മനസ്സി​നെ​യും ഹൃദയ​ത്തെ​യും ആകർഷി​ക്ക​ത്ത​ക്ക​വി​ധം ലഘുപ​ത്രി​കകൾ ഉപയോ​ഗി​ക്കു​ക

¹ ബൈബിൾ സത്യം അവതരി​പ്പി​ക്കേ​ണ്ടത്‌ മനസ്സി​നും ഹൃദയ​ത്തി​നും ആകർഷ​ക​മായ വിധത്തിൽ ആയിരി​ക്കണം. യേശു തന്റെ ശ്രോ​താ​ക്കൾക്ക്‌ സത്യം വിശദീ​ക​രി​ച്ചു കൊടു​ത്ത​പ്പോൾ, അവർക്കു താത്‌പ​ര്യ​ജ​ന​ക​വും പ്രചോ​ദ​ക​വു​മായ വിഷയങ്ങൾ അവൻ തിര​ഞ്ഞെ​ടു​ത്തു. (ലൂക്കൊ. 24:17, 27, 32, 45) ശുശ്രൂ​ഷ​യി​ലെ നമ്മുടെ വിജയം നമ്മെ ശ്രദ്ധി​ക്കു​ന്ന​വ​രു​ടെ ആത്മീയ ആവശ്യങ്ങൾ തിരി​ച്ച​റി​യു​ന്ന​തി​നു നാം ചെലു​ത്തുന്ന ശ്രമത്തെ വളരെ​യ​ധി​കം ആശ്രയി​ച്ചി​രി​ക്കു​ന്നു.

² ശുശ്രൂ​ഷ​യിൽ നാം കണ്ടുമു​ട്ടു​ന്ന​വ​രു​ടെ മനസ്സി​ലും ഹൃദയ​ത്തി​ലും എത്തി​ച്ചേ​രു​ന്ന​തി​നുള്ള ഫലപ്ര​ദ​മായ ഉപകര​ണ​ങ്ങ​ളാ​യി ലഘുപ​ത്രി​കകൾ ഉതകി​യേ​ക്കാം. ആഗസ്റ്റിൽ വിശേ​ഷ​വത്‌ക​രി​ക്ക​പ്പെ​ടുന്ന ഓരോ ലഘുപ​ത്രി​ക​യി​ലു​മുള്ള സന്ദേശ​ത്തോ​ടു പ്രതി​ക​രി​ക്കാൻ സാധ്യ​ത​യു​ള്ളത്‌ ആരാണ്‌ എന്നതി​നെ​ക്കു​റി​ച്ചു മുന്നമേ ചിന്തി​ക്കുക:

—ദൈവം യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ? സാമ്പത്തിക പരാധീ​ന​തകൾ അനുഭ​വി​ക്കു​ന്ന​വ​രോ ദുരന്തത്തെ നേരി​ടേണ്ടി വന്നവരോ ഒക്കെ കഷ്ടതക​ളി​ല്ലാത്ത ഒരു ഭാവി​യെ​ക്കു​റി​ച്ചുള്ള ഈ സാന്ത്വ​ന​ദാ​യ​ക​മായ സന്ദേശം വിലമ​തി​ക്കും.

—ജീവി​ത​ത്തി​ന്റെ ഉദ്ദേശ്യം എന്ത്‌?—അതു നിങ്ങൾക്കെ​ങ്ങനെ കണ്ടെത്താം? തങ്ങളുടെ ഭാവി​യെ​ക്കു​റി​ച്ചു ഗൗരവ​മാ​യി ചിന്തി​ക്കുന്ന യുവജ​നങ്ങൾ ഈ ലഘുപ​ത്രി​ക​യി​ലെ ബൈബി​ള​ധിഷ്‌ഠിത ഉത്തരങ്ങ​ളിൽ നിന്നു പ്രയോ​ജനം നേടും.

—ഭൂമി​യിൽ എന്നേക്കും ജീവിതം ആസ്വദി​ക്കുക! ധാരാളം ചിത്ര​ങ്ങ​ളും പരാമർശിത തിരു​വെ​ഴു​ത്തു​ക​ളും കൊച്ചു കുട്ടി​ക​ളെ​യും വായനാ പ്രാപ്‌തി കുറവു​ള്ള​വ​രെ​യും ദൈ​വോ​ദ്ദേ​ശ്യ​ങ്ങൾ മനസ്സി​ലാ​ക്കാൻ സഹായി​ക്കും.

