തീക്ഷ്‌ണത എങ്ങനെ നിലനി​റു​ത്താം?

¹ ശുശ്രൂഷയിൽ അപ്പൊ​ല്ലോസ്‌ കാണിച്ച തീക്ഷ്‌ണ​ത​യെ​ക്കു​റി​ച്ചു വായി​ക്കു​മ്പോൾ ഇന്നു പ്രസം​ഗ​വേ​ല​യിൽ പ്രത്യേ​കാൽ തീക്ഷ്‌ണ​ത​യുള്ള സഹക്രി​സ്‌ത്യാ​നി​ക​ളാ​യി​രി​ക്കാം നമ്മുടെ മനസ്സി​ലേക്കു വരുന്നത്‌. (പ്രവൃ. 18:24-28) എന്നാൽ, “ഉത്സാഹ​ത്തിൽ മടുപ്പി​ല്ലാ​തെ ആത്മാവിൽ എരിവു​ള്ള​വ​രാ​യി”രിക്കാൻ നമ്മെ​യെ​ല്ലാം ഉദ്‌ബോ​ധി​പ്പി​ച്ചി​രി​ക്കു​ന്നു. (റോമ. 12:11) ക്രിസ്‌തീയ ശുശ്രൂ​ഷ​യിൽ തീക്ഷ്‌ണത ഉണ്ടായി​രി​ക്കു​ന്ന​തി​നും അതു നിലനി​റു​ത്തു​ന്ന​തി​നും നമ്മെ എന്തു സഹായി​ക്കും?

² അറിവിനുള്ള പങ്ക്‌: യേശു തന്റെ രണ്ടു ശിഷ്യ​ന്മാർക്കു പ്രത്യ​ക്ഷ​പ്പെ​ടു​ക​യും “എല്ലാ തിരു​വെ​ഴു​ത്തു​ക​ളി​ലും തന്നെക്കു​റി​ച്ചു​ള്ളതു അവർക്കു വ്യാഖ്യാ​നി​ച്ചു”കൊടു​ക്കു​ക​യും ചെയ്‌ത​തി​നെ​ത്തു​ടർന്ന്‌ അവർ പറഞ്ഞു: “അവൻ വഴിയിൽ നമ്മോടു സംസാ​രി​ച്ചു തിരു​വെ​ഴു​ത്തു​കളെ തെളി​യി​ക്കു​മ്പോൾ നമ്മുടെ ഹൃദയം നമ്മുടെ ഉള്ളിൽ കത്തി​ക്കൊ​ണ്ടി​രു​ന്നി​ല്ല​യോ.” (ലൂക്കൊ. 24:27, 32) ദൈവ​വ​ച​ന​ത്തെ​ക്കു​റി​ച്ചുള്ള അറിവ്‌ വർധി​ക്കു​മ്പോൾ നമ്മുടെ ഹൃദയ​വും ആവേശ​ത്താൽ ജ്വലി​ക്കു​ന്നി​ല്ലേ? വിശ്വാ​സത്തെ ജ്വലി​പ്പി​ച്ചു നിറു​ത്തുന്ന ഇന്ധനം​പോ​ലെ​യാണ്‌ അറിവ്‌. ‘വിശ്വാ​സം കേൾവി​യാൽ വരുന്നു’ എന്ന്‌ റോമർ 10:17 വിശദീ​ക​രി​ക്കു​ന്നു. യഹോ​വ​യു​ടെ വാഗ്‌ദാ​ന​ങ്ങ​ളി​ലുള്ള വിശ്വാ​സ​ത്താൽ നമ്മുടെ ഹൃദയം നിറയു​മ്പോൾ പഠിച്ച കാര്യ​ങ്ങ​ളെ​ക്കു​റി​ച്ചു സംസാ​രി​ക്കാ​തി​രി​ക്കാൻ നമുക്കു കഴിയില്ല.—സങ്കീ. 145:7; പ്രവൃ. 4:20.

