വീക്ഷാ​ഗോ​പു​രം ഉദ്വേ​ഗ​ജ​ന​ക​മായ വഴിത്തി​രി​വിൽ!

¹ ഈ വർഷാ​രം​ഭ​ത്തിൽ പുളക​പ്ര​ദ​മായ ഒരു അറിയിപ്പ്‌ സഭകൾക്കു ലഭിക്കു​ക​യു​ണ്ടാ​യി. 2008 ജനുവരി മുതൽ, പൊതു​ജ​ന​ത്തി​നും നമ്മുടെ സഹോ​ദ​ര​വർഗ​ത്തി​നു​മുള്ള രണ്ടു തരം പതിപ്പു​ക​ളാ​യി വീക്ഷാ​ഗോ​പു​രം രംഗത്തു​വ​രു​ന്നു എന്നതാ​യി​രു​ന്നു അതിന്റെ സാരം! ‘എന്തായി​രി​ക്കും ഇവയെ വ്യത്യ​സ്‌ത​മാ​ക്കു​ന്നത്‌? വിഭി​ന്ന​മായ ഈ പതിപ്പു​ക​ളു​ടെ പ്രയോ​ജ​നങ്ങൾ എന്തെല്ലാ​മാണ്‌? എന്തെങ്കി​ലും പുതുമ പ്രതീ​ക്ഷി​ക്കാ​മോ? ഏതെല്ലാം ഇന്ത്യൻ ഭാഷക​ളിൽ ഈ മാറ്റം ബാധക​മാ​കും?’ എന്നൊക്കെ ഒരുപക്ഷേ നിങ്ങൾ ചിന്തി​ച്ചി​ട്ടു​ണ്ടാ​കും.

² വ്യത്യസ്‌തതകൾ: മാസത്തി​ന്റെ ഒന്നാം തീയതി​യി​ലെ ലക്കത്തി​ലുള്ള എല്ലാ ലേഖന​ങ്ങ​ളും പൊതു​ജ​നത്തെ മുന്നിൽക്ക​ണ്ടു​കൊ​ണ്ടാ​യി​രി​ക്കും തയ്യാറാ​ക്കുക. 15-ാം തീയതി​യി​ലെ ലക്കം അധ്യയന പതിപ്പാ​യി​രി​ക്കും. ഇതു നാം വയലിൽ സമർപ്പി​ക്കു​ക​യില്ല. ഒരു മാസ​ത്തേ​ക്കുള്ള എല്ലാ അധ്യയന ലേഖന​ങ്ങ​ളും സമർപ്പിത ക്രിസ്‌ത്യാ​നി​കൾക്കു പ്രത്യേ​കാൽ താത്‌പ​ര്യ​ജ​ന​ക​മായ കൂടു​ത​ലായ ചില ലേഖന​ങ്ങ​ളും ഇതിലു​ണ്ടാ​യി​രി​ക്കും. വീക്ഷാ​ഗോ​പു​ര​ത്തി​ന്റെ പൊതു​ജന പതിപ്പ്‌ സാക്ഷി​കൾക്കും വിശേ​ഷാൽ, ബൈബി​ളി​നെ ആദരി​ക്കുന്ന സാക്ഷി​ക​ള​ല്ലാ​ത്ത​വർക്കും അത്യന്തം ആകർഷ​ക​മാ​യി​രി​ക്കും. നേരെ​മ​റിച്ച്‌ സന്ദേഹ​വാ​ദി​ക​ളും അ​ക്രൈ​സ്‌ത​വ​രും മറ്റുമ​ട​ങ്ങിയ ബൃഹത്തായ ഒരു സമൂഹത്തെ മുൻനി​റു​ത്തി ഉണരുക! തുടർന്നും പ്രസി​ദ്ധീ​ക​രി​ക്കു​ന്ന​താ​യി​രി​ക്കും.

³ പ്രയോജനങ്ങൾ: അധ്യയന പതിപ്പിൽ, “പയനിയർ” എന്നതു​പോ​ലുള്ള പ്രയോ​ഗങ്ങൾ, സാക്ഷി​ക​ള​ല്ലാ​ത്ത​വർക്കു മനസ്സി​ലാ​കുന്ന വിധത്തിൽ വിശദീ​ക​രി​ക്കേ​ണ്ടി​വ​രില്ല. യഹോ​വ​യു​ടെ സാക്ഷി​കൾക്കും ആത്മീയ​മാ​യി പുരോ​ഗ​മി​ച്ചു​കൊ​ണ്ടി​രി​ക്കുന്ന ബൈബിൾവി​ദ്യാർഥി​കൾക്കും ബാധക​മാ​കുന്ന പ്രത്യേക വിവരങ്ങൾ ഇതിൽ ഉൾപ്പെ​ടു​ത്താ​നു​മാ​കും. പൊതു​ജന പതിപ്പി​ന്റെ കാര്യ​മോ? വിഷയ​ങ്ങ​ളും ആലേഖ​ന​ശൈ​ലി​യും പൊതു​ജ​ന​ത്തിന്‌ ഇണങ്ങും​വി​ധം ആയിരി​ക്കു​മെ​ന്ന​തി​നാൽ, സാക്ഷി​യ​ല്ലാത്ത ഒരു വ്യക്തിക്ക്‌ മാസിക പുറ​ത്തോ​ടു​പു​റം വായി​ച്ചാ​സ്വ​ദി​ക്കാ​നാ​കും. രണ്ടു പതിപ്പു​ക​ളും വായി​ക്കു​ന്ന​തിൽനിന്ന്‌ ഓരോ സാക്ഷി​യും പ്രയോ​ജ​ന​മ​നു​ഭ​വി​ക്കും എന്നതിനു സംശയ​മില്ല.

