അനീതി​യോട്‌ നമ്മൾ എങ്ങനെ പ്രതി​ക​രി​ക്കണം?

1-2. അനീതി കാണു​മ്പോൾ മിക്ക ആളുക​ളും എങ്ങനെ പ്രതി​ക​രി​ക്കു​ന്നു, നമ്മൾ എന്തു ചിന്തി​ച്ചേ​ക്കാം?

നമ്മൾ ജീവി​ക്കു​ന്നത്‌ അനീതി നിറഞ്ഞ ലോക​ത്താണ്‌. സാമ്പത്തി​ക​സ്ഥി​തി, ലിംഗം, വർഗം, നിറം എന്നിങ്ങനെ പലതി​ന്റെ​യും പേരിൽ ഇന്ന്‌ ആളുക​ളോ​ടു വേർതി​രിവ്‌ കാണി​ക്കു​ന്നുണ്ട്‌. ഇനി, സമ്പന്നരായ ബിസി​നെ​സ്സു​കാ​രു​ടെ​യും ഗവൺമെന്റ്‌ അധികാ​രി​ക​ളു​ടെ​യും പണത്തോ​ടുള്ള അത്യാ​ഗ്രഹം കാരണം സാധാ​ര​ണ​ക്കാ​രായ ആളുകൾക്കു പല ബുദ്ധി​മു​ട്ടു​ക​ളും സഹി​ക്കേ​ണ്ടി​വ​രു​ന്നു. ഇതും ഇതു​പോ​ലുള്ള മറ്റ്‌ അനീതി​ക​ളും നമ്മളെ എല്ലാവ​രെ​യും നേരി​ട്ടോ അല്ലാ​തെ​യോ ബാധി​ക്കു​ന്നുണ്ട്‌.

² ഇന്ന്‌ ലോകത്ത്‌ നടക്കുന്ന അനീതി​കൾ കാണു​മ്പോൾ മിക്കവർക്കും ദേഷ്യം തോന്നു​ന്നു. കാരണം നമ്മളോട്‌ ആളുകൾ നല്ല രീതി​യിൽ ഇടപെ​ടാ​നും സുരക്ഷി​ത​മായ ഒരു ചുറ്റു​പാ​ടിൽ ജീവി​ക്കാ​നും ആണ്‌ എല്ലാവ​രും ആഗ്രഹി​ക്കു​ന്നത്‌. അതു​കൊ​ണ്ടു​തന്നെ ചിലർ സാമൂ​ഹി​ക​പ​രി​ഷ്‌ക​ര​ണ​ങ്ങൾക്കാ​യി പ്രവർത്തി​ക്കു​ന്നു. അവർ നിവേ​ദ​നങ്ങൾ സമർപ്പി​ക്കു​ക​യും പ്രതി​ഷേധ പ്രകട​നങ്ങൾ സംഘടി​പ്പി​ക്കു​ക​യും അനീതി​ക്കെ​തി​രെ പോരാ​ടാ​മെന്നു വാക്കു​ത​രുന്ന രാഷ്‌ട്രീയ നേതാ​ക്ക​ളെ​യോ പാർട്ടി​ക​ളെ​യോ പിന്തു​ണ​യ്‌ക്കു​ക​യും ഒക്കെ ചെയ്യുന്നു. എന്നാൽ ക്രിസ്‌ത്യാ​നി​ക​ളായ നമ്മൾ “ലോക​ത്തി​ന്റെ ഭാഗമല്ല” എന്നും അനീതി​കൾ എല്ലാം മാറ്റു​ന്ന​തി​നാ​യി ദൈവ​രാ​ജ്യം വരുന്ന​തു​വരെ കാത്തി​രി​ക്ക​ണ​മെ​ന്നും നമുക്ക​റി​യാം. (യോഹ. 17:16) എങ്കിലും ആരെങ്കി​ലും അനീതി നേരി​ടു​ന്നതു കാണു​മ്പോൾ നമുക്കു സങ്കടമോ ചില​പ്പോൾ ദേഷ്യ​മോ​പോ​ലും തോന്നി​യേ​ക്കാം. അപ്പോൾ നമ്മൾ ഇങ്ങനെ ചിന്തി​ക്കും: ‘ഇതി​നോ​ടു ഞാൻ എങ്ങനെ പ്രതി​ക​രി​ക്കണം? ഇപ്പോൾ നടക്കുന്ന അനീതി​യു​ടെ കാര്യ​ത്തിൽ എനിക്ക്‌ എന്തെങ്കി​ലും ചെയ്യാ​നു​ണ്ടോ?’ ഈ ചോദ്യ​ങ്ങൾക്കുള്ള ഉത്തരം കണ്ടെത്തു​ന്ന​തിന്‌ ആദ്യം അനീതി​യെ യഹോ​വ​യും യേശു​വും എങ്ങനെ​യാണ്‌ കാണു​ന്ന​തെന്നു നമുക്കു നോക്കാം.

