എല്ലാ ഭാഷക​ളി​ലും മതങ്ങളി​ലു​മുള്ള ആളുക​ളോ​ടു സാക്ഷീ​ക​രി​ക്കൽ

¹ മറ്റു ഭാഷക്കാ​രും വ്യത്യസ്‌ത മതക്കാ​രു​മായ ആളുകൾക്ക്‌ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ തീക്ഷ്‌ണ​ത​യോ​ടെ സാക്ഷ്യം കൊടു​ത്തു. തത്‌ഫ​ല​മാ​യി, “100 എന്ന വർഷമാ​യ​പ്പോ​ഴേ​ക്കും മെഡി​റ്റ​റേ​നി​യൻ കടലിന്റെ അതിർത്തി​യി​ലു​ണ്ടാ​യി​രുന്ന എല്ലാ പ്രവി​ശ്യ​ക​ളി​ലും സാധ്യ​ത​യ​നു​സ​രിച്ച്‌ ഒരു ക്രിസ്‌തീയ സമുദാ​യ​മു​ണ്ടാ​യി​രു​ന്നു.”—മധ്യകാല ചരിത്രം (ഇംഗ്ലീഷ്‌).

² ഇന്ത്യയിൽ ആളുകൾ നിരവധി ഭാഷകൾ സംസാ​രി​ക്കു​ന്നു. മിക്ക​പ്പോ​ഴും, ഒരേ ഭാഷ സംസാ​രി​ക്കുന്ന ആളുകൾ ഒരേ സംസ്ഥാ​നത്ത്‌ കഴിയു​ന്നു. എന്നാലി​പ്പോൾ, പല ഇന്ത്യൻ നഗരങ്ങ​ളും പട്ടണങ്ങ​ളും ബഹുഭാ​ഷാ പ്രദേ​ശങ്ങൾ—നാനാ ഭാഷക്കാ​രായ ആളുകൾ താമസി​ക്കുന്ന പ്രദേ​ശങ്ങൾ—ആയി മാറി​യി​രി​ക്കു​ന്നു. ഭാഷയി​ലുള്ള ഈ വൈവി​ധ്യം മൂലം, അത്തരക്കാ​രു​മാ​യി സംസാ​രി​ക്കു​ന്ന​തും സാക്ഷ്യം കൊടു​ക്കു​ന്ന​തും ചില​പ്പോ​ഴൊ​ക്കെ ഒരു വെല്ലു​വി​ളി​യാണ്‌. വാസ്‌ത​വ​ത്തിൽ, നമ്മുടെ പ്രദേ​ശ​ത്തു​തന്നെ മിഷന​റി​പ്ര​ദേ​ശ​മു​ണ്ടാ​യി​രി​ക്കാം. എല്ലാ ഭാഷക​ളി​ലും മതങ്ങളി​ലു​മുള്ള ആളുക​ളോ​ടു “പ്രസം​ഗി​ച്ചു സാക്ഷീ​ക​രി​പ്പാ​നു”ള്ള യേശു​വി​ന്റെ കൽപ്പന നമു​ക്കെ​ങ്ങനെ പിൻപ​റ്റാം?—പ്രവൃ. 10:42.

മറ്റു ഭാഷകൾ സംസാ​രി​ക്കുന്ന ആളുക​ളോ​ടു സാക്ഷീ​ക​രി​ക്കൽ

³ മിക്കയാ​ളു​ക​ളെ​യും അവരുടെ മാതൃ​ഭാ​ഷ​യിൽ പഠിപ്പി​ക്കു​മ്പോൾ, കൂടുതൽ വേഗത്തിൽ ആഴമായ ഗ്രാഹ്യ​ത്തോ​ടെ അവർ മനസ്സി​ലാ​ക്കു​ന്നു​വെ​ന്ന​തിൽ യാതൊ​രു സംശയ​വു​മില്ല. “സുവി​ശേഷം നിമിത്ത”വും ‘സുവി​ശേ​ഷ​ത്തിൽ പങ്കാളി​ക​ളാ​കേ​ണ്ട​തി​നും’ ലോക​വ്യാ​പ​ക​മാ​യി അനേകം സഹോ​ദ​രീ​സ​ഹോ​ദ​ര​ന്മാർ മറ്റൊരു ഭാഷ വശമാ​ക്കി​യി​രി​ക്കു​ന്നു. (1 കൊരി. 9:23) ഇംഗ്ലീഷ്‌ സംസാ​രി​ക്കുന്ന രാജ്യത്തെ ഒരു സഹോ​ദ​രിക്ക്‌ ചൈനീസ്‌ സംസാ​രി​ക്കുന്ന ഒരു സ്‌ത്രീ​യു​ടെ പക്കൽ വർഷങ്ങ​ളോ​ളം മാസികാ റൂട്ട്‌ ഉണ്ടായി​രു​ന്നു. എങ്കിലും, ചൈനീസ്‌ പഠിച്ചു​കൊ​ണ്ടി​രുന്ന മറ്റൊരു സഹോ​ദരി ആ ഭാഷയി​ലുള്ള ഒരു പുസ്‌തകം അവർക്കു സമർപ്പി​ക്കു​ന്ന​തു​വരെ അവർ ഒരു ബൈബി​ള​ധ്യ​യ​ന​ത്തി​നുള്ള ക്ഷണം നിരസി​ച്ചു. അവർ ആ പുസ്‌തകം സ്വീക​രി​ക്കു​ക​യും ഒരു ബൈബി​ള​ധ്യ​യ​ന​ത്തി​നു സമ്മതി​ക്കു​ക​യും ചെയ്‌തു. ആ സ്‌ത്രീ​യു​ടെ സ്വന്തം ഭാഷയിൽ ഏതാനും വാക്കുകൾ സംസാ​രി​ക്കാൻ രണ്ടാമത്തെ സഹോ​ദരി നടത്തിയ ശ്രമമാ​യി​രു​ന്നു ഈ മാറ്റത്തി​നു കാരണം.—പ്രവൃ​ത്തി​കൾ 22:2 താരത​മ്യം ചെയ്യുക.

