യഹോ​വ​യു​ടെ കൈ ഒരിക്ക​ലും ചെറുതല്ല!

1. ഇസ്രാ​യേ​ല്യ​രെ ഈജി​പ്‌തിൽനിന്ന്‌ വിടു​വി​ച്ച​പ്പോൾ മോശ എങ്ങനെ​യാണ്‌ യഹോ​വ​യിൽ ആശ്രയ​മു​ണ്ടെന്നു കാണി​ച്ചത്‌?

യഹോ​വ​യിൽ ശക്തമായ വിശ്വാ​സം പ്രകട​മാ​ക്കിയ പലരു​ടെ​യും പേരുകൾ എബ്രാ​യർക്ക്‌ എഴുതിയ കത്തിൽ രേഖ​പ്പെ​ടു​ത്തി​യി​ട്ടുണ്ട്‌. അതിൽ എടുത്തു​പ​റ​യേണ്ട ഒരു വ്യക്തി​യാ​ണു മോശ. (എബ്രാ. 3:2-5; 11:23-25) ഇസ്രാ​യേ​ല്യ​രെ ഈജി​പ്‌തിൽനിന്ന്‌ വിടു​വി​ച്ച​പ്പോൾ മോശ വിശ്വാ​സം പ്രകട​മാ​ക്കി. അദ്ദേഹം ഫറവോ​നെ​യും സൈന്യ​ത്തെ​യും പേടിച്ച്‌ പിന്മാ​റി​യില്ല. യഹോ​വ​യിൽ ആശ്രയി​ച്ചു​കൊണ്ട്‌ ചെങ്കട​ലി​ലൂ​ടെ​യും പിന്നീടു വിജന​ഭൂ​മി​യി​ലൂ​ടെ​യും അദ്ദേഹം ജനത്തെ വഴിന​യി​ച്ചു. (എബ്രാ. 11:27-29) തങ്ങൾക്കു​വേണ്ടി കരുതാ​നുള്ള യഹോ​വ​യു​ടെ കഴിവിൽ മിക്ക ഇസ്രാ​യേ​ല്യർക്കും വിശ്വാ​സം നഷ്ടമാ​യെ​ങ്കി​ലും മോശ ദൈവ​ത്തിൽ ആശ്രയി​ക്കു​ന്ന​തിൽ തുടർന്നു. മോശ​യു​ടെ ആ വിശ്വാ​സം അസ്ഥാന​ത്താ​യി​പ്പോ​യില്ല. തരിശായ ആ വിജന​ഭൂ​മി​യിൽപോ​ലും ജനത്തിനു നിലനിൽക്കാൻ വേണ്ട ഭക്ഷണവും വെള്ളവും യഹോവ അത്ഭുത​ക​ര​മാ​യി കൊടു​ത്തു.a—പുറ. 15:22-25; സങ്കീ. 78:23-25.

2. “യഹോ​വ​യു​ടെ കൈ അത്ര ചെറു​താ​ണോ?” എന്ന്‌ യഹോവ മോശ​യോ​ടു ചോദി​ച്ചത്‌ എന്തു​കൊ​ണ്ടാണ്‌? (സംഖ്യ 11:21-23)

² എന്നാൽ ശക്തമായ വിശ്വാ​സ​മു​ണ്ടാ​യി​രു​ന്നെ​ങ്കി​ലും, ഇസ്രാ​യേ​ല്യ​രെ അത്ഭുത​ക​ര​മാ​യി വിടു​വി​ച്ചു​കൊ​ണ്ടു​വന്ന്‌ ഏതാണ്ട്‌ ഒരു വർഷത്തി​നു ശേഷം, അവർക്ക്‌ ഇറച്ചി കൊടു​ക്കാ​നുള്ള യഹോ​വ​യു​ടെ പ്രാപ്‌തി​യെ മോശ ചോദ്യം ചെയ്‌തു. ലക്ഷക്കണ​ക്കി​നു വരുന്ന ആളുകൾക്ക്‌ എങ്ങനെ ആ വിജന​ഭൂ​മി​യിൽവെച്ച്‌ ആവശ്യ​ത്തിന്‌ ഇറച്ചി കൊടു​ക്കു​മെന്നു മോശ ചിന്തിച്ചു. അതിനു മറുപ​ടി​യാ​യി യഹോവ മോശ​യോട്‌ ഇങ്ങനെ ചോദി​ച്ചു: “യഹോ​വ​യു​ടെ കൈ അത്ര ചെറു​താ​ണോ?” (സംഖ്യ 11:21-23 വായി​ക്കുക.) ഇവിടെ “യഹോ​വ​യു​ടെ കൈ” എന്നു പറഞ്ഞി​രി​ക്കു​ന്നത്‌ ദൈവ​ത്തി​ന്റെ പരിശു​ദ്ധാ​ത്മാ​വി​നെ, അല്ലെങ്കിൽ പ്രവർത്ത​ന​നി​ര​ത​മായ ശക്തിയെ കുറി​ക്കാ​നാണ്‌. ശരിക്കും പറഞ്ഞാൽ യഹോവ മോശ​യോട്‌ ഇങ്ങനെ ചോദി​ക്കു​ന്ന​തു​പോ​ലെ​യാ​യി​രു​ന്നു: ‘ഞാൻ ചെയ്യു​മെന്നു പറഞ്ഞ കാര്യം എനിക്കു ചെയ്യാൻ കഴിയില്ല എന്നാണോ നിനക്കു തോന്നു​ന്നത്‌?’

