പഠിപ്പി​ക്കൽപ്രാ​പ്‌തി വികസി​പ്പി​ക്കാൻ 2015-ലെ ദിവ്യാ​ധി​പത്യ ശുശ്രൂ​ഷാ​സ്‌കൂൾ നമ്മെ സഹായിക്കുന്നു

¹ സങ്കീർത്ത​ന​ക്കാ​ര​നായ ദാവീദ്‌ എഴുതി: “എന്റെ പാറയും എന്റെ വീണ്ടെ​ടു​പ്പു​കാ​ര​നു​മായ യഹോവേ, എന്റെ വായിലെ വാക്കു​ക​ളും എന്റെ ഹൃദയ​ത്തി​ലെ ധ്യാന​വും നിനക്കു പ്രസാ​ദ​മാ​യി​രി​ക്കു​മാ​റാ​കട്ടെ.” (സങ്കീ. 19:14) നമ്മുടെ വാക്കു​ക​ളും യഹോ​വ​യ്‌ക്ക്‌ പ്രസാ​ദ​ക​ര​മാ​യി​രി​ക്കാൻ നാം ആഗ്രഹി​ക്കു​ന്നു. സഭയി​ലും ശുശ്രൂ​ഷ​യി​ലും സത്യം സംസാ​രി​ക്കു​ന്ന​തി​നുള്ള പദവി നാം നിധി​പോ​ലെ കാണുന്നു. യഹോവ ശുശ്രൂ​ഷ​യ്‌ക്കാ​യി നമ്മെ ഒരുക്കു​ന്ന​തി​ന്റെ പല വിധങ്ങ​ളിൽ ഒന്നാണ്‌ ദിവ്യാ​ധി​പത്യ ശുശ്രൂ​ഷാ​സ്‌കൂൾ. ലോക​വ്യാ​പ​ക​മാ​യി 1,11,000-ത്തിൽ അധികം സഭകളിൽ ഒരോ ആഴ്‌ച​യും ഈ പരിശീ​ലനം നടക്കുന്നു. ഗോള​ത്തി​നു​ചു​റ്റും എല്ലാ സാഹച​ര്യ​ങ്ങ​ളി​ലു​മുള്ള സഹോ​ദ​രീ​സ​ഹോ​ദ​ര​ന്മാ​രെ സുവാർത്ത​യു​ടെ ശുശ്രൂ​ഷ​ക​രാ​യി യോഗ്യത പ്രാപി​ക്കാ​നും ബോധ്യ​ത്തോ​ടും നയത്തോ​ടും ധൈര്യ​ത്തോ​ടും കൂടെ പഠിപ്പി​ക്കു​ന്ന​തി​നും ഇത്‌ സഹായി​ച്ചി​ട്ടുണ്ട്‌.—പ്രവൃ. 19:8; കൊലോ. 4:6.

² രണ്ടായി​ര​ത്തി​പ്പ​തി​ന​ഞ്ചി​ലെ സ്‌കൂൾ പട്ടിക​യിൽ ദൈവ​വ​ച​ന​ത്തിന്‌ ഒരു ആമുഖം, ചർച്ചക്കു​വേ​ണ്ടി​യുള്ള ബൈബിൾ വിഷയങ്ങൾ എന്നീ ചെറു​പു​സ്‌ത​ക​ങ്ങ​ളി​ലെ വിവര​ങ്ങ​ളു​ണ്ടാ​യി​രി​ക്കും. കൂടാതെ, ബൈബിൾ വിശേ​ഷാ​ശ​യ​ങ്ങ​ളു​ടെ​യും നമ്പർ 1 നിയമ​ന​ത്തി​ന്റെ​യും സമയം ചുരു​ക്കി​യി​രി​ക്കു​ന്നു. ഈ മാറ്റങ്ങ​ളോ​ടൊ​പ്പം സ്‌കൂ​ളി​ലെ മറ്റു ഭാഗങ്ങൾ എങ്ങനെ അവതരി​പ്പി​ക്കണം എന്നതി​നുള്ള നിർദേ​ശ​ങ്ങ​ളും താഴെ കൊടു​ത്തി​രി​ക്കു​ന്നു.

