ഹൃദയം നുറു​ങ്ങി​യ​വർക്ക്‌ ആശ്വാ​സ​മേ​കു​ക

¹ ആശ്വാസം ഇത്ര​ത്തോ​ളം ആവശ്യ​മായ ഒരു സമയം മാനവ​ച​രി​ത്ര​ത്തിൽ ഇന്നോളം ഉണ്ടായി​ട്ടില്ല. നമ്മുടെ രാജാ​വായ ക്രിസ്‌തു​യേ​ശു​വി​ന്റെ കാലടി​കൾ പിൻപ​റ്റി​ക്കൊണ്ട്‌ ‘ഹൃദയം തകർന്ന​വരെ മുറി​കെ​ട്ടാൻ’ നമ്മളും യത്‌നി​ക്കു​ന്നു.—യെശ. 61:1.

² ആശ്വാ​സ​മേ​കാ​നുള്ള വഴികൾ: ശുശ്രൂ​ഷ​യിൽ കണ്ടുമു​ട്ടു​ന്ന​വർക്കു നമ്മുടെ വാക്കുകൾ ആശ്വാസം പകരണ​മെ​ങ്കിൽ അവതരണം പ്രത്യാ​ശാ​നിർഭ​ര​മാ​യി​രി​ക്കണം. ലോക​ത്തി​ലെ ദുഷ്‌ചെ​യ്‌തി​ക​ളെ​യും ദുരു​പ​ദേ​ശ​ങ്ങ​ളെ​യും കുറി​ച്ചുള്ള ചർച്ച പരിമി​ത​മാ​ക്കി​നി​റു​ത്തു​മ്പോൾ പ്രത്യാ​ശാ​നിർഭ​ര​വും സാന്ത്വ​ന​ദാ​യ​ക​വു​മായ ദിവ്യ​വാ​ഗ്‌ദാ​ന​ങ്ങ​ളും തിരു​വെ​ഴു​ത്തു​സ​ത്യ​ങ്ങ​ളും നമ്മുടെ സംഭാ​ഷ​ണ​ത്തിൽ നിറഞ്ഞു​നിൽക്കും. അർമ​ഗെ​ദോ​നെ​ക്കു​റി​ച്ചു മൗനം​പാ​ലി​ക്ക​ണ​മെന്നല്ല ഇതിനർഥം. ‘തന്റെ ദുർമ്മാർഗ്ഗം വിടു​വാൻ ദുഷ്ടനെ ഓർപ്പി​ക്കാൻ’ തക്കവണ്ണം “യഹോ​വ​യു​ടെ പ്രസാ​ദ​വർഷ”ത്തോ​ടൊ​പ്പം “ദൈവ​ത്തി​ന്റെ പ്രതി​കാ​ര​ദി​വ​സ​വും” ഘോഷി​ക്കു​ക​യെ​ന്ന​താ​ണു നമ്മുടെ ദൗത്യം. എന്നിരു​ന്നാ​ലും, അർമ​ഗെ​ദോ​നെ​ക്കു​റി​ച്ചു മുന്നറി​യി​ക്കു​ന്ന​തും അതിന്റെ വിനാ​ശ​ക​ഫ​ല​ങ്ങ​ളെ​ക്കു​റി​ച്ചു വിവരി​ക്കു​ന്ന​തും രാജ്യ​ത്തി​ന്റെ സുവി​ശേ​ഷ​ത്തി​നു മങ്ങലേൽപ്പി​ക്കാൻ പ്രതീ​ക്ഷി​ക്കു​ന്നില്ല.—യെശ. 61:2; യെഹെ. 3:18; മത്താ. 24:14.

³ വീടു​തോ​റും: രോഗം, പ്രിയ​പ്പെ​ട്ട​വ​രു​ടെ മരണം, അനീതി, സാമ്പത്തി​ക​പ്ര​ശ്‌നങ്ങൾ എന്നിവ​യാൽ മനമു​രു​കി​ക്ക​ഴി​യു​ന്ന​വരെ നാം മിക്ക​പ്പോ​ഴും കണ്ടുമു​ട്ടാ​റുണ്ട്‌. ക്രിസ്‌തു​വി​ന്റെ അനുയാ​യി​ക​ളായ നാം ശുശ്രൂ​ഷ​യിൽ കണ്ടുമു​ട്ടു​ന്ന​വ​രോട്‌ ‘മനസ്സലി​വും’ സഹാനു​ഭൂ​തി​യും കാണി​ക്കു​ന്നു. (ലൂക്കൊ. 7:13; റോമ. 12:15) വീട്ടു​കാ​രന്റെ പ്രശ്‌ന​ങ്ങ​ളു​മാ​യി ബന്ധപ്പെട്ട്‌ ഒന്നോ രണ്ടോ തിരു​വെ​ഴു​ത്തു​കൾ വായി​ക്കു​മെ​ങ്കി​ലും തന്റെ വികാ​ര​വി​ചാ​രങ്ങൾ വെളി​പ്പെ​ടു​ത്താൻ അദ്ദേഹത്തെ അനുവ​ദി​ച്ചു​കൊണ്ട്‌ “കേൾപ്പാൻ വേഗത”യുള്ളവ​രാ​യി​രി​ക്കണം നാം. (യാക്കോ. 1:19) അവർക്കു പറയാ​നു​ള്ളതു ശ്രദ്ധി​ക്കു​ന്നെ​ങ്കിൽ ആശ്വാസം നൽകു​ന്നത്‌ എളുപ്പ​മാ​യി​ത്തീ​രും.

