“വരിക!” എന്നു തുടർന്നു പറഞ്ഞു​കൊ​ണ്ടി​രി​ക്കുക

¹ യേശു​വി​ന്റെ മറുവി​ല​യാ​ഗ​ത്തി​ലൂ​ടെ എന്തൊരു അത്ഭുത​ക​ര​മായ കരുത​ലാ​ണു യഹോവ ചെയ്‌തി​രി​ക്കു​ന്നത്‌! ഇതിൽ യഥാർത്ഥ​ത്തിൽ ആളുകളെ സന്തുഷ്ട​രാ​ക്കാൻ ആവശ്യ​മായ എല്ലാറ​റി​ന്റെ​യും അടിസ്ഥാ​നം നാം കണ്ടെത്തു​ന്നു. (യോഹ. 3:16) എന്നിരു​ന്നാ​ലും ദുഖഃ​ക​ര​മെന്നു പറയട്ടെ, വളരെ കുറച്ചു പേർ മാത്രമേ ഈ സത്യം അറിയാ​നും ദൃഢമാ​യി വിശ്വ​സി​ക്കാ​നും ഇടയാ​യി​ട്ടു​ളളു. എന്നിട്ടും മനുഷ്യ​വർഗ്ഗ​ത്തോ​ടു​ളള തന്റെ സ്‌നേ​ഹ​പൂർവ്വ​ക​മായ താത്‌പ​ര്യം നിമിത്തം എല്ലായി​ട​ത്തു​മു​ളള ആളുക​ളോ​ടും സുവാർത്ത അറിയി​ക്കാൻ യഹോവ ക്രമീ​ക​രണം ചെയ്‌തി​രി​ക്കു​ന്നു. അവിടത്തെ പുത്ര​നായ യേശു​ക്രി​സ്‌തു​വി​ലൂ​ടെ സന്തുഷ്ടി​യും നിത്യ​ജീ​വന്റെ പ്രത്യാ​ശ​യും കണ്ടെത്താ​നു​ളള അവസരം അവിടുന്ന്‌ എല്ലാവർക്കും വെച്ചു​നീ​ട്ടി​യി​രി​ക്കു​ന്നു.—യോഹ. 17:3.

² ആയിര​ക്ക​ണ​ക്കി​നു വർഷങ്ങ​ളാ​യി മനുഷ്യ​വർഗ്ഗത്തെ പാപത്തിൽനി​ന്നും മരണത്തിൽനി​ന്നും വിടു​വി​ക്കു​ന്നത്‌ ആരായി​രി​ക്കും എന്ന കാര്യം അജ്ഞാത​മാ​യി നില​കൊ​ണ്ടു. യേശു ഭൂമി​യിൽ വന്നു “സുവി​ശേഷം കൊണ്ടു ജീവനും അക്ഷയത​യും വെളി​പ്പെ​ടു​ത്തു”ന്നതുവരെ അത്‌ ഒരു “പാവന​ര​ഹസ്യ”മായി​രു​ന്നു. (റോമ. 16:25, NW; 2 തിമൊ. 1:10) ഒന്നാം നൂററാ​ണ്ടിൽ യേശു​വി​ന്റെ അനുഗാ​മി​കൾ ഈ സുവി​ശേ​ഷ​ഘോ​ഷണം ഏറെറ​ടു​ത്തു; ഇപ്പോൾ ഈ ആധുനിക കാലത്തു ജീവി​ക്കുന്ന നമുക്ക്‌ അതേ സുവാർത്ത പ്രഖ്യാ​പി​ക്കു​ന്ന​തി​ന്റെ ഉയർന്ന പദവി​യുണ്ട്‌. നാം രാജ്യ​സ​ന്ദേശം പ്രസം​ഗി​ക്കു​മ്പോൾ, “വരുവിൻ! . . . ജീവജലം സൗജന്യ​മാ​യി വാങ്ങു​വിൻ” എന്നു പറഞ്ഞു​കൊണ്ട്‌ എല്ലാ ജീവി​ത​തു​റ​ക​ളി​ലു​ള​ള​വ​രെ​യും ക്ഷണിക്കുന്ന യഹോ​വ​യാം ദൈവ​ത്തോ​ടും യേശു​ക്രി​സ്‌തു​വി​നോ​ടും ക്രിസ്‌തു​വി​ന്റെ സഹോ​ദ​രൻമാ​രോ​ടും നാം പങ്കു​ചേ​രു​ക​യാണ്‌.—വെളി. 22:17, NW.

