നിങ്ങൾ ഒരു സാധാരണ പയനിയർ ആയിരു​ന്നോ?

1. പല പ്രസാ​ധ​കർക്കും എന്തു പദവി ആസ്വദി​ക്കാ​നാ​യി​ട്ടുണ്ട്‌? പക്ഷേ അവരിൽ ചിലർക്ക്‌ എന്തു ചെയ്യേ​ണ്ടി​വന്നു?

¹ കഴിഞ്ഞ വർഷങ്ങ​ളിൽ ആയിര​ക്ക​ണ​ക്കിന്‌ പ്രസാ​ധ​കർക്ക്‌ മുഴു​സമയ ശുശ്രൂ​ഷ​ക​രെന്ന നിലയിൽ ‘സുവി​ശേഷം പഠിപ്പി​ക്കാ​നും ഘോഷി​ക്കാ​നും’ കഴിഞ്ഞി​ട്ടുണ്ട്‌. (പ്രവൃ. 5:42) എന്നാൽ ചിലർക്ക്‌ ചില പ്രത്യേക കാരണ​ങ്ങൾനി​മി​ത്തം ആ പദവി​യിൽ തുടരാൻ സാധി​ക്കാ​തെ വന്നിരി​ക്കു​ന്നു. ഒരിക്കൽ ഒരു സാധാരണ പയനി​യ​റാ​യി സേവി​ച്ചി​രുന്ന വ്യക്തി​യാ​ണോ നിങ്ങൾ? എങ്കിൽ വീണ്ടും പയനിയർ സേവന​ത്തിൽ പ്രവേ​ശി​ക്കാ​നാ​കു​മോ എന്നറി​യാൻ നിങ്ങളു​ടെ ഇപ്പോ​ഴത്തെ സാഹച​ര്യം നിങ്ങൾ വിലയി​രു​ത്തി​യി​ട്ടു​ണ്ടോ?

2. മുമ്പ്‌ പയനി​യ​റിങ്‌ ചെയ്‌തവർ തങ്ങളുടെ ഇപ്പോ​ഴത്തെ സാഹച​ര്യം വിലയി​രു​ത്തേ​ണ്ടത്‌ എന്തു​കൊണ്ട്‌?

² സാഹച​ര്യ​ത്തിന്‌ മാറ്റം വന്നിട്ടു​ണ്ടോ? നിങ്ങൾ പയനി​യ​റിങ്‌ നിറു​ത്താൻ ഇടയായ സാഹച​ര്യ​ത്തിന്‌ ഇപ്പോൾ മാറ്റം വന്നിട്ടു​ണ്ടാ​കാം. ഉദാഹ​ര​ണ​ത്തിന്‌, 90 മണിക്കൂർ എന്ന വ്യവസ്ഥ​യിൽ എത്താൻ പറ്റാത്ത​തു​കൊ​ണ്ടാണ്‌ നിങ്ങൾ പയനി​യ​റിങ്‌ നിറു​ത്തി​യ​തെ​ങ്കിൽ ഇപ്പോൾ അത്‌ 70 മണിക്കൂ​റാ​യി കുറച്ചി​രി​ക്കുന്ന സ്ഥിതിക്ക്‌ പയനി​യ​റിങ്‌ പുനരാ​രം​ഭി​ക്കു​ന്ന​തി​നെ​ക്കു​റിച്ച്‌ ചിന്തി​ക്ക​രു​തോ? തൊഴി​ലി​നോ​ടോ കുടും​ബ​ത്തോ​ടോ ഉള്ള ബന്ധത്തിൽ നിങ്ങളു​ടെ ഉത്തരവാ​ദി​ത്വ​ങ്ങൾക്ക്‌ ഇപ്പോൾ കുറവു വന്നിട്ടു​ണ്ടോ? ഇപ്പോൾ നിങ്ങൾ ജോലി​യിൽനിന്ന്‌ വിരമി​ച്ചി​രി​ക്കു​ക​യാ​ണോ? ആരോ​ഗ്യം മോശ​മാ​യ​തി​നെ​ത്തു​ടർന്ന്‌ പയനി​യ​റിങ്‌ നിറു​ത്തിയ ഒരു സഹോ​ദരി 89-ാം വയസ്സിൽ പയനി​യ​റിങ്‌ പുനരാ​രം​ഭി​ച്ചു. ഏതാണ്ട്‌ ഒരു വർഷം ആശുപ​ത്രി​യിൽ പോകാ​തെ കഴിച്ചു​കൂ​ട്ടാ​നാ​യ​പ്പോൾ, പയനി​യ​റിങ്‌ പുനരാ​രം​ഭി​ക്കാൻ തീരു​മാ​നി​ക്കു​ക​യാ​യി​രു​ന്നു സഹോ​ദരി.

