ഞാൻ ഡ്രൈ​വിങ്‌ നിറു​ത്ത​ണോ?

നിങ്ങളു​ടെ സാഹച​ര്യം ഇതാ​ണെ​ങ്കിൽ വണ്ടി ഓടി​ക്കു​ന്നതു നിറു​ത്ത​ണോ എന്നു തീരു​മാ​നി​ക്കാൻ എന്തു സഹായി​ക്കും?

ചില രാജ്യ​ങ്ങ​ളിൽ, ഒരു നിശ്ചിത പ്രായം കഴിഞ്ഞാൽ ഡോക്ട​റു​ടെ പരി​ശോ​ധ​ന​യ്‌ക്കു ശേഷമേ ഒരാൾക്കു ലൈസൻസ്‌ പുതുക്കി കിട്ടു​ക​യു​ള്ളൂ. അത്തരം രാജ്യ​ങ്ങ​ളിൽ താമസി​ക്കുന്ന ക്രിസ്‌ത്യാ​നി​കൾ ഈ നിയമങ്ങൾ അനുസ​രി​ക്കും. (റോമ. 13:1) എന്നാൽ നിങ്ങൾ താമസി​ക്കുന്ന രാജ്യത്ത്‌ ഇത്തരം നിയമങ്ങൾ ഇല്ലെങ്കിൽപ്പോ​ലും, നിങ്ങൾക്കു തുടർന്നും സുരക്ഷി​ത​മാ​യി വണ്ടി ഓടി​ക്കാൻ പറ്റുമോ എന്നു മനസ്സി​ലാ​ക്കാൻ വഴിക​ളുണ്ട്‌.

നിങ്ങളു​ടെ ഡ്രൈ​വിങ്‌ വിലയി​രു​ത്തു​ക

പ്രായ​മാ​യ​വർക്കു​വേണ്ടി പ്രവർത്തി​ക്കുന്ന ഐക്യ​നാ​ടു​ക​ളി​ലെ ഒരു സംഘടന നിർദേ​ശി​ക്കു​ന്നത്‌, പ്രായ​മായ ഒരാൾ താഴെ പറയുന്ന ചോദ്യ​ങ്ങൾ സ്വയം ചോദി​ക്കാ​നാണ്‌:

• നിങ്ങൾക്കു റോഡി​ലെ സൈൻബോർഡു​കൾ വായി​ക്കാ​നോ രാത്രി​യിൽ കാണാ​നോ ബുദ്ധി​മു​ട്ടു​ണ്ടോ?

• കണ്ണാടി​ക​ളിൽ നോക്കാ​നും ബ്ലൈൻഡ്‌ സ്‌പോ​ട്ടു​ക​ളിൽ ഉള്ളവ കാണാ​നും ആയി കഴുത്ത്‌ ആവശ്യ​ത്തി​നു തിരി​ക്കാൻ എനിക്ക്‌ പറ്റാ​തെ​വ​രു​ന്നു​ണ്ടോ?

• ആക്‌സി​ലേ​റ്റ​റിൽനിന്ന്‌ ബ്രേക്കി​ലേക്കു കാല്‌ മാറ്റു​ന്ന​തു​പോ​ലെ പെട്ടെന്നു പ്രതി​ക​രി​ക്കേ​ണ്ടി​വ​രുന്ന സാഹച​ര്യ​ങ്ങ​ളിൽ എനിക്ക്‌ അതിനു പറ്റാ​തെ​വ​രു​ന്നു​ണ്ടോ?

• മറ്റു വണ്ടിക്കാർക്കു ബുദ്ധി​മു​ട്ടു​ണ്ടാ​ക്കുന്ന രീതി​യിൽ ഞാൻ വളരെ പതു​ക്കെ​യാ​ണോ വണ്ടി ഓടി​ക്കു​ന്നത്‌?

• പല അപകട​ങ്ങ​ളിൽനി​ന്നും ഞാൻ കഷ്ടിച്ച്‌ രക്ഷപ്പെ​ടു​ക​യാ​യി​രു​ന്നോ, അല്ലെങ്കിൽ എന്തി​ലെ​ങ്കി​ലും ഒക്കെ ഇടിച്ച്‌ എന്റെ വണ്ടിയിൽ ചളുക്ക​ങ്ങ​ളും പോറ​ലു​ക​ളും ഉണ്ടോ?

• എന്റെ ഡ്രൈ​വിങ്‌ കാരണം പോലീസ്‌ എപ്പോ​ഴെ​ങ്കി​ലും എന്റെ വണ്ടി നിറു​ത്തി​ച്ചി​ട്ടു​ണ്ടോ?

