മററു​ള​ള​വ​രോ​ടു പരിഗണന കാണി​ക്കുക—ഭാഗം 2

¹ ന്യായ​മാ​യി നമുക്കു സാധ്യ​മാ​കു​ന്നി​ട​ത്തോ​ളം നമ്മുടെ ജനസമു​ദാ​യ​ത്തി​ലു​ളള ആളുക​ളു​മാ​യി ഒരു നല്ല ബന്ധം നിലനിർത്താൻ നാം ആഗ്രഹി​ക്കു​ന്നു. ഇത്‌ അവരുടെ അവകാ​ശ​ങ്ങ​ളോ​ടും വികാ​ര​ങ്ങ​ളോ​ടും പരിഗ​ണ​ന​യും ബഹുമാ​ന​വും പ്രകട​മാ​ക്കു​ന്നത്‌ ആവശ്യ​മാ​ക്കി​ത്തീർക്കു​ന്നു.

² നല്ല പെരു​മാ​റ​റ​ശീ​ല​ങ്ങൾക്ക്‌ പരക്കെ അറിയ​പ്പെ​ടു​ന്ന​വ​രാ​ണു യഹോ​വ​യു​ടെ സാക്ഷികൾ. അയൽക്കാ​രോ​ടു​ളള ബന്ധത്തി​ലും സ്‌കൂ​ളി​ലും ജോലി​സ്ഥ​ല​ത്തും അതു​പോ​ലെ നമ്മുടെ സമ്മേള​ന​ങ്ങ​ളി​ലും ഉളള മാന്യ​വും ശ്രേഷ്‌ഠ​വു​മായ നടത്തയു​ടെ നിലവാ​രങ്ങൾ അനുകൂ​ല​മായ അനേകം അഭി​പ്രാ​യ​പ്ര​ക​ട​ന​ങ്ങൾക്കു വിഷയീ​ഭ​വി​ച്ചി​ട്ടുണ്ട്‌.—കാണുക: വീക്ഷാ​ഗോ​പു​രം, (ഇംഗ്ലീഷ്‌) 1989 ജൂൺ 15, പേജ്‌ 20.

³ നല്ല നടത്തയിൽ തീർച്ച​യാ​യും പല കാര്യങ്ങൾ ഉൾപ്പെ​ടു​ന്നു, സത്യസന്ധത, ഉത്സാഹം, സാൻമാർഗി​കത, അങ്ങനെ പലതും. നമ്മുടെ രാജ്യ​ഹാ​ളി​നു ചുററും താമസി​ക്കു​ന്ന​വ​രോട്‌ ആദരവു​ള​ള​വ​രാ​യി​രി​ക്കു​ന്ന​തും അതിൽ ഉൾപ്പെ​ടു​ന്നു. നമ്മുടെ അയൽക്കാ​രോ​ടു പരിഗ​ണ​ന​യു​ള​ള​വ​രാ​യി​രി​ക്കാൻ നാം പരാജ​യ​പ്പെ​ട്ടാൽ മററു വശങ്ങളി​ലെ നമ്മുടെ ദൈവിക നടത്തയും അവഗണി​ക്ക​പ്പെ​ട്ടേ​ക്കാം. “സുവാർത്തക്കു യോജിച്ച വിധത്തിൽ പെരു​മാ​റാൻ” പൗലോസ്‌ പ്രോ​ത്സാ​ഹി​പ്പി​ച്ചു.—ഫിലി. 1:27, NW.

⁴ യോഗ​ങ്ങൾക്കു ഹാജരാ​കു​ന്ന​വ​രു​ടെ പരിഗ​ണ​ന​യി​ല്ലായ്‌മ നിമിത്തം ചില രാജ്യ​ഹാ​ളു​ക​ളു​ടെ അടുത്തു താമസി​ക്കു​ന്നവർ ഇടയ്‌ക്കൊ​ക്കെ പരാതി പറഞ്ഞി​ട്ടുണ്ട്‌. സഹോ​ദ​രങ്ങൾ രാജ്യ​ഹാ​ളി​ന്റെ മുമ്പിലെ നടപ്പാ​ത​യിൽ കൂട്ടം കൂടി​നിന്ന്‌ അയൽവീ​ടു​ക​ളിൽ കേൾക്കത്തക്ക ഉച്ചത്തിൽ വർത്തമാ​നം പറയു​ന്നത്‌ ഒഴിവാ​ക്കണം. രാജ്യ​ഹാ​ളി​ന​ക​ത്തേ​ക്കും പുറ​ത്തേ​ക്കും ഓടി​ന​ട​ക്കാൻ കുട്ടി​കളെ അനുവ​ദി​ക്ക​രുത്‌. അലക്ഷ്യ​മാ​യി കാറിന്റെ കതകുകൾ വലിച്ച​ട​യ്‌ക്കു​ന്ന​തോ സ്‌കൂ​ട്ട​റി​ന്റെ ഹോൺ മുഴക്കു​ന്ന​തോ അയൽക്കാ​രെ ശല്യം ചെയ്യും. ഇത്തരം പെരു​മാ​റ​റങ്ങൾ സഭയെ മോശ​മാ​യി പ്രതി​ഫ​ലി​പ്പി​ക്കു​ന്നു. കൂടാതെ, നാം എല്ലാ ഗതാഗ​ത​നി​യ​മങ്ങൾ അനുസ​രി​ക്കു​ന്ന​തും പ്രധാ​ന​മാണ്‌.—റോമ. 13:1, 2, 5.

