യഹോ​വയെ മഹത്ത്വ​പ്പെ​ടു​ത്താൻ മറ്റുള്ള​വരെ സഹായി​ക്കൽ

¹ ഭൂമി​യി​ലെ​മ്പാ​ടു​മുള്ള ആളുക​ളോട്‌ ജീവത്‌പ്ര​ധാ​ന​മായ ഒരു സന്ദേശം ഘോഷി​ക്ക​പ്പെ​ടു​ക​യാണ്‌: “ദൈവത്തെ ഭയപ്പെട്ടു അവന്നു മഹത്വം കൊടു​പ്പിൻ; അവന്റെ ന്യായ​വി​ധി​യു​ടെ നാഴിക വന്നിരി​ക്കു​ന്നു; ആകാശ​വും ഭൂമി​യും സമു​ദ്ര​വും നീരു​റ​വു​ക​ളും ഉണ്ടാക്കി​യ​വനെ നമസ്‌ക​രി​പ്പിൻ.” (വെളി. 14:6, 7) ആ ഘോഷ​ണ​ത്തിൽ പങ്കെടു​ക്കാ​നുള്ള മഹത്തായ പദവി നമുക്കുണ്ട്‌. യഹോ​വയെ ഭയപ്പെട്ട്‌ അവനെ ആരാധി​ക്കു​ന്ന​തിന്‌ ആളുകൾ അവനെ സംബന്ധിച്ച്‌ എന്ത്‌ അറി​യേ​ണ്ട​തുണ്ട്‌?

² അവന്റെ നാമം: ഇന്ന്‌ ആരാധി​ക്ക​പ്പെ​ടുന്ന അനേകം വ്യാജ ദൈവ​ങ്ങ​ളിൽനിന്ന്‌ ഏക സത്യ​ദൈ​വത്തെ അവർ പേരി​നാൽ വേർതി​രി​ച്ച​റി​യേ​ണ്ട​തുണ്ട്‌. (ആവ. 4:35; 1 കൊരി. 8:5, 6) വാസ്‌ത​വ​ത്തിൽ, ബൈബിൾ എഴുത്തു​കാർ യഹോ​വ​യു​ടെ ശ്രേഷ്‌ഠ നാമം 7,000-ത്തിലധി​കം പ്രാവ​ശ്യം ഉപയോ​ഗി​ക്കു​ക​യു​ണ്ടാ​യി. ദൈവ​നാ​മത്തെ കുറിച്ച്‌ ആളുക​ളോട്‌ എപ്പോൾ പറയണം എന്ന കാര്യ​ത്തിൽ നാം വിവേ​ച​ന​യു​ള്ളവർ ആയിരി​ക്ക​ണ​മെ​ങ്കി​ലും, നാം അതു മറച്ചു​വെ​ക്കു​ക​യോ അത്‌ ഉപയോ​ഗി​ക്കു​ന്നതു സംബന്ധി​ച്ചു ലജ്ജിക്കു​ക​യോ ചെയ്യരുത്‌. മുഴു മനുഷ്യ​വർഗ​വും തന്റെ നാമം അറിയണം എന്നതാണ്‌ ദൈവ​ത്തി​ന്റെ ഇഷ്ടം.—സങ്കീ. 83:18.