3. മോശ​യു​ടെ​യും ഇസ്രാ​യേ​ല്യ​രു​ടെ​യും അനുഭ​വ​ത്തെ​ക്കു​റിച്ച്‌ നമ്മൾ ചിന്തി​ക്കേ​ണ്ടത്‌ എന്തു​കൊണ്ട്‌?

³ നിങ്ങളു​ടെ​യും കുടും​ബ​ത്തി​ന്റെ​യും ഭൗതി​കാ​വ​ശ്യ​ങ്ങൾക്കാ​യി യഹോവ കരുതു​മോ എന്ന്‌ എപ്പോ​ഴെ​ങ്കി​ലും നിങ്ങൾക്കു സംശയം തോന്നി​യി​ട്ടു​ണ്ടോ? അങ്ങനെ തോന്നി​യി​ട്ടു​ണ്ടെ​ങ്കി​ലും ഇല്ലെങ്കി​ലും, തങ്ങൾക്കു​വേണ്ടി കരുതാ​നുള്ള യഹോ​വ​യു​ടെ പ്രാപ്‌തി​യെ സംശയിച്ച മോശ​യെ​യും ഇസ്രാ​യേ​ല്യ​രെ​യും കുറിച്ച്‌ നമുക്കു നോക്കാം. അതു​പോ​ലെ യഹോ​വ​യു​ടെ കൈ ഒരിക്ക​ലും ചെറുതല്ല എന്ന വിശ്വാ​സം ശക്തമാ​ക്കാൻ നമ്മളെ സഹായി​ക്കുന്ന ചില തിരു​വെ​ഴു​ത്തു​ത​ത്ത്വ​ങ്ങ​ളും നമ്മൾ ചിന്തി​ക്കും.

മോശ​യിൽനി​ന്നും ഇസ്രാ​യേ​ല്യ​രിൽനി​ന്നും പഠിക്കുക

4. തങ്ങൾക്കു​വേണ്ടി കരുതാ​നുള്ള യഹോ​വ​യു​ടെ പ്രാപ്‌തി​യെ ചോദ്യം ചെയ്യു​ന്ന​തി​ലേക്ക്‌ പല ഇസ്രാ​യേ​ല്യ​രെ​യും നയിച്ചത്‌ എന്താണ്‌?

⁴ തങ്ങൾക്കു​വേണ്ടി കരുതാ​നുള്ള യഹോ​വ​യു​ടെ പ്രാപ്‌തി​യെ പല ഇസ്രാ​യേ​ല്യ​രും സംശയി​ച്ചത്‌ എന്തു​കൊ​ണ്ടാണ്‌? ഈജി​പ്‌തിൽനിന്ന്‌ വാഗ്‌ദ​ത്ത​ദേ​ശ​ത്തേക്കു യാത്ര പുറപ്പെട്ട ഇസ്രാ​യേ​ല്യ​രോ​ടൊ​പ്പം ‘ഒരു വലിയ സമ്മി​ശ്ര​പു​രു​ഷാ​ര​വും ഉണ്ടായി​രു​ന്നു.’ അവരെ​ല്ലാം വിജന​ഭൂ​മി​യി​ലൂ​ടെ​യുള്ള യാത്ര തുടങ്ങി​യിട്ട്‌ കുറച്ച്‌ നാളു​ക​ളാ​യി. (പുറ. 12:38; ആവ. 8:15) സമ്മി​ശ്ര​പു​രു​ഷാ​രം മന്ന കഴിച്ച്‌ മടുത്ത്‌ പരാതി​പ്പെ​ടാൻ തുടങ്ങി. പല ഇസ്രാ​യേ​ല്യ​രും അവരോ​ടൊ​പ്പം ചേർന്നു. (സംഖ്യ 11:4-6) ഈജി​പ്‌തിൽ തങ്ങൾക്കു​ണ്ടാ​യി​രുന്ന ഭക്ഷണ​ത്തെ​ക്കു​റിച്ച്‌ ഓർത്ത​പ്പോൾ അവർക്കു കൊതി തോന്നി. ആളുക​ളു​ടെ പരാതി കേട്ട്‌ സമ്മർദ​ത്തി​ലായ മോശ, താൻ ഇനി അവർക്കു​വേണ്ടി കരു​തേ​ണ്ടി​വ​രു​മോ എന്നു ചിന്തി​ച്ചു​കാ​ണും.—സംഖ്യ 11:13, 14.

5-6. സമ്മി​ശ്ര​പു​രു​ഷാ​ര​ത്തി​ന്റെ മനോ​ഭാ​വം പല ഇസ്രാ​യേ​ല്യ​രെ​യും സ്വാധീ​നി​ച്ച​തിൽനിന്ന്‌ നമുക്ക്‌ എന്തു പഠിക്കാം?

