വിദ്യാർഥി​യു​ടെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലു​ക

¹ സ്വർഗാരോഹണത്തിനു മുമ്പ്‌ യേശു തന്റെ ശിഷ്യ​ന്മാ​രോട്‌ താൻ കൽപ്പി​ച്ചത്‌ ഒക്കെയും “പ്രമാ​ണി​പ്പാൻ” തക്കവണ്ണം അതു മറ്റുള്ള​വരെ പഠിപ്പി​ക്കാൻ പറയു​ക​യു​ണ്ടാ​യി. (മത്താ. 28:19, 20) ക്രിസ്‌തു​വി​ന്റെ കൽപ്പനകൾ “പ്രമാ​ണി​പ്പാൻ” ഒരു വ്യക്തിക്കു കഴിയ​ണ​മെ​ങ്കിൽ, പഠിക്കുന്ന വിവരങ്ങൾ അദ്ദേഹ​ത്തി​ന്റെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലണം. (സങ്കീ. 119:112) നിങ്ങൾ ബൈബിൾ പഠിപ്പി​ക്കുന്ന വ്യക്തി​യു​ടെ ഹൃദയത്തെ നിങ്ങൾക്ക്‌ എങ്ങനെ പ്രചോ​ദി​പ്പി​ക്കാ​നാ​കും?

² യഹോവയുടെ മാർഗ​നിർദേ​ശ​ത്തി​നാ​യി പ്രാർഥി​ക്കുക: ശിഷ്യരെ ഉളവാ​ക്കുക എന്നത്‌ ദൈവ​ത്തി​ന്റെ വേലയാണ്‌. വിജയ​ത്തിന്‌ അനിവാ​ര്യം അവന്റെ അനു​ഗ്ര​ഹ​മാണ്‌, നമ്മുടെ കഴിവു​കളല്ല. (പ്രവൃ. 16:14; 1 കൊരി. 3:7) ആയതി​നാൽ, മറ്റുള്ള​വരെ സത്യം പഠിപ്പി​ക്കാൻ യഹോ​വ​യു​ടെ സഹായ​ത്തി​നാ​യി പ്രാർഥി​ക്കു​ന്നതു മർമ​പ്ര​ധാ​ന​മാണ്‌.—യെശ. 50:4, NW.

³ വിദ്യാർഥി വിശ്വ​സി​ക്കു​ന്നത്‌ വിവേ​ചി​ച്ച​റി​യുക: ആളുകൾ എന്തു വിശ്വ​സി​ക്കു​ന്നു, അവർ എന്തു​കൊണ്ട്‌ അതു വിശ്വ​സി​ക്കു​ന്നു എന്നൊക്കെ മനസ്സി​ലാ​ക്കു​ന്നത്‌ അവരുടെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലാൻ എന്തു പറയണം എന്നതു സംബന്ധിച്ച്‌ നമുക്ക്‌ ഉൾക്കാഴ്‌ച നൽകും. ഒരു പ്രത്യേക പഠിപ്പി​ക്കൽ ആകർഷ​ക​മെന്ന്‌ ഒരു വിദ്യാർഥി കണ്ടെത്തു​ന്നത്‌ എന്തു​കൊണ്ട്‌? അതു വിശ്വാ​സ​യോ​ഗ്യ​മാ​ണെന്ന്‌ അദ്ദേഹത്തെ ബോധ്യ​പ്പെ​ടു​ത്തി​യത്‌ എന്താണ്‌? അത്തരം അറിവു​ണ്ടാ​യി​രി​ക്കു​ന്നത്‌ വിവേ​ച​ന​യോ​ടെ സംസാ​രി​ക്കാൻ നമ്മെ സഹായി​ക്കും.—പ്രവൃ. 17:22, 23.