യഹോ​വ​യും യേശു​വും അനീതി വെറു​ക്കു​ന്നു

3. അനീതി കാണു​മ്പോൾ നമുക്കു ദേഷ്യം തോന്നു​ന്നതു സ്വാഭാ​വി​ക​മാ​യി​രി​ക്കു​ന്നത്‌ എന്തു​കൊണ്ട്‌? (യശയ്യ 5:7)

³ അനീതി കാണു​മ്പോൾ നമ്മൾ അസ്വസ്ഥ​രാ​കു​ന്നത്‌ എന്തു​കൊ​ണ്ടാ​ണെന്നു ബൈബിൾ പറയുന്നു. കാരണം ‘നീതി​യെ​യും ന്യായ​ത്തെ​യും സ്‌നേ​ഹി​ക്കുന്ന’ ദൈവ​ത്തി​ന്റെ ഛായയി​ലാണ്‌ നമ്മളെ സൃഷ്ടി​ച്ചി​രി​ക്കു​ന്നത്‌. (സങ്കീ. 33:5; ഉൽപ. 1:26) ദൈവം ഒരിക്ക​ലും അന്യാ​യ​മാ​യി പ്രവർത്തി​ക്കു​ന്നില്ല. ആരും അങ്ങനെ പ്രവർത്തി​ക്കാൻ ദൈവം ആഗ്രഹി​ക്കു​ന്നു​മില്ല. (ആവ. 32:3, 4; മീഖ 6:8; സെഖ. 7:9) ഉദാഹ​ര​ണ​ത്തിന്‌, യശയ്യ പ്രവാ​ച​കന്റെ കാലത്ത്‌ പല ഇസ്രാ​യേ​ല്യർക്കും സ്വന്തം ജനത്തി​നി​ട​യിൽനി​ന്നു​തന്നെ മോശ​മായ പെരു​മാ​റ്റം നേരിട്ടു. അവരുടെ “നിലവി​ളി” യഹോവ ശ്രദ്ധിച്ചു. (യശയ്യ 5:7 വായി​ക്കുക.) തന്റെ നിയമം വീണ്ടും​വീ​ണ്ടും അവഗണി​ക്കു​ക​യും മറ്റുള്ള​വ​രോട്‌ അന്യാ​യ​മാ​യി ഇടപെ​ടു​ക​യും ചെയ്‌ത​വരെ യഹോവ ശിക്ഷി​ക്കു​ക​തന്നെ ചെയ്‌തു.—യശ. 5:5, 13.

4. സുവി​ശേ​ഷ​ത്തി​ലെ ഒരു വിവരണം യേശു അനീതി​യെ വീക്ഷി​ക്കുന്ന വിധം മനസ്സി​ലാ​ക്കാൻ സഹായി​ക്കു​ന്നത്‌ എങ്ങനെ? (ചിത്ര​വും കാണുക.)

⁴ യഹോ​വ​യെ​പ്പോ​ലെ യേശു​വും നീതിയെ സ്‌നേ​ഹി​ക്കു​ക​യും അനീതി​യെ വെറു​ക്കു​ക​യും ചെയ്യുന്നു. ഭൂമി​യി​ലാ​യി​രു​ന്ന​പ്പോൾ യേശു ഒരിക്കൽ ശോഷിച്ച കൈയുള്ള ഒരാളെ കണ്ടു. അനുകമ്പ തോന്നിയ യേശു അദ്ദേഹത്തെ സുഖ​പ്പെ​ടു​ത്താൻ ആഗ്രഹി​ച്ചു. എന്നാൽ അതി​നോ​ടു മതനേ​താ​ക്ക​ന്മാർ എങ്ങനെ​യാണ്‌ പ്രതി​ക​രി​ച്ചത്‌? അവർക്കു ദേഷ്യം വന്നു. യേശു ശബത്തു​നി​യമം ലംഘി​ക്കു​ന്നു എന്നതാ​യി​രു​ന്നു അവരുടെ പ്രശ്‌നം. ആ വ്യക്തി​യു​ടെ രോഗ​മോ ബുദ്ധി​മു​ട്ടു​ക​ളോ ഒന്നും അവർ കാര്യ​മാ​ക്കി​യതേ ഇല്ല. അവരുടെ ഈ പ്രതി​ക​രണം കണ്ടപ്പോൾ യേശു​വിന്‌ എന്താണ്‌ തോന്നി​യത്‌? മതനേ​താ​ക്ക​ന്മാ​രു​ടെ “ഹൃദയ​കാ​ഠി​ന്യ​ത്തിൽ യേശു​വി​ന്റെ മനസ്സു നൊന്തു.”—മർക്കോ. 3:1-6.

5. അനീതി കാണു​മ്പോൾ നമുക്ക്‌ ദേഷ്യം തോന്നി​യേ​ക്കാ​മെ​ങ്കി​ലും എന്ത്‌ ഓർക്കണം?

⁵ അനീതി കണ്ടപ്പോൾ യഹോ​വ​യ്‌ക്കും യേശു​വി​നും ദേഷ്യം തോന്നി. അതു​കൊണ്ട്‌ നമുക്കും അങ്ങനെ തോന്നി​യാൽ തെറ്റു പറയാ​നാ​കില്ല. (എഫെ. 4:26) എങ്കിലും നമ്മുടെ ദേഷ്യം​കൊണ്ട്‌ അനീതി മാറ്റാൻ കഴിയില്ല എന്നു നമ്മൾ ഓർക്കണം. ശരിക്കും പറഞ്ഞാൽ ദേഷ്യം വെച്ചു​കൊ​ണ്ടി​രി​ക്കു​ന്നെ​ങ്കിൽ നമുക്ക്‌ ശാരീ​രി​ക​വും മാനസി​ക​വും ആയ പല പ്രശ്‌ന​ങ്ങ​ളും ഉണ്ടാ​യേ​ക്കാം. (സങ്കീ. 37:1, 8; യാക്കോ. 1:20) അങ്ങനെ​യെ​ങ്കിൽ അനീതി കാണു​മ്പോൾ നമ്മൾ എന്താണ്‌ ചെയ്യേ​ണ്ടത്‌? യേശു​വി​ന്റെ മാതൃ​ക​യിൽനിന്ന്‌ അതു നമുക്കു പഠിക്കാ​നാ​കും.

യേശു അനീതി​യോ​ടു പ്രതി​ക​രിച്ച വിധം

6. യേശു ഭൂമി​യി​ലാ​യി​രു​ന്ന​പ്പോൾ ഏതെല്ലാം അനീതി​കൾ നേരിൽക്കണ്ടു? (ചിത്ര​വും കാണുക.)

