പ്രായ​മാ​യ​വരേ, തുടർന്നും സന്തോ​ഷ​മു​ള്ള​വ​രാ​യി​രി​ക്കുക

1-2. പ്രായ​മായ തന്റെ വിശ്വ​സ്‌ത​ദാ​സരെ യഹോവ എങ്ങനെ​യാണ്‌ കാണു​ന്നത്‌? (സങ്കീർത്തനം 92:12-14; ചിത്ര​വും കാണുക.)

ആളുകൾ പ്രായ​മാ​കു​ന്ന​തി​നോ​ടു വ്യത്യ​സ്‌ത​രീ​തി​യി​ലാണ്‌ പ്രതി​ക​രി​ക്കു​ന്നത്‌. ചിലർ അതിനെ ബഹുമാ​നം നേടി​ത്ത​രുന്ന ഒരു കാര്യ​മാ​യി കണ്ടേക്കാം. എന്നാൽ മറ്റു ചിലർ തങ്ങൾക്കു പ്രായ​മാ​യെന്ന്‌ ആരും അറിയാ​തി​രി​ക്കാൻ ആഗ്രഹി​ക്കു​ന്നു. ഉദാഹ​ര​ണ​ത്തിന്‌, അവർ ചില​പ്പോൾ തലയിൽ ഒരു നരച്ച മുടി കണ്ടാൽ ഉടനെ അത്‌ പറിച്ചു​ക​ള​യാൻ ശ്രമി​ച്ചേ​ക്കാം. പക്ഷേ എന്തൊക്കെ ചെയ്‌താ​ലും പ്രായ​മാ​കു​ന്നതു തടയാൻ അവർക്ക്‌ ഒരിക്ക​ലും കഴിയില്ല എന്നതാണ്‌ വാസ്‌തവം.

² എങ്കിലും നമ്മുടെ സ്വർഗീ​യ​പി​താ​വായ യഹോവ പ്രായ​മാ​യ​വരെ കാണു​ന്നത്‌ വ്യത്യ​സ്‌ത​മായ ഒരു രീതി​യി​ലാണ്‌. (സുഭാ. 16:31) ദൈവം അവരെ തഴച്ചു​വ​ള​രുന്ന മരങ്ങ​ളോ​ടു താരത​മ്യ​പ്പെ​ടു​ത്തി​യി​രി​ക്കു​ന്നു. (സങ്കീർത്തനം 92:12-14 വായി​ക്കുക.) എന്തു​കൊണ്ട്‌? നിറയെ ഇലകളും പൂക്കളും ആയി നിൽക്കുന്ന പല മരങ്ങൾക്കും അനേകം വർഷങ്ങ​ളു​ടെ പ്രായ​മുണ്ട്‌. ഉദാഹ​ര​ണ​ത്തിന്‌, ജപ്പാനിൽ നല്ല ആയുസ്സുള്ള ഒരിനം മരം കാണാം. മനോ​ഹ​ര​മായ പൂക്കൾ നിറഞ്ഞു​നിൽക്കുന്ന ഈ മരങ്ങളിൽ ചിലതിന്‌ ആയിര​ത്തി​ലേറെ വർഷം പഴക്കമുണ്ട്‌. നമ്മുടെ ഇടയിലെ പ്രായ​മുള്ള വിശ്വ​സ്‌ത​രായ സഹോ​ദ​രങ്ങൾ യഹോ​വ​യു​ടെ കണ്ണിൽ മനോ​ഹ​ര​മായ ഈ വൃക്ഷങ്ങൾപോ​ലെ സൗന്ദര്യ​മു​ള്ള​വ​രാണ്‌. അവർ പുറമേ എങ്ങനെ​യാണ്‌ എന്നതല്ല, അവരുടെ സഹനശ​ക്തി​യും വിശ്വ​സ്‌ത​ത​യും പോലുള്ള ഗുണങ്ങ​ളും വർഷങ്ങ​ളോ​ളം തനിക്കു​വേണ്ടി ചെയ്‌ത സേവന​വും എല്ലാമാണ്‌ യഹോവ നോക്കു​ന്നത്‌.

3. തന്റെ ഉദ്ദേശ്യം നിവർത്തി​ക്കാൻ യഹോവ പ്രായ​മാ​യ​വരെ ഉപയോ​ഗി​ച്ച​തിന്‌ ഒരു ഉദാഹ​രണം പറയുക.

³ ഒരാൾക്കു നല്ല പ്രായ​മാ​യെന്നു കരുതി യഹോ​വ​യു​ടെ മുമ്പാകെ അയാളു​ടെ വില കുറയു​ന്നില്ല.a ശരിക്കും പറഞ്ഞാൽ തന്റെ ഉദ്ദേശ്യം നിവർത്തി​ക്കാ​നാ​യി യഹോവ പലപ്പോ​ഴും പ്രായ​മാ​യ​വരെ ഉപയോ​ഗി​ക്കു​ന്നുണ്ട്‌. ഉദാഹ​ര​ണ​ത്തിന്‌, സാറയ്‌ക്കു നല്ല പ്രായ​മായ ശേഷമാണ്‌ സാറ ഒരു ജനതയു​ടെ മാതാ​വും മിശി​ഹ​യു​ടെ പൂർവി​ക​യും ആയിത്തീ​രു​മെന്ന്‌ യഹോവ പറഞ്ഞത്‌. (ഉൽപ. 17:15-19) ഈജി​പ്‌റ്റിൽനിന്ന്‌ ഇസ്രാ​യേ​ല്യ​രെ വിടു​വി​ക്കാ​നുള്ള നിയമനം യഹോവ മോശ​യ്‌ക്കു കൊടു​ത്ത​പ്പോൾ അദ്ദേഹ​ത്തി​നും നല്ല പ്രായ​മു​ണ്ടാ​യി​രു​ന്നു. (പുറ. 7:6, 7) ഇനി യോഹ​ന്നാൻ അപ്പോ​സ്‌ത​ലന്റെ കാര്യ​മെ​ടു​ത്താൽ, വളരെ പ്രായ​മായ ശേഷമാണ്‌ ബൈബി​ളി​ലെ അഞ്ചു പുസ്‌ത​കങ്ങൾ എഴുതാൻ യഹോവ യോഹ​ന്നാ​നെ പ്രചോ​ദി​പ്പി​ച്ചത്‌.

