ദരി​ദ്രരെ ആശ്വസി​പ്പി​ക്കു​ക

¹ ദരിദ്രരുടെ കാര്യ​ത്തിൽ യേശു​വി​നു പ്രത്യേക പ്രതി​പ​ത്തി​യു​ണ്ടാ​യി​രു​ന്നു. ചില സന്ദർഭ​ങ്ങ​ളിൽ അവൻ അത്ഭുത​ക​ര​മാ​യി ഭൗതിക സഹായം പ്രദാനം ചെയ്യു​ക​യും രോഗി​കളെ സൗഖ്യ​മാ​ക്കു​ക​യും ചെയ്‌തു. എന്നാൽ “ദരി​ദ്ര​രോ​ടു സുവി​ശേഷം അറിയി​ക്കു”ന്നതിലാ​യി​രു​ന്നു അവൻ ശ്രദ്ധ​കേ​ന്ദ്രീ​ക​രി​ച്ചത്‌. (മത്താ. 11:5) ദരി​ദ്രർക്കും മറ്റുള്ള​വർക്കും പ്രയോ​ജനം ചെയ്‌തു​കൊണ്ട്‌ ക്രിസ്‌തീയ ശുശ്രൂഷ ഇന്നും അവിരാ​മം തുടരു​ന്നു.—മത്താ. 24:14; 28:19, 20.

² യഥാർഥ പ്രത്യാശ: പള്ളിക്ക്‌ ഉദാര​മാ​യി സംഭാവന ചെയ്‌താൽ അഭിവൃ​ദ്ധി ഉണ്ടാകു​മെന്ന്‌ ക്രൈ​സ്‌ത​വ​ലോ​ക​ത്തി​ലെ ശുശ്രൂ​ഷകർ മിക്ക​പ്പോ​ഴും ദരി​ദ്രർക്ക്‌ ഉറപ്പു​നൽകു​ന്നു. എന്നാൽ ദാരി​ദ്ര്യം നിർമാർജനം ചെയ്യാ​നും മനുഷ്യ​ന്റെ സകല പ്രശ്‌ന​ങ്ങ​ളും പരിഹ​രി​ക്കാ​നും ദൈവ​രാ​ജ്യ​ത്തി​നു മാത്രമേ കഴിയൂ എന്നാണു ബൈബിൾ പഠിപ്പി​ക്കു​ന്നത്‌. (സങ്കീ. 9:18; 145:16; യെശ. 65:21-23) ബൈബിൾ യഥാർഥ​ത്തിൽ എന്താണു പഠിപ്പി​ക്കു​ന്ന​തെന്നു കാണി​ച്ചു​കൊ​ടു​ക്കു​ന്ന​തി​ലൂ​ടെ ദരി​ദ്രർക്കു പ്രത്യാശ പകർന്നു​കൊ​ടു​ക്കാ​നും ആത്മീയ ആവശ്യങ്ങൾ നിറ​വേ​റ്റു​ന്ന​തിന്‌ അവരെ സഹായി​ക്കാ​നും നമുക്കു കഴിയും.—മത്താ. 5:3.

³ യേശുവിന്റെ നാളിൽ പരീശ​ന്മാർ ദരി​ദ്രരെ നിന്ദാ​പൂർവം “അംഹാ​രെ​റ്റ്‌സ്‌” അഥവാ “നിലത്തെ ആളുകൾ” എന്നു വിളി​ച്ചി​രു​ന്നു. എന്നാൽ യേശു​വിന്‌ “അവരുടെ രക്തം” അഥവാ ജീവൻ ‘വില​യേ​റി​യ​താ​യി​രു​ന്നു’. (സങ്കീ. 72:13, 14) അങ്ങനെ​യു​ള്ള​വ​രോ​ടു ‘കൃപ കാണി​ച്ചു​കൊണ്ട്‌’ അവനെ അനുക​രി​ക്കാൻ ദയയും സഹാനു​ഭൂ​തി​യും നമ്മെ പ്രചോ​ദി​പ്പി​ക്കും. (സദൃ. 14:31) പരിതാ​പ​ക​ര​മായ ചുറ്റു​പാ​ടു​ക​ളിൽ ജീവി​ക്കു​ന്ന​വരെ നാം അവജ്ഞ​യോ​ടെ വീക്ഷി​ക്കു​ക​യോ അവരോ​ടു സാക്ഷീ​ക​രി​ക്കാൻ മടിവി​ചാ​രി​ക്കു​ക​യോ ചെയ്യരുത്‌. രാജ്യ​സ​ന്ദേശം കൈ​ക്കൊ​ള്ളുന്ന അനേക​രും ദരി​ദ്ര​രാ​ണെന്ന്‌ ഓർക്കുക.

