തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ—നിങ്ങൾ അതിൽനിന്ന്‌ പ്രയോ​ജനം നേടു​ന്നു​ണ്ടോ?

തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ എന്ന ചെറു​പു​സ്‌ത​ക​ത്തി​ലെ തിരു​വെ​ഴു​ത്തും അഭി​പ്രാ​യ​ങ്ങ​ളും ദിവസ​വും വായി​ക്കു​ന്നതു നിങ്ങൾ ചെയ്യുന്ന ആത്മീയ​കാ​ര്യ​ങ്ങ​ളു​ടെ ഭാഗമാ​ണോ? അങ്ങനെ​യ​ല്ലെ​ങ്കിൽ, ഇനി മുതൽ അതു തുടങ്ങാൻ കഴിയു​മോ? പലരും രാവിലെ അതു വായി​ക്കു​ന്നു. അന്നേ ദിവസം ഓരോ​രോ കാര്യങ്ങൾ ചെയ്യു​മ്പോൾ വായിച്ച കാര്യ​ങ്ങ​ളെ​ക്കു​റിച്ച്‌ ധ്യാനി​ക്കാൻ അവർക്ക്‌ അതുവഴി കഴിയും. (യോശ 1:8; സങ്ക 119:97) വായി​ക്കുന്ന തിരു​വെ​ഴു​ത്തിൽനിന്ന്‌ നിങ്ങൾക്ക്‌ എങ്ങനെ​യാ​ണു കൂടുതൽ പ്രയോ​ജനം നേടാൻ കഴിയു​ന്നത്‌? ആ വാക്യ​ത്തി​ന്റെ പശ്ചാത്തലം മനസ്സി​ലാ​ക്കാൻ അതിന്റെ മുന്നി​ലും പിന്നി​ലും ഉള്ള വാക്യങ്ങൾ വായി​ക്കുക. ആ തിരു​വെ​ഴു​ത്തി​ലെ തത്ത്വം എടുത്തു​കാ​ണി​ക്കുന്ന ഒരു ബൈബിൾവി​വ​രണം ചിന്തി​ച്ചെ​ടു​ക്കാൻ ശ്രമി​ക്കുക. എന്നിട്ട്‌, ആ തത്ത്വം നിങ്ങളു​ടെ ജീവി​ത​ത്തിൽ എങ്ങനെ ബാധക​മാ​ക്കാ​മെന്നു ചിന്തി​ക്കുക. ദൈവ​വ​ചനം നിങ്ങളു​ടെ തീരു​മാ​ന​ങ്ങളെ സ്വാധീ​നി​ക്കു​മ്പോൾ, അതു നിങ്ങളു​ടെ ജീവി​ത​ത്തി​നു വഴി കാണി​ക്കും. നിങ്ങൾക്ക്‌ അതിന്റെ പ്രയോ​ജനം നേടാ​നും കഴിയും.—സങ്ക 119:105.

ലോക​മെ​ങ്ങു​മു​ള്ള ബഥേൽ കുടും​ബങ്ങൾ പ്രഭാ​ത​ഭ​ക്ഷ​ണ​ത്തി​ന്റെ സമയത്താ​ണു തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ നോക്കു​ന്നത്‌. അടുത്ത കാലത്ത്‌ ഈ ചർച്ചക​ളിൽ ചിലത്‌ JW പ്രക്ഷേ​പ​ണ​ത്തിൽ പരിപാ​ടി​ക​ളും സംഭവ​ങ്ങ​ളും എന്നതിനു കീഴിൽ വന്നിട്ടുണ്ട്‌. നിങ്ങൾ എപ്പോ​ഴാണ്‌ അവസാ​ന​മാ​യി അത്തരം ഒരു പരിപാ​ടി കണ്ടത്‌? ചില​പ്പോൾ നിങ്ങൾക്ക്‌ ആവശ്യ​മു​ള്ള​തു​ത​ന്നെ​യാ​യി​രി​ക്കും അതിലു​ള്ളത്‌. ഉദാഹ​ര​ണ​ത്തിന്‌, ലോത്തി​നെ​ക്കു​റി​ച്ചുള്ള വിവരണം നിങ്ങളു​ടെ തീരു​മാ​ന​ങ്ങളെ എങ്ങനെ സ്വാധീ​നി​ക്കും എന്നു നോക്കുക.

ലോകത്തെ സ്‌നേ​ഹി​ക്ക​രുത്‌ (1യോഹ 2:15) എന്ന വീഡി​യോ കാണുക. എന്നിട്ട്‌ പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്തുക:

• ഈ പ്രഭാ​താ​രാ​ധ​ന​യു​ടെ അടിസ്ഥാ​നം ഏതു ബൈബിൾത​ത്ത്വ​മാ​യി​രു​ന്നു?

• ലോത്തി​നെ​ക്കു​റി​ച്ചുള്ള വിവരണം, ലോക​ത്തെ​യോ ലോക​ത്തി​ലു​ള്ള​തി​നെ​യോ സ്‌നേ​ഹി​ക്കു​ന്ന​തി​ന്റെ അപകടം എടുത്തു​കാ​ണി​ക്കു​ന്നത്‌ എങ്ങനെ?—ഉൽ 13:12; 14:12; 19:3, 12, 13, 24-26

• ലോക​ത്തെ​യും ലോക​ത്തി​ലു​ള്ള​തി​നെ​യും അല്ല, യഹോ​വ​യെ​യാ​ണു സ്‌നേ​ഹി​ക്കു​ന്ന​തെന്നു നമുക്ക്‌ എങ്ങനെ കാണി​ക്കാം?