കൺ​വെൻ​ഷ​നു​കൾ—സന്തോ​ഷി​ക്കാ​നുള്ള സമയം

¹ യഹോവയുടെ സാക്ഷി​ക​ളു​ടെ കൺ​വെൻ​ഷ​നു​കൾ വലിയ സന്തോ​ഷ​ത്തി​ന്റെ അവസര​ങ്ങ​ളാണ്‌. നൂറി​ല​ധി​കം വർഷമാ​യി ഇത്തരം കൂടി​വ​ര​വു​കൾ നമ്മുടെ സംഘട​ന​യി​ലെ വർധന​യ്‌ക്കു സംഭാവന ചെയ്‌തി​രി​ക്കു​ന്നു. ചെറിയ തുടക്കം മുതൽതന്നെ നമ്മുടെ ലോക​വ്യാ​പക വേലയു​ടെ​മേൽ യഹോവ സമൃദ്ധ​മായ അനു​ഗ്ര​ഹങ്ങൾ ചൊരി​ഞ്ഞി​രി​ക്കു​ന്ന​താ​യി നാം കണ്ടിരി​ക്കു​ന്നു. ആധുനിക നാളിലെ നമ്മുടെ ആദ്യ കൺ​വെൻ​ഷൻ നടന്നത്‌ 1893-ൽ ഇല്ലി​നോ​യി​സി​ലെ ചിക്കാ​ഗോ​യി​ലാണ്‌. അന്ന്‌ അവിടെ ഹാജരായ 360 പേരിൽ 70 പേരും യഹോ​വ​യ്‌ക്കുള്ള തങ്ങളുടെ സമർപ്പ​ണ​ത്തി​ന്റെ പ്രതീ​ക​മാ​യി സ്‌നാ​പ​ന​മേറ്റു. കഴിഞ്ഞ വർഷത്തെ “ദൈവ​വ​ച​നാ​നു​സൃ​തം പ്രവർത്തി​ക്കു​ന്നവർ” ഡിസ്‌ട്രി​ക്‌റ്റ്‌ കൺ​വെൻ​ഷൻ പരമ്പര​യിൽ ലോക​മൊ​ട്ടാ​കെ 94,54,055 പേർ ഹാജരാ​യി, 1,29,367 പേർ സ്‌നാ​പ​ന​മേറ്റു. സന്തോ​ഷ​ത്തി​നുള്ള എത്ര മഹത്തായ കാരണം!

² ബൈബിൾ കാലങ്ങൾ മുതൽതന്നെ, ദൈവ​ജ​ന​ത്തി​ന്റെ കൂടി​വ​ര​വു​കൾ യഹോ​വ​യിൽനി​ന്നുള്ള മാർഗ​നിർദേ​ശങ്ങൾ പ്രദാനം ചെയ്യു​ന്ന​തി​നുള്ള ഒരു പ്രമുഖ മാർഗം ആയിരു​ന്നി​ട്ടുണ്ട്‌. എസ്രാ​യു​ടെ​യും നെഹെ​മ്യാ​വി​ന്റെ​യും നാളിൽ ജനം “രാവി​ലെ​തു​ടങ്ങി ഉച്ചവരെ” ന്യായ​പ്ര​മാ​ണ​ത്തി​ന്റെ വായന ശ്രദ്ധിച്ചു. (നെഹെ. 8:2, 3) ആ അവസര​ത്തിൽ ന്യായ​പ്ര​മാ​ണ​ത്തി​ന്റെ മെച്ചപ്പെട്ട ഗ്രാഹ്യം ലഭിച്ചതു നിമിത്തം ജനം ‘അത്യന്തം സന്തോ​ഷി​ച്ചു.’ (നെഹെ. 8:8, 12) യഹോ​വ​യിൽനിന്ന്‌ “വിശ്വ​സ്‌ത​നും വിവേ​കി​യു​മായ അടിമ” മുഖാ​ന്തരം നല്ല മാർഗ​നിർദേ​ശ​ങ്ങ​ളും “തക്കസമ​യത്ത്‌” ആത്മീയ ആഹാര​വും ലഭിക്കു​ന്ന​തി​നുള്ള അവസരം കൺ​വെൻ​ഷ​നു​കൾ പ്രദാനം ചെയ്യു​ന്ന​തി​നാൽ നാമും സന്തോ​ഷി​ക്കു​ന്നു. (മത്താ. 24:45, NW) മനുഷ്യൻ “ദൈവ​ത്തി​ന്റെ വായിൽകൂ​ടി വരുന്ന സകലവ​ച​നം​കൊ​ണ്ടും” ജീവി​ക്കേ​ണ്ട​താണ്‌ എന്ന്‌ യേശു പറഞ്ഞു. അതു​കൊണ്ട്‌ നമ്മുടെ ആത്മീയ ക്ഷേമത്തി​നു കൺ​വെൻ​ഷ​നു​കൾ മർമ​പ്ര​ധാ​ന​മാണ്‌.—മത്താ. 4:4.

