു ഉത്തരവാ​ദി​ത്ത​മാ​യി​രി​ക്കും.

⁷ രക്തം ഉപയോ​ഗി​ക്കു​ന്ന​തി​ന്റെ പ്രശ്‌നം ഇനിയും കുറക്കു​ന്ന​തോ ഒരുപക്ഷേ ഇല്ലായ്‌മ ചെയ്യു​ന്ന​തോ ആയ ന്യായ​മാ​യൊ​രു പകരം ചികി​ത്സാ​രീ​തി നിങ്ങൾക്ക്‌ കണ്ടുപി​ടി​ക്കാൻ കഴിഞ്ഞാൽ, അപ്പോൾ നിങ്ങൾ തീർച്ച​യാ​യും പ്രശ്‌നം കുറഞ്ഞ ഗതി തിര​ഞ്ഞെ​ടു​ക്കാൻ ഇടയുണ്ട്‌. രക്തം നൽകു​ക​യി​ല്ലെന്ന്‌ സമ്മതി​ക്കു​ന്ന​തിൽ മററാ​രേ​ക്കാ​ളും മുൻപ​ന്തി​യി​ലു​ളള ഡോക്ട​റെ​യോ സർജ​നെ​യോ കണ്ടെത്താൻ നിങ്ങൾ ആത്മാർത്ഥ​മായ ഒരു ശ്രമം ചെയ്യാൻ പ്രതീ​ക്ഷി​ക്ക​പ്പെ​ടും. പ്രശ്‌നങ്ങൾ മുൻകൂ​ട്ടി​ക്കാ​ണു​ന്ന​താണ്‌ ഏററവും നല്ല പ്രതി​രോ​ധം. സഹകരണ മനോ​ഭാ​വ​മു​ളള ഒരു ഡോക്ടറെ മുന്നമേ കണ്ടു​വെ​ക്കാൻ സകല​ശ്ര​മ​വും ചെയ്യുക. സഹകര​ണ​മി​ല്ലാത്ത ഡോക്ടർമാ​രിൽനി​ന്നും ആശുപ​ത്രി​ക​ളിൽനി​ന്നും കഴിവ​തും അകന്നു​നിൽക്കാൻ ശ്രമി​ക്കുക.

⁸ ചില രാജ്യ​ങ്ങ​ളിൽ, ഒരു രക്തപ്പകർച്ച നൽക​പ്പെ​ടു​ന്നു​വോ എന്നതിൽ ഒരു വ്യത്യാ​സം ഉളവാ​ക്കുന്ന മറെറാ​രു ഘടകം ആശുപ​ത്രി​ച്ചെ​ലവ്‌ എങ്ങനെ വഹിക്ക​പ്പെ​ടു​ന്നു​വെ​ന്ന​താണ്‌. മാതാ​പി​താ​ക്കൾക്ക്‌ തങ്ങൾ ഇഷ്ടപ്പെ​ടുന്ന ഒരു ഡോക്ടറെ അന്വേ​ഷി​ക്കാൻ അനുവ​ദി​ക്കുന്ന ആരോഗ്യ ഇൻഷ്വ​റൻസോ മററു സുരക്ഷ​യോ ഉളളി​ടത്ത്‌, കുട്ടി​കളെ സഹകര​ണ​മി​ല്ലാത്ത ഡോക്ടർമാ​രു​ടെ​യൊ ആശുപ​ത്രി​ജീ​വ​ന​ക്കാ​രു​ടെ​യൊ കയ്യിൽപ്പെ​ടാ​തെ സൂക്ഷി​ക്കാൻ എളുപ്പം കഴിയും. ഡോക്ടർമാ​രിൽനി​ന്നും ആശുപ​ത്രി​ക​ളിൽനി​ന്നും ഒരു കുടും​ബ​ത്തി​നു ഏതുതരം സഹകര​ണ​വും സേവന​വും ലഭിക്കു​ന്നു​വെന്ന്‌ പലപ്പോ​ഴും നിർണ്ണ​യി​ക്കു​ന്നത്‌ ലഭിക്കുന്ന പണത്തിന്റെ അളവാണ്‌. കൂടാതെ, ഒരു കുട്ടി​യു​ടെ മാററം സ്വീക​രി​ക്കാൻ ഒരു ആശുപ​ത്രി​യൊ ഡോക്ട​റൊ മനസ്സു​വെ​ക്കു​മോ​യെ​ന്നത്‌ മിക്ക​പ്പോ​ഴും ചെലവു വഹിക്കാ​നു​ളള മാതാ​പി​താ​ക്ക​ളു​ടെ പ്രാപ്‌തി​യെ ആശ്രയി​ച്ചി​രി​ക്കും. അമ്മയാ​കാൻപോ​കു​ന്ന​വരേ, ഗർഭാ​വ​സ്ഥ​യിൽ നിങ്ങൾ നിങ്ങളു​ടെ ആരോ​ഗ്യം സൂക്ഷി​ക്കു​ന്നത്‌ പ്രധാ​ന​മാണ്‌! ഇത്‌ അകാല​ജ​ന​ന​ങ്ങ​ളും അതി​നോ​ടു ബന്ധപ്പെട്ട കുഴപ്പ​ങ്ങ​ളും തടയു​ന്ന​തിന്‌ വളരെ പ്രയോ​ജനം ചെയ്യും, മാസം തികയാത്ത ശിശു​ക്ക​ളു​ടെ സാധാരണ ചികി​ത്സ​യി​ലും അവരുടെ പ്രശ്‌ന​ങ്ങ​ളി​ലും മിക്ക​പ്പോ​ഴും രക്തം ഉൾപ്പെ​ടു​ന്ന​തു​കൊ​ണ്ടു​തന്നെ.

⁹ ചില​പ്പോൾ അവസാ​ന​നി​മി​ഷം​വരെ രക്തത്തോ​ടു​ളള അവരുടെ എതിർപ്പ്‌ യഹോ​വ​യു​ടെ സാക്ഷികൾ ചർച്ച​ചെ​യ്യു​ന്നി​ല്ലെന്ന്‌ ഡോക്ടർമാർ പരാതി​പ്പെ​ടു​ന്നു. ഒരിക്ക​ലും അങ്ങനെ ആയിരു​ന്നു​കൂ​ടാ. ആശുപ​ത്രി​യിൽ പോകു​മ്പോ​ഴോ ഒരു ഡോക്ട​റു​ടെ സേവനം സ്വീക​രി​ക്കു​മ്പോ​ഴോ സാക്ഷി​ക​ളായ മാതാ​പി​താ​ക്കൾ ചെയ്യേണ്ട ആദ്യ സംഗതി​ക​ളിൽ ഒന്ന്‌ രക്തം സംബന്ധിച്ച തങ്ങളുടെ നിലപാട്‌ ചർച്ച​ചെ​യ്യുക എന്നതാണ്‌. ശസ്‌ത്ര​ക്രിയ ഉൾപ്പെ​ട്ടി​രി​ക്കു​ന്നെ​ങ്കിൽ അനസ്‌തീ​ഷ്യാ വിദഗ്‌ദ്ധ​നു​മാ​യി നേര​ത്തേ​തന്നെ ഒരു കൂടി​ക്കാ​ഴ്‌ചക്ക്‌ ആവശ്യ​പ്പെ​ടുക. ഇതിന്‌ ശസ്‌ത്ര​ക്രി​യാ​വി​ദ​ഗ്‌ദ്ധന്‌ നിങ്ങളെ സഹായി​ക്കാൻ കഴി​ഞ്ഞേ​ക്കും. സമ്മതപ​ത്രങ്ങൾ സൂക്ഷ്‌മ​മാ​യി പരി​ശോ​ധി​ച്ചി​രി​ക്കണം. എതിർപ്പു​ളള ഏതു ഭാഗവും വെട്ടി​ക്ക​ള​യാൻ നിങ്ങൾക്ക്‌ അവകാ​ശ​മുണ്ട്‌. ഏതു സംശയ​വും ദുരീ​ക​രി​ക്കു​ന്ന​തിന്‌, മതപര​വും വൈദ്യ​ശാ​സ്‌ത്ര​പ​ര​വു​മായ കാരണ​ങ്ങ​ളാൽ യാതൊ​രു സാഹച​ര്യ​ത്തി​ലും രക്തം ആഗ്രഹി​ക്കു​ക​യോ അനുവ​ദി​ക്കു​ക​യോ ചെയ്യു​ന്നി​ല്ലെന്ന്‌ സമ്മതപ​ത്ര​ത്തിൽ വ്യക്തമാ​യി എഴുതുക.

