നാം കേവലം പ്രസം​ഗി​ക്കു​ന്ന​വ​രാ​യി​രി​ക്കാ​തെ, പഠിപ്പി​ക്കു​ന്ന​വ​രാ​യി​രി​ക്കേ​ണ്ട​തുണ്ട്‌

¹ “യഹോ​വ​യു​ടെ സാക്ഷികൾ തങ്ങളുടെ സാക്ഷീ​കരണ വേല​കൊണ്ട്‌ അക്ഷരാർഥ​ത്തിൽ മുഴു​ഭൂ​മി​യെ​യും നിറച്ചി​രി​ക്കു​ന്നു”വെന്ന്‌ നിരീ​ക്ഷി​ക്ക​പ്പെ​ടു​ക​യു​ണ്ടാ​യി. ഇതെങ്ങനെ സാധ്യ​മാ​യി? മനുഷ്യ​രു​ടെ സാമർഥ്യം​കൊ​ണ്ടോ ശക്തി​കൊ​ണ്ടോ ഒന്നുമല്ല, പകരം തന്റെ ദാസന്മാ​രു​ടെ മേൽ പ്രവർത്തി​ക്കുന്ന ദൈവ​ത്തി​ന്റെ ആത്മാവു​കൊ​ണ്ടാണ്‌ ഇതു സാധ്യ​മാ​കു​ന്നത്‌. പ്രസം​ഗി​ക്കാ​നും പഠിപ്പി​ക്കാ​നു​മുള്ള തങ്ങളുടെ നിയോ​ഗം നിറ​വേ​റ്റു​ന്ന​തി​നു​വേണ്ടി പ്രദാനം ചെയ്യ​പ്പെ​ട്ടി​രി​ക്കുന്ന വ്യത്യസ്‌ത കരുത​ലു​കൾ പ്രയോ​ജ​ന​പ്പെ​ടു​ത്തു​മ്പോ​ഴാണ്‌ ഇതു സംഭവി​ക്കു​ന്നത്‌.—സെഖ. 4:6; പ്രവൃ. 1:8.

² നമ്മുടെ പ്രസം​ഗ​വേല നിർവ​ഹി​ക്കാ​നുള്ള ഫലകര​മായ ഒരു മുഖാ​ന്ത​ര​മാണ്‌ അച്ചടിച്ച താളുകൾ. പിന്നിട്ട വർഷങ്ങ​ളി​ലു​ട​നീ​ളം രാജ്യ സുവാർത്ത പ്രസി​ദ്ധ​മാ​ക്കു​ന്ന​തി​നു​വേണ്ടി യഹോ​വ​യു​ടെ സാക്ഷികൾ കോടി​ക്ക​ണ​ക്കി​നു പുസ്‌ത​കങ്ങൾ, ചെറു​പു​സ്‌ത​കങ്ങൾ, ലഘുപ​ത്രി​കകൾ, മാസി​കകൾ തുടങ്ങി​യവ അച്ചടിച്ചു വിതരണം ചെയ്‌തി​രി​ക്കു​ന്നു. 1997 വാർഷി​ക​പു​സ്‌ത​ക​ത്തിൽ (ഇംഗ്ലീഷ്‌) നിന്നുള്ള റിപ്പോർട്ടു​കൾ കാണി​ക്കു​ന്നത്‌ സാഹി​ത്യ​ത്തി​ന്റെ ഉത്‌പാ​ദ​ന​ത്തിൽ മുമ്പെ​ങ്ങു​മു​ണ്ടാ​യി​ട്ടി​ല്ലാ​ത്തത്ര വലിയ വളർച്ച ഉണ്ടായി​രി​ക്കു​ന്നു​വെ​ന്നാണ്‌. പുതി​യ​ലോക ഭാഷാ​ന്ത​ര​ത്തി​ന്റെ ഒമ്പതു​കോ​ടി​യി​ലേറെ പ്രതികൾ ഇതി​നോ​ടകം അച്ചടിച്ചു കഴിഞ്ഞി​രി​ക്കു​ന്നു. ഐക്യ​നാ​ടു​ക​ളിൽ അച്ചടി​ക്ക​പ്പെട്ട വീക്ഷാ​ഗോ​പു​രം, ഉണരുക! മാസി​ക​ക​ളു​ടെ എണ്ണം ഒരു വർഷത്തി​നകം 7.1 ശതമാ​നം​കണ്ട്‌ വർധി​ച്ചി​രി​ക്കു​ന്നു. ജർമനി​യിൽ, മാസി​ക​ക​ളു​ടെ ഉത്‌പാ​ദ​ന​ത്തിൽ 35 ശതമാ​ന​ത്തി​ന്റെ വർധന​വു​ണ്ടാ​യി. അവിടെ ഉത്‌പാ​ദി​പ്പിച്ച മാസി​ക​ക​ളു​ടെ മൂന്നി​ലൊ​ന്നി​ല​ധി​കം റഷ്യൻ വയലി​നു​വേ​ണ്ടി​യു​ള്ള​താ​യി​രു​ന്നു. ഇന്ത്യയിൽ, 1997 സേവന​വർഷ​ത്തിൽ സമർപ്പി​ക്ക​പ്പെട്ട പുസ്‌ത​ക​ങ്ങ​ളു​ടെ എണ്ണം 1995 സേവന​വർഷ​ത്തി​ലേ​തി​നെ അപേക്ഷിച്ച്‌ 120 ശതമാനം കൂടു​ത​ലാ​യി​രു​ന്നു!