4. സുഭാ​ഷി​തങ്ങൾ 15:15 അനുസ​രിച്ച്‌ തങ്ങളുടെ ബുദ്ധി​മു​ട്ടു​കൾ സഹിച്ചു​നിൽക്കാൻ പ്രായ​മാ​യ​വരെ എന്തു സഹായി​ക്കും? (ചിത്ര​വും കാണുക.)

⁴ പ്രായ​മാ​കു​മ്പോൾ ഒരാൾക്കു പല ബുദ്ധി​മു​ട്ടു​ക​ളും അനുഭ​വി​ക്കേ​ണ്ടി​വ​രും. ഒരു സഹോ​ദരി തമാശ​യാ​യി ഇങ്ങനെ പറഞ്ഞു: “പ്രായ​മാ​കുക എന്നതു ഭീരു​ക്കൾക്കു പറഞ്ഞി​ട്ടുള്ള ഒരു കാര്യമല്ല.” എന്നാൽ സന്തോഷത്തോടെയിരിക്കുന്നത്‌b വാർധ​ക്യ​ത്തി​ന്റെ ബുദ്ധി​മു​ട്ടു​കളെ നേരി​ടാൻ അവരെ സഹായി​ക്കും. (സുഭാ​ഷി​തങ്ങൾ 15:15 വായി​ക്കുക.) ഈ ലേഖന​ത്തിൽ, സന്തോ​ഷ​ത്തോ​ടെ​യി​രി​ക്കാൻ പ്രായ​മാ​യ​വർക്ക്‌ എന്തെല്ലാം ചെയ്യാ​മെന്നു നമ്മൾ ചർച്ച ചെയ്യും. അതു​പോ​ലെ സഹോ​ദ​ര​ങ്ങൾക്കു സഭയിലെ പ്രായ​മു​ള്ള​വരെ ഏതെല്ലാം രീതി​യിൽ സഹായി​ക്കാ​മെ​ന്നും നോക്കും. എന്നാൽ ആദ്യം, പ്രായ​മാ​കു​മ്പോൾ സന്തോഷം നിലനി​റു​ത്താൻ നമുക്കു ബുദ്ധി​മുട്ട്‌ തോന്നു​ന്നത്‌ എന്തു​കൊ​ണ്ടാ​ണെന്നു കാണാം.

സന്തോഷം നഷ്ടപ്പെ​ടു​ത്തി​യേ​ക്കാ​വുന്ന കാര്യങ്ങൾ

5. ഏതു കാര്യം പ്രായ​മാ​യ​വരെ വിഷമി​പ്പി​ച്ചേ​ക്കാം?

⁵ മുമ്പു ചെയ്‌തി​രു​ന്ന​തു​പോ​ലെ ഇഷ്ടമുള്ള കാര്യങ്ങൾ പലതും ചെയ്യാൻ പറ്റാതെ വരു​മ്പോൾ നിങ്ങൾക്കു ചില​പ്പോൾ നിരാശ തോന്നും. പണ്ടുണ്ടാ​യി​രുന്ന ആരോ​ഗ്യ​വും ഓജസ്സും തിരിച്ച്‌ കിട്ടി​യി​രു​ന്നെ​ങ്കിൽ എന്നു നിങ്ങൾ ചിന്തി​ക്കു​ന്നു​ണ്ടാ​കും. (സഭാ. 7:10) ഉദാഹ​ര​ണ​ത്തിന്‌, റൂബി സഹോ​ദരി പറയുന്നു: “ശരീരം അനക്കാ​നുള്ള ബുദ്ധി​മു​ട്ടും മറ്റു വേദന​ക​ളും കാരണം ഉടുപ്പി​ടാൻപോ​ലും വലിയ പാടാണ്‌. സോക്‌സ്‌ ഇടാൻവേണ്ടി കാലൊന്ന്‌ പൊക്കു​ന്ന​തു​പോ​ലും ഒട്ടും എളുപ്പമല്ല. സന്ധിവാ​തം കാരണം കൈക​ളി​ലെ വിരലു​ക​ളൊ​ന്നും പഴയതു​പോ​ലെ അനക്കാൻ പറ്റുന്നില്ല. അതു​കൊണ്ട്‌ ചെറിയ കാര്യ​ങ്ങൾപോ​ലും ചെയ്യാൻ ഒരുപാ​ടു സമയ​മെ​ടു​ക്കും.” മുമ്പ്‌ ബഥേലിൽ സേവി​ച്ചി​രുന്ന ഹെരോൾഡ്‌ സഹോ​ദരൻ പറയുന്നു: “പണ്ടു ചെയ്‌തി​രുന്ന ഇഷ്ടമുള്ള പല കാര്യ​ങ്ങ​ളും ചെയ്യാൻ പറ്റാതെ വരു​മ്പോൾ എനിക്ക്‌ ചില​പ്പോൾ ദേഷ്യം തോന്നാ​റുണ്ട്‌. മുമ്പ്‌ എനിക്കു നല്ല ആരോ​ഗ്യ​മു​ണ്ടാ​യി​രു​ന്നു. എനിക്ക്‌ ഇഷ്ടമുള്ള ഒരു കാര്യ​മാ​യി​രു​ന്നു സ്‌പോർട്‌സ്‌. ‘ഹെരോൾഡിന്‌ ബോൾ കൊടു​ത്തോ, അവൻ നമ്മളെ ജയിപ്പി​ച്ചോ​ളും’ എന്നു മറ്റുള്ളവർ പറയു​മാ​യി​രു​ന്നു. പക്ഷേ ഇപ്പോൾ ഒരു ബോൾ എറിയാൻപോ​ലും എന്നെ​ക്കൊണ്ട്‌ ആകു​മെന്നു തോന്നു​ന്നില്ല.”

6. (എ) പ്രായ​മാ​യ​വരെ വിഷമി​പ്പി​ച്ചേ​ക്കാ​വുന്ന മറ്റു ചില കാര്യങ്ങൾ എന്തൊ​ക്കെ​യാണ്‌? (ബി) വണ്ടി ഓടി​ക്കു​ന്നതു നിറു​ത്ത​ണോ വേണ്ടയോ എന്നു തീരു​മാ​നി​ക്കാൻ പ്രായ​മാ​യ​വരെ എന്തു സഹായി​ക്കും? (ഈ ലക്കത്തിലെ “ഞാൻ ഡ്രൈ​വിങ്‌ നിറു​ത്ത​ണോ?” എന്ന ലേഖനം കാണുക.)

