ശുശ്രൂ​ഷ​യിൽ ക്ഷമ കാണി​ക്കു​ക

1. യഹോവ മനുഷ്യ​വർഗ​ത്തോട്‌ ക്ഷമ കാണി​ച്ചി​രി​ക്കു​ന്നത്‌ എങ്ങനെ?

¹ യഹോവ എക്കാല​ത്തും ക്ഷമയോ​ടെ​യാണ്‌ മനുഷ്യ​വർഗ​ത്തോട്‌ ഇടപെ​ട്ടി​ട്ടു​ള്ളത്‌. (പുറ. 34:6; സങ്കീ. 106:41-45; 2 പത്രോ. 3:9) ഇന്ന്‌ ലോക​വ്യാ​പ​ക​മാ​യി നടക്കുന്ന രാജ്യ​പ്ര​സം​ഗ​വേ​ല​തന്നെ അവന്റെ ദീർഘ​ക്ഷ​മ​യു​ടെ ഒരു ഉത്തമ ഉദാഹ​ര​ണ​മാണ്‌. കഴിഞ്ഞ 2,000-ത്തോളം വർഷമാ​യി യഹോവ നീതി​ഹൃ​ദ​യ​രായ ആളുകളെ തന്നി​ലേക്ക്‌ ആകർഷി​ച്ചു​കൊ​ണ്ടി​രി​ക്കു​ക​യാണ്‌. (യോഹ. 6:44) അതെ, ഇന്നും യഹോവ ക്ഷമയോ​ടെ ആളുകളെ തന്നി​ലേക്ക്‌ ആകർഷി​ക്കു​ന്നു. അങ്ങനെ​യെ​ങ്കിൽ, യഹോ​വ​യു​ടെ ഈ ക്ഷമ നമു​ക്കെ​ങ്ങനെ നമ്മുടെ ശുശ്രൂ​ഷ​യിൽ പകർത്താം?

2. നമ്മുടെ പ്രദേ​ശത്ത്‌ സുവാർത്ത പ്രസം​ഗി​ക്കു​മ്പോൾ നമുക്ക്‌ ക്ഷമ കാണി​ക്കാ​നാ​കു​ന്നത്‌ എങ്ങനെ?

² വീടു​തോ​റു​മുള്ള ശുശ്രൂ​ഷ​യിൽ: അനുകൂല പ്രതി​ക​രണം ലഭിക്കാത്ത പ്രദേ​ശ​ങ്ങ​ളി​ലും “അവിരാ​മം” സുവാർത്ത പ്രസം​ഗി​ച്ചു​കൊണ്ട്‌ യഹോ​വ​യു​ടെ ക്ഷമ നാം അനുക​രി​ക്കു​ന്നു. (പ്രവൃ. 5:42) നിസ്സം​ഗ​ത​യും പരിഹാ​സ​വും എതിർപ്പും നാം ക്ഷമയോ​ടെ സഹിക്കു​ന്നു. (മർക്കോ. 13:12, 13) താത്‌പ​ര്യം കാണി​ച്ച​വരെ വീടു​ക​ളിൽ കണ്ടെത്താൻ കഴിയാ​തെ​വ​രു​മ്പോ​ഴും, വിതച്ച വിത്തു നനയ്‌ക്കാ​നുള്ള ശ്രമം നാം ഉപേക്ഷി​ക്കു​ന്നില്ല.

3. മടക്കസ​ന്ദർശ​ന​ങ്ങ​ളും ബൈബി​ള​ധ്യ​യ​ന​ങ്ങ​ളും നടത്തു​മ്പോൾ ക്ഷമ കാണി​ക്കേ​ണ്ടത്‌ എന്തു​കൊണ്ട്‌?