⁴ നിങ്ങളു​ടെ പ്രദേ​ശത്തു സാധാ​ര​ണ​മാ​യി സംസാ​രി​ക്കുന്ന ഭാഷയ​ല്ലാ​തെ മറ്റൊരു ഭാഷ നിങ്ങൾക്ക​റി​യാ​മെ​ങ്കിൽ, നിങ്ങളു​ടെ പ്രദേ​ശ​ത്തുള്ള ആ ഭാഷ സംസാ​രി​ക്കുന്ന ആളുകളെ കണ്ടുമു​ട്ടാൻ പ്രത്യേക ലക്ഷ്യം​വെ​ക്കാ​വു​ന്ന​താണ്‌. (മത്താ. 9:37, 38) ഉദാഹ​ര​ണ​ത്തിന്‌, സത്യത്തിൽ വരുന്ന​തി​നു മുമ്പു വിയറ്റ്‌നാ​മീസ്‌ പഠിച്ച ഐക്യ​നാ​ടു​ക​ളി​ലുള്ള ഒരു സഹോ​ദരൻ ആ ഭാഷ സംസാ​രി​ക്കുന്ന ആളുക​ളു​മാ​യി സുവാർത്ത പങ്കു​വെ​ക്കു​ന്ന​തിൽ ഇപ്പോൾ വളരെ സന്തോഷം കണ്ടെത്തു​ന്നു. ആ ഭാഷയി​ലുള്ള തന്റെ അറിവ്‌ സാക്ഷീ​ക​രി​ക്കു​ന്ന​തിൽ കൂടുതൽ ഉപയോ​ഗ​പ്ര​ദ​മാ​ക്കാ​നാ​യി അദ്ദേഹം സകുടും​ബം രാജ്യ​ത്തി​നു കുറുകെ യാത്ര​ചെയ്‌ത്‌ ആവശ്യം കൂടു​ത​ലുള്ള വിയറ്റ്‌നാ​മീസ്‌ വയലി​ലേക്കു മാറി​ത്താ​മ​സി​ച്ചു. തന്മൂലം, വിയറ്റ്‌നാ​മിൽ നിന്നുള്ള നിരവ​ധി​യാ​ളു​ക​ളു​മൊ​ത്തു ബൈബിൾ പഠിക്കു​ന്ന​തിൽ അദ്ദേഹ​ത്തി​നു നല്ല വിജയ​മുണ്ട്‌.

⁵ ഒരു പയനിയർ സഹോ​ദരി തന്റെ പ്രദേ​ശത്ത്‌ ബധിര​രായ അനേക​മാ​ളു​കളെ കണ്ടുമു​ട്ടി. അവരെ സത്യം പഠിപ്പി​ക്കേ​ണ്ട​തിന്‌ തന്നെ ആംഗ്യ​ഭാഷ പഠിപ്പി​ക്കാൻ കഴിയുന്ന ഒരാളെ കണ്ടെത്താൻ യഹോ​വ​യു​ടെ സഹായ​ത്തി​നാ​യി ആ സഹോ​ദരി പ്രാർഥി​ച്ചു. ഒരു ദിവസം അടുത്തുള്ള സൂപ്പർമാർക്ക​റ്റിൽനിന്ന്‌ സാധനം വാങ്ങവേ, ഒരു സാധനം വാങ്ങാൻ തന്നെ സഹായി​ക്കാ​മോ​യെന്ന്‌ എഴുതിയ ഒരു കുറി​പ്പു​മാ​യി ബധിര​യായ ഒരു യുവതി ഈ സഹോ​ദ​രി​യെ സമീപി​ച്ചു. ആ യുവതി​യെ സഹായി​ച്ച​ശേഷം, അവി​ടെ​യുള്ള ബധിരരെ സഹായി​ക്കാ​നാ​യി ആംഗ്യ​ഭാഷ പഠിക്കാ​നുള്ള തന്റെ അതിയായ ആഗ്രഹം ഈ പയനിയർ ഒരു കുറി​പ്പി​ലൂ​ടെ പ്രകടി​പ്പി​ച്ചു. ആ യുവതി അപ്പോൾ ഇങ്ങനെ എഴുതി​ച്ചോ​ദി​ച്ചു, “എന്തു​കൊ​ണ്ടാണ്‌ ബധിരരെ സഹായി​ക്കാൻ നിങ്ങൾ ആഗ്രഹി​ക്കു​ന്നത്‌?” തുടർന്ന്‌ സഹോ​ദരി ഇങ്ങനെ എഴുതി​ക്കൊ​ടു​ത്തു: “ഞാനൊ​രു യഹോ​വ​യു​ടെ സാക്ഷി​യാണ്‌. ബൈബിൾ പഠിക്കാൻ ബധിരരെ സഹായി​ക്കു​ന്ന​തിന്‌ എനിക്കാ​ഗ്ര​ഹ​മുണ്ട്‌. എന്നെ ആംഗ്യ​ഭാഷ പഠിപ്പി​ക്കു​ക​യാ​ണെ​ങ്കിൽ നിങ്ങളെ ഞാൻ ബൈബിൾ പഠിപ്പി​ക്കാം.” സഹോ​ദരി പറയുന്നു: “താൻ ‘തയ്യാറാ’ണെന്ന്‌ അവൾ വ്യക്തമാ​ക്കി​യ​പ്പോൾ എനിക്കു​ണ്ടായ സന്തോഷം പറഞ്ഞറി​യി​ക്കാൻ വയ്യ.” ആറാഴ്‌ച​ത്തേക്ക്‌ എല്ലാ വൈകു​ന്നേ​ര​വും സഹോ​ദരി ആ സ്‌ത്രീ​യു​ടെ വീട്ടിൽ പോയി. അങ്ങനെ സഹോ​ദരി ആംഗ്യ​ഭാഷ പഠിച്ചു, ബധിര​യായ ആ സ്‌ത്രീ സത്യം പഠിച്ച്‌ സ്‌നാ​പ​ന​മേറ്റു! അതു സംഭവി​ച്ചത്‌ 30-ലധികം വർഷം മുമ്പാ​യി​രു​ന്നു. ആ പയനിയർ സഹോ​ദരി ഇപ്പോ​ഴും ബധിര​രോ​ടു സാക്ഷീ​ക​രി​ക്കു​ന്നു.

⁶ നിങ്ങളു​ടെ പ്രദേശം പൂർണ​മാ​യി പ്രവർത്തി​ച്ചു​തീർക്കു​ന്ന​താ​യി​രി​ക്കു​ക​യും കുറച്ചു സാക്ഷികൾ മാത്ര​മുള്ള ഒരു പ്രദേ​ശത്തെ സംസാ​ര​ഭാഷ നിങ്ങൾക്ക​റി​യാ​മാ​യി​രി​ക്കു​ക​യും ആ മേഖല​യി​ലേക്കു സ്വമേ​ധയാ മാറി​ത്താ​മ​സി​ക്കാൻ ആഗ്രഹ​വും പ്രാപ്‌തി​യും നിങ്ങൾക്കു​ണ്ടാ​യി​രി​ക്കു​ക​യും ചെയ്യു​ന്ന​പക്ഷം, സഭയിലെ മൂപ്പന്മാ​രു​മാ​യി അക്കാര്യം ചർച്ച​ചെ​യ്യ​രു​തോ? നിങ്ങൾ യോഗ്യ​നാ​ണെന്ന്‌ അവർ കരുതു​ന്ന​പക്ഷം, നിങ്ങൾക്കൊ​രു കത്തെഴു​തി മൂപ്പന്മാ​രെ ഏൽപ്പി​ക്കാ​വു​ന്ന​താണ്‌. നിങ്ങളു​ടെ യോഗ്യ​ത​ക​ളെ​യും ഭാഷാ​പ​രി​ജ്ഞാ​ന​ത്തെ​യും കുറിച്ച്‌ തങ്ങളുടെ അഭി​പ്രാ​യം എഴുതിയ ഒരു കത്തുസ​ഹി​തം മൂപ്പന്മാർക്ക്‌ അത്‌ സൊ​സൈ​റ്റിക്ക്‌ അയയ്‌ക്കാ​വു​ന്ന​താണ്‌.—1988 ആഗസ്റ്റ്‌ 15-ലെ ഇംഗ്ലീഷ്‌ വീക്ഷാ​ഗോ​പു​ര​ത്തി​ന്റെ 21-3 പേജുകൾ കാണുക.