⁵ സമ്മി​ശ്ര​പു​രു​ഷാ​ര​ത്തി​ന്റെ നന്ദിയി​ല്ലായ്‌മ സാധ്യ​ത​യ​നു​സ​രിച്ച്‌ ഇസ്രാ​യേ​ല്യ​രെ​യും ബാധി​ച്ചു​തു​ടങ്ങി. അതു​പോ​ലെ നമ്മുടെ ചുറ്റു​മു​ള്ളവർ നന്ദിയി​ല്ലായ്‌മ കാണി​ക്കു​മ്പോൾ നമ്മളും യഹോവ തരുന്ന കരുത​ലു​ക​ളിൽ തൃപ്‌തി​പ്പെ​ടാ​തി​രി​ക്കാൻ സാധ്യ​ത​യുണ്ട്‌. നമുക്കു മുമ്പു​ണ്ടാ​യി​രുന്ന കാര്യ​ങ്ങ​ളെ​ക്കു​റിച്ച്‌ നഷ്ടബോ​ധ​ത്തോ​ടെ ചിന്തി​ക്കു​ക​യോ മറ്റുള്ള​വർക്കുള്ള കാര്യ​ങ്ങ​ളിൽ അസൂയ​പ്പെ​ടു​ക​യോ ചെയ്‌താൽ അങ്ങനെ സംഭവി​ച്ചേ​ക്കാം. എന്നാൽ സാഹച​ര്യം എന്താ​ണെ​ങ്കി​ലും ഉള്ളതു​കൊണ്ട്‌ തൃപ്‌തി​പ്പെ​ടാൻ പഠിക്കു​ക​യാ​ണെ​ങ്കിൽ സന്തോ​ഷ​മു​ള്ള​വ​രാ​യി​രി​ക്കാൻ നമുക്കു കഴിയും.

⁶ തങ്ങൾ വാഗ്‌ദ​ത്ത​ദേ​ശത്ത്‌ എത്തിക്ക​ഴി​യു​മ്പോൾ ഒരുപാ​ടു ഭൗതി​കാ​നു​ഗ്ര​ഹങ്ങൾ ആസ്വദി​ക്കാൻ കഴിയു​മെന്ന്‌ യഹോവ ഉറപ്പു കൊടുത്ത കാര്യം അവർ ഓർക്ക​ണ​മാ​യി​രു​ന്നു. അതെ, ആ അനു​ഗ്ര​ഹ​ങ്ങ​ളെ​ല്ലാം വിജന​ഭൂ​മി​യി​ലൂ​ടെ യാത്ര ചെയ്യു​മ്പോ​ഴല്ല, വാഗ്‌ദ​ത്ത​ദേ​ശത്ത്‌ എത്തിക്ക​ഴി​യു​മ്പോ​ഴേ നിറ​വേ​റു​മാ​യി​രു​ന്നു​ള്ളൂ. അതു​പോ​ലെ ഈ വ്യവസ്ഥി​തി​യിൽ നമുക്ക്‌ ഇല്ലാത്ത കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കു​ന്ന​തി​നു പകരം പുതി​യ​ലോ​ക​ത്തിൽ വാഗ്‌ദാ​നം ചെയ്‌തി​രി​ക്കുന്ന കാര്യ​ങ്ങ​ളെ​ക്കു​റിച്ച്‌ ചിന്തി​ക്കാം. അതു​പോ​ലെ യഹോ​വ​യി​ലുള്ള ആശ്രയം വളർത്തി​യെ​ടു​ക്കാൻ സഹായി​ക്കുന്ന തിരു​വെ​ഴു​ത്തു​ക​ളെ​ക്കു​റി​ച്ചും നമുക്കു ധ്യാനി​ക്കാം.

7. യഹോ​വ​യു​ടെ കൈ ഒട്ടും ചെറുതല്ല എന്ന കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാ​വു​ന്നത്‌ എന്തു​കൊണ്ട്‌?

⁷ എങ്കിലും “യഹോ​വ​യു​ടെ കൈ അത്ര ചെറു​താ​ണോ” എന്ന്‌ ദൈവം മോശ​യോ​ടു ചോദി​ച്ചത്‌ എന്തു​കൊ​ണ്ടാ​ണെന്നു നമ്മൾ ചിന്തി​ച്ചേ​ക്കാം. ഒരുപക്ഷേ യഹോവ തന്റെ കൈയു​ടെ ശക്തി മാത്രമല്ല, വ്യാപ്‌തി​യും എത്ര​ത്തോ​ള​മു​ണ്ടെന്ന്‌ മനസ്സി​ലാ​ക്കാൻ മോശയെ സഹായി​ക്കു​ക​യാ​യി​രു​ന്നു. വിജന​ഭൂ​മി​യു​ടെ നടുക്കു​പോ​ലും ഇസ്രാ​യേ​ല്യർക്ക്‌ സമൃദ്ധ​മായ അളവിൽ ഇറച്ചി കൊടു​ക്കാൻ ദൈവ​ത്തി​നു കഴിയു​മാ​യി​രു​ന്നു. “കൈക്ക​രു​ത്തു​കൊ​ണ്ടും നീട്ടിയ കരം​കൊ​ണ്ടും” യഹോവ തന്റെ ശക്തി കാണിച്ചു. (സങ്കീ. 136:11, 12) പരി​ശോ​ധ​നകൾ നേരി​ടു​മ്പോൾ നമ്മൾ എവി​ടെ​യാ​ണെ​ങ്കി​ലും, സഹായി​ക്കാ​നാ​യി യഹോവ തന്റെ കൈ നമ്മുടെ ഓരോ​രു​ത്ത​രു​ടെ​യും അടു​ത്തേക്കു നീട്ടും എന്ന കാര്യ​ത്തിൽ ഒരു സംശയ​വും വേണ്ട.—സങ്കീ. 138:6, 7.

8. വിജന​ഭൂ​മി​യിൽവെച്ച്‌ പല ഇസ്രാ​യേ​ല്യർക്കും പറ്റിയ തെറ്റ്‌ നമുക്ക്‌ എങ്ങനെ ഒഴിവാ​ക്കാം? (ചിത്ര​വും കാണുക.)

