ശുശ്രൂ​ഷാ​ദാ​സ​ന്മാർ വിലപ്പെട്ട സേവനം അനുഷ്‌ഠി​ക്കു​ന്നു

¹ “അവർ യഥാർഥ​ത്തിൽ സമർപ്പിത പുരു​ഷ​ന്മാ​രാ​ണെന്നു പ്രകട​മാ​ക്കി​യി​ട്ടുണ്ട്‌. അവരുടെ വിശ്വാ​സം തീക്ഷ്‌ണ​മായ രാജ്യ​സേ​വ​ന​ത്തി​ലും സത്യത്തിൽ സ്ഥിര​പ്പെ​ടു​ന്ന​തി​നു മറ്റുള്ള​വരെ സഹായി​ക്കു​ന്ന​തി​ലും പ്രത്യ​ക്ഷ​മാ​യി​ട്ടുണ്ട്‌.” നമ്മുടെ ശുശ്രൂഷ നിർവ​ഹി​ക്കാൻ സംഘടി​തർ പുസ്‌ത​ക​ത്തി​ന്റെ 57-ാം പേജിൽ ശുശ്രൂ​ഷാ​ദാ​സ​ന്മാ​രെ കുറിച്ച്‌ അപ്രകാ​രം പറഞ്ഞി​രി​ക്കു​ന്നു. നമ്മുടെ ശുശ്രൂ​ഷാ​ദാ​സ​ന്മാ​രു​ടെ ആത്മീയ മാതൃക അനുക​ര​ണാർഹം ആണെന്ന​തിൽ തെല്ലും സംശയ​മില്ല. അവരോ​ടും അതു​പോ​ലെ​തന്നെ മൂപ്പന്മാ​രോ​ടു​മൊ​പ്പം പ്രവർത്തി​ക്കു​ന്നത്‌ “മുഴുവൻ ശരീര​വും . . . സ്‌നേ​ഹ​ത്തി​ലുള്ള വർദ്ധനയ്‌ക്കാ​യി വളർച്ച പ്രാപി​ക്കു”ന്നതിനു കാരണ​മാ​കു​ന്നു.—എഫെ. 4:16, ന്യൂ ഇന്ത്യാ ബൈബിൾ ഭാഷാ​ന്തരം.

² ശുശ്രൂ​ഷാ​ദാ​സ​ന്മാർ സഭാ കാര്യ​ങ്ങ​ളിൽ മർമ​പ്ര​ധാ​ന​മായ ഒരു പങ്കു വഹിക്കു​ന്നു. അവർ ചെയ്യുന്ന വില​യേ​റിയ സേവന​ങ്ങളെ കുറിച്ചു ചിന്തി​ക്കുക! സഭാ കണക്കുകൾ, സാഹി​ത്യം, മാസിക, വരിസം​ഖ്യ, പ്രദേശം, ഉച്ചഭാ​ഷി​ണി ക്രമീ​ക​രണം, രാജ്യ​ഹാൾ പരിപാ​ലനം എന്നിവയ്‌ക്കു പുറമേ സേവക​രാ​യുള്ള ഉത്തരവാ​ദി​ത്വ​വും അവർ കൈകാ​ര്യം ചെയ്യുന്നു; ദിവ്യാ​ധി​പത്യ ശുശ്രൂ​ഷാസ്‌കൂ​ളി​ലും സേവന യോഗ​ത്തി​ലും അവർ പങ്കെടു​ക്കു​ന്നു. അവരിൽ ചിലർ പരസ്യ​പ്ര​സം​ഗങ്ങൾ നടത്തു​ക​യോ ചില സഭാ​യോ​ഗങ്ങൾ നിർവ​ഹി​ക്കു​ക​യോ ചെയ്യുന്നു. നമ്മുടെ ശരീര​ത്തി​ലെ അവയവ​ങ്ങ​ളെ​പ്പോ​ലെ, അവർ നമുക്ക്‌ ആവശ്യ​മായ സേവനങ്ങൾ അനുഷ്‌ഠി​ക്കു​ന്നു.—1 കൊരി. 12:12-26.