⁶ പല കാര്യ​ത്തി​ലും പണ്ടുണ്ടാ​യി​രുന്ന സ്വാത​ന്ത്ര്യം കുറഞ്ഞു​വ​രു​ന്ന​തും നിങ്ങളെ വിഷമി​പ്പി​ച്ചേ​ക്കാം. പ്രത്യേ​കിച്ച്‌ നിങ്ങളു​ടെ കാര്യങ്ങൾ നോക്കാ​നാ​യി എപ്പോ​ഴും ഒരാൾ കൂടെ വേണ്ടി​വ​രു​ക​യോ മക്കളിൽ ഒരാളു​ടെ അടു​ത്തേക്കു താമസം മാറേ​ണ്ടി​വ​രു​ക​യോ ഒക്കെ ചെയ്യു​മ്പോൾ നിങ്ങൾക്ക്‌ അങ്ങനെ തോന്നി​യേ​ക്കാം. ഇനി ആരോ​ഗ്യ​വും കാഴ്‌ച​ശ​ക്തി​യും ഒക്കെ കുറഞ്ഞു​വ​രു​മ്പോൾ സ്വന്തമാ​യി എവി​ടെ​യെ​ങ്കി​ലും പോകാ​നോ വണ്ടി​യോ​ടി​ക്കാ​നോ ഒക്കെ ബുദ്ധി​മു​ട്ടു തോന്നാം. അതും മനസ്സിനെ വേദനി​പ്പി​ക്കുന്ന ഒരു കാര്യ​മാണ്‌. പക്ഷേ ഓർക്കുക: നിങ്ങൾക്ക്‌ ഒറ്റയ്‌ക്കു കാര്യങ്ങൾ ചെയ്യാൻ കഴിയു​ന്നു​ണ്ടോ, വണ്ടി ഓടി​ക്കാൻ പറ്റുന്നു​ണ്ടോ, നിങ്ങൾ ഒറ്റയ്‌ക്കാ​ണോ താമസി​ക്കു​ന്നത്‌ എന്നതൊ​ന്നു​മല്ല യഹോ​വ​യു​ടെ​യും മറ്റുള്ള​വ​രു​ടെ​യും മുമ്പാകെ നിങ്ങളെ വിലയു​ള്ള​വ​രാ​ക്കു​ന്നത്‌. യഹോ​വ​യ്‌ക്കു നിങ്ങളു​ടെ വികാ​രങ്ങൾ നന്നായി മനസ്സി​ലാ​ക്കാൻ കഴിയു​മെന്ന്‌ ഉറപ്പു​ണ്ടാ​യി​രി​ക്കുക. യഹോ​വ​യോ​ടും മറ്റുള്ള​വ​രോ​ടും ഉള്ള സ്‌നേ​ഹ​വും വിലമ​തി​പ്പും നിറഞ്ഞ നിങ്ങളു​ടെ ഹൃദയ​മാണ്‌ യഹോവ വില​യേ​റി​യ​താ​യി കാണു​ന്നത്‌.—1 ശമു. 16:7.

7. തങ്ങളുടെ ജീവി​ത​കാ​ലത്ത്‌ ഈ വ്യവസ്ഥി​തി​യു​ടെ അവസാനം കാണി​ല്ലാ​യി​രി​ക്കും എന്നോർത്ത്‌ സങ്കട​പ്പെ​ടു​ന്ന​വരെ എന്തു സഹായി​ക്കും?

⁷ നിങ്ങളു​ടെ ജീവി​ത​കാ​ലത്ത്‌ ഈ വ്യവസ്ഥി​തി അവസാ​നി​ക്കു​ന്നതു കാണാൻ പറ്റാതെ വരുമോ എന്ന ചിന്തയും നിങ്ങളെ ചില​പ്പോൾ വിഷമി​പ്പി​ക്കു​ന്നു​ണ്ടാ​കും. അങ്ങനെ തോന്നു​ന്നു​ണ്ടെ​ങ്കിൽ നിങ്ങളെ എന്തു സഹായി​ക്കും? ഈ ദുഷ്ടവ്യ​വ​സ്ഥി​തി നശിപ്പി​ക്കാ​നാ​യി യഹോ​വ​യും ക്ഷമയോ​ടെ കാത്തി​രി​ക്കു​ക​യാ​ണെന്നു നിങ്ങൾക്ക്‌ ഓർക്കാം. (യശ. 30:18) എന്തു​കൊ​ണ്ടാണ്‌ യഹോവ ക്ഷമ കാണി​ക്കു​ന്നത്‌? കാരണം അതിലൂ​ടെ ലക്ഷക്കണ​ക്കിന്‌ ആളുകൾക്കാണ്‌ യഹോ​വയെ അറിയാ​നും സേവി​ക്കാ​നും ഉള്ള അവസരം കിട്ടു​ന്നത്‌. (2 പത്രോ. 3:9) അതു​കൊണ്ട്‌ ഇനി നിരാശ തോന്നു​മ്പോൾ, യഹോവ ക്ഷമ കാണി​ക്കു​ന്ന​തി​ലൂ​ടെ അവസാ​ന​ത്തി​നു മുമ്പായി എത്രയ​ധി​കം ആളുകൾക്കാ​യി​രി​ക്കും പ്രയോ​ജനം ലഭിക്കു​ന്ന​തെന്ന്‌ ചിന്തി​ക്കുക. ആ കൂട്ടത്തിൽ നിങ്ങളു​ടെ ചില കുടും​ബാം​ഗ​ങ്ങ​ളും ഉണ്ടാകു​മോ?

8. രോഗ​മോ വേദന​യോ ഉള്ളപ്പോൾ പ്രായ​മു​ള്ളവർ മറ്റുള്ള​വ​രോട്‌ എങ്ങനെ പെരു​മാ​റി​യേ​ക്കാം?