⁸ പറഞ്ഞതു​പോ​ലെ​തന്നെ യഹോവ അവർക്ക്‌ ഇറച്ചി കൊടു​ത്തു; സമൃദ്ധ​മായ അളവിൽ അവർക്കു കാടപ്പ​ക്ഷി​കളെ നൽകി. എന്നാലും ദൈവം ചെയ്‌ത ആ അത്ഭുത​ത്തിന്‌ ഇസ്രാ​യേ​ല്യർ നന്ദിയു​ള്ള​വ​രാ​യി​രു​ന്നില്ല. പകരം അവരിൽ പലരും അത്യാ​ഗ്രഹം കാണി​ക്കു​ക​യാ​ണു ചെയ്‌തത്‌. ഒന്നര ദിവസ​ത്തോ​ളം എടുത്ത്‌ അവർ കഴിയു​ന്നത്ര കാടപ്പ​ക്ഷി​കളെ പിടി​ക്കാൻ ശ്രമിച്ചു. “അത്യാർത്തി കാണിച്ച” ജനത്തിനു നേരെ യഹോ​വ​യു​ടെ കോപം ആളിക്കത്തി. അവരെ ശിക്ഷി​ക്കു​ക​യും ചെയ്‌തു. (സംഖ്യ 11:31-34) ഇതു നമുക്കും ഒരു പാഠമാണ്‌. അത്യാ​ഗ്രഹം എന്ന കെണി​യിൽ വീണു​പോ​കാ​തി​രി​ക്കാൻ നമ്മൾ ശ്രദ്ധി​ക്കണം. സമ്പന്നരാ​ണെ​ങ്കി​ലും അല്ലെങ്കി​ലും യഹോ​വ​യു​മാ​യും യേശു​വു​മാ​യും നല്ലൊരു ബന്ധം വളർത്തി​യെ​ടു​ത്തു​കൊണ്ട്‌ ‘സ്വർഗ​ത്തിൽ നിക്ഷേപം’ സ്വരൂ​പി​ക്കു​ന്ന​തി​നു നമ്മൾ പ്രാധാ​ന്യം കൊടു​ക്കണം. (മത്താ. 6:19, 20; ലൂക്കോ. 16:9) അങ്ങനെ ചെയ്‌താൽ യഹോവ നമുക്കു​വേണ്ടി കരുതും എന്ന കാര്യം ഉറപ്പാണ്‌.

9. നമുക്ക്‌ ഏതു കാര്യ​ത്തിൽ ഉറപ്പു​ണ്ടാ​യി​രി​ക്കാം?

⁹ തന്റെ ജനത്തെ സഹായി​ക്കാ​നാ​യി യഹോവ ഇന്നും കൈ നീട്ടു​ന്നുണ്ട്‌. എന്നാൽ അതിന്റെ അർഥം നമുക്ക്‌ ഒരിക്ക​ലും സാമ്പത്തി​ക​ബു​ദ്ധി​മുട്ട്‌ ഉണ്ടാകില്ല എന്നോ നമ്മൾ വിശന്നി​രി​ക്കില്ല എന്നോ അല്ല.b പകരം, യഹോവ നമ്മളെ ഉപേക്ഷി​ക്കു​ക​യോ കൈവി​ടു​ക​യോ ഇല്ല എന്നാണ്‌. പരി​ശോ​ധ​നകൾ ഉണ്ടാകു​മ്പോൾ സഹിച്ചു​നിൽക്കാൻ യഹോവ നമ്മളെ സഹായി​ക്കും. ഇതു മനസ്സി​ലാ​ക്കാൻ നമുക്ക്‌ രണ്ടു സാഹച​ര്യ​ങ്ങൾ ചിന്തി​ക്കാം: (1) സാമ്പത്തി​ക​പ്ര​ശ്‌നങ്ങൾ ഉണ്ടാകു​മ്പോൾ. (2) ഭാവി​യി​ലെ സാമ്പത്തിക ആവശ്യ​ങ്ങൾക്കു​വേണ്ടി പ്ലാൻ ചെയ്യു​മ്പോൾ. ഈ രണ്ടു സാഹച​ര്യ​ങ്ങ​ളി​ലും യഹോവ തന്റെ കൈ നീട്ടി നമുക്കു​വേണ്ടി കരുതു​മെന്ന വിശ്വാ​സം എങ്ങനെ കാണി​ക്കാ​മെന്നു നോക്കാം.

സാമ്പത്തി​ക​പ്ര​ശ്‌നങ്ങൾ ഉണ്ടാകു​മ്പോൾ

10. നമ്മൾ എന്തെല്ലാം സാമ്പത്തി​ക​പ്ര​ശ്‌നങ്ങൾ നേരി​ട്ടേ​ക്കാം?