³ ശക്തമായ ദൈവ​സ്‌നേ​ഹ​വും സേവന​ത്തി​ലെ ഉജ്ജ്വല​മായ തീക്ഷ്‌ണ​ത​യും നിലനി​റു​ത്താൻ മുമ്പു നേടിയ അറിവു മാത്രം പോരാ. സത്യ​ത്തെ​ക്കു​റി​ച്ചുള്ള അറിവും യഹോ​വ​യോ​ടുള്ള നമ്മുടെ സ്‌നേ​ഹ​വും വർധി​പ്പി​ക്കു​ന്ന​തിൽ നാം തുടരു​ക​തന്നെ വേണം. അല്ലാത്ത​പക്ഷം ദൈവ​സേ​വനം ക്രമേണ വെറും കടമനിർവ​ഹ​ണം​പോ​ലെ ആയിത്തീർന്നേ​ക്കാം. (വെളി. 2:4) “ദൈവ​ത്തെ​ക്കു​റി​ച്ചു​ളള പരിജ്ഞാ​ന​ത്തിൽ വളരേ​ണ​മെന്നു” ദൈവ​വ​ചനം നമ്മെ ബുദ്ധി​യു​പ​ദേ​ശി​ക്കു​ന്നു.—കൊലൊ. 1:9, 10.

⁴ നമ്മുടെ പഠനശീ​ലങ്ങൾ: അതു​കൊണ്ട്‌, നാം നമ്മുടെ പഠനശീ​ല​ങ്ങളെ ഒന്നു വിലയി​രു​ത്തു​ന്നതു നല്ലതാണ്‌. ഉദാഹ​ര​ണ​ത്തിന്‌, വീക്ഷാ​ഗോ​പു​ര​ത്തി​ന്റെ അധ്യയ​ന​ലേ​ഖ​ന​ത്തിൽ ഉത്തരങ്ങൾ അടയാ​ള​പ്പെ​ടു​ത്തു​ന്ന​തി​നും ശരിയായ അഭി​പ്രാ​യങ്ങൾ പറയു​ന്ന​തി​നും നമുക്കു കഴിയു​മാ​യി​രി​ക്കും. എന്നാൽ ഉദ്ധരി​ക്കാ​തെ, പരാമർശി​ക്കുക മാത്രം ചെയ്‌തി​രി​ക്കുന്ന തിരു​വെ​ഴു​ത്തു​കൾ എടുത്തു​നോ​ക്കാ​നും പഠനഭാ​ഗത്തെ വിവരങ്ങൾ നമ്മുടെ ജീവി​ത​ത്തിൽ എപ്രകാ​ര​മാ​ണു ബാധക​മാ​കു​ന്നത്‌ എന്നു ചിന്തി​ക്കാ​നും നാം സമയ​മെ​ടു​ക്കാ​റു​ണ്ടോ? പ്രതി​വാര ബൈബിൾ വായന​ഭാ​ഗത്തെ സംബന്ധി​ച്ചി​ട​ത്തോ​ളം, സാധ്യ​മെ​ങ്കിൽ ഗവേഷണം ചെയ്യാൻ നാം ശ്രമി​ക്കാ​റു​ണ്ടോ? അതിൽ നമുക്കാ​യി എന്തു പാഠങ്ങ​ളാണ്‌ അടങ്ങി​യി​രി​ക്കു​ന്നത്‌ എന്നതി​നെ​ക്കു​റിച്ച്‌ നാം ധ്യാനി​ക്കാ​റു​ണ്ടോ? (സങ്കീ. 77:11, 12; സദൃ. 2:1-5) ദൈവ​വ​ച​ന​ത്തി​ന്റെ പഠനത്തിൽ മുഴു​കി​യി​രി​ക്കു​ന്ന​തും അതേക്കു​റി​ച്ചു ധ്യാനി​ക്കു​ന്ന​തും എത്ര പ്രയോ​ജ​ന​പ്ര​ദ​മാണ്‌! (1 തിമൊ. 4:15, 16) അത്തരം ഗഹനമായ പഠനം നമ്മുടെ ഹൃദയത്തെ പരി​പോ​ഷി​പ്പി​ക്കു​ക​യും “സൽപ്ര​വൃ​ത്തി​ക​ളിൽ ശുഷ്‌കാ​ന്തി”യുള്ളവ​രാ​യി​രി​ക്കാൻ നമുക്ക്‌ ഊർജം പകരു​ക​യും ചെയ്യും.—തീത്തൊ. 2:14.