ക്രിസ്‌ത്യാനികളായി ജീവിക്കാം
JW ലൈബ്രറി ഉപയോഗിക്കാവുന്ന വിധങ്ങൾ
പഠനത്തിന്‌:
ബൈബിളും ദിനവാക്യവും വായിക്കുന്നതിന്‌
വാർഷികപുസ്‌തകം, മാസികകൾ, മറ്റ്‌ പ്രസിദ്ധീകരണങ്ങൾ തുടങ്ങിയവ വായിക്കുന്നതിന്‌. അടയാളം വെക്കാനുള്ള സൗകര്യം (bookmark feature) പ്രയോജനപ്പെടുത്തുക
സഭായോഗങ്ങൾക്കായി തയാറാകുന്നതിന്‌. ഉത്തരങ്ങൾ അടയാളപ്പെടുത്താനുള്ള (highlight) സൗകര്യം ഉപയോഗിക്കുക
വീഡിയോകൾ കാണുന്നതിന്‌
സഭായോഗങ്ങളിൽ:
പ്രസംഗകൻ പരാമർശിക്കുന്ന തിരുവെഴുത്തുകൾ എടുക്കുന്നതിന്‌. മുന്നമേ പരിശോധിച്ച തിരുവെഴുത്തിലേക്ക്‌ മടങ്ങിപ്പോകാനുള്ള സൗകര്യം (history feature) ഉപയോഗപ്പെടുത്തുക
യോഗങ്ങൾക്ക്‌ വരുമ്പോൾ പലപല പ്രസിദ്ധീകരണങ്ങൾ കൊണ്ടുവരുന്നതിന്‌ പകരം വ്യത്യസ്‌ത പരിപാടികൾ ആസ്വദിക്കുന്നതിനും ഗീതങ്ങൾ ആലപിക്കുന്നതിനും നിങ്ങളുടെ മൊബൈൽ ഫോണോ ടാബോ ഉപയോഗിക്കുക. ഇപ്പോഴുള്ള പാട്ടുപുസ്‌തകത്തിൽ ചേർത്തിട്ടില്ലാത്ത പുതിയ ഗീതങ്ങൾപോലും JW ലൈബ്രറിയിൽ ലഭ്യമാണ്‌
ശുശ്രൂഷയിൽ:
ഒരു താത്‌പര്യക്കാരന്‌ JW ലൈബ്രറിയിൽനിന്ന്‌ എന്തെങ്കിലും കാണിക്കുകയും സ്വന്തമായി ആപ്ലിക്കേഷനും പ്രസിദ്ധീകരണങ്ങളും ഡൗൺലോഡ്‌ ചെയ്യുന്നത്‌ എങ്ങനെയെന്ന്‌ പറഞ്ഞുകൊടുക്കുകയും ചെയ്യുക
ഒരു ബൈബിൾവാക്യം കണ്ടുപിടിക്കാൻ ‘തിരയുക’ (search) പ്രയോജനപ്പെടുത്തുക. ഇംഗ്ലീഷിലുള്ള പരിഷ്‌കരിച്ച പുതിയ ലോക ഭാഷാന്തരത്തിൽ ഏതെങ്കിലും പദപ്രയോഗം തിരഞ്ഞിട്ട്‌ കിട്ടുന്നില്ലെങ്കിൽ പരാമർശങ്ങളോടുകൂടിയ ഇംഗ്ലീഷ്‌ ബൈബിളിൽ തിരയാവുന്നതാണ്‌
വീഡിയോ കാണിക്കുന്നതിന്‌. വീട്ടുകാരന്‌ കുട്ടികളുണ്ടെങ്കിൽ യഹോവയുടെ കൂട്ടുകാരാകാം വീഡിയോകളിൽനിന്ന്‌ ഒരെണ്ണം കാണിക്കാം. അല്ലെങ്കിൽ ബൈബിൾ പഠിക്കേണ്ടത്‌ എന്തുകൊണ്ട്‌? എന്ന വീഡിയോ കാണിച്ച്‌ ഒരു ബൈബിൾപഠനത്തിന്‌ പ്രോത്സാഹിപ്പിക്കാം. മറ്റൊരു ഭാഷ സംസാരിക്കുന്ന വ്യക്തിക്ക്‌ അദ്ദേഹത്തിന്റെ ഭാഷയിലുള്ള വീഡിയോ കാണിക്കാം
മറ്റൊരു ഭാഷയിലുള്ള ബൈബിൾ നിങ്ങൾ മുന്നമേ ഡൗൺലോഡ്‌ ചെയ്‌തുവെച്ചിട്ടുണ്ടെങ്കിൽ ആ ഭാഷ സംസാരിക്കുന്ന വ്യക്തിക്ക്‌ അതിലെ തിരുവെഴുത്ത്‌ കാണിച്ചുകൊടുക്കാം. അതിന്‌, തിരുവെഴുത്ത്‌ എടുക്കുക, വാക്യത്തിന്റെ അക്കത്തിൽ അമർത്തുക. അപ്പോൾ, മുകളിൽ തെളിയുന്ന മധ്യത്തിലുള്ള സമാനപരിഭാഷയുടെ ബട്ടണിൽ അമർത്തുക