യഹോ​വ​യിൽനിന്ന്‌ നിങ്ങൾ ആവോളം പഠിക്കു​ന്നു​ണ്ടോ?

1. യഹോവ എന്ത്‌ ആഗ്രഹി​ക്കു​ന്നു?

¹ നാമെ​ല്ലാം പ്രബു​ദ്ധ​രാ​യി​രി​ക്കാൻ നമ്മുടെ ‘ഉപദേ​ഷ്ടാ​വായ’ യഹോവ ആഗ്രഹി​ക്കു​ന്നു. (യെശ. 30:20) തന്റെ ആദ്യജാ​തനെ സൃഷ്ടിച്ച നാൾമു​തൽ യഹോവ അധ്യാ​പനം ആരംഭി​ച്ചു. (യോഹ. 8:28) ആദാം മത്സരി​ച്ച​തോ​ടെ യഹോവ അതു നിറു​ത്തി​യില്ല; അപൂർണ​രായ മനുഷ്യർക്കും അവൻ സ്‌നേ​ഹ​പു​ര​സ്സരം നിർദേ​ശങ്ങൾ നൽകി.—യെശ. 48:17, 18; 2 തിമൊ. 3:14, 15.

2. ഏതു വിദ്യാ​ഭ്യാ​സ പരിപാ​ടി​യാണ്‌ ഇപ്പോൾ അരങ്ങേ​റു​ന്നത്‌?

² ചരി​ത്ര​ത്തിൽ ഇന്നേവരെ അരങ്ങേ​റി​യി​ട്ടു​ള്ള​തി​ലേ​ക്കും വലി​യൊ​രു വിദ്യാ​ഭ്യാ​സ പരിപാ​ടിക്ക്‌ യഹോവ ഇന്ന്‌ നേതൃ​ത്വം നൽകുന്നു. യെശയ്യാവ്‌ പ്രവചി​ച്ച​തു​പോ​ലെ, ലോക​മെ​മ്പാ​ടും​നി​ന്നുള്ള ദശലക്ഷങ്ങൾ ഇന്ന്‌ “യഹോ​വ​യു​ടെ ആലയമുള്ള” ഒരു ആലങ്കാ​രിക “പർവ്വത”ത്തിലേക്ക്‌ ഒഴുകി​യെ​ത്തു​ക​യാണ്‌. (യെശ. 2:2) അവർ എന്തിനാണ്‌ അവി​ടേക്കു വരുന്നത്‌? തന്റെ വഴികൾ യഹോവ ഉപദേ​ശി​ച്ചു​ത​രു​മ്പോൾ അതു പഠിക്കാൻ! (യെശ. 2:3) സാക്ഷീ​ക​ര​ണ​വേ​ല​യി​ലും ആളുകളെ ബൈബിൾ സത്യം പഠിപ്പി​ക്കാ​നു​മാ​യി സേവന​വർഷം 2010-ൽ യഹോ​വ​യു​ടെ സാക്ഷികൾ 160 കോടി​യി​ല​ധി​കം മണിക്കൂർ ചെലവ​ഴി​ക്കു​ക​യു​ണ്ടാ​യി. കൂടാതെ, ഗോള​മെ​മ്പാ​ടു​മുള്ള 1,05,000 സഭകളി​ലൂ​ടെ വിശ്വ​സ്‌ത​നും വിവേ​കി​യു​മായ അടിമ ഒരോ വാരവും ആത്മീയ നിർദേ​ശങ്ങൾ പകർന്നു​നൽകു​ന്നു; ഒപ്പം 500-ലധികം ഭാഷക​ളിൽ പ്രബോ​ധ​നാ​ത്മ​ക​മായ ക്രിസ്‌തീയ പ്രസി​ദ്ധീ​ക​ര​ണങ്ങൾ പുറത്തി​റ​ക്കു​ന്നു​മുണ്ട്‌.

3. യഹോവ ഒരുക്കി​യി​രി​ക്കുന്ന വിദ്യാ​ഭ്യാ​സ​ത്തിൽനിന്ന്‌ നിങ്ങൾ എങ്ങനെ പ്രയോ​ജനം നേടി​യി​രി​ക്കു​ന്നു?