¹⁰ യഹോ​വ​യു​ടെ സ്ഥാപന​ത്തിൽനി​ന്നു​ളള സഹായം: നിങ്ങളു​ടെ മക്കളെ രക്തത്തിൽനിന്ന്‌ സംരക്ഷി​ക്കു​ന്ന​തിൽ നിങ്ങളെ സഹായി​ക്കു​ന്ന​തിന്‌ യഹോ​വ​യു​ടെ സ്ഥാപനം എന്തു കരുത​ലു​കൾ ചെയ്‌തി​ട്ടുണ്ട്‌? അനേക​മുണ്ട്‌. രക്തത്തെ സംബന്ധി​ച്ചും രക്തരഹി​ത​മായ പകരം​ചി​കിത്സ സംബന്ധി​ച്ചും നമ്മെ പഠിപ്പി​ക്കു​ന്ന​തിന്‌ സൊ​സൈ​ററി വളരെ കാര്യങ്ങൾ പ്രസി​ദ്ധീ​ക​രി​ച്ചി​ട്ടുണ്ട്‌. രക്തത്തിന്‌ നിങ്ങളു​ടെ ജീവനെ എങ്ങനെ രക്ഷിക്കാൻ കഴിയും? എന്ന ലഘുപ​ത്രി​ക​യും ഈ വിഷയം സംബന്ധിച്ച മററു പ്രസി​ദ്ധീ​ക​ര​ണ​ങ്ങ​ളും നിങ്ങൾ പഠിച്ചി​ട്ടുണ്ട്‌. വളരെ​യ​ധി​കം സഹായ​വും പിന്തു​ണ​യും നിങ്ങൾക്കു നൽകാൻ കഴിയുന്ന പ്രാ​ദേ​ശിക സഭയിലെ നിങ്ങളു​ടെ സഹോ​ദ​രീ​സ​ഹോ​ദ​രൻമാർ നിങ്ങൾക്കുണ്ട്‌. ഒരു പ്രതി​സ​ന്ധി​യു​ള​ള​പ്പോൾ, ആശുപ​ത്രി​യിൽ 24 മണിക്കൂ​റും കാവൽ ഏർപ്പെ​ടു​ത്തു​ന്നത്‌ ഉചിത​മാ​ണെന്ന്‌ മൂപ്പൻമാർ പരിഗ​ണി​ച്ചേ​ക്കാം, ഒരുപക്ഷേ ഒരു മൂപ്പനും രോഗി​യു​ടെ പിതാ​വും കൂടെ​യോ അല്ലെങ്കിൽ അടുത്ത കുടും​ബാം​ഗ​വും കൂടെ​യോ നിൽക്കു​ന്നത്‌ നന്നായി​രി​ക്കും. പലപ്പോ​ഴും രക്തപ്പകർച്ചകൾ നൽക​പ്പെ​ടു​ന്നത്‌ എല്ലാ ബന്ധുക്ക​ളും സുഹൃ​ത്തു​ക്ക​ളും ഉറങ്ങാൻ വീട്ടിൽ പോയി​ക്ക​ഴി​യു​മ്പോ​ഴാണ്‌.

¹¹ ഇന്ത്യയിൽ പ്രധാ​ന​ന​ഗ​ര​ങ്ങ​ളിൽ നാം ഉടൻതന്നെ ഹോസ്‌പി​ററൽ ലെയ്‌സൻ കമ്മിറ​റി​കൾ രൂപീ​ക​രി​ക്കു​ന്ന​താ​യി​രി​ക്കും. രാജ്യ​ത്തു​ളള ഓരോ സഭയും സഹായി​ക്കാൻ ലഭ്യരായ പരിശീ​ലനം ലഭിച്ച സഹോ​ദ​രൻമാർ ചേർന്നു​ളള ഒരു കമ്മിറ​റി​യു​ടെ കീഴിൽ നിയമി​ക്ക​പ്പെ​ടും. അവരുടെ ആവശ്യം വരു​മ്പോൾ നിങ്ങളു​ടെ മൂപ്പൻമാർ മുഖാ​ന്തരം അവരെ വിളി​ക്കുക. ചെറിയ പ്രശ്‌ന​ങ്ങൾക്ക്‌ അവരെ വിളി​ക്ക​രുത്‌, എന്നാൽ ഒരു ഗുരു​ത​ര​മായ പ്രശ്‌നം വികാസം പ്രാപി​ച്ചേ​ക്കാ​മെന്ന്‌ തോന്നു​ന്നെ​ങ്കിൽ അവരെ വിളി​ക്കാൻ ദീർഘ​സ​മയം കാത്തി​രി​ക്കു​ക​യു​മ​രുത്‌. മിക്ക​പ്പോ​ഴും സഹകരി​ക്കുന്ന ഡോക്ടർമാ​രു​ടെ പേരു​ക​ളും പകരം​ചി​കിത്സ സംബന്ധിച്ച നിർദ്ദേ​ശ​ങ്ങ​ളും അവർക്ക്‌ നൽകാൻ കഴിയും. ആവശ്യ​വും അവസര​വും ഉണ്ടെങ്കിൽ ഈ സഹോ​ദ​രൻമാർ സ്ഥലത്തു​ണ്ടാ​യി​രി​ക്കാ​നും പ്രശ്‌നം കൈകാ​ര്യം ചെയ്യാൻ സഹായി​ക്കാ​നും ക്രമീ​ക​രണം ചെയ്യും.