³ ഇത്രമാ​ത്രം സാഹി​ത്യം ആവശ്യ​മു​ള്ള​തെ​ന്തു​കൊണ്ട്‌? ആളുകളെ കണ്ടെത്തുന്ന എല്ലായി​ട​ത്തും സാക്ഷീ​ക​രി​ക്കാൻ നമുക്കു ലഭിച്ച പ്രോ​ത്സാ​ഹ​ന​ത്തി​നു ലോക​വ്യാ​പ​ക​മാ​യി വലിയ അളവി​ലുള്ള പ്രതി​ക​ര​ണ​മാ​ണു ലഭിച്ചത്‌. നമ്മിൽ മിക്കവ​രും സാക്ഷീ​ക​ര​ണ​വേല വ്യത്യസ്‌ത മേഖല​ക​ളി​ലേക്ക്‌—പൊതു​സ്ഥ​ല​ങ്ങ​ളി​ലും തെരു​വു​ക​ളി​ലും വ്യാപാര മേഖല​ക​ളി​ലു​മൊ​ക്കെ​യാ​യി—വിപു​ലീ​ക​രി​ച്ചി​രി​ക്കു​ന്ന​തി​നാൽ കൂടുതൽ ആളുകൾ താത്‌പ​ര്യം കാണി​ക്കു​ക​യും അവർക്കു വളരെ​യ​ധി​കം സാഹി​ത്യ​ങ്ങൾ സമർപ്പി​ക്ക​പ്പെ​ടു​ക​യും ചെയ്യുന്നു. ഇവരിൽ ഭൂരി​ഭാ​ഗം പേർക്കും രാജ്യ​സ​ന്ദേശം ശ്രദ്ധി​ക്കാൻ ഒരിക്ക​ലും അവസരം ലഭിച്ചി​ട്ടു​ണ്ടാ​യി​രു​ന്നില്ല. ഇനി അഥവാ ലഭിച്ചി​ട്ടു​ണ്ടെ​ങ്കിൽത്തന്നെ വളരെ അപൂർവ​മാ​യി മാത്ര​മാ​യി​രു​ന്നു​താ​നും. ഈ ആവശ്യം നിവർത്തി​ക്കാൻ തക്കവണ്ണം സഭകൾ ശുശ്രൂ​ഷ​യു​ടെ എല്ലാ വശങ്ങളി​ലും ഉപയോ​ഗി​ക്കാ​വുന്ന വ്യത്യ​സ്‌ത​ത​ര​ത്തി​ലുള്ള ധാരാളം പ്രസി​ദ്ധീ​ക​ര​ണങ്ങൾ കരുതി​വെ​ക്കു​ന്നു.