³ പരസ്‌പര ആദര​വോ​ടും ധാരണ​യോ​ടും കൂടെ ശുശ്രൂ​ഷാ​ദാ​സ​ന്മാർ മൂപ്പന്മാ​രോട്‌ യോജി​പ്പിൽ ഏക ശരീരം​പോ​ലെ സഹകരി​ക്കു​ന്നതു കാണു​ന്നത്‌ അപ്രകാ​രം ചെയ്യാൻ മറ്റുള്ള​വ​രെ​യും പ്രോ​ത്സാ​ഹി​പ്പി​ക്കു​ന്നു. (കൊലൊ. 2:19) വിശ്വസ്‌ത​ത​യോ​ടെ തങ്ങളുടെ ഉത്തരവാ​ദി​ത്വ​ങ്ങൾ ക്രമമാ​യി നിവർത്തി​ച്ചു​കൊ​ണ്ടും മറ്റുള്ള​വ​രിൽ വ്യക്തി​പ​ര​മായ താത്‌പ​ര്യം എടുത്തു​കൊ​ണ്ടും അവർ ആത്മീയ​മാ​യി പുരോ​ഗ​മി​ക്കുന്ന ഒരു സഭയ്‌ക്കു സംഭാ​വ​ന​യേ​കു​ന്നു.

⁴ കഠിനാ​ധ്വാ​നി​ക​ളായ ശുശ്രൂ​ഷാ​ദാ​സ​ന്മാ​രോ​ടു നമുക്ക്‌ എങ്ങനെ വിലമ​തി​പ്പു പ്രകട​മാ​ക്കാ​നാ​കും? അവരുടെ നിയമിത ഉത്തരവാ​ദി​ത്വ​ങ്ങൾ എന്തൊ​ക്കെ​യാ​ണെന്നു മനസ്സി​ലാ​ക്കുക, നമ്മുടെ സഹായം ആവശ്യ​മാ​യി​രി​ക്കു​മ്പോൾ സഹകരി​ക്കാൻ മനസ്സൊ​രു​ക്കം കാട്ടുക. അവരുടെ പ്രവർത്ത​നത്തെ വിലമ​തി​ക്കു​ന്നു​ണ്ടെന്നു വാക്കി​ലൂ​ടെ​യും പ്രവൃ​ത്തി​യി​ലൂ​ടെ​യും അവരെ അറിയി​ക്കുക. (സദൃ. 15:23) നമുക്കാ​യി കഠിനാ​ധ്വാ​നം ചെയ്യു​ന്നവർ യഥാർഥ ബഹുമാ​നം അർഹി​ക്കു​ന്നു.—1 തെസ്സ. 5:12, 13.

⁵ ദൈവ​വ​ച​ന​മാണ്‌ ശുശ്രൂ​ഷാ​ദാ​സ​ന്മാ​രു​ടെ ഉത്തരവാ​ദി​ത്വ​ങ്ങ​ളും യോഗ്യ​ത​ക​ളും നിശ്ചയി​ക്കു​ന്നത്‌. (1 തിമൊ. 3:8-10, 12, 13) അവരുടെ വില​യേ​റിയ വിശുദ്ധ സേവനം സഭാ നടത്തി​പ്പിന്‌ അനു​പേ​ക്ഷ​ണീ​യ​മാണ്‌. ‘കർത്താ​വി​ന്റെ വേലയിൽ ധാരാളം ചെയ്യാ​നുള്ള’ അത്തരം പുരു​ഷ​ന്മാർ നമ്മുടെ തുടർച്ച​യായ പ്രോ​ത്സാ​ഹനം അർഹി​ക്കു​ന്നു.—1 കൊരി. 15:58, NW.