⁶ ഭൂമി​യി​ലാ​യി​രു​ന്ന​പ്പോൾ ഒരുപാട്‌ ആളുകൾ അനീതി നേരി​ടു​ന്നതു യേശു നേരി​ട്ടു​കണ്ടു. മതനേ​താ​ക്ക​ന്മാർ സാധാ​ര​ണ​ക്കാ​രെ അടിച്ച​മർത്തി​യി​രു​ന്നു. (മത്താ. 23:2-4) റോമൻ അധികാ​രി​കൾ ആളുക​ളോ​ടു ക്രൂര​മാ​യാണ്‌ ഇടപെ​ട്ടി​രു​ന്നത്‌. അതു​കൊ​ണ്ടു​തന്നെ അവരിൽനിന്ന്‌ സ്വാത​ന്ത്ര്യം നേടാൻ പല ജൂതന്മാ​രും ആഗ്രഹി​ച്ചു. ജൂതമത തീവ്ര​വാ​ദി​ക​ളെ​പ്പോ​ലുള്ള ചിലർ അതിനു​വേണ്ടി പോരാ​ടാൻപോ​ലും തയ്യാറാ​യി​രു​ന്നു. പക്ഷേ യേശു സാമൂ​ഹി​ക​പ​രി​ഷ്‌കാ​രങ്ങൾ വരുത്തു​ന്ന​തി​നാ​യി മുൻ​കൈ​യെ​ടു​ക്കു​ക​യോ അത്തരം കൂട്ടങ്ങളെ പിന്തു​ണ​യ്‌ക്കു​ക​യോ ചെയ്‌തില്ല. ആളുകൾ തന്നെ രാജാ​വാ​ക്കാൻ ശ്രമി​ച്ച​പ്പോൾ യേശു അവി​ടെ​നിന്ന്‌ മാറി​പ്പോ​കു​ക​യാണ്‌ ചെയ്‌തത്‌.—യോഹ. 6:15.

7-8. ഭൂമി​യി​ലാ​യി​രു​ന്ന​പ്പോൾ അനീതി നീക്കി​ക്ക​ള​യാൻ യേശു ശ്രമി​ക്കാ​തി​രു​ന്നത്‌ എന്തു​കൊണ്ട്‌? (യോഹ​ന്നാൻ 18:36)

⁷ ഭൂമി​യി​ലാ​യി​രു​ന്ന​പ്പോൾ രാഷ്‌ട്രീ​യ​ത്തിൽ ഉൾപ്പെ​ട്ടു​കൊണ്ട്‌ അന്നുള്ള അനീതി മാറ്റാൻ യേശു ശ്രമി​ച്ചില്ല. എന്തു​കൊണ്ട്‌? കാരണം തങ്ങളെ​ത്തന്നെ ഭരിക്കാ​നുള്ള അവകാ​ശ​മോ കഴിവോ മനുഷ്യർക്കി​ല്ലെന്നു യേശു​വിന്‌ അറിയാ​മാ​യി​രു​ന്നു. (സങ്കീ. 146:3; യിരെ. 10:23) അതു​പോ​ലെ അനീതി​യു​ടെ അടിസ്ഥാ​ന​കാ​ര​ണങ്ങൾ ഇല്ലാതാ​ക്കാ​നും മനുഷ്യർക്കു കഴിയില്ല. എന്തൊ​ക്കെ​യാണ്‌ ആ കാരണങ്ങൾ? ഒന്ന്‌, ഈ ഭൂമിയെ ഭരിക്കു​ന്നതു പിശാ​ചായ സാത്താ​നാണ്‌. തന്റെ അധികാ​രം ഉപയോ​ഗി​ച്ചു​കൊണ്ട്‌, അനീതി കാണി​ക്കാൻ ആളുകളെ പ്രേരി​പ്പി​ക്കുന്ന ക്രൂര​നായ ഒരു ആത്മവ്യ​ക്തി​യാണ്‌ അവൻ. (യോഹ. 8:44; എഫെ. 2:2) രണ്ടാമത്തെ കാരണം, നമ്മുടെ അപൂർണ​ത​യാണ്‌. നല്ലതു ചെയ്യാൻ ആഗ്രഹി​ക്കുന്ന ആളുകൾക്കു​പോ​ലും എപ്പോ​ഴും നീതി​യോ​ടെ പ്രവർത്തി​ക്കാൻ കഴിയാ​തെ​വ​രു​ന്നു.—സഭാ. 7:20.

⁸ അനീതി​യു​ടെ അടിസ്ഥാ​ന​കാ​ര​ണങ്ങൾ പൂർണ​മാ​യും ഇല്ലാതാ​ക്കാൻ ദൈവ​രാ​ജ്യ​ത്തി​നു മാത്രമേ കഴിയൂ എന്ന്‌ യേശു​വിന്‌ അറിയാ​മാ​യി​രു​ന്നു. അതു​കൊ​ണ്ടു​തന്നെ യേശു തന്റെ സമയവും ഊർജ​വും ഉപയോ​ഗി​ച്ചതു ‘ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത അറിയി​ക്കാ​നാ​യി​രു​ന്നു.’ (ലൂക്കോ. 8:1) അഴിമ​തി​യും അനീതി​യും അവസാ​നി​ക്കു​മെന്നു ‘നീതി​ക്കാ​യി വിശക്കു​ക​യും ദാഹി​ക്കു​ക​യും ചെയ്യു​ന്ന​വർക്ക്‌’ യേശു ഉറപ്പു​കൊ​ടു​ത്തു. (മത്താ. 5:6, പഠനക്കു​റിപ്പ്‌; ലൂക്കോ. 18:7, 8) എന്നാൽ അതു സാധ്യ​മാ​കു​ന്നതു മനുഷ്യ​രു​ടെ സാമൂ​ഹിക പരിഷ്‌ക​ര​ണ​ങ്ങ​ളി​ലൂ​ടെ ആയിരി​ക്കില്ല, പകരം ‘ഈ ലോക​ത്തി​ന്റെ ഭാഗമ​ല്ലാത്ത’ ദൈവ​ത്തി​ന്റെ സ്വർഗീ​യ​ഗ​വൺമെ​ന്റി​ലൂ​ടെ ആയിരി​ക്കും.—യോഹ​ന്നാൻ 18:36 വായി​ക്കുക.