³ ബൈബിൾ വിശേ​ഷാ​ശ​യങ്ങൾ: ഈ ഭാഗം നിർവ​ഹി​ക്കാൻ നിയമനം ലഭിക്കുന്ന സഹോ​ദ​ര​ന്മാർ ബൈബിൾ വായനാ​ഭാ​ഗ​ത്തു​നിന്ന്‌ രസകര​വും പ്രാ​യോ​ഗി​ക​വു​മായ ഒരു തിരു​വെ​ഴു​ത്താ​ശയം രണ്ടു മിനി​ട്ടു​കൊണ്ട്‌ നടത്തണം. നല്ല തയ്യാറാ​ക​ലു​ണ്ടെ​ങ്കിൽ നിശ്ചിത സമയത്തി​നു​ള്ളിൽത്തന്നെ ഇത്‌ നിർവ​ഹി​ക്കാ​നാ​കും. അതിനു​ശേഷം, പതിവു​പോ​ലെ സഭയ്‌ക്ക്‌ ആറു മിനി​ട്ടു​കൊണ്ട്‌ ബൈബിൾ വായനാ​ഭാ​ഗ​ത്തു​നി​ന്നും തങ്ങൾ കണ്ടെത്തിയ ആശയങ്ങൾ 30 സെക്കന്റി​നു​ള്ളിൽ പറയാ​നാ​കും. 30 സെക്കന്റി​നു​ള്ളിൽ അർഥവ​ത്താ​യി അഭി​പ്രാ​യം പറയണ​മെ​ങ്കിൽ ആത്മശി​ക്ഷ​ണ​വും തയ്യാറാ​ക​ലും കൂടി​യേ​തീ​രൂ. അങ്ങനെ ചെയ്യു​ന്ന​പക്ഷം അത്‌ നല്ല പരിശീ​ല​ന​മാ​യി​രി​ക്കും. അപ്പോൾ വ്യക്തി​പ​ര​മായ ഗവേഷ​ണ​ത്തിൽ കണ്ടെത്തിയ അഭി​പ്രാ​യങ്ങൾ പറയാൻ അനേകർക്ക്‌ സമയം കിട്ടുന്നു.

⁴ നമ്പർ 1 നിയമനം: ബൈബിൾ വായന​യ്‌ക്കുള്ള സമയം മൂന്നു മിനി​ട്ടോ അതിൽ കുറവോ ആയി ചുരു​ക്കി​യി​രി​ക്കു​ന്നു. വായി​ക്കാ​നുള്ള വിവരങ്ങൾ കുറച്ചി​രി​ക്കു​ന്നു. വായനാ​നി​യ​മനം ലഭിക്കു​ന്നവർ പല തവണ ഉച്ചത്തിൽ വായിച്ച്‌ പരിശീ​ലി​ക്കു​ക​യും ആശയങ്ങൾ സദസ്സിന്‌ മനസ്സി​ലാ​കും​വി​ധം ശരിയായ ഉച്ചാര​ണ​ത്തോ​ടും നല്ല ഒഴു​ക്കോ​ടും കൂടെ വായി​ക്കു​ക​യും വേണം. നമ്മുടെ ആരാധ​ന​യിൽ വായന വളരെ പ്രധാ​ന​പ്പെട്ട ഒന്നായ​തി​നാൽ യഹോ​വ​യു​ടെ ദാസന്മാ​രെ​ല്ലാം നന്നായി വായി​ക്കാൻ ശ്രമി​ക്കണം. നമ്മുടെ കുട്ടി​ക​ളിൽ അനേകർ നന്നായി വായി​ക്കു​ന്നതു കാണു​ന്നത്‌ എത്ര സന്തോ​ഷ​ക​ര​മാണ്‌! അങ്ങനെ നന്നായി വായി​ക്കാൻ കുട്ടി​കളെ സഹായി​ക്കുന്ന മാതാ​പി​താ​ക്കൾ അഭിന​ന്ദനം അർഹി​ക്കു​ന്നു.