¹² കോടതി ഇടപെടൽ മുൻകൂ​ട്ടി​ക്കണ്ട്‌ കൈകാ​ര്യം ചെയ്യൽ: ഒരു ഡോക്ട​റോ ആശുപ​ത്രി​യോ നിങ്ങളു​ടെ കുട്ടിക്ക്‌ രക്തപ്പകർച്ച നൽകാ​നാ​യി ഒരു കോട​തി​വി​ധി സമ്പാദി​ക്കാൻ ഉദ്ദേശി​ക്കു​ന്നെ​ങ്കി​ലെന്ത്‌? കൂടു​ത​ലാ​യി ഒന്നും ചെയ്യാ​നി​ല്ലെന്ന്‌ കരുതി​ക്കൊണ്ട്‌ കൈവി​ട്ടു​ക​ള​യാ​നു​ളള ഒരു സമയമാ​ണോ ഇത്‌? ഒരിക്ക​ലും അല്ല! ഒരു രക്തപ്പകർച്ച തടുക്കു​ന്ന​തിന്‌ അപ്പോ​ഴും സാദ്ധ്യ​മാ​യി​രു​ന്നേ​ക്കാം. അത്തരം ഒരു സാദ്ധ്യ​ത​ക്കു​വേ​ണ്ടി​യു​ളള ഒരുക്കം വളരെ നേരത്തെ ചെയ്യണം. എന്തു ചെയ്യാൻ കഴിയും?

¹³ ഈ വിഷയ​ങ്ങ​ളിൽ ആശുപ​ത്രി​ക​ളെ​യും ന്യായാ​ധി​പൻമാ​രെ​യും സ്വാധീ​നി​ക്കു​ന്ന​തോ നയിക്കു​ന്ന​തോ ആയ നിയമ​പ​ര​മായ ചില തത്വങ്ങൾ അറിഞ്ഞി​രി​ക്കു​ന്നത്‌ പ്രതി​രോ​ധി​ക്കു​ന്ന​തിന്‌ നിങ്ങളെ വളരെ​യ​ധി​കം സഹായി​ക്കും. തങ്ങളുടെ മക്കൾക്ക്‌ വൈദ്യ​ചി​കിത്സ സ്വീക​രി​ക്കു​ന്ന​തി​നോ നിരാ​ക​രി​ക്കു​ന്ന​തി​നോ നിയമം മാതാ​പി​താ​ക്കൾക്ക്‌ അപരി​മേ​യ​മായ അധികാ​രം നൽകു​ന്നി​ല്ലെ​ന്നു​ളള വസ്‌തു​ത​യാണ്‌ അടിസ്ഥാ​ന​പ്ര​ധാ​ന​മായ അത്തരം ഒരു തത്വം. തങ്ങളുടെ ഇഷ്ടമനു​സ​രിച്ച്‌ ചികിത്സ സ്വീക​രി​ക്കാ​നോ നിരസി​ക്കാ​നോ മുതിർന്ന​വർക്ക്‌ പൊതു​വിൽ അവകാ​ശ​മു​ണ്ടെ​ങ്കി​ലും തങ്ങളുടെ കുട്ടി​യു​ടെ ക്ഷേമത്തിന്‌ ആവശ്യ​മെന്നു കാണുന്ന ചികിത്സ നിരസി​ക്കാൻ മാതാ​പി​താ​ക്കൾ സ്വത​ന്ത്രരല്ല, അവരുടെ നിരസനം ആത്മാർത്ഥ​മാ​യി പുലർത്തുന്ന മതവി​ശ്വാ​സ​ങ്ങ​ളു​ടെ അടിസ്ഥാ​ന​ത്തിൽ ആയിരി​ക്കു​മ്പോൾ പോലും.

¹⁴ ഈ അടിസ്ഥാ​ന​ത​ത്വം 1944-ലെ യു.എസ്‌. സുപ്രീം കോടതി വിധി​യിൽ പ്രതി​ഫ​ലി​പ്പി​ക്ക​പ്പെട്ടു. അത്‌ ഇപ്രകാ​രം പ്രസ്‌താ​വി​ച്ചു: “മാതാ​പി​താ​ക്കൾ സ്വയം രക്തസാ​ക്ഷി​ക​ളാ​യി​ത്തീ​രാൻ സ്വത​ന്ത്ര​രാ​യി​രി​ക്കാം. എന്നാൽ സമാന​മായ സാഹച​ര്യ​ങ്ങ​ളിൽ തങ്ങളുടെ മക്കളെ രക്തസാ​ക്ഷി​ക​ളാ​ക്കാൻ അവർ സ്വത​ന്ത്ര​രാ​ണെ​ന്നു​ള​ളത്‌ ശരിയല്ല, നിയമ​ത്തി​ന്റെ ദൃഷ്ടി​യിൽ അവർക്ക്‌ സ്വയം ആ തിര​ഞ്ഞെ​ടു​പ്പു നടത്താൻ കഴിയുന്ന പ്രായ​പൂർത്തി​യിൽ എത്തുന്ന​തി​നു​മു​മ്പു​തന്നെ.” കുട്ടി​യു​ടെ ശാരീ​രിക ആരോ​ഗ്യ​വും ക്ഷേമവും സംബന്ധിച്ച ഇതേ പ്രാഥ​മിക താത്‌പ​ര്യം ഇന്നത്തെ ശിശു​ക്ഷേമ നിയമ​ങ്ങ​ളിൽ ഉൾക്കൊ​ണ്ടി​രി​ക്കു​ന്നു. ശിശു​ദ്രോ​ഹത്തെ ലാക്കാ​ക്കി​യു​ളള ഈ നിയമങ്ങൾ വൈദ്യ​സം​ബ​ന്ധ​മായ അവഗണ​ന​യിൽനിന്ന്‌ കുട്ടി​കളെ സംരക്ഷി​ക്കു​ന്ന​തി​നും​കൂ​ടെ രൂപ​പ്പെ​ടു​ത്തി​യ​താണ്‌.

