ഫലകര​മെ​ങ്കിൽ അത്‌ ഉപയോ​ഗി​ച്ചു​കൊ​ള്ളൂ!

¹ ശുശ്രൂ​ഷ​യിൽ ഉപയോ​ഗി​ക്കാ​നാ​യി നമ്മുടെ രാജ്യ ശുശ്രൂഷ നിരന്തരം അനേകം നിർദിഷ്ട അവതര​ണങ്ങൾ പ്രദാനം ചെയ്യുന്നു. തന്മൂലം, രാജ്യ​സ​ന്ദേ​ശ​ത്തിൽ താത്‌പ​ര്യം ജനിപ്പി​ക്കാൻ കഴിയുന്ന വിധം സംബന്ധിച്ച്‌ നമുക്കു പുതിയ ആശയങ്ങൾ ലഭിക്കു​ന്നു. ഈ അവതര​ണ​ങ്ങ​ളിൽ ഒന്നോ അതില​ധി​ക​മോ പഠിക്കാൻ നിങ്ങൾ ഓരോ മാസവും ശ്രമി​ക്കു​ന്നു​ണ്ടാ​യി​രി​ക്കാം. എന്നാൽ, അവയി​ലൊ​രെണ്ണം കുറച്ചു പ്രാവ​ശ്യം ഉപയോ​ഗി​ക്കു​മ്പോ​ഴേ​ക്കും നമ്മുടെ രാജ്യ ശുശ്രൂ​ഷ​യു​ടെ മറ്റൊരു ലക്കം പുതിയ അവതര​ണങ്ങൾ പ്രദാനം ചെയ്യു​ന്ന​താ​യി ചില പ്രസാ​ധകർ കണ്ടെത്തി​യേ​ക്കാം. ആദ്യത്തെ അവതര​ണ​ത്തിൽ വൈദഗ്‌ധ്യം നേടു​ന്ന​തി​നു മുമ്പു​തന്നെ പുതിയ ഒരു അവതരണം വശമാ​ക്കുക എല്ലാവരെ സംബന്ധി​ച്ചി​ട​ത്തോ​ള​വും സാധ്യ​മ​ല്ലാ​യി​രി​ക്കാം എന്നതു വ്യക്തമാണ്‌.

² തീർച്ച​യാ​യും, വയൽസേ​വ​ന​ത്തിൽ കൂടുതൽ സമയം ചെലവ​ഴി​ക്കുന്ന ആയിര​ക്ക​ണ​ക്കി​നു പയനി​യർമാ​രും മറ്റു പ്രസാ​ധ​ക​രു​മുണ്ട്‌. മാത്ര​വു​മല്ല, ഏതാനും ആഴ്‌ച​കൊ​ണ്ടു​തന്നെ പല സഭകളും തങ്ങളുടെ മുഴു​പ്ര​ദേ​ശ​വും പ്രവർത്തി​ച്ചു തീർക്കു​ന്നു. ഇത്തരം സാഹച​ര്യ​ങ്ങ​ളിൽ, സന്ദേശം അവതരി​പ്പി​ക്കാ​നാ​യി പുതിയ രീതി​ക​ളും ആശയങ്ങ​ളും പ്രസാ​ധകർ സ്വാഗതം ചെയ്യുന്നു. ഇത്‌ തങ്ങളുടെ പ്രാപ്‌തി വർധി​പ്പി​ക്കു​ന്ന​തിന്‌ അവരെ സഹായി​ക്കു​ന്നു. കൂടാതെ, ഇത്‌ അവരുടെ ശുശ്രൂ​ഷയെ കൂടുതൽ രസകര​വും ഫലപ്ര​ദ​വു​മാ​ക്കു​ന്നു. തങ്ങൾ അഭിമു​ഖീ​ക​രി​ക്കുന്ന വെല്ലു​വി​ളി നേരി​ടു​ന്ന​തിന്‌ ഇത്‌ അവരെ സഹായി​ക്കു​ക​യും ചെയ്യുന്നു.

³ എന്തുത​ന്നെ​യാ​യി​രു​ന്നാ​ലും, താത്‌പ​ര്യം വളർത്തി​യെ​ടു​ക്കു​ന്ന​തിൽ ഫലപ്ര​ദ​മായ ഒരു അവതരണം നിങ്ങൾ തയ്യാറാ​യി​ട്ടു​ണ്ടെ​ങ്കിൽ നിശ്ചയ​മാ​യും അത്‌ ഉപയോ​ഗി​ക്കു​ന്ന​തിൽ തുടരുക! നാം ഉപയോ​ഗി​ക്കുന്ന ഒരു അവതര​ണ​ത്തി​നു നല്ല ഫലം ലഭിക്കു​ന്നെ​ങ്കിൽ, അത്‌ ഉപയോ​ഗി​ക്കു​ന്നതു നിറു​ത്തേ​ണ്ട​തില്ല. അതാതു മാസത്തെ സാഹി​ത്യ​സ​മർപ്പ​ണ​വു​മാ​യി ആ അവതര​ണത്തെ പൊരു​ത്ത​പ്പെ​ടു​ത്തു​കയേ വേണ്ടൂ. നമ്മുടെ രാജ്യ ശുശ്രൂ​ഷ​യിൽ കൊടു​ത്തി​രി​ക്കുന്ന നിർദേ​ശങ്ങൾ അവലോ​കനം ചെയ്യവേ, നിങ്ങളു​ടെ അവതര​ണ​ത്തിൽ ഉൾപ്പെ​ടു​ത്താൻ ആഗ്രഹി​ച്ചേ​ക്കാ​വുന്ന രസകര​മായ ആശയങ്ങൾക്കാ​യി നോക്കുക.

⁴ അതു​കൊണ്ട്‌, നമ്മുടെ രാജ്യ ശുശ്രൂ​ഷ​യു​ടെ ഒരു പുതിയ ലക്കം ലഭിക്കു​മ്പോൾ, അതിലുള്ള അവതര​ണങ്ങൾ കേവലം നിർദേ​ശങ്ങൾ മാത്ര​മാ​ണെന്ന്‌ ഓർക്കുക. അതുപ​യോ​ഗി​ക്കാൻ നിങ്ങൾക്കു സാധി​ക്കു​മെ​ങ്കിൽ, നല്ലത്‌. എന്നാൽ, നിങ്ങളു​ടെ പ്രദേ​ശത്തു ഫലപ്ര​ദ​മായ ഒരു അവതരണം നിങ്ങൾ ഇതി​നോ​ടകം തയ്യാറാ​യി​ട്ടു​ണ്ടെ​ങ്കിൽ അതുപ​യോ​ഗി​ക്കുക! അർഹത​യു​ള്ള​വരെ കണ്ടെത്തി, ശിഷ്യ​രാ​കാൻ സഹായി​ച്ചു​കൊണ്ട്‌ ‘നിങ്ങളു​ടെ ശുശ്രൂഷ നിറപ​ടി​യാ​യി നിവർത്തി​ക്കുക’ എന്നതാണ്‌ പ്രധാ​ന​പ്പെട്ട കാര്യം.—2 തിമൊ. 4:5