³ തീർച്ച​യാ​യും ഈ സുവാർത്ത എല്ലാ ആളുക​ളും ശ്രദ്ധി​ക്കു​ക​യില്ല. വളരെ കുറച്ചു പേർ അടുത്ത ശ്രദ്ധ നൽകുന്നു. ചിലർ സത്യത്തി​ന്റെ ജീവദാ​യ​ക​മായ ജലത്തിൽനി​ന്നും പ്രയോ​ജനം നേടാൻ അവരെ ക്ഷണിക്കുന്ന ദൈവ​ദാ​സൻമാ​രെ പരുഷ​മാ​യി തളളി​ക്ക​ള​യു​ന്നു. അങ്ങനെ​യാ​ണെ​ങ്കിൽപ്പോ​ലും യഹോ​വ​യിൽ നിന്നുളള ശക്തി​കൊ​ണ്ടു നാം ഈ വേലയിൽ നിലനിൽക്കു​ന്നു. സത്യം സംസാ​രി​ക്കാ​നും ശ്രദ്ധി​ക്കുന്ന ഏവനെ​യും സഹായി​ക്കാ​നും ഉളള നമ്മുടെ മനസ്സൊ​രു​ക്കം യഹോ​വക്കു പ്രസാ​ദ​ക​ര​മാ​ണെ​ന്നും അവിടത്തെ അനു​ഗ്രഹം കൈവ​രു​ത്തു​മെ​ന്നും നമുക്ക​റി​യാം.