⁴ സാഹി​ത്യം വിതരണം ചെയ്യു​ന്ന​തി​ലെ നമ്മുടെ ലക്ഷ്യ​മെന്ത്‌? കേവലം സാഹി​ത്യം സമർപ്പി​ക്കുക എന്നതല്ല നമ്മുടെ ലക്ഷ്യം. ശിഷ്യരെ ഉളവാ​ക്കുക എന്ന നിയോ​ഗ​ത്തി​നു രണ്ടു വശങ്ങളുണ്ട്‌—പ്രസം​ഗി​ക്ക​ലും പഠിപ്പി​ക്ക​ലും. രാജ്യ​ത്തി​ന്റെ സുവാർത്ത പ്രസം​ഗി​ച്ചു​കൊണ്ട്‌ മനുഷ്യ​വർഗ​ത്തി​ന്റെ ഒരേ​യൊ​രു പ്രത്യാശ അതാ​ണെന്ന്‌ ആളുകളെ ബോധ​വാ​ന്മാ​രാ​ക്കാ​നുള്ള പദവി​യാണ്‌ ആദ്യ​ത്തേത്‌. (മത്താ. 10:7; 24:14) താത്‌പ​ര്യം ഉണർത്തു​ന്ന​തി​ലും രാജ്യ​ത്തെ​ക്കു​റി​ച്ചുള്ള അറിവു മറ്റുള്ള​വർക്കു പകർന്നു​കൊ​ടു​ക്കു​ന്ന​തി​ലും കാലം മാറ്റു തെളി​യിച്ച, ഫലകര​മായ ഒരു മുഖാ​ന്ത​ര​മാണ്‌ നമ്മുടെ ബൈബി​ള​ധി​ഷ്‌ഠിത സാഹി​ത്യ​ങ്ങൾ.

⁵ രണ്ടാമ​താ​യി, ശിഷ്യരെ ഉളവാ​ക്ക​ണ​മെ​ങ്കിൽ, നാം യേശു കൽപ്പിച്ച എല്ലാ സംഗതി​ക​ളും പഠിപ്പി​ക്കേ​ണ്ട​തുണ്ട്‌. (മത്താ. 11:1; 28:19, 20) നാം വിദ്യാർഥി​കളെ ശിഷ്യ​രാ​യി​ത്തീ​രാൻ സഹായി​ക്കവേ, സത്യം അവരുടെ ഹൃദയ​ത്തിൽ ആഴത്തിൽ പതിപ്പി​ക്കു​ന്ന​തി​ലും സാഹി​ത്യം ഒരു പ്രധാന പങ്കുവ​ഹി​ക്കു​ന്നു.

⁶ സാഹി​ത്യം സ്വീക​രി​ക്കു​ന്നവർ ‘വചനം കേൾക്കു​ന്നവർ’ ആയിരി​ക്കും. ആരും സഹായി​ച്ചി​ല്ലെ​ങ്കിൽ മിക്കവാ​റും അവർ അതു പ്രവർത്തി​ക്കു​ന്ന​വ​രാ​യി​ത്തീ​രാൻ സാധ്യ​ത​യില്ല. (യാക്കോ. 1:22-25) ആരു​ടെ​യും സഹായ​മി​ല്ലാ​തെ ആരും ശിഷ്യ​രാ​യി​ത്തീ​രാ​റില്ല. (പ്രവൃ. 8:30, 31) തിരു​വെ​ഴു​ത്തു​ക​ളിൽ കാണ​പ്പെ​ടുന്ന സത്യം ബോധ്യ​പ്പെ​ടു​ന്ന​തിന്‌ അവർക്ക്‌ ഒരു അധ്യാ​പ​കന്റെ സഹായ​മാ​വ​ശ്യ​മുണ്ട്‌. (പ്രവൃ. 17:2, 3) സമർപ്പ​ണ​ത്തി​ന്റെ​യും സ്‌നാ​പ​ന​ത്തി​ന്റെ​യും പടി സ്വീക​രി​ക്കുന്ന ഘട്ടത്തി​ലേക്കു പുരോ​ഗ​മി​ക്കാ​നും അങ്ങനെ മറ്റുള്ള​വരെ പഠിപ്പി​ക്കാൻ വേണ്ട യോഗ്യത നേടാ​നും അവരെ സഹായി​ക്കുക എന്നതാണ്‌ നമ്മുടെ ലക്ഷ്യം.—2 തിമൊ. 2:2.

