താത്‌പ​ര്യം കാണിച്ച എല്ലാവ​രെ​യും സഹായി​ക്കൽ

¹ നമ്മുടെ വിശ്വാ​സ​വും മററു​ള​ള​വ​രോ​ടു​ളള നമ്മുടെ സ്‌നേ​ഹ​വും രാജ്യ​സ​ന്ദേ​ശ​ത്തിൽ താത്‌പ​ര്യം കാണിച്ച എല്ലാവ​രെ​യും സഹായി​ക്കു​ന്ന​തി​നും സ്‌മാ​ര​ക​ത്തി​നു ക്ഷണിക്കു​ന്ന​തി​നും മാർച്ചു​മാ​സ​ക്കാ​ലത്തു നമ്മെ പ്രേരി​പ്പി​ക്കേ​ണ്ട​താണ്‌. ക്രിസ്‌തു​വി​ന്റെ മറുവി​ല​യാ​ഗ​ത്തിൽ കേന്ദ്രീ​ക​രി​ക്കുന്ന രക്ഷയ്‌ക്കാ​യു​ളള യഹോ​വ​യു​ടെ കരുത​ലി​ലേക്ക്‌ അത്തരക്കാ​രെ നയി​ക്കേ​ണ്ട​താണ്‌.—എബ്രാ. 9:28.

² സ്‌മാ​ര​ക​ത്തി​നു നിങ്ങൾ ക്ഷണിക്കാൻ ആഗ്രഹി​ക്കു​ന്ന​വ​രു​ടെ ഒരു ലിസ്‌ററ്‌ ഉണ്ടാക്കു​ന്നത്‌ നല്ല ആശയമാണ്‌. വല്ലപ്പോ​ഴും യോഗ​ങ്ങൾക്കു ഹാജരാ​കു​ന്ന​വ​രെ​യും അതു​പോ​ലെ​തന്നെ മുമ്പു പഠിച്ചി​രു​ന്ന​വ​രെ​യും അല്ലെങ്കിൽ മററു​വി​ധ​ങ്ങ​ളിൽ താത്‌പ​ര്യം കാണിച്ച ഏതൊ​രു​വ​നെ​യും ഉൾപ്പെ​ടു​ത്തുക. അവിശ്വാ​സി​ക​ളായ ഇണക​ളെ​യും മററു​കു​ടും​ബാം​ഗ​ങ്ങ​ളെ​യും മറക്കരുത്‌. നിങ്ങളു​ടെ ലിസ്‌ററ്‌ ഉണ്ടാക്കി​യ​തി​നു​ശേഷം ഓരോ​രു​ത്ത​രെ​യും സന്ദർശി​ക്കാൻ ഒരു പ്രത്യേക ശ്രമം നടത്തുക. ചില സന്ദർശ​നങ്ങൾ നടത്തു​ന്ന​തി​നു സഹായി​ക്കാൻ മൂപ്പൻമാ​രോ​ടു ആവശ്യ​പ്പെ​ടാൻ നിങ്ങൾ ആഗ്രഹി​ച്ചേ​ക്കാം.

³ സന്ദർശനം നടത്തു​മ്പോൾ നിങ്ങൾക്കെന്തു പറയാൻ കഴിയും?

ഊഷ്‌മളമായ അഭിവാ​ദ​ന​ത്തി​നു​ശേഷം ഇതു​പോ​ലു​ളള എന്തെങ്കി​ലു​മൊ​ന്നു നിങ്ങൾക്കു പറയാൻ കഴിയും:

◼ “കഴിഞ്ഞ​കാ​ലത്തു നിങ്ങൾ ആത്മീയ​കാ​ര്യ​ങ്ങ​ളിൽ താത്‌പ​ര്യം കാട്ടി​യി​ട്ടു​ള​ള​തി​നാൽ ഒരു പ്രത്യേക സംഭവ​ത്തി​നു​ളള ഈ ക്ഷണം നിങ്ങൾ സ്വീക​രി​ക്കു​മെന്നു ഞാൻ ചിന്തിച്ചു. [സ്‌മാ​ര​ക​ത്തി​നു ക്ഷണിച്ചു​കൊ​ണ്ടു​ളള അച്ചടിച്ച ക്ഷണക്കത്തു വീട്ടു​കാ​രനു നല്‌കുക.] അവിടത്തെ അനുഗാ​മി​കൾ അനുസ്‌മ​രി​ക്കാൻ യേശു​ക്രി​സ്‌തു കല്‌പിച്ച ഒരേ​യൊ​രു സംഭവം ക്രിസ്‌തു​വി​ന്റെ മരണത്തി​ന്റെ സ്‌മാ​ര​ക​മാണ്‌. അവിടത്തെ മരണത്താൽ ക്രിസ്‌തു നിറ​വേ​റ​റി​യ​തി​ലേ​ക്കും അതിലൂ​ടെ നിത്യ​ജീ​വൻ എങ്ങനെ നേടാൻ കഴിയും എന്നതി​ലേ​ക്കും ഞങ്ങൾ നോക്കി​പ്പാർത്തി​രി​ക്കു​ന്നു. കഴിഞ്ഞ​വർഷം ഒരു കോടി 14 ലക്ഷത്തി​ല​ധി​കം ആളുകൾ ഈ പ്രത്യേക യോഗ​ത്തി​നു ഹാജരാ​യി. ഈ വർഷം ഹാജരാ​കാൻ നിങ്ങൾ എന്നോ​ടൊ​പ്പം ചേരു​ന്നതു സന്തോ​ഷ​ക​ര​മാ​യി​രി​ക്കും.” നിങ്ങളു​ടെ സഭ സ്‌മാ​രകം ആഘോ​ഷി​ക്കുന്ന സ്ഥലവും സമയവും എഴുതി​യി​ടാൻ തീർച്ച​യു​ള​ള​വ​രാ​യി​രി​ക്കുക. കൂടാതെ, ആവശ്യ​മെ​ങ്കിൽ യാത്രാ​സൗ​ക​ര്യം ഏർപ്പെ​ടു​ത്താ​മെന്നു വാഗ്‌ദാ​നം ചെയ്യുക.