⁸ നമ്മുടെ പ്രായം ഏതായാ​ലും, നമുക്ക്‌ അസുഖങ്ങൾ ഉള്ളപ്പോൾ പിന്നീട്‌ ഓർത്ത്‌ വിഷമി​ച്ചേ​ക്കാ​വുന്ന എന്തെങ്കി​ലും നമ്മൾ പറയാ​നോ ചെയ്യാ​നോ ഇടയുണ്ട്‌. (സഭാ. 7:7; യാക്കോ. 3:2) ഉദാഹ​ര​ണ​ത്തിന്‌, വിശ്വ​സ്‌ത​മ​നു​ഷ്യ​നാ​യി​രുന്ന ഇയ്യോബ്‌ കഷ്ടതകൾ സഹി​ക്കേ​ണ്ടി​വന്ന സമയത്ത്‌ ‘ചിന്തി​ക്കാ​തെ പലതും പറഞ്ഞു​പോ​യി.’ (ഇയ്യോ. 6:1-3) അതു​കൊണ്ട്‌ പ്രായ​മാ​യവർ രോഗം കാരണ​മോ കഴിക്കുന്ന ചില മരുന്നു​ക​ളു​ടെ ഫലമാ​യോ സാധാ​ര​ണ​യിൽനിന്ന്‌ വ്യത്യ​സ്‌ത​മായ രീതി​യിൽ പെരു​മാ​റി​യാൽ അതു മനസ്സി​ലാ​ക്കാ​വു​ന്നതേ ഉള്ളൂ. എങ്കിലും നമ്മൾ ഒരിക്ക​ലും മനഃപൂർവം നമ്മുടെ പ്രായ​ത്തി​ന്റെ​യോ രോഗ​ത്തി​ന്റെ​യോ കാരണം പറഞ്ഞ്‌ മറ്റുള്ള​വ​രോ​ടു ദയയി​ല്ലാ​തെ ഇടപെ​ടു​ക​യോ വാശി​പി​ടി​ക്കു​ക​യോ ചെയ്യില്ല. എന്നാൽ നമ്മുടെ വാക്കുകൾ ആരെ​യെ​ങ്കി​ലും വേദനി​പ്പി​ച്ചെന്നു മനസ്സി​ലാ​യാൽ ഒട്ടും മടിക്കാ​തെ ക്ഷമ ചോദി​ക്കുക.—മത്താ. 5:23, 24.

സന്തോഷം നിലനി​റു​ത്താൻ

9. നിങ്ങൾ മറ്റുള്ള​വ​രു​ടെ സഹായം സ്വീക​രി​ക്കേ​ണ്ടത്‌ എന്തു​കൊണ്ട്‌? (ചിത്ര​ങ്ങ​ളും കാണുക.)

⁹ മറ്റുള്ള​വ​രു​ടെ സഹായം സ്വീക​രി​ക്കുക. (ഗലാ. 6:2) ആദ്യ​മൊ​ക്കെ അതിൽ നിങ്ങൾക്കു ബുദ്ധി​മുട്ട്‌ തോന്നി​യേ​ക്കാം. ഗ്രറ്റൽ എന്ന സഹോ​ദരി പറയുന്നു: “മറ്റുള്ള​വ​രു​ടെ സഹായം സ്വീക​രി​ക്കാൻ എനിക്കു ചില​പ്പോൾ ബുദ്ധി​മുട്ട്‌ തോന്നാ​റുണ്ട്‌. ഞാൻ അവർക്ക്‌ ഒരു ഭാരമാ​കു​ക​യാ​ണോ എന്നാണ്‌ എന്റെ ചിന്ത. ആ ചിന്തയ്‌ക്കു മാറ്റം വരുത്താ​നും എനിക്കു മറ്റുള്ള​വ​രു​ടെ സഹായം വേണ​മെന്നു താഴ്‌മ​യോ​ടെ അംഗീ​ക​രി​ക്കാ​നും സമയ​മെ​ടു​ത്തു.” നിങ്ങൾ മറ്റുള്ള​വ​രു​ടെ സഹായം സ്വീക​രി​ക്കു​മ്പോൾ കൊടു​ക്കു​ന്ന​തി​ന്റെ സന്തോഷം അനുഭ​വി​ച്ച​റി​യാൻ നിങ്ങൾ അവർക്ക്‌ ഒരു അവസരം കൊടു​ക്കു​ക​യാണ്‌. (പ്രവൃ. 20:35) അതുമാ​ത്രമല്ല മറ്റുള്ള​വർക്കു നിങ്ങ​ളോ​ടുള്ള സ്‌നേ​ഹ​വും കരുത​ലും കാണു​മ്പോൾ അതു നിങ്ങൾക്കും സന്തോഷം തരും.

10. നന്ദി കാണി​ക്കാൻ മറക്കരു​താ​ത്തത്‌ എന്തു​കൊണ്ട്‌? (ചിത്രവും കാണുക.)

¹⁰ നന്ദി കാണി​ക്കുക. (കൊലോ. 3:15; 1 തെസ്സ. 5:18) മറ്റുള്ളവർ എന്തെങ്കി​ലും ചെയ്‌തു​ത​രു​മ്പോൾ നമുക്കു നന്ദി തോന്നാ​റുണ്ട്‌. എങ്കിലും ചില​പ്പോൾ അതു പ്രകടി​പ്പി​ക്കാൻ നമ്മൾ മറന്നു​പോ​യേ​ക്കാം. എന്നാൽ നമ്മൾ ഒന്നു ചിരി​ക്കു​ക​യും “താങ്ക്യു” പറയു​ക​യും ഒക്കെ ചെയ്യു​മ്പോൾ അവർ ചെയ്‌തതു നമ്മൾ വിലമ​തി​ക്കു​ന്നു​ണ്ടെ​ന്നും അതിൽ ഒത്തിരി നന്ദിയു​ണ്ടെ​ന്നും അവർക്കു മനസ്സി​ലാ​കും. ബഥേലി​ലെ പ്രായ​മു​ള്ള​വരെ ശുശ്രൂ​ഷി​ക്കുന്ന ലിയ പറയുന്നു: “ഞാൻ ശുശ്രൂ​ഷി​ക്കുന്ന സഹോ​ദ​രി​മാ​രിൽ ഒരാൾ എനിക്കു നന്ദി പറഞ്ഞു​കൊ​ണ്ടുള്ള ചെറിയ കുറി​പ്പു​കൾ എഴുതി​വെ​ക്കാ​റുണ്ട്‌. ആ സഹോ​ദരി ഒരുപാ​ടൊ​ന്നും അതിൽ എഴുതാ​റില്ല. എങ്കിലും സ്‌നേ​ഹം​നി​റഞ്ഞ ആ വാക്കുകൾ വായി​ക്കാൻ എനിക്ക്‌ ഒരുപാട്‌ ഇഷ്ടമാണ്‌. ഞാൻ ചെയ്യുന്ന കാര്യങ്ങൾ അവർ വളരെ​യ​ധി​കം വിലമ​തി​ക്കു​ന്നു​ണ്ടെന്നു മനസ്സി​ലാ​കു​മ്പോൾ ഒത്തിരി സന്തോഷം തോന്നും.”

