യഹോ​വ​യു​ടെ സാക്ഷികൾ—യഥാർഥ സുവി​ശേ​ഷ​കർ

¹ രാജ്യ​സു​വാർത്ത പ്രസം​ഗി​ക്കാൻ സ്‌പഷ്ട​മായ നിർദേ​ശങ്ങൾ നൽകി​ക്കൊണ്ട്‌ യേശു​ക്രിസ്‌തു സുവി​ശേ​ഷി​ക്കാ​നുള്ള ഉത്തരവാ​ദി​ത്വം തന്റെ എല്ലാ ശിഷ്യ​ന്മാ​രെ​യും ഭരമേൽപ്പി​ച്ചു. (മത്താ. 24:14; പ്രവൃ. 10:42) ആരാധ​നാ​സ്ഥ​ല​ങ്ങ​ളി​ലും പരസ്യ​മാ​യും വീടു​തോ​റും, ആളുകളെ കണ്ടുമു​ട്ടി​യി​ട​ത്തെ​ല്ലാം, രാജ്യ​ത്തെ​ക്കു​റി​ച്ചു മടുത്തു​പോ​കാ​തെ പ്രസം​ഗി​ച്ചു​കൊണ്ട്‌ അവന്റെ ആദിമ ശിഷ്യൻമാർ അതിൽ മാതൃക വെച്ചു. (പ്രവൃ. 5:42; 20:20) 232 രാജ്യ​ങ്ങ​ളിൽ രാജ്യ​സ​ന്ദേശം പ്രസം​ഗി​ച്ചു​കൊ​ണ്ടും കഴിഞ്ഞ മൂന്നു വർഷം​കൊ​ണ്ടു മാത്രം പത്തുല​ക്ഷ​ത്തി​ലേറെ പുതു​ശി​ഷ്യ​രെ സ്‌നാ​പ​ന​ത്തി​ലേക്കു നയിച്ചു​കൊ​ണ്ടും ഇന്ന്‌ യഹോ​വ​യു​ടെ സാക്ഷി​ക​ളെന്ന നിലയിൽ യഥാർഥ ക്രിസ്‌തീയ സുവി​ശേ​ഷ​ക​രാ​ണെന്നു നാം തെളി​യി​ച്ചി​രി​ക്കു​ന്നു! നമ്മുടെ സുവി​ശേ​ഷി​ക്കൽ വേല ഇത്ര വിജയ​പ്ര​ദ​മാ​യി​രി​ക്കു​ന്ന​തെ​ന്തു​കൊണ്ട്‌?

² സുവാർത്ത നമ്മെ പ്രചോ​ദി​പ്പി​ക്കു​ന്നു: സുവി​ശേ​ഷകർ സുവാർത്ത​യു​ടെ പ്രസം​ഗകർ അഥവാ സന്ദേശ​വാ​ഹകർ ആണ്‌. അതു​കൊണ്ട്‌, ഹതാശ​രായ മനുഷ്യ​വർഗ​ത്തി​നുള്ള ഒരേ​യൊ​രു യഥാർഥ സുവാർത്ത​യായ യഹോ​വ​യു​ടെ രാജ്യ​ത്തെ​ക്കു​റി​ച്ചു ഘോഷി​ക്കു​ന്ന​തി​നുള്ള സന്തോ​ഷ​ക​ര​മായ പദവി നമുക്കുണ്ട്‌. വരാൻപോ​കുന്ന പറുദീ​സ​യിൽ വിശ്വസ്‌ത മനുഷ്യ​വർഗ​മാ​കുന്ന പുതിയ ഭൂമി​യു​ടെ​മേൽ നീതി​പൂർവം ഭരിക്കുന്ന പുതിയ ആകാശ​ത്തെ​ക്കു​റിച്ച്‌ മുന്നമേ നേടിയ അറിവ്‌ നിമിത്തം നാം ഉത്സാഹ​മു​ള്ള​വ​രാണ്‌. (2 പത്രൊ. 3:13,17) ഈ പ്രത്യാശ കൈമു​ത​ലാ​യുള്ള ഒരേ​യൊ​രു കൂട്ടം നമ്മൾ മാത്ര​മാണ്‌. മറ്റുള്ള​വ​രു​മാ​യി അതു പങ്കു​വെ​ക്കാൻ നാം ആകാം​ക്ഷ​യു​ള്ള​വ​രു​മാണ്‌.