3. ഒരാൾക്കെ​ങ്കി​ലും പയനി​യ​റിങ്‌ ചെയ്യാ​നുള്ള സാഹച​ര്യം ഒരുക്കി​ക്കൊ​ടു​ക്കാൻ വീട്ടിലെ മറ്റുള്ള​വർക്ക്‌ എങ്ങനെ കഴിയും?

³ ഇനി, കുടുംബ ഉത്തരവാ​ദി​ത്വം ഏറ്റെടു​ക്കാൻവേണ്ടി പയനി​യ​റിങ്‌ നിറു​ത്തിയ ആരെങ്കി​ലും നിങ്ങളു​ടെ കുടും​ബ​ത്തിൽ ഉണ്ടോ? (1 തിമൊ. 5:4, 8) ഉണ്ടെങ്കിൽ അവരെ സഹായി​ക്കാൻ നിങ്ങൾക്കും മറ്റു കുടും​ബാം​ഗ​ങ്ങൾക്കും എന്തെങ്കി​ലും ചെയ്യാ​നാ​കു​മോ? കുടും​ബാം​ഗങ്ങൾ ഒരുമിച്ച്‌ ഇരുന്ന്‌ ഇതേക്കു​റിച്ച്‌ സംസാ​രി​ക്ക​രു​തോ? (സദൃ. 15:22) കുടും​ബ​ത്തി​ലെ എല്ലാവ​രും സഹകരി​ച്ചു​കൊണ്ട്‌ ഒരാൾക്കെ​ങ്കി​ലും പയനി​യ​റിങ്‌ ചെയ്യാ​നുള്ള സാഹച​ര്യം ഒരുക്കി​ക്കൊ​ടു​ക്കാ​നാ​യാൽ എല്ലാവർക്കും അതിന്റെ സന്തോഷം അനുഭ​വി​ക്കാ​നാ​കും.

4. പയനി​യ​റിങ്‌ പുനരാ​രം​ഭി​ക്കാൻ ഇപ്പോൾ നിങ്ങൾക്ക്‌ കഴിയു​ന്നി​ല്ലെ​ങ്കിൽ എന്തു ചെയ്യാ​നാ​കും?

⁴ പയനി​യ​റിങ്‌ പുനരാ​രം​ഭി​ക്കാൻ നിങ്ങളു​ടെ സാഹച​ര്യം അനുവ​ദി​ക്കു​ന്നി​ല്ലെ​ങ്കിൽ നിരാ​ശ​പ്പെ​ടേണ്ടാ. നിങ്ങളു​ടെ മനസ്സൊ​രു​ക്കം​തന്നെ യഹോ​വയെ പ്രസാ​ദി​പ്പി​ക്കും. (2 കൊരി. 8:12) പയനി​യ​റി​ങ്ങി​ലൂ​ടെ സ്വായ​ത്ത​മാ​ക്കിയ വൈദ​ഗ്‌ധ്യ​ങ്ങൾ തുടർന്നും ശുശ്രൂ​ഷ​യിൽ ഉപയോ​ഗി​ക്കാൻ നിങ്ങൾക്കാ​കും. മാത്രമല്ല, പയനി​യ​റിങ്‌ ചെയ്യാ​നുള്ള നിങ്ങളു​ടെ ആഗ്രഹം യഹോ​വയെ അറിയി​ക്കുക. അതോ​ടൊ​പ്പം സാഹച​ര്യ​ങ്ങൾക്ക്‌ എന്തെങ്കി​ലും മാറ്റം വരുന്നു​ണ്ടോ​യെന്ന്‌ ശ്രദ്ധി​ക്കു​ക​യും വേണം. (1 യോഹ. 5:14) ഒരുപക്ഷേ കുറെ​ക്ക​ഴി​യു​മ്പോൾ യഹോവ നിങ്ങൾക്ക്‌ “പ്രവർത്ത​ന​ത്തി​നുള്ള ഒരു വലിയ വാതിൽ” തുറന്നു​ത​ന്നേ​ക്കാം. അപ്പോൾ സാധാരണ പയനി​യ​റി​ങ്ങി​ന്റെ സന്തോഷം വീണ്ടും അനുഭ​വി​ക്കാൻ നിങ്ങൾക്കാ​കും.—1 കൊരി. 16:9.