³ ഹാജരാകുന്നത്‌ ശ്രമത്തി​നു തക്ക മൂല്യ​മു​ള്ളത്‌: നാം എല്ലാവ​രും ഈ വർഷത്തെ “ദൈവ​വ​ചനം പഠിപ്പി​ക്കു​ന്നവർ” ഡിസ്‌ട്രി​ക്‌റ്റ്‌ കൺ​വെൻ​ഷന്റെ മുഴു പരിപാ​ടി​ക്കും ഹാജരാ​കാൻ വ്യക്തി​പ​ര​മായ ലക്ഷ്യം വെക്കേ​ണ്ട​തുണ്ട്‌. ഓരോ ദിവസ​വും നേര​ത്തേ​തന്നെ എത്തി​ച്ചേ​രു​ന്ന​തി​നും ഉപസം​ഹാര പ്രാർഥ​ന​യ്‌ക്ക്‌ എല്ലാവ​രോ​ടു​മൊ​പ്പം “ആമേൻ!” പറയു​ന്ന​തു​വരെ അവിടെ ഉണ്ടായി​രി​ക്കു​ന്ന​തി​നും നാം ആസൂ​ത്രണം ചെയ്യേ​ണ്ട​തുണ്ട്‌. അതിനാ​യി നമ്മുടെ പട്ടിക​യിൽ ചില പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ട​തു​ണ്ടാ​യി​രി​ക്കാം. കൺ​വെൻ​ഷനു ഹാജരാ​കാൻ ജോലി​യിൽനിന്ന്‌ അവധി ലഭിക്കുക ചില​പ്പോൾ പ്രയാ​സ​ക​ര​മാ​യി​രി​ക്കാം. സാധി​ച്ചാൽ പോകാം എന്നു വിചാ​രി​ക്കാ​തെ ഹാജരാ​കു​ന്ന​തി​നാ​യി നാം ഉറച്ച നിലപാ​ടു സ്വീക​രി​ക്കേ​ണ്ട​തുണ്ട്‌. താമസ​ത്തി​നും യാത്ര​യ്‌ക്കു​മുള്ള ക്രമീ​ക​ര​ണങ്ങൾ ചെയ്യേ​ണ്ട​തു​ണ്ടെ​ങ്കിൽ നേരത്തേ തന്നെ അവ ചെയ്യുക. നാം ചെയ്യുന്ന ഏതു ശ്രമവും തക്ക മൂല്യ​മു​ള്ളത്‌ ആയിരി​ക്കും!

