ശുശ്രൂ​ഷ​യിൽ ജാഗ്രത പാലി​ക്കുക!

1. ശുശ്രൂ​ഷ​യിൽ ജാഗ്രത പാലി​ക്കു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹ “വക്രവും വഴിപി​ഴ​ച്ച​തു​മായ” ഈ “തലമു​റ​യിൽ,” പ്രസം​ഗ​വേ​ല​യിൽ ഏർപ്പെ​ടുന്ന ദൈവ​ദാ​സ​ന്മാർ “ചെന്നാ​യ്‌ക്കൾക്കി​ട​യി​ലെ ആടുക​ളെ​പ്പോ​ലെ”യാണെന്നു പറയാം. (മത്താ. 10:16; ഫിലി. 2:15) ആഭ്യന്തര കലാപ​ങ്ങ​ളും കൂട്ടം​കൂ​ടി​യുള്ള ആക്രമ​ണ​ങ്ങ​ളും തട്ടി​ക്കൊ​ണ്ടു​പോ​ക​ലും ഒക്കെ ഇന്ന്‌ സർവസാ​ധാ​ര​ണ​മാണ്‌. ദുഷ്ടമ​നു​ഷ്യർ “ദോഷ​ത്തിൽനി​ന്നു ദോഷ​ത്തി​ലേക്ക്‌ അധഃപ​തി​ക്കു”ന്നു എന്നതിന്റെ തെളി​വാണ്‌ ഇതെല്ലാം. (2 തിമൊ. 3:13) ഈയൊ​രു സാഹച​ര്യ​ത്തിൽ, “ജാഗ്രത”യോടെ ശുശ്രൂ​ഷ​യിൽ ഏർപ്പെ​ടാൻ നമ്മെ സഹായി​ക്കുന്ന തിരു​വെ​ഴു​ത്തു​ത​ത്ത്വ​ങ്ങൾ ഏതൊ​ക്കെ​യാണ്‌?—മത്താ. 10:16.

2. എങ്ങനെ​യുള്ള സാഹച​ര്യ​ങ്ങ​ളി​ലാണ്‌ ഒരു പ്രദേശം വിട്ട്‌ മറ്റൊരു പ്രദേ​ശത്തു പോ​കേ​ണ്ടത്‌?

² വിവേ​ക​ത്തോ​ടെ പ്രവർത്തി​ക്കുക: അനർഥ​ത്തിൽനിന്ന്‌ ‘ഒളിക്കു​ന്ന​താണ്‌’ ബുദ്ധി​പൂർവ​ക​മായ ഗതി​യെന്ന്‌ സദൃശ​വാ​ക്യ​ങ്ങൾ 22:3 പറയുന്നു. അതു​കൊണ്ട്‌ ജാഗരൂ​ക​രാ​യി​രി​ക്കുക! സുരക്ഷി​ത​മെന്ന്‌ കരുതുന്ന ഒരു പ്രദേ​ശത്ത്‌ അവസ്ഥകൾ മാറി​മ​റി​യാൻ അധികം സമയം വേണ്ടാ. ചില​പ്പോൾ സാക്ഷീ​ക​രി​ക്കു​ന്ന​തി​നി​ട​യിൽ, പോലീ​സു​കാർ അങ്ങിങ്ങാ​യി നിൽക്കു​ന്ന​തോ ആളുകൾ കൂട്ടം​കൂ​ടു​ന്ന​തോ നിങ്ങളു​ടെ ശ്രദ്ധയിൽപ്പെ​ട്ടേ​ക്കാം. അല്ലെങ്കിൽ നിങ്ങൾ സന്ദർശി​ക്കുന്ന വീട്ടിലെ ആരെങ്കി​ലും നിങ്ങൾക്ക്‌ സാഹച​ര്യ​ത്തെ​പ്പറ്റി മുന്നറി​യി​പ്പു തന്നേക്കാം. കാര്യ​മെ​ന്താ​ണെന്ന്‌ അറിയാൻ അവിടെ ചുറ്റി​പ്പറ്റി നിൽക്ക​രുത്‌; ഉടനടി അവിടം​വിട്ട്‌ പോകു​ന്ന​താണ്‌ ബുദ്ധി. മറ്റൊരു പ്രദേ​ശത്ത്‌ നിങ്ങൾക്കു സാക്ഷീ​ക​രണം തുടരാ​നാ​യേ​ക്കും.—സദൃ. 17:14; യോഹ. 8:59; 1 തെസ്സ. 4:11.