⁴ നവാഗതർ സ്‌മാ​ര​ക​ത്തി​നു ഹാജരാ​കു​മ്പോൾ അവരെ സ്വാഗതം ചെയ്യണം. പ്രാ​ദേ​ശിക പ്രസാ​ധ​ക​രു​മാ​യി പരിച​യ​പ്പെ​ടാൻ അവരെ സഹായി​ക്കുക. അവരെ തങ്ങളുടെ വീടി​ന​ടു​ത്തു താമസി​ക്കുന്ന ഏതെങ്കി​ലും താത്‌പ​ര്യ​ക്കാ​രായ വ്യക്തി​കൾക്കു പരിച​യ​പ്പെ​ടു​ത്തുക. തങ്ങളുടെ അയൽപ​ക്ക​ത്തു​ളള ധാരാളം ആളുകൾ സത്യത്തിൽ താത്‌പ​ര്യ​മു​ള​ള​വ​രാ​ണെന്നു മനസ്സി​ലാ​ക്കാൻ ഇത്‌ അവരെ പ്രോ​ത്സാ​ഹി​പ്പി​ക്കും. സാധ്യ​മാ​ണെ​ങ്കിൽ സ്‌മാ​ര​കാ​ഘോ​ഷ​സ​മ​യത്തു നിങ്ങളു​ടെ കുടും​ബ​ത്തോ​ടൊ​പ്പം ഇരിക്കാൻ അവരെ ക്ഷണിക്കുക.

⁵ തീർച്ച​യാ​യും, കേവലം സ്‌മാ​ര​ക​ത്തി​നു ഹാജരാ​കു​ന്നത്‌ അവർക്കു രക്ഷ ഉറപ്പു​വ​രു​ത്തു​ക​യില്ല. നിങ്ങൾ ക്ഷണിക്കുന്ന പലർക്കും യേശു​വി​ന്റെ ചൊരി​യ​പ്പെട്ട രക്തത്തിൽ വിശ്വാ​സം പ്രകട​മാ​ക്കു​ന്ന​തി​നു​ളള ആദ്യ പടിയാ​യി​രി​ക്കും അത്‌. യോഗം കഴിഞ്ഞു വീട്ടി​ലേക്കു പോകുന്ന വഴിയിൽ അടുത്ത ഞായറാ​ഴ്‌ചത്തെ പരസ്യ​യോ​ഗ​ത്തി​നും വീക്ഷാ​ഗോ​പു​ര​ദ്ധ്യ​യ​ന​ത്തി​നും ഹാജരാ​കാൻ ആഗ്രഹി​ക്കു​ന്നു​വോ​യെന്നു സന്ദർശ​ക​നോ​ടു ചോദി​ക്കുക. ഊഷ്‌മ​ള​ത​യും സഹായ​സ​ന്ന​ദ്ധ​ത​യു​ള​ള​വ​നു​മാ​യി​രി​ക്കുക. നിങ്ങൾക്കു കഴിയുന്ന ഏതു വിധത്തി​ലും നിങ്ങൾ സഹായി​ക്കാൻ ഒരുക്ക​മു​ള​ള​വ​നാ​ണെന്ന്‌ അദ്ദേഹത്തെ അറിയി​ക്കുക. എത്രയും നേരത്തെ അദ്ദേഹം നമ്മോ​ടൊ​ത്തു സഹവസി​ക്കാൻ തുടങ്ങു​ന്നു​വോ അത്രയും പെട്ടെ​ന്നാ​യി​രി​ക്കും അദ്ദേഹ​ത്തി​ന്റെ ആത്മീയ പുരോ​ഗതി. നമുക്കു സഹായി​ക്കാൻ കഴി​ഞ്ഞേ​ക്കാ​വുന്ന മററു​ള​ള​വ​രോ​ടൊത്ത്‌ “മഹോ​പ​ദ്രവ”ത്തെ അതിജീ​വി​ക്കാൻ കഴിയു​ന്നത്‌ എത്ര സന്തോ​ഷ​വും സംതൃ​പ്‌തി​യു​മാ​യി​രി​ക്കും!—വെളി. 7:9, 14.