അനീതി കാണു​മ്പോൾ യേശു​വി​നെ അനുക​രി​ക്കു​ക

9. ദൈവ​രാ​ജ്യ​ത്തി​നു മാത്രമേ അനീതി പൂർണ​മാ​യും ഇല്ലാതാ​ക്കാൻ കഴിയൂ എന്നു നിങ്ങൾ വിശ്വ​സി​ക്കു​ന്നത്‌ എന്തു​കൊണ്ട്‌?

⁹ യേശു ഭൂമി​യി​ലാ​യി​രു​ന്ന​പ്പോൾ ഉണ്ടായി​രു​ന്ന​തി​നെ​ക്കാൾ അനീതി ഇന്നുണ്ട്‌. എന്നാൽ ഈ ‘അവസാ​ന​കാ​ല​ത്തും’ അനീതി​യു​ടെ കാരണ​ങ്ങൾക്കു മാറ്റമില്ല. സാത്താ​നും അവന്റെ കീഴി​ലുള്ള അപൂർണ​മ​നു​ഷ്യ​രും ആണ്‌ അത്‌. (2 തിമൊ. 3:1-5, 13; വെളി. 12:12) അനീതി​യു​ടെ ഈ അടിസ്ഥാ​ന​കാ​ര​ണ​ങ്ങൾക്കുള്ള ഏക പരിഹാ​രം ദൈവ​രാ​ജ്യ​മാ​ണെന്നു യേശു​വി​നെ​പ്പോ​ലെ നമുക്കും ഉറച്ച ബോധ്യ​മുണ്ട്‌. അതു​കൊണ്ട്‌ നമ്മൾ ദൈവ​രാ​ജ്യ​ത്തെ പൂർണ​മാ​യും പിന്തു​ണ​യ്‌ക്കു​ന്നു. ഈ ലോക​ത്തി​ലെ പ്രതി​ഷേ​ധ​പ്ര​ക​ട​ന​ങ്ങ​ളി​ലും ജാഥക​ളി​ലും അനീതി ഇല്ലാതാ​ക്കാ​നുള്ള മറ്റു ശ്രമങ്ങ​ളി​ലും ഒന്നും നമ്മൾ ഉൾപ്പെ​ടു​ന്നില്ല. സ്റ്റേയ്‌സിa എന്ന സഹോ​ദ​രി​യു​ടെ അനുഭവം നോക്കാം. സത്യം പഠിക്കു​ന്ന​തി​നു മുമ്പ്‌ സ്റ്റേയ്‌സി സാമൂ​ഹിക പരിഷ്‌ക​ര​ണ​ത്തി​നാ​യുള്ള പ്രവർത്ത​ന​ങ്ങ​ളിൽ പതിവാ​യി ഉൾപ്പെ​ട്ടി​രു​ന്നു. എങ്കിലും താൻ ചെയ്യു​ന്നത്‌ ശരിക്കും ആളുകൾക്ക്‌ പ്രയോ​ജ​ന​പ്പെ​ടു​ന്നു​ണ്ടോ എന്ന്‌ സ്റ്റേയ്‌സി സംശയി​ക്കാൻ തുടങ്ങി. സഹോ​ദരി പറയുന്നു: “പ്രതി​ഷേധ പ്രകട​ന​ങ്ങ​ളിൽ ആയിരി​ക്കു​മ്പോൾ ഞാൻ ശരിയായ പക്ഷത്താ​ണോ എന്നു ചിന്തി​ക്കു​മാ​യി​രു​ന്നു. എന്നാൽ ഇപ്പോൾ ദൈവ​രാ​ജ്യ​ത്തെ പിന്തു​ണ​യ്‌ക്കു​ന്ന​തു​കൊണ്ട്‌ ഞാൻ ശരിയായ പക്ഷത്താ​ണെന്ന്‌ എനിക്ക​റി​യാം. അനീതിക്ക്‌ ഇരയാ​കുന്ന എല്ലാവർക്കും​വേണ്ടി എന്നെക്കാൾ എത്രയോ നന്നായി യഹോവ പോരാ​ടും.”—സങ്കീ. 72:1, 4.

10. ഇന്നത്തെ സാമൂ​ഹി​ക​പ​രി​ഷ്‌കരണ പ്രസ്ഥാ​നങ്ങൾ മത്തായി 5:43-48-ൽ കാണുന്ന യേശു​വി​ന്റെ പഠിപ്പി​ക്ക​ലു​കൾക്ക്‌ എതിരാ​യി​രി​ക്കു​ന്നത്‌ എങ്ങനെ? (ചിത്ര​വും കാണുക.)