³ പൂർണ​പ്ര​യോ​ജനം നേടുക: ദൈവം ഒരുക്കിയ ഈ വിദ്യാ​ഭ്യാ​സ പരിപാ​ടി നമ്മെ എത്രമാ​ത്രം സഹായി​ച്ചി​രി​ക്കു​ന്നു എന്നൊന്ന്‌ ചിന്തി​ച്ചു​നോ​ക്കൂ! ദൈവ​ത്തിന്‌ ഒരു പേരു​ണ്ടെ​ന്നും അവൻ നമുക്കാ​യി കരുതു​ന്ന​വ​നാ​ണെ​ന്നും നാം ഇതി​നോ​ടകം മനസ്സി​ലാ​ക്കി. (സങ്കീ. 83:18; 1 പത്രോ. 5:6, 7) ആളുകൾ കഷ്ടപ്പാട്‌ അനുഭ​വി​ക്കു​ക​യും മരിക്കു​ക​യും ചെയ്യു​ന്നത്‌ എന്തു​കൊണ്ട്‌, യഥാർഥ സന്തോഷം എങ്ങനെ കണ്ടെത്താം, ജീവി​ത​ത്തി​ന്റെ ഉദ്ദേശ്യം എന്താണ്‌ എന്നതു​പോ​ലുള്ള ചില സുപ്ര​ധാന ചോദ്യ​ങ്ങൾക്കും നമുക്ക്‌ ഉത്തരം ലഭിച്ചു. ധാർമിക നിർദേ​ശങ്ങൾ നൽകി​ക്കൊണ്ട്‌ ജീവി​ത​ത്തിൽ ‘വിജയം വരിക്കാ​നും’ യഹോവ നമ്മെ സഹായി​ച്ചി​രി​ക്കു​ന്നു.—യോശു. 1:8, പി.ഒ.സി. ബൈബിൾ.

4. എന്തെല്ലാം വിദ്യാ​ഭ്യാ​സ പരിപാ​ടി​കൾ ദൈവം തന്റെ ദാസന്മാർക്കാ​യി ഒരുക്കി​യി​രി​ക്കു​ന്നു, യഹോ​വ​യിൽനിന്ന്‌ നാം ആവുന്നത്ര പഠി​ക്കേ​ണ്ടത്‌ എന്തു​കൊണ്ട്‌?

⁴ ഇതു കൂടാതെ, ദൈവ​സേ​വ​ന​ത്തിൽ കൂടുതൽ ചെയ്യാൻ ആഗ്രഹി​ക്കു​ന്ന​വർക്കാ​യി യഹോവ പ്രത്യേക വിദ്യാ​ഭ്യാ​സ പരിപാ​ടി​ക​ളും ഒരുക്കി​യി​ട്ടുണ്ട്‌. 4-6 പേജു​ക​ളിൽ അതിന്റെ പട്ടിക കാണാം. അവയിൽ പങ്കെടു​ക്കാൻ നമ്മുടെ സാഹച​ര്യം അനുവ​ദി​ക്കു​ന്നി​ല്ലെ​ങ്കി​ലോ? പങ്കെടു​ക്കാൻ സാധി​ക്കുന്ന വിദ്യാ​ഭ്യാ​സ പരിപാ​ടി​ക​ളിൽനിന്ന്‌ നാം പൂർണ​പ്ര​യോ​ജനം നേടു​ന്നു​ണ്ടോ? ഈ ലോക​ത്തി​ലെ ഉന്നത വിദ്യാ​ഭ്യാ​സം നേടാൻ അധ്യാ​പ​ക​രും മറ്റും പ്രോ​ത്സാ​ഹി​പ്പി​ക്കു​മ്പോൾ, ആത്മീയ ലക്ഷ്യങ്ങൾ വെക്കാ​നും ഏറ്റവും ഉന്നതമായ ദിവ്യാ​ധി​പത്യ വിദ്യാ​ഭ്യാ​സം നേടാ​നും നാം യുവാ​ക്കളെ പ്രോ​ത്സാ​ഹി​പ്പി​ക്കാ​റു​ണ്ടോ? യഹോ​വ​യിൽനിന്ന്‌ ആവുന്നത്ര പഠിക്കു​ന്നെ​ങ്കിൽ ഇപ്പോൾ ഒരു സന്തോ​ഷ​ക​ര​മായ ജീവിതം നയിക്കാ​നും ഭാവി​യിൽ നിത്യ​ജീ​വൻ നേടാ​നും അത്‌ ഉപകരി​ക്കും.—സങ്കീ. 119:105; യോഹ. 17:3.

സാക്ഷര​താ​ക്ലാസ്‌

• ലക്ഷ്യം: വ്യക്തി​പ​ര​മാ​യി ബൈബിൾ പഠിക്കാ​നും മറ്റുള്ള​വരെ സത്യം പഠിപ്പി​ക്കാ​നും കഴി​യേ​ണ്ട​തിന്‌ എഴുതാ​നും വായി​ക്കാ​നും അഭ്യസി​പ്പി​ക്കുക.

• ദൈർഘ്യം: ആവശ്യം അനുസ​രിച്ച്‌.