³ അവന്റെ വ്യക്തി​ത്വം: ആളുകൾ ദൈവത്തെ മഹത്ത്വ​പ്പെ​ടു​ത്തു​ന്ന​തിന്‌ അവൻ എങ്ങനെ​യുള്ള ദൈവ​മാ​ണെന്ന്‌ അവർ അറി​യേ​ണ്ട​തുണ്ട്‌. അവന്റെ അതിവി​ശിഷ്ട ഗുണമായ സ്‌നേഹം, അതി​ശ്രേഷ്‌ഠ ജ്ഞാനം, സമ്പൂർണ നീതി, അത്യന്ത ശക്തി എന്നിവ​യോ​ടൊ​പ്പം കരുണ, സ്‌നേ​ഹദയ അതു​പോ​ലെ​തന്നെ അവന്റെ മഹത്തായ മറ്റു ഗുണങ്ങൾ എന്നിവയെ കുറി​ച്ചെ​ല്ലാം നാം അവരെ പരിചി​ത​രാ​ക്കേ​ണ്ട​തുണ്ട്‌. (പുറ. 34:6, 7) കൂടാതെ, തങ്ങളുടെ ജീവൻ യഹോ​വ​യു​ടെ അംഗീ​കാ​രം ഉണ്ടായി​രി​ക്കു​ന്ന​തി​നെ ആശ്രയി​ച്ചി​രി​ക്കു​ന്നു എന്നു തിരി​ച്ച​റി​ഞ്ഞു​കൊണ്ട്‌ ആരോ​ഗ്യാ​വ​ഹ​മായ ദൈവ​ഭയം ഉണ്ടായി​രി​ക്കാ​നും അവനെ വിസ്‌മ​യാ​ദ​ര​വോ​ടെ വീക്ഷി​ക്കാ​നും അവർ പഠി​ക്കേ​ണ്ട​തുണ്ട്‌.—സങ്കീ. 89:7, NW.

⁴ ദൈവ​ത്തോട്‌ അടുത്തു ചെല്ലൽ: ആസന്നമായ ദിവ്യ​ന്യാ​യ​വി​ധി​യിൽ സംരക്ഷി​ക്ക​പ്പെ​ടു​ന്ന​തിന്‌ ആളുകൾ വിശ്വാ​സ​ത്തോ​ടെ ദൈവ​നാ​മം വിളി​ച്ച​പേ​ക്ഷി​ക്കേ​ണ്ട​തുണ്ട്‌. (റോമ. 10:13, 14; 2 തെസ്സ. 1:8) അതിൽ ദൈവ​നാ​മ​ത്തെ​യും അവന്റെ ഗുണങ്ങ​ളെ​യും കുറി​ച്ചുള്ള പരിജ്ഞാ​നം സമ്പാദി​ക്കു​ന്ന​തി​ലും അധികം ഉൾപ്പെ​ട്ടി​രി​ക്കു​ന്നു. യഹോ​വ​യു​മാ​യി വ്യക്തി​പ​ര​മായ ഒരു ബന്ധം വളർത്തി​യെ​ടു​ക്കാ​നും മുഴു ഹൃദയ​ത്തോ​ടെ അവനെ ആശ്രയി​ക്കാ​നും നാം ആളുകളെ സഹായി​ക്കേ​ണ്ട​തുണ്ട്‌. (സദൃ. 3:5, 6) പഠിക്കു​ന്നത്‌ ബാധക​മാ​ക്കു​ക​യും ആത്മാർഥ​മായ പ്രാർഥ​ന​യിൽ ദൈവത്തെ സമീപി​ക്കു​ക​യും അവന്റെ സഹായം അനുഭ​വി​ച്ച​റി​യു​ക​യും ചെയ്യു​മ്പോൾ അവരുടെ വിശ്വാ​സം വർധി​ക്കും, അതു യഹോ​വ​യോട്‌ അടുത്തു ചെല്ലാൻ അവരെ സഹായി​ക്കും.—സങ്കീ. 34:8.

⁵ നമുക്ക്‌ ഉത്സാഹ​പൂർവം ദൈവ​നാ​മം ഘോഷി​ക്കു​ക​യും അവനിൽ പൂർണ ആശ്രയം വെക്കാ​നും അവനെ ഭയപ്പെ​ടാ​നും ആളുകളെ സഹായി​ക്കു​ക​യും ചെയ്യാം. യഹോ​വയെ അറിയാ​നും തങ്ങളുടെ “രക്ഷയുടെ ദൈവ”മെന്ന നിലയിൽ അവനെ മഹത്ത്വ​പ്പെ​ടു​ത്താ​നും അനേക​രെ​കൂ​ടി സഹായി​ക്കാൻ നമുക്കു കഴി​ഞ്ഞേ​ക്കും.—സങ്കീ. 25:5.