¹⁰ സമൂഹ​ത്തിൽ മാറ്റങ്ങൾ വരുത്താൻ ഇന്ന്‌ കുറെ ആളുകൾ സാമൂ​ഹി​ക​പ​രി​ഷ്‌കരണ പ്രസ്ഥാ​ന​ങ്ങ​ളിൽ ചേരുന്നു. പക്ഷേ അതിൽ പങ്കെടു​ക്കു​ന്നവർ മിക്ക​പ്പോ​ഴും വളരെ​യ​ധി​കം ദേഷ്യ​പ്പെ​ടു​ക​യും നിയമങ്ങൾ ലംഘി​ക്കു​ക​യും മറ്റുള്ള​വരെ ഉപദ്ര​വി​ക്കു​ക​യും ഒക്കെ ചെയ്യുന്നു. എന്നാൽ അത്‌ യേശു​വി​ന്റെ പഠിപ്പി​ക്ക​ലു​ക​ളു​മാ​യി ചേർച്ച​യി​ലല്ല. (എഫെ. 4:31) ജെഫ്രി എന്ന സഹോ​ദരൻ ഇങ്ങനെ​യാണ്‌ പറയു​ന്നത്‌: “കാഴ്‌ച​യിൽ സമാധാ​ന​പ​ര​മെന്നു തോന്നുന്ന പ്രതി​ഷേ​ധ​പ്ര​ക​ട​നങ്ങൾ നിമി​ഷ​ങ്ങൾക്കൊ​ണ്ടാ​യി​രി​ക്കും അക്രമ​ത്തി​ലേ​ക്കും കൊള്ള​യ​ടി​യി​ലേ​ക്കും ഒക്കെ മാറു​ന്നത്‌.” എന്നാൽ യേശു പഠിപ്പി​ച്ചത്‌ എല്ലാ ആളുക​ളെ​യും സ്‌നേ​ഹി​ക്കാ​നാണ്‌. അതിൽ നമ്മളോ​ടു യോജി​ക്കാ​ത്ത​വ​രും നമ്മളെ ഉപദ്ര​വി​ക്കു​ന്ന​വ​രും ഉൾപ്പെ​ടു​ന്നു. (മത്തായി 5:43-48 വായി​ക്കുക.) ക്രിസ്‌ത്യാ​നി​ക​ളായ നമ്മൾ യേശു​വി​ന്റെ മാതൃക അനുക​രി​ക്കാ​നാ​ണു പരമാ​വധി ശ്രമി​ക്കു​ന്നത്‌.

11. ഏതു സാഹച​ര്യ​ത്തിൽ യേശു​വി​നെ അനുക​രി​ക്കു​ന്നതു നമുക്കു ബുദ്ധി​മു​ട്ടാ​യി തോന്നി​യേ​ക്കാം?

¹¹ ദൈവ​രാ​ജ്യം എല്ലാ അനീതി​യും ഇല്ലാതാ​ക്കു​മെന്നു നമുക്ക്‌ അറിയാം. എങ്കിലും നമുക്കു വ്യക്തി​പ​ര​മാ​യി അനീതി നേരി​ടേണ്ടി വരു​മ്പോൾ യേശു​വി​നെ അനുക​രി​ക്കാൻ ബുദ്ധി​മുട്ട്‌ തോന്നി​യേ​ക്കാം. ജനിയ സഹോ​ദ​രിക്ക്‌ അതാണു സംഭവി​ച്ചത്‌. ജനിയ​യ്‌ക്കു നിറത്തി​ന്റെ പേരിൽ മോശ​മായ പെരു​മാ​റ്റം നേരി​ടേ​ണ്ടി​വന്നു. സഹോ​ദരി പറയുന്നു: “എനിക്കു വല്ലാത്ത സങ്കടവും ദേഷ്യ​വും വന്നു. ഈ അനീതി​ക്കെ​തി​രെ പ്രതി​ക​രി​ക്ക​ണ​മെന്ന്‌ എനിക്കു തോന്നി. അങ്ങനെ ഞാൻ വർഗവി​വേ​ച​ന​ത്തി​നെ​തി​രെ പോരാ​ടുന്ന ഒരു പ്രസ്ഥാ​നത്തെ പിന്തു​ണ​ച്ചാ​ലോ എന്നു ചിന്തിച്ചു. അതിലൂ​ടെ ആശ്വാസം കിട്ടു​മെന്ന്‌ എനിക്കു തോന്നി.” പക്ഷേ കുറച്ച്‌ കഴിഞ്ഞ​പ്പോൾ തന്റെ ചിന്തകൾക്കു മാറ്റം വരു​ത്തേ​ണ്ട​തു​ണ്ടെന്നു സഹോ​ദരി മനസ്സി​ലാ​ക്കി. സഹോ​ദരി ഇങ്ങനെ തുടരു​ന്നു: “ഞാൻ എന്റെ ചിന്തകളെ സ്വാധീ​നി​ക്കാൻ മറ്റുള്ള​വരെ അനുവ​ദി​ക്കു​ക​യാ​യി​രു​ന്നു. യഹോ​വ​യിൽ ആശ്രയി​ക്കു​ന്ന​തി​നു പകരം മനുഷ്യ​രി​ലും അവർ പറയുന്ന കാര്യ​ങ്ങ​ളി​ലു​മാ​യി​രു​ന്നു ഞാൻ ആശ്രയി​ച്ചത്‌. ആ പ്രസ്ഥാ​ന​ത്തി​ലെ ആളുക​ളു​മാ​യുള്ള സഹവാസം പൂർണ​മാ​യും നിറു​ത്താൻ ഞാൻ തീരു​മാ​നി​ച്ചു.” അനീതി നേരി​ടു​മ്പോൾ നമു​ക്കെ​ല്ലാം ദേഷ്യം തോന്നി​യേ​ക്കാം. എന്നാൽ അതു കാരണം രാഷ്‌ട്രീയ-സാമൂ​ഹിക പ്രശ്‌ന​ങ്ങ​ളിൽ നിഷ്‌പ​ക്ഷ​രാ​യി​രി​ക്കാ​നുള്ള നമ്മുടെ തീരു​മാ​ന​ത്തിൽ വിട്ടു​വീഴ്‌ച കാണി​ക്ക​രുത്‌.—യോഹ. 15:19.