11. നിങ്ങൾക്ക്‌ എങ്ങനെ മറ്റുള്ള​വരെ സഹായി​ക്കാം? (ചിത്രവും കാണുക.)

¹¹ മറ്റുള്ള​വരെ സഹായി​ക്കാൻ ശ്രമി​ക്കുക. നിങ്ങളു​ടെ സമയവും ഊർജ​വും മറ്റുള്ള​വരെ സഹായി​ക്കാ​നാ​യി ഉപയോ​ഗി​ക്കു​മ്പോൾ നിങ്ങൾ നിങ്ങളു​ടെ പ്രശ്‌ന​ങ്ങ​ളെ​ക്കു​റിച്ച്‌ അധികം ചിന്തി​ക്കില്ല. ഒരു ആഫ്രിക്കൻ പഴഞ്ചൊല്ല്‌, പ്രായ​മാ​യ​വരെ ജ്ഞാന​മൊ​ഴി​കൾ അടങ്ങിയ അനേകം പുസ്‌ത​ക​ങ്ങ​ളുള്ള ഒരു ലൈ​ബ്ര​റി​യോ​ടു താരത​മ്യ​പ്പെ​ടു​ത്തു​ന്നു. പക്ഷേ വെറുതെ അലമാ​ര​യിൽ ഇരിക്കുന്ന പുസ്‌ത​ക​ങ്ങൾക്ക്‌ എന്തെങ്കി​ലും പഠിപ്പി​ക്കാ​നോ കഥകൾ പറഞ്ഞു​കൊ​ടു​ക്കാ​നോ കഴിയില്ല. അതു​പോ​ലെ ചെറു​പ്പ​ക്കാ​രോ​ടു സംസാ​രി​ക്കാൻ നിങ്ങൾ മുൻ​കൈ​യെ​ടു​ക്കു​ന്നി​ല്ലെ​ങ്കിൽ അവർക്കു നിങ്ങളു​ടെ ജ്ഞാനത്തിൽനി​ന്നും അനുഭ​വ​പ​രി​ച​യ​ത്തിൽനി​ന്നും പഠിക്കാൻ കഴിയില്ല. അതു​കൊണ്ട്‌ അവരോ​ടു ചോദ്യ​ങ്ങൾ ചോദി​ക്കു​ക​യും അവർ സംസാ​രി​ക്കു​മ്പോൾ നന്നായി ശ്രദ്ധി​ക്കു​ക​യും ചെയ്‌തു​കൊണ്ട്‌ ചെറു​പ്പ​ക്കാ​രെ അടുത്ത​റി​യാൻ ശ്രമി​ക്കുക. യഹോ​വ​യു​ടെ നിലവാ​ര​ങ്ങൾക്കു ചേർച്ച​യിൽ ജീവി​ക്കു​ന്ന​താണ്‌ ഏറ്റവും നല്ലതെ​ന്നും ഏറ്റവും സന്തോഷം തരുന്ന​തെ​ന്നും പറയു​ന്ന​തി​ന്റെ കാരണം മനസ്സി​ലാ​ക്കാൻ അവരെ സഹായി​ക്കുക. ചെറു​പ്പ​ക്കാ​രായ നിങ്ങളു​ടെ സുഹൃ​ത്തു​ക്കളെ ബലപ്പെ​ടു​ത്താ​നും ആശ്വസി​പ്പി​ക്കാ​നും കഴിയു​മ്പോൾ അതു നിങ്ങ​ളെ​യും സന്തോ​ഷി​പ്പി​ക്കും.—സങ്കീ. 71:18.

12. യശയ്യ 46:4 അനുസ​രിച്ച്‌ പ്രായ​മാ​യ​വർക്കു​വേണ്ടി എന്തു ചെയ്യു​മെന്ന്‌ യഹോവ ഉറപ്പു തന്നിട്ടുണ്ട്‌? (ചിത്രവും കാണുക.)

¹² ശക്തിക്കാ​യി യഹോ​വ​യോ​ടു പ്രാർഥി​ക്കുക. ശാരീ​രി​ക​മാ​യും വൈകാ​രി​ക​മാ​യും നിങ്ങൾക്കു തളർച്ച തോന്നി​യേ​ക്കാം. എന്നാൽ ഓർക്കുക: യഹോവ ഒരിക്ക​ലും “ക്ഷീണി​ക്കു​ന്നില്ല, തളർന്നു​പോ​കു​ന്നില്ല.” (യശ. 40:28) തന്റെ അപാര​മായ ഊർജം യഹോവ എങ്ങനെ​യാണ്‌ ഉപയോ​ഗി​ക്കു​ന്നത്‌? ഒരുവി​ധം, പ്രായ​മായ തന്റെ വിശ്വ​സ്‌ത​ദാ​സരെ ബലപ്പെ​ടു​ത്തി​ക്കൊ​ണ്ടാണ്‌. (യശ. 40:29-31) ശരിക്കും​പ​റ​ഞ്ഞാൽ അവരെ സഹായി​ക്കും എന്നുള്ളത്‌ യഹോ​വ​യു​ടെ വാക്കാണ്‌. (യശയ്യ 46:4 വായി​ക്കുക.) ദൈവം എല്ലായ്‌പോ​ഴും തന്റെ വാക്കു പാലി​ക്കും. (യോശു. 23:14; യശ. 55:10, 11) നിങ്ങൾ പ്രാർഥി​ക്കു​മ്പോൾ യഹോ​വ​യു​ടെ സ്‌നേ​ഹ​വും പിന്തു​ണ​യും നിങ്ങൾ വ്യക്തി​പ​ര​മാ​യി അനുഭ​വി​ച്ച​റി​യും. അതു നിങ്ങൾക്ക്‌ ഒരുപാ​ടു സന്തോഷം തരും.

