പ്രസം​ഗി​ക്കാ​നുള്ള അവസരം സൃഷ്ടി​ക്കു​ക

¹ ക്രിസ്‌തീയ സഭയി​ലുള്ള ഓരോ​രു​ത്ത​രു​ടെ​യും സാഹച​ര്യ​ങ്ങൾ വ്യത്യ​സ്‌ത​മാണ്‌. എന്നിരു​ന്നാ​ലും യഹോ​വയെ സ്‌തു​തി​ക്കാ​നുള്ള തീരു​മാ​ന​ത്തിൽ നാമെ​ല്ലാം ഐക്യ​മു​ള്ള​വ​രാണ്‌. (സങ്കീ. 79:13) മോശ​മായ ആരോ​ഗ്യ​മോ വെല്ലു​വി​ളി നിറഞ്ഞ മറ്റു സാഹച​ര്യ​ങ്ങ​ളോ സുവാർത്താ​ഘോ​ഷ​ണ​ത്തി​ലെ നമ്മുടെ പങ്കിനെ പരിമി​ത​പ്പെ​ടു​ത്തു​ന്നെ​ങ്കിൽ പ്രസം​ഗി​ക്കാ​നുള്ള അവസരം നമുക്ക്‌ എങ്ങനെ സൃഷ്ടി​ക്കാ​നാ​കും?

² അനുദിന പ്രവർത്ത​ന​ങ്ങ​ളിൽ: ദൈനം​ദിന ജീവി​ത​ത്തിൽ ആളുക​ളു​മാ​യി ഇടപെട്ട സന്ദർഭങ്ങൾ സാക്ഷ്യം നൽകു​ന്ന​തി​നാ​യി യേശു വിനി​യോ​ഗി​ച്ചു. ചുങ്കസ്ഥ​ല​ത്തി​ന​ടു​ത്തു​കൂ​ടെ കടന്നു​പോ​യ​പ്പോൾ അവൻ മത്തായി​യോ​ടു സംസാ​രി​ച്ചു, യാത്ര​യ്‌ക്കി​ട​യിൽ സക്കായി​യോ​ടും വിശ്ര​മ​വേ​ള​യിൽ ശമര്യ​ക്കാ​രി സ്‌ത്രീ​യോ​ടും സാക്ഷീ​ക​രി​ക്കു​ക​യു​ണ്ടാ​യി. (മത്താ. 9:9; ലൂക്കൊ. 19:1-5; യോഹ. 4:6-10) ദൈനം​ദിന ജീവി​ത​ത്തി​ലെ സാധാരണ സംഭാ​ഷ​ണ​ങ്ങൾക്കി​ട​യിൽ സാക്ഷ്യം നൽകാൻ നമുക്കും കഴിയും. ബൈബി​ളി​നോ​ടൊ​പ്പം ലഘു​ലേ​ഖ​ക​ളോ ലഘുപ​ത്രി​ക​ക​ളോ കൈവ​ശ​മു​ണ്ടെ​ങ്കിൽ നമ്മുടെ പ്രത്യാ​ശ​യെ​ക്കു​റി​ച്ചു സംസാ​രി​ക്കാൻ നാം പ്രോ​ത്സാ​ഹി​ത​രാ​യി​ത്തീ​രും.—1 പത്രൊ. 3:15.