12. നമ്മൾ എന്തു വായി​ക്കു​ന്നു, കാണുന്നു, കേൾക്കു​ന്നു എന്ന കാര്യ​ത്തിൽ ജാഗ്രത വേണ്ടത്‌ എന്തു​കൊണ്ട്‌?

¹² അനീതി കാരണം ദേഷ്യം തോന്നു​ന്നു​ണ്ടെ​ങ്കിൽ അതു നിയ​ന്ത്രി​ക്കാൻ നമ്മളെ എന്തു സഹായി​ക്കും? നമ്മൾ എന്തൊക്കെ വായി​ക്കു​ന്നു, കേൾക്കു​ന്നു, കാണുന്നു എന്ന കാര്യ​ത്തിൽ ശ്രദ്ധി​ക്കു​ന്നത്‌ പലർക്കും പ്രയോ​ജനം ചെയ്‌തി​ട്ടുണ്ട്‌. അനീതി​യെ​ക്കു​റി​ച്ചുള്ള സോഷ്യൽ മീഡിയ പോസ്റ്റു​കൾ പലപ്പോ​ഴും വിവരങ്ങൾ പെരു​പ്പിച്ച്‌ കാണി​ക്കു​ന്ന​വ​യാ​യി​രി​ക്കും. ആളുകളെ ഞെട്ടി​ക്കാ​നോ ചില സാമൂ​ഹി​ക​പ​രി​ഷ്‌കരണ പ്രസ്ഥാ​ന​ങ്ങളെ ഉയർത്തി​ക്കൊ​ണ്ടു​വ​രാ​നോ വേണ്ടി​യാ​യി​രി​ക്കാം അവർ അങ്ങനെ ചെയ്യു​ന്നത്‌. അതു​പോ​ലെ വാർത്താ​മാ​ധ്യ​മങ്ങൾ മിക്ക​പ്പോ​ഴും ഏതെങ്കി​ലും പക്ഷം പിടി​ച്ചു​കൊ​ണ്ടാ​യി​രി​ക്കാം പല വാർത്ത​ക​ളും റിപ്പോർട്ട്‌ ചെയ്യു​ന്നത്‌. ഇനി നമ്മൾ കേൾക്കുന്ന വാർത്തകൾ സത്യമാ​ണെ​ങ്കിൽത്തന്നെ, എപ്പോ​ഴും അതു ശ്രദ്ധി​ച്ചു​കൊ​ണ്ടി​രി​ക്കു​ന്നതു പ്രയോ​ജനം ചെയ്യു​മോ? ഇത്തരം വിവരങ്ങൾ ഒരുപാ​ടു സമയം വായി​ക്കു​ക​യോ കേൾക്കു​ക​യോ ചെയ്യു​ന്നെ​ങ്കിൽ നമ്മൾ കൂടുതൽ അസ്വസ്ഥ​രാ​കാ​നോ നിരു​ത്സാ​ഹ​പ്പെ​ട്ടു​പോ​കാ​നോ ഇടയുണ്ട്‌. (സുഭാ. 24:10) അതു​പോ​ലെ അനീതി​യു​ടെ​യെ​ല്ലാം ഏകപരി​ഹാ​ര​മായ ദൈവ​രാ​ജ്യ​ത്തിൽനിന്ന്‌ നമ്മുടെ ശ്രദ്ധ മാറി​പ്പോ​കാൻപോ​ലും അത്‌ കാരണ​മാ​യേ​ക്കാം.

13. ദിവസ​വും ബൈബിൾ വായി​ക്കു​ന്നത്‌ അനീതി​യെ​ക്കു​റിച്ച്‌ ശരിയായ ഒരു മനോ​ഭാ​വം നിലനി​റു​ത്താൻ നമ്മളെ സഹായി​ക്കു​ന്നത്‌ എങ്ങനെ?

¹³ ദിവസ​വും ബൈബിൾ വായി​ക്കു​ക​യും അതെക്കു​റിച്ച്‌ ആഴത്തിൽ ചിന്തി​ക്കു​ക​യും ചെയ്യു​ന്നത്‌ അനീതി നേരി​ടു​മ്പോൾ എന്തു ചെയ്യണ​മെന്നു മനസ്സി​ലാ​ക്കാൻ നമ്മളെ സഹായി​ക്കും. ആലിയ സഹോ​ദ​രി​യു​ടെ അനുഭവം നോക്കാം. തന്റെ പ്രദേ​ശ​ത്തുള്ള ആളുകൾക്ക്‌ മോശം പെരു​മാ​റ്റം നേരി​ടേ​ണ്ടി​വ​രു​ന്നതു കണ്ടപ്പോൾ സഹോ​ദ​രി​ക്കു സങ്കടമാ​യി. മോശ​മാ​യി പെരു​മാ​റി​യ​വരെ ശിക്ഷി​ക്കു​ന്നി​ല്ലെ​ന്നു​കൂ​ടി കണ്ടപ്പോൾ ആലിയ​യ്‌ക്കു വല്ലാത്ത ദേഷ്യ​വും തോന്നി. സഹോ​ദരി പറയുന്നു: “ഞാൻ ഒന്നിരുന്ന്‌ ഇങ്ങനെ ചിന്തി​ക്ക​ണ​മാ​യി​രു​ന്നു. യഹോവ ഈ പ്രശ്‌ന​ങ്ങ​ളൊ​ക്കെ പൂർണ​മാ​യും ഇല്ലാതാ​ക്കു​മെന്നു ഞാൻ ശരിക്കും വിശ്വ​സി​ക്കു​ന്നു​ണ്ടോ? ആ സമയത്താണ്‌ ഞാൻ ഇയ്യോബ്‌ 34:22-29 വായി​ച്ചത്‌. യഹോ​വ​യു​ടെ കണ്ണിൽനിന്ന്‌ ആർക്കും മറഞ്ഞി​രി​ക്കാൻ ആകി​ല്ലെന്ന്‌ ആ വാക്യങ്ങൾ എന്നെ ഓർമ​പ്പെ​ടു​ത്തി. ഏറ്റവും ഉന്നതമായ നീതി​ബോ​ധ​മു​ള്ളത്‌ യഹോ​വ​യ്‌ക്കാണ്‌. ഇതെല്ലാം പൂർണ​മാ​യി പരിഹ​രി​ക്കാ​നും യഹോ​വ​യ്‌ക്കു മാത്രമേ പറ്റൂ.” എങ്കിലും ദൈവ​രാ​ജ്യം പൂർണ​മായ നീതി കൊണ്ടു​വ​രു​ന്ന​തു​വരെ നമു​ക്കെ​ല്ലാം അനീതി നേരി​ടേ​ണ്ടി​വ​രും. അതുവരെ നമുക്കു ചെയ്യാ​നാ​കുന്ന എന്തെങ്കി​ലു​മു​ണ്ടോ?