⁷ കൂടുതൽ അധ്യാ​പ​കരെ വേണം എന്നതാണ്‌ ഏറ്റവും വലിയ ആവശ്യം: പ്രസം​ഗി​ക്കു​മ്പോൾ നാം ചെയ്യു​ന്നത്‌ സുവാർത്ത​യു​ടെ പരസ്യ പ്രഖ്യാ​പ​ന​മാണ്‌. എന്നാൽ ആർക്കെ​ങ്കി​ലും പുരോ​ഗ​മ​നാ​ത്മ​ക​മായ പ്രബോ​ധനം നൽകു​ന്ന​താണ്‌ പഠിപ്പി​ക്ക​ലിൽ ഉൾപ്പെ​ടു​ന്നത്‌. പ്രസംഗം മറ്റുള്ള​വരെ രാജ്യ​സ​ന്ദേശം സംബന്ധി​ച്ചു ബോധ​വാ​ന്മാ​രാ​ക്കു​മ്പോൾ, പഠിപ്പി​ക്കൽ വ്യക്തി​കളെ സുവാർത്ത സ്വീക​രി​ക്കു​ന്ന​തി​നും അതിന​നു​സ​രി​ച്ചു പ്രവർത്തി​ക്കു​ന്ന​തി​നും സഹായി​ക്കു​ന്നു. (ലൂക്കൊ. 8:15) ഒരു അധ്യാ​പകൻ കാര്യങ്ങൾ അറിയി​ക്കു​ന്ന​തി​നെ​ക്കാൾ അധികം ചെയ്യുന്നു; അയാൾ വിശദീ​ക​രി​ച്ചു​കൊ​ടു​ക്കു​ന്നു, നല്ല വാദഗ​തി​കൾകൊ​ണ്ടു ന്യായ​വാ​ദം ചെയ്യുന്നു, തെളി​വു​കൾ നൽകുന്നു, അങ്ങനെ വ്യക്തി​കളെ സ്വാധീ​നി​ക്കു​ന്നു.

⁸ കേവലം പ്രസം​ഗി​ക്കു​ന്നവർ മാത്ര​മാ​യി​രി​ക്കാ​തെ നമ്മിൽ സാധി​ക്കു​ന്ന​വ​രെ​ല്ലാം പഠിപ്പി​ക്കു​ന്ന​വ​രാ​യി​രി​ക്കേ​ണ്ട​തുണ്ട്‌. (എബ്രാ. 5:12എ) സാഹിത്യ വിതരണം നമ്മുടെ വേലയു​ടെ ഒരു മർമ​പ്ര​ധാ​ന​മായ ഭാഗമാണ്‌. പക്ഷേ, നമ്മുടെ ശുശ്രൂ​ഷ​യു​ടെ രണ്ടാമത്തെ ലക്ഷ്യ​പ്രാ​പ്‌തി അടിസ്ഥാ​ന​പ​ര​മാ​യി ആശ്രയി​ച്ചി​രി​ക്കു​ന്നത്‌ അധ്യാ​പ​ക​രെന്ന നിലയിൽ നാമെന്തു ചെയ്യു​ന്നു​വെ​ന്ന​തി​നെ​യാണ്‌. സാഹി​ത്യം സമർപ്പി​ക്കാൻ സാധി​ക്കു​മ്പോൾ നമുക്കു സന്തോ​ഷ​മു​ണ്ടാ​യേ​ക്കാ​മെ​ങ്കി​ലും, നമ്മുടെ ശുശ്രൂഷ പൂർണ​മാ​യി നിവർത്തി​ക്ക​ണ​മെ​ങ്കിൽ നാം സമർപ്പ​ണത്തെ നമ്മുടെ ആത്യന്തിക ലക്ഷ്യമാ​യി കാണരുത്‌. (2 തിമൊ. 4:5) മറ്റുള്ള​വരെ സത്യം പഠിപ്പി​ക്കാ​നുള്ള അവസര​ങ്ങ​ളു​ടെ വാതി​ലു​കൾ തുറക്കു​ന്ന​തിൽ ഫലകര​മായ ഒരു മുഖാ​ന്ത​ര​മാണ്‌ സമർപ്പ​ണങ്ങൾ.