¹⁵ മാതാ​പി​താ​ക്ക​ളു​ടെ ദ്രോ​ഹ​ത്തിൽനി​ന്നും അവഗണ​ന​യിൽനി​ന്നും കുട്ടി​കളെ സംരക്ഷി​ക്കു​ന്നത്‌ ക്രിസ്‌തീ​യ​മാ​താ​പി​താ​ക്കൾക്ക്‌ തീർച്ച​യാ​യും എതിർപ്പു​ളള കാര്യമല്ല. എന്നാൽ ശിശു-അവഗണനാ നിയമ​ങ്ങ​ളും മേലു​ദ്ധ​രിച്ച സുപ്രീം​കോ​ട​തി​വി​ധി​യും പലപ്പോ​ഴും യഹോ​വ​യു​ടെ സാക്ഷി​ക​ളു​ടെ കുട്ടികൾ ഉൾപ്പെ​ടുന്ന കേസു​ക​ളിൽ അനുചി​ത​മാ​യി പ്രയോ​ഗി​ക്ക​പ്പെ​ടു​ന്നു. എന്തു​കൊണ്ട്‌? ഒരു സംഗതി, സാക്ഷി​ക​ളായ മാതാ​പി​താ​ക്കൾക്ക്‌ തങ്ങളുടെ മക്കളെ “രക്തസാക്ഷി”കളാക്കാൻ ഒരു ഉദ്ദേശ്യ​വു​മില്ല. ഉണ്ടായി​രു​ന്നെ​ങ്കിൽ ഒന്നാമത്‌, അവർ എന്തിന്‌ തങ്ങളുടെ മക്കളെ ആശുപ​ത്രി​യിൽ കൊണ്ടു​പോ​കണം? നേരെ വിരു​ദ്ധ​മാ​യി, സാക്ഷി​ക​ളായ മാതാ​പി​താ​ക്കൾ തങ്ങളുടെ മക്കൾക്ക്‌ മനസ്സോ​ടെ വൈദ്യ​ചി​കിത്സ തേടുന്നു. അവർ തങ്ങളുടെ മക്കളെ സ്‌നേ​ഹി​ക്കു​ക​യും അവർക്ക്‌ നല്ല ആരോ​ഗ്യം ഉണ്ടായി​രി​ക്കാൻ ആഗ്രഹി​ക്കു​ക​യും ചെയ്യുന്നു. എന്നാൽ തങ്ങളുടെ മക്കൾക്ക്‌ ഏററവും നല്ലതരം വൈദ്യ​ചി​കിത്സ ഉത്തരവാ​ദി​ത്ത​ബോ​ധ​ത്തോ​ടെ തിര​ഞ്ഞെ​ടു​ക്കാ​നു​ളള ദൈവ​ദ​ത്ത​മായ ഒരു ചുമതല തങ്ങൾക്കു​ണ്ടെന്ന്‌ അവർ വിശ്വ​സി​ക്കു​ന്നു. രക്തം കൂടാതെ തങ്ങളുടെ കുട്ടി​യു​ടെ ആരോ​ഗ്യ​പ്ര​ശ്‌നങ്ങൾ പരിഹ​രി​ച്ചെ​ടു​ക്കാൻ അവർ ആഗ്രഹി​ക്കു​ന്നു. രക്തംകൂ​ടാ​തെ​യു​ളള അത്തരം പകരം​ചി​കിത്സ രക്തത്തേ​ക്കാൾ മെച്ചവും സുരക്ഷി​ത​വും ആണെന്നു​മാ​ത്രമല്ല അത്‌ അത്യന്തം പ്രധാ​ന​മാ​യി തങ്ങളുടെ മക്കളെ വലിയ ജീവദാ​താ​വായ യഹോ​വ​യാം ദൈവ​ത്തി​ന്റെ പ്രീതി​യിൽ നിലനിർത്തു​ക​യും ചെയ്യുന്നു.

¹⁶ രക്തരഹി​ത​മായ ചികി​ത്സ​യു​ടെ പ്രയോ​ജ​നങ്ങൾ ഗണ്യമാ​ക്കാ​തെ പല ഡോക്ടർമാ​രും ശിശു​ക്ഷേമ ഉദ്യോ​ഗ​സ്ഥൻമാ​രും രക്തപ്പകർച്ചാ​ചി​കി​ത്സയെ ചില സാഹച​ര്യ​ങ്ങ​ളിൽ ആവശ്യ​മോ ജീവര​ക്ഷാ​ക​രം​പോ​ലു​മോ ആയ, നിലവാ​ര​മു​ളള ചികി​ത്സാ​ന​ട​പ​ടി​യാ​യി വീക്ഷി​ക്കു​ന്നു. അങ്ങനെ, സാക്ഷി​ക​ളായ മാതാ​പി​താ​ക്കൾ രക്തപ്പകർച്ച​കൾക്കു​ളള ശുപാർശകൾ നിരസി​ക്കു​മ്പോൾ പ്രശ്‌നങ്ങൾ ഉദി​ച്ചേ​ക്കാം. പൊതു​വിൽ പറഞ്ഞാൽ, മാതാ​പി​താ​ക്ക​ളു​ടെ അനുമതി കൂടാതെ ഡോക്ടർമാർക്ക്‌ നിയമാ​നു​സൃ​തം കുട്ടി​കളെ ചികി​ത്സി​ക്കാൻ കഴിയില്ല. രക്തം ഉപയോ​ഗി​ക്കാ​നു​ളള മാതാ​പി​താ​ക്ക​ളു​ടെ സമ്മതക്കു​റവ്‌ മറിക​ട​ക്കു​ന്ന​തിന്‌ ഡോക്ടർമാ​രോ മററ്‌ ആശുപ​ത്രി ജീവന​ക്കാ​രോ ഒരു കോട​തി​വി​ധി​യു​ടെ രൂപത്തിൽ ഒരു ജഡ്‌ജി​യിൽനിന്ന്‌ അനുമതി തേടി​യേ​ക്കാം. കോടതി അധികാ​ര​പ്പെ​ടു​ത്തിയ അത്തരം അനുമതി, ശിശു​ക്ഷേമ ഉദ്യോ​ഗ​സ്ഥ​രോ ഡോക്ടർമാ​രോ, ആരോ​പി​ക്ക​പ്പെട്ട വൈദ്യ അവഗണ​ന​യിൽനിന്ന്‌ കുട്ടിയെ രക്ഷിക്കാൻ പ്രവർത്തി​ക്കുന്ന ആശുപ​ത്രി ഉദ്യോ​ഗ​സ്ഥ​രോ മുഖാ​ന്തരം സമ്പാദി​ച്ചെ​ടു​ത്തേ​ക്കാം.a

¹⁷ പലപ്പോ​ഴും രക്തം ഉപയോ​ഗി​ക്കാൻ അധികാ​ര​പ്പെ​ടു​ത്തി​ക്കൊ​ണ്ടു​ളള കോട​തി​വി​ധി​കൾ മാതാ​പി​താ​ക്കൾക്ക്‌ അറിയി​പ്പു കൊടു​ക്കാ​തെ​തന്നെ വളരെ പെട്ടെന്നു സമ്പാദി​ക്ക​പ്പെ​ടു​ന്നു. എന്താണ്‌ സംഭവി​ക്കു​ന്ന​തെന്ന്‌ മാതാ​പി​താ​ക്കളെ പൂർണ്ണ​മാ​യി അറിയി​ക്കാൻ സമയം അനുവ​ദി​ക്കു​ന്നി​ല്ലാത്ത ഒരു അടിയ​ന്തി​ര​ചി​കി​ത്സാ​ഘട്ടം ആണെന്ന്‌ അവകാ​ശ​പ്പെ​ട്ടു​കൊണ്ട്‌ ഡോക്ടർമാ​രോ ആശുപ​ത്രി അധികൃ​ത​രോ ശിശു​ക്ഷേമ ഉദ്യോ​ഗ​സ്ഥ​രോ അത്തരം അടിയ​ന്തിര വിധി​കളെ ന്യായീ​ക​രി​ക്കാൻ ശ്രമി​ക്കു​ന്നു. എന്നിരു​ന്നാ​ലും, പലപ്പോ​ഴും ചോദ്യം ചെയ്യു​മ്പോൾ ഒരു യഥാർത്ഥ അടിയ​ന്തി​ര​ഘട്ടം സ്ഥിതി​ചെ​യ്യു​ന്നി​ല്ലെ​ന്നും “ഒരുപക്ഷേ” ഭാവി​യിൽ അവരുടെ അഭി​പ്രാ​യ​ത്തിൽ ഒരു രക്തപ്പകർച്ച ആവശ്യ​മാ​യി വന്നെങ്കി​ലോ എന്നു​വെച്ച്‌ അവർ ഒരു കോട​തി​വി​ധി ആഗ്രഹി​ച്ചു​വെ​ന്നും ഡോക്ടർമാർ സമ്മതി​ച്ചി​ട്ടുണ്ട്‌. നിങ്ങളു​ടെ കുട്ടി​യു​ടെ സ്വാഭാ​വി​ക​ര​ക്ഷ​കർത്താ​ക്ക​ളെന്ന നിലയിൽ നിങ്ങൾക്ക്‌ ഡോക്ടർമാ​രോ ആശുപ​ത്രി അധികൃ​ത​രോ ശിശു​ക്ഷേമ ഉദ്യോ​ഗ​സ്ഥ​രോ നിങ്ങളു​ടെ കുട്ടി​യോ​ടു​ളള ബന്ധത്തിൽ എന്തു ചെയ്യു​ന്നു​വെ​ന്ന​റി​യാൻ എല്ലായ്‌പ്പോ​ഴും മൗലി​കാ​വ​കാ​ശം ഉണ്ട്‌. കഴിയു​മെ​ങ്കിൽ, ഒരു കോട​തി​വി​ധി സമ്പാദി​ക്കാ​നു​ളള ശ്രമങ്ങ​ളെ​ക്കു​റിച്ച്‌ നിങ്ങളെ അറിയി​ക്ക​ണ​മെ​ന്നും കോട​തി​മു​മ്പാ​കെ തർക്കത്തിൽ നിങ്ങളു​ടെ ഭാഗം അവതരി​പ്പി​ക്കാൻ അനുവ​ദി​ക്ക​ണ​മെ​ന്നും നിയമം നിഷ്‌ക്കർഷി​ക്കു​ന്നു.