⁵ നമ്പർ 2 നിയമനം: ഇത്‌ സഹോ​ദ​രി​മാർക്കു നിയമി​ച്ചു​കൊ​ടു​ക്കേണ്ട അഞ്ചു മിനിട്ട്‌ അവതര​ണ​മാണ്‌. നിയമി​ത​വി​ഷ​യം​തന്നെ ഉപയോ​ഗി​ക്കണം. ദൈവ​വ​ച​ന​ത്തിന്‌ ഒരു ആമുഖം അല്ലെങ്കിൽ ചർച്ചക്കു​വേ​ണ്ടി​യുള്ള ബൈബിൾ വിഷയങ്ങൾ എന്ന ചെറു​പു​സ്‌ത​ക​ത്തി​ലെ വിഷയ​മാണ്‌ നിയമ​ന​മെ​ങ്കിൽ, അത്‌ ശുശ്രൂ​ഷ​യി​ലാ​യി​രു​ന്നാൽ എന്നപോ​ലെ പ്രദേ​ശ​ത്തി​നി​ണ​ങ്ങുന്ന വിധത്തിൽ നടത്തേ​ണ്ട​താണ്‌. ഒരു ബൈബിൾ കഥാപാ​ത്രത്തെ ആസ്‌പ​ദ​മാ​ക്കി​യാണ്‌ നിയമ​ന​മെ​ങ്കിൽ, വിദ്യാർഥി ബൈബി​ളിൽനിന്ന്‌ ആ കഥാപാ​ത്ര​ത്തെ​ക്കു​റി​ച്ചു ഗവേഷണം ചെയ്‌ത്‌ പഠിച്ച്‌ അനു​യോ​ജ്യ​മായ വാക്യങ്ങൾ തിര​ഞ്ഞെ​ടു​ത്തു​കൊണ്ട്‌ ആ വ്യക്തി​യിൽനിന്ന്‌ നമുക്കുള്ള പാഠം എന്താ​ണെന്ന്‌ വിവരി​ക്കണം. വിഷയ​ത്തി​നു യോജി​ക്കുന്ന കൂടു​ത​ലായ വാക്യ​ങ്ങ​ളും ഉൾപ്പെ​ടു​ത്താ​വു​ന്ന​താണ്‌. സ്‌കൂൾ മേൽവി​ചാ​രകൻ ഒരു സഹായി​യെ നിയമി​ക്കും.

⁶ നമ്പർ 3 നിയമനം: ഇത്‌ ഒരു സഹോ​ദ​ര​നോ സഹോ​ദ​രി​ക്കോ നിയമി​ച്ചു​കൊ​ടു​ക്കാ​വുന്ന അഞ്ചു മിനിട്ട്‌ അവതര​ണ​മാണ്‌. സഹോ​ദ​രി​ക്കാണ്‌ നിയമി​ച്ചു​കൊ​ടു​ക്കു​ന്ന​തെ​ങ്കിൽ അത്‌ നമ്പർ 2 നിയമ​നം​പോ​ലെ നടത്തണം. ബൈബിൾ കഥാപാ​ത്രത്തെ ആസ്‌പ​ദ​മാ​ക്കി ഒരു സഹോ​ദ​ര​നാണ്‌ നിയമനം നടത്തു​ന്ന​തെ​ങ്കിൽ അത്‌ പ്രസം​ഗ​രൂ​പ​ത്തി​ലാ​യി​രി​ക്കണം. വിദ്യാർഥി അനു​യോ​ജ്യ​മായ വാക്യങ്ങൾ തിര​ഞ്ഞെ​ടുത്ത്‌ നിയമി​ത​വി​ഷയം വികസി​പ്പി​ക്കു​ക​യും ആ കഥാപാ​ത്ര​ത്തിൽനിന്ന്‌ നമുക്കുള്ള പാഠം എന്താ​ണെന്ന്‌ വിവരി​ക്കു​ക​യും വേണം.