ഇപ്പോൾ നമുക്കു ചെയ്യാ​നാ​കു​ന്നത്‌

14. അനീതി നിറഞ്ഞ ഈ ലോകത്ത്‌ നമുക്ക്‌ ഇപ്പോൾ ചെയ്യാ​നാ​കുന്ന ഒരു കാര്യം എന്താണ്‌? (കൊ​ലോ​സ്യർ 3:10, 11)

¹⁴ മറ്റുള്ളവർ അനീതി കാണി​ക്കു​ന്നത്‌ നമുക്കു തടയാ​നാ​കി​ല്ലെ​ങ്കി​ലും നമ്മൾ എങ്ങനെ പെരു​മാ​റ​ണ​മെ​ന്നതു നമുക്കു തീരു​മാ​നി​ക്കാ​നാ​കും. മുമ്പു ചർച്ച ചെയ്‌ത​തു​പോ​ലെ നമ്മൾ യേശു​വി​നെ അനുക​രി​ച്ചു​കൊണ്ട്‌ ആളുക​ളോ​ടു സ്‌നേഹം കാണി​ക്കും. ആ സ്‌നേഹം എല്ലാവ​രോ​ടും, നമ്മളോട്‌ അനീതി​യോ​ടെ പെരു​മാ​റു​ന്ന​വ​രോ​ടു​പോ​ലും ബഹുമാ​ന​ത്തോ​ടെ ഇടപെ​ടാൻ നമ്മളെ പ്രേരി​പ്പി​ക്കും. (മത്താ. 7:12; റോമ. 12:17) ഈ രീതി​യിൽ മറ്റുള്ള​വ​രോ​ടു ദയയോ​ടെ​യും നീതി​യോ​ടെ​യും ഇടപെ​ടു​ന്നെ​ങ്കിൽ അത്‌ യഹോ​വയെ സന്തോ​ഷി​പ്പി​ക്കും.—കൊ​ലോ​സ്യർ 3:10, 11 വായി​ക്കുക.

15. അനീതി​യോ​ടു പ്രതി​ക​രി​ക്കാ​നാ​കുന്ന ഏറ്റവും നല്ല വിധം ബൈബിൾസ​ത്യം അറിയി​ക്കു​ന്ന​താ​ണെന്നു പറയു​ന്നത്‌ എന്തു​കൊണ്ട്‌?

¹⁵ നമുക്ക്‌ അനീതി​യോ​ടു പ്രതി​ക​രി​ക്കാൻ കഴിയുന്ന ഏറ്റവും നല്ല വിധം ആളുകളെ ബൈബിൾസ​ത്യം അറിയി​ക്കു​ന്ന​താണ്‌. എന്തു​കൊ​ണ്ടാണ്‌ അങ്ങനെ പറയു​ന്നത്‌? കാരണം ‘യഹോ​വ​യു​ടെ പരിജ്ഞാ​ന​ത്തിന്‌’ ആളുക​ളിൽ വലിയ മാറ്റങ്ങൾ വരുത്താ​നാ​കും. മുമ്പ്‌ അക്രമാ​സ​ക്ത​രും ക്രൂര​രും ആയിരുന്ന ആളുകൾ ബൈബിൾ പഠിച്ച്‌ ദയയു​ള്ള​വ​രും സമാധാ​നത്തെ സ്‌നേ​ഹി​ക്കു​ന്ന​വ​രും ആയിട്ടുണ്ട്‌. (യശ. 11:6, 7, 9) അങ്ങനെ ഒരാളാണ്‌ ജമാൽ. ഗവൺമെന്റ്‌ ജനങ്ങളെ അടിച്ച​മർത്തു​ന്നെന്നു തോന്നി​യ​തു​കൊണ്ട്‌ ആ ഗവൺമെ​ന്റി​നെ താഴെ​യി​റ​ക്കാൻ പോരാ​ടുന്ന ഒരു കൂട്ട​ത്തോ​ടൊ​പ്പം ജമാൽ ചേർന്നു. അദ്ദേഹം പറയുന്നു: “പോരാ​ട്ടം​കൊണ്ട്‌ ആളുക​ളിൽ മാറ്റം വരുത്താൻ കഴിയില്ല. ബൈബിൾസ​ത്യ​ത്തി​നു മാത്രമേ ആളുകളെ മാറ്റാ​നാ​കൂ. ഞാൻ മാറി​യത്‌ അങ്ങനെ​യാണ്‌.” അക്രമ​ത്തി​ന്റെ പാതയിൽനിന്ന്‌ വിട്ടു​പോ​രാൻ ബൈബിൾ പഠിച്ചത്‌ അദ്ദേഹത്തെ സഹായി​ച്ചു. എത്രയ​ധി​കം ആളുകൾ ബൈബിൾ പഠിച്ച്‌ മാറ്റം വരുത്തു​ന്നോ അത്രയും ആളുക​ളെ​ങ്കി​ലും അനീതി ചെയ്യു​ന്നതു നിറു​ത്തു​മ​ല്ലോ!

