“ദൈവ​രാ​ജ്യ​ത്തെ​ക്കു​റിച്ച്‌ സമഗ്ര​സാ​ക്ഷ്യം” നൽകുക!

1. ഏപ്രിൽ 30-ന്‌ ആരംഭി​ക്കുന്ന വാരം മുതൽ സഭാ ബൈബി​ള​ധ്യ​യ​ന​ത്തിൽ നാം ഏതു പുസ്‌തകം ചർച്ച​ചെ​യ്യും?

¹ “ദൈവ​രാ​ജ്യ​ത്തെ​ക്കു​റിച്ച്‌ സമഗ്ര​സാ​ക്ഷ്യം” നൽകുക! എന്ന പുസ്‌ത​ക​മാ​യി​രി​ക്കും 2012 ഏപ്രിൽ 30-ന്‌ ആരംഭി​ക്കുന്ന വാരം മുതൽ സഭാ ബൈബി​ള​ധ്യ​യ​ന​ത്തിൽ നമ്മൾ ചർച്ച​ചെ​യ്യുക. പ്രവൃ​ത്തി​ക​ളു​ടെ പുസ്‌ത​ക​ത്തിൽ രേഖ​പ്പെ​ടു​ത്തി​യി​രി​ക്കുന്ന ഉദ്വേ​ഗ​ജ​ന​ക​മായ സംഭവങ്ങൾ വായന​ക്കാ​രന്‌ നേരിട്ട്‌ അനുഭ​വ​വേ​ദ്യ​മാ​ക്കുന്ന ഒരു പുസ്‌ത​ക​മാ​ണിത്‌. പ്രവൃ​ത്തി​ക​ളു​ടെ പുസ്‌ത​ക​ത്തി​ന്റെ വാക്യാ​നു​വാ​ക്യ വിശദീ​ക​ര​ണമല്ല ഇതിലു​ള്ളത്‌; മറിച്ച്‌, അതിൽ വിവരി​ച്ചി​രി​ക്കുന്ന സംഭവ​ങ്ങ​ളിൽനി​ന്നു പാഠം ഉൾക്കൊണ്ട്‌ വ്യക്തി​പ​ര​മാ​യി നമുക്ക്‌ അതെങ്ങനെ ബാധക​മാ​ക്കാ​മെന്ന്‌ കാണി​ക്കുന്ന വിവര​ങ്ങ​ളാണ്‌.—റോമ. 15:4.

2. സമഗ്ര​സാ​ക്ഷ്യം എന്ന പുസ്‌ത​ക​ത്തി​ന്റെ ചില സവി​ശേ​ഷ​തകൾ വിവരി​ക്കുക.

² പുസ്‌ത​ക​ത്തി​ന്റെ സവി​ശേ​ഷ​തകൾ: രണ്ടാം പേജിലെ ആമുഖ​ത്തിൽ ഭരണസം​ഘ​ത്തി​ന്റെ ഒരു കത്തുണ്ട്‌; ഈ പ്രസി​ദ്ധീ​ക​ര​ണ​ത്തിൽനിന്ന്‌ നമുക്ക്‌ എങ്ങനെ പ്രയോ​ജനം നേടാ​മെന്ന്‌ ഊഷ്‌മ​ള​മായ വാക്കു​ക​ളി​ലൂ​ടെ അവർ വിവരി​ച്ചി​രി​ക്കു​ന്നു. രണ്ടാം അധ്യായം മുതൽ, ശീർഷ​ക​ത്തി​നു താഴെ​യാ​യി അധ്യാ​യ​ത്തി​ന്റെ മുഖ്യ ആശയം കൊടു​ത്തി​ട്ടുണ്ട്‌. ആ അധ്യാ​യ​ത്തിൽ ചർച്ച​ചെ​യ്യു​ന്നത്‌ പ്രവൃ​ത്തി​ക​ളു​ടെ പുസ്‌ത​ക​ത്തി​ലെ ഏത്‌ ഭാഗമാ​ണെന്ന്‌ കാണി​ക്കുന്ന തിരു​വെ​ഴു​ത്തു പരാമർശ​വും കാണാം. പ്രവൃ​ത്തി​ക​ളിൽ പരാമർശി​ച്ചി​രി​ക്കുന്ന സ്ഥലങ്ങ​ളെ​യും ആളുക​ളെ​യും സംഭവ​ങ്ങ​ളെ​യും കുറിച്ച്‌ വിജ്ഞാ​ന​പ്ര​ദ​മായ വിവരങ്ങൾ നൽകുന്ന ചതുരങ്ങൾ പല അധ്യാ​യ​ങ്ങ​ളി​ലു​മുണ്ട്‌. കുറി​പ്പു​കൾ എഴുതാ​നാണ്‌ വീതി​യുള്ള മാർജിൻ കൊടു​ത്തി​രി​ക്കു​ന്നത്‌. പ്രസ്‌തുത ബൈബിൾ പുസ്‌ത​ക​ത്തി​ലെ സംഭവങ്ങൾ ജീവൻ തുടി​ക്കുന്ന ചിത്ര​ങ്ങ​ളി​ലൂ​ടെ നമുക്ക്‌ മുമ്പിൽ അവതരി​പ്പി​ച്ചി​രി​ക്കു​ന്നു. അവസാന പേജിൽ ചിത്ര​ങ്ങ​ളു​ടെ സൂചിക നൽകി​യി​ട്ടുണ്ട്‌; വിവിധ ചിത്ര​ങ്ങ​ളു​ടെ വിവര​ണ​ങ്ങ​ളാണ്‌ അതിലു​ള്ളത്‌. പുറം​ച​ട്ട​ക​ളു​ടെ ഉൾവശത്തു കൊടു​ത്തി​രി​ക്കുന്ന ഭൂപടങ്ങൾ, ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ ‘ഭൂമി​യു​ടെ അറ്റങ്ങളി​ലേക്ക്‌’ സുവാർത്ത വ്യാപി​പ്പി​ക്കു​ന്ന​തിൽ എത്ര​ത്തോ​ളം വിജയി​ച്ചു​വെന്ന്‌ കാണി​ച്ചു​ത​രു​ന്നു.—പ്രവൃ. 1:8.