⁷ സഹോ​ദ​ര​ന്മാർക്കുള്ള നമ്പർ 3 നിയമ​ന​ത്തി​ന്റെ പുതിയ സവി​ശേഷത: ദൈവ​വ​ച​ന​ത്തിന്‌ ഒരു ആമുഖം അല്ലെങ്കിൽ ചർച്ചക്കു​വേ​ണ്ടി​യുള്ള ബൈബിൾ വിഷയങ്ങൾ എന്ന ചെറു​പു​സ്‌ത​ക​ത്തി​ലെ വിഷയ​മാണ്‌ നിയമ​ന​മെ​ങ്കിൽ, അത്‌ കുടും​ബാ​രാ​ധ​ന​യി​ലോ ശുശ്രൂ​ഷ​യി​ലോ നടത്തു​ന്ന​തു​പോ​ലെ ആയിരി​ക്കണം. സാധാ​ര​ണ​ഗ​തി​യിൽ, സഹായി, രംഗസം​വി​ധാ​നം എന്നിവ നിയമി​ച്ചു നൽകു​ന്നത്‌ സ്‌കൂൾ മേൽവി​ചാ​ര​ക​നാണ്‌. സഹായി, വിദ്യാർഥി​യു​ടെ കുടും​ബാം​ഗ​മോ സഭയിലെ മറ്റൊരു സഹോ​ദ​ര​നോ ആയിരി​ക്കണം. വിഷയ​ത്തിന്‌ അനു​യോ​ജ്യ​മായ കൂടു​ത​ലായ വാക്യ​ങ്ങ​ളും അവതര​ണ​ത്തിൽ ഉപയോ​ഗി​ക്കാം. ഇടയ്‌ക്കി​ടെ ഈ ഭാഗം നിർവ്വ​ഹി​ക്കാൻ ഒരു മൂപ്പനെ നിയമി​ക്കാ​വു​ന്ന​താണ്‌. മൂപ്പന്മാർക്ക്‌ സ്വയം രംഗസം​വി​ധാ​ന​വും സഹായി​യെ​യും തിര​ഞ്ഞെ​ടു​ക്കാം. മൂപ്പന്മാർ കുടും​ബാം​ഗ​വു​മൊ​ത്തോ മറ്റൊരു സഹോ​ദ​ര​നൊ​ത്തോ അവതരണം നടത്തു​മ്പോൾ പഠിപ്പി​ക്കൽകല കണ്ട്‌ സഭ പ്രോ​ത്സാ​ഹി​ത​രാ​കും എന്നതിൽ സംശയ​മില്ല.

⁸ ബുദ്ധി​യു​പ​ദേശം: സ്‌കൂൾ മേൽവി​ചാ​രകൻ ഓരോ നിയമനം കഴിയു​മ്പോ​ഴും ദിവ്യാ​ധി​പത്യ ശുശ്രൂ​ഷാ​സ്‌കൂൾ വിദ്യാ​ഭ്യാ​സ​ത്തിൽനി​ന്നു പ്രയോ​ജനം നേടുക എന്ന പുസ്‌ത​ക​ത്തിൽനിന്ന്‌ രണ്ടു മിനിട്ട്‌ സമയം​കൊണ്ട്‌ അവതര​ണ​ത്തി​ന്റെ നല്ല വശങ്ങൾ എടുത്തു​പ​റഞ്ഞ്‌ വിദ്യാർഥി​യെ പ്രശം​സി​ക്കും. ഒരു വിദ്യാർഥി​യെ ക്ഷണിക്കു​മ്പോൾ ഏതു പ്രസം​ഗ​ഗു​ണ​മാ​ണു നോക്കു​ന്ന​തെന്ന്‌ സ്‌കൂൾ മേൽവി​ചാ​രകൻ സ്റ്റേജിൽനിന്ന്‌ സദസ്സി​നോ​ടു പറയില്ല. എന്നാൽ നിയമ​ന​ത്തി​നു ശേഷം അദ്ദേഹം ഏതു പ്രസം​ഗ​ഗു​ണ​മാണ്‌ വിദ്യാർഥി​ക്കു നിയമി​ച്ചു​കൊ​ടു​ത്തി​രു​ന്നത്‌ എന്ന്‌ അറിയി​ക്കും. വിദ്യാർഥി​യെ ആത്മാർഥ​മാ​യി അഭിന​ന്ദി​ക്കും. നോക്കി​ക്കൊ​ണ്ടി​രുന്ന ഗുണത്തി​ന്റെ ഒരു വശം വിദ്യാർഥി എങ്ങനെ നന്നായി ചെയ്‌തെന്നു പ്രത്യേ​കം എടുത്തു​പ​റ​യും. കൂടാതെ ഈ ഗുണത്തി​ന്റെ മറ്റ്‌ ഏതു വശം ശ്രദ്ധി​ക്ക​ണ​മെ​ന്നും അത്‌ എന്തു പ്രയോ​ജനം കൈവ​രു​ത്തു​മെ​ന്നും ദയാപൂർവം വിദ്യാർഥി​യോ​ടു പറയും.

