പ്രസം​ഗ​പ്ര​വർത്ത​ന​ത്തിന്‌ സഹിഷ്‌ണുത ആവശ്യം

¹ മുപ്പതി​ല​ധി​കം വർഷം ഒരു സുവി​ശേ​ഷ​ക​നാ​യുള്ള ജീവിതം പൗലൊസ്‌ അപ്പൊ​സ്‌തലൻ ആസ്വദി​ച്ചു. മൂല്യ​വ​ത്തായ ഏതൊരു പ്രവർത്ത​ന​ത്തി​ന്റെ​യും കാര്യ​ത്തി​ലെ​ന്ന​പോ​ലെ അവന്റെ പ്രസംഗ പ്രവർത്ത​ന​ത്തി​ലും ഉണ്ടായി​രു​ന്നു പ്രതി​ബ​ന്ധങ്ങൾ. (2 കൊരി. 11:23-29) എന്നിട്ടും പൗലൊസ്‌ പിന്മാ​റി​യില്ല. (2 കൊരി. 4:1) ശുശ്രൂഷ നിറ​വേ​റ്റവെ സഹിച്ചു​നിൽക്കാ​നുള്ള ശക്തി യഹോവ നൽകു​മെന്ന്‌ അവന്‌ അറിയാ​മാ​യി​രു​ന്നു. (ഫിലി. 4:13) വിശ്വ​സ്‌ത​ത​യോ​ടെ സഹിച്ചു​നി​ന്ന​തു​കൊണ്ട്‌ പൗലൊ​സിന്‌ ഇങ്ങനെ പറയാ​നാ​യി: “ഞാൻ ക്രിസ്‌തു​വി​ന്റെ അനുകാ​രി​യാ​യി​രി​ക്കു​ന്ന​തു​പോ​ലെ നിങ്ങളും എന്റെ അനുകാ​രി​കൾ ആകുവിൻ.”—1 കൊരി. 11:1.

² ഇന്ന്‌ പരി​ശോ​ധ​നകൾ സഹിച്ചു​നിൽക്കാൻ: അനുദി​നം, നമ്മുടെ സഹോ​ദ​ര​ന്മാ​രിൽ പലരും പരിഹാ​സ​വും എതിർപ്പും കുടും​ബാം​ഗ​ങ്ങ​ളിൽനി​ന്നോ സഹജോ​ലി​ക്കാ​രിൽനി​ന്നോ സഹപാ​ഠി​ക​ളിൽനി​ന്നോ ഉള്ള നിസ്സം​ഗ​ത​യും നേരി​ടു​ന്നു. (മത്താ. 10:35; യോഹ. 15:20) നിങ്ങളു​ടെ കാര്യ​ത്തി​ലും ഇതു സത്യമാ​യി​രി​ക്കാം. അതല്ലെ​ങ്കിൽ ഒരു ആരോ​ഗ്യ​പ്ര​ശ്‌ന​വു​മാ​യി നിങ്ങൾ മല്ലിടു​ന്നു​ണ്ടാ​കാം. അതുമ​ല്ലെ​ങ്കിൽ, നിങ്ങളു​ടെ വിശ്വാ​സ​ത്തെ​യും സഹിഷ്‌ണു​ത​യെ​യും പരി​ശോ​ധി​ക്കുന്ന വിധത്തി​ലുള്ള പ്രലോ​ഭ​ന​ങ്ങ​ളെ​യും ശ്രദ്ധാ​ശൈ​ഥി​ല്യ​ങ്ങ​ളെ​യും ചെറു​ക്കു​ന്ന​തി​നു നിത്യ​വും നിങ്ങൾ പോരാ​ടേ​ണ്ട​തു​ണ്ടാ​യി​രി​ക്കാം. പ്രതി​സ​ന്ധി​കളെ നേരി​ടു​ക​യും തരണം ചെയ്യു​ക​യും ചെയ്‌തി​ട്ടുള്ള സഹവി​ശ്വാ​സി​ക​ളു​ടെ​യും പൂർവ​കാല വിശ്വ​സ്‌ത​രു​ടെ​യും മാതൃക പരിചി​ന്തി​ക്കു​ന്ന​തി​ലൂ​ടെ നമുക്കു ശക്തി ആർജി​ക്കാ​നാ​കും.—1 പത്രൊ. 5:9.