13. 2 കൊരി​ന്ത്യർ 4:16-18 അനുസ​രിച്ച്‌ നമ്മൾ എന്ത്‌ ഓർക്കണം? (ചിത്രവും കാണുക.)

¹³ നിങ്ങളു​ടെ സാഹച​ര്യം താത്‌കാ​ലി​ക​മാ​ണെന്ന്‌ ഓർക്കുക. ഒരു ബുദ്ധി​മുട്ട്‌ കുറച്ച്‌ നാള​ത്തേക്കേ ഉണ്ടായി​രി​ക്കു​ക​യു​ള്ളൂ എന്നു മനസ്സിൽപ്പി​ടി​ക്കു​ന്നെ​ങ്കിൽ അതു സഹിച്ചു​നിൽക്കാൻ എളുപ്പ​മാ​യി​രി​ക്കും. വാർധ​ക്യ​വും ആരോ​ഗ്യ​പ്ര​ശ്‌ന​ങ്ങ​ളും പെട്ടെ​ന്നു​തന്നെ ഇല്ലാതാ​കു​മെന്നു ബൈബിൾ നമുക്ക്‌ ഉറപ്പു തന്നിട്ടുണ്ട്‌. (ഇയ്യോ. 33:25; യശ. 33:24) അതു​കൊണ്ട്‌ നിങ്ങളു​ടെ ഏറ്റവും നല്ല നാളുകൾ പിന്നിലല്ല, മുന്നി​ലാണ്‌. അവ വരാനി​രി​ക്കു​ന്ന​തേ​യു​ള്ളൂ എന്ന്‌ ഓർക്കു​ന്നതു സന്തോ​ഷ​ത്തോ​ടെ​യി​രി​ക്കാൻ സഹായി​ക്കും. (2 കൊരി​ന്ത്യർ 4:16-18 വായി​ക്കുക.) എന്നാൽ മറ്റുള്ള​വർക്ക്‌ എങ്ങനെ​യെ​ല്ലാം പ്രായ​മാ​യ​വരെ സഹായി​ക്കാം?

മറ്റുള്ള​വർക്ക്‌ എങ്ങനെ സഹായി​ക്കാം

14. പ്രായ​മാ​യ​വരെ സന്ദർശി​ക്കു​ക​യും വിളി​ക്കു​ക​യും ചെയ്യേ​ണ്ടതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁴ പ്രായ​മായ സഹോ​ദ​ര​ങ്ങളെ പതിവാ​യി ചെന്നു​കാ​ണു​ക​യും വിളി​ക്കു​ക​യും ചെയ്യുക. (എബ്രാ. 13:16) പ്രായ​മാ​യ​വർക്ക്‌ ഒറ്റപ്പെടൽ തോന്നാ​നുള്ള സാധ്യ​ത​യുണ്ട്‌. വീടി​നു​ള്ളിൽത്തന്നെ കഴിയുന്ന കമി എന്ന സഹോ​ദരൻ പറയുന്നു: “രാവി​ലെ​മു​തൽ വൈകു​ന്നേ​രം​വരെ ഞാൻ വീട്ടിൽത്ത​ന്നെ​യാ​യ​തു​കൊണ്ട്‌ ശരിക്കും ബോറ​ടി​ക്കും. കൂട്ടി​ല​ട​യ്‌ക്ക​പ്പെട്ട പ്രായം ചെന്ന ഒരു സിംഹ​ത്തെ​പ്പോ​ലെ​യാ​ണു ഞാൻ എന്നു എനിക്കു ഇടയ്‌ക്ക്‌ തോന്നാ​റുണ്ട്‌. അപ്പോൾ വല്ലാത്ത ദേഷ്യ​വും അസ്വസ്ഥ​ത​യും എനിക്കു തോന്നും.” പ്രായ​മാ​യ​വരെ ചെന്നു​കാ​ണു​മ്പോൾ നമ്മൾ അവരെ സ്‌നേ​ഹി​ക്കു​ന്നു​ണ്ടെ​ന്നും അവർ നമുക്കു വില​പ്പെ​ട്ട​വ​രാ​ണെ​ന്നും അവർക്ക്‌ ഉറപ്പു കൊടു​ക്കു​ക​യാണ്‌. എങ്കിലും നമ്മുടെ സഭയിലെ പ്രായ​മാ​യ​വരെ ചെന്നു​കാ​ണണം എന്നോ അവരെ ഒന്നു വിളി​ക്കണം എന്നോ ചിന്തി​ച്ചിട്ട്‌ അതിനു പറ്റാ​തെ​പോയ സന്ദർഭങ്ങൾ നമു​ക്കെ​ല്ലാം ഉണ്ടായി​ട്ടു​ണ്ടാ​കും. കാരണം നമ്മളെ​ല്ലാം തിരക്കു​ള്ള​വ​രാണ്‌. അതു​കൊണ്ട്‌ പ്രായ​മാ​യ​വരെ സന്ദർശി​ക്കു​ന്ന​തു​പോ​ലെ ‘കൂടുതൽ പ്രാധാ​ന്യ​മുള്ള കാര്യങ്ങൾ ഉറപ്പു​വ​രു​ത്താൻ’ എന്തു ചെയ്യാ​നാ​കും? (ഫിലി. 1:10) അവരെ ഒന്നു വിളി​ക്കാ​നോ ഒരു മെസ്സേജ്‌ അയയ്‌ക്കാ​നോ ഓർക്കു​ന്ന​തി​നു നിങ്ങളു​ടെ കലണ്ടറിൽ ഒരു കുറിപ്പ്‌ എഴുതി​വെ​ക്കാ​നാ​യേ​ക്കും. ഇനി, പറ്റിയാൽ അവരെ ചെന്നു​കാ​ണാം എന്നു ചിന്തി​ക്കാ​തെ അതിന്‌ ഒരു നിശ്ചിത സമയം തീരു​മാ​നി​ക്കുക.

15. ചെറു​പ്പ​ക്കാർക്കും പ്രായ​മാ​യ​വർക്കും ഒരുമിച്ച്‌ എന്തൊക്കെ ചെയ്യാ​നാ​കും?