⁴ യഹോവയുടെ ജനം കൺ​വെൻ​ഷനു ഹാജരാ​കു​ന്ന​തി​ന്റെ അനു​ഗ്ര​ഹങ്ങൾ രൂപ-പൈസ കണക്കിലല്ല അളക്കു​ന്നത്‌. 1958-ൽ ന്യൂ​യോർക്ക്‌ സിറ്റി​യിൽ നടന്ന, യഹോ​വ​യു​ടെ സാക്ഷി​ക​ളു​ടെ ‘ദിവ്യ​ഹിത’ അന്താരാ​ഷ്‌ട്ര സമ്മേള​ന​ത്തിൽ ഹാജരാ​കു​ന്ന​തി​നു ദൃഢനി​ശ്ചയം ചെയ്‌ത ചിലരു​ടെ ദൃഷ്ടാ​ന്തങ്ങൾ പരിചി​ന്തി​ക്കുക. സമ്മേള​ന​ത്തിൽ സഹായി​ക്കു​ന്ന​തി​നും ഹാജരാ​കു​ന്ന​തി​നു​മാ​യി ഒരു സഹോ​ദരൻ രണ്ടാഴ്‌ച​ത്തേക്ക്‌ തന്റെ കൺസ്‌ട്രക്ഷൻ ബിസി​നസ്സ്‌ നിറു​ത്തി​വെച്ചു. വെർജിൻ ദ്വീപു​ക​ളിൽനി​ന്നുള്ള ഒരു സഹോ​ദരൻ ആറു പേരട​ങ്ങുന്ന തന്റെ മുഴു കുടും​ബ​ത്തി​നും ഹാജരാ​കാൻ കഴി​യേ​ണ്ട​തിന്‌ അഞ്ച്‌ ഏക്കർ സ്ഥലം വിറ്റു. ഒരു യുവ ദമ്പതികൾ, രണ്ടു മാസത്തി​നും ഏഴു വയസ്സി​നും ഇടയ്‌ക്കു പ്രായ​മുള്ള മൂന്നു കുട്ടി​ക​ളെ​യും​കൂ​ടി സമ്മേള​ന​ത്തി​നു കൊണ്ടു​പോ​കാൻ കഴി​യേ​ണ്ട​തിന്‌ തങ്ങളുടെ മോ​ട്ടോർ ബോട്ട്‌ വിറ്റു. കാലി​ഫോർണി​യ​യിൽ നിന്നുള്ള മൂന്നു ജഡിക സഹോ​ദ​ര​ന്മാ​രോട്‌, ജോലി​ക്കു ഹാജരാ​കാ​തി​രു​ന്നാൽ മടങ്ങി വരു​മ്പോൾ ജോലി നഷ്ടപ്പെ​ട്ടി​രി​ക്കും എന്നു പറഞ്ഞു. എന്നാൽ അതൊ​ന്നും ആ അവിസ്‌മ​ര​ണീയ സമ്മേള​ന​ത്തി​നു പോകു​ന്ന​തിൽനിന്ന്‌ അവരെ തടഞ്ഞില്ല.

⁵ നമ്മുടെ ആത്മാർഥ ശ്രമത്തിന്‌ യഹോവ പ്രതി​ഫലം നൽകുന്നു: യഹോവ തന്റെ ജനത്തിന്റെ ശ്രമങ്ങൾ കാണു​ക​യും അവയെ അനു​ഗ്ര​ഹി​ക്കു​ക​യും ചെയ്യുന്നു. (എബ്രാ. 6:10) ഉദാഹ​ര​ണ​ത്തിന്‌, 1950-ലെ ‘ദിവ്യാ​ധി​പത്യ വർധന’ സമ്മേള​ന​ത്തിൽ ഹാജരാ​യ​വർക്ക്‌, ഒരു നാഴി​ക​ക്ക​ല്ലാ​യി​രുന്ന “പുതിയ വ്യവസ്ഥി​തി” എന്ന പ്രസംഗം കേൾക്കാൻ കഴിഞ്ഞു. ആ പ്രസംഗം നടത്തിയ ഫ്രഡറിക്‌ ഫ്രാൻസ്‌ സഹോ​ദ​രന്റെ പിൻവ​രുന്ന ചോദ്യം എല്ലാവ​രു​ടെ​യും ജിജ്ഞാ​സയെ ഉണർത്തി: “ഈ അന്താരാ​ഷ്‌ട്ര സമ്മേള​ന​ത്തി​നാ​യി, ഈ സായാ​ഹ്ന​ത്തിൽ ഇവിടെ കൂടി​വ​ന്നി​രി​ക്കുന്ന നമ്മുടെ ഇടയിൽ പുതിയ ഭൂമി​യു​ടെ ഭാവി പ്രഭു​ക്ക​ന്മാ​രായ ഒട്ടേറെ പേർ ഉണ്ട്‌ എന്നറി​യു​ന്ന​തിൽ നിങ്ങൾ സന്തുഷ്ട​രല്ലേ?” സങ്കീർത്തനം 45:16-നെ സംബന്ധിച്ച വ്യക്തമാ​ക്ക​പ്പെട്ട ഈ ഗ്രാഹ്യ​ത്തിൽ 50 വർഷത്തി​നു ശേഷം ഇപ്പോ​ഴും നാം സന്തോ​ഷി​ക്കു​ന്നു.