—പറുദീസ സ്ഥാപി​ക്കുന്ന ഗവൺമെന്റ്‌. ഗവൺമെ​ന്റു​മാ​യി ബന്ധമുള്ള ആരും ദൈവ​രാ​ജ്യം മനുഷ്യ​വർഗ​ത്തി​ന്റെ പ്രശ്‌നങ്ങൾ എങ്ങനെ പരിഹ​രി​ക്കും എന്നതു സംബന്ധിച്ച ഈ സന്ദേശ​ത്തോ​ടു പ്രതി​ക​രി​ച്ചേ​ക്കാം.

—നിങ്ങൾ സ്‌നേ​ഹി​ക്കുന്ന ആരെങ്കി​ലും മരിക്കു​മ്പോൾ. നിരവധി ശവസംസ്‌കാര നടത്തി​പ്പു​കാർ പ്രിയ​പ്പെ​ട്ട​വരെ നഷ്ടമാ​യ​വർക്കു നൽകാൻ, ഈ ലഘുപ​ത്രി​ക​യു​ടെ പ്രതികൾ കൈവശം ഉണ്ടായി​രി​ക്കാൻ ആഗ്രഹി​ക്കു​ന്നു. സെമി​ത്തേ​രി​ക​ളിൽ സാക്ഷീ​ക​രണം നടത്തുന്ന പ്രസാ​ധകർ ഈ ലഘുപ​ത്രിക വിലപി​ക്കു​ന്ന​വരെ ആശ്വസി​പ്പി​ക്കാൻ ഉപയോ​ഗി​ക്കു​ന്നു. രണ്ടു സഹോ​ദ​രി​മാർ, ഒരു കുഴി​മാ​ട​ത്തി​ങ്കൽ പ്രാർഥി​ക്കു​ക​യാ​യി​രുന്ന ഒരു ഏഴംഗ കുടും​ബത്തെ സമീപി​ച്ചു. ലഘുപ​ത്രി​ക​യിൽ നിന്നുള്ള സാന്ത്വ​ന​ദാ​യ​ക​മായ സന്ദേശം പങ്കു​വെ​ച്ച​തി​ന്റെ ഫലമായി, കുടും​ബ​നാ​ഥ​യു​മാ​യി അടുത്ത ദിവസം തന്നെ ഒരു ബൈബിൾ അധ്യയനം ആരംഭി​ച്ചു!

—നിങ്ങൾ ത്രിത്വ​ത്തിൽ വിശ്വ​സി​ക്ക​ണ​മോ? വലിയ മതവി​ശ്വാ​സി​യായ ഒരു വ്യക്തി ക്രൈസ്‌തവ ലോക​ത്തി​ന്റെ ഈ അടിസ്ഥാന പഠിപ്പി​ക്ക​ലി​നെ വസ്‌തു​നിഷ്‌ഠ​മാ​യി ഖണ്ഡിക്കുന്ന അതിലെ സത്യ​ത്തോ​ടു പ്രതി​ക​രി​ച്ചേ​ക്കാം.

³ ഓരോ ലഘുപ​ത്രി​ക​യു​മാ​യും നന്നായി പരിചി​ത​രാ​കുക. എന്നിട്ട്‌ അതു നിങ്ങളു​ടെ പ്രദേ​ശത്ത്‌ ഏറ്റവും നന്നായി ഉപയോ​ഗി​ക്കാൻ എങ്ങനെ കഴിയും എന്നു നിർണ​യി​ക്കുക. നിർദിഷ്ട അവതര​ണ​ങ്ങൾക്ക്‌ 1998 ജൂലൈ ലക്കം നമ്മുടെ രാജ്യ ശുശ്രൂ​ഷ​യു​ടെ പിൻപേജ്‌ കാണുക. ആളുക​ളു​ടെ മനസ്സി​ലും ഹൃദയ​ത്തി​ലും എത്തി​ച്ചേ​രാ​നുള്ള നിങ്ങളു​ടെ ശ്രമങ്ങളെ യഹോവ അനു​ഗ്ര​ഹി​ക്കു​മാ​റാ​കട്ടെ.—മർക്കൊ. 6:34.