¹⁵ നിങ്ങൾ യുവ​പ്രാ​യ​ത്തി​ലുള്ള വ്യക്തി​യാ​ണെ​ങ്കിൽ പ്രായ​മാ​യ​വ​രോട്‌ എന്തു സംസാ​രി​ക്ക​ണ​മെ​ന്നോ അവരുടെ കൂടെ എന്തു ചെയ്യണ​മെ​ന്നോ ഒന്നും നിങ്ങൾക്ക്‌ അറിയി​ല്ലാ​യി​രി​ക്കും. പക്ഷേ അതെക്കു​റിച്ച്‌ ഒരുപാ​ടു ചിന്തി​ക്കേ​ണ്ട​തില്ല. നിങ്ങൾ നല്ലൊരു കൂട്ടു​കാ​ര​നോ കൂട്ടു​കാ​രി​യോ ആയിരു​ന്നാൽ മതിയാ​കും. (സുഭാ. 17:17) മീറ്റി​ങ്ങു​കൾക്കു മുമ്പോ ശേഷമോ കുറച്ച്‌ സമയ​മെ​ടുത്ത്‌ പ്രായ​മാ​യ​വ​രോ​ടു സംസാ​രി​ക്കുക. അവർക്ക്‌ ഇഷ്ടമുള്ള ബൈബിൾവാ​ക്യ​മോ ചെറു​പ്പ​കാ​ലത്തെ രസമുള്ള എന്തെങ്കി​ലും കഥകളോ ഒക്കെ ചോദി​ക്കാ​നാ​കും. ഇനി, ഒരു JW പ്രക്ഷേ​പണം ഒരുമി​ച്ചി​രുന്ന്‌ കാണാൻ നിങ്ങൾക്ക്‌ അവരെ ക്ഷണിക്കാം. അതു​പോ​ലെ അവർക്കു സ്വന്തമാ​യി ചെയ്യാൻ കഴിയാത്ത ചില കാര്യങ്ങൾ ചെയ്‌തു​കൊ​ടു​ത്തു​കൊ​ണ്ടും അവരെ സഹായി​ക്കാൻ കഴിയും. ഉദാഹ​ര​ണ​ത്തിന്‌, അവരുടെ ഇല​ക്ട്രോ​ണിക്‌ ഉപകര​ണങ്ങൾ അപ്‌ഡേറ്റ്‌ ചെയ്യാ​നോ ഏറ്റവും പുതിയ പ്രസി​ദ്ധീ​ക​ര​ണങ്ങൾ ഡൗൺലോഡ്‌ ചെയ്യാ​നോ അവർക്കു സഹായം വേണ്ടി​വ​ന്നേ​ക്കാം. ക്യാരൾ എന്ന ഒരു സഹോ​ദരി പറയുന്നു: “നിങ്ങൾക്കു ചെയ്യാൻ ഇഷ്ടമുള്ള കാര്യ​ങ്ങൾക്കൊ​ക്കെ പ്രായ​മു​ള്ള​വ​രെ​യും ക്ഷണിക്കുക. എനിക്കു പ്രായ​മു​ണ്ടെ​ങ്കി​ലും രസമുള്ള കാര്യങ്ങൾ ചെയ്യാൻ ഇപ്പോ​ഴും ഇഷ്ടമാണ്‌; ഷോപ്പി​ങ്ങിന്‌ പോകാ​നും പുറത്തു​പോ​യി ഭക്ഷണം കഴിക്കാ​നും പ്രകൃ​തി​ഭം​ഗി ആസ്വദി​ക്കാ​നും എല്ലാം.” മീരc സഹോ​ദരി പറയുന്നു: “എനിക്ക്‌ 90 വയസ്സുള്ള ഒരു കൂട്ടു​കാ​രി​യുണ്ട്‌. ഞങ്ങൾ തമ്മിൽ 57 വയസ്സ്‌ പ്രായ​വ്യ​ത്യാ​സം വരും. പക്ഷേ ഞാൻ അതു മിക്ക​പ്പോ​ഴും മറന്നു​പോ​കും. കാരണം ഞങ്ങൾ ഒരുമിച്ച്‌ ചിരി​ക്കു​ക​യും കളിക്കു​ക​യും സിനിമ കാണു​ക​യും ഒക്കെ ചെയ്യാ​റുണ്ട്‌. ഇനി എന്തെങ്കി​ലും പ്രശ്‌ന​ങ്ങ​ളു​ണ്ടാ​കു​മ്പോൾ അങ്ങോ​ട്ടു​മി​ങ്ങോ​ട്ടും ഉപദേശം ചോദി​ക്കു​ക​യും ചെയ്യും.”

16. ഡോക്ടറെ കാണാൻ പ്രായ​മാ​യ​വ​രു​ടെ കൂടെ​പ്പോ​കു​ന്നത്‌ ഒരു സഹായ​മാ​യി​രു​ന്നേ​ക്കാ​വു​ന്നത്‌ എന്തു​കൊണ്ട്‌?

¹⁶ ഡോക്ടറെ കാണാൻ അവരുടെ കൂടെ പോകുക. പ്രായ​മാ​യ​വർക്കു യാത്രാ​സൗ​ക​ര്യം ഒരുക്കി​ക്കൊ​ടു​ക്കു​ന്ന​തോ​ടൊ​പ്പം ഡോക്ടർമാ​രിൽനി​ന്നും നഴ്‌സു​മാ​രിൽനി​ന്നും അവർക്കു നല്ല പരിച​ര​ണ​വും ശ്രദ്ധയും കിട്ടു​ന്നു​ണ്ടെന്ന്‌ ഉറപ്പാ​ക്കാ​നും നിങ്ങൾക്കു കഴി​ഞ്ഞേ​ക്കും. (യശ. 1:17) ഇനി, ഡോക്ടർ പറയുന്ന കാര്യങ്ങൾ കുറി​ച്ചെ​ടു​ത്തു​കൊ​ണ്ടും പ്രായ​മാ​യ​വരെ നിങ്ങൾക്കു സഹായി​ക്കാം. പ്രായ​മായ രൂത്ത്‌ സഹോ​ദരി പറയുന്നു: “ഞാൻ ഒറ്റയ്‌ക്കു ഡോക്ടറെ കാണാൻ പോകു​മ്പോൾ മിക്ക​പ്പോ​ഴും അവർ എന്റെ പ്രശ്‌നങ്ങൾ അത്ര ഗൗരവ​മാ​യി എടുക്കാ​റില്ല. ഞാൻ എന്തെങ്കി​ലും രോഗ​വി​വരം പറയു​മ്പോൾ ചില​പ്പോൾ ഡോക്ടർമാർ പറയും: ‘അതു നിങ്ങളു​ടെ വെറും തോന്ന​ലാണ്‌.’ എന്നാൽ എന്റെ കൂടെ മറ്റാ​രെ​ങ്കി​ലും ഉണ്ടെങ്കിൽ ഡോക്ടർ ഇടപെ​ടുന്ന രീതിക്കു വലിയ വ്യത്യാ​സ​മുണ്ട്‌. എന്റെ കൂടെ വരാൻ സമയം മാറ്റി വെക്കുന്ന സഹോ​ദ​ര​ങ്ങ​ളോട്‌ എത്ര നന്ദി പറഞ്ഞാ​ലും മതിയാ​കില്ല.”

