തൊഴിൽ വിരാമം—വർധിച്ച പ്രവർത്ത​ന​ത്തി​ലേ​ക്കുള്ള ഒരു വാതി​ലോ?

¹ കഠിനാധ്വാനം ചെയ്യുന്ന അനേകർ ലൗകിക ജോലി​യിൽനി​ന്നു വിരമിച്ച്‌ തൊഴിൽക്ലേ​ശ​ത്തിൽനി​ന്നും സമ്മർദ​ങ്ങ​ളിൽനി​ന്നും സ്വത​ന്ത്ര​രാ​കുന്ന ഒരു കാലത്തി​നാ​യി വാഞ്‌ഛി​ക്കു​ന്നു. എന്നിരു​ന്നാ​ലും, തൊഴിൽ വിരാമം മിക്ക​പ്പോ​ഴും വിരക്തി, വിരസത, അകാല വാർധ​ക്യം എന്നിവ​യ്‌ക്ക്‌ ഇടയാ​ക്കു​ന്നു. ഉദ്ദേശ്യ​പൂർണ​മായ പ്രവർത്ത​നങ്ങൾ ഇല്ലാതെ വരു​മ്പോൾ ഒരുവൻ തന്നെക്കു​റി​ച്ചുള്ള ഉത്‌ക​ണ്‌ഠ​ക​ളിൽ ആണ്ടു​പോ​യേ​ക്കാം. ജോലി​യിൽനി​ന്നു വിരമിച്ച ഗവൺമെന്റ്‌ ജീവന​ക്കാർക്ക്‌ ‘അസംതൃ​പ്‌തി, ശുണ്‌ഠി, സുരക്ഷി​ത​ത്വ​മി​ല്ലായ്‌മ, വ്യക്തി​ത്വം നഷ്ടമാകൽ എന്നിവ​യിൽ തുടങ്ങി വിഷാദം, തങ്ങളുടെ ലോകം​തന്നെ തകരു​ക​യാ​ണെന്ന തോന്നൽ എന്നിവ​വരെ എത്തുന്ന’ അനേകം പ്രശ്‌നങ്ങൾ അനുഭ​വ​പ്പെ​ട്ട​താ​യി ബ്രസീ​ലി​ലെ ഒരു ദിനപ​ത്രം റിപ്പോർട്ടു ചെയ്‌തു.

² ഇതിൽനിന്നു വിരു​ദ്ധ​മാ​യി, അനേകം ക്രിസ്‌ത്യാ​നി​കൾ തങ്ങളുടെ ജീവി​ത​ത്തി​ലെ ഈ പുതിയ അധ്യാ​യത്തെ വർധിച്ച ആത്മീയ പ്രവർത്ത​ന​ങ്ങ​ളി​ലേ​ക്കുള്ള ഒരു വാതി​ലാ​യി വീക്ഷി​ക്കു​ന്നു. 65 വയസ്സ്‌ തികഞ്ഞ്‌ രണ്ട്‌ ആഴ്‌ച കഴിഞ്ഞ​പ്പോൾ പയനി​യ​റിങ്‌ തുടങ്ങിയ ഒരു സഹോ​ദരൻ ഇങ്ങനെ പറഞ്ഞു: “കഴിഞ്ഞ പത്തു വർഷത്തെ പയനി​യ​റി​ങ്ങി​ന്റെ നാളു​ക​ളി​ലെ​പ്പോ​ലെ അനുഗ്രഹ സമ്പന്നമായ കാലഘട്ടം ഞാൻ ഒരിക്ക​ലും അനുഭ​വി​ച്ചി​ട്ടില്ല.” ഒരു ദമ്പതികൾ ഇപ്രകാ​രം എഴുതി: “ഞങ്ങളുടെ യഥാർഥ സുവർണ വർഷങ്ങൾ ആരംഭി​ച്ചതു പയനി​യ​റിങ്‌ തുടങ്ങി​യ​പ്പോ​ഴാണ്‌.” അതേ, അനേക​രെ​യും സംബന്ധി​ച്ചി​ട​ത്തോ​ളം തൊഴിൽ വിരാമം, ശുശ്രൂഷ വികസി​പ്പി​ക്കു​ന്ന​തി​നും യഹോ​വ​യിൽനി​ന്നുള്ള സമൃദ്ധ​മായ അനു​ഗ്ര​ഹങ്ങൾ കൊയ്യു​ന്ന​തി​നു​മുള്ള ഒരു സുവർണാ​വ​സരം പ്രദാനം ചെയ്യുന്നു.