¹⁸ നിയമ​പ​ര​മായ ഈ യാഥാർത്ഥ്യ​ങ്ങൾ സഹകര​ണ​മ​നോ​ഭാ​വ​മു​ളള ഒരു ഡോക്ടറെ കണ്ടെത്തു​ന്ന​തി​ന്റെ മൂല്യം പ്രദീ​പ്‌ത​മാ​ക്കു​ന്നു. അയാ​ളോ​ടൊത്ത്‌ പ്രവർത്തി​ക്കുക, നിങ്ങളു​ടെ ഹോസ്‌പി​ററൽ ലെയ്‌സൻ കമ്മിറ​റി​യി​ലെ അംഗങ്ങ​ളു​ടെ സഹായ​ത്തോ​ടെ നിങ്ങളു​ടെ കുട്ടി​യു​ടെ ചികി​ത്സാ​പ്ര​ശ്‌നം രക്തംകൂ​ടാ​തെ കൈകാ​ര്യം ചെയ്യാൻ അയാളെ സഹായി​ക്കുക, അല്ലെങ്കിൽ അത്തരം ചികിത്സ നൽകുന്ന ഒരു ഡോക്ട​റു​ടെ അടു​ത്തേ​ക്കോ ആശുപ​ത്രി​യി​ലേ​ക്കോ നിങ്ങളു​ടെ കുട്ടിയെ മാററുക. എന്നാൽ ഒരു കോട​തി​വി​ധി സമ്പാദി​ക്കാൻ ഡോക്ട​റോ ആശുപ​ത്രി അധികാ​രി​യോ ശിശു​ക്ഷേ​മ​പ്ര​വർത്ത​ക​നോ ആലോ​ചി​ക്കു​ന്ന​തി​ന്റെ ലക്ഷണം കണ്ടാൽ അതിനു​ളള ഉദ്ദേശ്യ​മു​ണ്ടോ​യെന്ന്‌ നിങ്ങൾ ഉടൻ ചോദി​ക്കണം. ചില​പ്പോൾ ഇത്‌ ഫോണി​ലൂ​ടെ രഹസ്യ​മാ​യി ചെയ്യ​പ്പെ​ടു​ന്നു. കോട​തി​യിൽ പോകാൻ ഉദ്ദേശ്യ​മു​ണ്ടെ​ങ്കിൽ, നിങ്ങൾക്ക്‌ നിങ്ങളു​ടെ ഭാഗം ജഡ്‌ജി​യോ​ടു പറയാൻ കഴി​യേ​ണ്ട​തിന്‌ നിങ്ങൾ അതി​നെ​ക്കു​റിച്ച്‌ അറിയാൻ ആഗ്രഹി​ക്കു​ന്നു​വെന്ന്‌ ഊന്നി​പ്പ​റ​യുക. (സദൃ. 18:17) സമയമു​ണ്ടെ​ങ്കിൽ ഒരു വക്കീലി​ന്റെ സഹായം തേടു​ന്നത്‌ മിക്ക​പ്പോ​ഴും അഭികാ​മ്യ​മാണ്‌. ചില സന്ദർഭ​ങ്ങ​ളിൽ കോട​തി​തന്നെ വക്കീലൻമാ​രെ നിയമി​ക്കു​ന്നു. കോടതി നിയമി​ച്ച​തോ നിങ്ങളു​ടെ സ്വന്തമോ ആയ വക്കീൽ നിങ്ങൾക്കു​ണ്ടെ​ങ്കിൽ ആ സാഹച​ര്യ​ങ്ങ​ളിൽ ഏററവും നല്ല പ്രതി​വാ​ദം നടത്തു​ന്ന​തിന്‌ അയാളെ സഹായി​ക്കുന്ന വിവരങ്ങൾ സൊ​സൈ​റ​റി​യു​ടെ നിയമ​വ​കു​പ്പിന്‌ അയാളു​മാ​യി പങ്കു​വെ​ക്കാൻ കഴിയും.

¹⁹ നിങ്ങളു​ടെ രക്ഷ നിരസനം കോട​തി​യിൽ എത്തു​ന്നെ​ങ്കിൽ നിങ്ങളു​ടെ കുട്ടി​യു​ടെ ജീവനോ ആരോ​ഗ്യ​മോ പരിര​ക്ഷി​ക്കു​ന്ന​തിന്‌ രക്തം ആവശ്യ​മാ​ണെ​ന്നു​ളള ഡോക്ട​റു​ടെ അഭി​പ്രാ​യം വളരെ അനുന​യ​ക്ഷമം ആയിരി​ക്കാം. വൈദ്യ​ത്തിൽ അവിദ​ഗ്‌ദ്ധൻ എന്ന നിലയിൽ ജഡ്‌ജി സാധാരണ ഡോക്ട​റു​ടെ ചികിത്സാ വൈദ​ഗ്‌ദ്ധ്യ​ത്തി​നു വഴങ്ങുന്നു. അന്യാ​യ​ത്തിൽ തങ്ങളുടെ ഭാഗം അവതരി​പ്പി​ക്കാൻ മാതാ​പി​താ​ക്കൾക്ക്‌ അവസരം അനുവ​ദി​ക്കാ​ത്ത​പ്പോൾ ഇത്‌ വിശേ​ഷാൽ സത്യമാണ്‌, അപ്പോൾ ഡോക്ടർ ഒരു എതിർപ്പും കൂടാതെ രക്തത്തിന്റെ “അടിയ​ന്തിര” ആവശ്യം സംബന്ധി​ച്ചു​ളള തന്റെ അവകാ​ശ​വാ​ദങ്ങൾ അവതരി​പ്പി​ക്കാൻ അനുവ​ദി​ക്ക​പ്പെ​ടു​ന്നു. അത്തരം ഏകപക്ഷീ​യ​മായ നടപടി​ക്ര​മങ്ങൾ സത്യം തീരു​മാ​നി​ക്കു​ന്ന​തിന്‌ ഉപയു​ക്തമല്ല. രക്തം ആവശ്യ​മാ​ണെന്ന്‌ ഡോക്ടർമാർ എപ്പോൾ, എന്തു​കൊണ്ട്‌ വിചാ​രി​ക്കു​ന്നു എന്നത്‌ വളരെ​യ​ധി​കം അനിശ്ചി​ത​വും സ്വന്തം ആശയഗ​തി​യും ആണെന്നു​ള​ള​താണ്‌ വസ്‌തുത. മിക്ക​പ്പോ​ഴും, കുട്ടി​യു​ടെ ജീവൻ രക്ഷിക്കു​ന്ന​തിന്‌ രക്തം തീർത്തും ആവശ്യ​മാ​ണെന്ന്‌ ഒരു ഡോക്ടർ പറയു​മ്പോൾ അതേ ചികി​ത്സാ​പ്ര​ശ്‌നം രക്തം കൂടാതെ കൈകാ​ര്യം ചെയ്യു​ന്ന​തിൽ അപുഭ​വ​പ​രി​ച​യ​മു​ളള മറെറാ​രു ഡോക്ടർ രോഗി​യെ ചികി​ത്സി​ക്കു​ന്ന​തിന്‌ രക്തം ആവശ്യ​മി​ല്ലെന്നു പറയുന്നു.