¹⁰ ഈ വ്യവസ്ഥി​തി അതിന്റെ അവസാ​ന​ത്തോട്‌ അടുക്കു​ന്തോ​റും സാമ്പത്തി​ക​സ്ഥി​തി കൂടുതൽ മോശ​മാ​കു​മെന്നു നമുക്ക്‌ അറിയാം. രാഷ്‌ട്രീ​യ​ക​ലാ​പ​ങ്ങ​ളും യുദ്ധങ്ങ​ളും പ്രകൃ​തി​ദു​ര​ന്ത​ങ്ങ​ളും പുതിയ പകർച്ച​വ്യാ​ധി​ക​ളും എല്ലാം അപ്രതീ​ക്ഷി​ത​മാ​യി ചെലവു​കൾ കൂടാ​നോ നമ്മുടെ ജോലി, വസ്‌തു​വ​കകൾ, വീട്‌ ഇതെല്ലാം നഷ്ടമാ​കാ​നോ കാരണ​മാ​യേ​ക്കാം. ഇനി, നമ്മൾ പുതിയ ഒരു ജോലി കണ്ടെത്തു​ക​യോ അല്ലെങ്കിൽ ജോലി​ക്കാ​യി മറ്റൊരു സ്ഥലത്തേക്ക്‌ കുടും​ബ​മാ​യി മാറി​ത്താ​മ​സി​ക്കു​ക​യോ ചെയ്യേ​ണ്ടി​വ​ന്നേ​ക്കാം. അത്തര​മൊ​രു സാഹച​ര്യ​ത്തിൽ യഹോ​വ​യു​ടെ കൈയിൽ ആശ്രയി​ക്കു​ന്നുണ്ട്‌ എന്നു തെളി​യി​ക്കുന്ന തീരു​മാ​ന​ങ്ങ​ളെ​ടു​ക്കാൻ നമ്മളെ എന്തു സഹായി​ക്കും?

11. സാമ്പത്തി​ക​പ്ര​ശ്‌നങ്ങൾ കൈകാ​ര്യം ചെയ്യാൻ നിങ്ങളെ എന്തു സഹായി​ക്കും? (ലൂക്കോസ്‌ 12:29-31)

¹¹ നിങ്ങളു​ടെ ഉത്‌ക​ണ്‌ഠകൾ യഹോ​വയെ അറിയി​ക്കു​ന്ന​താണ്‌ ഏറ്റവും പ്രധാ​ന​പ്പെ​ട്ട​തും പ്രയോ​ജനം ചെയ്യു​ന്ന​തും ആയ ഒരു കാര്യം. (സുഭാ. 16:3) നല്ല തീരു​മാ​ന​ങ്ങ​ളെ​ടു​ക്കാ​നുള്ള ജ്ഞാനത്തി​നും ‘ഉത്‌ക​ണ്‌ഠ​പ്പെ​ടു​ന്നത്‌ ഒഴിവാ​ക്കി’ ശാന്തമായ ഒരു ഹൃദയം നേടാൻ കഴി​യേ​ണ്ട​തി​നും യഹോ​വ​യോ​ടു പ്രാർഥി​ക്കുക. (ലൂക്കോസ്‌ 12:29-31 വായി​ക്കുക.) അവശ്യ​കാ​ര്യ​ങ്ങൾകൊണ്ട്‌ തൃപ്‌തി​പ്പെ​ടാൻ സഹായി​ക്കണേ എന്നും യാചി​ക്കുക. (1 തിമൊ. 6:7, 8) സാമ്പത്തി​ക​പ്ര​ശ്‌നങ്ങൾ എങ്ങനെ നന്നായി കൈകാ​ര്യം ചെയ്യാം എന്നതി​നെ​ക്കു​റിച്ച്‌ നമ്മുടെ പ്രസി​ദ്ധീ​ക​ര​ണ​ങ്ങ​ളിൽ ഗവേഷണം ചെയ്യുക. ഈ പ്രശ്‌നത്തെ നേരി​ടാൻ jw.org-ൽ വന്നിട്ടുള്ള വിവരങ്ങൾ പലരെ​യും സഹായി​ച്ചി​ട്ടുണ്ട്‌.

12. കുടും​ബ​ത്തി​നു​വേണ്ടി ഏറ്റവും നല്ല തീരു​മാ​ന​ങ്ങ​ളെ​ടു​ക്കാൻ ഏതെല്ലാം ചോദ്യ​ങ്ങൾ ഒരു ക്രിസ്‌ത്യാ​നി​യെ സഹായി​ക്കും?

