സ്‌മാ​ര​ക​കാ​ലം—വർധിച്ച പ്രവർത്ത​ന​ത്തി​നുള്ള ഒരവസരം!

1. മാർച്ച്‌, ഏപ്രിൽ, മേയ്‌ മാസങ്ങ​ളിൽ ശുശ്രൂഷ വർധി​പ്പി​ക്കു​ന്ന​തി​നെ​ക്കു​റിച്ച്‌ ചിന്തി​ക്കാൻ എന്തെല്ലാം കാരണ​ങ്ങ​ളുണ്ട്‌?

¹ ഈ വരുന്ന സ്‌മാ​ര​ക​കാ​ലത്ത്‌ ശുശ്രൂ​ഷ​യി​ലെ പങ്കു വർധി​പ്പി​ക്കാൻ നിങ്ങൾക്കു കഴിയു​മോ? മിക്ക സ്ഥലങ്ങളി​ലും ആ സമയത്ത്‌ പകലിനു ദൈർഘ്യം കൂടു​ത​ലാ​യി​രി​ക്കും. ജോലി​ക്കാ​രോ വിദ്യാർഥി​ക​ളോ ആയ ചില പ്രസാ​ധ​കർക്ക്‌ ആ സമയത്ത്‌ അവധി​യാ​യ​തി​നാ​ലും ശുശ്രൂ​ഷ​യിൽ ഏറെ സമയം ചെലവ​ഴി​ക്കാ​നാ​യേ​ക്കും. ഏപ്രിൽ 17-ന്‌ നടക്കുന്ന സ്‌മാ​ര​കാ​ച​ര​ണ​ത്തിന്‌ ആളുകളെ ക്ഷണിക്കു​ന്ന​തി​നാ​യി ഏപ്രിൽ 2 മുതൽ ഒരു പ്രത്യേക പ്രചാരണ പരിപാ​ടി ഉണ്ടായി​രി​ക്കും. സ്‌മാ​ര​കത്തെ തുടർന്നുള്ള ദിവസ​ങ്ങ​ളിൽ അതിനു ഹാജരാ​യ​വ​രു​ടെ താത്‌പ​ര്യം വളർത്തി​യെ​ടു​ക്കു​ന്ന​തി​നും അവരെ ഏപ്രിൽ 25-ന്‌ ആരംഭി​ക്കുന്ന വാരത്തിൽ നടക്കുന്ന പ്രത്യേക പരസ്യ​പ്ര​സം​ഗ​ത്തി​നു ക്ഷണിക്കു​ന്ന​തി​നും നാം ശ്രമി​ക്കു​ന്ന​താ​യി​രി​ക്കും. മാർച്ച്‌, ഏപ്രിൽ, മേയ്‌ മാസങ്ങ​ളിൽ ശുശ്രൂഷ വർധി​പ്പി​ക്കു​ന്ന​തിന്‌ തീർച്ച​യാ​യും നിരവധി കാരണ​ങ്ങ​ളുണ്ട്‌.

2. ശുശ്രൂ​ഷ​യി​ലെ നമ്മുടെ പങ്കു വർധി​പ്പി​ക്കു​ന്ന​തി​നുള്ള ഒരു ഉത്തമമാർഗം എന്താണ്‌?

² സഹായ പയനി​യർസേ​വനം: ശുശ്രൂ​ഷ​യി​ലെ നമ്മുടെ പങ്കു വർധി​പ്പി​ക്കു​ന്ന​തി​നുള്ള ഒരു ഉത്തമമാർഗ​മാണ്‌ സഹായ പയനി​യർസേ​വനം. നാമെ​ല്ലാം തിരക്കു​ള്ള​വ​രാ​യ​തി​നാൽ, അതിനാ​യി കാലേ​ക്കൂ​ട്ടി ആസൂ​ത്രണം ചെയ്യു​ക​യും ദൈനം​ദിന കാര്യാ​ദി​ക​ളിൽ പൊരു​ത്ത​പ്പെ​ടു​ത്ത​ലു​കൾ വരുത്തു​ക​യും ചെയ്യേ​ണ്ട​തു​ണ്ടാ​യി​രി​ക്കാം. (സദൃ. 21:5) ഒരുപക്ഷേ, അത്ര അത്യാ​വ​ശ്യ​മി​ല്ലാത്ത കാര്യങ്ങൾ മറ്റൊരു സമയ​ത്തേക്കു മാറ്റി​വെ​ക്കാ​വു​ന്ന​താണ്‌. (ഫിലി. 1:9-11) പയനി​യർസേ​വനം ചെയ്യാ​നുള്ള ആഗ്രഹ​ത്തെ​ക്കു​റിച്ച്‌ മറ്റു സഹോ​ദ​ര​ങ്ങ​ളോ​ടും പറയുക. അങ്ങനെ​യാ​കു​മ്പോൾ അവർക്കും ചില​പ്പോൾ ഈ സേവന​ത്തിൽ നിങ്ങ​ളോ​ടൊ​പ്പം ഏർപ്പെ​ടാൻ കഴി​ഞ്ഞേ​ക്കും.

