പൂർവ യൂറോ​പ്പിൽ സത്യാ​രാ​ധന തഴച്ചു​വ​ള​രു​ന്നു

¹ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ തീക്ഷ്‌ണ​ത​യുള്ള രാജ്യ​പ്ര​സം​ഗകർ ആയിരു​ന്നു. സഭകൾ ‘ദിവസേന എണ്ണത്തിൽ പെരു​കി​യ​പ്പോൾ’ അവർ സന്തോ​ഷി​ച്ചു. (പ്രവൃ. 16:5) അവരുടെ സുധീര സാക്ഷീ​ക​ര​ണ​ത്തി​ന്റെ ഫലമായി ഏഷ്യയി​ലും ആഫ്രി​ക്ക​യി​ലും യൂറോ​പ്പി​ലും സുവാർത്ത എത്തുക​യും വിശ്വാ​സി​ക​ളു​ടെ എണ്ണം അനവധി​യാ​യി വർധി​ക്കു​ക​യും ചെയ്‌തു.

² ഈ അന്ത്യകാ​ല​ത്തും സത്യാ​രാ​ധന തഴച്ചു​വ​ളർന്നു​കൊ​ണ്ടി​രി​ക്കു​ന്നു, പ്രത്യേ​കി​ച്ചും പൂർവ യൂറോ​പ്യൻ രാജ്യ​ങ്ങ​ളിൽ. 1990-കളുടെ പ്രാരം​ഭ​ഘട്ടം വരെ നമ്മുടെ വേലയ്‌ക്കു ഗവൺമെന്റ്‌ നിയ​ന്ത്ര​ണങ്ങൾ ഉണ്ടായി​രുന്ന രാജ്യ​ങ്ങ​ളിൽ ഇപ്പോൾ വലിയ വർധനവ്‌ ഉണ്ടായി​ക്കൊ​ണ്ടി​രി​ക്കു​ക​യാണ്‌. അത്തരം രണ്ടു രാജ്യ​ങ്ങ​ളായ റഷ്യയും യൂ​ക്രെ​യി​നും 1,00,000-ത്തിലധി​കം പ്രസാ​ധകർ പരസ്യ ശുശ്രൂ​ഷ​യിൽ പങ്കെടു​ക്കു​ന്ന​താ​യി റിപ്പോർട്ടു ചെയ്യു​ന്നു​വെന്ന്‌ 1999-ലെ വാർഷി​ക​പു​സ്‌തകം വെളി​പ്പെ​ടു​ത്തു​ന്നു. മുൻ സോവി​യറ്റ്‌ യൂണി​യ​നി​ലെ 15 പ്രദേ​ശ​ങ്ങ​ളിൽ 1991 മുതൽ 2,20,000-ത്തിലധി​കം പേർ യഹോ​വ​യ്‌ക്കു തങ്ങളെ​ത്തന്നെ സമർപ്പി​ച്ചു സ്‌നാ​പ​ന​മേറ്റു! ഈ ത്വരിത വളർച്ച​യു​ടെ ഫലമായി അനേകം പുതിയ രാജ്യ​ഹാ​ളു​ക​ളും സമ്മേളന ഹാളു​ക​ളും നിർമി​ക്കു​ക​യും പല ബ്രാഞ്ച്‌ സൗകര്യ​ങ്ങ​ളും വികസി​പ്പി​ക്കു​ക​യും ചെയ്യേ​ണ്ട​താ​യി വന്നിരി​ക്കു​ന്നു.