³ തിരക്കുള്ളവരും ഫലപ്ര​ദ​രും ആയിരി​ക്കൽ: ഇപ്പോൾ ജോലി​യിൽനി​ന്നു വിരമി​ച്ചി​രി​ക്കുന്ന അനേക​രും ഇന്നു സാധാ​ര​ണ​മാ​യി​രി​ക്കുന്ന ജീവിത സൗകര്യ​ങ്ങൾ ഒന്നുമി​ല്ലാ​തെ വളർന്നു​വ​ന്ന​വ​രും ചെറു​പ്രാ​യ​ത്തിൽത്തന്നെ കഠിനാ​ധ്വാ​നം ചെയ്യാൻ ശീലി​ച്ച​വ​രു​മാണ്‌. ചെറു​പ്പ​ത്തി​ന്റെ ചുറു​ചു​റുക്ക്‌ ഇല്ലെങ്കി​ലും ഇപ്പോ​ഴും അവർ വളരെ ഫലപ്ര​ദ​രായ ജോലി​ക്കാ​രാണ്‌. ഒരു ബ്രാഞ്ച്‌ മേഖല​യിൽ 22 ശതമാനം പയനി​യർമാ​രും—ഏകദേശം 20,000 സഹോ​ദ​രീ​സ​ഹോ​ദ​ര​ന്മാർ—കുറഞ്ഞത്‌ 60 വയസ്സ്‌ പ്രായ​മു​ള്ള​വ​രാണ്‌. പ്രസം​ഗ​വേ​ല​യു​ടെ ഒരു വലിയ ഭാഗവും നിർവ​ഹി​ക്കു​ന്നത്‌ ഇവരാണ്‌. അവരുടെ അനുഭ​വ​പ​രി​ച​യ​വും ദൈവിക ഗുണങ്ങ​ളും അവർ സേവി​ക്കുന്ന സഭകളെ സമ്പന്നമാ​ക്കു​ന്നു.—യാക്കോ. 3:17, 18.

⁴ ക്രിസ്‌തീയ ശുശ്രൂ​ഷ​യിൽ തിരക്കു​ള്ളവർ ആയിരി​ക്കു​ന്നത്‌ ആരോ​ഗ്യ​വും ജീവി​ത​ത്തി​ന്റെ ഗുണനി​ല​വാ​ര​വും മെച്ച​പ്പെ​ടു​ത്തു​ന്നു. ജോലി​യിൽനി​ന്നു വിരമി​ച്ച​ശേഷം പയനി​യ​റിങ്‌ തുടങ്ങിയ 84 വയസ്സുള്ള ഒരു സഹോ​ദരി ഇങ്ങനെ പറഞ്ഞു: “അനേകം താത്‌പ​ര്യ​ക്കാ​രു​മാ​യി ബൈബി​ള​ധ്യ​യനം നടത്തു​ന്നത്‌ മാനസി​ക​മാ​യി പ്രവർത്ത​ന​ക്ഷ​മ​ത​യു​ള്ളവൾ ആയിരി​ക്കാൻ എന്നെ സഹായി​ച്ചി​രി​ക്കു​ന്നു. കാർ ഇല്ലാത്ത​തു​കൊണ്ട്‌ എനിക്കു ധാരാളം നടക്കേ​ണ്ട​താ​യി വരുന്നു. അത്‌ എന്നെ ആരോ​ഗ്യ​മു​ള്ള​വ​ളാ​യി നിലനി​റു​ത്തു​ന്നു.” പ്രായ​മുള്ള ഒരു പയനിയർ ദമ്പതികൾ ഇങ്ങനെ അഭി​പ്രാ​യ​പ്പെട്ടു: “ശുശ്രൂഷ ഞങ്ങളെ മാനസി​ക​വും ശാരീ​രി​ക​വു​മാ​യി ആരോ​ഗ്യ​മു​ള്ള​വ​രാ​യി നിലനി​റു​ത്തു​ന്നു. ഞങ്ങൾ എല്ലായ്‌പോ​ഴും ഒരുമി​ച്ചാണ്‌. ഞങ്ങൾ ഒത്തിരി ചിരി​ക്കാ​റുണ്ട്‌, ജീവിതം ആസ്വദി​ക്കു​ക​യും ചെയ്യുന്നു.”

⁵ ആവശ്യമുള്ളിടത്തു സേവിക്കൽ: ജോലി​യിൽനി​ന്നു വിരമിച്ച, അനുകൂ​ല​മായ സാമ്പത്തിക ചുറ്റു​പാ​ടുള്ള ചില ക്രിസ്‌ത്യാ​നി​കൾ രാജ്യ​ഘോ​ഷ​ക​രു​ടെ ആവശ്യം അധിക​മുള്ള സ്ഥലത്തേക്കു മാറി​ത്താ​മ​സി​ച്ചി​രി​ക്കു​ന്നു. തീക്ഷ്‌ണ​ത​യുള്ള ഈ പ്രസാ​ധകർ അപ്പൊ​സ്‌ത​ല​നായ പൗലൊ​സി​നെ​പ്പോ​ലെ, “സുവി​ശേ​ഷ​ത്തിൽ ഒരു പങ്കാളി​യാ​കേ​ണ്ട​തി​ന്നു . . . സകലവും സുവി​ശേഷം നിമിത്തം ചെയ്യുന്നു.”—1 കൊരി. 9:23.