⁴ പുതുമകൾ: വീക്ഷാ​ഗോ​പു​ര​ത്തി​ന്റെ പൊതു​ജന പതിപ്പിൽ രസകര​മായ ചില പുതിയ സവി​ശേ​ഷ​ത​ക​ളു​ണ്ടാ​യി​രി​ക്കും. അടിസ്ഥാ​ന​പ​ര​മായ തിരു​വെ​ഴു​ത്തു​പ​ദേ​ശങ്ങൾ അതില​ളി​ത​മാ​യി അവതരി​പ്പി​ക്കുന്ന ഒരു പരമ്പര​യാണ്‌ അതി​ലൊന്ന്‌. മറ്റൊന്ന്‌ കുടും​ബ​ങ്ങൾക്കു ബൈബിൾ എത്ര സഹായ​ക​മാ​ണെന്നു പ്രകട​മാ​ക്കും. ചെറു​പ്പ​ക്കാർക്കുള്ള ബൈബിൾപഠന പരിപാ​ടി​ക​ളും ഉൾപ്പെ​ടു​ത്തു​ന്ന​താ​യി​രി​ക്കും. ഓരോ പതിപ്പി​ലും, യഹോ​വ​യു​ടെ വ്യക്തി​മാ​ഹാ​ത്മ്യം ചൂണ്ടി​ക്കാ​ട്ടുന്ന പ്രത്യേക ബൈബിൾഭാ​ഗങ്ങൾ പ്രദീ​പ്‌ത​മാ​ക്കി​ക്കൊ​ണ്ടുള്ള ഒരു ലേഖന​വും ഉണ്ടായി​രി​ക്കും.

⁵ ഇന്ത്യയിൽ: കന്നഡ, തമിഴ്‌, തെലുങ്ക്‌, പഞ്ചാബി, ബംഗാളി, മലയാളം, മറാഠി, ഹിന്ദി എന്നീ ഭാഷക​ളിൽ വീക്ഷാ​ഗോ​പു​ര​ത്തി​ന്റെ പ്രതി​മാസ അധ്യയന പതിപ്പും ത്രൈ​മാസ പൊതു​ജന പതിപ്പും പ്രസി​ദ്ധീ​ക​രി​ക്കു​ന്ന​താ​യി​രി​ക്കും. എന്നാൽ ഗുജറാ​ത്തി, മിസോ, നേപ്പാളി എന്നീ ഭാഷക​ളിൽ ഒരു പ്രതി​മാസ സംയുക്ത പതിപ്പു​മാ​ത്രമേ ഉണ്ടായി​രി​ക്കൂ. മാസത്തി​ന്റെ 1-ാം തീയതി​യി​ലുള്ള ഈ ലക്കത്തിൽ അധ്യയന പതിപ്പി​ലെ എല്ലാ ലേഖന​ങ്ങ​ളും പൊതു​ജന പതിപ്പിൽനി​ന്നുള്ള തിര​ഞ്ഞെ​ടുത്ത ലേഖന​ങ്ങ​ളും ഉണ്ടായി​രി​ക്കും. ചില ഭാഷക​ളിൽ, 2007 ഡിസംബർ 15 ലക്കം ഇംഗ്ലീഷ്‌ വീക്ഷാ​ഗോ​പു​ര​ത്തി​ലെ അധ്യയന ലേഖന​ങ്ങ​ള​ട​ങ്ങിയ ഒരു ലഘുപ​ത്രിക പ്രസി​ദ്ധീ​ക​രി​ക്കു​ന്ന​താ​യി​രി​ക്കും.

⁶ വീക്ഷാഗോപുരത്തിന്റെ ചരി​ത്ര​ത്തി​ലെ ഈ പുതു​ക്ര​മീ​ക​ര​ണത്തെ യഹോവ അനു​ഗ്ര​ഹി​ക്ക​ട്ടെ​യെന്നു നമുക്കു പ്രാർഥി​ക്കാം. വീക്ഷാ​ഗോ​പു​ര​വും ഉണരുക!യും ചേർന്ന്‌ അർഹരാ​യി​ട്ടുള്ള കൂടുതൽ പേർക്ക്‌ ഇനിയും സുവാർത്ത എത്തിച്ചു​കൊ​ടു​ക്കാൻ ഇടയാ​കട്ടെ.—മത്താ. 10:11.

[1-ാം പേജിലെ ചിത്രം]

(ശേഷം 2-ാം പേജിലെ 3-ാം കോള​ത്തിൽ)

[2-ാം പേജിലെ ചിത്രം]

ഉദ്വേ​ഗ​ജ​ന​ക​മായ വഴിത്തി​രി​വിൽ (തുടർച്ച)