16. ദൈവ​രാ​ജ്യ​ത്തെ​ക്കു​റിച്ച്‌ മറ്റുള്ള​വ​രോ​ടു സംസാ​രി​ക്കാൻ നിങ്ങൾക്കു തോന്നു​ന്നത്‌ എന്തു​കൊ​ണ്ടാണ്‌?

¹⁶ അനീതി എന്നേക്കു​മാ​യി ഇല്ലാതാ​ക്കാൻ ദൈവ​രാ​ജ്യ​ത്തി​നു മാത്രമേ കഴിയൂ എന്ന സന്ദേശം ആളുകളെ അറിയി​ക്കാൻ യേശു​വി​നെ​പ്പോ​ലെ നമ്മളും ആഗ്രഹി​ക്കു​ന്നു. അനീതിക്ക്‌ ഇരയാ​യ​വർക്ക്‌ ആ പ്രത്യാശ വലിയ ആശ്വാസം നൽകും. (യിരെ. 29:11) മുമ്പു കണ്ട സ്റ്റേയ്‌സി പറയുന്നു: “അനീതി കാണു​ക​യും അനുഭ​വി​ക്കു​ക​യും ചെയ്‌ത സമയത്ത്‌ പിടി​ച്ചു​നിൽക്കാൻ ബൈബിൾ പഠിച്ചത്‌ എന്നെ സഹായി​ച്ചു. ബൈബിൾ സന്ദേശ​ത്തി​ലൂ​ടെ യഹോവ ആളുകളെ ആശ്വസി​പ്പി​ക്കു​ക​യാണ്‌.” അനീതി പരിഹ​രി​ക്ക​പ്പെ​ടു​മെന്ന ആശ്വാ​സ​ക​ര​മായ ഈ സന്ദേശം ആളുകളെ അറിയി​ക്കാൻ നമ്മൾ മുന്നമേ ഒരുങ്ങി​യി​രി​ക്കേണ്ട ആവശ്യ​മുണ്ട്‌. ഈ ലേഖന​ത്തിൽ നമ്മൾ പഠിച്ച തിരു​വെ​ഴുത്ത്‌ സത്യങ്ങ​ളെ​ക്കു​റിച്ച്‌ നമുക്ക്‌ എത്ര​ത്തോ​ളം ബോധ്യ​മു​ണ്ടോ അത്ര​ത്തോ​ളം നന്നായി, നയത്തോ​ടെ അതെക്കു​റിച്ച്‌ സ്‌കൂ​ളി​ലും ജോലി​സ്ഥ​ല​ത്തും ഒക്കെ സംസാ​രി​ക്കാൻ നമുക്കു കഴിയും.b

17. ഇപ്പോ​ഴുള്ള അനീതി സഹിച്ചു​നിൽക്കാൻ യഹോവ നമ്മളെ സഹായി​ക്കു​ന്നത്‌ എങ്ങനെ​യാണ്‌?

¹⁷ സാത്താൻ ‘ഈ ലോക​ത്തി​ന്റെ ഭരണാ​ധി​കാ​രി​യാ​യി’ ഉള്ളിട​ത്തോ​ളം നമ്മൾ അനീതി നേരി​ടേ​ണ്ടി​വ​രും. എന്നാൽ ഈ സമയങ്ങ​ളി​ലെ​ല്ലാം യഹോവ നമ്മളെ സഹായി​ക്കു​മെ​ന്നും സാത്താനെ അവന്റെ ഭരണത്തിൽനിന്ന്‌ ‘തള്ളിക്ക​ള​യു​മെ​ന്നും’ നമുക്ക്‌ ഉറപ്പു തന്നിട്ടുണ്ട്‌. (യോഹ. 12:31) തിരു​വെ​ഴു​ത്തു​ക​ളി​ലൂ​ടെ അനീതി​യു​ടെ കാരണം മാത്രമല്ല അനീതി സഹി​ക്കേ​ണ്ടി​വ​രു​ന്ന​വ​രു​ടെ അവസ്ഥ​യെ​ക്കു​റിച്ച്‌ തനിക്ക്‌ എന്താണ്‌ തോന്നു​ന്ന​തെ​ന്നും യഹോവ വെളി​പ്പെ​ടു​ത്തി​യി​രി​ക്കു​ന്നു. (സങ്കീ. 34:17-19) അതു​പോ​ലെ അനീതി നേരി​ടു​മ്പോൾ നമ്മൾ എങ്ങനെ പ്രതി​ക​രി​ക്ക​ണ​മെ​ന്നും എല്ലാ അനീതി​യും ദൈവ​രാ​ജ്യ​ത്തി​ലൂ​ടെ എങ്ങനെ​യാണ്‌ എന്നേക്കു​മാ​യി മാറ്റാൻ പോകു​ന്ന​തെ​ന്നും തന്റെ പുത്ര​നി​ലൂ​ടെ യഹോവ നമ്മളെ പഠിപ്പി​ക്കു​ന്നു. (2 പത്രോ. 3:13) ഭൂമി മുഴുവൻ ‘നീതി​യും ന്യായ​വും’ കളിയാ​ടുന്ന സമയത്തി​നാ​യി നമ്മൾ കാത്തി​രി​ക്കു​ക​യാണ്‌. അതുവരെ ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത നമുക്കു തീക്ഷ്‌ണ​ത​യോ​ടെ പ്രസം​ഗി​ക്കാം.—യശ. 9:7.