• സ്ഥലം: പ്രാ​ദേ​ശിക രാജ്യ​ഹാൾ.

• ആർക്ക്‌ പങ്കെടു​ക്കാം: എല്ലാ പ്രസാ​ധ​കർക്കും താത്‌പ​ര്യ​ക്കാർക്കും.

• അപേക്ഷി​ക്കേ​ണ്ടത്‌ എങ്ങനെ: പ്രാ​ദേ​ശിക ആവശ്യ​മ​നു​സ​രിച്ച്‌ സഭാ മൂപ്പന്മാ​രാണ്‌ സാക്ഷര​താ​ക്ലാ​സു​കൾ സംഘടി​പ്പി​ക്കു​ന്നത്‌; പ്രയോ​ജ​നം​നേ​ടു​മെന്നു തോന്നു​ന്ന​വരെ അതിൽ പങ്കെടു​ക്കാൻ അവർ പ്രോ​ത്സാ​ഹി​പ്പി​ക്കും.

ദിവ്യാ​ധി​പത്യ ശുശ്രൂ​ഷാ​സ്‌കൂൾ

• ലക്ഷ്യം: ഫലപ്ര​ദ​മാ​യി സുവാർത്ത പ്രസം​ഗി​ക്കാ​നും പഠിപ്പി​ക്കാ​നും പ്രസാ​ധ​കരെ പരിശീ​ലി​പ്പി​ക്കുക.

• ദൈർഘ്യം: കാലപ​രി​ധി​യില്ല.

• സ്ഥലം: പ്രാ​ദേ​ശിക രാജ്യ​ഹാൾ.

• ആർക്ക്‌ ചേരാം: എല്ലാ പ്രസാ​ധ​കർക്കും, സഭയോ​ടൊത്ത്‌ സജീവ​മാ​യി സഹവസി​ക്കു​ക​യും ബൈബിൾ ഉപദേ​ശങ്ങൾ അംഗീ​ക​രി​ക്കു​ക​യും ക്രിസ്‌തീയ തത്ത്വങ്ങൾക്കു ചേർച്ച​യിൽ ജീവി​ക്കു​ക​യും ചെയ്യുന്ന മറ്റുള്ള​വർക്കും.

• അപേക്ഷി​ക്കേ​ണ്ടത്‌ എങ്ങനെ: ദിവ്യാ​ധി​പത്യ ശുശ്രൂ​ഷാ​സ്‌കൂൾ മേൽവി​ചാ​ര​കനെ സമീപി​ക്കുക.

വിദേ​ശ​ഭാ​ഷാ​ക്ലാസ്‌

• ലക്ഷ്യം: മറ്റൊരു ഭാഷയിൽ സുവാർത്ത പ്രസം​ഗി​ക്കാൻ പ്രസാ​ധ​കരെ പഠിപ്പി​ക്കുക.

• ദൈർഘ്യം: നാലോ അഞ്ചോ മാസം. സാധാ​ര​ണ​ഗ​തി​യിൽ ശനിയാഴ്‌ച രാവിലെ ഒന്നോ രണ്ടോ മണിക്കൂ​റാണ്‌ ക്ലാസ്‌.

• സ്ഥലം: സാധാ​ര​ണ​ഗ​തി​യിൽ, അടുത്തുള്ള രാജ്യ​ഹാൾ ആയിരി​ക്കും വേദി.

• ആർക്ക്‌ ചേരാം: മറ്റൊരു ഭാഷയിൽ സാക്ഷീ​ക​രി​ക്കാൻ ആഗ്രഹി​ക്കുന്ന മാതൃ​കാ​യോ​ഗ്യ​രായ പ്രസാ​ധ​കർക്ക്‌.

• അപേക്ഷി​ക്കേ​ണ്ടത്‌ എങ്ങനെ: ആവശ്യ​മ​നു​സ​രിച്ച്‌ ബ്രാഞ്ച്‌ ഓഫീ​സാണ്‌ ക്ലാസുകൾ ക്രമീ​ക​രി​ക്കു​ന്നത്‌.

രാജ്യ​ഹാൾ നിർമാ​ണം

• ലക്ഷ്യം: രാജ്യ​ഹാൾ നിർമാ​ണ​വും പുതു​ക്കി​പ്പ​ണി​യ​ലും. നിർമാ​ണ​പ്ര​വർത്ത​ന​ങ്ങ​ളിൽ പങ്കെടു​ക്കാൻവേണ്ട വൈദ​ഗ്‌ധ്യം നേടാൻ സ്വമേ​ധാ​സേ​വ​കരെ സഹായി​ക്കുക. ഇതൊരു സ്‌കൂളല്ല.