⁶ കഴിഞ്ഞ വർഷത്തെ ഡിസ്‌ട്രി​ക്‌റ്റ്‌ കൺ​വെൻ​ഷനു ഹാജരായ ശേഷം ഒരു കുടും​ബ​നാ​ഥൻ വിലമ​തി​പ്പോ​ടെ പിൻവ​രുന്ന പ്രകാരം എഴുതി: “സഹോ​ദ​ര​ന്മാ​രേ, ഈ കൺ​വെൻ​ഷൻ എത്ര ജീവര​ക്ഷാ​ക​ര​മാ​യി​രു​ന്നെന്ന്‌ നിങ്ങൾക്ക്‌ അറിയില്ല. തൊഴിൽപ​ര​മായ കാരണ​ങ്ങ​ളാൽ എന്റെ കുടും​ബം നഗരത്തി​ലേക്കു താമസം മാറി. അതോടെ ഞങ്ങളുടെ ആത്മീയ​ത​യ്‌ക്കു വല്ലാത്ത ഉലച്ചിൽ തട്ടി. . . . ഞങ്ങൾ ക്രിസ്‌തീയ ഉത്തരവാ​ദി​ത്വ​ങ്ങൾ അവഗണി​ച്ചു. യോഗ​ങ്ങൾക്കു ഹാജരാ​കു​ന്ന​തും സേവന​ത്തിൽ പങ്കെടു​ക്കു​ന്ന​തും പോലും ഞങ്ങൾ പാടേ നിറു​ത്തി​ക്ക​ളഞ്ഞു. . . . ഈ കൺ​വെൻ​ഷൻ ഞങ്ങൾക്ക്‌ പുത്തൻ ഉണർവു നൽകി​യി​രി​ക്കു​ന്നു, ഞങ്ങൾ ആത്മീയ ലക്ഷ്യങ്ങൾ വെക്കാൻ തുടങ്ങി, അവയിൽ എത്തി​ച്ചേ​രു​ന്ന​തി​നു കാര്യങ്ങൾ ക്രമീ​ക​രി​ച്ചു​വ​രു​ന്നു.”

⁷ നമുക്ക്‌ ആവശ്യ​മായ ആത്മീയ ആഹാരം യഹോവ പ്രദാനം ചെയ്യുന്നു. കൺ​വെൻ​ഷ​നു​ക​ളിൽ വിഭവ സമൃദ്ധ​മായ സദ്യ അവൻ നമുക്കാ​യി ഒരുക്കു​ന്നു. ഈ ക്രമീ​ക​ര​ണ​ത്തോ​ടുള്ള നമ്മുടെ വിലമ​തിപ്പ്‌, കൊർന്നേ​ല്യൊ​സി​നെ പോലെ പറയാൻ നമ്മെയും പ്രാപ്‌ത​രാ​ക്കേ​ണ്ട​താണ്‌. അപ്പൊ​സ്‌ത​ല​നായ പത്രൊസ്‌ സന്ദർശി​ച്ച​പ്പോൾ അവൻ പറഞ്ഞു: “കർത്താവു നിന്നോ​ടു കല്‌പി​ച്ച​തൊ​ക്കെ​യും കേൾപ്പാൻ ഞങ്ങൾ എല്ലാവ​രും ഇവിടെ ദൈവ​ത്തി​ന്റെ മുമ്പാകെ കൂടി​യി​രി​ക്കു​ന്നു.” (പ്രവൃ. 10:33) ഈ വർഷത്തെ “ദൈവ​വ​ചനം പഠിപ്പി​ക്കു​ന്നവർ” ഡിസ്‌ട്രി​ക്‌റ്റ്‌ കൺ​വെൻ​ഷന്റെ മുഴു പരിപാ​ടി​ക്കു​മാ​യി “ദൈവ​ത്തി​ന്റെ മുമ്പാകെ കൂടി”വരുന്ന​തി​നും അതിൽ സന്തോ​ഷി​ക്കു​ന്ന​തി​നും നമുക്കു ലക്ഷ്യം​വെ​ക്കാം!