യോഗ​ങ്ങ​ളിൽ ഉത്തരം പറഞ്ഞു​കൊണ്ട്‌ അന്യോ​ന്യം കെട്ടു​പണി ചെയ്യുക

¹ ‘സ്‌നേ​ഹ​ത്തി​നും സൽപ്ര​വൃ​ത്തി​കൾക്കും അന്യോ​ന്യം ഉത്സാഹം വർദ്ധി​പ്പി​ക്കാൻ’ എബ്രായർ 10:25 നമ്മെ ഉദ്‌ബോ​ധി​പ്പി​ക്കു​ന്നു. സഭാ​യോ​ഗ​ങ്ങ​ളിൽ അർഥവ​ത്തായ ഉത്തരങ്ങൾ പറഞ്ഞു​കൊണ്ട്‌ അന്യോ​ന്യം കെട്ടു​പണി ചെയ്യു​ന്നത്‌ ഇതിൽ ഉൾപ്പെ​ട്ടി​രി​ക്കു​ന്നു. നാം എന്തു​കൊ​ണ്ടാണ്‌ ഉത്തരങ്ങൾ പറയേ​ണ്ടത്‌? അതു നമുക്ക്‌ എങ്ങനെ ചെയ്യാൻ കഴിയും? ആർക്കാണ്‌ പ്രയോ​ജനം കിട്ടു​ന്നത്‌?

² മറ്റുള്ള​വ​രു​ടെ ലളിത​വും വ്യക്തവു​മായ ഉത്തരങ്ങൾ കേട്ട്‌ നിങ്ങൾ പ്രയോ​ജനം അനുഭ​വി​ക്കുന്ന അനേകം സന്ദർഭ​ങ്ങ​ളെ​ക്കു​റി​ച്ചു ചിന്തി​ക്കുക, അവ നിങ്ങളു​ടെ ഗ്രാഹ്യം വർധി​പ്പി​ക്കു​ക​യും ആത്മീയ​തയെ ബലപ്പെ​ടു​ത്തു​ക​യും ചെയ്യുന്നു. അവർക്കു വേണ്ടി അതുതന്നെ ചെയ്യു​ക​യെന്ന പദവി നിങ്ങൾക്കു​മുണ്ട്‌. യോഗ​ങ്ങ​ളിൽ പങ്കെടു​ക്കു​മ്പോൾ സന്നിഹി​ത​രായ സകലരു​ടെ​യും പ്രോ​ത്സാ​ഹ​ന​ത്തി​നാ​യി ‘ആത്മിക​വരം വല്ലതും നല്‌കാ​നുള്ള’ ആഗ്രഹം നിങ്ങൾ പ്രകടി​പ്പി​ക്കുക.—റോമ. 1:11, 12.

³ നല്ല ഉത്തരങ്ങൾ പറയേണ്ട വിധം: ഖണ്ഡിക​യി​ലെ എല്ലാ ആശയങ്ങ​ളും അടങ്ങുന്ന ദീർഘ​മായ ഉത്തരങ്ങൾ പറയാ​തി​രി​ക്കുക. അത്തരം ഉത്തരങ്ങൾ പ്രധാന ആശയത്തെ വ്യക്തമാ​യി എടുത്തു​കാ​ണി​ക്കില്ല എന്നു മാത്രമല്ല, ഉത്തരം പറയു​ന്ന​തിൽനിന്ന്‌ മറ്റുള്ള​വരെ നിരു​ത്സാ​ഹ​പ്പെ​ടു​ത്തു​ക​യും ചെയ്‌തേ​ക്കാം. ഖണ്ഡിക​യിൽനി​ന്നുള്ള ആദ്യത്തെ ഉത്തരം ഹ്രസ്വ​വും നേരി​ട്ടു​ള്ള​തും ആയിരി​ക്കണം. പ്രസ്‌തുത വിവര​മോ തിരു​വെ​ഴു​ത്തു​ക​ളോ പ്രാ​യോ​ഗി​ക​മാ​യി എങ്ങനെ ബാധക​മാ​കു​ന്നു​വെന്ന്‌ അനുബന്ധ ഉത്തരങ്ങൾ പറയു​ന്ന​വർക്കു വ്യക്തമാ​ക്കാ​വു​ന്ന​താണ്‌. സ്‌കൂൾ ഗൈഡ്‌ബു​ക്കി​ന്റെ 90-2 പേജുകൾ കാണുക.