²⁰ നിങ്ങൾ നിങ്ങളു​ടെ കുട്ടിക്ക്‌ “ജീവര​ക്ഷാ​ക​ര​മായ” ഒരു പകർച്ച നിരസി​ക്കു​ന്ന​തെ​ന്തു​കൊ​ണ്ടെന്ന്‌ ഒരു വക്കീലോ ജഡ്‌ജി​യോ നിങ്ങ​ളോ​ടു ചോദി​ച്ചാൽ നിങ്ങൾ എന്തു ചെയ്യും? നിങ്ങളു​ടെ ആദ്യചാ​യ്‌വ്‌ പുനരു​ത്ഥാ​ന​ത്തി​ലു​ളള നിങ്ങളു​ടെ വിശ്വാ​സം വിശദീ​ക​രി​ക്കാ​നും മരിക്കു​ന്നെ​ങ്കിൽ ദൈവം നിങ്ങളു​ടെ കുട്ടിയെ തിരി​ച്ചു​കൊ​ണ്ടു​വ​രു​മെ​ന്നു​ളള നിങ്ങളു​ടെ ശക്തമായ വിശ്വാ​സം പ്രകട​മാ​ക്കാ​നും ആയിരി​ക്കാ​മെ​ങ്കി​ലും അത്തരം ഒരുത്തരം അതിൽത്തന്നെ, നിങ്ങൾ ഒരു മതഭ്രാ​ന്ത​നാ​ണെ​ന്നും നിങ്ങളു​ടെ കുട്ടിയെ രക്ഷിക്കു​ന്ന​തിന്‌ താൻ നടപടി​യെ​ടു​ക്കേ​ണ്ട​താ​ണെ​ന്നും കുട്ടി​യു​ടെ ശാരീ​രിക ക്ഷേമത്തിൽ പ്രമുഖ താത്‌പ​ര്യ​മു​ളള ജഡ്‌ജി​യെ ബോദ്ധ്യ​പ്പെ​ടു​ത്തു​ക​യേ​യു​ളളു.

²¹ മുറു​കെ​പ്പി​ടി​ക്കുന്ന മതപര​മായ കാരണ​ങ്ങ​ളാ​ലാണ്‌ നിങ്ങൾ രക്തം നിരസി​ക്കു​ന്ന​തെ​ങ്കി​ലും കോടതി അറിയേണ്ട സംഗതി, നിങ്ങൾ വൈദ്യ​ചി​കിത്സ നിരസി​ക്കു​ന്നില്ല എന്നുള​ള​താണ്‌. നിങ്ങൾ അവഗണ​ന​യു​ള​ള​വ​രോ ദ്രോ​ഹി​ക്കു​ന്ന​വ​രോ ആയ മാതാ​പി​താ​ക്ക​ള​ല്ലെ​ന്നും പിന്നെ​യോ തങ്ങളുടെ കുട്ടി​കളെ ചികി​ത്സി​ക്കാൻ ആഗ്രഹി​ക്കുന്ന സ്‌നേ​ഹ​മു​ളള മാതാ​പി​താ​ക്ക​ളാ​ണെ​ന്നും ജഡ്‌ജി മനസ്സി​ലാ​ക്കേണ്ട ആവശ്യ​മുണ്ട്‌. രക്തത്തിന്റെ പ്രയോ​ജ​നങ്ങൾ എന്ന്‌ പറയു​ന്നത്‌ ഉണ്ടാകാ​നി​ട​യു​ളള അതിന്റെ മാരക​മായ അപകട​ങ്ങ​ളെ​യും കുഴപ്പ​ങ്ങ​ളെ​യും​കാൾ മികച്ചു​നിൽക്കു​ന്നു എന്ന ആശയ​ത്തോട്‌ നിങ്ങൾ യോജി​ക്ക​ണ​മെ​ന്നില്ല, വിശേ​ഷി​ച്ചും ഈ അപകട​ങ്ങ​ളി​ല്ലാത്ത പകരം ചികി​ത്സകൾ ലഭ്യമാ​യി​രി​ക്കു​മ്പോൾ തന്നെ.

²² സാഹച​ര്യ​മ​നു​സ​രിച്ച്‌, രക്തം ആവശ്യ​മാ​ണെ​ന്നു​ള​ളത്‌ ഒരു ഡോക്ട​റു​ടെ അഭി​പ്രാ​യ​മാ​ണെ​ന്നും എന്നാൽ ഡോക്ടർമാർ അവരുടെ സമീപ​ന​ങ്ങ​ളിൽ വ്യത്യ​സ്‌ത​രാ​ണെ​ന്നും വ്യാപ​ക​മാ​യി ലഭ്യമാ​യി​രി​ക്കുന്ന രക്തം കൂടാ​തെ​യു​ളള രീതികൾ ഉപയോ​ഗിച്ച്‌ നിങ്ങളു​ടെ കുട്ടിയെ ചികി​ത്സി​ക്കുന്ന ഒരു ഡോക്ടറെ കണ്ടെത്താൻ അവസരം ലഭിക്കാൻ നിങ്ങൾ ആഗ്രഹി​ക്കു​ന്നു​വെ​ന്നും നിങ്ങൾക്ക്‌ ജഡ്‌ജി​യെ അറിയി​ക്കാ​വു​ന്ന​താണ്‌. ഹോസ്‌പി​ററൽ ലെയ്‌സൻ കമ്മിറ​റി​യു​ടെ സഹായ​ത്താൽ, രക്തം കൂടാതെ നിങ്ങളു​ടെ കുട്ടിയെ ചികി​ത്സി​ക്കു​ക​യും ഫോൺ വഴി കോട​തി​യിൽ സഹായ​ക​ര​മായ സാക്ഷ്യം കൊടു​ക്കു​ക​യും ചെയ്‌തേ​ക്കാ​വുന്ന അത്തരം ഒരു ഡോക്ടറെ നിങ്ങൾ ഇതിനകം കണ്ടെത്തി​യി​രി​ക്കാം. രക്തം കൂടാതെ നിങ്ങളു​ടെ കുട്ടി​യു​ടെ ചികി​ത്സാ​പ്ര​ശ്‌നം എങ്ങനെ കൈകാ​ര്യം ചെയ്യാൻ കഴിയു​മെന്ന്‌ കാണി​ക്കുന്ന വൈദ്യ​ശാ​സ്‌ത്ര ലേഖനങ്ങൾ ജഡ്‌ജി​യു​മാ​യും—കോടതി വിധി​ക്കാ​യി സമ്മർദ്ദം ചെലു​ത്തുന്ന ഡോക്ട​റു​മാ​യി​പോ​ലും—പങ്കു​വെ​ക്കാൻ ലെയ്‌സൻ കമ്മിറ​റിക്ക്‌ കഴി​ഞ്ഞേ​ക്കും.

