പ്രവാ​ച​ക​ന്മാ​രു​ടെ മാതൃക അനുക​രി​ക്കുക—സെഫന്യാവ്‌

1. പ്രവാ​ചകൻ എന്ന നിലയിൽ സെഫന്യാവ്‌ സേവി​ച്ച​പ്പോ​ഴുള്ള സാഹച​ര്യം എന്തായി​രു​ന്നു, അവൻ നമുക്കു നല്ല മാതൃക ആയിരി​ക്കു​ന്നത്‌ എങ്ങനെ?

¹ ബി.സി. ഏഴാം നൂറ്റാ​ണ്ടി​ന്റെ മധ്യത്തിൽ ബാൽ ആരാധന യെഹൂ​ദ​യിൽ പരസ്യ​മാ​യി നടന്നി​രുന്ന കാലം. ദുഷ്ടരാ​ജാ​വായ ആമോൻ കൊല്ല​പ്പെ​ട്ടിട്ട്‌ അധിക​മാ​യി​ട്ടില്ല. ഇപ്പോൾ യുവരാ​ജാ​വായ യോശി​യാവ്‌ വാഴുന്നു. (2 ദിന. 33:21–34:1) ആ കാലത്ത്‌ യഹോവ തന്റെ ന്യായ​വി​ധി സന്ദേശങ്ങൾ പ്രഖ്യാ​പി​ക്കാൻ സെഫന്യാ​വി​നെ നിയോ​ഗി​ച്ചു. സാധ്യ​ത​യ​നു​സ​രിച്ച്‌ രാജകു​ടും​ബ​ത്തി​ലെ അംഗമാ​യി​രു​ന്നെ​ങ്കി​ലും സെഫന്യാവ്‌ യഹൂദാ നേതൃ​ത്വ​ത്തി​നെ​തി​രെ​യുള്ള യഹോ​വ​യു​ടെ ന്യായ​വി​ധി സന്ദേശ​ത്തിൽ വെള്ളം ചേർത്തില്ല. (സെഫ. 1:1; 3:1-4) സമാന​മാ​യി, സെഫന്യാ​വി​ന്റെ ധൈര്യം അനുക​രി​ച്ചു​കൊണ്ട്‌ ആരാധ​നാ​കാ​ര്യ​ങ്ങ​ളിൽ കുടും​ബ​ബ​ന്ധങ്ങൾ നമ്മെ തെറ്റായ വിധത്തിൽ സ്വാധീ​നി​ക്കാൻ നാം അനുവ​ദി​ക്ക​രുത്‌. (മത്താ. 10:34-37) സെഫന്യാവ്‌ എന്തു സന്ദേശ​മാണ്‌ പ്രഖ്യാ​പി​ച്ചത്‌, എന്തു ഫലത്തോ​ടെ?

2. യഹോ​വ​യു​ടെ കോപ​ദി​വ​സ​ത്തിൽ മറഞ്ഞി​രി​ക്കു​ന്ന​തി​നു നാം എന്തെല്ലാം നടപടി​കൾ എടുക്കണം?

² യഹോ​വയെ അന്വേ​ഷി​ക്കുക: യഹോ​വ​യു​ടെ കോപ​ദി​വ​സ​ത്തിൽ വ്യക്തി​കളെ സംരക്ഷി​ക്കാൻ അവനു മാത്രമേ കഴിയൂ. അതു​കൊണ്ട്‌, ശേഷി​ക്കു​ന്നി​ട​ത്തോ​ളം സമയം അടിയ​ന്തി​ര​മാ​യി യഹോ​വയെ അന്വേ​ഷി​ക്കാ​നും നീതി അന്വേ​ഷി​ക്കാ​നും സൗമ്യത അന്വേ​ഷി​ക്കാ​നും സെഫന്യാവ്‌ യഹൂദാ​ജ​ന​ത്തോട്‌ ആവശ്യ​പ്പെട്ടു. (സെഫ. 2:2, 3) നമ്മുടെ നാളി​ലും ഇതു സത്യമാണ്‌. സെഫന്യാ​വി​നെ​പ്പോ​ലെ, യഹോ​വയെ അന്വേ​ഷി​ക്കാൻ നാം മറ്റുള്ള​വരെ പ്രോ​ത്സാ​ഹി​പ്പി​ക്കു​ന്നു. അതേസ​മയം നമ്മളും ഒരിക്ക​ലും “യഹോ​വയെ വിട്ടു പിന്മാറാ”തിരി​ക്കാൻ ദൃഢനി​ശ്ചയം ചെയ്‌തു​കൊണ്ട്‌ പ്രവർത്തി​ക്കേ​ണ്ട​തുണ്ട്‌. (സെഫ. 1:6) കൂടാതെ ദൈവ​വ​ചനം ശ്രദ്ധാ​പൂർവം പഠിച്ചു​കൊ​ണ്ടും വഴിന​ട​ത്തി​പ്പി​നാ​യി പ്രാർഥി​ച്ചു​കൊ​ണ്ടും നാം യഹോ​വയെ അന്വേ​ഷി​ക്കു​ന്നു. ധാർമി​ക​ശു​ദ്ധി​യുള്ള ജീവിതം നയിച്ചു​കൊണ്ട്‌ നാം നീതി അന്വേ​ഷി​ക്കു​ന്നു. കീഴ്‌പെടൽ മനോ​ഭാ​വം വളർത്തി​ക്കൊ​ണ്ടും യഹോ​വ​യു​ടെ സംഘട​ന​യു​ടെ നിർദേ​ശ​ങ്ങ​ളോ​ടു സത്വരം പ്രതി​ക​രി​ച്ചു​കൊ​ണ്ടും നാം സൗമ്യത അന്വേ​ഷി​ക്കു​ന്നു.