³ ബൈബി​ള​ധ്യ​യ​നങ്ങൾ നടത്തു​മ്പോൾ: ഒരു ചെടി നട്ടുവ​ളർത്താൻ ക്ഷമ കൂടിയേ തീരൂ. അതിന്റെ വളർച്ച​യ്‌ക്കു വേണ്ട​തെ​ല്ലാം ചെയ്യാ​നാ​കു​മെ​ങ്കി​ലും നമ്മൾ ആഗ്രഹി​ക്കുന്ന വേഗത്തിൽ അതു വളരണ​മെന്ന്‌ നമുക്കു ശഠിക്കാ​നാ​വില്ല. (യാക്കോ. 5:7) ആത്മീയ വളർച്ച​യു​ടെ കാര്യ​വും അങ്ങനെ​ത​ന്നെ​യാണ്‌; ക്രമേണ, ഘട്ടംഘ​ട്ട​മാ​യേ അതു സംഭവി​ക്കൂ. (മർക്കോ. 4:28) തിരു​വെ​ഴു​ത്തു​വി​രു​ദ്ധ​മായ ചില ആചാരാ​നു​ഷ്‌ഠാ​ന​ങ്ങ​ളും വ്യാജമത വിശ്വാ​സ​ങ്ങ​ളും പെട്ടെന്ന്‌ ഉപേക്ഷി​ക്കാൻ നമ്മുടെ ബൈബിൾ വിദ്യാർഥി​കൾക്ക്‌ കഴി​ഞ്ഞെ​ന്നു​വ​രില്ല. അത്തരം സാഹച​ര്യ​ങ്ങ​ളിൽ നാം ക്ഷമ കാണി​ക്കേ​ണ്ടത്‌ ആവശ്യ​മാണ്‌. മാറ്റങ്ങൾ വരുത്തു​ന്ന​തിന്‌ അവരു​ടെ​മേൽ സമ്മർദം ചെലു​ത്താൻ പാടി​ല്ലെന്നു സാരം. ദൈവാ​ത്മാ​വിന്‌ അവരുടെ ഹൃദയ​ങ്ങളെ സ്വാധീ​നി​ക്കാൻ ന്യായ​മായ സമയം അനുവ​ദി​ക്കണം. അതുവരെ നാം ക്ഷമയോ​ടെ കാത്തി​രു​ന്നേ മതിയാ​കൂ.—1 കൊരി. 3:6, 7.

4. അവിശ്വാ​സി​ക​ളായ കുടും​ബാം​ഗ​ങ്ങ​ളോ​ടു സാക്ഷീ​ക​രി​ക്കു​മ്പോൾ ക്ഷമ കാണി​ക്കാ​നാ​കു​ന്നത്‌ എങ്ങനെ?

⁴ അവിശ്വാ​സി​ക​ളായ കുടും​ബാം​ഗ​ങ്ങ​ളോ​ടു സാക്ഷീ​ക​രി​ക്കു​മ്പോൾ: നമ്മുടെ കുടും​ബാം​ഗ​ങ്ങ​ളും ബന്ധുക്ക​ളും സത്യം പഠിക്ക​ണ​മെന്ന്‌ നമുക്ക്‌ അതിയായ ആഗ്രഹ​മു​ണ്ടെ​ങ്കി​ലും അവി​ടെ​യും നാം ക്ഷമ കാണി​ക്കണം. അതായത്‌, നമ്മുടെ വിശ്വാ​സ​ത്തെ​ക്കു​റിച്ച്‌ അവരോ​ടു പറയാൻ അനു​യോ​ജ്യ​മായ ഒരു സമയത്തി​നാ​യി നാം കാത്തി​രി​ക്കണം; ഒറ്റയടിക്ക്‌ ഒരുപാ​ടു കാര്യങ്ങൾ അവരോ​ടു പറയാ​തി​രി​ക്കാ​നും ശ്രദ്ധി​ക്കണം. (സഭാ. 3:1, 7) എന്നാൽ ആ സമയം വന്നെത്തു​ന്ന​തു​വരെ, നമ്മുടെ നല്ല പെരു​മാ​റ്റ​ത്തി​ലൂ​ടെ അവർക്ക്‌ സാക്ഷ്യം നൽകാൻ നമുക്കാ​കും; ഒപ്പം സൗമ്യ​ത​യോ​ടും ആദര​വോ​ടും​കൂ​ടെ നമ്മുടെ വിശ്വാ​സം പങ്കു​വെ​ക്കാൻ സദാ ഒരുങ്ങി​യി​രി​ക്കാ​നും നമുക്കു കഴിയും. (1 പത്രോ. 3:1, 2, 15) ഈ വിധങ്ങ​ളിൽ ശുശ്രൂ​ഷ​യിൽ ക്ഷമ കാണി​ക്കു​ന്നത്‌ ഏറെ ഫലപ്ര​ദ​മാണ്‌. തന്നെയു​മല്ല, അത്‌ നമ്മുടെ സ്വർഗീയ പിതാ​വി​നെ സന്തോ​ഷി​പ്പി​ക്കു​ക​യും ചെയ്യും.