⁴ സത്വരപ്രയോജനം: നമ്മുടെ പ്രദേ​ശ​ത്തുള്ള ദരി​ദ്രരെ ബൈബിൾത​ത്ത്വ​ങ്ങൾ പഠിപ്പി​ക്കു​ന്ന​തി​ന്റെ ഫലമായി ഇപ്പോൾപ്പോ​ലും അവർ പ്രയോ​ജനം നേടുന്നു; ദാരി​ദ്ര്യ​ത്തി​ന്റെ രൂക്ഷത ലഘൂക​രി​ക്കാൻ അതവരെ സഹായി​ക്കു​ന്നു. ഉദാഹ​ര​ണ​ത്തിന്‌ ദാരി​ദ്ര്യ​ത്തി​ലേക്കു നയിക്കുന്ന മദ്യപാ​നം, ചൂതാട്ടം, അലസത, മുറുക്ക്‌ തുടങ്ങിയ ശീലങ്ങളെ ബൈബിൾ കുറ്റം​വി​ധി​ക്കു​ന്നു. (സദൃ. 6:10, 11; 23:21; 2 കൊരി. 7:1; എഫെ. 5:5) സത്യസ​ന്ധ​രാ​യി​രി​ക്കാ​നും “മനസ്സോ​ടെ” വേല ചെയ്യാ​നും തിരു​വെ​ഴു​ത്തു​കൾ പ്രോ​ത്സാ​ഹി​പ്പി​ക്കു​ന്നു—ഒരു തൊഴി​ലാ​ളി​ക്കു​ണ്ടാ​യി​രി​ക്കേണ്ട അഭികാ​മ്യ ഗുണങ്ങ​ളാ​ണവ. (കൊലൊ. 3:22, 23; എബ്രാ. 13:18) “സത്യസ​ന്ധ​ത​യും വിശ്വ​സ്‌ത​ത​യു​മാണ്‌ ഉദ്യോ​ഗാർഥി​ക​ളിൽ തങ്ങൾ ഏറ്റവും പ്രിയ​പ്പെ​ടുന്ന ഗുണങ്ങൾ” എന്ന്‌ ഒരു സർവേ​യിൽ പങ്കെടുത്ത തൊഴി​ലു​ട​മ​ക​ളിൽ ഭൂരി​ഭാ​ഗ​വും പറയു​ക​യു​ണ്ടാ​യി.

⁵ ദരിദ്രരുടെ യാതന​കൾക്കു​നേരെ യഹോവ കണ്ണടയ്‌ക്കു​ന്നില്ല. പെട്ടെ​ന്നു​തന്നെ യേശു​ക്രി​സ്‌തു “നിലവി​ളി​ക്കുന്ന ദരി​ദ്രനെ” വിടു​വി​ക്കും. (സങ്കീ. 72:12) അതുവരെ ദരിദ്രർ ഉൾപ്പെ​ടെ​യുള്ള ആളുകളെ ബൈബി​ളി​ന്റെ പ്രത്യാ​ശാ​നിർഭ​ര​മായ സന്ദേശ​ത്താൽ ആശ്വസി​പ്പി​ക്കാ​നുള്ള അനുപ​മ​മായ അവസരം നമുക്കുണ്ട്‌.