3. ശുശ്രൂ​ഷ​യിൽ നാം ക്രിയാ​ത്മക മനോ​ഭാ​വം നിലനി​റു​ത്തേ​ണ്ടത്‌ എന്തു​കൊണ്ട്‌?

³ ക്രിയാ​ത്മക ഫലങ്ങൾ: സെഫന്യാ​വി​ന്റെ ന്യായ​വി​ധി സന്ദേശങ്ങൾ യഹൂദ​യി​ലെ ചില​രെ​യെ​ങ്കി​ലും അനുകൂ​ല​മാ​യി പ്രതി​ക​രി​ക്കാൻ പ്രചോ​ദി​പ്പി​ച്ചു, വിശേ​ഷാൽ ബാലനാ​യി​രി​ക്കെ​തന്നെ യഹോ​വയെ അന്വേ​ഷി​ക്കാൻ തുടങ്ങിയ യോശി​യാ​വി​നെ. പിന്നീട്‌ അവൻ വിഗ്രാ​ഹാ​രാ​ധ​ന​ക്കെ​തി​രെ ശക്തമായ നടപടി​കൾ കൈ​ക്കൊ​ണ്ടു. (2 ദിന. 34:2-5) ഇന്ന്‌ രാജ്യ​ത്തി​ന്റെ ചില വിത്തുകൾ വഴിയ​രി​കെ​യും ചിലത്‌ പാറ സ്ഥലത്തും ചിലത്‌ മുള്ളി​നി​ട​യി​ലും വീഴു​ന്നെ​ങ്കി​ലും, ചിലത്‌ നല്ല മണ്ണിൽ വീഴു​ക​യും ഫലം പുറ​പ്പെ​ടു​വി​ക്കു​ക​യും ചെയ്യുന്നു. (മത്താ. 13:18-23) രാജ്യ​വിത്ത്‌ വ്യാപി​പ്പി​ക്കു​ന്ന​തിൽ തിരക്കു​ള്ളവർ ആയിരി​ക്കു​ന്ന​പക്ഷം യഹോവ തുടർന്നും നമ്മുടെ ശ്രമങ്ങളെ ആനു​ഗ്ര​ഹി​ക്കും എന്നതിൽ ഉറപ്പു​ള്ള​വ​രാ​യി​രി​ക്കാം.—സങ്കീ. 126:6.

4. നാം ‘യഹോ​വ​യ്‌ക്കാ​യി കാത്തിരി’ക്കേണ്ടത്‌ എന്തു​കൊണ്ട്‌?

⁴ യഹോവ ഒരിക്ക​ലും പ്രതി​ക​രി​ക്കു​ക​യി​ല്ലെന്ന്‌ യഹൂദ​യി​ലുള്ള ചിലർ ചിന്തിച്ചു. എന്നാൽ, തന്റെ മഹാദി​വസം അടുത്തി​രി​ക്കു​ന്നു​വെന്ന്‌ യഹോവ ഉറപ്പു നൽകി. (സെഫ. 1:12, 14) അവനിൽ അഭയം പ്രാപി​ക്കു​ന്നവർ മാത്രമേ രക്ഷ കൈവ​രി​ക്കു​ക​യു​ള്ളു. (സെഫ. 3:12, 17) ‘യഹോ​വ​യ്‌ക്കാ​യി കാത്തി​രി​ക്കവേ’ സഹാരാ​ധ​ക​രോ​ടൊ​പ്പം നമ്മുടെ മഹാ​ദൈ​വത്തെ ഐക്യ​ത്തിൽ സേവി​ക്കു​ന്ന​തിൽ ആനന്ദം കണ്ടെത്താം!—സെഫ. 3:8, 9.