⁷ പ്രദാനം ചെയ്യ​പ്പെ​ട്ടി​രി​ക്കുന്ന ഉപകര​ണങ്ങൾ പ്രയോ​ജ​ന​പ്പെ​ടു​ത്തൽ: നമ്മുടെ സാഹി​ത്യം നിരവധി ഭാഷക​ളിൽ ലഭ്യമാണ്‌. നിങ്ങളു​ടെ പ്രദേ​ശത്തു സംസാ​രി​ക്കുന്ന എല്ലാ ഭാഷക​ളി​ലു​മുള്ള ലഘു​ലേ​ഖ​ക​ളോ ആവശ്യം ലഘുപ​ത്രി​ക​യോ മറ്റേ​തെ​ങ്കി​ലും ലഘുപ​ത്രി​ക​ക​ളോ കരുതു​ന്നത്‌ ഫലപ്ര​ദ​മാ​യി​രി​ക്കും. ഒരു വ്യക്തി​യു​ടെ സ്വന്തം ഭാഷ പ്രാ​ദേ​ശി​ക​മാ​യി സംസാ​രി​ക്കുന്ന ഭാഷയ​ല്ലെന്നു വ്യക്തമാ​ണെ​ങ്കിൽ ഏതു ഭാഷ വായി​ക്കാ​നാണ്‌ ഇഷ്ടപ്പെ​ടു​ന്ന​തെന്ന്‌ അദ്ദേഹ​ത്തോ​ടു ചോദി​ക്കുക. തുടർന്ന്‌, സാധ്യ​മെ​ങ്കിൽ ആ ഭാഷയി​ലുള്ള സാഹി​ത്യം പരിച​യ​പ്പെ​ടു​ത്തുക.

⁸ സാക്ഷീ​കരണ വേലയിൽ ഏർപ്പെ​ട്ടി​രി​ക്കെ കണ്ടുമു​ട്ടുന്ന ഒരാളു​ടെ ഭാഷ നിങ്ങൾക്ക്‌ സംസാ​രി​ക്കാ​ന​റി​യി​ല്ലെ​ങ്കിൽപ്പോ​ലും അദ്ദേഹ​വു​മാ​യി സുവാർത്ത പങ്കു​വെ​ക്കാ​നാ​കും. എങ്ങനെ? സകല ജനതകൾക്കു​മുള്ള സുവാർത്ത എന്ന ചെറു​പുസ്‌തകം ഉപയോ​ഗി​ച്ചു​കൊണ്ട്‌. ഇതിൽ 59 ഭാഷക​ളിൽ അച്ചടിച്ച ഹ്രസ്വ​മായ സന്ദേശ​മുണ്ട്‌. ചെറു​പുസ്‌ത​ക​ത്തി​ന്റെ 2-ാം പേജി​ലുള്ള നിർദേ​ശങ്ങൾ വിശദ​മാ​ക്കു​ന്ന​തു​പോ​ലെ, വീട്ടു​കാ​രന്റെ ഭാഷ ഏതെന്നു തിട്ട​പ്പെ​ടു​ത്തി​യ​ശേഷം അദ്ദേഹ​ത്തി​ന്റെ ഭാഷയിൽ അച്ചടി​ച്ചി​രി​ക്കുന്ന വിവരം ചെറു​പുസ്‌ത​ക​ത്തിൽനിന്ന്‌ അദ്ദേഹം​തന്നെ വായി​ക്കട്ടെ. വായിച്ച ശേഷം അദ്ദേഹ​ത്തി​ന്റെ ഭാഷയി​ലുള്ള ഒരു സാഹി​ത്യം കാണി​ക്കുക. ആ ഭാഷയി​ലുള്ള ഒരെണ്ണം നിങ്ങളു​ടെ പക്കലി​ല്ലാ​ത്ത​പക്ഷം ആ പ്രസി​ദ്ധീ​ക​ര​ണ​ത്തി​ന്റെ മറ്റേ​തെ​ങ്കി​ലും ഭാഷക​ളി​ലുള്ള ഒരു പ്രതി കാണി​ക്കുക. അദ്ദേഹ​ത്തി​ന്റെ ഭാഷയി​ലുള്ള ഒരു പ്രതി​യു​മാ​യി മടങ്ങി​വ​രാൻ ശ്രമി​ക്കു​മെന്നു സൂചി​പ്പി​ക്കുക. അദ്ദേഹ​ത്തി​ന്റെ പേരും മേൽവി​ലാ​സ​വും കുറി​ച്ചെ​ടു​ക്കുക. ഒരുപക്ഷേ, ആ ഭാഷ സംസാ​രി​ക്കു​ന്ന​വ​രാ​യി നിങ്ങളു​ടെ സഭയി​ലുള്ള മറ്റാർക്കെ​ങ്കി​ലും ഈ വിവരം കൈമാ​റാൻ നിങ്ങൾക്കു സാധി​ച്ചേ​ക്കും. മടക്കസ​ന്ദർശനം നടത്താൻ പ്രസ്‌തുത ഭാഷ സംസാ​രി​ക്കുന്ന ആരുമി​ല്ലെ​ങ്കിൽ, വെല്ലു​വി​ളി സ്വീക​രി​ക്കാൻ നിങ്ങൾക്കു കഴി​ഞ്ഞേ​ക്കും. ഒരുപക്ഷേ നിങ്ങളു​ടെ ഭാഷയി​ലുള്ള പ്രസി​ദ്ധീ​ക​രണം നോക്കി ആ വ്യക്തി​യു​മൊ​ത്തു പഠിച്ചു​കൊ​ണ്ടു​പോ​ലും.—1 കൊരി. 9:19-23.

അ​ക്രൈസ്‌തവ മതസ്ഥ​രോട്‌ സാക്ഷീ​ക​രി​ക്കൽ

⁹ ഒരു വ്യക്തി​യു​ടെ മതപശ്ചാ​ത്ത​ല​ത്തെ​ക്കു​റിച്ച്‌ കുറെ​യൊ​ക്കെ അറിഞ്ഞി​രി​ക്കു​ന്നത്‌ ദൈവ​രാ​ജ്യ​ത്തെ​ക്കു​റി​ച്ചു ഫലപ്ര​ദ​മായ ഒരു സാക്ഷ്യം കൊടു​ക്കാൻ നമ്മെ സഹായി​ക്കും. സത്യത്തി​ന്റെ പരിജ്ഞാ​ന​ത്തി​ലേക്കു വരുന്ന​തിന്‌ ആളുകളെ സഹായി​ക്ക​ത്ത​ക്ക​വണ്ണം അവരുടെ വിശ്വാ​സ​ങ്ങ​ളെ​ക്കു​റിച്ച്‌ മനസ്സി​ലാ​ക്കാ​നാ​യി ദൈവ​ത്തി​നു​വേ​ണ്ടി​യുള്ള മനുഷ്യ​വർഗ​ത്തി​ന്റെ അന്വേ​ഷണം (ഇംഗ്ലീഷ്‌) എന്ന പുസ്‌തകം ലോക​ത്തി​ലെ പ്രമുഖ മതങ്ങ​ളെ​ക്കു​റിച്ച്‌ നമുക്ക്‌ ഉൾക്കാഴ്‌ച പ്രദാനം ചെയ്യുന്നു.