³ യഥാർഥ സ്‌നേഹം നമ്മെ പ്രേരി​പ്പി​ക്കു​ന്നു: സുവി​ശേ​ഷി​ക്കൽ വേല ജീവര​ക്ഷാ​ക​ര​മായ ഒന്നാണ്‌. (റോമ. 1:16) അതു​കൊ​ണ്ടാണ്‌ രാജ്യ​സ​ന്ദേശം വ്യാപി​പ്പി​ക്കു​ന്ന​തിൽ നാം വലിയ സന്തോഷം അനുഭ​വി​ക്കു​ന്നത്‌. യഥാർഥ സുവി​ശേ​ഷ​ക​രെന്ന നിലയിൽ നാം ആളുകളെ സ്‌നേ​ഹി​ക്കു​ന്നു. നമ്മുടെ കുടും​ബാം​ഗങ്ങൾ, അയൽക്കാർ, പരിച​യ​ക്കാർ എന്നിങ്ങനെ സാധ്യ​മാ​കു​ന്നത്ര എല്ലാവ​രു​മാ​യി സുവാർത്ത പങ്കു​വെ​ക്കാൻ അതു നമ്മെ പ്രേരി​പ്പി​ക്കു​ന്നു. മറ്റുള്ള​വ​രോ​ടുള്ള നമ്മുടെ യഥാർഥ സ്‌നേഹം പ്രകടി​പ്പി​ക്കാ​നുള്ള ഉദാത്ത​മായ ഒരു മാർഗ​മാണ്‌ ഈ വേല മുഴു​ദേ​ഹി​യോ​ടെ ചെയ്യു​ക​യെ​ന്നത്‌.—1 തെസ്സ. 2:8.

⁴ ദൈവാ​ത്മാവ്‌ നമ്മെ പിന്തു​ണയ്‌ക്കു​ന്നു: നാം രാജ്യ​വി​ത്തു നടുക​യും നനയ്‌ക്കു​ക​യും ചെയ്യു​മ്പോൾ, യഹോവ അത്‌ “വളരു​മാ​റാ​ക്കു​ന്നെ”ന്ന്‌ ദൈവ​വ​ചനം ഉറപ്പേ​കു​ന്നു. ഇന്ന്‌ നമ്മുടെ സ്ഥാപന​ത്തിൽ സംഭവി​ക്കു​ന്ന​തും അതുത​ന്നെ​യാണ്‌. (1 കൊരി. 3:5-7) സുവി​ശേ​ഷ​പ്ര​വർത്ത​ന​ത്തിൽ നമ്മെ പിന്തു​ണയ്‌ക്കു​ക​യും നമുക്കു മഹത്തായ വിജയം നേടി​ത്ത​രി​ക​യും ചെയ്യു​ന്നത്‌ ദൈവാ​ത്മാ​വാണ്‌.—യോവേ. 2:28, 29.

⁵ യഹോവ നമ്മുടെ വേലയെ തുടർന്നും അനു​ഗ്ര​ഹി​ക്കു​മെന്ന വിശ്വാ​സ​ത്തോ​ടെ, ആവേശ​ക​ര​മായ ഈ രാജ്യ​സു​വാർത്ത മറ്റുള്ള​വ​രു​മാ​യി എല്ലാ അവസര​ങ്ങ​ളി​ലും പങ്കു​വെ​ക്കാൻ ‘സുവി​ശേ​ഷ​കന്റെ പ്രവൃത്തി ചെയ്യാ’നുള്ള 2 തിമൊ​ഥെ​യൊസ്‌ 4:5-ലെ പ്രോ​ത്സാ​ഹ​ന​വും സകലയാ​ളു​ക​ളോ​ടു​മുള്ള സ്‌നേ​ഹ​വും നമ്മെ പ്രചോ​ദി​പ്പി​ക്കട്ടെ.