⁴ മാർച്ചി​ലെ നമ്മുടെ ശുശ്രൂ​ഷ​യിൽ യുവജ​നങ്ങൾ ചോദി​ക്കുന്ന പുസ്‌തകം വായി​ക്കാ​നും ഇന്ന്‌ ഒരു ശുദ്ധമായ ജീവിതം നയിക്കാൻ അതു നൽകുന്ന ബുദ്ധി​യു​പ​ദേശം ബാധക​മാ​ക്കാ​നും അതു​പോ​ലെ​തന്നെ അതിന്റെ അവസാന അദ്ധ്യാ​യ​ങ്ങ​ളിൽ നൽകി​യി​രി​ക്കുന്ന ഭാവിയെ സംബന്ധിച്ച പ്രത്യാശ പഠിക്കാ​നും സത്യാ​ന്വേ​ഷി​കളെ നാം പ്രോ​ത്സാ​ഹി​പ്പി​ക്കും. അല്ലെങ്കിൽ എന്നേക്കും ജീവി​ക്കാൻ പുസ്‌തകം നാം അവരെ കാണി​ക്കു​ക​യും അവരോ​ടൊത്ത്‌ ഒരു ക്രമമായ ബൈബി​ള​ദ്ധ്യ​യനം നടത്താൻ അതുപ​യോ​ഗി​ക്കു​ന്ന​തി​നു വാഗ്‌ദാ​നം ചെയ്യു​ക​യും ചെയ്യും. ഈ സമർപ്പ​ണങ്ങൾ സ്വീക​രി​ക്കു​ന്ന​തിൽനിന്ന്‌ അവർ അനേകം അനു​ഗ്ര​ഹങ്ങൾ കൊയ്യും. എല്ലാറ​റി​നു​മു​പരി, ഭാവി​യെ​ക്കു​റി​ച്ചു ബൈബിൾ കൂടുതൽ പറയുന്നു—അവരു​ടേ​യും നമ്മു​ടേ​യും ഭാവി​യെ​ക്കു​റി​ച്ചു​തന്നെ. ഇപ്പോൾ യഹോ​വ​യു​ടെ സമർപ്പി​ത​ദാ​സൻമാ​രാ​യി​രി​ക്കുന്ന നമ്മില​നേ​ക​രും എന്നേക്കും ജീവി​ക്കാൻ പുസ്‌ത​ക​ത്തി​ലെ ബൈബിൾ തത്ത്വങ്ങൾ സംബന്ധിച്ച വിശദീ​ക​ര​ണങ്ങൾ വായി​ച്ച​തി​നു​ശേഷം സത്യത്തിൽ ആദ്യം താത്‌പ​ര്യ​മെ​ടു​ത്ത​വ​രാണ്‌. ആ പുസ്‌ത​ക​ത്തി​ന്റെ സവിസ്‌ത​ര​മായ ഒരു പഠനത്തി​നു​ശേഷം സത്യത്തി​നു​വേണ്ടി ദാഹി​ക്കുന്ന ആത്മാർത്ഥ ഹൃദയ​രാ​യ​വർക്ക്‌ ഇത്‌ എത്ര പ്രാധാ​ന്യ​മു​ള​ള​താ​ണെന്നു നമുക്കു വിലമ​തി​ക്കാൻ കഴിയു​ന്നു. അത്തരക്കാ​രെ നമ്മുടെ ശുശ്രൂ​ഷ​യിൽ നാം കണ്ടെത്തു​മ്പോൾ ഈ പുസ്‌ത​ക​ത്തി​ന്റെ മൂല്യം അവരെ കാണി​ക്കാൻ നാം എന്നേക്കും ജീവി​ക്കാൻ പുസ്‌ത​ക​ത്തിൽ നിന്നുളള ഒന്നോ രണ്ടോ സവി​ശേ​ഷ​തകൾ ചൂണ്ടി​ക്കാ​ണി​ക്കാൻ ശ്രമി​ക്കും. മററു​ള​ള​വ​യു​ടെ കൂട്ടത്തിൽ, 18-ാം അദ്ധ്യാ​യ​ത്തിൽ വിശദീ​ക​രി​ച്ചി​രി​ക്കുന്ന, യേശു നൽകി​യ​തു​പോ​ലു​ളള, 20-ാം നൂററാ​ണ്ടിൽ നിവൃ​ത്തി​യേ​റി​യി​രി​ക്കുന്ന ബൈബിൾ പ്രവച​ന​ങ്ങ​ളു​ടെ വ്യക്തമായ വിശദീ​ക​ര​ണങ്ങൾ നമുക്കു ചൂണ്ടി​ക്കാ​ട്ടാൻ കഴിയും.

⁵ ഏപ്രിൽ 6-ാം തീയതി ക്രിസ്‌തു​വി​ന്റെ മരണത്തി​ന്റെ സ്‌മാ​രകം ആഘോ​ഷി​ക്കാൻ നാം ഒരുങ്ങു​മ്പോൾ മനുഷ്യ​വർഗ്ഗ​ത്തി​നു​വേ​ണ്ടി​യു​ളള യഹോ​വ​യു​ടെ സ്‌നേ​ഹ​പൂർവ്വ​ക​മായ കരുത​ലു​ക​ളെ​ക്കു​റി​ച്ചു സംസാ​രി​ക്കു​ന്നത്‌ ഏററവും ഉചിത​മാണ്‌. ആളുകൾ ശ്രദ്ധി​ച്ചാ​ലും ഇല്ലെങ്കി​ലും ആഗ്രഹി​ക്കുന്ന ഏവർക്കും “വരുവിൻ! . . . ജീവജലം സൗജന്യ​മാ​യി വാങ്ങു​വിൻ” എന്ന ഹൃദ​യോ​ത്തേ​ജ​ക​മായ ക്ഷണം വെച്ചു​നീ​ട്ടു​ന്ന​തി​നു​ളള ദൈവദത്ത നിയമ​ന​ത്തിൽ നാം നിലനിൽക്കും.