മാതാ​പി​താ​ക്കളേ—നിങ്ങളു​ടെ മക്കളിൽ നല്ല ശീലങ്ങൾ ഉൾനടുക

¹ നല്ല ശീലങ്ങൾ ജന്മസി​ദ്ധ​മോ യാദൃ​ച്ഛി​ക​മാ​യി ലഭിക്കു​ന്ന​തോ അല്ല. കുട്ടി​ക​ളിൽ നല്ല ശീലങ്ങൾ ഉൾനടു​ന്ന​തിന്‌ സമയം ആവശ്യ​മാണ്‌. ഉൾനടുക എന്നാൽ “പടിപ​ടി​യാ​യി കടത്തുക,” അല്ലെങ്കിൽ “തുള്ളി​തു​ള്ളി​യാ​യി പ്രവേ​ശി​പ്പി​ക്കുക” എന്നാണ്‌. ‘[മക്കളെ] യഹോ​വ​യു​ടെ ശിക്ഷണ​ത്തി​ലും മാനസിക ക്രമവ​ത്‌ക​ര​ണ​ത്തി​ലും വളർത്തി​ക്കൊ​ണ്ടു​വ​രാൻ’ മാതാ​പി​താ​ക്കൾ തുടർച്ച​യാ​യി ശ്രമി​ക്കേ​ണ്ടത്‌ ആവശ്യ​മാണ്‌.—എഫെ. 6:4, NW.

² ബാല്യത്തിൽ തുടങ്ങുക: പുതിയ കാര്യങ്ങൾ പഠിക്കാ​നും ചെയ്യാ​നു​മുള്ള ഒരു കൊച്ചു കുട്ടി​യു​ടെ പ്രാപ്‌തി ശ്രദ്ധാർഹ​മാണ്‌. മുതിർന്ന​വർക്ക്‌ ഒരു പുതിയ ഭാഷ പഠിക്കുക ബുദ്ധി​മു​ട്ടാ​യി​രി​ക്കു​മ്പോൾ, സ്‌കൂൾ പ്രായ​മാ​കാത്ത ഒരു കുട്ടിക്ക്‌ ഒരേ സമയം രണ്ടോ മൂന്നോ ഭാഷകൾ പഠിക്കാൻ കഴിയും. നിങ്ങളു​ടെ കുട്ടിക്ക്‌ നല്ല ശീലങ്ങൾ വളർത്തി​യെ​ടു​ക്കാൻ തക്ക പ്രായ​മാ​യി​ട്ടില്ല എന്നു വിചാ​രി​ക്ക​രുത്‌. ബൈബിൾ വിദ്യാ​ഭ്യാ​സം വളരെ നേരത്തേ തുടങ്ങു​ക​യും അതു തുടരു​ക​യും ചെയ്യു​ന്നെ​ങ്കിൽ, ഏതാനും വർഷങ്ങൾ കഴിയു​മ്പോൾ കുട്ടി​യു​ടെ മനസ്സ്‌ അവനെ ‘രക്ഷയ്‌ക്കു ജ്ഞാനി​യാ​ക്കുന്ന’ പരിജ്ഞാ​നം​കൊണ്ട്‌ നിറയും.—2 തിമൊ. 3:14.

³ വയൽസേവനം ശീലമാ​ക്കുക: സ്വഭാ​വ​രൂ​പ​വ​ത്‌ക​രണം നടക്കുന്ന വർഷങ്ങ​ളിൽ ദൈവ​രാ​ജ്യ സുവാർത്ത നിരന്തരം പ്രസം​ഗി​ക്കുക എന്ന നല്ല ശീലം കുട്ടി​യിൽ ഉൾന​ടേ​ണ്ട​താണ്‌. മിക്ക മാതാ​പി​താ​ക്ക​ളും കുട്ടികൾ ശൈശ​വ​ഘ​ട്ട​ത്തിൽ ആയിരി​ക്കു​മ്പോൾത്തന്നെ അവരെ വീടു​തോ​റു​മുള്ള ശുശ്രൂ​ഷ​യിൽ കൂടെ കൊണ്ടു​പോ​യി​ക്കൊണ്ട്‌ അതിന്‌ തുടക്ക​മി​ടു​ന്നു. മാതാ​പി​താ​ക്കൾ സാക്ഷീ​ക​ര​ണ​ത്തിൽ ക്രമമാ​യി ഏർപ്പെ​ടു​ന്നത്‌, ശുശ്രൂ​ഷ​യോട്‌ തീക്ഷ്‌ണ​ത​യും വിലമ​തി​പ്പും വളർത്തി​യെ​ടു​ക്കാൻ കുട്ടി​കളെ സഹായി​ക്കു​ന്നു. വയൽ സേവന​ത്തി​ന്റെ വ്യത്യസ്‌ത വശങ്ങളിൽ പ്രവർത്തി​ക്കേ​ണ്ടത്‌ എങ്ങനെ​യെന്നു കുട്ടി​കൾക്കു കാണി​ച്ചു​കൊ​ടു​ക്കാൻ മാതാ​പി​താ​ക്കൾക്കു കഴിയും.