3. പ്രവൃ​ത്തി​ക​ളു​ടെ പുസ്‌ത​ക​ത്തി​ന്റെ പഠനം ഏത്‌ പ്രധാ​ന​പ്പെട്ട ചോദ്യ​ങ്ങൾക്ക്‌ ഉത്തരം തരും?

³ പ്രധാ​ന​പ്പെട്ട ചോദ്യ​ങ്ങൾക്കുള്ള ഉത്തരങ്ങൾ: നമ്മുടെ ക്രിസ്‌തീയ ശുശ്രൂ​ഷ​യോ​ടു ബന്ധപ്പെട്ട സുപ്ര​ധാന ചോദ്യ​ങ്ങൾക്ക്‌ ഉത്തരം കണ്ടെത്താൻ പ്രവൃ​ത്തി​ക​ളു​ടെ പുസ്‌ത​ക​ത്തി​ന്റെ ഈ പരിചി​ന്തനം സഹായി​ക്കും. ഉദാഹ​ര​ണ​ത്തിന്‌, യേശു​ക്രി​സ്‌തു​വി​ന്റെ യഥാർഥ അനുഗാ​മി​കളെ തിരി​ച്ച​റി​യി​ക്കുന്ന വേലയും സന്ദേശ​വും ഏതാണ്‌? ലോക​വ്യാ​പക പ്രസം​ഗ​വേ​ലയെ നയിക്കു​ന്നത്‌ ആരാണ്‌, എങ്ങനെ​യാണ്‌? പീഡന​വും എതിർപ്പും ശുശ്രൂ​ഷ​കർക്ക്‌ എന്തിനുള്ള അവസരങ്ങൾ തുറന്നു​കൊ​ടു​ക്കു​ന്നു? പരിശു​ദ്ധാ​ത്മാവ്‌ നമ്മുടെ ശുശ്രൂ​ഷ​യിൽ എന്തു പങ്കുവ​ഹി​ക്കു​ന്നു?

4. ഈ പുസ്‌ത​ക​ത്തി​ന്റെ പരിചി​ന്ത​ന​ത്തിൽനിന്ന്‌ പരമാ​വധി പ്രയോ​ജനം നേടാൻ എന്തു ചെയ്യണം?

⁴ പഠനഭാ​ഗ​ത്തു​നിന്ന്‌ പരമാ​വധി പ്രയോ​ജനം ലഭിക്ക​ണ​മെ​ങ്കിൽ അത്‌ നേരത്തേ പഠിക്കു​ക​യും സഭയിൽ ചർച്ച​ചെ​യ്യു​മ്പോൾ അതിൽ പങ്കുപ​റ്റാ​നാ​യി തയ്യാറാ​കു​ക​യും വേണം. തുടർന്ന്‌ യോഗ​ത്തിന്‌ സന്നിഹി​ത​രാ​കേ​ണ്ട​തും പ്രധാ​ന​മാണ്‌. പഠിക്കുന്ന കാര്യങ്ങൾ ശുശ്രൂ​ഷ​യിൽ എങ്ങനെ പ്രാവർത്തി​ക​മാ​ക്കാ​മെ​ന്നും ചിന്തി​ക്കുക. ഈ പ്രസി​ദ്ധീ​ക​ര​ണ​ത്തി​ന്റെ പരിചി​ന്തനം, ദൈവ​രാ​ജ്യ​ത്തിന്‌ സമഗ്ര​സാ​ക്ഷ്യം വഹിക്കാൻ നമ്മെ പ്രേരി​പ്പി​ക്കട്ടെ!—പ്രവൃ. 28:23.