³ 1997 മാർച്ചി​ലെ നമ്മുടെ രാജ്യ ശുശ്രൂ​ഷ​യു​ടെ ഐക്യ​നാ​ടു​ക​ളി​ലെ പതിപ്പിൽ പ്രസ്‌താ​വി​ച്ചി​രു​ന്ന​തു​പോ​ലെ, കൂടുതൽ രാജ്യ​ഹാ​ളു​ക​ളു​ടെ അടിയ​ന്തിര ആവശ്യ​മുള്ള, എന്നാൽ പരിമി​ത​മായ വിഭവ​ങ്ങ​ളും കടുത്ത സാമ്പത്തിക പ്രതി​സ​ന്ധി​യും ഉള്ള രാജ്യ​ങ്ങ​ളി​ലെ സഭകൾക്ക്‌ വായ്‌പ നൽകാൻ സൊ​സൈ​റ്റി​യു​ടെ രാജ്യ​ഹാൾ ഫണ്ടിന്റെ ഒരു ഭാഗം ഇപ്പോൾ ഉപയോ​ഗി​ച്ചു​വ​രു​ന്നു. 1996 മാർച്ചി​നും 1998 ഒക്‌ടോ​ബ​റി​നും ഇടയ്‌ക്ക്‌, പൂർവ യൂറോ​പ്യൻ രാജ്യ​ങ്ങ​ളു​ടെ മേൽനോ​ട്ടം വഹിക്കുന്ന 11 ബ്രാഞ്ചു​ക​ളിൽ നിന്നുള്ള 359 രാജ്യ​ഹാൾ വായ്‌പാ അപേക്ഷ​കൾക്ക്‌ സൊ​സൈറ്റി അനുമതി നൽകി. സംഭാവന ചെയ്യ​പ്പെ​ടുന്ന ഫണ്ടുകൾ പുതിയ രാജ്യ​ഹാ​ളു​ക​ളു​ടെ നിർമാ​ണ​ത്തി​നുള്ള സ്ഥലവും സാധന​ങ്ങ​ളും വാങ്ങു​ന്ന​തി​നും നിലവി​ലുള്ള സൗകര്യ​ങ്ങൾ പുതു​ക്കി​പ്പ​ണി​യാൻ സഭകളെ സഹായി​ക്കു​ന്ന​തി​നു​മാ​യി ഉപയോ​ഗി​ച്ചു​വ​രു​ന്നു. ഐക്യ​നാ​ടു​ക​ളി​ലും മറ്റു രാജ്യ​ങ്ങ​ളി​ലും സൊ​സൈ​റ്റി​യു​ടെ രാജ്യ​ഹാൾ ഫണ്ടി​ലേക്കു ലഭിച്ച സംഭാ​വ​നകൾ പൂർവ യൂറോ​പ്പി​ലെ സഹോ​ദ​ര​ങ്ങൾക്ക്‌ എങ്ങനെ പ്രയോ​ജനം ചെയ്‌തി​രി​ക്കു​ന്നു​വെന്നു മനസ്സി​ലാ​ക്കാൻ ഇവിടെ കൊടു​ത്തി​രി​ക്കുന്ന ചിത്രങ്ങൾ നമ്മെ സഹായി​ക്കു​ന്നു.

⁴ 1998-ൽ ബൾഗേ​റി​യ​യിൽ 12 ശതമാനം വർധനവ്‌ ഉണ്ടായി, ആ വർഷം ഏപ്രി​ലിൽ സമർപ്പി​ക്ക​പ്പെട്ട അവരുടെ ആദ്യത്തെ രാജ്യ​ഹാൾ സഹോ​ദ​ര​ങ്ങളെ ആനന്ദഭ​രി​ത​രാ​ക്കി. ക്രൊ​യേ​ഷ്യ​യിൽ 4 ശതമാനം വർധനവ്‌ ഉണ്ടായി, ഇപ്പോൾ അവിടെ സഹോ​ദ​രങ്ങൾ സത്യാ​രാ​ധ​ന​യു​ടെ ഉന്നമനാർഥം കൂടുതൽ രാജ്യ​ഹാ​ളു​കൾ നിർമി​ക്കു​ക​യാണ്‌. ഹംഗറി​യിൽ 144 സഭകൾക്കാ​യി 80-ഓളം രാജ്യ​ഹാ​ളു​കൾ ഉണ്ട്‌. ആ രാജ്യത്തെ 235 സഭകളിൽ 61 ശതമാ​ന​ത്തിന്‌ സ്വന്തമാ​യി രാജ്യ​ഹാൾ ഉണ്ടെന്നാണ്‌ ഇതിന്റെ അർഥം. മാസി​ഡോ​ണി​യ​യിൽ രാജ്യ​ഹാൾ നിർമാണ പരിപാ​ടി​യു​ടെ ഭാഗമാ​യി രണ്ടു പുതിയ ഹാളുകൾ നിർമി​ക്ക​പ്പെട്ടു, വേറെ​യും ഹാളു​ക​ളു​ടെ നിർമാ​ണം നടന്നു​കൊ​ണ്ടി​രി​ക്കു​ന്നു. 1999-ലെ വേനൽക്കാ​ലത്ത്‌ തലസ്ഥാന നഗരി​യായ സ്‌കോ​പി​യ​യിൽ ഒരു ഇരട്ട രാജ്യ​ഹാൾ പൂർത്തി​യാ​യി. കുറഞ്ഞത്‌ ആറു സഭകൾക്കു കൂടി​വ​രാ​നുള്ള സൗകര്യ​ങ്ങൾ ഈ ഹാളി​നുണ്ട്‌.