⁹ ബൈബി​ള​ധ്യ​യ​നങ്ങൾ ആരംഭി​ക്കു​ന്ന​തി​നു മടക്കസ​ന്ദർശ​നങ്ങൾ നടത്തുക: നാമെ​ല്ലാ​വ​രും​തന്നെ സാധ്യ​ത​യ​നു​സ​രിച്ച്‌ നിരവധി പുസ്‌ത​ക​ങ്ങ​ളും ലഘുപ​ത്രി​ക​ക​ളും മാസി​ക​ക​ളും സമർപ്പി​ച്ചി​രി​ക്കു​മെ​ന്ന​തി​നാൽ മടക്കസ​ന്ദർശ​ന​ങ്ങ​ളു​ടെ ഒരു പട്ടിക​തന്നെ നമുക്കുണ്ട്‌. താത്‌പ​ര്യം ഉജ്ജീവി​പ്പി​ക്കു​ന്ന​തി​നു​വേണ്ടി മടങ്ങി​ച്ചെ​ല്ലാൻ നാം ഒരു കൃത്യ​സ​മയം പട്ടിക​പ്പെ​ടു​ത്തണം. നാം മടക്കസ​ന്ദർശനം നടത്തു​ന്ന​തി​ന്റെ മുഖ്യ ഉദ്ദേശ്യം കേവലം കൂടുതൽ സാഹി​ത്യം സമർപ്പി​ക്കുക എന്നതല്ല, പകരം അപ്പോൾത്തന്നെ തങ്ങളുടെ കൈവ​ശ​മു​ള്ളതു വായി​ക്കാ​നും അതിൽനി​ന്നു പ്രയോ​ജ​ന​മ​നു​ഭ​വി​ക്കാ​നും ആളുകളെ സഹായി​ക്കുക എന്നതാണ്‌. ഇന്നു നാമും ഇത്രമാ​ത്രം ആത്മീയ പുരോ​ഗതി നേടി​യി​രി​ക്കു​ന്നത്‌ ആരെങ്കി​ലും തുടർച്ച​യാ​യി നമ്മെ സന്ദർശി​ക്കു​ക​യും സൂക്ഷ്‌മ പരിജ്ഞാ​നം നേടാൻ സഹായി​ക്കു​ക​യും ചെയ്‌ത​തു​കൊ​ണ്ടല്ലേ?—യോഹ. 17:3.

¹⁰ ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രി​ക​യിൽനി​ന്നോ നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌ത​ക​ത്തിൽനി​ന്നോ ഒരു അധ്യയനം ആരംഭി​ക്കുക എന്ന ലക്ഷ്യ​ത്തോ​ടു​കൂ​ടി താത്‌പ​ര്യം കാണിച്ച എല്ലാവ​രെ​യും വീണ്ടും സന്ദർശി​ക്കുക. ഈ രണ്ടു പ്രസി​ദ്ധീ​ക​ര​ണ​ങ്ങ​ളും എളുപ്പ​ത്തിൽ മനസ്സി​ലാ​കുന്ന രീതി​യിൽ രാജ്യ​സ​ന്ദേശം അവതരി​പ്പി​ച്ചി​രി​ക്കു​ന്നു. ആവശ്യം ലഘുപ​ത്രി​ക​യിൽ ബൈബി​ളി​ലെ അടിസ്ഥാന പഠിപ്പി​ക്ക​ലു​ക​ളെ​ല്ലാം ഉൾപ്പെ​ടു​ത്തിയ ഒരു സമഗ്ര പഠനപ​ദ്ധതി ഉൾക്കൊ​ള്ളു​ന്നു. പരിജ്ഞാ​നം പുസ്‌തകം കുറേ​ക്കൂ​ടി വിശദാം​ശങ്ങൾ സഹിതം എന്നാൽ ലളിത​വും വ്യക്തവും ഹ്രസ്വ​വു​മാ​യി സത്യം പഠിപ്പി​ക്കാൻ ഒരുവനെ പ്രാപ്‌ത​നാ​ക്കു​ന്നു.