²³ തിടു​ക്ക​ത്തിൽ കോട​തി​വി​ധി​കൾ പുറ​പ്പെ​ടു​വി​ക്കാൻ ജഡ്‌ജി​മാ​രോട്‌ ആവശ്യ​പ്പെ​ടു​മ്പോൾ, മിക്ക​പ്പോ​ഴും അവർ എയ്‌ഡ്‌സും കരൾവീ​ക്ക​വും മററ്‌ അനവധി അപകട​ങ്ങ​ളും സംബന്ധിച്ച്‌ പരിചി​ന്തി​ക്കു​ന്നില്ല, അല്ലെങ്കിൽ അനുസ്‌മ​രി​പ്പി​ക്ക​പ്പെ​ടു​ന്നില്ല. നിങ്ങൾക്ക്‌ ഇവ ജഡ്‌ജി​യെ അറിയി​ക്കാൻ കഴിയും, ഒരു ക്രിസ്‌തീ​യ​പി​താ​വെ​ന്ന​നി​ല​യിൽ നിങ്ങൾ ജീവൻ നിലനിർത്താ​നു​ളള ഒരു ശ്രമത്തിൽ മറെറാ​രാ​ളു​ടെ രക്തം ഉപയോ​ഗി​ക്കു​ന്ന​തി​നെ ദൈവ​നി​യ​മ​ത്തി​ന്റെ ഗുരു​ത​ര​മായ ഒരു ലംഘന​മാ​യി വീക്ഷി​ക്കു​ന്നു​വെ​ന്നും നിർബ്ബ​ന്ധിച്ച്‌ നിങ്ങളു​ടെ കുട്ടിക്ക്‌ രക്തം കൊടു​ക്കു​ന്നത്‌ ബാലാൽസം​ഗ​ത്തി​നു തുല്യ​മാ​യി വീക്ഷി​ക്ക​പ്പെ​ടു​മെ​ന്നും നിങ്ങൾക്ക്‌ അദ്ദേഹത്തെ അറിയി​ക്കാൻ കഴിയും. നിങ്ങൾക്കും (സ്വന്തം വിശ്വാ​സങ്ങൾ ഉണ്ടായി​രി​ക്കാൻ തക്ക പ്രായ​മു​ള​ള​വ​നെ​ങ്കിൽ) നിങ്ങളു​ടെ കുട്ടി​ക്കും ശരീര​ത്തിൻമേ​ലു​ളള അത്തരം ഒരു ആക്രമ​ണ​ത്തോ​ടു​ളള നിങ്ങളു​ടെ വെറുപ്പ്‌ വിശദീ​ക​രി​ക്കാ​നും, അനുകൂ​ല​വി​ധി നൽകരു​തെ​ന്നും നിങ്ങളു​ടെ കുട്ടിക്ക്‌ പകരം വൈദ്യ​ചി​കിത്സ അന്വേ​ഷി​ക്കാൻ നിങ്ങളെ അനുവ​ദി​ക്ക​ണ​മെ​ന്നും ജഡ്‌ജി​യോട്‌ അപേക്ഷി​ക്കാ​നും കഴിയും.

²⁴ പ്രതി​ഭാ​ഗ​ത്തി​ന്റെ ഉചിത​മായ ഒരു വാദം അവതരി​പ്പി​ക്കു​മ്പോൾ, മറേറ വശം—മാതാ​പി​താ​ക്ക​ളെ​ന്ന​നി​ല​യിൽ നിങ്ങളു​ടെ വശം—കൂടുതൽ വ്യക്തമാ​യി മനസ്സി​ലാ​ക്കാൻ ജഡ്‌ജി​ക്കു കഴിയു​ന്നു. അപ്പോൾ ഒരു പകർച്ചക്ക്‌ അധികാ​ര​പ്പെ​ടു​ത്താൻ അവർ തിടു​ക്കം​കൂ​ട്ടു​ന്നില്ല. ചില കേസു​ക​ളിൽ ആദ്യം പകരം​ചി​കി​ത്സകൾ പരിഗ​ണി​ക്കാൻ ആവശ്യ​പ്പെ​ട്ടു​കൊ​ണ്ടോ രക്തം കൂടാതെ ചികി​ത്സി​ക്കുന്ന ഡോക്ടർമാ​രെ കണ്ടുപി​ടി​ക്കാൻ മാതാ​പി​താ​ക്കൾക്ക്‌ അവസരം നൽകി​ക്കൊ​ണ്ടോ പോലും രക്തം ഉപയോ​ഗി​ക്കാ​നു​ളള ഡോക്ട​റു​ടെ സ്വാത​ന്ത്ര്യ​ത്തെ ജഡ്‌ജി​മാർ കർശന​മാ​യി നിയ​ന്ത്രി​ച്ചി​ട്ടുണ്ട്‌.

²⁵ ഒരു രക്തപ്പകർച്ചക്ക്‌ നിർബ്ബ​ന്ധി​ക്കു​ന്ന​വ​രു​മാ​യി ഇടപെ​ടു​മ്പോൾ, നിങ്ങളു​ടെ തീരു​മാ​ന​ങ്ങ​ളിൽ ചഞ്ചലി​പ്പി​ന്റെ യാതൊ​രു തെളി​വും ഒരിക്ക​ലും കാണി​ക്കാ​തി​രി​ക്കു​ന്നത്‌ പ്രധാ​ന​മാണ്‌. പകർച്ച കൊടു​ക്കു​ന്ന​തി​നു​ളള തീരു​മാ​ന​ത്തി​ന്റെ ഉത്തരവാ​ദി​ത്തം തങ്ങളെ “ഏൽപ്പി​ക്കു​ന്ന​തിൽ” എന്തെങ്കി​ലും പ്രയാ​സ​മു​ണ്ടോ​യെന്ന്‌ ജഡ്‌ജി​മാ​രും (ഡോക്ടർമാ​രും) ചില​പ്പോൾ മാതാ​പി​താ​ക്ക​ളോട്‌ ചോദി​ച്ചി​ട്ടുണ്ട്‌, ഇത്‌ മാതാ​പി​താ​ക്കൾ മനഃസാ​ക്ഷി​പൂർവ്വം ജീവി​ക്കു​ന്നത്‌ എളുപ്പ​മാ​ക്കി​ത്തീർക്കു​മെന്ന്‌ കരുതി​ക്കൊ​ണ്ടു​തന്നെ. എന്നാൽ മാതാ​പി​താ​ക്ക​ളെ​ന്ന​നി​ല​യിൽ നിങ്ങൾക്ക്‌ ഒരു രക്തപ്പകർച്ച ഒഴിവാ​ക്കാൻ കഴിയു​ന്ന​തെ​ല്ലാം ചെയ്യാ​നു​ളള ഉത്തരവാ​ദി​ത്ത​മു​ണ്ടെന്ന്‌ ബന്ധപ്പെട്ട എല്ലാവ​രെ​യും അറിയി​ച്ചി​രി​ക്കണം. ഇത്‌ നിങ്ങളു​ടെ ദൈവ​ദ​ത്ത​മായ ഉത്തരവാ​ദി​ത്ത​മാണ്‌. ഇത്‌ കൈമാ​ററം ചെയ്യാ​വു​ന്നതല്ല.