• വണ്ടി ഓടി​ക്കു​ന്ന​തി​നി​ട​യിൽ ഞാൻ എപ്പോ​ഴെ​ങ്കി​ലും ഉറങ്ങി​പ്പോ​യി​ട്ടു​ണ്ടോ?

• എന്റെ ഡ്രൈ​വി​ങി​നെ ബാധി​ക്കുന്ന ഏതെങ്കി​ലും മരുന്നു​കൾ ഞാൻ ഉപയോ​ഗി​ക്കു​ന്നു​ണ്ടോ?

• ഞാൻ വണ്ടി ഓടി​ക്കു​ന്ന​തിൽ ഉത്‌ക​ണ്‌ഠ​യു​ണ്ടെന്ന്‌ എന്റെ കുടും​ബാം​ഗ​ങ്ങ​ളോ കൂട്ടു​കാ​രോ എന്നോടു പറഞ്ഞി​ട്ടു​ണ്ടോ?

ഇവയിൽ ഒന്നോ രണ്ടോ ചോദ്യ​ങ്ങൾക്ക്‌ നിങ്ങളു​ടെ ഉത്തരം ‘ഉണ്ട്‌’ എന്നാ​ണെ​ങ്കിൽ വണ്ടി ഓടി​ക്കു​ന്ന​തിൽ നിങ്ങൾ ചില പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ടി​വ​ന്നേ​ക്കാം. ഉദാഹ​ര​ണ​ത്തിന്‌, നിങ്ങൾ വണ്ടി ഓടി​ക്കു​ന്നതു കുറ​ച്ചേ​ക്കാം, പ്രത്യേ​കി​ച്ചും രാത്രി സമയങ്ങ​ളിൽ. നിങ്ങളു​ടെ ഡ്രൈ​വിങ്‌ എങ്ങനെ​യു​ണ്ടെന്നു പതിവാ​യി വിലയി​രു​ത്തുക. ഒരു കൂട്ടു​കാ​ര​നോ​ടോ കുടും​ബാം​ഗ​ത്തോ​ടോ നിങ്ങളു​ടെ ഡ്രൈ​വി​ങി​നെ​ക്കു​റിച്ച്‌ അഭി​പ്രാ​യം ചോദി​ക്കാ​നാ​കും. ഇനി ചില​പ്പോൾ കൂടുതൽ സുരക്ഷി​ത​മാ​യി വണ്ടി ഓടി​ക്കാൻ പഠിപ്പി​ക്കുന്ന ക്ലാസ്സുകൾ കൂടാ​നു​മാ​യേ​ക്കും. എങ്കിലും ഈ ചോദ്യ​ങ്ങ​ളിൽ പലതി​നും നിങ്ങളു​ടെ ഉത്തരം ‘ഉണ്ട്‌’ എന്നാ​ണെ​ങ്കിൽ വണ്ടി ഓടി​ക്കു​ന്നതു നിറു​ത്തു​ന്ന​താ​യി​രി​ക്കും നിങ്ങൾക്ക്‌ ഏറ്റവും നല്ലത്‌.a

ബൈബിൾത​ത്ത്വ​ങ്ങൾ സഹായി​ക്കും

വണ്ടി ഓടി​ക്കാ​നുള്ള കഴിവ്‌ കുറഞ്ഞു​കു​റഞ്ഞ്‌ വരുന്നതു നമ്മൾ ചില​പ്പോൾ തിരി​ച്ച​റി​യ​ണ​മെ​ന്നില്ല. അതു​പോ​ലെ ഡ്രൈ​വിങ്‌ നിറു​ത്തു​ന്ന​തി​നെ​ക്കു​റിച്ച്‌ ചിന്തി​ക്കു​ന്നതു നമ്മളെ വിഷമി​പ്പി​ക്കുന്ന ഒരു കാര്യ​വു​മാ​യി​രി​ക്കും. അതു​കൊണ്ട്‌ ഈ സാഹച​ര്യ​ത്തിൽ ശരിയാ​യി ചിന്തി​ക്കാ​നും നല്ലൊരു തീരു​മാ​ന​മെ​ടു​ക്കാ​നും സഹായി​ക്കുന്ന ബൈബിൾത​ത്ത്വ​ങ്ങൾ ഏതൊ​ക്കെ​യാണ്‌? രണ്ടെണ്ണം നോക്കാം.