¹¹ ഈ ലളിത​മായ പഠിപ്പി​ക്കൽ പരിപാ​ടി, 1996 ജൂണിലെ നമ്മുടെ രാജ്യ​ശു​ശ്രൂ​ഷ​യു​ടെ അനുബന്ധം വിശദ​മാ​ക്കി​യ​ത​നു​സ​രിച്ച്‌, അധ്യാ​പ​കന്‌ പ്രബോ​ധ​ന​വും വിദ്യാർഥിക്ക്‌ പഠനവും എളുപ്പ​മാ​ക്കി​ത്തീർക്കു​ന്നു. ഫലകര​മെന്നു തെളിഞ്ഞ പഠിപ്പി​ക്കൽ രീതി​ക​ളും വിദ്യ​ക​ളും പുനര​വ​ലോ​കനം ചെയ്യു​ന്ന​തി​നു​വേണ്ടി ആ അനുബ​ന്ധ​ത്തി​ന്റെ ഒരു പ്രതി പെട്ടെ​ന്നെ​ടു​ക്കാ​വുന്ന എവി​ടെ​യെ​ങ്കി​ലും വെക്കുക. അതു നൽകുന്ന നിർദേ​ശ​ങ്ങ​ളിൽ, വിദ്യാർഥി​യിൽ വ്യക്തി​പ​ര​മാ​യി ആത്മാർഥ​മായ താത്‌പ​ര്യ​മെ​ടു​ക്കാ​നെ​ങ്ങനെ സാധി​ക്കും, ഓരോ തവണയും എത്രമാ​ത്രം എടുക്കണം, പഠിക്കുന്ന വിഷയ​വു​മാ​യി ബന്ധമി​ല്ലാത്ത ചോദ്യ​ങ്ങ​ളെ​ങ്ങനെ കൈകാ​ര്യം ചെയ്യണം, അധ്യാ​പ​ക​നും വിദ്യാർഥി​യും അധ്യയ​ന​ത്തി​നു​വേണ്ടി മുൻകൂ​ട്ടി തയ്യാറാ​കേ​ണ്ടത്‌ എങ്ങനെ, വിദ്യാർഥി​യെ യഹോ​വ​യു​ടെ സ്ഥാപന​ത്തി​ലേക്കു നയിക്കാൻ എങ്ങനെ സാധി​ക്കും തുടങ്ങിയ സംഗതി​കൾ ഉൾപ്പെ​ടു​ന്നു. ഈ നിർദേ​ശങ്ങൾ പിൻപ​റ്റു​ന്ന​തി​ലൂ​ടെ നമ്മിൽ മിക്കവർക്കും, പുതി​യ​വർക്കുൾപ്പെടെ, പുരോ​ഗ​മ​നാ​ത്മ​ക​മായ അധ്യയ​നങ്ങൾ നടത്താൻ സാധി​ക്കും.

¹² വയലിൽനി​ന്നുള്ള വൻവി​ജ​യ​ത്തി​ന്റെ റിപ്പോർട്ടു​കൾ: ശിഷ്യരെ ഉളവാക്കൽ ത്വരി​ത​ഗ​തി​യി​ലാ​ക്കു​ന്ന​തിന്‌ ആവശ്യം ലഘുപ​ത്രി​ക​യും പരിജ്ഞാ​നം പുസ്‌ത​ക​വും മൂല്യ​വ​ത്തായ സഹായി​ക​ളാ​ണെന്നു തെളി​ഞ്ഞി​രി​ക്കു​ന്നു. ആവശ്യം ലഘുപ​ത്രിക ലഭിച്ച ശേഷം പെട്ടെ​ന്നു​തന്നെ, ബൊളീ​വി​യ​യി​ലെ ഒരു സഹോ​ദരൻ ഒരു വ്യക്തിക്ക്‌ അധ്യയ​ന​മാ​രം​ഭി​ക്കാൻ അതുപ​യോ​ഗി​ച്ചു. നാലു മാസത്തി​നു ശേഷം നടന്ന ഡിസ്‌ട്രി​ക്‌റ്റ്‌ കൺ​വെൻ​ഷ​നി​ലെ സന്തുഷ്ട​രായ സ്‌നാ​പ​നാർഥി​ക​ളു​ടെ കൂട്ടത്തിൽ ഈ വിദ്യാർഥി​യു​മു​ണ്ടാ​യി​രു​ന്നു!

¹³ പരിജ്ഞാ​നം പുസ്‌ത​ക​ത്തി​ന്റെ പഠനം തീരു​മ്പോൾ അനേക​രും തങ്ങളുടെ ജീവിതം യഹോ​വ​യ്‌ക്കു സമർപ്പി​ക്കാൻ പ്രചോ​ദി​ത​രാ​കു​ന്നു. അംഗോ​ള​യി​ലെ ഒരു സഭ തങ്ങളുടെ പ്രദേ​ശത്ത്‌ പരിജ്ഞാ​നം പുസ്‌തകം ഉപയോ​ഗി​ക്കാൻ തുടങ്ങി വെറും നാലു മാസത്തി​നകം പ്രസാ​ധകർ നടത്തുന്ന ബൈബി​ള​ധ്യ​യ​ന​ങ്ങ​ളു​ടെ എണ്ണം 190-ൽനിന്ന്‌ 260 ആയി വർധിച്ചു. യോഗ​ഹാ​ജ​രാ​ണെ​ങ്കിൽ ഇരട്ടി​യാ​യി ഉയർന്നു, 180-ൽനിന്ന്‌ 360-ലേക്ക്‌. അധികം താമസി​യാ​തെ, മറ്റൊരു സഭകൂടി രൂപീ​ക​രി​ക്കേണ്ടി വന്നു.