⁴ ദിവ്യാധിപത്യ ശുശ്രൂ​ഷാ​സ്‌കൂ​ളിൽ പേർ ചാർത്തു​ന്ന​തും കുട്ടി​കളെ സഹായി​ക്കു​ന്നു. നല്ല പഠന ശീലങ്ങൾ വളർത്തി​യെ​ടു​ക്കാൻ അതിലൂ​ടെ അവർക്കു സാധി​ക്കും. കൂടാതെ ഗ്രാഹ്യ​ത്തോ​ടെ വായി​ക്കാ​നും അവർ പഠിക്കു​ന്നു. ബൈബി​ളി​നെ കുറിച്ചു സംസാ​രി​ക്കാ​നും മടക്കസ​ന്ദർശ​ന​ങ്ങ​ളും ബൈബിൾ അധ്യയ​ന​ങ്ങ​ളും നടത്താ​നും അത്‌ അവരെ പ്രാപ്‌ത​രാ​ക്കു​ന്നു. അത്തരം പരിശീ​ലനം പയനി​യ​റി​ങ്ങിൽ ഏർപ്പെ​ടാ​നോ പ്രത്യേക സേവന പദവികൾ എത്തിപ്പി​ടി​ക്കാ​നോ അവരെ പ്രചോ​ദി​പ്പി​ച്ചേ​ക്കാം. മിക്ക ബെഥേൽ അംഗങ്ങ​ളും പ്രത്യേക പയനി​യർമാ​രും ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ ചേർന്ന നാളു​കളെ കുറിച്ച്‌ വളരെ താത്‌പ​ര്യ​ത്തോ​ടെ ഓർമി​ക്കു​ക​യും പ്രയോ​ജ​ന​പ്ര​ദ​മായ ശീലങ്ങൾ വളർത്തി​യെ​ടു​ക്കാൻ തങ്ങളെ സഹായി​ക്കുന്ന ഒരു കരുത​ലാ​യി അതിനെ വീക്ഷി​ക്കു​ക​യും ചെയ്യുന്നു.

⁵ വലിയ കുശവ​നായ യഹോ​വ​യു​ടെ കരങ്ങളി​ലെ കളിമ​ണ്ണു​പോ​ലെ​യാണ്‌ നാമെ​ല്ലാം. (യെശ. 64:8) കളിമണ്ണ്‌ എത്രമാ​ത്രം മയമു​ള്ള​താ​ണോ അതിനെ രൂപ​പ്പെ​ടു​ത്താൻ അത്രമാ​ത്രം എളുപ്പ​മാണ്‌. എന്നാൽ, അത്‌ എത്രയ​ധി​കം ഉണങ്ങു​ന്നു​വോ അത്രയ​ധി​കം കട്ടിയു​ള്ള​താ​യി​ത്തീ​രും. മനുഷ്യ​രു​ടെ കാര്യ​ത്തി​ലും അത്‌ സത്യമാണ്‌. ചെറു​പ്പ​മാ​യി​രി​ക്കു​മ്പോൾ അവരെ പരുവ​പ്പെ​ടു​ത്തി​യെ​ടു​ക്കാൻ എളുപ്പ​മാണ്‌. എത്ര ചെറു​പ്പ​മാ​യി​രി​ക്കു​ന്നു​വോ അത്രയും മെച്ചമാ​യി​രി​ക്കും ഫലവും. സ്വഭാ​വ​രൂ​പ​വ​ത്‌ക​രണം നടക്കുന്ന ഇളം പ്രായ​ത്തിൽ അവർ നല്ലതോ മോശ​മോ ആയ രീതി​യിൽ രൂപ​പ്പെ​ടു​ത്ത​പ്പെ​ടും. തന്മൂലം, കുട്ടി​കളെ കുറിച്ചു ചിന്തയുള്ള മാതാ​പി​താ​ക്കൾ എന്ന നിലയിൽ, വളരെ നേര​ത്തേ​തന്നെ കുട്ടി​ക​ളിൽ ക്രിസ്‌തീയ ശുശ്രൂ​ഷ​യ്‌ക്ക്‌ ആവശ്യ​മായ നല്ല ശീലങ്ങൾ ഉൾനടാൻ തുടങ്ങുക.