¹² കുടും​ബ​ത്തിൽനിന്ന്‌ മാറി​നിൽക്കേ​ണ്ടി​വ​രുന്ന ജോലി സ്വീക​രി​ക്കാ​നുള്ള പ്രലോ​ഭ​ന​ത്തിൽ ചിലർ വീണു​പോ​യി​ട്ടുണ്ട്‌. എന്നാൽ അതു ബുദ്ധി​ശൂ​ന്യ​മായ തീരു​മാ​ന​മാ​യി​രു​ന്നെന്നു പലരും പിന്നീടു മനസ്സി​ലാ​ക്കി. ഒരു പുതിയ ജോലി സ്വീക​രി​ക്കു​ന്ന​തി​നു മുമ്പ്‌ സാമ്പത്തി​ക​മാ​യി എന്തെല്ലാം നേട്ടങ്ങ​ളു​ണ്ടെന്നു മാത്രമല്ല, ആത്മീയ​മാ​യി എന്തൊക്കെ നഷ്ടങ്ങളു​ണ്ടെ​ന്നും ചിന്തി​ക്കണം. (ലൂക്കോ. 14:28) നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘ഞാൻ എന്റെ ഇണയിൽനിന്ന്‌ മാറി​നി​ന്നാൽ അതു ഞങ്ങളുടെ ദാമ്പത്യ​ജീ​വി​തത്തെ എങ്ങനെ ബാധി​ക്കും? എന്റെ ക്രിസ്‌തീ​യ​സ​ഹ​വാ​സ​ത്തി​ന്റെ​യും ശുശ്രൂ​ഷ​യു​ടെ​യും കാര്യം എന്താകും?’ ഇനി, കുട്ടികൾ ഉണ്ടെങ്കിൽ ഈ പ്രധാ​ന​പ്പെട്ട ചോദ്യ​വും സ്വയം ചോദി​ക്കണം: ‘ഞാൻ മക്കളോ​ടൊ​പ്പം ഇല്ലെങ്കിൽ എനിക്ക്‌ അവരെ “യഹോ​വ​യു​ടെ ശിക്ഷണ​ത്തി​ലും ഉപദേ​ശ​ത്തി​ലും” വളത്തി​ക്കൊ​ണ്ടു​വ​രാൻ എങ്ങനെ കഴിയും?’ (എഫെ. 6:4) യഹോ​വ​യു​ടെ ചിന്തക​ളാ​യി​രി​ക്കണം നിങ്ങളെ വഴിന​യി​ക്കേ​ണ്ടത്‌. അല്ലാതെ തിരു​വെ​ഴു​ത്തു​ത​ത്ത്വ​ങ്ങളെ മാനി​ക്കാത്ത കുടും​ബാം​ഗ​ങ്ങ​ളു​ടെ​യോ സുഹൃ​ത്തു​ക്ക​ളു​ടെ​യോ ചിന്തക​ളാ​യി​രി​ക്ക​രുത്‌.c പടിഞ്ഞാ​റൻ ഏഷ്യയിൽ താമസി​ക്കുന്ന റ്റോണിക്ക്‌ വിദേ​ശത്ത്‌ ജോലി​ക്കു പോകാ​നുള്ള പല ഓഫറു​ക​ളും കിട്ടി. എന്നാൽ ഇതെക്കു​റിച്ച്‌ പ്രാർഥി​ക്കു​ക​യും ഭാര്യ​യു​മാ​യി ചർച്ച ചെയ്യു​ക​യും ചെയ്‌ത​ശേഷം ആ ഓഫറു​കൾ വേണ്ടെ​ന്നു​വെ​ക്കാൻ അദ്ദേഹം തീരു​മാ​നി​ച്ചു. അതിനു പകരം കുടും​ബ​ത്തി​ന്റെ ചെലവു​കൾ എങ്ങനെ കുറയ്‌ക്കാം എന്നതി​നെ​ക്കു​റിച്ച്‌ അവർ ചിന്തിച്ചു. പിന്നീട്‌ അതെക്കു​റിച്ച്‌ ഓർക്കു​മ്പോൾ റ്റോണി പറയുന്നു: “യഹോ​വ​യെ​ക്കു​റിച്ച്‌ അറിയാൻ ഒരുപാ​ടു പേരെ സഹായി​ക്കാൻ എനിക്കു കഴിഞ്ഞു. ഇനി, ഞങ്ങളുടെ മക്കൾക്കാ​ണെ​ങ്കിൽ യഹോ​വയെ സേവി​ക്കാൻ വലിയ ഇഷ്ടവു​മാണ്‌. മത്തായി 6:33-ലെ വാക്കു​കൾക്കു ചേർച്ച​യിൽ ജീവി​ക്കു​ന്നി​ട​ത്തോ​ളം കാലം യഹോവ കരുതു​മെന്ന്‌ ഞങ്ങളുടെ കുടും​ബ​ത്തിന്‌ ബോധ്യ​മാ​യി.”

ഭാവി​യി​ലെ സാമ്പത്തിക ആവശ്യ​ങ്ങൾക്കു​വേണ്ടി പ്ലാൻ ചെയ്യു​മ്പോൾ

13. പ്രായ​മാ​കു​മ്പോ​ഴുള്ള ഭൗതി​കാ​വ​ശ്യ​ങ്ങൾ നടക്കാൻ നമുക്ക്‌ ഇപ്പോഴേ ന്യായ​മാ​യി എന്തെല്ലാം ചെയ്യാ​നാ​കും?

¹³ ‘പ്രായ​മാ​കു​മ്പോൾ എന്റെ ഭൗതി​കാ​വ​ശ്യ​ങ്ങൾ എങ്ങനെ നടക്കും’ എന്നു ചില​പ്പോൾ നമ്മൾ ഉത്‌ക​ണ്‌ഠ​പ്പെ​ട്ടേ​ക്കാം. ‘യഹോ​വ​യു​ടെ കൈയി​ലുള്ള’ നമ്മുടെ ആശ്രയം പരി​ശോ​ധി​ക്ക​പ്പെ​ടുന്ന ഒരു സാഹച​ര്യ​മാണ്‌ അത്‌. കഠിനാ​ധ്വാ​നം ചെയ്യാ​നാ​ണു ബൈബിൾ നമ്മളെ പ്രോ​ത്സാ​ഹി​പ്പി​ക്കു​ന്നത്‌. അങ്ങനെ​യാ​കു​മ്പോൾ ഭാവി​യി​ലെ ആവശ്യങ്ങൾ നടത്തി​ക്കൊണ്ട്‌ പോകാ​നാ​കും. (സുഭാ. 6:6-11) ഇനി, കഴിയു​ന്ന​തു​പോ​ലെ ഭാവി​യി​ലേക്ക്‌ എന്തെങ്കി​ലും നീക്കി​വെ​ക്കു​ന്നത്‌ നല്ലതാ​യി​രി​ക്കും. പണം ഒരു പരിധി​വരെ സംരക്ഷണം തരും എന്നത്‌ ശരിയാണ്‌. (സഭാ. 7:12) എങ്കിലും ഭൗതി​ക​കാ​ര്യ​ങ്ങ​ളു​ടെ പിന്നാലെ പോയി അതിനു ജീവി​ത​ത്തിൽ ഒന്നാം സ്ഥാനം കൊടു​ക്കു​ന്നതു നമ്മൾ ഒഴിവാ​ക്കണം.