¹⁰ അ​ക്രൈസ്‌ത​വ​രോ​ടു സാക്ഷീ​ക​രി​ക്കു​മ്പോൾ ഉപയോ​ഗി​ക്കാ​നാ​യി യഹോ​വ​യു​ടെ സ്ഥാപനം പ്രദാനം ചെയ്‌തി​രി​ക്കുന്ന ചില പ്രസി​ദ്ധീ​ക​ര​ണ​ങ്ങ​ളു​ടെ ഒരു പട്ടിക ഈ അനുബ​ന്ധ​ത്തി​ന്റെ അവസാന പേജി​ലുള്ള ചതുര​ത്തിൽ കൊടു​ത്തി​രി​ക്കു​ന്നു. ആ പ്രസി​ദ്ധീ​ക​ര​ണങ്ങൾ വായി​ക്കു​ക​വഴി സുവാർത്ത​യു​മാ​യി ആളുകളെ എങ്ങനെ സമീപി​ക്കാ​മെന്നു നാം മനസ്സി​ലാ​ക്കു​ന്നു. സഹായ​ക​മായ ഒരു ഉപകര​ണ​മെന്ന നിലയിൽ ന്യായ​വാ​ദം പുസ്‌തകം എല്ലായ്‌പോ​ഴും ഉപയോ​ഗി​ക്കുക. അതിന്റെ 21-4 പേജു​ക​ളിൽ ബുദ്ധമ​ത​ക്കാർ, ഹിന്ദുക്കൾ, യഹൂദ​ന്മാർ, മുസ്ലീങ്ങൾ എന്നിവ​രോ​ടു പ്രതി​ക​രി​ക്കേ​ണ്ട​വി​ധം സംബന്ധിച്ച്‌ പ്രാ​യോ​ഗി​ക​മായ നിർദേ​ശങ്ങൾ കൊടു​ത്തി​രി​ക്കു​ന്നു.

¹¹ ശ്രദ്ധാ​പൂർവം സംസാ​രി​ക്കൽ: ഒരുവന്റെ വ്യക്തി​പ​ര​മായ വിശ്വാ​സങ്ങൾ അതേ മതത്തി​ലുള്ള മറ്റുള്ള​വ​രു​ടേ​തി​നോ​ടു സമാന​മാ​ണെന്ന്‌ മുദ്ര​കു​ത്തി ആളുകളെ വീക്ഷി​ക്കാ​തി​രി​ക്കാൻ നാം ദത്തശ്രദ്ധ പുലർത്തണം. പകരം നിങ്ങൾ സംസാ​രി​ക്കുന്ന വ്യക്തി ചിന്തി​ക്കു​ന്ന​തെ​ങ്ങ​നെ​യെന്നു കണ്ടെത്താൻ ശ്രമി​ക്കുക. (പ്രവൃ. 10:24-35) ഒരു മുസ്ലീം എന്നനി​ല​യിൽ, ഖുറാൻ ദൈവ​വ​ച​ന​മാ​ണെന്നു വിശ്വ​സി​ച്ചു​കൊ​ണ്ടാ​യി​രു​ന്നു സാലി​മുൺ വളർന്നു​വ​ന്നത്‌. എന്നാൽ സർവദ​യാ​ലു​വായ ദൈവം ആളുകളെ ഒരു അഗ്നിന​ര​ക​ത്തി​ലി​ട്ടു ദണ്ഡിപ്പി​ക്കു​മെന്ന മുസ്ലീം പഠിപ്പി​ക്കൽ അദ്ദേഹ​ത്തിന്‌ ഒരിക്ക​ലും പൂർണ​മാ​യി ഉൾക്കൊ​ള്ളാ​നാ​യില്ല. ഒരിക്കൽ യഹോ​വ​യു​ടെ സാക്ഷികൾ അദ്ദേഹത്തെ ഒരു യോഗ​ത്തി​നു ക്ഷണിച്ചു. പെട്ടെ​ന്നു​തന്നെ സത്യം മനസ്സി​ലാ​ക്കിയ അദ്ദേഹം ഇപ്പോൾ ക്രിസ്‌തീയ സഭയിൽ ഒരു മൂപ്പനെന്ന നിലയിൽ സന്തോ​ഷ​പൂർവം സേവി​ക്കു​ന്നു.

¹² അ​ക്രൈസ്‌തവ വിശ്വാ​സ​ങ്ങ​ളു​ള്ള​വ​രോ​ടു സാക്ഷീ​ക​രി​ക്കു​മ്പോൾ, സുവാർത്ത​യെ​ക്കു​റിച്ച്‌ സംസാ​രി​ക്കാ​നുള്ള അവസരം നമ്മുടെ സമീപ​ന​ത്തി​ലൂ​ടെ നഷ്ടമാ​കാ​തി​രി​ക്കാൻ നാം ജാഗ്ര​ത​യു​ള്ള​വ​രാ​യി​രി​ക്കണം. (പ്രവൃ. 24:16) ചില മതാനു​യാ​യി​കൾ അവരെ ‘മതംമാ​റ്റാ​നുള്ള’ ഏതൊരു ശ്രമ​ത്തോ​ടും വളരെ കോപ​ത്തോ​ടെ പ്രതി​ക​രി​ക്കു​ന്നു. ആയതി​നാൽ, ദൈവ​വ​ച​ന​ത്തി​ന്റെ ആകമാന സത്യത്തി​ലേക്ക്‌ അവരെ ആകർഷി​ക്ക​ത്ത​ക്ക​വണ്ണം പൊതു​വായ ഒരു അടിത്ത​റ​യി​ടാ​നാ​യി നിങ്ങൾ കണ്ടെത്തുന്ന ആശയങ്ങൾ സംബന്ധിച്ച്‌ വളരെ ശ്രദ്ധയു​ള്ള​വ​രാ​യി​രി​ക്കുക. ചെമ്മരി​യാ​ടു​തു​ല്യ​രായ ആളുകൾ സത്യത്തി​ന്റെ നയപര​മായ സമീപ​ന​ത്തോ​ടും വ്യക്തമായ അവതര​ണ​ത്തോ​ടും പ്രതി​ക​രി​ക്കും.