⁴ സംഭാ​ഷ​ണ​ത്തി​നി​ടെ ഉചിത​മെന്നു തോന്നുന്ന ഒരു സന്ദർഭ​ത്തിൽ, “ആശ്വാസം പകരുന്ന ഒരു വാക്യം ബൈബി​ളിൽനി​ന്നു താങ്കളെ കാണി​ക്കാൻ എനിക്കാ​ഗ്ര​ഹ​മുണ്ട്‌” എന്നു പറയാ​വു​ന്ന​താണ്‌. അയാൾ പറഞ്ഞേ​ക്കാ​വുന്ന തെറ്റായ ഓരോ വീക്ഷണ​ഗ​തി​യെ​യും ഖണ്ഡിക്കു​ന്ന​തി​നു മുതി​രാ​തി​രി​ക്കാൻ പ്രത്യേ​കം ശ്രദ്ധി​ക്കണം. പകരം, തിരു​വെ​ഴു​ത്തു​ക​ളിൽനി​ന്നു പ്രോ​ത്സാ​ഹ​ന​വും ആശ്വാ​സ​വും പ്രദാ​നം​ചെ​യ്‌തു​കൊണ്ട്‌ അവരുടെ ഹൃദയത്തെ ബലപ്പെ​ടു​ത്തുക എന്നതാ​യി​രി​ക്കണം നമ്മുടെ മുഖ്യ​ല​ക്ഷ്യം. ഇതി​നോ​ടുള്ള ബന്ധത്തിൽ തിരു​വെ​ഴു​ത്തു​ക​ളിൽനിന്ന്‌ ന്യായ​വാ​ദം ചെയ്യൽ എന്ന പുസ്‌ത​ക​ത്തി​ന്റെ 117-121 പേജു​ക​ളിൽ കൊടു​ത്തി​രി​ക്കുന്ന, “പ്രോൽസാ​ഹനം” എന്ന ഭാഗം പരിചി​ന്തി​ക്കാ​നാ​കും. അല്ലെങ്കിൽ വിഷാ​ദ​മ​ഗ്നർക്ക്‌ ആശ്വാസം എന്ന ലഘു​ലേ​ഖ​യി​ലെ സാന്ത്വ​ന​ദാ​യ​ക​മായ വിവരങ്ങൾ അവരു​മാ​യി ചർച്ച​ചെ​യ്യാൻ സാധി​ക്കും.

⁵ ആശ്വസി​പ്പി​ക്കാ​നുള്ള അവസരങ്ങൾ തേടുക: നിങ്ങളു​ടെ ഒരു അയൽക്കാ​ര​നോ സഹപ്ര​വർത്ത​ക​നോ സഹപാ​ഠി​ക്കോ കുടും​ബാം​ഗ​ത്തി​നോ ആശ്വാസം ആവശ്യ​മാ​യി​രി​ക്കു​ന്ന​താ​യി നിങ്ങൾക്ക​റി​യാ​മോ? തിരു​വെ​ഴു​ത്തു​ക​ളിൽനിന്ന്‌ ആശ്വാ​സ​മേ​കുക എന്ന ലക്ഷ്യ​ത്തോ​ടെ അവരെ വീട്ടിൽ പോയി​ക്കാ​ണാൻ ശ്രമി​ച്ചു​കൂ​ടേ? അവരുടെ സാഹച​ര്യം മനസ്സി​ലാ​ക്കു​ന്നത്‌ ആശ്വസി​പ്പി​ക്കു​ന്ന​തി​നുള്ള തയ്യാ​റെ​ടു​പ്പു​കൾ നടത്താൻ നിങ്ങളെ സഹായി​ക്കും. ചിലർ ഈ ഉദ്ദേശ്യ​ത്തിൽ കത്തുക​ളെ​ഴു​തു​ക​യോ ഫോൺ വിളി​ക്കു​ക​യോ ചെയ്‌തി​ട്ടുണ്ട്‌. സഹമനു​ഷ്യ​നോ​ടുള്ള ആത്മാർഥ​സ്‌നേഹം സഹാനു​ഭൂ​തി കാണി​ക്കാ​നും തിരു​വെ​ഴു​ത്തു​ക​ളിൽനിന്ന്‌ ആശ്വാ​സ​മേ​കാ​നും നമുക്കു പ്രചോ​ദ​ന​മാ​കും.—ലൂക്കൊ. 10:25-37.

⁶ അതേ, വിലപി​ക്കു​ന്ന​വ​രു​ടെ കണ്ണീ​രൊ​പ്പു​ക​യും ദുഃഖി​തരെ ആശ്വസി​പ്പി​ക്കു​ക​യും അവർക്ക്‌ ഒരു നല്ലനാളെ സംബന്ധിച്ച പ്രത്യാശ പകരു​ക​യും ചെയ്യു​ക​യെ​ന്ന​താ​ണു നമ്മുടെ ദൗത്യം. ലോക​മെ​ങ്ങു​മുള്ള ആളുകൾക്ക്‌ ഈ ആശ്വാസം വേണം. ദൈവം വാഗ്‌ദാ​നം ചെയ്‌തി​രി​ക്കുന്ന നന്മക​ളെ​ക്കു​റി​ച്ചു സോത്സാ​ഹം സംസാ​രി​ക്കു​ന്നത്‌ ആത്മാർഥ​ഹൃ​ദ​യർക്ക്‌ ആശ്വാ​സ​വും പ്രത്യാ​ശ​യും പകരും. ഹൃദയം തകർന്ന​വരെ മുറി​കെ​ട്ടേ​ണ്ട​തി​ന്റെ ആവശ്യം നമു​ക്കൊ​രി​ക്ക​ലും മറക്കാ​തി​രി​ക്കാം.