¹⁴ പരിജ്ഞാ​നം പുസ്‌ത​ക​ത്തിൽനി​ന്നുള്ള ആദ്യത്തെ അധ്യയനം ആരംഭി​ച്ച​ശേഷം, ഒരു സഹോ​ദരൻ, “നടത്തു​ന്ന​യാൾ ചോദ്യ​ങ്ങൾ ചോദി​ക്കു​ക​യും ബാധക​മാ​കുന്ന ഏതാനും വാക്യങ്ങൾ വായി​ക്കു​ക​യും വിദ്യാർഥി കാര്യങ്ങൾ ഗ്രഹി​ക്കു​ന്നു​ണ്ടെന്ന്‌ ഉറപ്പു​വ​രു​ത്തു​ക​യും മാത്രം ചെയ്യു​ക​യാ​ണെ​ങ്കിൽ” അധ്യയ​ന​മെ​ടു​ക്കൽ വളരെ “എളുപ്പ​മാണ്‌” എന്നു പറഞ്ഞു. വളരെ പ്രാപ്‌തി​യുള്ള പ്രസാ​ധ​കർക്കു മാത്രമേ പുരോ​ഗ​മ​നാ​ത്മ​ക​മായ ബൈബി​ള​ധ്യ​യ​നങ്ങൾ എടുക്കാൻ സാധി​ക്കു​ക​യു​ള്ളു​വെ​ന്നും തനി​ക്കൊ​രി​ക്ക​ലും അതു സാധി​ക്കി​ല്ലെ​ന്നു​മാ​യി​രു​ന്നു ആദ്യ​മൊ​ക്കെ അദ്ദേഹം വിചാ​രി​ച്ചി​രു​ന്നത്‌. എന്നാൽ, അതു തനിക്കും സാധി​ക്കു​മെന്ന്‌ അദ്ദേഹം തിരി​ച്ച​റി​ഞ്ഞു. അദ്ദേഹം ഇങ്ങനെ പറഞ്ഞു: “എനിക്കു സാധി​ക്കു​മെ​ങ്കിൽ, ആർക്കും സാധി​ക്കും.”

¹⁵ നമ്മുടെ ശുശ്രൂ​ഷ​യു​ടെ ഭാഗമെന്ന നിലയിൽ ബൈബി​ള​ധ്യ​യ​നങ്ങൾ നടത്തു​മ്പോ​ഴാണ്‌ നാം ശിഷ്യരെ ഉളവാ​ക്കുക എന്ന ലക്ഷ്യം കൈവ​രി​ക്കു​ന്നത്‌. ശുശ്രൂ​ഷ​യു​ടെ ഈ പ്രത്യേക വശത്തിൽ പങ്കുപ​റ്റാ​നുള്ള തങ്ങളുടെ പ്രാപ്‌തി വികസി​പ്പി​ച്ചെ​ടു​ത്തി​ട്ടു​ള്ളവർ അതു വളരെ സംതൃ​പ്‌തി​ദാ​യ​ക​വും സമൃദ്ധ​മായ അനു​ഗ്ര​ഹങ്ങൾ കൈവ​രു​ത്തു​ന്ന​തു​മാ​ണെന്നു കണ്ടെത്തു​ന്നു. “പൂർണ്ണ​പ്രാ​ഗ​ത്ഭ്യ​ത്തോ​ടെ വിഘ്‌നം​കൂ​ടാ​തെ ദൈവ​രാ​ജ്യം പ്രസം​ഗി​ച്ചും കർത്താ​വായ യേശു​ക്രി​സ്‌തു​വി​നെ​ക്കു​റി​ച്ചു ഉപദേ​ശി​ച്ചും പോന്നു,” എന്നു നമ്മെക്കു​റി​ച്ചും പറയ​പ്പെ​ടു​മാ​റാ​കട്ടെ.—പ്രവൃ. 28:30.