¹³ നാം ഉപയോ​ഗി​ക്കുന്ന വാക്കു​ക​ളും പ്രത്യേക ശ്രദ്ധയർഹി​ക്കു​ന്നു. അല്ലാത്ത​പക്ഷം നാം നമ്മുടെ സന്ദേശ​ത്തിൽ നിന്ന്‌ അവരെ അകറ്റി​ക്ക​ള​യു​ക​യാ​യി​രി​ക്കും ചെയ്യു​ന്നത്‌. ഉദാഹ​ര​ണ​ത്തിന്‌, നിങ്ങൾ പെട്ടെന്ന്‌ ഒരു ക്രിസ്‌ത്യാ​നി​യാ​യി തിരി​ച്ച​റി​യി​ക്കു​ന്ന​പക്ഷം ശ്രോ​താവ്‌ ക്രൈസ്‌ത​വ​ലോ​ക​ത്തി​ലെ സഭകളു​മാ​യി നിങ്ങളെ സ്വതവേ ബന്ധപ്പെ​ടു​ത്തി​യേ​ക്കാം. അതൊരു തടസ്സം സൃഷ്ടി​ച്ചേ​ക്കാം. ബൈബി​ളി​നെ “തിരു​വെ​ഴു​ത്തു​കൾ” എന്നോ “വിശുദ്ധ ലിഖി​തങ്ങൾ” എന്നോ പരാമർശി​ക്കു​ന്ന​തും പ്രയോ​ജ​ന​പ്ര​ദ​മാ​യി​രി​ക്കും.—മത്താ. 21:42; 2 തിമൊ. 3:15, NW.

¹⁴ ബുദ്ധമ​ത​ക്കാ​രോ​ടു സാക്ഷീ​ക​രി​ക്കൽ: (ദൈവ​ത്തി​നു​വേ​ണ്ടി​യുള്ള മനുഷ്യ​വർഗ​ത്തി​ന്റെ അന്വേ​ഷണം പുസ്‌ത​ക​ത്തി​ന്റെ 6-ാം അധ്യായം കാണുക.) ബുദ്ധമത വിശ്വാ​സങ്ങൾ അതിന്റെ അനുയാ​യി​കൾ തോറും വ്യത്യസ്‌ത​മാണ്‌. വ്യക്തി​ത്വ​മുള്ള ഒരു സ്രഷ്ടാ​വി​ന്റെ അസ്‌തി​ത്വ​ത്തെ പിന്താ​ങ്ങു​ന്ന​തി​നു പകരം ബുദ്ധമതം പൊ.യു.മു. ആറാം നൂറ്റാ​ണ്ടിൽ ജീവി​ച്ചി​രുന്ന ഗൗതമ​ബു​ദ്ധനെ ഒരു ആദർശ മതപു​രു​ഷ​നാ​യി കണക്കാ​ക്കു​ന്നു. ആദ്യമാ​യി ഒരു രോഗി​യെ​യും ഒരു വൃദ്ധ​നെ​യും ഒരു മൃത​ദേ​ഹ​ത്തെ​യും കണ്ടപ്പോൾ ഗൗതമൻ ജീവി​ത​ത്തി​ന്റെ അർഥ​ത്തെ​ക്കു​റി​ച്ചു വ്യഥി​ത​നാ​യി. ‘മനുഷ്യൻ ജനിക്കു​ന്നതു യാതന അനുഭ​വി​ക്കാ​നും വൃദ്ധനാ​കാ​നും മരിക്കാ​നും മാത്ര​മാ​ണോ?’ എന്ന്‌ അദ്ദേഹം അത്ഭുത​പ്പെട്ടു. തീർച്ച​യാ​യും, ഉത്തരം അറിയാ​നാ​ഗ്ര​ഹി​ക്കുന്ന ആത്മാർഥ​ഹൃ​ദ​യ​രായ ബുദ്ധമ​താ​നു​യാ​യി​കൾക്ക്‌ ഉത്തരം കൊടു​ക്കാൻ നമുക്കാ​കും.

¹⁵ ബുദ്ധമ​താ​നു​യാ​യി​ക​ളോ​ടു സംസാ​രി​ക്കു​മ്പോൾ സകല വിശുദ്ധ ഗ്രന്ഥങ്ങ​ളി​ലും​വെച്ച്‌ ഏറ്റവും മഹത്തായ ബൈബി​ളിൽ കാണുന്ന ക്രിയാ​ത്മക സന്ദേശ​ത്തോ​ടും വ്യക്തമായ സത്യങ്ങ​ളോ​ടും പറ്റിനിൽക്കുക. മിക്കവ​രെ​യും​പോ​ലെ ബുദ്ധമ​താ​നു​യാ​യി​കൾ സമാധാ​ന​ത്തി​ലും ധാർമി​ക​ത​യി​ലും കുടും​ബ​ജീ​വി​ത​ത്തി​ലും ആഴമായി തത്‌പ​ര​രാണ്‌. ഈ വിഷയ​ങ്ങ​ളെ​ക്കു​റി​ച്ചു ചർച്ച​ചെ​യ്യു​ന്നത്‌ അവർ മിക്ക​പ്പോ​ഴും സ്വാഗതം ചെയ്യുന്നു. ഇതിന്‌ മനുഷ്യ​വർഗം അഭിമു​ഖീ​ക​രി​ക്കുന്ന പ്രശ്‌ന​ങ്ങൾക്കുള്ള യഥാർഥ പരിഹാ​രം എന്നനി​ല​യിൽ നിങ്ങൾ വിശേ​ഷ​വത്‌ക​രി​ക്കുന്ന രാജ്യ​ത്തി​ലേക്കു നയിക്കാ​നാ​കും. ഒരു പലചര​ക്കു​ക​ട​യിൽവെച്ച്‌ ചൈനാ​ക്കാ​ര​നായ ഒരുവനെ കണ്ടുമു​ട്ടി​യ​പ്പോൾ ഒരു സഹോ​ദരി അദ്ദേഹ​ത്തി​ന്റെ ഭാഷയി​ലുള്ള ഒരു ലഘുലേഖ കൊടു​ത്തിട്ട്‌ ബൈബി​ള​ധ്യ​യനം വാഗ്‌ദാ​നം ചെയ്‌തു. അദ്ദേഹം ഇങ്ങനെ പറഞ്ഞു: “നിങ്ങൾ സൂചി​പ്പി​ക്കു​ന്നതു വിശുദ്ധ ബൈബി​ളി​നെ​യാ​ണോ? എന്റെ ജീവിതം മുഴു​വ​നും ഞാനതി​നാ​യി അന്വേ​ഷി​ച്ചു​കൊ​ണ്ടി​രി​ക്കു​ക​യാണ്‌.” അദ്ദേഹം ആ ആഴ്‌ച​തന്നെ പഠിക്കാ​നും യോഗ​ങ്ങൾക്കു ഹാജരാ​കാ​നും തുടങ്ങി.

