പ്രവാ​ച​ക​ന്മാ​രു​ടെ മാതൃക അനുക​രി​ക്കുക—നഹൂം

1. നഹൂമി​ന്റെ പുസ്‌ത​ക​ത്തിൽനിന്ന്‌ നാം എന്തു പഠിക്കു​ന്നു?

¹ നഹൂമി​ന്റെ പ്രവച​നങ്ങൾ രണ്ടു കാര്യങ്ങൾ വ്യക്തമാ​ക്കു​ന്നു. (1) യഹോവ ശത്രു​ക്കൾക്കെ​തി​രെ പ്രതി​കാ​രം ചെയ്യും. (2) എതിരാ​ളി​കൾ എത്ര ഉഗ്രന്മാ​രാ​ണെ​ങ്കി​ലും യഹോ​വയെ എതിർത്തു​നിൽക്കാ​നാ​കില്ല. പുരാതന നിനെ​വേ​യി​ലെ അവശി​ഷ്ടങ്ങൾ ഇതിന്‌ തെളിവു നൽകുന്നു. (നഹൂം 1:2, 6) നഹൂമി​ന്റെ പ്രവചനം പഠിക്കു​ന്ന​തി​ലൂ​ടെ ശുശ്രൂ​ഷ​യിൽ ബാധക​മാ​ക്കാ​വുന്ന വിവരങ്ങൾ നമുക്കു ലഭിക്കു​ന്നു.

2. നമ്മുടെ സന്ദേശം എങ്ങനെ പ്രചോ​ദ​നാ​ത്മ​ക​മാ​ക്കാം?

² ആശ്വാ​സ​വും പ്രത്യാ​ശ​യും ലഭിക്കു​ന്നു: ഒറ്റ നോട്ട​ത്തിൽ നഹൂമി​ന്റെ പുസ്‌തകം പുരാതന അസീറി​യ​യു​ടെ തലസ്ഥാ​ന​മായ നിനെ​വേ​യു​ടെ നാശ​ത്തെ​ക്കു​റി​ച്ചുള്ള ഒരു പ്രഖ്യാ​പനം മാത്ര​മാ​യി തോന്നി​യേ​ക്കാം. (നഹൂം 1:1; 3:7) എന്നാൽ ഈ പ്രഖ്യാ​പനം യഹോ​വ​യു​ടെ ജനത്തിന്‌ സന്തോ​ഷി​ക്കാൻ വക നൽകി. നഹൂം എന്ന പേരിന്റെ അർഥം “ആശ്വാ​സകൻ” എന്നാണ്‌. ഇതു സൂചി​പ്പി​ക്കു​ന്ന​തു​പോ​ലെ തങ്ങളുടെ ശത്രു പെട്ടെ​ന്നു​തന്നെ ഇല്ലാതാ​കു​മെന്ന്‌ യഹൂദ​ന്മാ​രെ നഹൂം ബോധ്യ​പ്പെ​ടു​ത്തി. യഹോവ “കഷ്ടദി​വ​സ​ത്തിൽ ശരണവും ആകുന്നു” എന്ന്‌ നഹൂം ഉറപ്പു നൽകി. (നഹൂം 1:7) നാം പ്രസം​ഗി​ക്കു​മ്പോൾ, യഹോ​വ​യിൽ ശരണം പ്രാപി​ക്കാൻ മറ്റുള്ള​വരെ പ്രോ​ത്സാ​ഹി​പ്പി​ച്ചു​കൊണ്ട്‌ നമുക്കും സുവാർത്ത അറിയി​ക്കാം.—നഹൂം 1:15.

3. നഹൂമി​നെ അനുക​രി​ച്ചു​കൊണ്ട്‌ ഉദാഹ​ര​ണ​ങ്ങ​ളും ദൃഷ്ടാ​ന്ത​ങ്ങ​ളും നമുക്ക്‌ എങ്ങനെ ഉപയോ​ഗി​ക്കാം?