³ മോശമായ ആരോ​ഗ്യ​സ്ഥി​തി നിമിത്തം വീടു​തോ​റും പ്രസം​ഗി​ക്കു​ന്നതു നിങ്ങൾക്കു ബുദ്ധി​മു​ട്ടാ​ണോ? നിങ്ങളെ സന്ദർശി​ക്കുന്ന ആശുപ​ത്രി ജീവന​ക്കാ​രോ​ടും നിങ്ങൾ സമ്പർക്കം പുലർത്തുന്ന മറ്റുള്ള​വ​രോ​ടും സാക്ഷീ​ക​രി​ക്കു​ന്ന​തി​നുള്ള അവസരം പ്രയോ​ജ​ന​പ്പെ​ടു​ത്താൻ ശ്രദ്ധയു​ള്ള​വ​രാ​യി​രി​ക്കുക. (പ്രവൃ. 28:30, 31) ഒട്ടുമി​ക്ക​പ്പോ​ഴും വീട്ടിൽനി​ന്നു പുറത്തു​പോ​കാൻ പറ്റാത്ത സാഹച​ര്യ​ത്തി​ലാ​ണു നിങ്ങ​ളെ​ങ്കിൽ ടെലി​ഫോ​ണി​ലൂ​ടെ​യോ കത്തു മുഖാ​ന്ത​ര​മോ സാക്ഷീ​ക​രി​ക്കാൻ നിങ്ങൾ ശ്രമി​ച്ചി​ട്ടു​ണ്ടോ? ഒരു സഹോ​ദരി സാക്ഷി​ക​ള​ല്ലാത്ത തന്റെ സ്വന്തക്കാർക്ക്‌ ക്രമമാ​യി കത്തെഴു​താ​റുണ്ട്‌. അതിൽ ബൈബി​ളിൽനി​ന്നുള്ള പ്രോ​ത്സാ​ഹ​ജ​ന​ക​മായ ആശയങ്ങ​ളും മറ്റുള്ള​വ​രോ​ടു സാക്ഷീ​ക​രി​ച്ച​പ്പോൾ ഉണ്ടായ അനുഭ​വ​ങ്ങ​ളും അവർ ഉൾപ്പെ​ടു​ത്തു​ന്നു.

⁴ ജോലിസ്ഥലത്ത്‌ അല്ലെങ്കിൽ സ്‌കൂ​ളിൽ: യഹോ​വയെ സ്‌തു​തി​ക്കാ​നുള്ള നമ്മുടെ ആഗ്രഹം ജോലി​സ്ഥ​ലത്ത്‌ അല്ലെങ്കിൽ സ്‌കൂ​ളിൽ സത്യത്തി​ന്റെ വിത്തു വിതയ്‌ക്കു​ന്ന​തിന്‌ അവസരങ്ങൾ ഉണ്ടാക്കാൻ നമ്മെ പ്രേരി​പ്പി​ക്കും. എട്ടു വയസ്സുള്ള ഒരു പ്രസാ​ധകൻ ചന്ദ്ര​നെ​ക്കു​റിച്ച്‌ ഉണരുക!യിൽ വായിച്ച കാര്യങ്ങൾ തന്റെ ക്ലാസ്സിൽ പറഞ്ഞു. അവന്‌ ഈ വിവരങ്ങൾ കിട്ടി​യത്‌ എവി​ടെ​നി​ന്നാ​ണെന്നു മനസ്സി​ലാ​ക്കിയ അവന്റെ അധ്യാ​പിക വീക്ഷാ​ഗോ​പു​ര​വും ഉണരുക!യും ക്രമമാ​യി വായി​ക്കാൻ തുടങ്ങി. ബൈബിൾ പഠിപ്പി​ക്കു​ന്നു പുസ്‌തകം ജോലി​സ്ഥ​ലത്ത്‌ മറ്റുള്ള​വർക്കു കാണാൻ കഴിയു​ന്നി​ടത്ത്‌ വെക്കു​ന്നെ​ങ്കിൽ ആളുകൾ അതു കണ്ടിട്ട്‌ ചോദ്യ​ങ്ങൾ ചോദി​ക്കു​ക​യും അങ്ങനെ സാക്ഷ്യം നൽകു​ന്ന​തിന്‌ ഒരു അവസരം ലഭിക്കു​ക​യും ചെയ്‌തേ​ക്കാം.

⁵ അനുദിന പ്രവർത്ത​ന​ങ്ങൾക്കി​ട​യിൽ സുവാർത്ത പ്രസം​ഗി​ക്കു​ന്ന​തിന്‌ അവസരം സൃഷ്ടി​ക്കാ​നുള്ള മാർഗ​ങ്ങ​ളെ​ക്കു​റി​ച്ചു നിങ്ങൾക്കു ചിന്തി​ക്കാ​നാ​കു​മോ? നമ്മുടെ സാഹച​ര്യ​ങ്ങൾ പരമാ​വധി പ്രയോ​ജ​ന​പ്പെ​ടു​ത്തി​ക്കൊണ്ട്‌ ‘ദൈവ​ത്തിന്‌ അധരഫലം എന്ന സ്‌തോ​ത്ര​യാ​ഗം അർപ്പി​ക്കാൻ’ ഓരോ ദിവസ​വും നമുക്കു ശ്രമി​ക്കാം.—എബ്രാ. 13:15.