യേശു “അനുസ​രണം പഠിച്ചു”

യേശു എന്നും യഹോ​വ​യോട്‌ അനുസ​ര​ണ​മു​ള്ള​വ​നാ​യി​രു​ന്നു. (യോഹ. 8:29) അങ്ങനെ​യെ​ങ്കിൽ എന്തു​കൊ​ണ്ടാണ്‌ “താൻ അനുഭ​വിച്ച കഷ്ടതക​ളി​ലൂ​ടെ ക്രിസ്‌തു അനുസ​രണം പഠിച്ചു” എന്നു ബൈബിൾ പറയു​ന്നത്‌?—എബ്രാ. 5:8.

യേശു സ്വർഗ​ത്തിൽ നേരി​ട്ടി​ട്ടി​ല്ലാത്ത സാഹച​ര്യ​ങ്ങ​ളാണ്‌ ഭൂമി​യി​ലാ​യി​രു​ന്ന​പ്പോൾ നേരി​ട്ടത്‌. ഉദാഹ​ര​ണ​ത്തിന്‌, യേശു​വി​നെ വളർത്തിയ മാതാ​പി​താ​ക്കൾ ദൈവ​ഭ​ക്തി​യു​ള്ളവർ ആയിരു​ന്നെ​ങ്കി​ലും അപൂർണ​രാ​യി​രു​ന്നു. (ലൂക്കോ. 2:51) ദുഷ്ടരായ മതനേ​താ​ക്ക​ന്മാ​രിൽനി​ന്നും അഴിമ​തി​ക്കാ​രായ അധികാ​രി​ക​ളിൽനി​ന്നും യേശു അനേകം ബുദ്ധി​മു​ട്ടു​കൾ നേരിട്ടു. (മത്താ. 26:59; മർക്കോ. 15:15) അവസാനം, വേദനാ​ക​ര​മായ ഒരു മരണവും യേശു​വിന്‌ ഏറ്റുവാ​ങ്ങേ​ണ്ടി​വന്നു. ബൈബിൾ പറയുന്നു: ‘ക്രിസ്‌തു തന്നെത്തന്നെ താഴ്‌ത്തി മരണ​ത്തോ​ളം അനുസ​ര​ണ​മു​ള്ള​വ​നാ​യി.’—ഫിലി. 2:8.

അങ്ങനെ ഭൂമി​യി​ലാ​യി​രി​ക്കെ പുതിയ ഒരു വിധത്തിൽ യേശു അനുസ​രണം പഠിച്ചു. അതിലൂ​ടെ യേശു​വിന്‌, പൂർണ​ത​യുള്ള ഒരു രാജാ​വും നമ്മളോ​ടു സഹതാപം തോന്നുന്ന ഒരു മഹാപു​രോ​ഹി​ത​നും ആയിത്തീ​രാൻ കഴിഞ്ഞു. (എബ്രാ. 4:15; 5:9) ഇങ്ങനെ കഷ്ടതക​ളി​ലൂ​ടെ അനുസ​രണം പഠിച്ച​പ്പോൾ യേശു​വിന്‌ യഹോ​വ​യു​ടെ മുമ്പാകെ ഉണ്ടായി​രുന്ന മൂല്യം വളരെ​യ​ധി​കം വർധിച്ചു. യേശു​വി​നെ നമുക്കും അനുക​രി​ക്കാ​നാ​കും. ബുദ്ധി​മുട്ട്‌ നിറഞ്ഞ സാഹച​ര്യ​ങ്ങ​ളി​ലും നമ്മൾ അനുസ​രണം കാണി​ക്കു​ന്നെ​ങ്കിൽ യഹോ​വ​യു​ടെ മുമ്പാ​കെ​യുള്ള നമ്മുടെ മൂല്യം കൂടും, ഭാവി​യിൽ ലഭി​ച്ചേ​ക്കാ​വുന്ന ഏതു നിയമ​ന​ത്തി​ലും യഹോ​വ​യ്‌ക്കു നമ്മളെ ഉപയോ​ഗി​ക്കാ​നു​മാ​കും.—യാക്കോ. 1:4.