³ ഉദാഹ​ര​ണ​ങ്ങ​ളും ദൃഷ്ടാ​ന്ത​ങ്ങ​ളും ഉപയോ​ഗി​ക്കുക: ഈജി​പ്‌റ്റി​ലെ നഗരമായ തിബ്‌സ്‌നെ (നോ-അമ്മോൻ) മുമ്പ്‌ അസീറി​യ​ക്കാർതന്നെ നശിപ്പി​ച്ചു. അതുമാ​യി നിന​വേ​യു​ടെ നാശത്തെ താരത​മ്യം ചെയ്യാൻ യഹോവ നഹൂമി​നെ നിശ്വ​സ്‌ത​നാ​ക്കി. (നഹൂം 3:8-10) ഈ ദുഷ്ടവ്യ​വ​സ്ഥി​തിക്ക്‌ നാശം വരുത്തി​ക്കൊണ്ട്‌ യഹോവ തന്റെ വാക്കു പൂർണ​മാ​യി പാലി​ക്കു​മെന്ന്‌ കാണി​ക്കാ​നാ​യി നമുക്കു ബൈബിൾപ്ര​വ​ച​നങ്ങൾ ഉപയോ​ഗി​ക്കാ​നാ​കും. ബാബി​ലോ​ന്യ​രും മേദ്യ​രും ബി.സി. 632-ൽ നിനെ​വേ​ക്കെ​തി​രെ വന്നപ്പോൾ സംഭവി​ച്ചത്‌ ഒരു ഉദാഹ​ര​ണ​മാണ്‌. യഹോവ ഒരു വന്മഴ പെയ്യി​ച്ച​തി​നാൽ ടൈ​ഗ്രിസ്‌ നദി കവി​ഞ്ഞൊ​ഴു​കു​ക​യും അങ്ങനെ, അജയ്യ​മെന്നു തോന്നിയ നഗരമ​തി​ലു​ക​ളു​ടെ ചില ഭാഗങ്ങൾ നിലം പൊത്തു​ക​യും ചെയ്‌തു. ഫലമോ? യഹോവ പ്രവചി​ച്ച​തു​പോ​ലെ നിനവേ പെട്ടെ​ന്നു​തന്നെ കീഴടങ്ങി.—നഹൂം 1:8; 2:6.

4. ശുശ്രൂ​ഷ​യിൽ വ്യക്തവും മനസ്സി​ലാ​കുന്ന വിധത്തി​ലും എങ്ങനെ സംസാ​രി​ക്കാ​നാ​കും?

⁴ വ്യക്തവും മനസ്സി​ലാ​കു​ന്ന​തും: നഹൂമി​ന്റെ എഴുത്ത്‌ വിവര​ണ​ങ്ങ​ളും നാടകീ​യ​ത​യും നിറഞ്ഞ​താ​യി​രു​ന്നു. അവന്റെ ആശയങ്ങൾ വ്യക്തമാ​യി​രു​ന്നു. (നഹൂം 1:14; 3:1) ഇതു​പോ​ലെ നാമും എളുപ്പം മനസ്സി​ലാ​കുന്ന വിധത്തിൽ സംസാ​രി​ക്കാൻ ആഗ്രഹി​ക്കു​ന്നു. (1 കൊരി. 14:9) ആദ്യസ​ന്ദർശ​ന​ത്തിൽത്തന്നെ നമ്മുടെ ഉദ്ദേശ്യം വ്യക്തമാ​ക്കുക. വ്യക്തി​ക​ളോ​ടൊ​പ്പം ബൈബിൾ പഠിക്കു​മ്പോൾ യഹോ​വ​യി​ലും അവന്റെ വചനത്തി​ലും വിശ്വാ​സം വളർത്തി​യെ​ടു​ക്കാ​നും പഠിച്ച കാര്യങ്ങൾ ബാധക​മാ​ക്കാ​നും അവരെ സഹായി​ക്കുക.—റോമ. 10:14.

5. നഹൂമി​ന്റെ പ്രവചനം എന്ത്‌ ഉറപ്പു നൽകുന്നു?

⁵ യഹോ​വ​യു​ടെ പ്രവചനം ഉറപ്പാ​യും നിവർത്തി​യേ​റും എന്ന നഹൂമി​ന്റെ വിശ്വാ​സം നഹൂം എന്ന പുസ്‌ത​ക​ത്തിൽ വ്യക്തമാണ്‌. സാത്താ​ന്യ​ലോ​ക​ത്തി​ന്റെ അന്ത്യം സമീപി​ക്കവെ, “കഷ്ടത രണ്ടു​പ്രാ​വ​ശ്യം പൊങ്ങി​വ​രി​ക​യില്ല” എന്ന ദിവ്യ​പ്ര​ഖ്യാ​പ​ന​ത്തിൽ നമുക്ക്‌ ആശ്വാസം കണ്ടെത്താം—നഹൂം 1:9.