⁹ ഓരോ വിദ്യാർഥി​ക്കും​വേണ്ട ബുദ്ധി​യു​പ​ദേശ ഫാറം ശുശ്രൂ​ഷാ​സ്‌കൂൾ പുസ്‌ത​ക​ത്തി​ന്റെ 79 മുതൽ 81 വരെയുള്ള പേജു​ക​ളിൽ കാണാം. വിദ്യാർഥി നിയമനം നിർവ​ഹി​ച്ച​ശേഷം അദ്ദേഹ​ത്തി​ന്റെ പുസ്‌ത​ക​ത്തിൽ തീയതി രേഖ​പ്പെ​ടു​ത്തു​ന്ന​തിന്‌, നിയമി​ത​ഗു​ണ​ത്തി​ന്റെ അഭ്യാസം ചെയ്‌തോ എന്നു സ്വകാ​ര്യ​മാ​യി ചോദി​ക്കുക. യോഗ​ത്തി​നു ശേഷമോ മറ്റൊരു സമയത്തോ കൂടുതൽ സഹായ​ക​മായ നിർദേ​ശ​ങ്ങ​ളും അഭിന​ന്ദ​ന​ങ്ങ​ളും നൽകാം. സ്‌കൂ​ളി​ലൂ​ടെ വ്യക്തി​പ​ര​മാ​യി ലഭിക്കുന്ന പരിശീ​ലനം ആത്മീയ​മാ​യി പുരോ​ഗ​മി​ക്കാ​നുള്ള സഹായ​മാ​യി ഓരോ വിദ്യാർഥി​യും കാണേ​ണ്ട​താണ്‌.—1 തിമൊ. 4:15.

¹⁰ ഒരു വിദ്യാർഥി തന്റെ നിയമ​ന​ത്തിന്‌ കൂടുതൽ സമയം എടുക്കു​ന്നെ​ങ്കിൽ സ്‌കൂൾ മേൽവി​ചാ​ര​ക​നോ സഹായി​ക്കോ ബെല്ലു​പ​യോ​ഗി​ച്ചോ കൈ​കൊണ്ട്‌ പതുക്കെ തട്ടി ശബ്ദമു​ണ്ടാ​ക്കി​ക്കൊ​ണ്ടോ സമയം കഴിഞ്ഞി​രി​ക്കു​ന്നു എന്ന സൂചന വിദ്യാർഥി​ക്കു കൊടു​ക്കാം. അപ്പോൾ വിദ്യാർഥി താൻ പറഞ്ഞു​കൊ​ണ്ടി​രി​ക്കുന്ന വാചകം പൂർത്തി​യാ​ക്കി നിയമനം അവസാ​നി​പ്പി​ക്കണം.—ശുശ്രൂ​ഷാ​സ്‌കൂൾ പുസ്‌തകം, പേ.282, ഖ.4 കാണുക.

¹¹ യോഗ്യ​ത​യുള്ള എല്ലാവ​രെ​യും ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ ചേരാൻ പ്രോ​ത്സാ​ഹി​പ്പി​ക്കുക. (ശുശ്രൂ​ഷാ​സ്‌കൂൾ പുസ്‌തകം, പേ.282, ഖ.6 കാണുക.) സ്‌കൂ​ളിൽനിന്ന്‌ ലഭിക്കുന്ന വിദ്യാ​ഭ്യാ​സം യഹോ​വ​യു​ടെ ജനത്തെ ബോധ്യ​ത്തോ​ടും അഭിമാ​ന​ത്തോ​ടും സ്‌നേ​ഹ​ത്തോ​ടും കൂടെ ദൈവ​രാ​ജ്യ​സു​വാർത്ത പ്രസം​ഗി​ക്കാ​നും പഠിപ്പി​ക്കാ​നും പ്രാപ്‌ത​രാ​ക്കു​ന്നു. ദിവ്യാ​ധി​പത്യ വിദ്യാ​ഭ്യാ​സം പ്രയോ​ജ​ന​പ്പെ​ടു​ത്തു​ന്ന​വ​രു​ടെ സ്‌തു​തി​കൾ യഹോ​വയെ സന്തോ​ഷി​പ്പി​ക്കു​മെ​ന്ന​തിൽ സംശയ​മില്ല.—സങ്കീ. 148:12, 13; യെശ. 50:4.