⁵ 1998 സേവന​വർഷം റഷ്യയിൽ ഓരോ ആഴ്‌ച​യി​ലും ശരാശരി 260 പേർ സ്‌നാ​പ​ന​മേറ്റു! മറ്റു രാജ്യ​ങ്ങ​ളി​ലെ രീതി പിന്തു​ടർന്നു​കൊണ്ട്‌ റഷ്യ ബ്രാഞ്ച്‌, ഭാവി രാജ്യ​ഹാൾ നിർമാണ പദ്ധതി​കളെ സഹായി​ക്കാ​നാ​യി തങ്ങളുടെ വിസ്‌തൃ​ത​മായ പ്രദേ​ശത്ത്‌ ഉടനീളം 12 മേഖലാ നിർമാണ കമ്മിറ്റി​കൾ സംഘടി​പ്പി​ച്ചു. സെന്റ്‌ പീറ്റേ​ഴ്‌സ്‌ ബർഗിന്റെ വടക്കു ഭാഗത്താ​യി, ആ രാജ്യത്തെ പ്രഥമ സമ്മേളന ഹാളിന്റെ നിർമാ​ണം നടന്നു​കൊ​ണ്ടി​രി​ക്കു​ന്നു. അതിൽ 1,600 പേർക്ക്‌ ഇരിക്കാ​നുള്ള സൗകര്യ​ങ്ങൾ ഉണ്ടായി​രി​ക്കും. 200 പേർക്കു വീതം ഇരിക്കാ​വുന്ന അഞ്ച്‌ രാജ്യ​ഹാ​ളു​ക​ളും ഈ സൗകര്യ​ത്തിൽ ഉൾപ്പെ​ടും. യൂ​ക്രെ​യി​നി​ലെ നമ്മുടെ സഹോ​ദ​ര​ങ്ങ​ളു​ടെ​യും താത്‌പ​ര്യ​ക്കാ​രു​ടെ​യും ആത്മീയ ആവശ്യങ്ങൾ നിറ​വേ​റ്റാ​നാ​യി, 84 രാജ്യ​ഹാ​ളു​ക​ളു​ടെ നിർമാ​ണം പൂർത്തി​യാ​യി, 80 എണ്ണം നിർമാ​ണ​ത്തി​ലി​രി​ക്കു​ന്നു.