⁴ ഉത്തരം പറയു​ന്ന​തി​നെ കുറി​ച്ചുള്ള ചിന്തതന്നെ നിങ്ങളിൽ വിമ്മിട്ടം ഉളവാ​ക്കു​ന്നെ​ങ്കിൽ, ഹ്രസ്വ​മായ ഒരു ഉത്തരം നേരത്തേ തയ്യാറാ​യിട്ട്‌ അതിന്റെ ചോദ്യം തന്നോടു ചോദി​ക്കാൻ നിർവാ​ഹ​ക​നോ​ടു പറയുക. ഏതാനും യോഗ​ങ്ങ​ളിൽ അങ്ങനെ ചെയ്‌തു​ക​ഴി​യു​മ്പോൾ ഉത്തരം പറയുക എളുപ്പ​മാ​യി​ത്തീ​രും. പരസ്യ​മാ​യി സംസാ​രി​ക്കാ​നുള്ള തങ്ങളുടെ പ്രാപ്‌തി​യിൽ മോശ​യും യിരെ​മ്യാ​വും ആത്മവി​ശ്വാ​സ​ക്കു​റവ്‌ പ്രകട​മാ​ക്കി​യെന്ന്‌ ഓർക്കുക. (പുറ. 4:10; യിരെ. 1:6) എന്നാൽ തനിക്കു വേണ്ടി സംസാ​രി​ക്കാൻ യഹോവ അവരെ സഹായി​ച്ചു, അവനു നിങ്ങ​ളെ​യും സഹായി​ക്കാ​നാ​കും.

⁵ നിങ്ങളു​ടെ ഉത്തരങ്ങ​ളിൽനിന്ന്‌ ആർ പ്രയോ​ജനം നേടും? നിങ്ങൾക്കു​തന്നെ പ്രയോ​ജനം കിട്ടുന്നു. കാരണം, നിങ്ങൾ പറയുന്ന ഉത്തരങ്ങൾ നിങ്ങളു​ടെ ഹൃദയ​ത്തി​ലും മനസ്സി​ലും സത്യം കൂടുതൽ ആഴത്തിൽ പതിയാ​നും പിന്നീട്‌ വിവരങ്ങൾ ഓർമ​യി​ലേക്കു കൊണ്ടു​വ​രാ​നും സഹായി​ക്കു​ന്നു. കെട്ടു​പണി ചെയ്യുന്ന തരത്തി​ലുള്ള നിങ്ങളു​ടെ ഉത്തരങ്ങൾ കേൾക്കു​ന്ന​തിൽനിന്ന്‌ മറ്റുള്ള​വർക്കും പ്രയോ​ജനം കിട്ടുന്നു. അനുഭ​വ​ജ്ഞാ​നം ഉള്ളവരോ കുട്ടി​ക​ളോ നാണം​കു​ണു​ങ്ങി​ക​ളോ പുതി​യ​വ​രോ ആയി​ക്കൊ​ള്ളട്ടെ, സകലരും സഭാ​യോ​ഗ​ങ്ങ​ളിൽ തങ്ങളുടെ വിശ്വാ​സം പ്രകടി​പ്പി​ക്കാൻ ശ്രമി​ക്കു​മ്പോൾ നമുക്കു പ്രോ​ത്സാ​ഹനം ലഭിക്കു​ന്നു.

⁶ ‘തക്കസമ​യത്തെ വാക്കുകൾ’ യോഗ​ങ്ങ​ളിൽ അന്യോ​ന്യം കെട്ടു​പണി ചെയ്യാൻ ഉപയോ​ഗി​ക്കു​മ്പോൾ അവ വളരെ ‘മനോ​ഹ​ര​മെന്ന്‌’ നാം കണ്ടെത്തും, തീർച്ച!—സദൃ. 15:23.