‘എല്ലാത്തരം ആളുക​ളോ​ടും’ പ്രസം​ഗി​ക്കു​ക

1. ഫലപ്ര​ദ​രായ സുവി​ശേ​ഷകർ വിദഗ്‌ധ​രായ പണിക്കാ​രെ​പ്പോ​ലെ​യാ​ണെന്നു പറയു​ന്നത്‌ എന്തു​കൊണ്ട്‌?

¹ വിദഗ്‌ധ​നായ ഒരു പണിക്കാ​രന്റെ പക്കൽ പലതരം പണിയാ​യു​ധ​ങ്ങ​ളു​ണ്ടാ​കും. അവയിൽ ഏത്‌, എപ്പോൾ ഉപയോ​ഗി​ക്ക​ണ​മെന്ന്‌ അദ്ദേഹ​ത്തിന്‌ അറിയാം. സമാന​മാ​യി, സുവി​ശേ​ഷ​വേല നിർവ​ഹി​ക്കാൻ സഹായി​ക്കുന്ന പലതരം ‘പണിയാ​യു​ധങ്ങൾ’ നമുക്ക്‌ ലഭ്യമാണ്‌. ഉദാഹ​ര​ണ​ത്തിന്‌, ‘എല്ലാത്തരം ആളുക​ളോ​ടും’ പ്രസം​ഗി​ക്കാൻ സഹായി​ക്കുന്ന വൈവി​ധ്യ​മാർന്ന വിഷയ​ങ്ങ​ളോ​ടു​കൂ​ടിയ ലഘുപ​ത്രി​കകൾ നമുക്കുണ്ട്‌. (1 കൊരി. 9:22, അടിക്കു​റിപ്പ്‌) ഇതോ​ടൊ​പ്പ​മുള്ള അനുബ​ന്ധ​ത്തിൽ ചില ലഘുപ​ത്രി​ക​ക​ളു​ടെ പേരും അവ ആർക്കു​വേണ്ടി തയ്യാറാ​ക്കി​യ​താ​ണെ​ന്നും അവ സമർപ്പി​ക്കാ​നുള്ള ചില വിധങ്ങ​ളും കൊടു​ത്തി​രി​ക്കു​ന്നു.

2. ശുശ്രൂ​ഷ​യിൽ നമുക്ക്‌ എപ്പോൾ ലഘുപ​ത്രി​കകൾ ഉപയോ​ഗി​ക്കാൻ കഴി​ഞ്ഞേ​ക്കും?

² ലഘുപ​ത്രി​കകൾ ഉപയോ​ഗി​ക്കേ​ണ്ടത്‌ എപ്പോൾ? ഏത്‌ അവസര​ത്തിൽ ഏത്‌ ആയുധം ഉപയോ​ഗി​ക്കു​ന്ന​താണ്‌ ഗുണം​ചെ​യ്യുക എന്ന്‌ ഒരു പണിക്കാ​രന്‌ അറിയാം. അതു​പോ​ലെ, ഒരാൾക്ക്‌ ഒരു ലഘുപ​ത്രിക ഗുണം​ചെ​യ്യു​മെന്നു തോന്നി​യാൽ, അത്‌ ആ മാസത്തെ സമർപ്പണ സാഹി​ത്യം അല്ലെങ്കി​ലും നമുക്ക്‌ സമർപ്പി​ക്കാ​വു​ന്ന​താണ്‌. ഉദാഹ​ര​ണ​ത്തിന്‌, ബൈബിൾ പഠിപ്പി​ക്കു​ന്നു പുസ്‌തകം സമർപ്പി​ക്കേണ്ട മാസം ബൈബി​ളിൽ വലിയ താത്‌പ​ര്യ​മി​ല്ലാത്ത അ​ക്രൈ​സ്‌ത​വർക്കി​ട​യിൽ പ്രസം​ഗി​ക്കു​മ്പോൾ വീട്ടു​കാ​രനു യോജിച്ച ഒരു ലഘുപ​ത്രിക സമർപ്പിച്ച്‌ ആ വ്യക്തി​യു​ടെ താത്‌പ​ര്യം ഉണർത്തി​യ​ശേഷം പിന്നീട്‌ ബൈബിൾ പഠിപ്പി​ക്കു​ന്നു പുസ്‌തകം പരിച​യ​പ്പെ​ടു​ത്തു​ന്നത്‌ ഗുണക​ര​മാ​യേ​ക്കാം.

3. സാക്ഷീ​കരണ വേലയിൽ നമ്മെ സഹായി​ക്കുന്ന ‘പണിയാ​യു​ധങ്ങൾ’ വിദഗ്‌ധ​മാ​യി ഉപയോ​ഗി​ക്കാൻ നാം പഠി​ക്കേ​ണ്ടത്‌ എന്തു​കൊണ്ട്‌?

³ സാമർഥ്യ​ത്തോ​ടെ വേല​ചെ​യ്യു​ന്ന​വരെ ബൈബിൾ പ്രശം​സി​ച്ചു സംസാ​രി​ക്കു​ന്നു. (സദൃ. 22:29) വാസ്‌ത​വ​ത്തിൽ, “സുവി​ശേഷം ഘോഷി​ക്കു​ക​യെന്ന വിശു​ദ്ധ​വേല”യെക്കാൾ പ്രാധാ​ന്യ​മുള്ള മറ്റൊരു വേല ഇന്നില്ല. (റോമ. 15:16) “ലജ്ജിക്കാൻ വകയി​ല്ലാത്ത വേലക്കാ​ര​നാ​യി”ത്തീരണ​മെ​ങ്കിൽ നമ്മുടെ ‘പണിയാ​യു​ധങ്ങൾ’ വിദഗ്‌ധ​മാ​യി ഉപയോ​ഗി​ക്കാൻ നാം പഠിക്കണം.—2 തിമൊ. 2:15.