3. സഭാ​പ്ര​സം​ഗി 4:9-ലെ തത്ത്വം ശുശ്രൂ​ഷ​യിൽ ബാധക​മാ​കു​ന്നത്‌ എങ്ങനെ?

³ ഒറ്റയ്‌ക്കു പ്രവർത്തി​ക്കു​ന്നത്‌ ഒഴിവാ​ക്കുക: “ഒരുവ​നെ​ക്കാൾ ഇരുവർ ഏറെ നല്ലത്‌” എന്ന്‌ സഭാ​പ്ര​സം​ഗി 4:9 പറയുന്നു. കാലങ്ങ​ളോ​ളം നിങ്ങൾ ഒറ്റയ്‌ക്ക്‌ ശുശ്രൂ​ഷ​യിൽ പ്രവർത്തി​ച്ചി​ട്ടു​ണ്ടാ​കാം. പക്ഷേ ഇന്ന്‌ ആ രീതി പിന്തു​ട​രു​ന്നത്‌ സുരക്ഷി​ത​മാ​യി​രി​ക്കു​മോ? ചില പ്രദേ​ശ​ങ്ങ​ളിൽ കുഴപ്പ​മി​ല്ലാ​യി​രി​ക്കാം. എന്നാൽ മിക്ക സ്ഥലങ്ങളി​ലും, ഒരു സഹോ​ദരി അല്ലെങ്കിൽ യുവ​പ്രാ​യ​ത്തി​ലുള്ള ഒരു വ്യക്തി ഒറ്റയ്‌ക്ക്‌ വീടു​തോ​റു​മുള്ള സാക്ഷീ​ക​ര​ണ​ത്തിൽ ഏർപ്പെ​ടു​ന്നത്‌ ബുദ്ധി​യാ​യി​രി​ക്കില്ല, ഇരുട്ടു​വീ​ണാൽ പ്രത്യേ​കി​ച്ചും. നിരീ​ക്ഷ​ണ​പാ​ട​വ​മുള്ള ഒരാൾ കൂടെ​യു​ണ്ടാ​യി​രി​ക്കു​ന്നത്‌ എന്തു​കൊ​ണ്ടും നല്ലതാ​ണെന്ന്‌ അനുഭ​വങ്ങൾ തെളി​യി​ക്കു​ന്നു. (സഭാ. 4:10, 12) കൂട്ടത്തി​ലുള്ള മറ്റുള്ളവർ സുരക്ഷി​ത​രാ​ണോ​യെന്ന്‌ ശ്രദ്ധി​ക്കേ​ണ്ട​തും പ്രധാ​ന​മാണ്‌. നിങ്ങൾ വയൽസേ​വനം നിറു​ത്തി​പ്പോ​കു​മ്പോൾ കൂട്ടത്തി​ലുള്ള ആരോ​ടെ​ങ്കി​ലും പറഞ്ഞി​ട്ടു​പോ​കാൻ മറക്കരുത്‌.

4. സഭയി​ലു​ള്ള​വ​രു​ടെ സുരക്ഷി​ത​ത്വം ഉറപ്പു​വ​രു​ത്താൻ ഓരോ​രു​ത്തർക്കും എന്തു ചെയ്യാ​നാ​കും?

⁴ ‘നമുക്കു​വേണ്ടി ജാഗരി​ച്ചി​രി​ക്കുന്ന’വരെന്ന നിലയിൽ, പ്രാ​ദേ​ശിക സാഹച​ര്യ​ങ്ങൾക്ക്‌ അനുസൃ​ത​മാ​യി പ്രാ​യോ​ഗിക നിർദേ​ശങ്ങൾ നൽകാ​നുള്ള ഉത്തരവാ​ദി​ത്വം മൂപ്പന്മാർക്കുണ്ട്‌. (എബ്രാ. 13:17) താഴ്‌മ​യോ​ടെ അവരോട്‌ സഹകരി​ക്കു​ന്നെ​ങ്കിൽ യഹോവ തീർച്ച​യാ​യും നമ്മെ അനു​ഗ്ര​ഹി​ക്കും. (മീഖാ 6:8; 1 കൊരി. 10:12) ജാഗ്രത കൈ​വെ​ടി​യാ​തെ​തന്നെ, നമ്മുടെ പ്രദേ​ശത്ത്‌ ഫലകര​മാ​യി സാക്ഷീ​ക​രി​ക്കാൻ എല്ലാ ദൈവ​ദാ​സർക്കും കഴിയട്ടെ!