¹⁶ മറ്റൊരു പയനിയർ സഹോ​ദരി പത്തു വർഷത്തി​ലേ​റെ​യാ​യി ചൈന​ക്കാ​രായ വിദ്യാർഥി​കളെ സത്യം പഠിപ്പി​ക്കു​ക​യാ​യി​രു​ന്നു. എട്ട്‌ അപ്പാർട്ടു​മെൻറു​ക​ളു​ള്ള​തും ഈ വിദ്യാർഥി​കൾ താമസി​ക്കു​ന്ന​തു​മായ ഒരു കെട്ടി​ട​ത്തിൽ സാക്ഷീ​ക​രി​ക്കു​ന്ന​തി​നു മുമ്പ്‌, ഓരോ അപ്പാർട്ടു​മെൻറി​ലും ഓരോ അധ്യയനം തുടങ്ങാൻ സഹായി​ക്ക​ണ​മെന്ന്‌ അവർ യഹോ​വ​യോ​ടു പ്രാർഥി​ച്ചു. രണ്ടാഴ്‌ചയ്‌ക്കു​ള്ളിൽ ഓരോ അപ്പാർട്ടു​മെൻറി​ലു​മുള്ള ഓരോ വിദ്യാർഥി​യോ​ടൊ​പ്പം അവർ അധ്യയ​ന​മാ​രം​ഭി​ച്ചു. ആ സഹോ​ദ​രി​യെ സംബന്ധി​ച്ചി​ട​ത്തോ​ളം ഫലപ്ര​ദ​മെന്നു തെളിഞ്ഞ ഒരു സമീപനം, വിദ്യാർഥി​കൾക്കി​ട​യിൽ പൊതു​വേ താത്‌പ​ര്യ​മുള്ള ഒരു കാര്യം അതായത്‌, അവരെ​ല്ലാം സമാധാ​ന​വും സന്തുഷ്ടി​യും ആഗ്രഹി​ക്കു​ന്ന​താ​യി താൻ കണ്ടെത്തി​യി​രി​ക്കു​ന്നു​വെന്നു പറയു​ന്ന​താ​യി​രു​ന്നു. അതിനു​ശേഷം, അവരുടെ താത്‌പ​ര്യ​വും അതുത​ന്നെ​യാ​ണോ എന്ന്‌ സഹോ​ദരി ചോദി​ക്കും. എല്ലായ്‌പോ​ഴും അവർ അനുകൂ​ലി​ക്കു​ന്നു. തുടർന്ന്‌ ചൈന​ക്കാ​രായ ആളുകൾക്കു​വേണ്ടി രൂപകൽപ്പന ചെയ്‌തി​രി​ക്കുന്ന നിലനിൽക്കുന്ന സമാധാ​ന​വും സന്തുഷ്ടി​യും—അവ കണ്ടെത്താ​നാ​കുന്ന വിധം എന്ന ലഘുപ​ത്രി​ക​യി​ലേക്ക്‌ അവരുടെ ശ്രദ്ധ ക്ഷണിക്കു​ന്നു. കേവലം അഞ്ച്‌ അധ്യയന സെഷനു​കൾ കഴിഞ്ഞ​പ്പോൾ, താൻ ദീർഘ​കാ​ല​മാ​യി തേടി​ക്കൊ​ണ്ടി​രി​ക്കു​ക​യാ​യി​രുന്ന സത്യം ഇപ്പോൾ കണ്ടെത്തി​യി​രി​ക്കു​ന്നു​വെന്ന്‌ ഒരു വിദ്യാർഥി ആ സഹോ​ദ​രി​യോ​ടു പറഞ്ഞു.

¹⁷ ഹിന്ദു​ക്ക​ളോ​ടു സാക്ഷീ​ക​രി​ക്കൽ: (ദൈവ​ത്തി​നു​വേ​ണ്ടി​യുള്ള മനുഷ്യ​വർഗ​ത്തി​ന്റെ അന്വേ​ഷണം പുസ്‌ത​ക​ത്തി​ന്റെ 5-ാം അധ്യായം കാണുക.) നമ്മിൽ മിക്കവർക്കും അറിയാ​വു​ന്ന​തു​പോ​ലെ ഹിന്ദു​മ​ത​ത്തി​നു പ്രത്യേക വിശ്വാ​സ​പ്ര​മാ​ണ​മൊ​ന്നു​മില്ല. ഹൈന്ദവ തത്ത്വചിന്ത വളരെ സങ്കീർണ​മാണ്‌. തങ്ങളുടെ മുഖ്യ​ദൈ​വ​മായ ബ്രഹ്മാ​വി​നെ ഒരു ത്രിത്വ​മാ​യാണ്‌ (സ്രഷ്ടാ​വായ ബ്രഹ്മാവ്‌, പരിപാ​ല​ക​നായ വിഷ്‌ണു, സംഹാ​ര​ക​നായ ശിവൻ) ഹിന്ദുക്കൾ കണക്കാ​ക്കു​ന്നത്‌. പുനർജ​ന്മ​മെന്ന അവരുടെ പഠിപ്പി​ക്ക​ലി​ന്റെ അടിസ്ഥാ​നം അമർത്ത്യ​ദേ​ഹി​യി​ലുള്ള വിശ്വാ​സ​മാണ്‌. അത്‌ ഹിന്ദു​ക്കൾക്ക്‌ ജീവി​ത​ത്തെ​ക്കു​റി​ച്ചുള്ള വിധി​വി​ശ്വാ​സ​ത്തി​നു കാരണ​മാ​കു​ന്നു. (ന്യായ​വാ​ദം പുസ്‌ത​ക​ത്തി​ന്റെ 317-21 പേജു​ക​ളും 1997 മേയ്‌ 15-ലെ വീക്ഷാ​ഗോ​പു​ര​ത്തി​ന്റെ 3-8 പേജു​ക​ളും കാണുക.) ഹിന്ദുക്കൾ സഹിഷ്‌ണുത അതായത്‌, എല്ലാ മതങ്ങളും ഒരേ സത്യത്തി​ലേക്കു നയിക്കു​ന്നു​വെന്നു പഠിപ്പി​ക്കു​ന്നു.

¹⁸ ഹൈന്ദവ തത്ത്വചി​ന്ത​യെ​ക്കു​റിച്ച്‌ സുദീർഘ​മാ​യി ചർച്ച​ചെ​യ്യു​ന്ന​തി​നു പകരം, ഭൂമി​യിൽ മാനുഷ പൂർണ​ത​യിൽ എന്നേക്കും ജീവി​ക്കാ​നുള്ള നമ്മുടെ ബൈബി​ള​ധിഷ്‌ഠിത പ്രത്യാ​ശ​യും അതു​പോ​ലെ​തന്നെ മുഴു മനുഷ്യ​വർഗ​വും അഭിമു​ഖീ​ക​രി​ക്കുന്ന പ്രധാ​ന​പ്പെട്ട ചോദ്യ​ങ്ങൾക്കുള്ള ബൈബി​ളി​ന്റെ സംതൃപ്‌തി​ദാ​യ​ക​മായ ഉത്തരങ്ങ​ളും ചർച്ച​ചെ​യ്യുന്ന ഒരു സമീപനം ഹിന്ദു​ക്ക​ളോ​ടു സാക്ഷീ​ക​രി​ക്കു​മ്പോൾ ഉപയോ​ഗി​ക്കാ​വു​ന്ന​താണ്‌.