എളിമ​യു​ള്ള​വ​രാ​യി​രി​ക്കുക. (സുഭാ. 11:2) പ്രായ​മാ​കു​മ്പോൾ നമ്മുടെ കാഴ്‌ച​യും കേൾവി​യും പേശി​ക​ളു​ടെ ശക്തിയും പെട്ടെന്നു പ്രതി​ക​രി​ക്കാ​നുള്ള കഴിവും ഒക്കെ കുറ​ഞ്ഞേ​ക്കാം. ഉദാഹ​ര​ണ​ത്തിന്‌, മിക്കയാ​ളു​ക​ളും പ്രായ​മാ​കു​മ്പോൾ ചില പ്രത്യേക കളിക​ളിൽ ഏർപ്പെ​ടു​ന്നതു നിറു​ത്തും. കാരണം, ഇനി പെട്ടെന്നു പരിക്കു​കൾ ഉണ്ടാ​യേ​ക്കാം എന്ന്‌ അവർ മനസ്സി​ലാ​ക്കു​ന്നു. ഇതു ഡ്രൈ​വി​ങി​ന്റെ കാര്യ​ത്തി​ലും സത്യമാണ്‌. ഒരു പ്രായ​മെ​ത്തു​മ്പോൾ സ്വന്തം സുരക്ഷയെ ഓർത്ത്‌, ഇനി വണ്ടി ഓടി​ക്കേണ്ടാ എന്ന്‌ ഒരാൾ എളിമ​യോ​ടെ തീരു​മാ​നി​ച്ചേ​ക്കാം. (സുഭാ. 22:3) അതു​പോ​ലെ തങ്ങളുടെ ഡ്രൈ​വി​ങി​നെ​ക്കു​റിച്ച്‌ മറ്റുള്ളവർ ഉത്‌കണ്‌ഠ പ്രകടി​പ്പി​ക്കു​മ്പോൾ എളിമ​യുള്ള ഒരു വ്യക്തി അതു കേൾക്കും.—2 ശമുവേൽ 21:15-17 താരത​മ്യം ചെയ്യുക.

രക്തച്ചൊ​രി​ച്ചി​ലി​ന്റെ കുറ്റം ഒഴിവാ​ക്കുക. (ആവ. 22:8) ഒരു കാർ ശ്രദ്ധിച്ച്‌ ഉപയോ​ഗി​ച്ചി​ല്ലെ​ങ്കിൽ അത്‌ അപകടങ്ങൾ ഉണ്ടാക്കുന്ന ഒരു ആയുധ​മാ​യി മാറി​യേ​ക്കാം. വാഹനം ഓടി​ക്കാ​നുള്ള കഴിവു​കൾ കുറഞ്ഞി​ട്ടും ഒരാൾ അതിൽ തുടരു​ന്നെ​ങ്കിൽ സ്വന്തം ജീവനും മറ്റുള്ള​വ​രു​ടെ ജീവനും അദ്ദേഹം അപകട​ത്തി​ലാ​ക്കു​ക​യാ​യി​രി​ക്കും. ഇനി ആരു​ടെ​യെ​ങ്കി​ലും മരണത്തി​നു കാരണ​മാ​കുന്ന ഒരു അപകടം ഉണ്ടാകു​ന്നെ​ങ്കിൽ അദ്ദേഹ​ത്തി​ന്റെ മേൽ രക്തം ചൊരി​ഞ്ഞ​തി​ന്റെ കുറ്റവും വന്നേക്കാം.

വണ്ടി ഓടി​ക്കു​ന്നതു നിറു​ത്തി​യാൽപ്പി​ന്നെ മറ്റുള്ളവർ നിങ്ങളെ ബഹുമാ​നി​ക്കില്ല എന്നൊ​ന്നും ചിന്തി​ക്കേ​ണ്ട​തില്ല. യഹോവ നിങ്ങളെ സ്‌നേ​ഹി​ക്കു​ന്നുണ്ട്‌. താഴ്‌മ​യും എളിമ​യും പോലുള്ള നിങ്ങളു​ടെ ഗുണങ്ങ​ളും മറ്റുള്ള​വ​രെ​ക്കു​റി​ച്ചുള്ള ചിന്തയും എല്ലാം ദൈവം വിലമ​തി​ക്കു​ന്നു. യഹോവ നിങ്ങൾക്കു​വേണ്ടി കരുതും, നിങ്ങളെ ആശ്വസി​പ്പി​ക്കും. (യശ. 46:4) യഹോവ നിങ്ങളെ ഒരിക്ക​ലും ഉപേക്ഷി​ക്കില്ല. അതു​കൊണ്ട്‌ ഡ്രൈ​വിങ്‌ നിറു​ത്ത​ണോ എന്ന ആലോ​ച​ന​യി​ലാണ്‌ നിങ്ങൾ എങ്കിൽ, പ്രാ​യോ​ഗി​ക​മാ​യി ചിന്തിച്ച്‌ ബൈബിൾത​ത്ത്വ​ങ്ങൾക്കു ചേർച്ച​യിൽ ഒരു തീരു​മാ​ന​മെ​ടു​ക്കാൻ സഹായി​ക്കണേ എന്നു ദൈവ​ത്തോ​ടു പ്രാർഥി​ക്കുക.