³ ‘ദൈവ​ത്തി​ന്റെ സർവ്വാ​യു​ധ​വർഗ്ഗം ധരിച്ചി​ട്ടു​ണ്ടെന്ന്‌’ ഉറപ്പു​വ​രു​ത്തു​ന്ന​തി​ലൂ​ടെ ശുശ്രൂ​ഷ​യിൽ സ്ഥൈര്യം കാണി​ക്കു​ന്ന​തിന്‌ ആവശ്യ​മായ ശക്തി നേടാ​നാ​കും. (എഫെ. 6:10-13, 15) സഹിച്ചു നിൽക്കു​ന്ന​തിന്‌ പ്രാർഥ​ന​യും അനിവാ​ര്യ​മാണ്‌. പരീക്ഷകൾ സഹിച്ചു​നിൽക്കു​ന്ന​തിന്‌ ദൈവം തന്റെ പരിശു​ദ്ധാ​ത്മാ​വി​നെ നമുക്കു നൽകും. (2 കൊരി. 6:4-7) നമ്മുടെ ആത്മാവി​നെ പുതു​ക്കാ​നുള്ള ദൈവ​ത്തി​ന്റെ ഓർമി​പ്പി​ക്ക​ലു​കൾ അനുസ​രി​ക്കു​ക​യാ​ണെ​ങ്കിൽ ആത്മീയ​പോ​രാ​ട്ട​ത്തിൽ നമുക്കു വിജയി​ക്കാ​നാ​കും. (സങ്കീ. 119:24, 85-88) ഒരു കുട്ടി സ്‌നേ​ഹ​സ​മ്പ​ന്ന​നായ തന്റെ പിതാ​വി​ന്റെ കത്ത്‌ വീണ്ടും​വീ​ണ്ടും വായി​ക്കു​ന്ന​തു​പോ​ലെ, ദൈനം​ദി​ന​മുള്ള ബൈബിൾ വായന യഹോ​വ​യു​മാ​യുള്ള നമ്മുടെ ബന്ധം ശക്തി​പ്പെ​ടു​ത്തും. ക്രമമായ ബൈബിൾ പഠനത്തി​ലൂ​ടെ പരി​ശോ​ധ​ന​കളെ നേരി​ടാ​നുള്ള ജ്ഞാനം നമുക്കു ലഭിക്കും. ദൈവ​ത്തി​ന്റെ വീക്ഷണ​ങ്ങൾക്കു ചേർച്ച​യിൽ തീരു​മാ​നങ്ങൾ എടുക്കാ​നും നമുക്കാ​കും. അവനോ​ടുള്ള നമ്മുടെ വിശ്വ​സ്‌ത​ത​യും ശക്തമാ​യി​ത്തീ​രും.—സദൃ. 2:10, 11.

⁴ സഹിഷ്‌ണുത അനു​ഗ്ര​ഹങ്ങൾ കൈവ​രു​ത്തും: പൗലൊ​സി​ന്റെ കാര്യ​ത്തി​ലെ​ന്ന​പോ​ലെ, ശുശ്രൂഷ നിറ​വേ​റ്റവെ നാം കാണി​ക്കുന്ന സഹിഷ്‌ണുത യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കും. അത്‌ നമുക്കും മറ്റുള്ള​വർക്കും അനു​ഗ്രഹം കൈവ​രു​ത്തു​ക​യും ചെയ്യും. (സദൃ. 27:11) ശുശ്രൂ​ഷ​യിൽ സ്ഥിരോ​ത്സാ​ഹം കാണി​ക്കാൻ നമുക്കു ദൃഢചി​ത്ത​രാ​യി​രി​ക്കാം. അങ്ങനെ നമ്മുടെ വിശ്വാ​സം ഈടു​റ്റ​താ​ണെ​ന്നും ‘അഴിഞ്ഞു​പോ​കു​ന്ന​തും തീയിൽ ശോധന കഴിക്കു​ന്ന​തു​മായ പൊന്നി​നെ​ക്കാൾ വില​യേ​റി​യ​താ​ണെ​ന്നും’ നമുക്കു തെളി​യി​ക്കാം.—1 പത്രൊ. 1:6, 7.