¹⁹ യഹൂദ​ന്മാ​രോ​ടു സാക്ഷീ​ക​രി​ക്കൽ: (ദൈവ​ത്തി​നു​വേ​ണ്ടി​യുള്ള മനുഷ്യ​വർഗ​ത്തി​ന്റെ അന്വേ​ഷണം പുസ്‌ത​ക​ത്തി​ന്റെ 9-ാം അധ്യായം കാണുക.) മറ്റ്‌ അ​ക്രൈസ്‌തവ മതങ്ങളിൽനി​ന്നു വ്യത്യസ്‌ത​മാ​യി, യഹൂദ​മതം അധിഷ്‌ഠി​ത​മാ​യി​രി​ക്കു​ന്നത്‌ ഐതി​ഹ്യ​ങ്ങ​ളി​ലല്ല, പിന്നെ​യോ ചരി​ത്ര​ത്തി​ലാണ്‌. നിശ്വസ്‌ത എബ്രായ തിരു​വെ​ഴു​ത്തു​ക​ളിൽ, ദൈവ​ത്തി​നു​വേ​ണ്ടി​യുള്ള മനുഷ്യ​വർഗ​ത്തി​ന്റെ അന്വേ​ഷ​ണ​ത്തി​നുള്ള അടിസ്ഥാ​ന​മായ ഒരു കണ്ണി പ്രദാനം ചെയ്യ​പ്പെ​ടു​ന്നു. എന്നിരു​ന്നാ​ലും, ദൈവ​വ​ച​ന​ത്തി​നു വിരു​ദ്ധ​മാ​യി, അമർത്ത്യ​ദേ​ഹി​യി​ലുള്ള വിശ്വാ​സം ആധുനിക യഹൂദ​മ​ത​ത്തി​ന്റെ ഒരു അടിസ്ഥാന പഠിപ്പി​ക്ക​ലാണ്‌. നാം ആരാധി​ക്കു​ന്നത്‌ അബ്രാ​ഹാ​മി​ന്റെ ദൈവ​ത്തെ​യാ​ണെന്നു സ്ഥിരീ​ക​രി​ച്ചു​കൊ​ണ്ടും ഇന്നത്തെ ലോക​ത്തിൽ നാമെ​ല്ലാ​വ​രും ഒരേ പ്രശ്‌ന​ങ്ങൾതന്നെ അഭിമു​ഖീ​ക​രി​ക്കു​ന്നെന്നു സമ്മതി​ച്ചു​കൊ​ണ്ടും നമുക്ക്‌ പൊതു​വായ ഒരു അടിത്തറ പാകാ​വു​ന്ന​താണ്‌.

²⁰ അത്ര ദൈവ​വി​ശ്വാ​സ​മി​ല്ലാത്ത ഒരു യഹൂദനെ കണ്ടുമു​ട്ടു​ക​യാ​ണെ​ങ്കിൽ, എന്നും അദ്ദേഹ​ത്തി​ന്റെ മനോ​ഭാ​വം അങ്ങനെ​ത​ന്നെ​യാ​യി​രു​ന്നു​വോ എന്നു ചോദി​ക്കു​ന്നത്‌ അദ്ദേഹ​ത്തിന്‌ ഏറ്റവും ആകർഷ​ക​മാ​യി​രി​ക്കു​ന്നത്‌ എന്താ​ണെന്നു വിവേ​ചി​ക്കാൻ നിങ്ങളെ സഹായി​ച്ചേ​ക്കും. ഉദാഹ​ര​ണ​ത്തിന്‌, ദൈവം ദുഷ്ടത അനുവ​ദി​ച്ചി​രി​ക്കു​ന്നത്‌ എന്തു​കൊ​ണ്ടെ​ന്ന​തി​നുള്ള തൃപ്‌തി​ക​ര​മായ ഒരു വിശദീ​ക​രണം അദ്ദേഹം ഒരിക്ക​ലും കേട്ടി​ട്ടു​ണ്ടാ​യി​രി​ക്കു​ക​യില്ല. യേശു​വി​നെ​ക്കു​റി​ച്ചുള്ള ക്രൈസ്‌ത​വ​ലോ​ക​ത്തി​ന്റെ തെറ്റായ അവതരി​പ്പി​ക്ക​ലി​ലൂ​ടെയല്ല, മറിച്ച്‌ ഗ്രീക്കു​തി​രു​വെ​ഴു​ത്തു​ക​ളു​ടെ യഹൂദ​രായ എഴുത്തു​കാർ അവനെ അവതരി​പ്പി​ക്കു​ന്ന​തി​ലൂ​ടെ ആത്മാർഥ ഹൃദയ​രായ യഹൂദ​ന്മാ​രെ മിശിഹാ എന്നനി​ല​യി​ലുള്ള യേശു​വി​ന്റെ താദാ​ത്മ്യം പുനഃ​പ​രി​ശോ​ധി​ക്കാൻ പ്രോ​ത്സാ​ഹി​പ്പി​ക്കാ​വു​ന്ന​താണ്‌.

²¹ മുസ്ലീ​ങ്ങ​ളോ​ടു സാക്ഷീ​ക​രി​ക്കൽ: (ദൈവ​ത്തി​നു​വേ​ണ്ടി​യുള്ള മനുഷ്യ​വർഗ​ത്തി​ന്റെ അന്വേ​ഷണം പുസ്‌ത​ക​ത്തി​ന്റെ 12-ാം അധ്യായം കാണുക.) ഇസ്ലാംമത വിശ്വാ​സി​കൾ, അതായത്‌ മുസ്ലീങ്ങൾ തങ്ങളുടെ ഏക​ദൈ​വ​മാ​യി അള്ളാഹു​വി​ലും അവന്റെ അവസാ​നത്തെ, അതി​പ്ര​മുഖ പ്രവാ​ച​ക​നാ​യി മുഹമ്മ​ദി​ലും (പൊ.യു. 570-632) വിശ്വ​സി​ക്കു​ന്നു. ദൈവ​ത്തി​നൊ​രു പുത്ര​നു​ണ്ടെന്നു വിശ്വ​സി​ക്കാ​ത്ത​തി​നാൽ, മുസ്ലീങ്ങൾ യേശു​വി​നെ ദൈവ​ത്തി​ന്റെ പ്രാധാ​ന്യം കുറഞ്ഞ ഒരു പ്രവാ​ച​ക​നാ​യി മാത്രമേ വീക്ഷി​ക്കു​ന്നു​ള്ളൂ. 1,400 വർഷത്തിൽ താഴെ പഴക്കമുള്ള ഖുറാ​നിൽ എബ്രായ-ഗ്രീക്കു തിരു​വെ​ഴു​ത്തു​ക​ളിൽനി​ന്നുള്ള പരാമർശ​ങ്ങ​ളുണ്ട്‌. ഇസ്ലാം മതവും കത്തോ​ലി​ക്കാ മതവും തമ്മിൽ വളരെ​യേറെ സാമ്യ​മുണ്ട്‌. ഈ രണ്ടു മതങ്ങളും മനുഷ്യ ദേഹി​യു​ടെ അമർത്ത്യത, ഒരു താത്‌കാ​ലിക ദണ്ഡനാവസ്ഥ, അഗ്നിന​രകം എന്നിവ പഠിപ്പി​ക്കു​ന്നു.