⁵ വാഹനങ്ങൾ പാർക്കു ചെയ്യു​ന്ന​തി​നോ​ടു ബന്ധപ്പെ​ട്ടും സമാന​മായ പ്രശ്‌നങ്ങൾ റിപ്പോർട്ടു​ചെ​യ്യ​പ്പെ​ട്ടി​ട്ടുണ്ട്‌. കാറു​ക​ളോ സ്‌കൂ​ട്ട​റു​ക​ളോ സൈക്കി​ളു​കൾ പോലു​മോ മററാ​ളു​ക​ളു​ടെ സ്ഥലത്തോ ഗതാഗ​തത്തെ തടസ്സ​പ്പെ​ടു​ത്തു​ന്നി​ട​ങ്ങ​ളി​ലോ വീടു​ക​ളു​ടെ​യോ കടകളു​ടെ​യോ വാതിൽക്കൽ തടസ്സം സൃഷ്ടി​ച്ചു​കൊ​ണ്ടോ പാർക്കു ചെയ്യരുത്‌. അടുത്തു​ളള ബിസി​ന​സ്സു​കാർ തങ്ങളുടെ ഉപഭോ​ക്താ​ക്കൾക്കു​വേണ്ടി ഉദ്ദേശി​ച്ചി​രി​ക്കുന്ന പാർക്കു​ചെ​യ്യാ​നു​ളള സ്ഥലങ്ങൾ അവരുടെ അനുവാ​ദം കൂടാതെ ഉപയോ​ഗി​ക്ക​രുത്‌. മൂന്നോ നാലോ സഭകൾ ഒരേ രാജ്യ​ഹാൾ ഉപയോ​ഗി​ക്കു​ന്നി​ടത്ത്‌ ആഴ്‌ച​യി​ലെ മിക്കവാ​റും എല്ലാ ദിവസ​ങ്ങ​ളി​ലും യോഗങ്ങൾ പട്ടിക​പ്പെ​ടു​ത്തി​യി​രി​ക്കും. ഇത്‌ മൂപ്പൻമാ​രു​ടെ സംഘങ്ങൾ തമ്മിലു​ളള അടുത്ത സഹകരണം ആവശ്യ​മാ​ക്കി​ത്തീർക്കു​ന്നു.—കാണുക: 1988 ഒക്‌ടോ​ബർ 1 വീക്ഷാ​ഗോ​പു​രം പേജ്‌ 17, ഖണ്ഡിക 13.

⁶ ‘എല്ലാം ദൈവ​ത്തി​ന്റെ മഹത്ത്വ​ത്തി​ന്നാ​യി ചെയ്യാൻ’ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു. ഇതിൽ പുറത്തു​ള​ള​വ​രോ​ടു പരിഗണന കാണി​ക്കു​ന്ന​തും ഉൾപ്പെ​ടു​ന്നു. (1 കൊരി. 10:31-33) നാം ‘മററു​ള​ള​വന്റെ ഗുണം നോക്കു​ന്നെ​ങ്കിൽ’ അവരുടെ വസ്‌തു​വിൻമേൽ അനാവ​ശ്യ​വും അനധി​കൃ​ത​വു​മാ​യി കൈക​ട​ത്തു​ക​യില്ല. (ഫിലി. 2:4) പ്രാ​ദേ​ശിക വ്യാപാ​രി​ക​ളു​ടെ വ്യാപാര ഇടപാ​ടു​ക​ളിൽ തടസ്സമു​ണ്ടാ​ക്കു​ന്ന​തും ഒഴിവാ​ക്കും.

⁷ നമ്മുടെ ഹൃദയ​ത്തിൽ മററു​ള​ള​വ​രോട്‌ എന്തു തോന്നു​ന്നു എന്നതിന്റെ ബാഹ്യ പ്രകട​ന​മാണ്‌ അവരോട്‌—സഭയ്‌ക്ക്‌ അകത്തും പുറത്തും ഉളളവ​രോട്‌—പരിഗണന കാണി​ക്കു​ന്നത്‌. നാം പറയു​ന്ന​തും ചെയ്യു​ന്ന​തും നാം ‘നമ്മെ​പ്പോ​ലെ തന്നെ നമ്മുടെ അയൽക്കാ​രെ​യും സ്‌നേ​ഹി​ക്കു​ന്നു’ എന്ന്‌ പ്രകട​മാ​ക്കണം.—മത്താ. 7:12; 22:39, NW.