14. ഭാവി​യി​ലെ സാമ്പത്തിക ആവശ്യ​ങ്ങൾക്കാ​യി പ്ലാൻ ചെയ്യു​മ്പോൾ എബ്രായർ 13:5 നമ്മൾ കണക്കി​ലെ​ടു​ക്കേ​ണ്ടത്‌ എന്തു​കൊണ്ട്‌?

¹⁴ ‘ദൈവ​മു​മ്പാ​കെ സമ്പന്നനാ​കാ​തെ’ പണം സ്വരു​ക്കൂ​ട്ടു​ന്നത്‌ എത്ര മണ്ടത്തര​മാ​ണെന്നു യേശു ഒരു ദൃഷ്ടാ​ന്ത​ത്തി​ലൂ​ടെ പഠിപ്പി​ച്ചു. (ലൂക്കോ. 12:16-21) നാളെ എന്തു സംഭവി​ക്കു​മെന്ന്‌ നമുക്ക്‌ ആർക്കും അറിയില്ല. (സുഭാ. 23:4, 5; യാക്കോ. 4:13-15) യേശു​വി​ന്റെ അനുഗാ​മി​കൾ എന്ന നിലയിൽ നമുക്ക്‌ പല പ്രശ്‌ന​ങ്ങ​ളും നേരി​ടേ​ണ്ടി​വ​രും. തന്റെ ഒരു ശിഷ്യ​നാ​ക​ണ​മെ​ങ്കിൽ വസ്‌തു​വ​കകൾ എല്ലാം ‘ഉപേക്ഷി​ക്കാൻ’ തയ്യാറാ​ക​ണ​മെന്നു യേശു പറഞ്ഞു. (ലൂക്കോ. 14:33; അടിക്കു​റിപ്പ്‌) ഒന്നാം നൂറ്റാ​ണ്ടിൽ യഹൂദ്യ​യി​ലുള്ള ക്രിസ്‌ത്യാ​നി​കൾ സന്തോ​ഷ​ത്തോ​ടെ അതു​പോ​ലൊ​രു നഷ്ടം സഹിക്കാൻ തയ്യാറാ​യി. (എബ്രാ. 10:34) നമ്മുടെ ഈ കാലത്തും പല സഹോ​ദ​ര​ങ്ങൾക്കും രാഷ്‌ട്രീ​യ​പാർട്ടി​കളെ പിന്തു​ണ​യ്‌ക്കാ​ത്ത​തി​ന്റെ പേരിൽ സാമ്പത്തി​ക​ന​ഷ്ടങ്ങൾ സഹി​ക്കേ​ണ്ടി​വ​ന്നി​ട്ടുണ്ട്‌. (വെളി. 13:16, 17) അതിന്‌ അവരെ എന്താണ്‌ സഹായി​ച്ചത്‌? “ഞാൻ നിന്നെ ഒരിക്ക​ലും കൈവി​ടില്ല; ഒരിക്ക​ലും ഉപേക്ഷി​ക്കില്ല” എന്ന യഹോ​വ​യു​ടെ വാക്കു​ക​ളിൽ അവർക്കു പൂർണ​മായ വിശ്വാ​സം ഉണ്ടായി​രു​ന്നു. (എബ്രായർ 13:5 വായി​ക്കുക.) ഭാവി​യി​ലെ ആവശ്യ​ങ്ങൾക്കാ​യി നമ്മൾ ഇപ്പോൾത്തന്നെ നന്നായി പ്ലാൻ ചെയ്യും. എന്നാൽ എന്തെങ്കി​ലും അപ്രതീ​ക്ഷി​ത​സം​ഭ​വങ്ങൾ ഉണ്ടായാൽ നമ്മൾ യഹോ​വ​യിൽ പൂർണ​മാ​യി ആശ്രയി​ക്കും.

15. ക്രിസ്‌തീ​യ​മാ​താ​പി​താ​ക്കൾക്ക്‌ മക്കളെ​ക്കു​റിച്ച്‌ സമനി​ല​യുള്ള ഏതു വീക്ഷണം ഉണ്ടായി​രി​ക്കണം? (ചിത്ര​വും കാണുക.)