⁶ പൂർവ യൂറോ​പ്പി​ലെ ഈ വർധനവ്‌ നമുക്കു സന്തോഷം പകരു​ന്നി​ല്ലേ? നാം പാർക്കു​ന്നത്‌ എവിടെ ആയിരു​ന്നാ​ലും സത്യാ​രാ​ധ​ന​യു​ടെ വളർച്ച, ദൈവം മുഖപക്ഷം ഇല്ലാത്ത​വ​നാ​ണെ​ന്നും അവന്റെ ക്ഷമ ‘ഒരു മഹാപു​രു​ഷാര’ത്തിന്‌ രക്ഷ കൈവ​രു​ത്തു​മെ​ന്നും നമ്മെ ഓർമി​പ്പി​ക്കു​ന്നു. (വെളി. 7:9; 2 പത്രൊ. 3:9) മറ്റുള്ള​വ​രു​ടെ, ദൂര​ദേ​ശ​ങ്ങ​ളിൽ ഉള്ളവരു​ടെ​പോ​ലും, ആത്മീയ വളർച്ച​യ്‌ക്കാ​യി സംഭാവന ചെയ്യു​ന്ന​തിൽ ഒരു ചെറിയ പങ്കുണ്ടാ​യി​രി​ക്കുക എന്നത്‌ നമ്മെ സംബന്ധി​ച്ചി​ട​ത്തോ​ളം എത്ര അമൂല്യ​മായ പദവി​യാണ്‌! സദൃശ​വാ​ക്യ​ങ്ങൾ 28:27 നമുക്ക്‌ ഈ ഉറപ്പു നൽകുന്നു: “ദരി​ദ്രന്നു കൊടു​ക്കു​ന്ന​വന്നു കുറെച്ചൽ ഉണ്ടാക​യില്ല.” അത്തരം നിർമാ​ണ​ച്ചെ​ല​വു​കൾ വഹിക്കു​ന്ന​തി​ലേ​ക്കാ​യി സംഭാവന ചെയ്യാ​നുള്ള നമ്മുടെ മനസ്സൊ​രു​ക്കം ഭൗതിക വസ്‌തു​ക്ക​ളു​ടെ ‘ഒരു സമത്വീ​ക​ര​ണ​ത്തിൽ’ കലാശി​ക്കു​ന്നു. തന്നിമി​ത്തം, കൊടു​ക്കു​ന്ന​തി​ലും ലോക​വ്യാ​പ​ക​മാ​യി സത്യാ​രാ​ധന തഴച്ചു​വ​ള​രു​ന്നത്‌ കാണു​ന്ന​തി​ലും ഉള്ള സന്തോഷം അനുഭ​വി​ക്കാൻ ഏവർക്കും സാധി​ക്കും.—2 കൊരി. 8:14, 15, NW; പ്രവൃ. 20:35.

[3-ാം പേജിലെ ചിത്രം]

സേയ്‌ഷൽ, റൊ​മേ​നി​യ

[3-ാം പേജിലെ ചിത്രം]

മർഡാ, എസ്‌തോ​ണി​യ

[3-ാം പേജിലെ ചിത്രം]

സെവ്‌നിക്ക, സ്ലോ​വേ​നി​യ

[3-ാം പേജിലെ ചിത്രം]

റ്റിസാവാസ്‌വറി, ഹംഗറി

[4-ാം പേജിലെ ചിത്രങ്ങൾ]

യൂർമാല, ലാത്വിയ

[4-ാം പേജിലെ ചിത്രങ്ങൾ]

ടൗറാഷ്‌, ലിത്വാ​നി​യ

[4, 5 പേജു​ക​ളി​ലെ ചിത്രം]

റ്റാലിൻ, എസ്‌തോ​ണി​യ

[4, 5 പേജു​ക​ളി​ലെ ചിത്രം]

പ്രിവിഡ്‌സ, സ്ലൊവാ​ക്യ

[5-ാം പേജിലെ ചിത്രങ്ങൾ]

മാറ്റേസ്‌ൽക്ക, ഹംഗറി

[5-ാം പേജിലെ ചിത്രങ്ങൾ]

ബെൽഗ്രേഡ്‌, യുഗോ​സ്ലാ​വി​യ

[6-ാം പേജിലെ ചിത്രങ്ങൾ]

റൂമാ, യുഗോ​സ്ലാ​വി​യ

[6-ാം പേജിലെ ചിത്രങ്ങൾ]

വ്രാനോവ്‌ നാഡ്‌ ടോപ്ലു, സ്ലൊവാ​ക്യ

[6-ാം പേജിലെ ചിത്രങ്ങൾ]

ടോർന്യാക്കാൻസ്‌, ലാത്വിയ