• ദൈർഘ്യം: സ്വമേ​ധാ​സേ​വ​ക​രു​ടെ സമയവും സാഹച​ര്യ​വും അനുസ​രിച്ച്‌.

• സ്ഥലം: മേഖലാ നിർമാണ കമ്മിറ്റി​യു​ടെ പരിധി​യിൽവ​രുന്ന ഏതെങ്കി​ലും പ്രദേ​ശത്ത്‌. എന്നാൽ അതിനു പുറത്തുള്ള സ്ഥലത്ത്‌ ദുരി​താ​ശ്വാ​സ പ്രവർത്ത​ന​ങ്ങൾക്കാ​യും ചിലരെ ക്ഷണി​ച്ചേ​ക്കാം.

• യോഗ്യത: സഹോ​ദ​രീ​സ​ഹോ​ദ​ര​ന്മാർ സ്‌നാ​ന​മേ​റ്റ​വ​രും മൂപ്പന്മാ​രു​ടെ സംഘം ശുപാർശ​ചെ​യ്‌ത​വ​രും ആയിരി​ക്കണം. അവർ പ്രത്യേക വൈദ​ഗ്‌ധ്യം ഉള്ളവരോ ഇല്ലാത്ത​വ​രോ ആകാം.

• അപേക്ഷി​ക്കേ​ണ്ടത്‌ എങ്ങനെ: നിങ്ങളു​ടെ സഭയിലെ മൂപ്പന്മാ​രിൽനി​ന്നു ലഭിക്കുന്ന രാജ്യ​ഹാൾ നിർമാണ സ്വമേ​ധാ​സേ​വ​കർക്കാ​യുള്ള അപേക്ഷ (A-25) പൂരി​പ്പി​ച്ചു നൽകുക.

പയനിയർ സേവന സ്‌കൂൾ

• ലക്ഷ്യം: ‘ശുശ്രൂഷ പൂർണ​മാ​യി നിറ​വേ​റ്റാൻ’ പയനി​യർമാ​രെ സഹായി​ക്കുക.—2 തിമൊ. 4:5.

• ദൈർഘ്യം: രണ്ടാഴ്‌ച.

• സ്ഥലം: ബ്രാഞ്ച്‌ ഓഫീസ്‌ തീരു​മാ​നി​ക്കും; സാധാ​ര​ണ​ഗ​തി​യിൽ, അടുത്തുള്ള ഏതെങ്കി​ലും രാജ്യ​ഹാൾ ആയിരി​ക്കും വേദി.

• യോഗ്യത: സാധാരണ പയനി​യ​റാ​യിട്ട്‌ കുറഞ്ഞത്‌ ഒരുവർഷം കഴിഞ്ഞി​രി​ക്കണം.

• പങ്കെടു​ക്കാൻ എന്തു ചെയ്യണം: യോഗ്യ​ത​യുള്ള പയനി​യർമാർക്ക്‌ സർക്കിട്ട്‌ മേൽവി​ചാ​ര​ക​നിൽനിന്ന്‌ ക്ഷണം ലഭിക്കും.

നവാഗ​ത​രായ ബെഥേ​ലം​ഗ​ങ്ങൾക്കുള്ള സ്‌കൂൾ

• ലക്ഷ്യം: പുതു​താ​യി വരുന്ന​വരെ ബെഥേൽ സേവന​ത്തി​നാ​യി ഒരുക്കുക.

• ദൈർഘ്യം: ആഴ്‌ച​യിൽ ഒരു മണിക്കൂർ വീതം 16 ആഴ്‌ച.

• സ്ഥലം: ബെഥേൽ.

• യോഗ്യത: ബെഥേ​ലി​ലെ സ്ഥിരാം​ഗ​മോ ദീർഘ​കാ​ലത്തെ (ഒരു വർഷമോ അതില​ധി​ക​മോ) സേവന​ത്തി​നാ​യി വന്ന താത്‌കാ​ലിക സ്വമേ​ധാ​സേ​വ​ക​നോ ആയിരി​ക്കണം.

• ആർക്ക്‌ പങ്കെടു​ക്കാം: യോഗ്യ​ത​യുള്ള ബെഥേ​ലം​ഗ​ങ്ങൾക്ക്‌ ക്ഷണം ലഭിക്കും.

രാജ്യ​ശു​ശ്രൂ​ഷാ സ്‌കൂൾ

• ലക്ഷ്യം: സഭയിൽ മേൽവി​ചാ​ര​ണ​ന​ട​ത്താ​നും സംഘട​നാ​പ​ര​മായ ഉത്തരവാ​ദി​ത്വ​ങ്ങൾ നിർവ​ഹി​ക്കാ​നും മൂപ്പന്മാ​രെ​യും ശുശ്രൂ​ഷാ​ദാ​സ​ന്മാ​രെ​യും പരിശീ​ലി​പ്പി​ക്കുക. (പ്രവൃ. 20:28) ഭരണസം​ഘ​ത്തി​ന്റെ തീരു​മാ​ന​മ​നു​സ​രിച്ച്‌ ഏതാനും വർഷം കൂടു​മ്പോൾ ഇത്‌ നടത്താ​റുണ്ട്‌.