²⁶ അതു​കൊണ്ട്‌, ഡോക്ടർമാ​രോ​ടും ജഡ്‌ജി​മാ​രോ​ടും സംസാ​രി​ക്കു​മ്പോൾ നിങ്ങളു​ടെ നിലപാട്‌ വ്യക്തമാ​യും ബോദ്ധ്യ​ത്തോ​ടെ​യും പ്രസ്‌താ​വി​ക്കാൻ ഒരുങ്ങി​യി​രി​ക്കേണ്ട ആവശ്യ​മുണ്ട്‌. നിങ്ങളു​ടെ സകല​ശ്ര​മ​വും അവഗണിച്ച്‌ ഒരു കോട​തി​വി​ധി പുറ​പ്പെ​ടു​വി​ക്കു​ന്നെ​ങ്കിൽ, പകർച്ച നടത്തരു​തെന്ന്‌ വിനീ​ത​മാ​യി ഡോക്ട​റോട്‌ തുടർന്നും യാചി​ക്കു​ക​യും പകരം ചികി​ത്സക്ക്‌ പ്രേരി​പ്പി​ക്കു​ക​യും ചെയ്യുക. രക്തം ഒഴിവാ​ക്കു​ന്ന​തിന്‌ ഈ ചികി​ത്സാ​പ്ര​ശ്‌നം സംബന്ധിച്ച്‌ ആലോചന പറഞ്ഞു​ത​രാൻ മനസ്സുളള ഡോക്ടർമാ​രു​ടെ ഉപദേ​ശ​വും വൈദ്യ​ശാ​സ്‌ത്ര​ലേ​ഖ​ന​ങ്ങ​ളും പരിഗ​ണി​ക്കാ​നു​ളള അയാളു​ടെ സൻമന​സ്സി​നു​വേണ്ടി തുടർന്നും അപേക്ഷി​ക്കുക. പ്രത്യ​ക്ഷ​ത്തിൽ വഴക്കമി​ല്ലാത്ത ഒരു ഡോക്ടർ ഒന്നില​ധി​കം പ്രാവ​ശ്യം ഒരു ശസ്‌ത്ര​ക്രി​യാ​മു​റി​യിൽനിന്ന്‌ പുറത്തു​വന്ന്‌ താൻ രക്തം ഉപയോ​ഗി​ച്ചി​ല്ലെന്ന്‌ അഭിമാ​ന​പൂർവ്വം പറഞ്ഞി​ട്ടുണ്ട്‌. അതു​കൊണ്ട്‌ ഒരു കോട​തി​വി​ധി ഉണ്ടായാൽത​ന്നെ​യും അലക്ഷ്യ​മാ​യി കൈവി​ട്ടു​ക​ള​യ​രുത്‌!—ജൂൺ 15, 1991-ലെ വാച്ച്‌റ​റവർ “വായന​ക്കാ​രിൽനി​ന്നു​ളള ചോദ്യ​ങ്ങൾ” കാണുക.

²⁷ “മനുഷ്യ​രെ സൂക്ഷി​ച്ചു​കൊൾവിൻ; അവർ നിങ്ങളെ ന്യായാ​ധി​പ​സ​ഭ​ക​ളിൽ ഏൽപി​ക്കും . . . എന്റെ നിമിത്തം നാടു​വാ​ഴി​കൾക്കും രാജാ​ക്കൻമാർക്കും മുമ്പിൽ കൊണ്ടു​പോ​ക​യും ചെയ്യും; അത്‌ അവർക്കും ജാതി​കൾക്കും ഒരു സാക്ഷ്യം ആയിരി​ക്കും” എന്ന്‌ യേശു പറഞ്ഞത്‌ ഓർക്കുക. അത്തരം സാഹച​ര്യ​ങ്ങ​ളിൽ നമ്മുടെ ആശ്വാ​സ​ത്തി​നു​വേണ്ടി, ആ സന്ദർഭ​ങ്ങ​ളിൽ എന്തു പറയു​ന്നത്‌ ഉചിത​വും പ്രയോ​ജ​ന​പ്ര​ദ​വും ആയിരി​ക്കു​മെന്ന്‌ ഓർമ്മി​ക്കാൻ പരിശു​ദ്ധാ​ത്മാവ്‌ നമ്മെ സഹായി​ക്കു​മെന്ന്‌ യേശു കൂട്ടി​ച്ചേർത്തു.—മത്താ. 10:16-20.

²⁸ “ഒരു കാര്യ​ത്തിൽ ഉൾക്കാഴ്‌ച പ്രകട​മാ​ക്കു​ന്നവൻ നൻമ കണ്ടെത്തും, യഹോ​വ​യിൽ ആശ്രയി​ക്കു​ന്നവൻ സന്തുഷ്ട​നാ​കു​ന്നു.” (സദൃ. 16:20, NW) മാതാ​പി​താ​ക്കളേ, നിങ്ങളു​ടെ കുട്ടിയെ ആത്മീയ​മാ​യി ദുഷി​പ്പി​ച്ചേ​ക്കാ​വുന്ന ഒരു രക്തപ്പകർച്ച​യിൽനിന്ന്‌ സംരക്ഷി​ക്കു​ന്ന​തിന്‌ വേണ്ടതായ ഒരുക്കങ്ങൾ മുന്നമേ ചെയ്യുക. (സദൃ. 22:3) മക്കളേ, ഈ ഒരുക്കങ്ങൾ ചെയ്യു​ന്ന​തിൽ നിങ്ങളു​ടെ മാതാ​പി​താ​ക്ക​ളു​ടെ പരിശീ​ലി​പ്പി​ക്ക​ലി​നോട്‌ പ്രതി​ക​രി​ക്കു​ക​യും അവ നിങ്ങളു​ടെ ഹൃദയ​ത്തിൽ ബാധക​മാ​ക്കു​ക​യും ചെയ്യുക. ഒരു കുടും​ബ​മെ​ന്ന​നി​ല​യിൽ “രക്തം ഭക്ഷിക്കാ​തി​രി​ക്കാൻ ദൃഢനി​ശ്ച​യ​മു​ള​ള​വ​രാ​യി​രി​ക്കുക,” യഹോ​വ​യു​ടെ അനു​ഗ്ര​ഹ​വും അംഗീ​കാ​ര​ത്തി​ന്റെ പുഞ്ചി​രി​യും ഉണ്ടായി​രി​ക്കു​ന്ന​തി​നാൽ “നിങ്ങൾക്ക്‌ നന്നായി​രി​ക്കേ​ണ്ട​തി​നു​തന്നെ.”—ആവ. 12:23-25.

[അടിക്കു​റി​പ്പു​കൾ]