3. ശുശ്രൂ​ഷ​യി​ലെ പങ്കു വർധി​പ്പി​ക്കു​ന്ന​തി​നാ​യി കുടും​ബ​ങ്ങൾക്ക്‌ എന്തു ചെയ്യാ​വു​ന്ന​താണ്‌?

³ കുടും​ബാ​രാ​ധനാ വേളയിൽ, നിങ്ങളു​ടെ ലക്ഷ്യങ്ങ​ളെ​ക്കു​റിച്ച്‌ വീട്ടിലെ മറ്റുള്ള​വ​രു​മാ​യി ചർച്ച​ചെ​യ്യു​ന്നത്‌ നന്നായി​രി​ക്കും. (സദൃ. 15:22) നല്ല സഹകര​ണ​മു​ണ്ടെ​ങ്കിൽ കുടും​ബ​ത്തി​ലെ ചിലർക്കെ​ങ്കി​ലും ഒരുപക്ഷേ, ഒന്നി​ലേറെ മാസങ്ങ​ളിൽപ്പോ​ലും പയനി​യർസേ​വ​ന​ത്തിൽ ഏർപ്പെ​ടാ​നാ​യേ​ക്കും. എന്നാൽ നിങ്ങളു​ടെ കാര്യ​ത്തിൽ അത്‌ ഒരു വിധത്തി​ലും സാധി​ക്കി​ല്ലെ​ങ്കി​ലോ? അപ്പോ​ഴും, ചില വൈകു​ന്നേ​ര​ങ്ങ​ളിൽ സേവന​ത്തിൽ ഏർപ്പെ​ട്ടു​കൊ​ണ്ടോ വാരാ​ന്ത​ങ്ങ​ളിൽ കൂടുതൽ സമയം പ്രവർത്തി​ച്ചു​കൊ​ണ്ടോ കുടും​ബ​ങ്ങൾക്ക്‌ ശുശ്രൂ​ഷ​യി​ലെ പങ്കു വർധി​പ്പി​ക്കാ​വു​ന്ന​താണ്‌.

4. ഈ സ്‌മാ​ര​ക​കാ​ലത്ത്‌ ശുശ്രൂ​ഷ​യി​ലെ പങ്കു വർധി​പ്പി​ക്കു​ന്ന​തി​ലൂ​ടെ എന്തെല്ലാം അനു​ഗ്ര​ഹങ്ങൾ നമുക്കു നേടാ​നാ​കും?

⁴ യഹോ​വ​യു​ടെ സേവന​ത്തിൽ നാം ചെയ്യു​ന്ന​തൊ​ക്കെ​യും അവൻ ശ്രദ്ധി​ക്കു​ന്നു; നാം ചെയ്യുന്ന ത്യാഗ​ങ്ങളെ അവൻ വിലമ​തി​ക്കു​ന്നു. (എബ്രാ. 6:10) യഹോ​വ​യ്‌ക്കും മറ്റുള്ള​വർക്കും ‘കൊടു​ക്കു​ന്നത്‌’ നമുക്കു സന്തോഷം കൈവ​രു​ത്തും. (1 ദിന. 29:9; പ്രവൃ. 20:35) ഈ സ്‌മാ​ര​ക​കാ​ലത്ത്‌ ശുശ്രൂ​ഷ​യി​ലെ പങ്കു വർധി​പ്പി​ക്കാ​നും അങ്ങനെ വർധിച്ച സന്തോ​ഷ​വും അനു​ഗ്ര​ഹ​ങ്ങ​ളും നേടാ​നും നിങ്ങൾക്കു കഴിയു​മോ?