• ദൈർഘ്യം: സമീപ​വർഷ​ങ്ങ​ളിൽ മൂപ്പന്മാർക്ക്‌ ഒന്നര ദിവസ​വും ശുശ്രൂ​ഷാ​ദാ​സ​ന്മാർക്ക്‌ ഒരു ദിവസ​വും ആയിരു​ന്നു ക്ലാസ്‌.

• സ്ഥലം: സാധാ​ര​ണ​ഗ​തി​യിൽ, അടുത്തുള്ള രാജ്യ​ഹാ​ളോ സമ്മേള​ന​ഹാ​ളോ.

• യോഗ്യത: മൂപ്പനോ ശുശ്രൂ​ഷാ​ദാ​സ​നോ ആയിരി​ക്കണം.

• ആർക്ക്‌ പങ്കെടു​ക്കാം: യോഗ്യ​ത​യുള്ള മൂപ്പന്മാ​രെ​യും ശുശ്രൂ​ഷാ​ദാ​സ​ന്മാ​രെ​യും സർക്കിട്ട്‌ മേൽവി​ചാ​രകൻ ക്ഷണിക്കും.

സഭാ മൂപ്പന്മാർക്കുള്ള സ്‌കൂൾ*

• ലക്ഷ്യം: സഭാ ഉത്തരവാ​ദി​ത്വ​ങ്ങൾ നിർവ​ഹി​ക്കാൻ മൂപ്പന്മാ​രെ സഹായി​ക്കുക.

• ദൈർഘ്യം: അഞ്ചുദി​വസം.

• സ്ഥലം: ബ്രാഞ്ച്‌ ഓഫീസ്‌ തീരു​മാ​നി​ക്കും. സാധാ​ര​ണ​ഗ​തി​യിൽ, അടുത്തുള്ള രാജ്യ​ഹാ​ളോ സമ്മേള​ന​ഹാ​ളോ ആയിരി​ക്കും വേദി.

• യോഗ്യത: മൂപ്പനാ​യി​രി​ക്കണം.

• ആർക്ക്‌ പങ്കെടു​ക്കാം: യോഗ്യ​ത​യുള്ള മൂപ്പന്മാ​രെ ബ്രാഞ്ച്‌ ഓഫീസ്‌ ക്ഷണിക്കും.

സഞ്ചാര മേൽവി​ചാ​ര​ക​ന്മാർക്കും ഭാര്യ​മാർക്കും ഉള്ള സ്‌കൂൾ*

• ലക്ഷ്യം: സഭകളെ കാര്യ​ക്ഷ​മ​മാ​യി സേവി​ക്കാ​നും “പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യു​ന്ന​തിൽ അധ്വാനി”ക്കാനും തങ്ങളുടെ പരിപാ​ല​ന​ത്തി​ലു​ള്ള​വരെ മേയ്‌ക്കാ​നും സർക്കിട്ട്‌, ഡിസ്‌ട്രി​ക്‌റ്റ്‌ മേൽവി​ചാ​ര​ക​ന്മാ​രെ പ്രാപ്‌ത​രാ​ക്കുക.—1 തിമൊ. 5:17; 1 പത്രോ. 5:2, 3.

• ദൈർഘ്യം: രണ്ടുമാ​സം.

• സ്ഥലം: ബ്രാഞ്ച്‌ ഓഫീസ്‌ തീരു​മാ​നി​ക്കും.

• യോഗ്യത: സർക്കിട്ട്‌ മേൽവി​ചാ​ര​ക​നോ ഡിസ്‌ട്രി​ക്‌റ്റ്‌ മേൽവി​ചാ​ര​ക​നോ ആയിരി​ക്കണം.

• ആർക്ക്‌ പങ്കെടു​ക്കാം: യോഗ്യ​ത​യുള്ള സഞ്ചാര മേൽവി​ചാ​ര​ക​ന്മാ​രെ​യും ഭാര്യ​മാ​രെ​യും ബ്രാഞ്ച്‌ ഓഫീസ്‌ ക്ഷണിക്കും.