²² സത്യ​ദൈവം ഒന്നേയു​ള്ളു​വെ​ന്നും ബൈബിൾ അവനാൽ നിശ്വസ്‌ത​മാ​ണെ​ന്നു​മുള്ള നമ്മുടെ വിശ്വാ​സം വ്യക്തമായ ഒരു പൊതു അടിസ്ഥാ​നം നൽകുന്നു. അവധാ​ന​പൂർവം ഖുറാൻ വായി​ച്ചി​ട്ടു​ള്ളവർ തോറ​യും സങ്കീർത്ത​ന​ങ്ങ​ളും സുവി​ശേ​ഷ​ങ്ങ​ളും ദൈവ​വ​ച​ന​മാ​യി​രി​ക്കു​ന്ന​താ​യും അവയെ അങ്ങനെ കണക്കാക്കി അനുസ​രി​ക്ക​ണ​മെ​ന്നു​മുള്ള പരാമർശങ്ങൾ കണ്ടിരി​ക്കു​ന്നു. അതു​കൊണ്ട്‌, വ്യക്തി​യോ​ടൊ​പ്പം അതു പഠിക്കാൻ നിങ്ങൾക്കു വാഗ്‌ദാ​നം ചെയ്യാ​വു​ന്ന​താണ്‌.

²³ ഒരു മുസ്ലീ​മു​മാ​യി ഈ അവതരണം ഫലപ്ര​ദ​മാ​യേ​ക്കാം: “ഈ പുസ്‌ത​ക​ത്തിൽനിന്ന്‌ നിങ്ങളു​ടെ ചില മതപഠി​പ്പി​ക്ക​ലു​ക​ളെ​ക്കു​റിച്ച്‌ ഞാൻ വായി​ക്കു​ക​യു​ണ്ടാ​യി. [ന്യായ​വാ​ദം പുസ്‌ത​ക​ത്തി​ന്റെ 24-ാം പേജി​ലേക്കു മറിക്കുക.] യേശു ഒരു പ്രവാ​ച​ക​നാ​യി​രു​ന്നെ​ന്നും എന്നാൽ അവസാ​നത്തെ, അതി​പ്ര​മുഖ പ്രവാ​ചകൻ മുഹമ്മ​ദാ​യി​രു​ന്നെ​ന്നും നിങ്ങൾ വിശ്വ​സി​ക്കു​ന്ന​താ​യി ഈ പുസ്‌തകം പറയുന്നു. മോശ ഒരു യഥാർഥ പ്രവാ​ച​ക​നാ​യി​രു​ന്നെന്നു നിങ്ങൾ വിശ്വ​സി​ക്കു​ന്നു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] ദൈവ​ത്തി​ന്റെ വ്യക്തി​പ​ര​മായ നാമ​ത്തെ​ക്കു​റിച്ച്‌ മോശ അവനിൽനി​ന്നു മനസ്സി​ലാ​ക്കി​യ​തെ​ന്തെന്ന്‌ താങ്കൾക്കു ഞാനൊ​ന്നു കാണി​ച്ചു​ത​രട്ടെ?” തുടർന്ന്‌ പുറപ്പാ​ടു 6:2, 3 വായി​ക്കുക. മടക്കസ​ന്ദർശ​ന​ത്തിൽ, ദൈവ​ത്തോ​ടുള്ള യഥാർഥ കീഴ്‌പെ​ട​ലി​നുള്ള സമയം (ഇംഗ്ലീഷ്‌) എന്ന ചെറു​പുസ്‌ത​ക​ത്തി​ന്റെ 13-ാം പേജി​ലുള്ള “ഒരു ദൈവം, ഒരു മതം” എന്ന ഉപതല​ക്കെട്ടു ചർച്ച​ചെ​യ്യാ​വു​ന്ന​താണ്‌.

²⁴ ഇന്ന്‌, അനേകർ യെശയ്യാ​വു 55:6-നു ചേർച്ച​യിൽ പ്രവർത്തി​ക്കു​ന്നു. അവിടെ ഇങ്ങനെ വായി​ക്കു​ന്നു: “യഹോ​വയെ കണ്ടെത്താ​കുന്ന സമയത്തു അവനെ അന്വേ​ഷി​പ്പിൻ; അവൻ അടുത്തി​രി​ക്കു​മ്പോൾ അവനെ വിളി​ച്ച​പേ​ക്ഷി​പ്പിൻ.” സംസാ​ര​ഭാ​ഷ​യോ മതപശ്ചാ​ത്ത​ല​മോ ഏതായി​രു​ന്നാ​ലും ഈ വാക്യം പരമാർഥ​ഹൃ​ദ​യ​രായ ഏവർക്കും ബാധക​മാ​കു​ന്നു. “സകലജാ​തി​ക​ളെ​യും ശിഷ്യ​രാ​ക്കാ”ൻ നാം കഠിന​ശ്രമം ചെയ്യു​മ്പോൾ യഹോവ നമ്മുടെ ഉദ്യമ​ങ്ങളെ അനു​ഗ്ര​ഹി​ക്കു​മെന്നു നമുക്ക്‌ ഉറപ്പു​ള്ള​വ​രാ​യി​രി​ക്കാം.—മത്താ. 28:20.

[6-ാം പേജിലെ ചിത്രം]

അക്രൈസ്‌തവർക്കായി രൂപകൽപ്പന ചെയ്‌തി​രി​ക്കുന്ന സാഹി​ത്യ​ങ്ങൾ

ബുദ്ധമതക്കാർ

ഒരു പിതാ​വി​നെ അന്വേ​ഷിച്ച്‌ (ചെറു​പുസ്‌തകം)

“നോക്കൂ! ഞാൻ സകലവും പുതു​താ​ക്കു​ന്നു” (ലഘുപ​ത്രിക)

ചൈനക്കാർ

നിലനിൽക്കുന്ന സമാധാ​ന​വും സന്തുഷ്ടി​യും—അവ കണ്ടെത്താ​നാ​കുന്ന വിധം (ലഘുപ​ത്രിക)

ഹിന്ദുക്കൾ

കുരുക്ഷേത്രം മുതൽ അർമ്മ​ഗെ​ദ്ദോൻ വരെ—നിങ്ങളു​ടെ അതിജീ​വ​ന​വും (ചെറു​പുസ്‌തകം)

നമ്മുടെ പ്രശ്‌നങ്ങൾ—അവ പരിഹ​രി​ക്കാൻ നമ്മെ ആർ സഹായി​ക്കും? (ലഘുപ​ത്രിക)

വിമോചനത്തിലേക്കു നയിക്കുന്ന ദിവ്യ​സ​ത്യ​ത്തി​ന്റെ പാത (ചെറു​പുസ്‌തകം)

മരണത്തിൻമേൽ ജയം—നിങ്ങൾക്ക​തി​നു കഴിയു​മോ? (ചെറു​പുസ്‌തകം)

യഹൂദൻമാർ

ഒരു യുദ്ധര​ഹിത ലോകം എന്നെങ്കി​ലും ഉണ്ടാകു​മോ? (ലഘുപ​ത്രിക)

മുസ്ലീങ്ങൾ

ഫിർദോസിലേക്കുള്ള വഴി കണ്ടെത്താ​വുന്ന വിധം (ലഘുലേഖ)

ദൈവത്തോടുള്ള യഥാർഥ കീഴ്‌പെ​ട​ലി​നുള്ള സമയം (ചെറു​പുസ്‌തകം)