⁴ യുക്തിസഹവും തിരു​വെ​ഴു​ത്തു​പ​ര​വു​മായ വാദഗതി വികസി​പ്പി​ക്കുക: വിദ്യാർഥി​ക്കു സത്യം ബോധ്യ​പ്പെ​ടണം. (പ്രവൃ. 17:24-31) നമ്മുടെ പ്രത്യാ​ശ​യ്‌ക്ക്‌ നാം ഈടുറ്റ കാരണം നൽകേ​ണ്ട​തുണ്ട്‌. (1 പത്രൊ. 3:15) എന്നാൽ എല്ലായ്‌പോ​ഴും ദയയോ​ടും ക്ഷമയോ​ടും കൂടെ അങ്ങനെ ചെയ്യുക.

⁵ ദൃഷ്ടാന്തങ്ങൾകൊണ്ട്‌ നമ്മുടെ പഠിപ്പി​ക്ക​ലി​നെ പിന്താ​ങ്ങുക: ദൃഷ്ടാ​ന്തങ്ങൾ കാര്യങ്ങൾ എളുപ്പം മനസ്സി​ലാ​ക്കാൻ വിദ്യാർഥി​യെ സഹായി​ക്കു​ന്ന​തി​നു പുറമേ മനസ്സി​ലേ​ക്കും ഹൃദയ​ത്തി​ലേ​ക്കും ഇറങ്ങി​ച്ചെ​ന്നു​കൊണ്ട്‌ വികാ​ര​ങ്ങളെ ഉണർത്തു​ക​യും ചെയ്യുന്നു. യേശു പലപ്പോ​ഴും അവ ഉപയോ​ഗി​ച്ചു. (മർക്കൊ. 4:33, 34) തീർച്ച​യാ​യും, ഉപയോ​ഗി​ക്കുന്ന ദൃഷ്ടാന്തം ഫലപ്ര​ദ​മാ​യി​രി​ക്ക​ണ​മെ​ങ്കിൽ അത്‌ ചർച്ച ചെയ്യുന്ന ആശയ​ത്തോ​ടു യോജി​ച്ചത്‌ ആയിരി​ക്കണം. അതിനു വിദ്യാർഥി​യു​ടെ ജീവി​ത​ത്തോ​ടു ബന്ധമു​ണ്ടാ​യി​രി​ക്കണം.

⁶ സത്യം സ്വീക​രി​ക്കു​ന്ന​തി​ന്റെ പ്രയോ​ജ​നങ്ങൾ കാണി​ച്ചു​കൊ​ടു​ക്കുക: തങ്ങൾ പഠിക്കു​ന്നതു ബാധക​മാ​ക്കു​ന്ന​തി​ന്റെ പ്രയോ​ജ​നങ്ങൾ അറിയാൻ ആളുകൾ ആഗ്രഹി​ക്കു​ന്നു. 2 തിമൊ​ഥെ​യൊസ്‌ 3:14-17-ലെ പൗലൊ​സി​ന്റെ വാക്കു​ക​ളി​ലെ ജ്ഞാനം കാണാൻ വിദ്യാർഥി​യെ സഹായി​ക്കുക.

⁷ നിങ്ങളുടെ പഠിപ്പി​ക്ക​ലി​നോ​ടു ചിലർ പ്രതി​ക​രി​ക്കു​ന്നി​ല്ലെ​ങ്കിൽ, നിരു​ത്സാ​ഹ​പ്പെ​ട​രുത്‌. എല്ലാ ഹൃദയ​ങ്ങ​ളും സ്വീകാ​ര്യ​ക്ഷ​മമല്ല. (മത്താ. 13:14) എന്നിരു​ന്നാ​ലും, ചില വ്യക്തികൾ വിശ്വാ​സി​കൾ ആയിത്തീ​രു​ക​തന്നെ ചെയ്യുന്നു. (പ്രവൃ. 17:32-34) സുവാർത്ത​യു​മാ​യി ഹൃദയ​ങ്ങ​ളി​ലേക്ക്‌ ഇറങ്ങി​ച്ചെ​ല്ലാ​നുള്ള നിങ്ങളു​ടെ ശ്രമങ്ങൾ, യേശു കൽപ്പി​ച്ചത്‌ സ്വീക​രി​ക്കാ​നും ‘പ്രമാ​ണി​പ്പാ​നും’ കൂടുതൽ പേരെ സഹായി​ക്കു​മാ​റാ​കട്ടെ.