ഏകാകി​ക​ളായ സഹോ​ദ​ര​ന്മാർക്കുള്ള ബൈബിൾ സ്‌കൂൾ*

• ലക്ഷ്യം: കൂടുതൽ ഉത്തരവാ​ദി​ത്വ​ങ്ങൾ കൈ​യേൽക്കാൻ ഏകാകി​ക​ളായ മൂപ്പന്മാ​രെ​യും ശുശ്രൂ​ഷാ​ദാ​സ​ന്മാ​രെ​യും സജ്ജരാ​ക്കുക. സ്വന്തം രാജ്യത്തെ ആവശ്യം കൂടു​ത​ലുള്ള പ്രദേ​ശ​ത്താ​യി​രി​ക്കും മിക്കവ​രെ​യും നിയമി​ക്കു​ന്നത്‌. ചുരുക്കം ചിലരെ, അവർ ഒരുക്ക​മാ​ണെ​ങ്കിൽ, മറ്റൊരു രാജ്യത്ത്‌ നിയമി​ച്ചേ​ക്കാം.

• ദൈർഘ്യം: രണ്ടുമാ​സം.

• സ്ഥലം: ബ്രാഞ്ച്‌ ഓഫീസ്‌ തീരു​മാ​നി​ക്കും; സാധാ​ര​ണ​ഗ​തി​യിൽ, സമ്മേള​ന​ഹാ​ളോ രാജ്യ​ഹാ​ളോ ആയിരി​ക്കും വേദി.

• യോഗ്യത: 23-നും 62-നും ഇടയ്‌ക്കു പ്രായ​മുള്ള, നല്ല ആരോ​ഗ്യ​മുള്ള, രാജ്യ​വേല നിർവ​ഹി​ക്കാ​നും സഹോ​ദ​ര​ങ്ങളെ സേവി​ക്കാ​നും കൂടുതൽ ആവശ്യ​മു​ള്ളി​ടത്ത്‌ പ്രവർത്തി​ക്കാ​നും മനസ്സൊ​രു​ക്ക​മുള്ള ഏകാകി​ക​ളായ സഹോ​ദ​ര​ന്മാർ. (മർക്കോ. 10:29, 30) കുറഞ്ഞത്‌ രണ്ടുവർഷ​മാ​യി ഉത്തരവാ​ദി​ത്വ​സ്ഥാ​നത്ത്‌ സേവി​ക്കുന്ന ആളായി​രി​ക്കണം.

• പങ്കെടു​ക്കാൻ എന്തു ചെയ്യണം: നിങ്ങളു​ടെ ബ്രാഞ്ച്‌ പ്രദേ​ശത്ത്‌ ഈ സ്‌കൂൾ നടത്തു​ന്നു​ണ്ടെ​ങ്കിൽ അതിൽ പങ്കെടു​ക്കാൻ ആഗ്രഹി​ക്കു​ന്ന​വർക്കാ​യുള്ള യോഗം സർക്കിട്ട്‌ സമ്മേളന വേളയിൽ ഉണ്ടായി​രി​ക്കും. കൂടുതൽ വിവരങ്ങൾ ആ യോഗ​ത്തിൽ ലഭ്യമാണ്‌.

ക്രിസ്‌തീയ ദമ്പതി​കൾക്കുള്ള ബൈബിൾ സ്‌കൂൾ*

• ലക്ഷ്യം: യഹോ​വ​യ്‌ക്കും അവന്റെ സംഘട​ന​യ്‌ക്കും കൂടുതൽ ഉപകാ​ര​മു​ള്ള​വ​രാ​യി​ത്തീ​രാൻ ദമ്പതി​കൾക്ക്‌ പ്രത്യേക പരിശീ​ലനം നൽകുക. സ്വന്തം രാജ്യത്തെ ആവശ്യം കൂടു​ത​ലുള്ള പ്രദേ​ശ​ത്താ​യി​രി​ക്കും മിക്കവ​രെ​യും നിയമി​ക്കു​ന്നത്‌. ചുരുക്കം ചിലരെ, അവർ ഒരുക്ക​മാ​ണെ​ങ്കിൽ, മറ്റൊരു രാജ്യത്ത്‌ നിയമി​ച്ചേ​ക്കാം.

• ദൈർഘ്യം: രണ്ടുമാ​സം.

• സ്ഥലം: ന്യൂ​യോർക്കി​ലെ പാറ്റേ​ഴ്‌സ​ണി​ലുള്ള വാച്ച്‌ടവർ വിദ്യാ​ഭ്യാ​സ കേന്ദ്ര​ത്തിൽ ഈ സ്‌കൂൾ ആരംഭി​ച്ചു​ക​ഴി​ഞ്ഞു. കാല​ക്ര​മേണ, ബ്രാഞ്ച്‌ ഓഫീസ്‌ നിശ്ചയി​ക്കുന്ന സ്ഥലങ്ങളിൽ ഈ സ്‌കൂൾ നടക്കും. സാധാ​ര​ണ​ഗ​തി​യിൽ, സമ്മേള​ന​ഹാ​ളോ രാജ്യ​ഹാ​ളോ ആയിരി​ക്കും വേദി.