¹⁵ ചില സംസ്‌കാ​ര​ങ്ങ​ളിൽ ദമ്പതികൾ കുട്ടികൾ വേണ​മെന്നു പ്രധാ​ന​മാ​യും ചിന്തി​ക്കു​ന്നത്‌, പ്രായ​മാ​കു​മ്പോൾ തങ്ങളെ നോക്കാ​നുള്ള പണം മക്കൾ സമ്പാദി​ക്കു​മ​ല്ലോ എന്നു ചിന്തി​ച്ചി​ട്ടാണ്‌. ഒരർഥ​ത്തിൽ അവർ മക്കളെ കാണു​ന്നത്‌ “ഉദ്യോ​ഗ​കാ​ലം കഴിയു​മ്പോ​ഴുള്ള ഒരു സമ്പാദ്യ​മാ​യി​ട്ടാണ്‌.” എന്നാൽ ബൈബിൾ പറയു​ന്നത്‌ മാതാ​പി​താ​ക്കൾ, മക്കളുടെ ആവശ്യ​ങ്ങൾക്കു​വേണ്ടി കരുത​ണ​മെ​ന്നാണ്‌. (2 കൊരി. 12:14) ശരിയാണ്‌, പ്രായ​മാ​കു​മ്പോൾ മാതാ​പി​താ​ക്കൾക്കു ചില പ്രാ​യോ​ഗി​ക​സ​ഹാ​യങ്ങൾ ആവശ്യ​മാ​യി​വ​ന്നേ​ക്കാം. അതു കൊടു​ക്കാൻ പല മക്കളും സന്തോ​ഷ​മു​ള്ള​വ​രു​മാണ്‌. (1 തിമൊ. 5:4) എന്നാൽ ക്രിസ്‌തീ​യ​മാ​താ​പി​താ​ക്കൾ തിരി​ച്ച​റി​യേണ്ട ഒരു കാര്യ​മുണ്ട്‌. തങ്ങളെ സാമ്പത്തി​ക​മാ​യി പിന്തു​ണ​യ്‌ക്കാൻവേണ്ടി മക്കളെ വളർത്തി​ക്കൊ​ണ്ടു​വ​രു​ന്ന​തി​ലല്ല യഥാർഥ​സ​ന്തോ​ഷം, പകരം യഹോ​വ​യു​ടെ ദാസരാ​കാൻ മക്കളെ സഹായി​ക്കു​ന്ന​തി​ലാണ്‌.—3 യോഹ. 4

16. ഭൗതി​കാ​വ​ശ്യ​ങ്ങൾക്കാ​യി സ്വയം കരുതാൻ മാതാ​പി​താ​ക്കൾക്ക്‌ എങ്ങനെ മക്കളെ പരിശീ​ലി​പ്പി​ക്കാം? (എഫെസ്യർ 4:28)

¹⁶ യഹോ​വ​യിൽ ആശ്രയി​ക്കാൻ സ്വന്തം മാതൃ​ക​യി​ലൂ​ടെ മാതാ​പി​താ​ക്കൾ മക്കളെ പരിശീ​ലി​പ്പി​ക്കുക. എന്നാൽ അതോ​ടൊ​പ്പം​തന്നെ സ്വന്തം ആവശ്യ​ങ്ങൾക്കു​വേണ്ടി കരുതാ​നും നിങ്ങൾ അവരെ പഠിപ്പി​ക്കണം. കഠിനാ​ധ്വാ​നം ചെയ്യേ​ണ്ട​തി​ന്റെ പ്രാധാ​ന്യ​ത്തെ​ക്കു​റിച്ച്‌ ചെറു​പ്പം​മു​തലേ അവരെ പഠിപ്പി​ക്കുക. (സുഭാ. 29:21; എഫെസ്യർ 4:28 വായി​ക്കുക.) വളർന്നു​വ​രു​മ്പോൾ സ്‌കൂ​ളിൽ നന്നായി പഠിക്കാ​നും അവരെ സഹായി​ക്കുക. വിദ്യാ​ഭ്യാ​സ​ത്തെ​ക്കു​റിച്ച്‌ ജ്ഞാനപൂർവ​മായ തീരു​മാ​ന​മെ​ടു​ക്കാൻ സഹായി​ക്കുന്ന ബൈബിൾത​ത്ത്വ​ങ്ങൾ ക്രിസ്‌തീ​യ​മാ​താ​പി​താ​ക്കൾക്ക്‌ ഗവേഷണം ചെയ്‌തു​ക​ണ്ടെ​ത്താം. എന്നിട്ട്‌ അത്‌ ഉപയോ​ഗിച്ച്‌ മക്കളെ സഹായി​ക്കാം. ഇങ്ങനെ​യൊ​ക്കെ ചെയ്യു​മ്പോൾ മാതാ​പി​താ​ക്ക​ളു​ടെ ലക്ഷ്യം, സ്വന്തം ആവശ്യ​ങ്ങൾക്കു​വേണ്ടി കരുതാ​നും ശുശ്രൂ​ഷ​യിൽ കൂടുതൽ സമയം ഏർപ്പെ​ടാ​നും ഒരുപക്ഷേ, മുൻനി​ര​സേ​വനം തുടങ്ങാ​നും മക്കളെ സഹായി​ക്കുക എന്നതാ​യി​രി​ക്കണം.

17. ഏതു കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാം?

¹⁷ തന്റെ വിശ്വ​സ്‌ത​ദാ​സ​ന്മാർക്കു​വേണ്ടി കരുതാൻ യഹോ​വ​യ്‌ക്കു കഴിവും ആഗ്രഹ​വും ഉണ്ടെന്ന കാര്യം നമ്മൾ ഓർക്കണം. ഈ വ്യവസ്ഥി​തി അതിന്റെ അവസാ​ന​ത്തോട്‌ അടുക്കു​ന്തോ​റും യഹോ​വ​യി​ലുള്ള നമ്മുടെ ആശ്രയം പരീക്ഷി​ക്ക​പ്പെ​ട്ടേ​ക്കാം. എന്തു സംഭവി​ച്ചാ​ലും നമുക്കു​വേണ്ടി ഭൗതി​ക​മാ​യി കരുതാൻ യഹോവ തന്റെ ശക്തി ഉപയോ​ഗി​ക്കു​ക​തന്നെ ചെയ്യും. അതെ, യഹോ​വ​യു​ടെ കൈക്ക​രു​ത്തും നീട്ടിയ കരവും, നമ്മളി​ലേക്ക്‌ എത്താൻ പറ്റാത്തത്ര ചെറുതല്ല എന്നു നമുക്ക്‌ ഉറപ്പു​ണ്ടാ​യി​രി​ക്കാം.