⁶ തങ്ങളുടെ രണ്ട്‌ ആൺമക്കൾ വളർന്ന​തി​നു​ശേഷം ഒരു ദമ്പതികൾ പയനി​യ​റിങ്‌ തുടങ്ങി. ഏതാനും വർഷം പയനി​യ​റിങ്‌ ചെയ്‌ത​ശേഷം അവർ ചൈനീസ്‌ ഭാഷ പഠിക്കാൻ ആരംഭി​ച്ചു. ഇപ്പോൾ അവർക്ക്‌ 75-നുമേൽ പ്രായ​മുണ്ട്‌. അവർ അടുത്ത​യി​ടെ, തങ്ങൾ ഏത്‌ ചൈനീസ്‌ കൂട്ട​ത്തോ​ടൊ​പ്പ​മാ​ണോ സേവി​ച്ചി​രു​ന്നത്‌ അത്‌ ഒരു സഭയാ​യി​ത്തീർന്നത്‌ കാണു​ന്ന​തി​ലെ സന്തോഷം ആസ്വദി​ച്ചി​രി​ക്കു​ന്നു. ഇവരെ​പ്പോ​ലുള്ള ദമ്പതികൾ വലിയ അനു​ഗ്ര​ഹം​ത​ന്നെ​യാണ്‌.

⁷ ശുശ്രൂഷയിൽനിന്നു വിരമി​ക്കാ​നാ​വില്ല: മിക്കവ​രും ലൗകിക ജോലി​യിൽനി​ന്നു ക്രമേണ വിരമി​ക്കു​ന്നെ​ങ്കി​ലും ക്രിസ്‌ത്യാ​നി​കൾക്ക്‌ തങ്ങളുടെ ദൈവ​സേ​വ​ന​ത്തിൽനി​ന്നു വിരമി​ക്കാ​നാ​വില്ല. എല്ലാവ​രും “അവസാ​ന​ത്തോ​ളം” വിശ്വ​സ്‌ത​രാ​യി തുട​രേ​ണ്ട​തുണ്ട്‌. (മത്താ. 24:13, 14) തീർച്ച​യാ​യും, പ്രായാ​ധി​ക്യം നിമിത്തം യഹോ​വ​യു​ടെ സേവന​ത്തിൽ തങ്ങൾ മുമ്പു ചെയ്‌തി​രു​ന്നത്ര ചെയ്യാൻ ചിലർക്കു കഴിയു​ന്നില്ല. എന്നാൽ തങ്ങൾക്കു കഴിയു​ന്നത്‌ അവർ മുഴു​ഹൃ​ദ​യ​ത്തോ​ടെ ചെയ്യു​ന്നതു കാണു​ന്നത്‌ എത്ര പ്രോ​ത്സാ​ഹ​ജ​ന​ക​മാണ്‌! അവരുടെ പ്രവൃ​ത്തി​യും അവർ തന്റെ നാമ​ത്തോ​ടു കാണി​ക്കുന്ന സ്‌നേ​ഹ​വും യഹോവ ഒരിക്ക​ലും മറക്കില്ല എന്ന്‌ ദൈവ​വ​ചനം അവർക്ക്‌ ഉറപ്പു നൽകുന്നു.—ലൂക്കൊ. 21:1-4; എബ്രാ. 6:10.

⁸ നിങ്ങൾക്കു ജോലി​യിൽനി​ന്നു വിരമി​ക്കാ​നുള്ള പ്രായം അടുത്തു​വ​രു​ക​യാ​ണെ​ങ്കിൽ, നിങ്ങളു​ടെ മാറുന്ന സാഹച​ര്യ​ത്തെ പൂർണ​മാ​യി പ്രയോ​ജ​ന​പ്പെ​ടു​ത്താൻ എങ്ങനെ കഴിയും എന്നതിനെ കുറിച്ച്‌ എന്തു​കൊണ്ട്‌ പ്രാർഥ​നാ​പൂർവം ചിന്തി​ച്ചു​കൂ​ടാ? ദിവ്യ​സ​ഹാ​യ​ത്താൽ, യഹോ​വ​യ്‌ക്കു സ്‌തുതി കരേറ്റു​ക​യും നിങ്ങൾക്ക്‌ അനേകം അനു​ഗ്ര​ഹങ്ങൾ കൈവ​രു​ത്തു​ക​യും ചെയ്യുന്ന വർധിച്ച പ്രവർത്ത​ന​ത്തി​ലേ​ക്കുള്ള ഒരു വാതിൽ തൊഴിൽ വിരാമം നിങ്ങൾക്കു തുറന്നു​ത​രു​ന്ന​താ​യി നിങ്ങൾ കണ്ടെത്തി​യേ​ക്കാം.—സങ്കീ. 148:12, 13.