• യോഗ്യത: 25-നും 50-നും ഇടയ്‌ക്കു പ്രായ​മുള്ള, നല്ല ആരോ​ഗ്യ​മുള്ള, കൂടുതൽ ആവശ്യ​മു​ള്ളി​ടത്ത്‌ പ്രവർത്തി​ക്കാൻ സാഹച​ര്യം അനുവ​ദി​ക്കുന്ന, “അടിയൻ ഇതാ അടിയനെ അയക്കേ​ണമേ” എന്ന മനോ​ഭാ​വ​മുള്ള ദമ്പതികൾ. (യെശ. 6:8) അവർ വിവാ​ഹി​ത​രാ​യിട്ട്‌ കുറഞ്ഞത്‌ രണ്ടുവർഷം കഴിഞ്ഞി​ട്ടു​ണ്ടാ​കണം. കഴിഞ്ഞ രണ്ടുവർഷ​മാ​യി മുഴു​സമയ ശുശ്രൂ​ഷ​യിൽ ആയിരി​ക്കു​ക​യും വേണം.

• പങ്കെടു​ക്കാൻ എന്തു ചെയ്യണം: നിങ്ങളു​ടെ ബ്രാഞ്ച്‌ പ്രദേ​ശത്ത്‌ ഈ സ്‌കൂൾ നടത്തു​ന്നു​ണ്ടെ​ങ്കിൽ അതിൽ പങ്കെടു​ക്കാൻ ആഗ്രഹി​ക്കു​ന്ന​വർക്കാ​യുള്ള യോഗം പ്രത്യേക സമ്മേളന ദിനത്തിൽ ഉണ്ടായി​രി​ക്കും. കൂടുതൽ വിവരങ്ങൾ ആ യോഗ​ത്തിൽ ലഭ്യമാണ്‌.

വാച്ച്‌ടവർ ഗിലെ​യാദ്‌ ബൈബിൾ സ്‌കൂൾ

• ലക്ഷ്യം: മിഷനറി സേവന​ത്തി​നാ​യി പയനി​യർമാ​രെ​യും മറ്റ്‌ മുഴു​സമയ സേവക​രെ​യും പരിശീ​ലി​പ്പി​ക്കുക.

• ദൈർഘ്യം: അഞ്ചുമാ​സം.

• സ്ഥലം: ന്യൂ​യോർക്കി​ലെ പാറ്റേ​ഴ്‌സ​ണി​ലുള്ള വാച്ച്‌ടവർ വിദ്യാ​ഭ്യാ​സ കേന്ദ്രം.

• യോഗ്യത: സ്‌നാ​ന​മേ​റ്റിട്ട്‌ മൂന്നു​വർഷം കഴിഞ്ഞ ദമ്പതികൾ. ആദ്യത്തെ അപേക്ഷ അയയ്‌ക്കു​മ്പോൾ അവർക്ക്‌ 21-നും 38-നും ഇടയ്‌ക്കു പ്രായ​മു​ണ്ടാ​യി​രി​ക്കണം. ഇംഗ്ലീഷ്‌ സംസാ​രി​ക്കാൻ അറിയു​ന്ന​വ​രും നല്ല ആരോ​ഗ്യ​മു​ള്ള​വ​രും വിവാ​ഹി​ത​രാ​യിട്ട്‌ കുറഞ്ഞത്‌ രണ്ടുവർഷം കഴിഞ്ഞ​വ​രും ആയിരി​ക്കണം. കഴിഞ്ഞ രണ്ടുവർഷ​മാ​യി മുഴു​സമയ ശുശ്രൂ​ഷ​യിൽ ആയിരി​ക്കു​ക​യും വേണം. വിദേ​ശ​രാ​ജ്യത്ത്‌ പയനി​യർമാ​രാ​യി സേവി​ക്കു​ന്ന​വർക്കും (മിഷനറി പദവി​യി​ലു​ള്ള​വർക്കും) സഞ്ചാര മേൽവി​ചാ​ര​ക​ന്മാർക്കും ബെഥേ​ലം​ഗ​ങ്ങൾക്കും പുറമെ, ശുശ്രൂ​ഷാ പരിശീ​ലന സ്‌കൂൾ, ഏകാകി​ക​ളായ സഹോ​ദ​ര​ന്മാർക്കുള്ള ബൈബിൾ സ്‌കൂൾ, ക്രിസ്‌തീയ ദമ്പതി​കൾക്കുള്ള ബൈബിൾ സ്‌കൂൾ എന്നിവ​യിൽ പങ്കെടു​ത്തി​ട്ടു​ള്ള​വർക്കും ഇപ്പറഞ്ഞ യോഗ്യ​ത​ക​ളു​ണ്ടെ​ങ്കിൽ അപേക്ഷി​ക്കാ​വു​ന്ന​താണ്‌.