17. പ്രായ​മാ​യ​വ​രോ​ടൊ​പ്പം ശുശ്രൂ​ഷ​യിൽ ഏർപ്പെ​ടാ​നാ​കുന്ന ചില വിധങ്ങൾ ഏതൊ​ക്കെ​യാണ്‌?

¹⁷ ശുശ്രൂ​ഷ​യിൽ അവരോ​ടൊ​പ്പം പ്രവർത്തി​ക്കുക. പ്രായ​മായ ചിലർക്കു വീടു​തോ​റും പോയി സാക്ഷീ​ക​രി​ക്കാൻ ആരോ​ഗ്യ​മു​ണ്ടാ​ക​ണ​മെ​ന്നില്ല. അവരെ നിങ്ങൾക്ക്‌ എങ്ങനെ​യെ​ല്ലാം സഹായി​ക്കാം? പ്രായ​മായ ഒരു സഹോ​ദ​രി​യെ കാർട്ട്‌ സാക്ഷീ​ക​ര​ണ​ത്തിന്‌ കൂടെ കൂട്ടാ​നാ​കു​മോ? ചില​പ്പോൾ ഒരു കസേര​യൊ​ക്കെ ഇട്ടു​കൊ​ടുത്ത്‌ കാർട്ടിന്‌ അടുത്തി​രി​ക്കാൻ ആ സഹോ​ദ​രി​യെ നിങ്ങൾക്കു സഹായി​ക്കാ​നാ​കും. ഇനി, പ്രായ​മുള്ള ഒരു സഹോ​ദ​രനെ ബൈബിൾപ​ഠ​ന​ത്തി​നു കൂടെ കൂട്ടാൻ കഴിയു​മോ? ആ സഹോ​ദ​രന്റെ വീട്ടിൽവെച്ച്‌ ആ ബൈബിൾപ​ഠനം നടത്താൻ നിങ്ങൾക്കാ​കു​മോ? അതു​പോ​ലെ മൂപ്പന്മാർക്കു ചില വയൽസേ​വ​ന​യോ​ഗങ്ങൾ പ്രായ​മു​ള്ള​വ​രു​ടെ വീട്ടിൽവെച്ച്‌ നടത്തു​ന്ന​തി​നെ​ക്കു​റിച്ച്‌ ചിന്തി​ക്കാ​നാ​കും. അതാകു​മ്പോൾ അവർക്കു ശുശ്രൂ​ഷ​യിൽ പങ്കെടു​ക്കാൻ കൂടുതൽ എളുപ്പ​മാ​യി​രി​ക്കും. പ്രായ​മാ​യ​വരെ ബഹുമാ​നി​ക്കു​ന്ന​തി​നാ​യി നമ്മൾ ചെയ്യുന്ന ഓരോ ശ്രമവും വളരെ മൂല്യ​മു​ള്ള​താണ്‌.—സുഭാ. 3:27; റോമ. 12:10.

18. അടുത്ത ലേഖന​ത്തിൽ നമ്മൾ എന്തു പഠിക്കും?

¹⁸ പ്രായ​മാ​യ​വരെ യഹോവ വളരെ​യ​ധി​കം സ്‌നേ​ഹി​ക്കു​ന്നെ​ന്നും വില​പ്പെ​ട്ട​വ​രാ​യി കാണു​ന്നെ​ന്നും ഈ ലേഖന​ത്തിൽ നമ്മൾ പഠിച്ചു. സഭയി​ലുള്ള നമ്മളെ​ല്ലാ​വ​രും അവരെ അങ്ങനെ​ത​ന്നെ​യാണ്‌ കാണു​ന്നത്‌. പ്രായ​മാ​യ​വ​രു​ടെ ജീവിതം അത്ര എളുപ്പ​മുള്ള ഒന്നല്ല. എങ്കിലും യഹോ​വ​യു​ടെ സഹായ​ത്താൽ നിങ്ങൾക്കു സന്തോ​ഷ​മു​ള്ള​വ​രാ​യി​രി​ക്കാൻ കഴിയും. (സങ്കീ. 37:25) നിങ്ങളു​ടെ ഏറ്റവും നല്ല നാളുകൾ പിന്നിലല്ല, അതു വരാനി​രി​ക്കു​ന്നേ​യു​ള്ളൂ എന്ന്‌ ഓർക്കു​ന്നത്‌ എത്ര പ്രോ​ത്സാ​ഹനം തരുന്ന കാര്യ​മാണ്‌! എന്നാൽ പ്രായ​മുള്ള ഒരു കുടും​ബാം​ഗ​ത്തെ​യോ ഒരു കുട്ടി​യെ​യോ രോഗി​യായ ഒരു സുഹൃ​ത്തി​നെ​യോ പരിച​രി​ക്കു​ന്ന​വ​രു​ടെ കാര്യ​മോ? സന്തോ​ഷ​ത്തോ​ടെ​യി​രി​ക്കാൻ അവരെ എന്തു സഹായി​ക്കും? അതിന്റെ ഉത്തരം അടുത്ത ലേഖന​ത്തിൽ നമ്മൾ പഠിക്കും.