• പങ്കെടു​ക്കാൻ എന്തു ചെയ്യണം: ചില രാജ്യ​ങ്ങ​ളിൽ, ഈ സ്‌കൂ​ളിൽ പങ്കെടു​ക്കാൻ താത്‌പ​ര്യ​മു​ള്ള​വർക്കാ​യി ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ യോഗം നടത്താ​റുണ്ട്‌. ആ യോഗ​ത്തിൽവെച്ച്‌ കൂടുതൽ വിവരങ്ങൾ ലഭിക്കും. നിങ്ങളു​ടെ രാജ്യത്ത്‌ അങ്ങനെ​യൊ​രു യോഗ​മി​ല്ലാ​തി​രി​ക്കു​ക​യും നിങ്ങൾ അപേക്ഷി​ക്കാൻ താത്‌പ​ര്യ​പ്പെ​ടു​ക​യും ചെയ്യു​ന്നെ​ങ്കിൽ കൂടുതൽ വിവര​ങ്ങൾക്കാ​യി ബ്രാഞ്ച്‌ ഓഫീ​സി​ലേക്ക്‌ എഴുതാ​വു​ന്ന​താണ്‌.

ബ്രാഞ്ച്‌ കമ്മിറ്റി അംഗങ്ങൾക്കും ഭാര്യ​മാർക്കും ഉള്ള സ്‌കൂൾ

• ലക്ഷ്യം: ബെഥേൽ ഭവനങ്ങ​ളു​ടെ കാര്യങ്ങൾ നോക്കി​ന​ട​ത്താ​നും സഭകളു​മാ​യി ബന്ധപ്പെട്ട കാര്യങ്ങൾ ശ്രദ്ധി​ക്കാ​നും ബ്രാഞ്ചി​നു കീഴി​ലുള്ള സർക്കി​ട്ടു​ക​ളു​ടെ​യും ഡിസ്‌ട്രി​ക്‌റ്റു​ക​ളു​ടെ​യും മേൽനോ​ട്ടം​വ​ഹി​ക്കാ​നും പ്രസി​ദ്ധീ​ക​ര​ണ​ങ്ങ​ളു​ടെ പരിഭാഷ, അച്ചടി, ഷിപ്പിങ്‌ എന്നിവ നോക്കി​ന​ട​ത്താ​നും വിവിധ ഡിപ്പാർട്ടു​മെ​ന്റു​കൾക്ക്‌ മേൽനോ​ട്ടം​വ​ഹി​ക്കാ​നും ബ്രാഞ്ച്‌ കമ്മിറ്റി​യിൽ സേവി​ക്കു​ന്ന​വർക്ക്‌ കൂടുതൽ പരിശീ​ലനം നൽകുക.—ലൂക്കോ. 12:48ബി.

• ദൈർഘ്യം: രണ്ടുമാ​സം.

• സ്ഥലം: ന്യൂ​യോർക്കി​ലെ പാറ്റേ​ഴ്‌സ​ണി​ലുള്ള വാച്ച്‌ടവർ വിദ്യാ​ഭ്യാ​സ കേന്ദ്രം.

• യോഗ്യത: ബ്രാഞ്ച്‌ കമ്മിറ്റി അംഗമോ കൺട്രി കമ്മിറ്റി അംഗമോ, അല്ലെങ്കിൽ ആ പദവി​യി​ലേക്കു നിയമി​ക്ക​പ്പെ​ടുന്ന വ്യക്തി​യോ ആയിരി​ക്കണം.

• ആർക്ക്‌ പങ്കെടു​ക്കാം: യോഗ്യ​ത​യുള്ള സഹോ​ദ​ര​ന്മാ​രെ​യും അവരുടെ ഭാര്യ​മാ​രെ​യും ഭരണസം​ഘം ക്ഷണിക്കും.

[4-ാം പേജിലെ ചിത്രം]

യഹോവയുടെ സംഘടന ഒരുക്കി​യി​രി​ക്കുന്ന ചില വിദ്യാ​ഭ്യാ​സ പരിപാ​ടി​കൾ

[6-ാം പേജിലെ ചിത്രം]

*എല്ലാ രാജ്യ​ത്തും ഈ സ്‌കൂൾ ആരംഭി​ച്ചി​ട്ടില്ല.